| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
4. барисаасуд̇д̇аван̣н̣анаа
4. Parisāsuttavaṇṇanā
96. жад̇уд̇т̇з бажжаяаб̣аахуллигаад̇и жийвараад̣̇иб̣аахуллааяа бадибаннаа. авийд̇ад̇ан̣хад̇ааяа хи д̇ам̣ д̇ам̣ баригкаараж̇аад̇ам̣ б̣ахум̣ ланд̇и аад̣̇ияанд̇ийд̇и б̣ахулаа, д̇з зва б̣аахулигаа яат̇аа ‘‘взнаяиго’’д̇и (ма. ни. 1.246; а. ни. 8.11; баараа. 8). д̇з бажжаяаб̣аахуллааяа яуд̇д̇аббаяуд̇д̇аа хонд̇ийд̇и жийвараад̣̇иб̣аахуллааяа бадибаннаа наама хонд̇и. сигкааяа аг̇ааравабхаавад̇о сит̇илам̣ аг̇аал̣хам̣ г̇ан̣ханд̇ийд̇и саат̇алигаа. сит̇иланд̇и жа бхааванабум̣саганид̣̇д̣̇зсо. сит̇иласад̣̇д̣̇зна самаанад̇т̇асса сат̇аласад̣̇д̣̇асса васзна саат̇алигаад̇и бад̣̇асид̣̇д̇хи взд̣̇ид̇аб̣б̣аа. аваг̇аманадтзнаад̇и ад̇хог̇аманадтзна, орамбхааг̇ияабхаавзнаад̇и ад̇т̇о. нигкид̇д̇ад̇хураад̇и оробид̇ад̇хураа уж̇ж̇ид̇уссаахаа. убад̇хививзго ниб̣б̣аанам̣. д̣̇увид̇хамби вийрияанд̇и гааяигам̣ жзд̇асиган̃жа вийрияам̣.
96. Catutthe paccayabāhullikāti cīvarādibāhullāya paṭipannā. Avītataṇhatāya hi taṃ taṃ parikkhārajātaṃ bahuṃ lanti ādiyantīti bahulā, te eva bāhulikā yathā ‘‘venayiko’’ti (ma. ni. 1.246; a. ni. 8.11; pārā. 8). Te paccayabāhullāya yuttappayuttā hontīti cīvarādibāhullāya paṭipannā nāma honti. Sikkhāya agāravabhāvato sithilaṃ agāḷhaṃ gaṇhantīti sāthalikā. Sithilanti ca bhāvanapuṃsakaniddeso. Sithilasaddena samānatthassa sathalasaddassa vasena sāthalikāti padasiddhi veditabbā. Avagamanaṭṭhenāti adhogamanaṭṭhena, orambhāgiyabhāvenāti attho. Nikkhittadhurāti oropitadhurā ujjitussāhā. Upadhiviveko nibbānaṃ. Duvidhampi vīriyanti kāyikaṃ cetasikañca vīriyaṃ.
бхан̣д̣анам̣ ж̇аад̇ам̣ зд̇зсанд̇и бхан̣д̣анаж̇аад̇аа. висзсанасса баранибаад̇авасзна жзд̇ам̣ вуд̇д̇ам̣. адтагат̇ааяам̣ бана висзсанасса буб̣б̣анибаад̇авасзнзва ад̇т̇ам̣ д̣̇ассзнд̇о ‘‘ж̇аад̇абхан̣д̣анаа’’д̇и ааха. галахо ж̇аад̇о зд̇зсанд̇и галахаж̇аад̇аад̇и зд̇т̇ааби зсзва наяо. галахасса буб̣б̣абхааг̇од̇и галахасса хзд̇убхууд̇аа бадибхааг̇аа д̇ам̣сад̣̇исий жа анидтагирияаа. хад̇т̇абараамаасаад̣̇ивасзнаад̇и гуж̇жхид̇ваа ан̃н̃аман̃н̃асса хад̇т̇з г̇ахзд̇ваа балабанаажчинд̣̇анаад̣̇ивасзна. ‘‘аяам̣ д̇хаммо, нааяам̣ д̇хаммо’’д̇иаад̣̇инаа вируд̣̇д̇хаваад̣̇абхууд̇ам̣ виваад̣̇ам̣ аабаннаад̇и виваад̣̇абаннаа. д̇знааха ‘‘вируд̣̇д̇хаваад̣̇ам̣ аабаннаа’’д̇и. мукасанниссид̇ад̇ааяа ваажаа ид̇ха ‘‘мука’’нд̇и ад̇хиббзд̇аад̇и ааха ‘‘парусаа ваажаа мукасад̇д̇ияо’’д̇и.
Bhaṇḍanaṃ jātaṃ etesanti bhaṇḍanajātā. Visesanassa paranipātavasena cetaṃ vuttaṃ. Aṭṭhakathāyaṃ pana visesanassa pubbanipātavaseneva atthaṃ dassento ‘‘jātabhaṇḍanā’’ti āha. Kalaho jāto etesanti kalahajātāti etthāpi eseva nayo. Kalahassa pubbabhāgoti kalahassa hetubhūtā paṭibhāgā taṃsadisī ca aniṭṭhakiriyā. Hatthaparāmāsādivasenāti kujjhitvā aññamaññassa hatthe gahetvā palapanaacchindanādivasena. ‘‘Ayaṃ dhammo, nāyaṃ dhammo’’tiādinā viruddhavādabhūtaṃ vivādaṃ āpannāti vivādapannā. Tenāha ‘‘viruddhavādaṃ āpannā’’ti. Mukhasannissitatāya vācā idha ‘‘mukha’’nti adhippetāti āha ‘‘pharusā vācā mukhasattiyo’’ti.
сад̇иби убхаязсам̣ галаабаанам̣ барамад̇т̇ад̇о бхзд̣̇з бажураж̇анзхи бана д̣̇увин̃н̃зяяанаанад̇д̇ам̣ кийрод̣̇агасаммод̣̇ид̇ам̣ ажжанд̇амзд̇ам̣ сам̣садтам̣ вияа худ̇ваа д̇идтад̇ийд̇и ааха ‘‘кийрод̣̇агам̣ вияа бхууд̇аа’’д̇и. яат̇аа кийран̃жа уд̣̇аган̃жа ан̃н̃аман̃н̃ам̣ сам̣санд̣̇ад̇и, висум̣ на ход̇и, згад̇д̇ам̣ вияа убзд̇и, звам̣ саамаг̇г̇ивасзна згад̇д̇уубаг̇ад̇ажид̇д̇уббаад̣̇аад̇и ад̇т̇о. мзд̇д̇ажид̇д̇ам̣ бажжубадтаабзд̇ваа ологанам̣ жагкууни вияа жагкууни наамаад̇и ааха ‘‘убасанд̇зхи мзд̇д̇ажагкуухий’’д̇и. бияабхаавад̣̇ийбагаани хи жагкууни бияажагкууни. бамуд̣̇ид̇асса бийд̇и ж̇ааяад̇ийд̇и бамод̣̇абажжаяаб̣алавабийд̇имааха. бан̃жаван̣н̣аа бийд̇и уббаж̇ж̇ад̇ийд̇и куд̣̇д̣̇игаад̣̇ибхзд̣̇зна бан̃жаббагаараа бийд̇и уббаж̇ж̇ад̇и. бийд̇иманассаад̇и д̇ааяа бийд̇ияаа бийн̣ид̇аманасса, бассад̣̇д̇хиаавахзхи ул̣аарзхи бийд̇ивзг̇зхи д̇инд̇ажид̇д̇ассаад̇и ад̇т̇о. виг̇ад̇ад̣̇арат̇од̇и гилзсабарил̣аахаанам̣ д̣̇уурийбхаавзна вуубасанд̇ад̣̇арат̇о.
Satipi ubhayesaṃ kalāpānaṃ paramatthato bhede pacurajanehi pana duviññeyyanānattaṃ khīrodakasammoditaṃ accantametaṃ saṃsaṭṭhaṃ viya hutvā tiṭṭhatīti āha ‘‘khīrodakaṃ viya bhūtā’’ti. Yathā khīrañca udakañca aññamaññaṃ saṃsandati, visuṃ na hoti, ekattaṃ viya upeti, evaṃ sāmaggivasena ekattūpagatacittuppādāti attho. Mettacittaṃ paccupaṭṭhāpetvā olokanaṃ cakkhūni viya cakkhūni nāmāti āha ‘‘upasantehi mettacakkhūhī’’ti. Piyabhāvadīpakāni hi cakkhūni piyacakkhūni. Pamuditassa pīti jāyatīti pamodapaccayabalavapītimāha. Pañcavaṇṇā pīti uppajjatīti khuddikādibhedena pañcappakārā pīti uppajjati. Pītimanassāti tāya pītiyā pīṇitamanassa, passaddhiāvahehi uḷārehi pītivegehi tintacittassāti attho. Vigatadarathoti kilesapariḷāhānaṃ dūrībhāvena vūpasantadaratho.
гзна уд̣̇агзна д̣̇аарид̇о баб̣б̣ад̇аббад̣̇зсод̇и гад̇ваа ааха ‘‘ганд̣̇аро наамаа’’д̇иаад̣̇и. уд̣̇агасса яат̇ааниннам̣ бавад̇д̇ияаа над̣̇иниб̣б̣ад̇д̇анабхаавзна ‘‘над̣̇игун̃ж̇о’’д̇иби вужжад̇и. сааваддаа над̣̇ияо бад̣̇араа. адта маасзд̇и хзманд̇аг̇имхауд̇увасзна адта маасз. куд̣̇д̣̇агаа уд̣̇агаваахинияо саакаа вияаад̇и саакаа. куд̣̇д̣̇агасоб̣бхаа гусуб̣бхаа огаарасса угаарам̣ гад̇ваа. яад̇т̇а убари уннад̇аббад̣̇зсад̇о уд̣̇агам̣ ааг̇анд̇ваа д̇идтад̇и жзва санд̣̇ад̇и жа, д̇з гусуб̣бхаа куд̣̇д̣̇агаааваадаа. куд̣̇д̣̇аганад̣̇ияод̇и баб̣б̣ад̇абаад̣̇аад̣̇ид̇о нигканд̇аа куд̣̇д̣̇агаа над̣̇ияо.
Kena udakena dārito pabbatappadesoti katvā āha ‘‘kandaro nāmā’’tiādi. Udakassa yathāninnaṃ pavattiyā nadinibbattanabhāvena ‘‘nadikuñjo’’tipi vuccati. Sāvaṭṭā nadiyo padarā. Aṭṭha māseti hemantagimhautuvasena aṭṭha māse. Khuddakā udakavāhiniyo sākhā viyāti sākhā. Khuddakasobbhā kusubbhā okārassa ukāraṃ katvā. Yattha upari unnatappadesato udakaṃ āgantvā tiṭṭhati ceva sandati ca, te kusubbhā khuddakaāvāṭā. Khuddakanadiyoti pabbatapādādito nikkhantā khuddakā nadiyo.
барисаасуд̇д̇аван̣н̣анаа нидтид̇аа.
Parisāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. барисаасуд̇д̇ам̣ • 4. Parisāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. барисаасуд̇д̇аван̣н̣анаа • 4. Parisāsuttavaṇṇanā
