| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
9. барисаасуд̇д̇аван̣н̣анаа
9. Parisāsuttavaṇṇanā
69. навамз (д̣̇ий. ни. дий. 2.172) самааг̇анд̇аб̣б̣ад̇о, самааг̇ажчад̇ийд̇и ваа самааг̇амо, барисаа. б̣имб̣исаараббамуко самааг̇амо б̣имб̣исаарасамааг̇амо. сзсад̣̇ваязби зсзва наяо. б̣имб̣исаара…бз… самааг̇амасад̣̇исам̣ кад̇д̇ияабарисанд̇и яож̇анаа. ан̃н̃зсу жаггаваал̣зсуби лаб̣бхад̇зва сад̇т̇у кад̇д̇ияабарисаад̣̇иубасан̇гаманам̣. аад̣̇ид̇о д̇зхи сад̣̇д̇хим̣ сад̇т̇у бхаасанам̣ аалаабо, гат̇анаббадигат̇анам̣ саллаабо. д̇хаммуубасам̣хид̇аа бужчаабадибужчаа д̇хаммасаагажчаа. сан̣таанам̣ бадижжа гат̇ид̇ам̣ сан̣таанабарияааяад̇д̇аа ван̣н̣а-сад̣̇д̣̇асса ‘‘маханд̇ам̣ хад̇т̇ирааж̇аван̣н̣ам̣ абхинимминид̇ваа’’д̇иаад̣̇ийсу (сам̣. ни. 1.138) вияа. д̇зсанд̇и бад̣̇ам̣ убхаяабад̣̇аабзгкам̣ ‘‘д̇зсамби лагкан̣асан̣таанам̣ вияа сад̇т̇у сарийрасан̣таанам̣ д̇зсам̣ гзвалам̣ бан̃н̃ааяад̇и зваа’’д̇и. нааби аамуд̇д̇аман̣игун̣д̣ало бхаг̇аваа ход̇ийд̇и яож̇анаа. чиннассараад̇и д̣̇вид̇хаа бхиннассараа. г̇аг̇г̇арассараад̇и ж̇аж̇ж̇арид̇ассараа. бхаасанд̇аранд̇и д̇зсам̣ сад̇д̇аанам̣ бхаасаад̇о ан̃н̃ам̣ бхаасам̣. виймам̣саад̇и жинд̇анаа. гимад̇т̇ам̣…бз… д̣̇зсзд̇ийд̇и ид̣̇ам̣ нану ад̇д̇аанам̣ ж̇аанаабзд̇ваа д̇хаммз гат̇ид̇з д̇зсам̣ саад̇исаяо басаад̣̇о ход̇ийд̇и иминаа ад̇хиббааязна вуд̇д̇ам̣? язсам̣ ад̇д̇аанам̣ аж̇аанаабзд̇ваава д̇хаммз гат̇ид̇з басаад̣̇о ход̇и, на ж̇аанаабзд̇ваа, д̇аад̣̇исз санд̇хааяа сад̇т̇аа д̇ат̇аа гарод̇и. д̇ад̇т̇а баяож̇анамааха ‘‘ваасанад̇т̇ааяаа’’д̇и. звам̣ суд̇обийд̇и звам̣ авин̃н̃аад̇ад̣̇зсаго авин̃н̃аад̇ааг̇аманоби суд̇о д̇хаммо ад̇д̇ано д̇хаммасуд̇хаммад̇ааязва анааг̇ад̇з бажжаяо ход̇и сун̣анд̇асса.
69. Navame (dī. ni. ṭī. 2.172) samāgantabbato, samāgacchatīti vā samāgamo, parisā. Bimbisārappamukho samāgamo bimbisārasamāgamo. Sesadvayepi eseva nayo. Bimbisāra…pe… samāgamasadisaṃ khattiyaparisanti yojanā. Aññesu cakkavāḷesupi labbhateva satthu khattiyaparisādiupasaṅkamanaṃ. Ādito tehi saddhiṃ satthu bhāsanaṃ ālāpo, kathanappaṭikathanaṃ sallāpo. Dhammūpasaṃhitā pucchāpaṭipucchā dhammasākacchā. Saṇṭhānaṃ paṭicca kathitaṃ saṇṭhānapariyāyattā vaṇṇa-saddassa ‘‘mahantaṃ hatthirājavaṇṇaṃ abhinimminitvā’’tiādīsu (saṃ. ni. 1.138) viya. Tesanti padaṃ ubhayapadāpekkhaṃ ‘‘tesampi lakkhaṇasaṇṭhānaṃ viya satthu sarīrasaṇṭhānaṃ tesaṃ kevalaṃ paññāyati evā’’ti. Nāpi āmuttamaṇikuṇḍalo bhagavā hotīti yojanā. Chinnassarāti dvidhā bhinnassarā. Gaggarassarāti jajjaritassarā. Bhāsantaranti tesaṃ sattānaṃ bhāsāto aññaṃ bhāsaṃ. Vīmaṃsāti cintanā. Kimatthaṃ…pe… desetīti idaṃ nanu attānaṃ jānāpetvā dhamme kathite tesaṃ sātisayo pasādo hotīti iminā adhippāyena vuttaṃ? Yesaṃ attānaṃ ajānāpetvāva dhamme kathite pasādo hoti, na jānāpetvā, tādise sandhāya satthā tathā karoti. Tattha payojanamāha ‘‘vāsanatthāyā’’ti. Evaṃ sutopīti evaṃ aviññātadesako aviññātāgamanopi suto dhammo attano dhammasudhammatāyeva anāgate paccayo hoti suṇantassa.
барисаасуд̇д̇аван̣н̣анаа нидтид̇аа.
Parisāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. барисаасуд̇д̇ам̣ • 9. Parisāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. барисаасуд̇д̇аван̣н̣анаа • 9. Parisāsuttavaṇṇanā
