| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
9. பரிஸாஸுத்தவண்ணனா
9. Parisāsuttavaṇṇanā
69. நவமே (தீ³॰ நி॰ டீ॰ 2.172) ஸமாக³ந்தப்³ப³தோ, ஸமாக³ச்ச²தீதி வா ஸமாக³மோ, பரிஸா. பி³ம்பி³ஸாரப்பமுகோ² ஸமாக³மோ பி³ம்பி³ஸாரஸமாக³மோ. ஸேஸத்³வயேபி ஏஸேவ நயோ. பி³ம்பி³ஸார…பே॰… ஸமாக³மஸதி³ஸங் க²த்தியபரிஸந்தி யோஜனா. அஞ்ஞேஸு சக்கவாளேஸுபி லப்³ப⁴தேவ ஸத்து² க²த்தியபரிஸாதி³உபஸங்கமனங். ஆதி³தோ தேஹி ஸத்³தி⁴ங் ஸத்து² பா⁴ஸனங் ஆலாபோ, கத²னப்படிகத²னங் ஸல்லாபோ. த⁴ம்மூபஸங்ஹிதா புச்சா²படிபுச்சா² த⁴ம்மஸாகச்சா². ஸண்டா²னங் படிச்ச கதி²தங் ஸண்டா²னபரியாயத்தா வண்ண-ஸத்³த³ஸ்ஸ ‘‘மஹந்தங் ஹத்தி²ராஜவண்ணங் அபி⁴னிம்மினித்வா’’திஆதீ³ஸு (ஸங்॰ நி॰ 1.138) விய. தேஸந்தி பத³ங் உப⁴யபதா³பெக்க²ங் ‘‘தேஸம்பி லக்க²ணஸண்டா²னங் விய ஸத்து² ஸரீரஸண்டா²னங் தேஸங் கேவலங் பஞ்ஞாயதி ஏவா’’தி. நாபி ஆமுத்தமணிகுண்ட³லோ ப⁴க³வா ஹோதீதி யோஜனா. சி²ன்னஸ்ஸராதி த்³விதா⁴ பி⁴ன்னஸ்ஸரா. க³க்³க³ரஸ்ஸராதி ஜஜ்ஜரிதஸ்ஸரா. பா⁴ஸந்தரந்தி தேஸங் ஸத்தானங் பா⁴ஸாதோ அஞ்ஞங் பா⁴ஸங். வீமங்ஸாதி சிந்தனா. கிமத்த²ங்…பே॰… தே³ஸேதீதி இத³ங் நனு அத்தானங் ஜானாபெத்வா த⁴ம்மே கதி²தே தேஸங் ஸாதிஸயோ பஸாதோ³ ஹோதீதி இமினா அதி⁴ப்பாயேன வுத்தங்? யேஸங் அத்தானங் அஜானாபெத்வாவ த⁴ம்மே கதி²தே பஸாதோ³ ஹோதி, ந ஜானாபெத்வா, தாதி³ஸே ஸந்தா⁴ய ஸத்தா² ததா² கரோதி. தத்த² பயோஜனமாஹ ‘‘வாஸனத்தா²யா’’தி. ஏவங் ஸுதோபீதி ஏவங் அவிஞ்ஞாததே³ஸகோ அவிஞ்ஞாதாக³மனோபி ஸுதோ த⁴ம்மோ அத்தனோ த⁴ம்மஸுத⁴ம்மதாயேவ அனாக³தே பச்சயோ ஹோதி ஸுணந்தஸ்ஸ.
69. Navame (dī. ni. ṭī. 2.172) samāgantabbato, samāgacchatīti vā samāgamo, parisā. Bimbisārappamukho samāgamo bimbisārasamāgamo. Sesadvayepi eseva nayo. Bimbisāra…pe… samāgamasadisaṃ khattiyaparisanti yojanā. Aññesu cakkavāḷesupi labbhateva satthu khattiyaparisādiupasaṅkamanaṃ. Ādito tehi saddhiṃ satthu bhāsanaṃ ālāpo, kathanappaṭikathanaṃ sallāpo. Dhammūpasaṃhitā pucchāpaṭipucchā dhammasākacchā. Saṇṭhānaṃ paṭicca kathitaṃ saṇṭhānapariyāyattā vaṇṇa-saddassa ‘‘mahantaṃ hatthirājavaṇṇaṃ abhinimminitvā’’tiādīsu (saṃ. ni. 1.138) viya. Tesanti padaṃ ubhayapadāpekkhaṃ ‘‘tesampi lakkhaṇasaṇṭhānaṃ viya satthu sarīrasaṇṭhānaṃ tesaṃ kevalaṃ paññāyati evā’’ti. Nāpi āmuttamaṇikuṇḍalo bhagavā hotīti yojanā. Chinnassarāti dvidhā bhinnassarā. Gaggarassarāti jajjaritassarā. Bhāsantaranti tesaṃ sattānaṃ bhāsāto aññaṃ bhāsaṃ. Vīmaṃsāti cintanā. Kimatthaṃ…pe… desetīti idaṃ nanu attānaṃ jānāpetvā dhamme kathite tesaṃ sātisayo pasādo hotīti iminā adhippāyena vuttaṃ? Yesaṃ attānaṃ ajānāpetvāva dhamme kathite pasādo hoti, na jānāpetvā, tādise sandhāya satthā tathā karoti. Tattha payojanamāha ‘‘vāsanatthāyā’’ti. Evaṃ sutopīti evaṃ aviññātadesako aviññātāgamanopi suto dhammo attano dhammasudhammatāyeva anāgate paccayo hoti suṇantassa.
பரிஸாஸுத்தவண்ணனா நிட்டி²தா.
Parisāsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. பரிஸாஸுத்தங் • 9. Parisāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 9. பரிஸாஸுத்தவண்ணனா • 9. Parisāsuttavaṇṇanā
