| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. барисаваг̇г̇аван̣н̣анаа
5. Parisavaggavaṇṇanā
43. бан̃жамасса батамз уд̇д̇аанаад̇и баагадаа аббадижчаннаа. г̇амбхийраад̇и г̇ул̣хаа бадижчаннаа. уд̣̇д̇хад̇аад̇и уд̣̇д̇хажжзна саманнааг̇ад̇аа. уннал̣аад̇и уг̇г̇ад̇анал̣аа, удтид̇ад̇ужчамаанаад̇и вуд̇д̇ам̣ ход̇и. жабалаад̇и бад̇д̇ажийвараман̣д̣анаад̣̇инаа жаабаллзна яуд̇д̇аа. мукараад̇и мукакараа караважанаа. вигин̣н̣аваажаад̇и асам̣яад̇аважанаа д̣̇ивасамби нирад̇т̇агаважанабалаабино. мудтассад̇ийд̇и виссадтасад̇ино. асамбаж̇аанаад̇и ниббан̃н̃аа. асамаахид̇аад̇и жид̇д̇згаг̇г̇ад̇аамад̇д̇ассааби алаабхино. баагад̇инд̣̇рияаад̇и багад̇ияаа тид̇зхи вивадзхи арагкид̇зхи инд̣̇риязхи саманнааг̇ад̇аа. суггабагко вуд̇д̇авибаллаасзна взд̣̇ид̇аб̣б̣о.
43. Pañcamassa paṭhame uttānāti pākaṭā appaṭicchannā. Gambhīrāti guḷhā paṭicchannā. Uddhatāti uddhaccena samannāgatā. Unnaḷāti uggatanaḷā, uṭṭhitatucchamānāti vuttaṃ hoti. Capalāti pattacīvaramaṇḍanādinā cāpallena yuttā. Mukharāti mukhakharā kharavacanā. Vikiṇṇavācāti asaṃyatavacanā divasampi niratthakavacanapalāpino. Muṭṭhassatīti vissaṭṭhasatino. Asampajānāti nippaññā. Asamāhitāti cittekaggatāmattassāpi alābhino. Pākatindriyāti pakatiyā ṭhitehi vivaṭehi arakkhitehi indriyehi samannāgatā. Sukkapakkho vuttavipallāsena veditabbo.
44. д̣̇уд̇ияз бхан̣д̣анаж̇аад̇аад̇и бхан̣д̣анам̣ вужжад̇и галахасса буб̣б̣абхааг̇о, д̇ам̣ д̇зсам̣ ж̇аад̇анд̇и бхан̣д̣анаж̇аад̇аа. д̇ат̇аа ‘‘маяам̣ д̇умхз д̣̇ан̣д̣аабзссаама б̣анд̇хаабзссаамаа’’д̇иаад̣̇иважанаббавад̇д̇ияаа сан̃ж̇аад̇агалахаа. аяам̣ д̇аава г̇ихийсу наяо. баб̣б̣аж̇ид̇аа бана аабад̇д̇ивийд̇иггамаваажам̣ вад̣̇анд̇аа галахаж̇аад̇аа наама. виваад̣̇аабаннаад̇и вируд̣̇д̇хаваад̣̇ам̣ аабаннаа. мукасад̇д̇ийхи вид̇уд̣̇анд̇аад̇и г̇ун̣аанам̣ чинд̣̇анадтзна д̣̇уб̣бхаасид̇аа ваажаа мукасад̇д̇ияод̇и вужжанд̇и, д̇аахи вид̇уд̣̇анд̇аа виж̇жханд̇аа. самаг̇г̇аад̇и згагаммам̣ згуд̣̇д̣̇зсо самасигкад̇аад̇и зд̇зсам̣ гаран̣зна самаг̇г̇ад̇ааяа сахид̇аа. бияажагкуухийд̇и мзд̇д̇аажагкуухи.
44. Dutiye bhaṇḍanajātāti bhaṇḍanaṃ vuccati kalahassa pubbabhāgo, taṃ tesaṃ jātanti bhaṇḍanajātā. Tathā ‘‘mayaṃ tumhe daṇḍāpessāma bandhāpessāmā’’tiādivacanappavattiyā sañjātakalahā. Ayaṃ tāva gihīsu nayo. Pabbajitā pana āpattivītikkamavācaṃ vadantā kalahajātā nāma. Vivādāpannāti viruddhavādaṃ āpannā. Mukhasattīhi vitudantāti guṇānaṃ chindanaṭṭhena dubbhāsitā vācā mukhasattiyoti vuccanti, tāhi vitudantā vijjhantā. Samaggāti ekakammaṃ ekuddeso samasikkhatāti etesaṃ karaṇena samaggatāya sahitā. Piyacakkhūhīti mettācakkhūhi.
45. д̇ад̇ияз аг̇г̇авад̇ийд̇и уд̇д̇амабуг̇г̇алавад̇ий, аг̇г̇ааяа ваа уд̇д̇амааяа бадибад̇д̇ияаа саманнааг̇ад̇аа. д̇ад̇о вибарийд̇аа анаг̇г̇авад̇ий. б̣аахулигаад̇и жийвараад̣̇иб̣аахуллааяа бадибаннаа. саасанам̣ сит̇илам̣ г̇ан̣ханд̇ийд̇и саат̇алигаа. оггаманз буб̣б̣ан̇г̇амаад̇и зд̇т̇а оггаманам̣ вужжад̇и аваг̇аманадтзна бан̃жа нийваран̣аани, д̇зна бан̃жанийваран̣абууран̣з буб̣б̣ан̇г̇амаад̇и вуд̇д̇ам̣ ход̇и. бавивзгзд̇и убад̇хививзгз ниб̣б̣аанз. нигкид̇д̇ад̇хураад̇и д̇ивид̇хзби вивзгз оробид̇ад̇хураа. на вийрияам̣ аарабханд̇ийд̇и д̣̇увид̇хамби вийрияам̣ на гаронд̇и. аббад̇д̇асса бад̇д̇ияаад̇и буб̣б̣з аббад̇д̇асса жхаанавибассанаамаг̇г̇апалависзсасса бад̇д̇иад̇т̇ааяа. ид̇арам̣ бад̣̇ад̣̇ваяам̣ д̇ассзва взважанам̣. бажчимаа ж̇анад̇аад̇и сад̣̇д̇хивихааригаанд̇зваасигаж̇ано . д̣̇идтаануг̇ад̇им̣ аабаж̇ж̇ад̇ийд̇и аажарияубаж̇жхааязхи гад̇ам̣ анугаронд̇о д̣̇идтасса д̇зсам̣ аажаарасса ануг̇ад̇им̣ аабаж̇ж̇ад̇и наама. сзсам̣ вуд̇д̇абадибагканаязна взд̣̇ид̇аб̣б̣ам̣.
45. Tatiye aggavatīti uttamapuggalavatī, aggāya vā uttamāya paṭipattiyā samannāgatā. Tato viparītā anaggavatī. Bāhulikāti cīvarādibāhullāya paṭipannā. Sāsanaṃ sithilaṃ gaṇhantīti sāthalikā. Okkamane pubbaṅgamāti ettha okkamanaṃ vuccati avagamanaṭṭhena pañca nīvaraṇāni, tena pañcanīvaraṇapūraṇe pubbaṅgamāti vuttaṃ hoti. Paviveketi upadhiviveke nibbāne. Nikkhittadhurāti tividhepi viveke oropitadhurā. Na vīriyaṃ ārabhantīti duvidhampi vīriyaṃ na karonti. Appattassa pattiyāti pubbe appattassa jhānavipassanāmaggaphalavisesassa pattiatthāya. Itaraṃ padadvayaṃ tasseva vevacanaṃ. Pacchimā janatāti saddhivihārikaantevāsikajano . Diṭṭhānugatiṃ āpajjatīti ācariyupajjhāyehi kataṃ anukaronto diṭṭhassa tesaṃ ācārassa anugatiṃ āpajjati nāma. Sesaṃ vuttapaṭipakkhanayena veditabbaṃ.
46. жад̇уд̇т̇з арияаад̇и арияасаавагабарисаа. анарияаад̇и бут̇уж̇ж̇анабарисаа. ‘‘ид̣̇ам̣ д̣̇угка’’нд̇и яат̇аабхууд̇ам̣ наббаж̇аананд̇ийд̇и табзд̇ваа д̇ан̣хам̣ д̇збхуумагаа бан̃жагканд̇хаа д̣̇угкасажжам̣ наама, зд̇д̇агамзва д̣̇угкам̣, ид̇о уд̣̇д̇хам̣ д̣̇угкам̣ над̇т̇ийд̇и яат̇аасабхаавад̇о наббаж̇аананд̇и. зса наяо саб̣б̣ад̇т̇а. сзсабад̣̇зсу бана д̇асса д̣̇угкасса самудтаабигаа буримад̇ан̣хаа самуд̣̇аяо наама, д̇ассааязва д̇ан̣хааяа, д̣̇виннамби ваа д̇зсам̣ сажжаанам̣ ажжанд̇агкаяо асамуббад̇д̇и д̣̇угканирод̇хо наама, адтан̇г̇иго арияамаг̇г̇о д̣̇угканирод̇хаг̇ааминий бадибад̣̇аа наамаад̇и звам̣ имасмим̣ суд̇д̇з жад̇уухи сажжзхи жад̇д̇ааро маг̇г̇аа жа жад̇д̇аари жа палаани гат̇ид̇аани.
46. Catutthe ariyāti ariyasāvakaparisā. Anariyāti puthujjanaparisā. ‘‘Idaṃ dukkha’’nti yathābhūtaṃ nappajānantīti ṭhapetvā taṇhaṃ tebhūmakā pañcakkhandhā dukkhasaccaṃ nāma, ettakameva dukkhaṃ, ito uddhaṃ dukkhaṃ natthīti yathāsabhāvato nappajānanti. Esa nayo sabbattha. Sesapadesu pana tassa dukkhassa samuṭṭhāpikā purimataṇhā samudayo nāma, tassāyeva taṇhāya, dvinnampi vā tesaṃ saccānaṃ accantakkhayo asamuppatti dukkhanirodho nāma, aṭṭhaṅgiko ariyamaggo dukkhanirodhagāminī paṭipadā nāmāti evaṃ imasmiṃ sutte catūhi saccehi cattāro maggā ca cattāri ca phalāni kathitāni.
47. бан̃жамз барисаагасадод̇и гасадабарисаа гажаварабарисаа балаабабарисаад̇и ад̇т̇о. барисааман̣д̣од̇и басаннабарисаа саарабарисаад̇и ад̇т̇о. чанд̣̇ааг̇ад̇им̣ г̇ажчанд̇ийд̇и чанд̣̇зна аг̇ад̇им̣ г̇ажчанд̇и, агад̇д̇аб̣б̣ам̣ гаронд̇ийд̇и ад̇т̇о. сзсабад̣̇зсуби зсзва наяо. имаани бана жад̇д̇аари аг̇ад̇иг̇аманаани бхан̣д̣абхааж̇анийяз жа винижчаяадтаанз жа лаб̣бханд̇и. д̇ад̇т̇а бхан̣д̣абхааж̇анийяз д̇аава ад̇д̇ано бхаарабхууд̇аанам̣ бхигкуунам̣ аманаабз бхан̣д̣агз бад̇д̇з д̇ам̣ баривад̇д̇зд̇ваа манаабам̣ д̣̇знд̇о чанд̣̇ааг̇ад̇им̣ г̇ажчад̇и наама. ад̇д̇ано бана абхаарабхууд̇аанам̣ манаабз бхан̣д̣агз бад̇д̇з д̇ам̣ баривад̇д̇зд̇ваа аманаабам̣ д̣̇знд̇о д̣̇осааг̇ад̇им̣ г̇ажчад̇и наама. бхан̣д̣агабхааж̇анийяавад̇т̇ун̃жа тид̇иган̃жа аж̇аананд̇о мохааг̇ад̇им̣ г̇ажчад̇и наама. мукараанам̣ ваа рааж̇аад̣̇иниссид̇аанам̣ ваа ‘‘имз мз аманаабз бхан̣д̣агз д̣̇иннз анад̇т̇амби гарзяяу’’нд̇и бхаязна баривад̇д̇зд̇ваа манаабам̣ д̣̇знд̇о бхаяааг̇ад̇им̣ г̇ажчад̇и наама. яо бана звам̣ на г̇ажчад̇и, саб̣б̣зсам̣ д̇улаабхууд̇о бамаан̣абхууд̇о маж̇жхад̇д̇о худ̇ваа яам̣ яасса баабун̣аад̇и, д̇ан̃н̃зва д̇асса д̣̇зд̇и, аяам̣ жад̇уб̣б̣ид̇хамби аг̇ад̇иг̇аманам̣ на г̇ажчад̇и наама. винижчаяадтаанз бана ад̇д̇ано бхаарабхууд̇асса г̇аругаабад̇д̇им̣ лахугаабад̇д̇ийд̇и гад̇ваа гат̇знд̇о чанд̣̇ааг̇ад̇им̣ г̇ажчад̇и наама. ид̇арасса лахугаабад̇д̇им̣ г̇аругаабад̇д̇ийд̇и гад̇ваа гат̇знд̇о д̣̇осааг̇ад̇им̣ г̇ажчад̇и наама. аабад̇д̇ивудтаанам̣ бана самужжаяагканд̇хаган̃жа аж̇аананд̇о мохааг̇ад̇им̣ г̇ажчад̇и наама. мукарасса ваа рааж̇абууж̇ид̇асса ваа ‘‘аяам̣ мз г̇аругам̣ гад̇ваа аабад̇д̇им̣ гат̇знд̇асса анад̇т̇амби гарзяяаа’’д̇и г̇аругамзва лахугаад̇и гад̇ваа гат̇знд̇о бхаяааг̇ад̇им̣ г̇ажчад̇и наама. яо бана саб̣б̣зсам̣ яат̇аабхууд̇амзва гат̇зд̇и, аяам̣ жад̇уб̣б̣ид̇хамби аг̇ад̇иг̇аманам̣ на г̇ажчад̇и наама.
47. Pañcame parisākasaṭoti kasaṭaparisā kacavaraparisā palāpaparisāti attho. Parisāmaṇḍoti pasannaparisā sāraparisāti attho. Chandāgatiṃ gacchantīti chandena agatiṃ gacchanti, akattabbaṃ karontīti attho. Sesapadesupi eseva nayo. Imāni pana cattāri agatigamanāni bhaṇḍabhājanīye ca vinicchayaṭṭhāne ca labbhanti. Tattha bhaṇḍabhājanīye tāva attano bhārabhūtānaṃ bhikkhūnaṃ amanāpe bhaṇḍake patte taṃ parivattetvā manāpaṃ dento chandāgatiṃ gacchati nāma. Attano pana abhārabhūtānaṃ manāpe bhaṇḍake patte taṃ parivattetvā amanāpaṃ dento dosāgatiṃ gacchati nāma. Bhaṇḍakabhājanīyavatthuñca ṭhitikañca ajānanto mohāgatiṃgacchati nāma. Mukharānaṃ vā rājādinissitānaṃ vā ‘‘ime me amanāpe bhaṇḍake dinne anatthampi kareyyu’’nti bhayena parivattetvā manāpaṃ dento bhayāgatiṃ gacchati nāma. Yo pana evaṃ na gacchati, sabbesaṃ tulābhūto pamāṇabhūto majjhatto hutvā yaṃ yassa pāpuṇāti, taññeva tassa deti, ayaṃ catubbidhampi agatigamanaṃ na gacchati nāma. Vinicchayaṭṭhāne pana attano bhārabhūtassa garukāpattiṃ lahukāpattīti katvā kathento chandāgatiṃ gacchati nāma. Itarassa lahukāpattiṃ garukāpattīti katvā kathento dosāgatiṃ gacchati nāma. Āpattivuṭṭhānaṃ pana samuccayakkhandhakañca ajānanto mohāgatiṃ gacchati nāma. Mukharassa vā rājapūjitassa vā ‘‘ayaṃ me garukaṃ katvā āpattiṃ kathentassa anatthampi kareyyā’’ti garukameva lahukāti katvā kathento bhayāgatiṃ gacchati nāma. Yo pana sabbesaṃ yathābhūtameva katheti, ayaṃ catubbidhampi agatigamanaṃ na gacchati nāma.
48. чадтз оггаажид̇авинийд̇аад̇и д̣̇уб̣б̣инийд̇аа. но бадибужчаавинийд̇аад̇и на бужчид̇ваа винийд̇аа. г̇амбхийраад̇и баал̣ивасзна г̇амбхийраа салласуд̇д̇асад̣̇исаа. г̇амбхийрад̇т̇аад̇и ад̇т̇авасзна г̇амбхийраа махаавзд̣̇алласуд̇д̇асад̣̇исаа. логуд̇д̇араад̇и логуд̇д̇араад̇т̇ад̣̇ийбагаа . сун̃н̃ад̇аабадисам̣яуд̇д̇аад̇и сад̇д̇асун̃н̃ам̣ д̇хаммамад̇д̇амзва багаасагаа асан̇кад̇асам̣яуд̇д̇асад̣̇исаа. на ан̃н̃аа жид̇д̇ам̣ убадтабзнд̇ийд̇и виж̇аананад̇т̇ааяа жид̇д̇ам̣ на убадтабзнд̇и, нид̣̇д̣̇ааяанд̇и ваа ан̃н̃авихид̇аа ваа хонд̇и. уг̇г̇ахзд̇аб̣б̣ам̣ барияаабун̣ид̇аб̣б̣анд̇и уг̇г̇ахзд̇аб̣б̣з жа барияаабун̣ид̇аб̣б̣з жа. гавид̇аад̇и гавийхи гад̇аа. ид̇арам̣ д̇ассзва взважанам̣. жид̇д̇агкараад̇и вижид̇раагкараа. ид̇арам̣ д̇ассзва взважанам̣. б̣аахирагаад̇и саасанад̇о б̣ахибхууд̇аа. саавагабхаасид̇аад̇и д̇зсам̣ д̇зсам̣ саавагзхи бхаасид̇аа. суссуусанд̇ийд̇и агкаражид̇д̇ад̇ааяа жзва сарасамбад̇д̇ияаа жа ад̇д̇аманаа худ̇ваа сун̣анд̇и. на жзва ан̃н̃аман̃н̃ам̣ бадибужчанд̇ийд̇и ан̃н̃аман̃н̃ам̣ ад̇т̇ам̣ ваа анусанд̇хим̣ ваа буб̣б̣аабарам̣ ваа на бужчанд̇и. на жа бадивижаранд̇ийд̇и бужчанад̇т̇ааяа жааригам̣ на вижаранд̇и. ид̣̇ам̣ гат̇анд̇и ид̣̇ам̣ б̣яан̃ж̇анам̣ гат̇ам̣ робзд̇аб̣б̣ам̣ гинд̇и робзд̇аб̣б̣ам̣? имасса го ад̇т̇од̇и имасса бхаасид̇асса го ад̇т̇о, гаа анусанд̇хи, гим̣ буб̣б̣аабарам̣? авиваданд̇и бадижчаннам̣. на виваранд̇ийд̇и на уг̇гхаадзнд̇и. ануд̇д̇аанийгад̇анд̇и абаагадам̣ гад̇ам̣. на уд̇д̇ааним̣ гаронд̇ийд̇и баагадам̣ на гаронд̇и. ган̇каатааниязсууд̇и ган̇кааяа гааран̣абхууд̇зсу. суггабагко вуд̇д̇авибаллаасзна взд̣̇ид̇аб̣б̣о.
48. Chaṭṭhe okkācitavinītāti dubbinītā. No paṭipucchāvinītāti na pucchitvā vinītā. Gambhīrāti pāḷivasena gambhīrā sallasuttasadisā. Gambhīratthāti atthavasena gambhīrā mahāvedallasuttasadisā. Lokuttarāti lokuttaraatthadīpakā . Suññatāpaṭisaṃyuttāti sattasuññaṃ dhammamattameva pakāsakā asaṅkhatasaṃyuttasadisā. Na aññā cittaṃ upaṭṭhapentīti vijānanatthāya cittaṃ na upaṭṭhapenti, niddāyanti vā aññavihitā vā honti. Uggahetabbaṃ pariyāpuṇitabbanti uggahetabbe ca pariyāpuṇitabbe ca. Kavitāti kavīhi katā. Itaraṃ tasseva vevacanaṃ. Cittakkharāti vicitraakkharā. Itaraṃ tasseva vevacanaṃ. Bāhirakāti sāsanato bahibhūtā. Sāvakabhāsitāti tesaṃ tesaṃ sāvakehi bhāsitā. Sussūsantīti akkharacittatāya ceva sarasampattiyā ca attamanā hutvā suṇanti. Na ceva aññamaññaṃ paṭipucchantīti aññamaññaṃ atthaṃ vā anusandhiṃ vā pubbāparaṃ vā na pucchanti. Na ca paṭivicarantīti pucchanatthāya cārikaṃ na vicaranti. Idaṃ kathanti idaṃ byañjanaṃ kathaṃ ropetabbaṃ kinti ropetabbaṃ? Imassa ko atthoti imassa bhāsitassa ko attho, kā anusandhi, kiṃ pubbāparaṃ? Avivaṭanti paṭicchannaṃ. Na vivarantīti na ugghāṭenti. Anuttānīkatanti apākaṭaṃ kataṃ. Na uttāniṃ karontīti pākaṭaṃ na karonti. Kaṅkhāṭhāniyesūti kaṅkhāya kāraṇabhūtesu. Sukkapakkho vuttavipallāsena veditabbo.
49. сад̇д̇амз аамисаг̇арууд̇и жад̇убажжаяаг̇аругаа логуд̇д̇арад̇хаммам̣ лаамагад̇о г̇ахзд̇ваа тид̇абарисаа. сад̣̇д̇хаммаг̇арууд̇и нава логуд̇д̇арад̇хаммз г̇аругз гад̇ваа жад̇д̇ааро бажжаяз лаамагад̇о г̇ахзд̇ваа тид̇абарисаа. убхад̇обхааг̇авимуд̇д̇од̇и д̣̇вийхи бхааг̇зхи вимуд̇д̇о. бан̃н̃аавимуд̇д̇од̇и бан̃н̃ааяа вимуд̇д̇о сугкавибассагакийн̣аасаво. гааяасагкийд̇и гааязна жхаанапассам̣ пусид̇ваа бажчаа нирод̇хам̣ ниб̣б̣аанам̣ сажчигад̇ваа тид̇о. д̣̇идтиббад̇д̇од̇и д̣̇идтанд̇ам̣ бад̇д̇о. имз д̣̇взби часу таанзсу лаб̣бханд̇и. сад̣̇д̇хаавимуд̇д̇од̇и сад̣̇д̣̇аханд̇о вимуд̇д̇о. аяамби часу таанзсу лаб̣бхад̇и. д̇хаммам̣ ануссарад̇ийд̇и д̇хаммаанусаарий. сад̣̇д̇хам̣ ануссарад̇ийд̇и сад̣̇д̇хаанусаарий. имз д̣̇взби батамамаг̇г̇асаман̇г̇ино. галяаан̣ад̇хаммод̇и сунд̣̇арад̇хаммо. д̣̇уссийло баабад̇хаммод̇и ниссийло лаамагад̇хаммо. имам̣ гасмаа г̇ан̣ханд̇и? саб̣б̣зсу хи згасад̣̇исзсу ж̇аад̇зсу сийлаванд̇зсу б̣алаваг̇ааравам̣ на ход̇и, згажжзсу бана д̣̇уссийлзсу сад̇и сийлаванд̇аанам̣ убари б̣алаваг̇ааравам̣ ход̇ийд̇и ман̃н̃анд̇аа г̇ан̣ханд̇и. д̇з д̇зна лаабхам̣ лабханд̇ийд̇и д̇з бхигкуу згажжаанам̣ ван̣н̣ам̣ згажжаанам̣ аван̣н̣ам̣ гат̇зд̇ваа жад̇д̇ааро бажжаяз лабханд̇и. г̇ат̇ид̇аад̇и д̇ан̣хааяа г̇ант̇ид̇аа. мужчид̇аад̇и д̇ан̣хаавасзнзва мужчид̇аа. аж̇жхобаннаад̇и аж̇жхосааяа г̇илид̇ваа баринидтабзд̇ваа тид̇аа. анаад̣̇ийнавад̣̇ассаавинод̇и абажжавзгкид̇абарибхог̇з аад̣̇ийнавам̣ абассанд̇аа. аниссаран̣абан̃н̃аад̇и жад̇уусу бажжаязсу чанд̣̇арааг̇аабагад̣дханааяа ниссаран̣абан̃н̃ааяа вирахид̇аа ид̣̇амад̇т̇ам̣ зд̇анд̇и аж̇аананд̇аа. барибхун̃ж̇анд̇ийд̇и сажчанд̣̇арааг̇аа худ̇ваа барибхун̃ж̇анд̇и.
49. Sattame āmisagarūti catupaccayagarukā lokuttaradhammaṃ lāmakato gahetvā ṭhitaparisā. Saddhammagarūti nava lokuttaradhamme garuke katvā cattāro paccaye lāmakato gahetvā ṭhitaparisā. Ubhatobhāgavimuttoti dvīhi bhāgehi vimutto. Paññāvimuttoti paññāya vimutto sukkhavipassakakhīṇāsavo. Kāyasakkhīti kāyena jhānaphassaṃ phusitvā pacchā nirodhaṃ nibbānaṃ sacchikatvā ṭhito. Diṭṭhippattoti diṭṭhantaṃ patto. Ime dvepi chasu ṭhānesu labbhanti. Saddhāvimuttoti saddahanto vimutto. Ayampi chasu ṭhānesu labbhati. Dhammaṃ anussaratīti dhammānusārī. Saddhaṃ anussaratīti saddhānusārī. Ime dvepi paṭhamamaggasamaṅgino. Kalyāṇadhammoti sundaradhammo. Dussīlo pāpadhammoti nissīlo lāmakadhammo. Imaṃ kasmā gaṇhanti? Sabbesu hi ekasadisesu jātesu sīlavantesu balavagāravaṃ na hoti, ekaccesu pana dussīlesu sati sīlavantānaṃ upari balavagāravaṃ hotīti maññantā gaṇhanti. Te tena lābhaṃ labhantīti te bhikkhū ekaccānaṃ vaṇṇaṃ ekaccānaṃ avaṇṇaṃ kathetvā cattāro paccaye labhanti. Gathitāti taṇhāya ganthitā. Mucchitāti taṇhāvaseneva mucchitā. Ajjhopannāti ajjhosāya gilitvā pariniṭṭhapetvā ṭhitā. Anādīnavadassāvinoti apaccavekkhitaparibhoge ādīnavaṃ apassantā. Anissaraṇapaññāti catūsu paccayesu chandarāgaapakaḍḍhanāya nissaraṇapaññāya virahitā idamatthaṃ etanti ajānantā. Paribhuñjantīti sacchandarāgā hutvā paribhuñjanti.
суггабагкз убхад̇обхааг̇авимуд̇д̇од̇иаад̣̇ийсу аяам̣ сад̇д̇аннамби арияабуг̇г̇алаанам̣ сан̇кзбабагаасанаа – зго бхигку бан̃н̃аад̇хурзна абхинивидто адта самаабад̇д̇ияо ниб̣б̣ад̇д̇зд̇ваа сод̇аабад̇д̇имаг̇г̇ам̣ баабун̣аад̇и. со д̇асмим̣ кан̣з д̇хаммаанусаарий наама ход̇и, сод̇аабад̇д̇ипалаад̣̇ийсу часу таанзсу гааяасагки наама, арахад̇д̇апалагкан̣з убхад̇обхааг̇авимуд̇д̇о наама. самаабад̇д̇ийхи вигкамбханавимуд̇д̇ияаа маг̇г̇зна самужчзд̣̇авимуд̇д̇ияаад̇и д̣̇вигкад̇д̇ум̣ ваа д̣̇вийхи ваа бхааг̇зхи вимуд̇д̇од̇и ад̇т̇о. абаро бан̃н̃аад̇хурзна абхинивидто самаабад̇д̇ияо ниб̣б̣ад̇д̇зд̇ум̣ асаггонд̇о сугкавибассагова худ̇ваа сод̇аабад̇д̇имаг̇г̇ам̣ баабун̣аад̇и. со д̇асмим̣ кан̣з д̇хаммаанусаарий наама ход̇и, сод̇аабад̇д̇ипалаад̣̇ийсу часу таанзсу д̣̇идтиббад̇д̇о наама, арахад̇д̇апалагкан̣з бан̃н̃аавимуд̇д̇о наама. абаро сад̣̇д̇хаад̇хурзна абхинивидто адта самаабад̇д̇ияо ниб̣б̣ад̇д̇зд̇ваа сод̇аабад̇д̇имаг̇г̇ам̣ баабун̣аад̇и. со д̇асмим̣ кан̣з сад̣̇д̇хаанусаарий наама ход̇и, сод̇аабад̇д̇ипалаад̣̇ийсу часу таанзсу гааяасагки наама, арахад̇д̇апалагкан̣з убхад̇обхааг̇авимуд̇д̇о наама. абаро сад̣̇д̇хаад̇хурзна абхинивидто самаабад̇д̇ияо ниб̣б̣ад̇д̇зд̇ум̣ асаггонд̇о сугкавибассагова худ̇ваа сод̇аабад̇д̇имаг̇г̇ам̣ баабун̣аад̇и. со д̇асмим̣ кан̣з сад̣̇д̇хаанусаарий наама ход̇и, сод̇аабад̇д̇ипалаад̣̇ийсу часу таанзсу сад̣̇д̇хаавимуд̇д̇о наама, арахад̇д̇апалагкан̣з бан̃н̃аавимуд̇д̇о наама.
Sukkapakkhe ubhatobhāgavimuttotiādīsu ayaṃ sattannampi ariyapuggalānaṃ saṅkhepapakāsanā – eko bhikkhu paññādhurena abhiniviṭṭho aṭṭha samāpattiyo nibbattetvā sotāpattimaggaṃ pāpuṇāti. So tasmiṃ khaṇe dhammānusārī nāma hoti, sotāpattiphalādīsu chasu ṭhānesu kāyasakkhi nāma, arahattaphalakkhaṇe ubhatobhāgavimutto nāma. Samāpattīhi vikkhambhanavimuttiyā maggena samucchedavimuttiyāti dvikkhattuṃ vā dvīhi vā bhāgehi vimuttoti attho. Aparo paññādhurena abhiniviṭṭho samāpattiyo nibbattetuṃ asakkonto sukkhavipassakova hutvā sotāpattimaggaṃ pāpuṇāti. So tasmiṃ khaṇe dhammānusārī nāma hoti, sotāpattiphalādīsu chasu ṭhānesu diṭṭhippatto nāma, arahattaphalakkhaṇe paññāvimutto nāma. Aparo saddhādhurena abhiniviṭṭho aṭṭha samāpattiyo nibbattetvā sotāpattimaggaṃ pāpuṇāti. So tasmiṃ khaṇe saddhānusārī nāma hoti, sotāpattiphalādīsu chasu ṭhānesu kāyasakkhi nāma, arahattaphalakkhaṇe ubhatobhāgavimutto nāma. Aparo saddhādhurena abhiniviṭṭho samāpattiyo nibbattetuṃ asakkonto sukkhavipassakova hutvā sotāpattimaggaṃ pāpuṇāti. So tasmiṃ khaṇe saddhānusārī nāma hoti, sotāpattiphalādīsu chasu ṭhānesu saddhāvimutto nāma, arahattaphalakkhaṇe paññāvimutto nāma.
50. адтамз висамаад̇и сабагкаланадтзна висамаа. самаад̇и нибагкаланадтзна самаа. ад̇хаммагаммаанийд̇и уд̣̇д̇хаммаани гаммаани. авинаяагаммаанийд̇и уб̣б̣инаяаани гаммаани.
50. Aṭṭhame visamāti sapakkhalanaṭṭhena visamā. Samāti nipakkhalanaṭṭhena samā. Adhammakammānīti uddhammāni kammāni. Avinayakammānīti ubbinayāni kammāni.
51. навамз ад̇хаммигаад̇и нид̣̇д̇хаммаа. д̇хаммигаад̇и д̇хаммаяуд̇д̇аа.
51. Navame adhammikāti niddhammā. Dhammikāti dhammayuttā.
52. д̣̇асамз ад̇хигаран̣анд̇и виваад̣̇аад̇хигаран̣аад̣̇ижад̇уб̣б̣ид̇хам̣ ад̇хигаран̣ам̣. аад̣̇ияанд̇ийд̇и г̇ан̣ханд̇и. сан̃н̃аабзнд̇ийд̇и ж̇аанаабзнд̇и. на жа сан̃н̃ад̇д̇им̣ убаг̇ажчанд̇ийд̇и сан̃н̃аабанад̇т̇ам̣ на саннибад̇анд̇и. на жа ниж̇жхаабзнд̇ийд̇и на бзгкаабзнд̇и. на жа ниж̇жхад̇д̇им̣ убаг̇ажчанд̇ийд̇и ан̃н̃аман̃н̃ам̣ ниж̇жхаабанад̇т̇ааяа на саннибад̇анд̇и. асан̃н̃ад̇д̇иб̣алаад̇и асан̃н̃ад̇д̇иязва б̣алам̣ зд̇зсанд̇и асан̃н̃ад̇д̇иб̣алаа . аббадиниссаг̇г̇аманд̇инод̇и язсам̣ хи звам̣ ход̇и – ‘‘сажз амхзхи г̇ахид̇ам̣ ад̇хигаран̣ам̣ д̇хаммигам̣ бхависсад̇и, г̇ан̣хиссаама. сажз ад̇хаммигам̣, виссаж̇ж̇зссаамаа’’д̇и, д̇з бадиниссаг̇г̇аманд̇ино наама хонд̇и. имз бана на д̇ат̇аа манд̇знд̇ийд̇и аббадиниссаг̇г̇аманд̇ино. т̇аамасаа бараамаасаа абхинивиссаад̇и д̣̇идтит̇аамзна жа д̣̇идтибараамаасзна жа абхинивисид̇ваа. ид̣̇амзва сажжанд̇и ид̣̇ам̣ амхаагам̣ важанамзва сажжам̣. могхаман̃н̃анд̇и авасзсаанам̣ важанам̣ могхам̣ д̇ужчам̣. суггабагко уд̇д̇аанад̇т̇оязваад̇и.
52. Dasame adhikaraṇanti vivādādhikaraṇādicatubbidhaṃ adhikaraṇaṃ. Ādiyantīti gaṇhanti. Saññāpentīti jānāpenti. Na ca saññattiṃ upagacchantīti saññāpanatthaṃ na sannipatanti. Na ca nijjhāpentīti na pekkhāpenti. Na ca nijjhattiṃ upagacchantīti aññamaññaṃ nijjhāpanatthāya na sannipatanti. Asaññattibalāti asaññattiyeva balaṃ etesanti asaññattibalā . Appaṭinissaggamantinoti yesaṃ hi evaṃ hoti – ‘‘sace amhehi gahitaṃ adhikaraṇaṃ dhammikaṃ bhavissati, gaṇhissāma. Sace adhammikaṃ, vissajjessāmā’’ti, te paṭinissaggamantino nāma honti. Ime pana na tathā mantentīti appaṭinissaggamantino. Thāmasā parāmāsā abhinivissāti diṭṭhithāmena ca diṭṭhiparāmāsena ca abhinivisitvā. Idameva saccanti idaṃ amhākaṃ vacanameva saccaṃ. Moghamaññanti avasesānaṃ vacanaṃ moghaṃ tucchaṃ. Sukkapakkho uttānatthoyevāti.
барисаваг̇г̇о бан̃жамо.
Parisavaggo pañcamo.
батамабан̣н̣аасагам̣ нидтид̇ам̣.
Paṭhamapaṇṇāsakaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. барисаваг̇г̇о • 5. Parisavaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. барисаваг̇г̇аван̣н̣анаа • 5. Parisavaggavaṇṇanā
