| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
баарисуд̣̇д̇хид̣̇аанагат̇ааван̣н̣анаа
Pārisuddhidānakathāvaṇṇanā
164. баарисуд̣̇д̇хим̣ д̣̇аммийд̇и ‘‘саабад̇д̇иго т̇зраанам̣ д̣̇зд̇и, самбаж̇аанамусааваад̣̇з д̣̇уггадам̣ самбхавад̇ий’’д̇и аажариязна ликид̇ам̣. гим̣ ну ко гааран̣ам̣? самбаж̇аанамусааваад̣̇зна д̣̇уггадаабад̇д̇и наама гзвалам̣ бхаг̇авад̇аа вуд̇д̇ад̇д̇аа агирияасамудтаанаа ход̇ийд̇и. ‘‘баарисуд̣̇д̇хим̣ д̣̇аммий’’д̇и зд̇т̇а бана гирияаа бан̃н̃ааяад̇и, д̇асмаа самбаж̇аанамусааваад̣̇з баажид̇д̇ияам̣ вияа д̣̇иссад̇и, судту убабаригкид̇аб̣б̣ам̣. маханд̇аа хи д̇з аажарияаа наама. д̇ад̇т̇а ‘‘д̣̇аммий’’д̇и ад̇д̇ано убосат̇агамманиб̣б̣ад̇д̇инимид̇д̇ам̣ вуд̇д̇ам̣. ‘‘хараа’’д̇и жа ‘‘аарожзхий’’д̇и жа хаарагасса анаарожанабажжаяаа д̣̇уггадаможанад̇т̇ам̣ вуд̇д̇ам̣. зсзва наяо чанд̣̇ад̣̇аанзби. д̇ад̇т̇а ‘‘д̣̇аммий’’д̇и ад̇д̇ано жид̇д̇асаамаг̇г̇ид̣̇ийбанаважанам̣, сзсам̣ вуд̇д̇анаяамзва, звам̣ убад̇иссад̇т̇зро ван̣н̣зд̇и. ат̇а ваа батамам̣ самаг̇г̇абхаавам̣ санд̇хааяа, д̣̇уд̇ияам̣ бажчаа вид̇хаад̇аб̣б̣абхаавам̣, д̇ад̇ияам̣ чанд̣̇ахаарагасса д̣̇уггадаможанад̇т̇ам̣ вуд̇д̇ам̣. убхаяад̇т̇ааби ‘‘сан̇гхаббад̇д̇о баггамад̇ий’’д̇иаад̣̇иважанад̇о сан̇гхз самаг̇г̇з зва чанд̣̇абаарисуд̣̇д̇хид̣̇аанам̣ рухад̇и, наасамаг̇г̇зд̇и сид̣̇д̇хам̣. ‘‘сан̇гхаббад̇д̇о угкид̇д̇аго бадиж̇аанаад̇и, аахадаа ход̇и баарисуд̣̇д̇хий’’д̇иаад̣̇иважанад̇о угкид̇д̇агаад̣̇ийнамби чанд̣̇абаарисуд̣̇д̇хид̣̇аанам̣ рухад̇ийд̇и сид̣̇д̇хам̣, д̇ан̃жа ко багад̇ад̇д̇асан̃н̃ааяа, но ан̃н̃ат̇аад̇и д̇агго. ж̇аанид̇ваа сааман̣зрасса д̣̇иннз на яаад̇и, аабад̇д̇и жа, аж̇аанид̇ваа д̣̇иннз яаад̇и жа, анаабад̇д̇ийд̇и згз. б̣ил̣ааласан̇калигаа наама баарисуд̣̇д̇хийд̇и зд̇т̇а сан̇калигаа наама ананд̇арзна самб̣аж̇жхад̇и, ан̃н̃зна жа сан̇калигзнаад̇и гзвалам̣ сан̇калигаа баарисуд̣̇д̇хи наама ход̇ийд̇и убад̇иссад̇т̇зро. звам̣ санд̇з висзсанам̣ нирад̇т̇агам̣ ход̇и. б̣ил̣ааласан̇калигаа б̣ад̣̇д̇хаава ход̇и анд̇ог̇зхз зва самбаяож̇анад̇д̇аа. яат̇аа саа на гад̇т̇ажи г̇ажчад̇и, д̇ат̇аа сааби на гад̇т̇ажи г̇ажчад̇ийд̇и гира ад̇хиббааяо.
164.Pārisuddhiṃ dammīti ‘‘sāpattiko therānaṃ deti, sampajānamusāvāde dukkaṭaṃ sambhavatī’’ti ācariyena likhitaṃ. Kiṃ nu kho kāraṇaṃ? Sampajānamusāvādena dukkaṭāpatti nāma kevalaṃ bhagavatā vuttattā akiriyasamuṭṭhānā hotīti. ‘‘Pārisuddhiṃ dammī’’ti ettha pana kiriyā paññāyati, tasmā sampajānamusāvāde pācittiyaṃ viya dissati, suṭṭhu upaparikkhitabbaṃ. Mahantā hi te ācariyā nāma. Tattha ‘‘dammī’’ti attano uposathakammanibbattinimittaṃ vuttaṃ. ‘‘Harā’’ti ca ‘‘ārocehī’’ti ca hārakassa anārocanapaccayā dukkaṭamocanatthaṃ vuttaṃ. Eseva nayo chandadānepi. Tattha ‘‘dammī’’ti attano cittasāmaggidīpanavacanaṃ, sesaṃ vuttanayameva, evaṃ upatissatthero vaṇṇeti. Atha vā paṭhamaṃ samaggabhāvaṃ sandhāya, dutiyaṃ pacchā vidhātabbabhāvaṃ, tatiyaṃ chandahārakassa dukkaṭamocanatthaṃ vuttaṃ. Ubhayatthāpi ‘‘saṅghappatto pakkamatī’’tiādivacanato saṅghe samagge eva chandapārisuddhidānaṃ ruhati, nāsamaggeti siddhaṃ. ‘‘Saṅghappatto ukkhittako paṭijānāti, āhaṭā hoti pārisuddhī’’tiādivacanato ukkhittakādīnampi chandapārisuddhidānaṃ ruhatīti siddhaṃ, tañca kho pakatattasaññāya, no aññathāti takko. Jānitvā sāmaṇerassa dinne na yāti, āpatti ca, ajānitvā dinne yāti ca, anāpattīti eke. Biḷālasaṅkhalikā nāma pārisuddhīti ettha saṅkhalikā nāma anantarena sambajjhati, aññena ca saṅkhalikenāti kevalaṃ saṅkhalikā pārisuddhi nāma hotīti upatissatthero. Evaṃ sante visesanaṃ niratthakaṃ hoti. Biḷālasaṅkhalikā baddhāva hoti antogehe eva sampayojanattā. Yathā sā na katthaci gacchati, tathā sāpi na katthaci gacchatīti kira adhippāyo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 87. баарисуд̣̇д̇хид̣̇аанагат̇аа • 87. Pārisuddhidānakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / баарисуд̣̇д̇хид̣̇аанагат̇аа • Pārisuddhidānakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баарисуд̣̇д̇хид̣̇аанагат̇ааван̣н̣анаа • Pārisuddhidānakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / багкаг̇ан̣анаад̣̇иуг̇г̇ахан̣аануж̇аананагат̇аад̣̇иван̣н̣анаа • Pakkhagaṇanādiuggahaṇānujānanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 87. баарисуд̣̇д̇хид̣̇аанагат̇аа • 87. Pārisuddhidānakathā
