| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੪. ਪਰਿਸਾਸੁਤ੍ਤવਣ੍ਣਨਾ
4. Parisāsuttavaṇṇanā
੯੬. ਚਤੁਤ੍ਥੇ ਨ ਬਾਹੁਲਿਕਾ ਹੋਨ੍ਤੀਤਿ ਪਚ੍ਚਯਬਾਹੁਲ੍ਲਿਕਾ ਨ ਹੋਨ੍ਤਿ। ਨ ਸਾਥਲਿਕਾਤਿ ਤਿਸ੍ਸੋ ਸਿਕ੍ਖਾ ਸਿਥਿਲਂ ਕਤ੍વਾ ਨ ਗਣ੍ਹਨ੍ਤਿ। ਓਕ੍ਕਮਨੇ ਨਿਕ੍ਖਿਤ੍ਤਧੁਰਾਤਿ ਓਕ੍ਕਮਨਂ વੁਚ੍ਚਤਿ ਅવਗਮਨਟ੍ਠੇਨ ਪਞ੍ਚ ਨੀવਰਣਾਨਿ, ਤੇਸੁ ਨਿਕ੍ਖਿਤ੍ਤਧੁਰਾ। ਪવਿવੇਕੇ ਪੁਬ੍ਬਙ੍ਗਮਾਤਿ ਕਾਯਚਿਤ੍ਤਉਪਧਿવਿવੇਕਸਙ੍ਖਾਤੇ ਤਿવਿਧੇਪਿ વਿવੇਕੇ ਪੁਬ੍ਬਙ੍ਗਮਾ। વੀਰਿਯਂ ਆਰਭਨ੍ਤੀਤਿ ਦੁવਿਧਮ੍ਪਿ વੀਰਿਯਂ ਪਗ੍ਗਣ੍ਹਨ੍ਤਿ। ਅਪ੍ਪਤ੍ਤਸ੍ਸਾਤਿ ਝਾਨવਿਪਸ੍ਸਨਾਮਗ੍ਗਫਲਸਙ੍ਖਾਤਸ੍ਸ ਅਪ੍ਪਤ੍ਤવਿਸੇਸਸ੍ਸ। ਸੇਸਪਦਦ੍વਯੇਪਿ ਏਸੇવ ਨਯੋ। ਪਚ੍ਛਿਮਾ ਜਨਤਾਤਿ ਸਦ੍ਧਿવਿਹਾਰਿਕਅਨ੍ਤੇવਾਸਿਕਾਦਯੋ। ਦਿਟ੍ਠਾਨੁਗਤਿਂ ਆਪਜ੍ਜਤੀਤਿ ਆਚਰਿਯੁਪਜ੍ਝਾਯੇਹਿ ਕਤਂ ਅਨੁਕਰੋਤਿ। ਯਂ ਤਾਯ ਜਨਤਾਯ ਆਚਰਿਯੁਪਜ੍ਝਾਯੇਸੁ ਦਿਟ੍ਠਂ, ਤਸ੍ਸ ਅਨੁਗਤਿਂ ਆਪਜ੍ਜਤਿ ਨਾਮ। ਅਯਂ વੁਚ੍ਚਤਿ, ਭਿਕ੍ਖવੇ, ਅਗ੍ਗવਤੀ ਪਰਿਸਾਤਿ, ਭਿਕ੍ਖવੇ, ਅਯਂ ਪਰਿਸਾ ਅਗ੍ਗਪੁਗ੍ਗਲવਤੀ ਨਾਮ વੁਚ੍ਚਤਿ।
96. Catutthe na bāhulikā hontīti paccayabāhullikā na honti. Na sāthalikāti tisso sikkhā sithilaṃ katvā na gaṇhanti. Okkamane nikkhittadhurāti okkamanaṃ vuccati avagamanaṭṭhena pañca nīvaraṇāni, tesu nikkhittadhurā. Paviveke pubbaṅgamāti kāyacittaupadhivivekasaṅkhāte tividhepi viveke pubbaṅgamā. Vīriyaṃ ārabhantīti duvidhampi vīriyaṃ paggaṇhanti. Appattassāti jhānavipassanāmaggaphalasaṅkhātassa appattavisesassa. Sesapadadvayepi eseva nayo. Pacchimājanatāti saddhivihārikaantevāsikādayo. Diṭṭhānugatiṃ āpajjatīti ācariyupajjhāyehi kataṃ anukaroti. Yaṃ tāya janatāya ācariyupajjhāyesu diṭṭhaṃ, tassa anugatiṃ āpajjati nāma. Ayaṃ vuccati, bhikkhave, aggavatī parisāti, bhikkhave, ayaṃ parisā aggapuggalavatī nāma vuccati.
ਭਣ੍ਡਨਜਾਤਾਤਿ ਜਾਤਭਣ੍ਡਨਾ। ਕਲਹਜਾਤਾਤਿ ਜਾਤਕਲਹਾ। ਭਣ੍ਡਨਨ੍ਤਿ ਚੇਤ੍ਥ ਕਲਹਸ੍ਸ ਪੁਬ੍ਬਭਾਗੋ, ਹਤ੍ਥਪਰਾਮਾਸਾਦਿવਸੇਨ વੀਤਿਕ੍ਕਮੋ ਕਲਹੋ ਨਾਮ। વਿવਾਦਾਪਨ੍ਨਾਤਿ વਿਰੁਦ੍ਧવਾਦਂ ਆਪਨ੍ਨਾ। ਮੁਖਸਤ੍ਤੀਹੀਤਿ ਗੁਣવਿਜ੍ਝਨਟ੍ਠੇਨ ਫਰੁਸਾ વਾਚਾ ‘‘ਮੁਖਸਤ੍ਤਿਯੋ’’ਤਿ વੁਚ੍ਚਨ੍ਤਿ, ਤਾਹਿ ਮੁਖਸਤ੍ਤੀਹਿ। વਿਤੁਦਨ੍ਤਾ વਿਹਰਨ੍ਤੀਤਿ વਿਜ੍ਝਨ੍ਤਾ વਿਚਰਨ੍ਤਿ।
Bhaṇḍanajātāti jātabhaṇḍanā. Kalahajātāti jātakalahā. Bhaṇḍananti cettha kalahassa pubbabhāgo, hatthaparāmāsādivasena vītikkamo kalaho nāma. Vivādāpannāti viruddhavādaṃ āpannā. Mukhasattīhīti guṇavijjhanaṭṭhena pharusā vācā ‘‘mukhasattiyo’’ti vuccanti, tāhi mukhasattīhi. Vitudantā viharantīti vijjhantā vicaranti.
ਸਮਗ੍ਗਾਤਿ ਸਹਿਤਾ। ਸਮ੍ਮੋਦਮਾਨਾਤਿ ਸਮਪ੍ਪવਤ੍ਤਮੋਦਾ। ਖੀਰੋਦਕੀਭੂਤਾਤਿ ਖੀਰੋਦਕਂ વਿਯ ਭੂਤਾ। ਪਿਯਚਕ੍ਖੂਹੀਤਿ ਉਪਸਨ੍ਤੇਹਿ ਮੇਤ੍ਤਚਕ੍ਖੂਹਿ। ਪੀਤਿ ਜਾਯਤੀਤਿ ਪਞ੍ਚવਣ੍ਣਾ ਪੀਤਿ ਉਪ੍ਪਜ੍ਜਤਿ। ਕਾਯੋ ਪਸ੍ਸਮ੍ਭਤੀਤਿ ਨਾਮਕਾਯੋਪਿ ਰੂਪਕਾਯੋਪਿ વਿਗਤਦਰਥੋ ਹੋਤਿ। ਪਸ੍ਸਦ੍ਧਕਾਯੋਤਿ ਅਸਾਰਦ੍ਧਕਾਯੋ। ਸੁਖਂ વੇਦਿਯਤੀਤਿ ਕਾਯਿਕਚੇਤਸਿਕਸੁਖਂ વੇਦਿਯਤਿ। ਸਮਾਧਿਯਤੀਤਿ ਆਰਮ੍ਮਣੇ ਸਮ੍ਮਾ ਠਪੀਯਤਿ।
Samaggāti sahitā. Sammodamānāti samappavattamodā. Khīrodakībhūtāti khīrodakaṃ viya bhūtā. Piyacakkhūhīti upasantehi mettacakkhūhi. Pīti jāyatīti pañcavaṇṇā pīti uppajjati. Kāyo passambhatīti nāmakāyopi rūpakāyopi vigatadaratho hoti. Passaddhakāyoti asāraddhakāyo. Sukhaṃ vediyatīti kāyikacetasikasukhaṃ vediyati. Samādhiyatīti ārammaṇe sammā ṭhapīyati.
ਥੁਲ੍ਲਫੁਸਿਤਕੇਤਿ ਮਹਾਫੁਸਿਤਕੇ। ਪਬ੍ਬਤਕਨ੍ਦਰਪਦਰਸਾਖਾਤਿ ਏਤ੍ਥ ਕਨ੍ਦਰੋ ਨਾਮ ‘‘ਕ’’ਨ੍ਤਿ ਲਦ੍ਧਨਾਮੇਨ ਉਦਕੇਨ ਦਾਰਿਤੋ ਉਦਕਭਿਨ੍ਨੋ ਪਬ੍ਬਤਪ੍ਪਦੇਸੋ, ਯੋ ‘‘ਨਿਤਮ੍ਭੋ’’ਤਿਪਿ ‘‘ਨਦਿਕੁਞ੍ਜੋ’’ਤਿਪਿ વੁਚ੍ਚਤਿ। ਪਦਰਂ ਨਾਮ ਅਟ੍ਠ ਮਾਸੇ ਦੇવੇ ਅવਸ੍ਸਨ੍ਤੇ ਫਲਿਤੋ ਭੂਮਿਪ੍ਪਦੇਸੋ। ਸਾਖਾਤਿ ਕੁਸੋਬ੍ਭਗਾਮਿਨਿਯੋ ਖੁਦ੍ਦਕਮਾਤਿਕਾਯੋ। ਕੁਸੋਬ੍ਭਾਤਿ ਖੁਦ੍ਦਕਆવਾਟਾ। ਮਹਾਸੋਬ੍ਭਾਤਿ ਮਹਾਆવਾਟਾ। ਕੁਨ੍ਨਦਿਯੋਤਿ ਖੁਦ੍ਦਕਨਦਿਯੋ। ਮਹਾਨਦਿਯੋਤਿ ਗਙ੍ਗਾਯਮੁਨਾਦਿਕਾ ਮਹਾਸਰਿਤਾ।
Thullaphusitaketi mahāphusitake. Pabbatakandarapadarasākhāti ettha kandaro nāma ‘‘ka’’nti laddhanāmena udakena dārito udakabhinno pabbatappadeso, yo ‘‘nitambho’’tipi ‘‘nadikuñjo’’tipi vuccati. Padaraṃ nāma aṭṭha māse deve avassante phalito bhūmippadeso. Sākhāti kusobbhagāminiyo khuddakamātikāyo. Kusobbhāti khuddakaāvāṭā. Mahāsobbhāti mahāāvāṭā. Kunnadiyoti khuddakanadiyo. Mahānadiyoti gaṅgāyamunādikā mahāsaritā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਪਰਿਸਾਸੁਤ੍ਤਂ • 4. Parisāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪. ਪਰਿਸਾਸੁਤ੍ਤવਣ੍ਣਨਾ • 4. Parisāsuttavaṇṇanā
