| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੮੭. ਪਾਰਿਸੁਦ੍ਧਿਦਾਨਕਥਾ
87. Pārisuddhidānakathā
੧੬੪. ਯੇਨ ਕੇਨਚਿ ਅਙ੍ਗਪਚ੍ਚਙ੍ਗੇਨ વਿਞ੍ਞਾਪੇਤੀਤਿ ਪਟਿવਚਨਂ ਨਿਚ੍ਛਾਰੇਤੁਮਸਕ੍ਕੋਨ੍ਤੋ ਯੇਨ ਕੇਨਚਿ ਅਙ੍ਗਪਚ੍ਚਙ੍ਗੇਨ વਿਞ੍ਞਾਪੇਤਿ। ਉਭਯਥਾਤਿ ਉਭਯੇਹਿ ਕਾਯવਾਚਾਸਙ੍ਖਾਤੇਹਿ ਆਕਾਰੇਹਿ। ਕਾਯવਾਚਾਹਿ વਿਞ੍ਞਾਪੇਤੀਤਿ ਸਮ੍ਬਨ੍ਧੋ। ਸਬ੍ਬੇਤਿ ਅਖਿਲਾ ਗਿਲਾਨਾ। ਹਤ੍ਥਪਾਸੇਤਿ ਸਙ੍ਘਸ੍ਸ ਹਤ੍ਥਪਾਸਮ੍ਹਿ। ਸਚੇ ਦੂਰੇ ਹੋਨ੍ਤੀਤਿ ਸਚੇ ਬਹੂ ਗਿਲਾਨਾ ਅਞ੍ਞਮਞ੍ਞਂ ਦੂਰੇ ਹੋਨ੍ਤਿ। ਤਂ ਦਿવਸਨ੍ਤਿ ਤਸ੍ਮਿਂ ਸਙ੍ਘਅਪ੍ਪਹੋਨਕਦਿવਸੇ।
164.Yena kenaci aṅgapaccaṅgena viññāpetīti paṭivacanaṃ nicchāretumasakkonto yena kenaci aṅgapaccaṅgena viññāpeti. Ubhayathāti ubhayehi kāyavācāsaṅkhātehi ākārehi. Kāyavācāhi viññāpetīti sambandho. Sabbeti akhilā gilānā. Hatthapāseti saṅghassa hatthapāsamhi. Sace dūre hontīti sace bahū gilānā aññamaññaṃ dūre honti. Taṃ divasanti tasmiṃ saṅghaappahonakadivase.
ਤਤ੍ਥੇવ ਪਕ੍ਕਮਤੀਤਿ ਏਤ੍ਥ ਨਿਸ੍ਸਕ੍ਕਤ੍ਥੇ ਥਪਚ੍ਚਯੋਤਿ ਆਹ ‘‘ਤਤੋવਾ’’ਤਿ, ਪਾਰਿਸੁਦ੍ਧਿਹਾਰਟ੍ਠਾਨਤੋ ਏવਾਤਿ ਅਤ੍ਥੋ। ‘‘ਗਚ੍ਛਤੀ’’ਤਿ ਇਮਿਨਾ ਕਮੁਧਾਤੁਯਾ ਪਦવਿਕ੍ਖੇਪਤ੍ਥਂ ਦਸ੍ਸੇਤਿ, ‘‘ਕਤ੍ਥਚੀ’’ਤਿ ਇਮਿਨਾ ਤਸ੍ਸ ਕਮ੍ਮਂ। ਸਾਮਣੇਰੋ ਪਟਿਜਾਨਾਤੀਤਿਆਦੀਸੁ ਪਟਿਜਾਨਨਾਕਾਰਤ੍ਥਸ੍ਸ ਇਤਿਸਦ੍ਦਸ੍ਸ ਲੋਪਭਾવਂ ਦਸ੍ਸੇਨ੍ਤੋ ਆਹ ‘‘ਸਾਮਣੇਰੋ ਅਹ’’ਨ੍ਤਿ ਏવਂ ਪਟਿਜਾਨਾਤੀ’’ਤਿਆਦਿ। ਭੂਤਂਯੇવਾਤਿ વਿਜ੍ਜਮਾਨਂਯੇવ। ਸਬ੍ਬਤ੍ਥਾਤਿ ਸਬ੍ਬੇਸੁ ‘‘ਸਿਕ੍ਖਂ ਪਚ੍ਚਕ੍ਖਾਤਕੋ ਪਟਿਜਾਨਾਤੀ’’ਤਿਆਦੀਸੁ।
Tattheva pakkamatīti ettha nissakkatthe thapaccayoti āha ‘‘tatovā’’ti, pārisuddhihāraṭṭhānato evāti attho. ‘‘Gacchatī’’ti iminā kamudhātuyā padavikkhepatthaṃ dasseti, ‘‘katthacī’’ti iminā tassa kammaṃ. Sāmaṇero paṭijānātītiādīsu paṭijānanākāratthassa itisaddassa lopabhāvaṃ dassento āha ‘‘sāmaṇero aha’’nti evaṃ paṭijānātī’’tiādi. Bhūtaṃyevāti vijjamānaṃyeva. Sabbatthāti sabbesu ‘‘sikkhaṃ paccakkhātako paṭijānātī’’tiādīsu.
ਸਬ੍ਬਨ੍ਤਿਮੇਨ ਪਰਿਚ੍ਛੇਦੇਨ ਚਤੁਨ੍ਨਂ ਭਿਕ੍ਖੂਨਨ੍ਤਿ ਸਮ੍ਬਨ੍ਧੋ। ਸਬ੍ਬਤ੍ਥਾਤਿ ਸਬ੍ਬੇਸੁ ‘‘ਸਙ੍ਘਪ੍ਪਤ੍ਤੋ વਿਬ੍ਭਮਤੀ’’ਤਿਆਦੀਸੁ। ਏਤ੍ਥਾਤਿ ਪਾਰਿਸੁਦ੍ਧਿਹਰਣੇ। ਬਹੂਨਮ੍ਪੀਤਿ ਏਤ੍ਥ ਪਿਸਦ੍ਦੇਨ ਏਕੇਨ ਏਕਸ੍ਸਾਪਿ, ਬਹੂਹਿ ਏਕਸ੍ਸਾਪਿ, ਬਹੂਹਿ ਬਹੂਨਮ੍ਪਿ ਆਹਟਾ ਪਾਰਿਸੁਦ੍ਧਿ ਆਹਟਾવ ਹੋਤੀਤਿ ਦਸ੍ਸੇਤਿ। ਸੋਤਿ ਪਾਰਿਸੁਦ੍ਧਿਹਾਰਕੋ ਭਿਕ੍ਖੁ। ਯੇਸਨ੍ਤਿ ਭਿਕ੍ਖੂਨਂ। ਤਸ੍ਸੇવਾਤਿ ਪਾਰਿਸੁਦ੍ਧਿਹਾਰਕਸ੍ਸੇવ। ਇਤਰਾ ਪਨਾਤਿ ਇਤਰੇਸਂ ਪਾਰਿਸੁਦ੍ਧਿ ਪਨ। ਬਿਲ਼ਾਲਸਙ੍ਖਲਿਕਾਤਿ ਏਤ੍ਥ ਬਿਲ਼ਾਲੋਤਿ ਆਖੁਭੁਜੋ। ਸੋ ਹਿ ਬਿਲ਼ਾਸਯਂ ਆਖੁਂ ਗਣ੍ਹਿਤੁਂ ਅਲਤਿ ਸਮਤ੍ਥੇਤੀਤਿ ਬਿਲ਼ਾਲੋਤਿ વੁਚ੍ਚਤਿ। ਸਙ੍ਖਲਿਕਾਤਿ ਏਤਂ ਸਤ੍ਤਾਨਂ ਬਨ੍ਧਨੂਪਕਰਣવਿਸੇਸਸ੍ਸ ਨਾਮਂ। ਬਿਲ਼ਾਲਸ੍ਸ ਸਙ੍ਖਲਿਕਾ ਤੇਨ ਸਮ੍ਬਨ੍ਧਸਮ੍ਬਨ੍ਧਿਭਾવੇਨ ਸਮ੍ਬਨ੍ਧਤ੍ਤਾਤਿ ਬਿਲ਼ਾਲਸਙ੍ਖਲਿਕਾ। ਇਦਂ ਉਪਲਕ੍ਖਣਮਤ੍ਤਂ ਯੇਸਂ ਕੇਸਞ੍ਚਿ ਸਙ੍ਖਲਿਕਾਯ ਗਹੇਤਬ੍ਬਤ੍ਤਾ। ਤਾਯ ਸਦਿਸਾ ਬਿਲ਼ਾਲਸਙ੍ਖਲਿਕਾ ਪਾਰਿਸੁਦ੍ਧੀਤਿ ਅਤ੍ਥੋ। ਇਦਂ ਪਨੇਤ੍ਥ ਓਪਮ੍ਮਸਂਸਨ੍ਦਨਂ – ਯਥਾ ਸਙ੍ਖਲਿਕਾਯ ਪਠਮਂ વਲਯਂ ਦੁਤਿਯਂਯੇવ વਲਯਂ ਪਾਪੁਣਾਤਿ, ਨ ਤਤਿਯਂ, ਏવਮੇવ ਪਠਮਂ ਦਿਨ੍ਨਾ ਪਾਰਿਸੁਦ੍ਧਿ ਦੁਤਿਯਮੇવ ਪਾਪੁਣਾਤਿ, ਨ ਤਤਿਯਨ੍ਤਿ।
Sabbantimena paricchedena catunnaṃ bhikkhūnanti sambandho. Sabbatthāti sabbesu ‘‘saṅghappatto vibbhamatī’’tiādīsu. Etthāti pārisuddhiharaṇe. Bahūnampīti ettha pisaddena ekena ekassāpi, bahūhi ekassāpi, bahūhi bahūnampi āhaṭā pārisuddhi āhaṭāva hotīti dasseti. Soti pārisuddhihārako bhikkhu. Yesanti bhikkhūnaṃ. Tassevāti pārisuddhihārakasseva. Itarā panāti itaresaṃ pārisuddhi pana. Biḷālasaṅkhalikāti ettha biḷāloti ākhubhujo. So hi biḷāsayaṃ ākhuṃ gaṇhituṃ alati samatthetīti biḷāloti vuccati. Saṅkhalikāti etaṃ sattānaṃ bandhanūpakaraṇavisesassa nāmaṃ. Biḷālassa saṅkhalikā tena sambandhasambandhibhāvena sambandhattāti biḷālasaṅkhalikā. Idaṃ upalakkhaṇamattaṃ yesaṃ kesañci saṅkhalikāya gahetabbattā. Tāya sadisā biḷālasaṅkhalikā pārisuddhīti attho. Idaṃ panettha opammasaṃsandanaṃ – yathā saṅkhalikāya paṭhamaṃ valayaṃ dutiyaṃyeva valayaṃ pāpuṇāti, na tatiyaṃ, evameva paṭhamaṃ dinnā pārisuddhi dutiyameva pāpuṇāti, na tatiyanti.
ਆਗਨ੍ਤ੍વਾਤਿ ਸਙ੍ਘਸ੍ਸ ਹਤ੍ਥਪਾਸਂ ਆਗਨ੍ਤ੍વਾ। ਪਾਲ਼ਿਯਂ ਸੁਤ੍ਤੋ ਨ ਆਰੋਚੇਤੀਤਿਆਦੀਸੁ ਹੇਤ੍વਤ੍ਥੇ ਪਚ੍ਚਤ੍ਤવਚਨਂ। ਸੁਤ੍ਤੇਨ ਨਾਰੋਚੇਤੀਤਿ ਹਿ ਅਤ੍ਥੋ। ਪਾਰਿਸੁਦ੍ਧਿਹਾਰਕਸ੍ਸ ਅਨਾਪਤ੍ਤੀਤਿ ਏਤ੍ਥ ਆਪਤ੍ਤੀਤਿ ਅਨ੍વਯਤ੍ਥਂ ਅਤ੍ਥਾਪਤ੍ਤਿਤੋ ਦਸ੍ਸੇਨ੍ਤੋ ਆਹ ‘‘ਸਚੇ…ਪੇ॰… ਆਪਜ੍ਜਤੀ’’ਤਿ। ਅਸ੍ਸਾਤਿ ਭਿਕ੍ਖੁਸ੍ਸ। ਉਭਿਨ੍ਨਮ੍ਪੀਤਿ ਪਾਰਿਸੁਦ੍ਧਿਦਾਯਕਸ੍ਸ, ਤਂਹਾਰਕਸ੍ਸ ਚਾਤਿ ਉਭਿਨ੍ਨਮ੍ਪਿ।
Āgantvāti saṅghassa hatthapāsaṃ āgantvā. Pāḷiyaṃ sutto na ārocetītiādīsu hetvatthe paccattavacanaṃ. Suttena nārocetīti hi attho. Pārisuddhihārakassa anāpattīti ettha āpattīti anvayatthaṃ atthāpattito dassento āha ‘‘sace…pe… āpajjatī’’ti. Assāti bhikkhussa. Ubhinnampīti pārisuddhidāyakassa, taṃhārakassa cāti ubhinnampi.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੮੭. ਪਾਰਿਸੁਦ੍ਧਿਦਾਨਕਥਾ • 87. Pārisuddhidānakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਪਾਰਿਸੁਦ੍ਧਿਦਾਨਕਥਾ • Pārisuddhidānakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਾਰਿਸੁਦ੍ਧਿਦਾਨਕਥਾવਣ੍ਣਨਾ • Pārisuddhidānakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਾਰਿਸੁਦ੍ਧਿਦਾਨਕਥਾવਣ੍ਣਨਾ • Pārisuddhidānakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਕ੍ਖਗਣਨਾਦਿਉਗ੍ਗਹਣਾਨੁਜਾਨਨਕਥਾਦਿવਣ੍ਣਨਾ • Pakkhagaṇanādiuggahaṇānujānanakathādivaṇṇanā
