| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਪਾਰਿਸੁਦ੍ਧਿਦਾਨਕਥਾ
Pārisuddhidānakathā
੧੬੪. ਕਾਯੇਨ વਿਞ੍ਞਾਪੇਤੀਤਿ ਪਾਰਿਸੁਦ੍ਧਿਦਾਨਂ ਯੇਨ ਕੇਨਚਿ ਅਙ੍ਗਪਚ੍ਚਙ੍ਗੇਨ વਿਞ੍ਞਾਪੇਤਿ ਜਾਨਾਪੇਤਿ; વਾਚਂ ਪਨ ਨਿਚ੍ਛਾਰੇਤੁਂ ਸਕ੍ਕੋਨ੍ਤੋ વਾਚਾਯ વਿਞ੍ਞਾਪੇਤਿ; ਉਭਯਥਾ ਸਕ੍ਕੋਨ੍ਤੋ ਕਾਯવਾਚਾਹਿ। ਸਙ੍ਘੇਨ ਤਤ੍ਥ ਗਨ੍ਤ੍વਾ ਉਪੋਸਥੋ ਕਾਤਬ੍ਬੋਤਿ ਸਚੇ ਬਹੂ ਤਾਦਿਸਾ ਗਿਲਾਨਾ ਹੋਨ੍ਤਿ, ਸਙ੍ਘੇਨ ਪਟਿਪਾਟਿਯਾ ਠਤ੍વਾ ਸਬ੍ਬੇ ਹਤ੍ਥਪਾਸੇ ਕਾਤਬ੍ਬਾ। ਸਚੇ ਦੂਰੇ ਦੂਰੇ ਹੋਨ੍ਤਿ, ਸਙ੍ਘੋ ਨਪ੍ਪਹੋਤਿ, ਤਂ ਦਿવਸਂ ਉਪੋਸਥੋ ਨ ਕਾਤਬ੍ਬੋ, ਨਤ੍વੇવ વਗ੍ਗੇਨ ਸਙ੍ਘੇਨ ਉਪੋਸਥੋ ਕਾਤਬ੍ਬੋ।
164.Kāyena viññāpetīti pārisuddhidānaṃ yena kenaci aṅgapaccaṅgena viññāpeti jānāpeti; vācaṃ pana nicchāretuṃ sakkonto vācāya viññāpeti; ubhayathā sakkonto kāyavācāhi. Saṅghena tattha gantvā uposatho kātabboti sace bahū tādisā gilānā honti, saṅghena paṭipāṭiyā ṭhatvā sabbe hatthapāse kātabbā. Sace dūre dūre honti, saṅgho nappahoti, taṃ divasaṃ uposatho na kātabbo, natveva vaggena saṅghena uposatho kātabbo.
ਤਤ੍ਥੇવ ਪਕ੍ਕਮਤੀਤਿ ਸਙ੍ਘਮਜ੍ਝਂ ਅਨਾਗਨ੍ਤ੍વਾ ਤਤੋવ ਕਤ੍ਥਚਿ ਗਚ੍ਛਤਿ। ਸਾਮਣੇਰੋ ਪਟਿਜਾਨਾਤੀਤਿ ‘‘ਸਾਮਣੇਰੋ ਅਹ’’ਨ੍ਤਿ ਏવਂ ਪਟਿਜਾਨਾਤਿ; ਭੂਤਂਯੇવ વਾ ਸਾਮਣੇਰਭਾવਂ ਆਰੋਚੇਤਿ, ਪਚ੍ਛਾ વਾ ਸਾਮਣੇਰਭੂਮਿਯਂ ਤਿਟ੍ਠਤੀਤਿ ਅਤ੍ਥੋ। ਏਸ ਨਯੋ ਸਬ੍ਬਤ੍ਥ।
Tattheva pakkamatīti saṅghamajjhaṃ anāgantvā tatova katthaci gacchati. Sāmaṇero paṭijānātīti ‘‘sāmaṇero aha’’nti evaṃ paṭijānāti; bhūtaṃyeva vā sāmaṇerabhāvaṃ āroceti, pacchā vā sāmaṇerabhūmiyaṃ tiṭṭhatīti attho. Esa nayo sabbattha.
ਸਙ੍ਘਪ੍ਪਤ੍ਤੋ ਪਕ੍ਕਮਤੀਤਿ ਸਬ੍ਬਨ੍ਤਿਮੇਨ ਪਰਿਚ੍ਛੇਦੇਨ ਉਪੋਸਥਤ੍ਥਾਯ ਸਨ੍ਨਿਪਤਿਤਾਨਂ ਚਤੁਨ੍ਨਂ ਭਿਕ੍ਖੂਨਂ ਹਤ੍ਥਪਾਸਂ ਪਤ੍વਾ ਪਕ੍ਕਮਤਿ। ਏਸ ਨਯੋ ਸਬ੍ਬਤ੍ਥ। ਏਤ੍ਥ ਚ ਏਕੇਨ ਬਹੂਨਮ੍ਪਿ ਆਹਟਾ ਪਾਰਿਸੁਦ੍ਧਿ ਆਹਟਾવ ਹੋਤਿ। ਸਚੇ ਪਨ ਸੋ ਅਨ੍ਤਰਾਮਗ੍ਗੇ ਅਞ੍ਞਂ ਭਿਕ੍ਖੁਂ ਦਿਸ੍વਾ ਯੇਸਂ ਅਨੇਨ ਪਾਰਿਸੁਦ੍ਧਿ ਗਹਿਤਾ, ਤੇਸਞ੍ਚ ਅਤ੍ਤਨੋ ਚ ਪਾਰਿਸੁਦ੍ਧਿਂ ਦੇਤਿ, ਤਸ੍ਸੇવ ਪਾਰਿਸੁਦ੍ਧਿ ਆਗਚ੍ਛਤਿ, ਇਤਰਾ ਪਨ ਬਿਲਾਲ਼ਸਙ੍ਖਲਿਕਪਾਰਿਸੁਦ੍ਧਿ ਨਾਮ ਹੋਤਿ। ਸਾ ਨ ਆਗਚ੍ਛਤਿ।
Saṅghappatto pakkamatīti sabbantimena paricchedena uposathatthāya sannipatitānaṃ catunnaṃ bhikkhūnaṃ hatthapāsaṃ patvā pakkamati. Esa nayo sabbattha. Ettha ca ekena bahūnampi āhaṭā pārisuddhi āhaṭāva hoti. Sace pana so antarāmagge aññaṃ bhikkhuṃ disvā yesaṃ anena pārisuddhi gahitā, tesañca attano ca pārisuddhiṃ deti, tasseva pārisuddhi āgacchati, itarā pana bilāḷasaṅkhalikapārisuddhi nāma hoti. Sā na āgacchati.
ਸੁਤ੍ਤੋ ਨ ਆਰੋਚੇਤੀਤਿ ਆਗਨ੍ਤ੍વਾ ਸੁਪਤਿ, ‘‘ਅਸੁਕੇਨ ਪਾਰਿਸੁਦ੍ਧਿ ਦਿਨ੍ਨਾ’’ਤਿ ਨ ਆਰੋਚੇਤਿ। ਪਾਰਿਸੁਦ੍ਧਿਹਾਰਕਸ੍ਸ ਅਨਾਪਤ੍ਤੀਤਿ ਏਤ੍ਥ ਸਚੇ ਸਞ੍ਚਿਚ੍ਚ ਨਾਰੋਚੇਤਿ, ਦੁਕ੍ਕਟਂ ਆਪਜ੍ਜਤਿ, ਪਾਰਿਸੁਦ੍ਧਿ ਪਨ ਆਹਟਾવ ਹੋਤਿ। ਅਸਞ੍ਚਿਚ੍ਚ ਅਨਾਰੋਚਿਤਤ੍ਤਾ ਪਨਸ੍ਸ ਅਨਾਪਤ੍ਤਿ, ਉਭਿਨ੍ਨਮ੍ਪਿ ਚ ਉਪੋਸਥੋ ਕਤੋਯੇવ ਹੋਤਿ।
Sutto na ārocetīti āgantvā supati, ‘‘asukena pārisuddhi dinnā’’ti na āroceti. Pārisuddhihārakassa anāpattīti ettha sace sañcicca nāroceti, dukkaṭaṃ āpajjati, pārisuddhi pana āhaṭāva hoti. Asañcicca anārocitattā panassa anāpatti, ubhinnampi ca uposatho katoyeva hoti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੮੭. ਪਾਰਿਸੁਦ੍ਧਿਦਾਨਕਥਾ • 87. Pārisuddhidānakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਾਰਿਸੁਦ੍ਧਿਦਾਨਕਥਾવਣ੍ਣਨਾ • Pārisuddhidānakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਾਰਿਸੁਦ੍ਧਿਦਾਨਕਥਾવਣ੍ਣਨਾ • Pārisuddhidānakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਕ੍ਖਗਣਨਾਦਿਉਗ੍ਗਹਣਾਨੁਜਾਨਨਕਥਾਦਿવਣ੍ਣਨਾ • Pakkhagaṇanādiuggahaṇānujānanakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੮੭. ਪਾਰਿਸੁਦ੍ਧਿਦਾਨਕਥਾ • 87. Pārisuddhidānakathā
