| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. барисаасуд̇д̇аван̣н̣анаа
9. Parisāsuttavaṇṇanā
69. навамз кад̇д̇ияабарисаад̇и кад̇д̇ияаанам̣ барисаанам̣ саннибаад̇о самааг̇амо. зса наяо саб̣б̣ад̇т̇а. анзгасад̇ам̣ кад̇д̇ияабарисанд̇и б̣имб̣исаарасамааг̇ама-н̃аад̇исамааг̇ама-лижчависамааг̇амаад̣̇исад̣̇исам̣, ан̃н̃зсу жаггаваал̣зсуби лаб̣бхад̇зва. саллабид̇абуб̣б̣анд̇и аалаабасаллаабо гад̇абуб̣б̣о. саагажчаад̇и д̇хаммасаагажчааби самаабаж̇ж̇ид̇абуб̣б̣аа. яаад̣̇исаго д̇зсам̣ ван̣н̣од̇и д̇з од̣̇аад̇ааби хонд̇и гаал̣ааби ман̇г̇уражчавийби, сад̇т̇аа суван̣н̣аван̣н̣о. ид̣̇ам̣ бана сан̣таанам̣ бадижжа гат̇ид̇ам̣. сан̣таанамби жа гзвалам̣ д̇зсам̣ бан̃н̃ааяад̇иязва. на бана бхаг̇аваа милагкасад̣̇исо ход̇и, нааби аамуд̇д̇аман̣игун̣д̣ало, б̣уд̣̇д̇хавзсзнзва нисийд̣̇ад̇и. д̇зби ад̇д̇ано самаанасан̣таанамзва бассанд̇и. яаад̣̇исаго д̇зсам̣ сарод̇и д̇з чиннассарааби хонд̇и г̇аг̇г̇ассарааби гаагассарааби, сад̇т̇аа б̣рахмассарова. ид̣̇ам̣ бана бхаасанд̇арам̣ санд̇хааяа гат̇ид̇ам̣. сажзби хи сад̇т̇аа рааж̇аасанз нисинно гат̇зд̇и, ‘‘аж̇ж̇а рааж̇аа мад̇хурзна гат̇зд̇ий’’д̇и нзсам̣ ход̇и. гат̇зд̇ваа багганд̇з бана бхаг̇авад̇и буна рааж̇аанам̣ ааг̇ад̇ам̣ д̣̇исваа ‘‘го ну ко аяа’’нд̇и виймам̣саа уббаж̇ж̇ад̇и. д̇ад̇т̇а го ну ко аяанд̇и ‘‘имасмим̣ таанз ид̣̇аанзва мааг̇ад̇хабхаасааяа сийхал̣абхаасааяа мад̇хурзна аагаарзна гат̇знд̇о го ну ко аяам̣ анд̇арахид̇о, гим̣ д̣̇зво уд̣̇ааху мануссо’’д̇и звам̣ виймам̣санд̇ааби на ж̇аананд̇ийд̇и ад̇т̇о. гимад̇т̇ам̣ банзвам̣ аж̇аананд̇аанам̣ д̇хаммам̣ д̣̇зсзд̇ийд̇и? ваасанад̇т̇ааяа. звам̣ суд̇оби хи д̇хаммо анааг̇ад̇з бажжаяо ход̇ийд̇и анааг̇ад̇ам̣ бадижжа д̣̇зсзд̇и. анзгасад̇ам̣ б̣раахман̣абарисанд̇иаад̣̇инам̣ сон̣ад̣̇ан̣д̣асамааг̇амаад̣̇ивасзна жзва ан̃н̃ажаггаваал̣авасзна жа самбхаво взд̣̇ид̇аб̣б̣о.
69. Navame khattiyaparisāti khattiyānaṃ parisānaṃ sannipāto samāgamo. Esa nayo sabbattha. Anekasataṃ khattiyaparisanti bimbisārasamāgama-ñātisamāgama-licchavisamāgamādisadisaṃ, aññesu cakkavāḷesupi labbhateva. Sallapitapubbanti ālāpasallāpo katapubbo. Sākacchāti dhammasākacchāpi samāpajjitapubbā. Yādisako tesaṃ vaṇṇoti te odātāpi honti kāḷāpi maṅguracchavīpi, satthā suvaṇṇavaṇṇo. Idaṃ pana saṇṭhānaṃ paṭicca kathitaṃ. Saṇṭhānampi ca kevalaṃ tesaṃ paññāyatiyeva. Na pana bhagavā milakkhasadiso hoti, nāpi āmuttamaṇikuṇḍalo, buddhaveseneva nisīdati. Tepi attano samānasaṇṭhānameva passanti. Yādisako tesaṃ saroti te chinnassarāpi honti gaggassarāpi kākassarāpi, satthā brahmassarova. Idaṃ pana bhāsantaraṃ sandhāya kathitaṃ. Sacepi hi satthā rājāsane nisinno katheti, ‘‘ajja rājā madhurena kathetī’’ti nesaṃ hoti. Kathetvā pakkante pana bhagavati puna rājānaṃ āgataṃ disvā ‘‘ko nu kho aya’’nti vīmaṃsā uppajjati. Tattha ko nu kho ayanti ‘‘imasmiṃ ṭhāne idāneva māgadhabhāsāya sīhaḷabhāsāya madhurena ākārena kathento ko nu kho ayaṃ antarahito, kiṃ devo udāhu manusso’’ti evaṃ vīmaṃsantāpi na jānantīti attho. Kimatthaṃ panevaṃ ajānantānaṃ dhammaṃ desetīti? Vāsanatthāya. Evaṃ sutopi hi dhammo anāgate paccayo hotīti anāgataṃ paṭicca deseti. Anekasataṃ brāhmaṇaparisantiādinaṃ soṇadaṇḍasamāgamādivasena ceva aññacakkavāḷavasena ca sambhavo veditabbo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. барисаасуд̇д̇ам̣ • 9. Parisāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. барисаасуд̇д̇аван̣н̣анаа • 9. Parisāsuttavaṇṇanā
