| Library / Tipiṭaka / ติปิฎก • Tipiṭaka / ปฎฺฐานปาฬิ • Paṭṭhānapāḷi |
๑๓. ปริตฺตารมฺมณตฺติกํ
13. Parittārammaṇattikaṃ
๑. ปฎิจฺจวาโร
1. Paṭiccavāro
๑. ปจฺจยานุโลมํ
1. Paccayānulomaṃ
๑. วิภงฺควาโร
1. Vibhaṅgavāro
เหตุปจฺจโย
Hetupaccayo
๑. ปริตฺตารมฺมณํ ธมฺมํ ปฎิจฺจ ปริตฺตารมฺมโณ ธโมฺม อุปฺปชฺชติ เหตุปจฺจยา – ปริตฺตารมฺมณํ เอกํ ขนฺธํ ปฎิจฺจ ตโย ขนฺธา…เป.… เทฺว ขนฺธาฯ ปฎิสนฺธิกฺขเณ ปริตฺตารมฺมณํ เอกํ ขนฺธํ ปฎิจฺจ ตโย ขนฺธา…เป.… เทฺว ขนฺธาฯ (๑)
1. Parittārammaṇaṃ dhammaṃ paṭicca parittārammaṇo dhammo uppajjati hetupaccayā – parittārammaṇaṃ ekaṃ khandhaṃ paṭicca tayo khandhā…pe… dve khandhā. Paṭisandhikkhaṇe parittārammaṇaṃ ekaṃ khandhaṃ paṭicca tayo khandhā…pe… dve khandhā. (1)
มหคฺคตารมฺมณํ ธมฺมํ ปฎิจฺจ มหคฺคตารมฺมโณ ธโมฺม อุปฺปชฺชติ เหตุปจฺจยา – มหคฺคตารมฺมณํ เอกํ ขนฺธํ ปฎิจฺจ ตโย ขนฺธา…เป.… เทฺว ขนฺธาฯ ปฎิสนฺธิกฺขเณ มหคฺคตารมฺมณํ…เป.…ฯ (๑)
Mahaggatārammaṇaṃ dhammaṃ paṭicca mahaggatārammaṇo dhammo uppajjati hetupaccayā – mahaggatārammaṇaṃ ekaṃ khandhaṃ paṭicca tayo khandhā…pe… dve khandhā. Paṭisandhikkhaṇe mahaggatārammaṇaṃ…pe…. (1)
อปฺปมาณารมฺมณํ ธมฺมํ ปฎิจฺจ อปฺปมาณารมฺมโณ ธโมฺม อุปฺปชฺชติ เหตุปจฺจยา – อปฺปมาณารมฺมณํ เอกํ ขนฺธํ ปฎิจฺจ ตโย ขนฺธา…เป.… เทฺว ขนฺธาฯ (๑)
Appamāṇārammaṇaṃ dhammaṃ paṭicca appamāṇārammaṇo dhammo uppajjati hetupaccayā – appamāṇārammaṇaṃ ekaṃ khandhaṃ paṭicca tayo khandhā…pe… dve khandhā. (1)
อารมฺมณปจฺจยาทิ
Ārammaṇapaccayādi
๒. ปริตฺตารมฺมณํ ธมฺมํ ปฎิจฺจ ปริตฺตารมฺมโณ ธโมฺม อุปฺปชฺชติ อารมฺมณปจฺจยา… อธิปติปจฺจยา (สํขิตฺตํ)… อวิคตปจฺจยาฯ
2. Parittārammaṇaṃ dhammaṃ paṭicca parittārammaṇo dhammo uppajjati ārammaṇapaccayā… adhipatipaccayā (saṃkhittaṃ)… avigatapaccayā.
๑. ปจฺจยานุโลมํ
1. Paccayānulomaṃ
๒. สงฺขฺยาวาโร
2. Saṅkhyāvāro
๓. เหตุยา ตีณิ, อารมฺมเณ ตีณิ, อธิปติยา ตีณิ…เป.… อวิคเต ตีณิ (เอวํ คเณตพฺพํ)ฯ
3. Hetuyā tīṇi, ārammaṇe tīṇi, adhipatiyā tīṇi…pe… avigate tīṇi (evaṃ gaṇetabbaṃ).
อนุโลมํฯ
Anulomaṃ.
๒. ปจฺจยปจฺจนียํ
2. Paccayapaccanīyaṃ
๑. วิภงฺควาโร
1. Vibhaṅgavāro
นเหตุปจฺจโย
Nahetupaccayo
๔. ปริตฺตารมฺมณํ ธมฺมํ ปฎิจฺจ ปริตฺตารมฺมโณ ธโมฺม อุปฺปชฺชติ นเหตุปจฺจยา – อเหตุกํ ปริตฺตารมฺมณํ เอกํ ขนฺธํ ปฎิจฺจ ตโย ขนฺธา…เป.… เทฺว ขนฺธาฯ อเหตุกปฎิสนฺธิกฺขเณ ปริตฺตารมฺมณํ เอกํ ขนฺธํ ปฎิจฺจ ตโย ขนฺธา…เป.… เทฺว ขนฺธา, วิจิกิจฺฉาสหคเต อุทฺธจฺจสหคเต ขเนฺธ ปฎิจฺจ วิจิกิจฺฉาสหคโต อุทฺธจฺจสหคโต โมโหฯ (๑)
4. Parittārammaṇaṃ dhammaṃ paṭicca parittārammaṇo dhammo uppajjati nahetupaccayā – ahetukaṃ parittārammaṇaṃ ekaṃ khandhaṃ paṭicca tayo khandhā…pe… dve khandhā. Ahetukapaṭisandhikkhaṇe parittārammaṇaṃ ekaṃ khandhaṃ paṭicca tayo khandhā…pe… dve khandhā, vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)
มหคฺคตารมฺมณํ ธมฺมํ ปฎิจฺจ มหคฺคตารมฺมโณ ธโมฺม อุปฺปชฺชติ นเหตุปจฺจยา – อเหตุกํ มหคฺคตารมฺมณํ เอกํ ขนฺธํ ปฎิจฺจ ตโย ขนฺธา…เป.… เทฺว ขนฺธา, วิจิกิจฺฉาสหคเต อุทฺธจฺจสหคเต ขเนฺธ ปฎิจฺจ วิจิกิจฺฉาสหคโต อุทฺธจฺจสหคโต โมโหฯ (๑)
Mahaggatārammaṇaṃ dhammaṃ paṭicca mahaggatārammaṇo dhammo uppajjati nahetupaccayā – ahetukaṃ mahaggatārammaṇaṃ ekaṃ khandhaṃ paṭicca tayo khandhā…pe… dve khandhā, vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)
อปฺปมาณารมฺมณํ ธมฺมํ ปฎิจฺจ อปฺปมาณารมฺมโณ ธโมฺม อุปฺปชฺชติ นเหตุปจฺจยา – อเหตุกํ อปฺปมาณารมฺมณํ เอกํ ขนฺธํ ปฎิจฺจ ตโย ขนฺธา…เป.… เทฺว ขนฺธาฯ (๑)
Appamāṇārammaṇaṃ dhammaṃ paṭicca appamāṇārammaṇo dhammo uppajjati nahetupaccayā – ahetukaṃ appamāṇārammaṇaṃ ekaṃ khandhaṃ paṭicca tayo khandhā…pe… dve khandhā. (1)
นอธิปติปจฺจโย
Naadhipatipaccayo
๕. ปริตฺตารมฺมณํ ธมฺมํ ปฎิจฺจ ปริตฺตารมฺมโณ ธโมฺม อุปฺปชฺชติ นอธิปติปจฺจยา – ปริตฺตารมฺมณํ เอกํ ขนฺธํ ปฎิจฺจ ตโย ขนฺธา…เป.… เทฺว ขนฺธาฯ ปฎิสนฺธิกฺขเณ…เป.…ฯ (๑)
5. Parittārammaṇaṃ dhammaṃ paṭicca parittārammaṇo dhammo uppajjati naadhipatipaccayā – parittārammaṇaṃ ekaṃ khandhaṃ paṭicca tayo khandhā…pe… dve khandhā. Paṭisandhikkhaṇe…pe…. (1)
มหคฺคตารมฺมณํ ธมฺมํ ปฎิจฺจ มหคฺคตารมฺมโณ ธโมฺม อุปฺปชฺชติ นอธิปติปจฺจยา – มหคฺคตารมฺมณํ เอกํ ขนฺธํ ปฎิจฺจ ตโย ขนฺธา…เป.… เทฺว ขนฺธาฯ ปฎิสนฺธิกฺขเณ…เป.…ฯ (๑)
Mahaggatārammaṇaṃ dhammaṃ paṭicca mahaggatārammaṇo dhammo uppajjati naadhipatipaccayā – mahaggatārammaṇaṃ ekaṃ khandhaṃ paṭicca tayo khandhā…pe… dve khandhā. Paṭisandhikkhaṇe…pe…. (1)
อปฺปมาณารมฺมณํ ธมฺมํ ปฎิจฺจ อปฺปมาณารมฺมโณ ธโมฺม อุปฺปชฺชติ นอธิปติปจฺจยา – อปฺปมาณารมฺมณํ เอกํ ขนฺธํ ปฎิจฺจ ตโย ขนฺธา…เป.… เทฺว ขนฺธาฯ (๑)
Appamāṇārammaṇaṃ dhammaṃ paṭicca appamāṇārammaṇo dhammo uppajjati naadhipatipaccayā – appamāṇārammaṇaṃ ekaṃ khandhaṃ paṭicca tayo khandhā…pe… dve khandhā. (1)
นปุเรชาตปจฺจยาทิ
Napurejātapaccayādi
๖. ปริตฺตารมฺมณํ ธมฺมํ ปฎิจฺจ ปริตฺตารมฺมโณ ธโมฺม อุปฺปชฺชติ นปุเรชาตปจฺจยา – อรูเป ปริตฺตารมฺมณํ เอกํ ขนฺธํ ปฎิจฺจ ตโย ขนฺธา…เป.… ปฎิสนฺธิกฺขเณ…เป.…ฯ (๑)
6. Parittārammaṇaṃ dhammaṃ paṭicca parittārammaṇo dhammo uppajjati napurejātapaccayā – arūpe parittārammaṇaṃ ekaṃ khandhaṃ paṭicca tayo khandhā…pe… paṭisandhikkhaṇe…pe…. (1)
มหคฺคตารมฺมณํ ธมฺมํ ปฎิจฺจ มหคฺคตารมฺมโณ ธโมฺม อุปฺปชฺชติ นปุเรชาตปจฺจยา – อรูเป มหคฺคตารมฺมณํ เอกํ ขนฺธํ ปฎิจฺจ ตโย ขนฺธา…เป.… เทฺว ขนฺธา (มหคฺคตารมฺมเณ ปฎิสนฺธิ นตฺถิ)ฯ (๑)
Mahaggatārammaṇaṃ dhammaṃ paṭicca mahaggatārammaṇo dhammo uppajjati napurejātapaccayā – arūpe mahaggatārammaṇaṃ ekaṃ khandhaṃ paṭicca tayo khandhā…pe… dve khandhā (mahaggatārammaṇe paṭisandhi natthi). (1)
อปฺปมาณารมฺมณํ ธมฺมํ ปฎิจฺจ อปฺปมาณารมฺมโณ ธโมฺม อุปฺปชฺชติ นปุเรชาตปจฺจยา – อรูเป อปฺปมาณารมฺมณํ เอกํ ขนฺธํ ปฎิจฺจ ตโย ขนฺธา…เป.… เทฺว ขนฺธา (นปจฺฉาชาตปจฺจยญฺจ นอาเสวนปจฺจยญฺจ นอธิปติสทิสํ)ฯ
Appamāṇārammaṇaṃ dhammaṃ paṭicca appamāṇārammaṇo dhammo uppajjati napurejātapaccayā – arūpe appamāṇārammaṇaṃ ekaṃ khandhaṃ paṭicca tayo khandhā…pe… dve khandhā (napacchājātapaccayañca naāsevanapaccayañca naadhipatisadisaṃ).
นกมฺมปจฺจโย
Nakammapaccayo
๗. ปริตฺตารมฺมณํ ธมฺมํ ปฎิจฺจ ปริตฺตารมฺมโณ ธโมฺม อุปฺปชฺชติ นกมฺมปจฺจยา – ปริตฺตารมฺมเณ ขเนฺธ ปฎิจฺจ ปริตฺตารมฺมณา เจตนาฯ (๑)
7. Parittārammaṇaṃ dhammaṃ paṭicca parittārammaṇo dhammo uppajjati nakammapaccayā – parittārammaṇe khandhe paṭicca parittārammaṇā cetanā. (1)
มหคฺคตารมฺมณํ ธมฺมํ ปฎิจฺจ มหคฺคตารมฺมโณ ธโมฺม อุปฺปชฺชติ นกมฺมปจฺจยา – มหคฺคตารมฺมเณ ขเนฺธ ปฎิจฺจ มหคฺคตารมฺมณา เจตนาฯ (๑)
Mahaggatārammaṇaṃ dhammaṃ paṭicca mahaggatārammaṇo dhammo uppajjati nakammapaccayā – mahaggatārammaṇe khandhe paṭicca mahaggatārammaṇā cetanā. (1)
อปฺปมาณารมฺมณํ ธมฺมํ ปฎิจฺจ อปฺปมาณารมฺมโณ ธโมฺม อุปฺปชฺชติ นกมฺมปจฺจยา – อปฺปมาณารมฺมเณ ขเนฺธ ปฎิจฺจ อปฺปมาณารมฺมณา เจตนาฯ (๑)
Appamāṇārammaṇaṃ dhammaṃ paṭicca appamāṇārammaṇo dhammo uppajjati nakammapaccayā – appamāṇārammaṇe khandhe paṭicca appamāṇārammaṇā cetanā. (1)
นวิปากปจฺจยาทิ
Navipākapaccayādi
๘. ปริตฺตารมฺมณํ ธมฺมํ ปฎิจฺจ ปริตฺตารมฺมโณ ธโมฺม อุปฺปชฺชติ นวิปากปจฺจยา (ปฎิสนฺธิ นตฺถิ)… นฌานปจฺจยา – ปญฺจวิญฺญาณสหคตํ เอกํ ขนฺธํ ปฎิจฺจ ตโย ขนฺธา…เป.… เทฺว ขนฺธา…นมคฺคปจฺจยา – อเหตุกํ ปริตฺตารมฺมณํ เอกํ ขนฺธํ ปฎิจฺจ ตโย ขนฺธา…เป.… เทฺว ขนฺธา; อเหตุกปฎิสนฺธิกฺขเณ…เป.… เทฺว ขนฺธา…เป.…ฯ
8. Parittārammaṇaṃ dhammaṃ paṭicca parittārammaṇo dhammo uppajjati navipākapaccayā (paṭisandhi natthi)… najhānapaccayā – pañcaviññāṇasahagataṃ ekaṃ khandhaṃ paṭicca tayo khandhā…pe… dve khandhā…namaggapaccayā – ahetukaṃ parittārammaṇaṃ ekaṃ khandhaṃ paṭicca tayo khandhā…pe… dve khandhā; ahetukapaṭisandhikkhaṇe…pe… dve khandhā…pe….
มหคฺคตารมฺมณํ ธมฺมํ ปฎิจฺจ มหคฺคตารมฺมโณ ธโมฺม อุปฺปชฺชติ นมคฺคปจฺจยา – อเหตุกํ มหคฺคตารมฺมณํ เอกํ ขนฺธํ ปฎิจฺจ ตโย ขนฺธา…เป.… เทฺว ขนฺธาฯ (๑)
Mahaggatārammaṇaṃ dhammaṃ paṭicca mahaggatārammaṇo dhammo uppajjati namaggapaccayā – ahetukaṃ mahaggatārammaṇaṃ ekaṃ khandhaṃ paṭicca tayo khandhā…pe… dve khandhā. (1)
อปฺปมาณารมฺมณํ ธมฺมํ ปฎิจฺจ อปฺปมาณารมฺมโณ ธโมฺม อุปฺปชฺชติ นมคฺคปจฺจยา – อเหตุกํ อปฺปมาณารมฺมณํ เอกํ ขนฺธํ ปฎิจฺจ ตโย ขนฺธา…เป.… เทฺว ขนฺธาฯ (๑)
Appamāṇārammaṇaṃ dhammaṃ paṭicca appamāṇārammaṇo dhammo uppajjati namaggapaccayā – ahetukaṃ appamāṇārammaṇaṃ ekaṃ khandhaṃ paṭicca tayo khandhā…pe… dve khandhā. (1)
นวิปฺปยุตฺตปจฺจโย
Navippayuttapaccayo
๙. ปริตฺตารมฺมณํ ธมฺมํ ปฎิจฺจ ปริตฺตารมฺมโณ ธโมฺม อุปฺปชฺชติ นวิปฺปยุตฺตปจฺจยา – อรูเป ปริตฺตารมฺมณํ เอกํ ขนฺธํ ปฎิจฺจ ตโย ขนฺธา…เป.…ฯ (๑)
9. Parittārammaṇaṃ dhammaṃ paṭicca parittārammaṇo dhammo uppajjati navippayuttapaccayā – arūpe parittārammaṇaṃ ekaṃ khandhaṃ paṭicca tayo khandhā…pe…. (1)
มหคฺคตารมฺมณํ ธมฺมํ ปฎิจฺจ มหคฺคตารมฺมโณ ธโมฺม อุปฺปชฺชติ นวิปฺปยุตฺตปจฺจยา – อรูเป มหคฺคตารมฺมณํ เอกํ ขนฺธํ ปฎิจฺจ ตโย ขนฺธา…เป.…ฯ (๑)
Mahaggatārammaṇaṃ dhammaṃ paṭicca mahaggatārammaṇo dhammo uppajjati navippayuttapaccayā – arūpe mahaggatārammaṇaṃ ekaṃ khandhaṃ paṭicca tayo khandhā…pe…. (1)
อปฺปมาณารมฺมณํ ธมฺมํ ปฎิจฺจ อปฺปมาณารมฺมโณ ธโมฺม อุปฺปชฺชติ นวิปฺปยุตฺตปจฺจยา – อรูเป อปฺปมาณารมฺมณํ เอกํ ขนฺธํ ปฎิจฺจ ตโย ขนฺธา…เป.… เทฺว ขนฺธาฯ (๑)
Appamāṇārammaṇaṃ dhammaṃ paṭicca appamāṇārammaṇo dhammo uppajjati navippayuttapaccayā – arūpe appamāṇārammaṇaṃ ekaṃ khandhaṃ paṭicca tayo khandhā…pe… dve khandhā. (1)
๒. ปจฺจยปจฺจนียํ
2. Paccayapaccanīyaṃ
๒. สงฺขฺยาวาโร
2. Saṅkhyāvāro
๑๐. นเหตุยา ตีณิ, นอธิปติยา ตีณิ…เป.… นปุเรชาเต ตีณิ, นปจฺฉาชาเต ตีณิ, นอาเสวเน ตีณิ, นกเมฺม ตีณิ, นวิปาเก ตีณิ, นฌาเน เอกํ, นมเคฺค ตีณิ, นวิปฺปยุเตฺต ตีณิ (เอวํ คเณตพฺพํ)ฯ
10. Nahetuyā tīṇi, naadhipatiyā tīṇi…pe… napurejāte tīṇi, napacchājāte tīṇi, naāsevane tīṇi, nakamme tīṇi, navipāke tīṇi, najhāne ekaṃ, namagge tīṇi, navippayutte tīṇi (evaṃ gaṇetabbaṃ).
ปจฺจนียํฯ
Paccanīyaṃ.
๓. ปจฺจยานุโลมปจฺจนียํ
3. Paccayānulomapaccanīyaṃ
๑๑. เหตุปจฺจยา นอธิปติยา ตีณิ, นปุเรชาเต ตีณิ, นปจฺฉาชาเต ตีณิ, นอาเสวเน ตีณิ, นกเมฺม ตีณิ, นวิปาเก ตีณิ, นวิปฺปยุเตฺต ตีณิ (เอวํ คเณตพฺพํ)ฯ
11. Hetupaccayā naadhipatiyā tīṇi, napurejāte tīṇi, napacchājāte tīṇi, naāsevane tīṇi, nakamme tīṇi, navipāke tīṇi, navippayutte tīṇi (evaṃ gaṇetabbaṃ).
อนุโลมปจฺจนียํฯ
Anulomapaccanīyaṃ.
๔. ปจฺจยปจฺจนียานุโลมํ
4. Paccayapaccanīyānulomaṃ
นเหตุทุกํ
Nahetudukaṃ
๑๒. นเหตุปจฺจยา อารมฺมเณ ตีณิ, อนนฺตเร ตีณิ, สมนนฺตเร ตีณิ, สหชาเต ตีณิ, อญฺญมเญฺญ ตีณิ, นิสฺสเย ตีณิ, อุปนิสฺสเย ตีณิ, ปุเรชาเต ตีณิ, อาเสวเน เทฺว, กเมฺม ตีณิ, วิปาเก เอกํ, อาหาเร ตีณิ, อินฺทฺริเย ตีณิ, ฌาเน ตีณิ, มเคฺค เทฺว, สมฺปยุเตฺต ตีณิ, วิปฺปยุเตฺต ตีณิ, อตฺถิยา ตีณิ, นตฺถิยา ตีณิ, วิคเต ตีณิ, อวิคเต ตีณิ (เอวํ คเณตพฺพํ)ฯ
12. Nahetupaccayā ārammaṇe tīṇi, anantare tīṇi, samanantare tīṇi, sahajāte tīṇi, aññamaññe tīṇi, nissaye tīṇi, upanissaye tīṇi, purejāte tīṇi, āsevane dve, kamme tīṇi, vipāke ekaṃ, āhāre tīṇi, indriye tīṇi, jhāne tīṇi, magge dve, sampayutte tīṇi, vippayutte tīṇi, atthiyā tīṇi, natthiyā tīṇi, vigate tīṇi, avigate tīṇi (evaṃ gaṇetabbaṃ).
ปจฺจนียานุโลมํฯ
Paccanīyānulomaṃ.
ปฎิจฺจวาโรฯ
Paṭiccavāro.
๒-๖. สหชาต-ปจฺจย-นิสฺสย-สํสฎฺฐ-สมฺปยุตฺตวาโร
2-6. Sahajāta-paccaya-nissaya-saṃsaṭṭha-sampayuttavāro
(สหชาตวาโรปิ ปจฺจยวาโรปิ นิสฺสยวาโรปิ สํสฎฺฐวาโรปิ สมฺปยุตฺตวาโรปิ ปฎิจฺจวารสทิโส)ฯ
(Sahajātavāropi paccayavāropi nissayavāropi saṃsaṭṭhavāropi sampayuttavāropi paṭiccavārasadiso).
๗. ปญฺหาวาโร
7. Pañhāvāro
๑. ปจฺจยานุโลมํ
1. Paccayānulomaṃ
๑. วิภงฺควาโร
1. Vibhaṅgavāro
เหตุปจฺจโย
Hetupaccayo
๑๓. ปริตฺตารมฺมโณ ธโมฺม ปริตฺตารมฺมณสฺส ธมฺมสฺส เหตุปจฺจเยน ปจฺจโย – ปริตฺตารมฺมณา เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ ปฎิสนฺธิกฺขเณ ปริตฺตารมฺมณา เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ (๑)
13. Parittārammaṇo dhammo parittārammaṇassa dhammassa hetupaccayena paccayo – parittārammaṇā hetū sampayuttakānaṃ khandhānaṃ hetupaccayena paccayo. Paṭisandhikkhaṇe parittārammaṇā hetū sampayuttakānaṃ khandhānaṃ hetupaccayena paccayo. (1)
มหคฺคตารมฺมโณ ธโมฺม มหคฺคตารมฺมณสฺส ธมฺมสฺส เหตุปจฺจเยน ปจฺจโย – มหคฺคตารมฺมณา เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ ปฎิสนฺธิกฺขเณ…เป.…ฯ (๑)
Mahaggatārammaṇo dhammo mahaggatārammaṇassa dhammassa hetupaccayena paccayo – mahaggatārammaṇā hetū sampayuttakānaṃ khandhānaṃ hetupaccayena paccayo. Paṭisandhikkhaṇe…pe…. (1)
อปฺปมาณารมฺมโณ ธโมฺม อปฺปมาณารมฺมณสฺส ธมฺมสฺส เหตุปจฺจเยน ปจฺจโย – อปฺปมาณารมฺมณา เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ (๑)
Appamāṇārammaṇo dhammo appamāṇārammaṇassa dhammassa hetupaccayena paccayo – appamāṇārammaṇā hetū sampayuttakānaṃ khandhānaṃ hetupaccayena paccayo. (1)
อารมฺมณปจฺจโย
Ārammaṇapaccayo
๑๔. ปริตฺตารมฺมโณ ธโมฺม ปริตฺตารมฺมณสฺส ธมฺมสฺส อารมฺมณปจฺจเยน ปจฺจโย – ทานํ ทตฺวา สีลํ สมาทิยิตฺวา อุโปสถกมฺมํ กตฺวา ตํ ปจฺจเวกฺขติ, ปุเพฺพ สุจิณฺณานิ ปจฺจเวกฺขติ, อริยา ปริตฺตารมฺมเณ ปหีเน กิเลเส ปจฺจเวกฺขนฺติ, วิกฺขมฺภิเต กิเลเส ปจฺจเวกฺขนฺติ, ปุเพฺพ สมุทาจิเณฺณ กิเลเส ชานนฺติฯ ปริตฺตารมฺมเณ ปริเตฺต ขเนฺธ อนิจฺจโต ทุกฺขโต อนตฺตโต วิปสฺสติ, อสฺสาเทติ อภินนฺทติ, ตํ อารพฺภ ปริตฺตารมฺมโณ ราโค อุปฺปชฺชติ…เป.… โทมนสฺสํ อุปฺปชฺชติฯ เจโตปริยญาเณน ปริตฺตารมฺมณปริตฺตจิตฺตสมงฺคิสฺส จิตฺตํ ชานาติฯ ปริตฺตารมฺมณา ปริตฺตา ขนฺธา เจโตปริยญาณสฺส , ปุเพฺพนิวาสานุสฺสติญาณสฺส, ยถากมฺมูปคญาณสฺส, อนาคตํสญาณสฺส, อาวชฺชนาย อารมฺมณปจฺจเยน ปจฺจโยฯ (๑)
14. Parittārammaṇo dhammo parittārammaṇassa dhammassa ārammaṇapaccayena paccayo – dānaṃ datvā sīlaṃ samādiyitvā uposathakammaṃ katvā taṃ paccavekkhati, pubbe suciṇṇāni paccavekkhati, ariyā parittārammaṇe pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Parittārammaṇe paritte khandhe aniccato dukkhato anattato vipassati, assādeti abhinandati, taṃ ārabbha parittārammaṇo rāgo uppajjati…pe… domanassaṃ uppajjati. Cetopariyañāṇena parittārammaṇaparittacittasamaṅgissa cittaṃ jānāti. Parittārammaṇā parittā khandhā cetopariyañāṇassa , pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)
ปริตฺตารมฺมโณ ธโมฺม มหคฺคตารมฺมณสฺส ธมฺมสฺส อารมฺมณปจฺจเยน ปจฺจโย – ทิพฺพํ จกฺขุํ ปจฺจเวกฺขติ, ทิพฺพํ โสตธาตุํ ปจฺจเวกฺขติ, ปริตฺตารมฺมณํ อิทฺธิวิธญาณํ ปจฺจเวกฺขติ, เจโตปริยญาณํ…เป.… ปุเพฺพนิวาสานุสฺสติญาณํ…เป.… ยถากมฺมูปคญาณํ…เป.… อนาคตํสญาณํ ปจฺจเวกฺขติฯ ปริตฺตารมฺมเณ มหคฺคเต ขเนฺธ อนิจฺจโต…เป.… วิปสฺสติ, อสฺสาเทติ อภินนฺทติ, ตํ อารพฺภ มหคฺคตารมฺมโณ ราโค อุปฺปชฺชติ…เป.… โทมนสฺสํ อุปฺปชฺชติฯ เจโตปริยญาเณน ปริตฺตารมฺมณมหคฺคตจิตฺตสมงฺคิสฺส จิตฺตํ ชานาติฯ ปริตฺตารมฺมณา มหคฺคตา ขนฺธา เจโตปริยญาณสฺส, ปุเพฺพนิวาสานุสฺสติญาณสฺส, อนาคตํสญาณสฺส, อาวชฺชนาย อารมฺมณปจฺจเยน ปจฺจโยฯ (๒)
Parittārammaṇo dhammo mahaggatārammaṇassa dhammassa ārammaṇapaccayena paccayo – dibbaṃ cakkhuṃ paccavekkhati, dibbaṃ sotadhātuṃ paccavekkhati, parittārammaṇaṃ iddhividhañāṇaṃ paccavekkhati, cetopariyañāṇaṃ…pe… pubbenivāsānussatiñāṇaṃ…pe… yathākammūpagañāṇaṃ…pe… anāgataṃsañāṇaṃ paccavekkhati. Parittārammaṇe mahaggate khandhe aniccato…pe… vipassati, assādeti abhinandati, taṃ ārabbha mahaggatārammaṇo rāgo uppajjati…pe… domanassaṃ uppajjati. Cetopariyañāṇena parittārammaṇamahaggatacittasamaṅgissa cittaṃ jānāti. Parittārammaṇā mahaggatā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (2)
๑๕. มหคฺคตารมฺมโณ ธโมฺม มหคฺคตารมฺมณสฺส ธมฺมสฺส อารมฺมณปจฺจเยน ปจฺจโย – วิญฺญาณญฺจายตนํ ปจฺจเวกฺขติ, เนวสญฺญานาสญฺญายตนํ ปจฺจเวกฺขติ, มหคฺคตารมฺมณํ อิทฺธิวิธญาณํ ปจฺจเวกฺขติ, เจโตปริยญาณํเฐฺจโตปริยญาณํ…เป.… ปุเพฺพนิวาสานุสฺสติญาณํ…เป.… ยถากมฺมูปคญาณํ…เป.… อนาคตํสญาณํ ปจฺจเวกฺขติฯ มหคฺคตารมฺมเณ มหคฺคเต ขเนฺธ อนิจฺจโต…เป.… วิปสฺสติ, อสฺสาเทติ อภินนฺทติ, ตํ อารพฺภ มหคฺคตารมฺมโณ ราโค อุปฺปชฺชติ…เป.… โทมนสฺสํ อุปฺปชฺชติฯ เจโตปริยญาเณน มหคฺคตารมฺมณมหคฺคตจิตฺตสมงฺคิสฺส จิตฺตํ ชานาติฯ มหคฺคตารมฺมณา มหคฺคตา ขนฺธา เจโตปริยญาณสฺส , ปุเพฺพนิวาสานุสฺสติญาณสฺส, ยถากมฺมูปคญาณสฺส, อนาคตํสญาณสฺส, อาวชฺชนาย อารมฺมณปจฺจเยน ปจฺจโยฯ (๑)
15. Mahaggatārammaṇo dhammo mahaggatārammaṇassa dhammassa ārammaṇapaccayena paccayo – viññāṇañcāyatanaṃ paccavekkhati, nevasaññānāsaññāyatanaṃ paccavekkhati, mahaggatārammaṇaṃ iddhividhañāṇaṃ paccavekkhati, cetopariyañāṇaṃṭhcetopariyañāṇaṃ…pe… pubbenivāsānussatiñāṇaṃ…pe… yathākammūpagañāṇaṃ…pe… anāgataṃsañāṇaṃ paccavekkhati. Mahaggatārammaṇe mahaggate khandhe aniccato…pe… vipassati, assādeti abhinandati, taṃ ārabbha mahaggatārammaṇo rāgo uppajjati…pe… domanassaṃ uppajjati. Cetopariyañāṇena mahaggatārammaṇamahaggatacittasamaṅgissa cittaṃ jānāti. Mahaggatārammaṇā mahaggatā khandhā cetopariyañāṇassa , pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)
มหคฺคตารมฺมโณ ธโมฺม ปริตฺตารมฺมณสฺส ธมฺมสฺส อารมฺมณปจฺจเยน ปจฺจโย – ปฐมชฺฌานปจฺจเวกฺขณํ ปจฺจเวกฺขติ…เป.… เนวสญฺญานาสญฺญายตนปจฺจเวกฺขณํ ปจฺจเวกฺขติ, ทิพฺพจกฺขุปจฺจเวกฺขณํ ปจฺจเวกฺขติ, ทิพฺพโสตธาตุปจฺจเวกฺขณํ ปจฺจเวกฺขติ, อิทฺธิวิธญาณปจฺจเวกฺขณํ…เป.… เจโตปริยญาณปจฺจเวกฺขณํ…เป.… ปุเพฺพนิวาสานุสฺสติญาณปจฺจเวกฺขณํ…เป.… ยถากมฺมูปคญาณปจฺจเวกฺขณํ…เป.… อนาคตํสญาณปจฺจเวกฺขณํ ปจฺจเวกฺขติ, อริยา มหคฺคตารมฺมเณ ปหีเน กิเลเส ปจฺจเวกฺขนฺติ, วิกฺขมฺภิเต กิเลเส ปจฺจเวกฺขนฺติ, ปุเพฺพ สมุทาจิเณฺณ กิเลเส ชานนฺติฯ มหคฺคตารมฺมเณ ปริเตฺต ขเนฺธ อนิจฺจโต…เป.… วิปสฺสติ, อสฺสาเทติ อภินนฺทติ, ตํ อารพฺภ ปริตฺตารมฺมโณ ราโค อุปฺปชฺชติ…เป.… โทมนสฺสํ อุปฺปชฺชติฯ เจโตปริยญาเณน มหคฺคตารมฺมณปริตฺตจิตฺตสมงฺคิสฺส จิตฺตํ ชานาติฯ มหคฺคตารมฺมณา ปริตฺตา ขนฺธา เจโตปริยญาณสฺส, ปุเพฺพนิวาสานุสฺสติญาณสฺส, ยถากมฺมูปคญาณสฺส , อนาคตํสญาณสฺส, อาวชฺชนาย อารมฺมณปจฺจเยน ปจฺจโยฯ (๒)
Mahaggatārammaṇo dhammo parittārammaṇassa dhammassa ārammaṇapaccayena paccayo – paṭhamajjhānapaccavekkhaṇaṃ paccavekkhati…pe… nevasaññānāsaññāyatanapaccavekkhaṇaṃ paccavekkhati, dibbacakkhupaccavekkhaṇaṃ paccavekkhati, dibbasotadhātupaccavekkhaṇaṃ paccavekkhati, iddhividhañāṇapaccavekkhaṇaṃ…pe… cetopariyañāṇapaccavekkhaṇaṃ…pe… pubbenivāsānussatiñāṇapaccavekkhaṇaṃ…pe… yathākammūpagañāṇapaccavekkhaṇaṃ…pe… anāgataṃsañāṇapaccavekkhaṇaṃ paccavekkhati, ariyā mahaggatārammaṇe pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Mahaggatārammaṇe paritte khandhe aniccato…pe… vipassati, assādeti abhinandati, taṃ ārabbha parittārammaṇo rāgo uppajjati…pe… domanassaṃ uppajjati. Cetopariyañāṇena mahaggatārammaṇaparittacittasamaṅgissa cittaṃ jānāti. Mahaggatārammaṇā parittā khandhā cetopariyañāṇassa, pubbenivāsānussatiñāṇassa, yathākammūpagañāṇassa , anāgataṃsañāṇassa, āvajjanāya ārammaṇapaccayena paccayo. (2)
๑๖. อปฺปมาณารมฺมโณ ธโมฺม อปฺปมาณารมฺมณสฺส ธมฺมสฺส อารมฺมณปจฺจเยน ปจฺจโย – อริยา มคฺคา วุฎฺฐหิตฺวา มคฺคํ ปจฺจเวกฺขนฺติ, ผลํ ปจฺจเวกฺขนฺติฯ เจโตปริยญาเณน อปฺปมาณารมฺมณอปฺปมาณจิตฺตสมงฺคิสฺส จิตฺตํ ชานาติฯ อปฺปมาณารมฺมณา อปฺปมาณา ขนฺธา เจโตปริยญาณสฺส, ปุเพฺพนิวาสานุสฺสติญาณสฺส, อนาคตํสญาณสฺส, อาวชฺชนาย อารมฺมณปจฺจเยน ปจฺจโยฯ (๑)
16. Appamāṇārammaṇo dhammo appamāṇārammaṇassa dhammassa ārammaṇapaccayena paccayo – ariyā maggā vuṭṭhahitvā maggaṃ paccavekkhanti, phalaṃ paccavekkhanti. Cetopariyañāṇena appamāṇārammaṇaappamāṇacittasamaṅgissa cittaṃ jānāti. Appamāṇārammaṇā appamāṇā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)
อปฺปมาณารมฺมโณ ธโมฺม ปริตฺตารมฺมณสฺส ธมฺมสฺส อารมฺมณปจฺจเยน ปจฺจโย – อริยา โคตฺรภุํ ปจฺจเวกฺขนฺติ, โวทานํ ปจฺจเวกฺขนฺติ, มคฺคปจฺจเวกฺขณํ ปจฺจเวกฺขนฺติ, ผลปจฺจเวกฺขณํ ปจฺจเวกฺขนฺติ, นิพฺพานปจฺจเวกฺขณํ ปจฺจเวกฺขนฺติฯ อปฺปมาณารมฺมเณ ปริเตฺต ขเนฺธ อนิจฺจโต…เป.… วิปสฺสติ, เจโตปริยญาเณน อปฺปมาณารมฺมณปริตฺตจิตฺตสมงฺคิสฺส จิตฺตํ ชานาติฯ อปฺปมาณารมฺมณา ปริตฺตา ขนฺธา เจโตปริยญาณสฺส, ปุเพฺพนิวาสานุสฺสติญาณสฺส , ยถากมฺมูปคญาณสฺส, อนาคตํสญาณสฺส อาวชฺชนาย อารมฺมณปจฺจเยน ปจฺจโยฯ (๒)
Appamāṇārammaṇo dhammo parittārammaṇassa dhammassa ārammaṇapaccayena paccayo – ariyā gotrabhuṃ paccavekkhanti, vodānaṃ paccavekkhanti, maggapaccavekkhaṇaṃ paccavekkhanti, phalapaccavekkhaṇaṃ paccavekkhanti, nibbānapaccavekkhaṇaṃ paccavekkhanti. Appamāṇārammaṇe paritte khandhe aniccato…pe… vipassati, cetopariyañāṇena appamāṇārammaṇaparittacittasamaṅgissa cittaṃ jānāti. Appamāṇārammaṇā parittā khandhā cetopariyañāṇassa, pubbenivāsānussatiñāṇassa , yathākammūpagañāṇassa, anāgataṃsañāṇassa āvajjanāya ārammaṇapaccayena paccayo. (2)
อปฺปมาณารมฺมโณ ธโมฺม มหคฺคตารมฺมณสฺส ธมฺมสฺส อารมฺมณปจฺจเยน ปจฺจโย – อริยา อปฺปมาณารมฺมณํ เจโตปริยญาณํ ปจฺจเวกฺขนฺติ, ปุเพฺพนิวาสานุสฺสติญาณํ ปจฺจเวกฺขนฺติ, อนาคตํสญาณํ ปจฺจเวกฺขนฺติฯ เจโตปริยญาเณน อปฺปมาณารมฺมณมหคฺคตจิตฺตสมงฺคิสฺส จิตฺตํ ชานนฺติฯ อปฺปมาณารมฺมณํ มหคฺคตา ขนฺธา เจโตปริยญาณสฺส, ปุเพฺพนิวาสานุสฺสติญาณสฺส, อนาคตํสญาณสฺส, อาวชฺชนาย อารมฺมณปจฺจเยน ปจฺจโยฯ (๓)
Appamāṇārammaṇo dhammo mahaggatārammaṇassa dhammassa ārammaṇapaccayena paccayo – ariyā appamāṇārammaṇaṃ cetopariyañāṇaṃ paccavekkhanti, pubbenivāsānussatiñāṇaṃ paccavekkhanti, anāgataṃsañāṇaṃ paccavekkhanti. Cetopariyañāṇena appamāṇārammaṇamahaggatacittasamaṅgissa cittaṃ jānanti. Appamāṇārammaṇaṃ mahaggatā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (3)
อธิปติปจฺจโย
Adhipatipaccayo
๑๗. ปริตฺตารมฺมโณ ธโมฺม ปริตฺตารมฺมณสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติฯ อารมฺมณาธิปติ – ทานํ ทตฺวา สีลํ สมาทิยิตฺวา อุโปสถกมฺมํ กตฺวา ตํ ครุํ กตฺวา ปจฺจเวกฺขติ, ปุเพฺพ สุจิณฺณานิ ครุํ กตฺวา ปจฺจเวกฺขติ, ปริตฺตารมฺมเณ ปริเตฺต ขเนฺธ ครุํ กตฺวา อสฺสาเทติ อภินนฺทติ, ตํ ครุํ กตฺวา ปริตฺตารมฺมโณ ราโค อุปฺปชฺชติ, ทิฎฺฐิ อุปฺปชฺชติฯ สหชาตาธิปติ – ปริตฺตารมฺมณาธิปติ สมฺปยุตฺตกานํ ขนฺธานํ อธิปติปจฺจเยน ปจฺจโยฯ (๑)
17. Parittārammaṇo dhammo parittārammaṇassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā sīlaṃ samādiyitvā uposathakammaṃ katvā taṃ garuṃ katvā paccavekkhati, pubbe suciṇṇāni garuṃ katvā paccavekkhati, parittārammaṇe paritte khandhe garuṃ katvā assādeti abhinandati, taṃ garuṃ katvā parittārammaṇo rāgo uppajjati, diṭṭhi uppajjati. Sahajātādhipati – parittārammaṇādhipati sampayuttakānaṃ khandhānaṃ adhipatipaccayena paccayo. (1)
ปริตฺตารมฺมโณ ธโมฺม มหคฺคตารมฺมณสฺส ธมฺมสฺส อธิปติปจฺจเยน ปจฺจโยฯ อารมฺมณาธิปติ – ทิพฺพํ จกฺขุํ ครุํ กตฺวา ปจฺจเวกฺขติ, ทิพฺพํ โสตธาตุํ…เป.… ปริตฺตารมฺมณํ อิทฺธิวิธญาณํ…เป.… เจโตปริยญาณํ…เป.… ปุเพฺพนิวาสานุสฺสติญาณํ…เป.… ยถากมฺมูปคญาณํ…เป.… อนาคตํสญาณํ ครุํ กตฺวา ปจฺจเวกฺขติฯ ปริตฺตารมฺมเณ มหคฺคเต ขเนฺธ ครุํ กตฺวา อสฺสาเทติ อภินนฺทติ, ตํ ครุํ กตฺวา มหคฺคตารมฺมโณ ราโค อุปฺปชฺชติ, ทิฎฺฐิ อุปฺปชฺชติฯ (๒)
Parittārammaṇo dhammo mahaggatārammaṇassa dhammassa adhipatipaccayena paccayo. Ārammaṇādhipati – dibbaṃ cakkhuṃ garuṃ katvā paccavekkhati, dibbaṃ sotadhātuṃ…pe… parittārammaṇaṃ iddhividhañāṇaṃ…pe… cetopariyañāṇaṃ…pe… pubbenivāsānussatiñāṇaṃ…pe… yathākammūpagañāṇaṃ…pe… anāgataṃsañāṇaṃ garuṃ katvā paccavekkhati. Parittārammaṇe mahaggate khandhe garuṃ katvā assādeti abhinandati, taṃ garuṃ katvā mahaggatārammaṇo rāgo uppajjati, diṭṭhi uppajjati. (2)
๑๘. มหคฺคตารมฺมโณ ธโมฺม มหคฺคตารมฺมณสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติฯ อารมฺมณาธิปติ – วิญฺญาณญฺจายตนํ ครุํ กตฺวา ปจฺจเวกฺขติ, เนวสญฺญานาสญฺญายตนํ…เป.… มหคฺคตารมฺมณํ อิทฺธิวิธญาณํ…เป.… เจโตปริยญาณํ …เป.… ปุเพฺพนิวาสานุสฺสติญาณํ…เป.… ยถากมฺมูปคญาณํ…เป.… อนาคตํสญาณํ ครุํ กตฺวา ปจฺจเวกฺขติฯ มหคฺคตารมฺมเณ มหคฺคเต ขเนฺธ ครุํ กตฺวา อสฺสาเทติ อภินนฺทติ, ตํ ครุํ กตฺวา มหคฺคตารมฺมโณ ราโค อุปฺปชฺชติ, ทิฎฺฐิ อุปฺปชฺชติฯ สหชาตาธิปติ – มหคฺคตารมฺมณาธิปติ สมฺปยุตฺตกานํ ขนฺธานํ อธิปติปจฺจเยน ปจฺจโยฯ (๑)
18. Mahaggatārammaṇo dhammo mahaggatārammaṇassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – viññāṇañcāyatanaṃ garuṃ katvā paccavekkhati, nevasaññānāsaññāyatanaṃ…pe… mahaggatārammaṇaṃ iddhividhañāṇaṃ…pe… cetopariyañāṇaṃ …pe… pubbenivāsānussatiñāṇaṃ…pe… yathākammūpagañāṇaṃ…pe… anāgataṃsañāṇaṃ garuṃ katvā paccavekkhati. Mahaggatārammaṇe mahaggate khandhe garuṃ katvā assādeti abhinandati, taṃ garuṃ katvā mahaggatārammaṇo rāgo uppajjati, diṭṭhi uppajjati. Sahajātādhipati – mahaggatārammaṇādhipati sampayuttakānaṃ khandhānaṃ adhipatipaccayena paccayo. (1)
มหคฺคตารมฺมโณ ธโมฺม ปริตฺตารมฺมณสฺส ธมฺมสฺส อธิปติปจฺจเยน ปจฺจโยฯ อารมฺมณาธิปติ – ปฐมชฺฌานปจฺจเวกฺขณํ ครุํ กตฺวา ปจฺจเวกฺขติ…เป.… อนาคตํสญาณปจฺจเวกฺขณํ ครุํ กตฺวา ปจฺจเวกฺขติฯ มหคฺคตารมฺมเณ ปริเตฺต ขเนฺธ ครุํ กตฺวา อสฺสาเทติ อภินนฺทติ, ตํ ครุํ กตฺวา ปริตฺตารมฺมโณ ราโค อุปฺปชฺชติ, ทิฎฺฐิ อุปฺปชฺชติฯ (๒)
Mahaggatārammaṇo dhammo parittārammaṇassa dhammassa adhipatipaccayena paccayo. Ārammaṇādhipati – paṭhamajjhānapaccavekkhaṇaṃ garuṃ katvā paccavekkhati…pe… anāgataṃsañāṇapaccavekkhaṇaṃ garuṃ katvā paccavekkhati. Mahaggatārammaṇe paritte khandhe garuṃ katvā assādeti abhinandati, taṃ garuṃ katvā parittārammaṇo rāgo uppajjati, diṭṭhi uppajjati. (2)
๑๙. อปฺปมาณารมฺมโณ ธโมฺม อปฺปมาณารมฺมณสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติฯ อารมฺมณาธิปติ – อริยา มคฺคา วุฎฺฐหิตฺวา มคฺคํ ครุํ กตฺวา ปจฺจเวกฺขนฺติ, ผลํ ครุํ กตฺวา ปจฺจเวกฺขนฺติฯ สหชาตาธิปติ – อปฺปมาณารมฺมณาธิปติ สมฺปยุตฺตกานํ ขนฺธานํ อธิปติปจฺจเยน ปจฺจโยฯ (๑)
19. Appamāṇārammaṇo dhammo appamāṇārammaṇassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti, phalaṃ garuṃ katvā paccavekkhanti. Sahajātādhipati – appamāṇārammaṇādhipati sampayuttakānaṃ khandhānaṃ adhipatipaccayena paccayo. (1)
อปฺปมาณารมฺมโณ ธโมฺม ปริตฺตารมฺมณสฺส ธมฺมสฺส อธิปติปจฺจเยน ปจฺจโยฯ อารมฺมณาธิปติ – เสกฺขา โคตฺรภุํ ครุํ กตฺวา ปจฺจเวกฺขนฺติ, โวทานํ ครุํ กตฺวา ปจฺจเวกฺขนฺติ, มคฺคปจฺจเวกฺขณํ ครุํ กตฺวา ปจฺจเวกฺขนฺติ, ผลปจฺจเวกฺขณํ ครุํ กตฺวา ปจฺจเวกฺขนฺติ, นิพฺพานปจฺจเวกฺขณํ ครุํ กตฺวา ปจฺจเวกฺขนฺติฯ (๒)
Appamāṇārammaṇo dhammo parittārammaṇassa dhammassa adhipatipaccayena paccayo. Ārammaṇādhipati – sekkhā gotrabhuṃ garuṃ katvā paccavekkhanti, vodānaṃ garuṃ katvā paccavekkhanti, maggapaccavekkhaṇaṃ garuṃ katvā paccavekkhanti, phalapaccavekkhaṇaṃ garuṃ katvā paccavekkhanti, nibbānapaccavekkhaṇaṃ garuṃ katvā paccavekkhanti. (2)
อปฺปมาณารมฺมโณ ธโมฺม มหคฺคตารมฺมณสฺส ธมฺมสฺส อธิปติปจฺจเยน ปจฺจโยฯ อารมฺมณาธิปติ – เสกฺขา อปฺปมาณารมฺมณํ เจโตปริยญาณํ ครุํ กตฺวา ปจฺจเวกฺขนฺติฯ ปุเพฺพนิวาสานุสฺสติญาณํ…เป.… อนาคตํสญาณํ ครุํ กตฺวา ปจฺจเวกฺขนฺติฯ (๓)
Appamāṇārammaṇo dhammo mahaggatārammaṇassa dhammassa adhipatipaccayena paccayo. Ārammaṇādhipati – sekkhā appamāṇārammaṇaṃ cetopariyañāṇaṃ garuṃ katvā paccavekkhanti. Pubbenivāsānussatiñāṇaṃ…pe… anāgataṃsañāṇaṃ garuṃ katvā paccavekkhanti. (3)
อนนฺตรปจฺจโย
Anantarapaccayo
๒๐. ปริตฺตารมฺมโณ ธโมฺม ปริตฺตารมฺมณสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา ปริตฺตารมฺมณา ขนฺธา ปจฺฉิมานํ ปจฺฉิมานํ ปริตฺตารมฺมณานํ ขนฺธานํ อนนฺตรปจฺจเยน ปจฺจโยฯ (๑)
20. Parittārammaṇo dhammo parittārammaṇassa dhammassa anantarapaccayena paccayo – purimā purimā parittārammaṇā khandhā pacchimānaṃ pacchimānaṃ parittārammaṇānaṃ khandhānaṃ anantarapaccayena paccayo. (1)
ปริตฺตารมฺมโณ ธโมฺม มหคฺคตารมฺมณสฺส ธมฺมสฺส อนนฺตรปจฺจเยน ปจฺจโย – ปริตฺตารมฺมณํ จุติจิตฺตํ มหคฺคตารมฺมณสฺส อุปปตฺติจิตฺตสฺส อนนฺตรปจฺจเยน ปจฺจโยฯ ปริตฺตารมฺมณํ ภวงฺคํ มหคฺคตารมฺมณาย อาวชฺชนาย อนนฺตรปจฺจเยน ปจฺจโยฯ ปริตฺตารมฺมณา ขนฺธา มหคฺคตารมฺมณสฺส วุฎฺฐานสฺส อนนฺตรปจฺจเยน ปจฺจโยฯ (๒)
Parittārammaṇo dhammo mahaggatārammaṇassa dhammassa anantarapaccayena paccayo – parittārammaṇaṃ cuticittaṃ mahaggatārammaṇassa upapatticittassa anantarapaccayena paccayo. Parittārammaṇaṃ bhavaṅgaṃ mahaggatārammaṇāya āvajjanāya anantarapaccayena paccayo. Parittārammaṇā khandhā mahaggatārammaṇassa vuṭṭhānassa anantarapaccayena paccayo. (2)
ปริตฺตารมฺมโณ ธโมฺม อปฺปมาณารมฺมณสฺส ธมฺมสฺส อนนฺตรปจฺจเยน ปจฺจโย – ปริตฺตารมฺมณํ ภวงฺคํ อปฺปมาณารมฺมณาย อาวชฺชนาย อนนฺตรปจฺจเยน ปจฺจโยฯ ปริตฺตารมฺมณํ อนุโลมํ โคตฺรภุสฺส… อนุโลมํ โวทานสฺส… อนุโลมํ ผลสมาปตฺติยา อนนฺตรปจฺจเยน ปจฺจโยฯ (๓)
Parittārammaṇo dhammo appamāṇārammaṇassa dhammassa anantarapaccayena paccayo – parittārammaṇaṃ bhavaṅgaṃ appamāṇārammaṇāya āvajjanāya anantarapaccayena paccayo. Parittārammaṇaṃ anulomaṃ gotrabhussa… anulomaṃ vodānassa… anulomaṃ phalasamāpattiyā anantarapaccayena paccayo. (3)
๒๑. มหคฺคตารมฺมโณ ธโมฺม มหคฺคตารมฺมณสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา มหคฺคตารมฺมณา ขนฺธา ปจฺฉิมานํ ปจฺฉิมานํ มหคฺคตารมฺมณานํ ขนฺธานํ อนนฺตรปจฺจเยน ปจฺจโยฯ (๑)
21. Mahaggatārammaṇo dhammo mahaggatārammaṇassa dhammassa anantarapaccayena paccayo – purimā purimā mahaggatārammaṇā khandhā pacchimānaṃ pacchimānaṃ mahaggatārammaṇānaṃ khandhānaṃ anantarapaccayena paccayo. (1)
มหคฺคตารมฺมโณ ธโมฺม ปริตฺตารมฺมณสฺส ธมฺมสฺส อนนฺตรปจฺจเยน ปจฺจโย – มหคฺคตารมฺมณํ จุติจิตฺตํ ปริตฺตารมฺมณสฺส อุปปตฺติจิตฺตสฺส อนนฺตรปจฺจเยน ปจฺจโยฯ มหคฺคตารมฺมณํ ภวงฺคํ ปริตฺตารมฺมณาย อาวชฺชนาย อนนฺตรปจฺจเยน ปจฺจโยฯ มหคฺคตารมฺมณา ขนฺธา ปริตฺตารมฺมณสฺส วุฎฺฐานสฺส อนนฺตรปจฺจเยน ปจฺจโยฯ (๒)
Mahaggatārammaṇo dhammo parittārammaṇassa dhammassa anantarapaccayena paccayo – mahaggatārammaṇaṃ cuticittaṃ parittārammaṇassa upapatticittassa anantarapaccayena paccayo. Mahaggatārammaṇaṃ bhavaṅgaṃ parittārammaṇāya āvajjanāya anantarapaccayena paccayo. Mahaggatārammaṇā khandhā parittārammaṇassa vuṭṭhānassa anantarapaccayena paccayo. (2)
มหคฺคตารมฺมโณ ธโมฺม อปฺปมาณารมฺมณสฺส ธมฺมสฺส อนนฺตรปจฺจเยน ปจฺจโย – มหคฺคตารมฺมณํ ภวงฺคํ อปฺปมาณารมฺมณาย อาวชฺชนาย อนนฺตรปจฺจเยน ปจฺจโยฯ มหคฺคตารมฺมณํ อนุโลมํ โคตฺรภุสฺส… อนุโลมํ โวทานสฺส… อนุโลมํ ผลสมาปตฺติยา… นิโรธา วุฎฺฐหนฺตสฺส เนวสญฺญานาสญฺญายตนํ ผลสมาปตฺติยา อนนฺตรปจฺจเยน ปจฺจโยฯ (๓)
Mahaggatārammaṇo dhammo appamāṇārammaṇassa dhammassa anantarapaccayena paccayo – mahaggatārammaṇaṃ bhavaṅgaṃ appamāṇārammaṇāya āvajjanāya anantarapaccayena paccayo. Mahaggatārammaṇaṃ anulomaṃ gotrabhussa… anulomaṃ vodānassa… anulomaṃ phalasamāpattiyā… nirodhā vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo. (3)
๒๒. อปฺปมาณารมฺมโณ ธโมฺม อปฺปมาณารมฺมณสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา อปฺปมาณารมฺมณา ขนฺธา ปจฺฉิมานํ ปจฺฉิมานํ อปฺปมาณารมฺมณานํ ขนฺธานํ อนนฺตรปจฺจเยน ปจฺจโยฯ โคตฺรภุ มคฺคสฺส… โวทานํ มคฺคสฺส… มโคฺค ผลสฺส… ผลํ ผลสฺส อนนฺตรปจฺจเยน ปจฺจโยฯ (๑)
22. Appamāṇārammaṇo dhammo appamāṇārammaṇassa dhammassa anantarapaccayena paccayo – purimā purimā appamāṇārammaṇā khandhā pacchimānaṃ pacchimānaṃ appamāṇārammaṇānaṃ khandhānaṃ anantarapaccayena paccayo. Gotrabhu maggassa… vodānaṃ maggassa… maggo phalassa… phalaṃ phalassa anantarapaccayena paccayo. (1)
อปฺปมาณารมฺมโณ ธโมฺม ปริตฺตารมฺมณสฺส ธมฺมสฺส อนนฺตรปจฺจเยน ปจฺจโย – มคฺคปจฺจเวกฺขณํ ปริตฺตารมฺมณสฺส วุฎฺฐานสฺส… ผลปจฺจเวกฺขณํ ปริตฺตารมฺมณสฺส วุฎฺฐานสฺส… นิพฺพานปจฺจเวกฺขณํ ปริตฺตารมฺมณสฺส วุฎฺฐานสฺส… อปฺปมาณารมฺมณํ เจโตปริยญาณํ ปริตฺตารมฺมณสฺส วุฎฺฐานสฺส… ปุเพฺพนิวาสานุสฺสติญาณํ ปริตฺตารมฺมณสฺส วุฎฺฐานสฺส… อนาคตํสญาณํ ปริตฺตารมฺมณสฺส วุฎฺฐานสฺส… ผลํ ปริตฺตารมฺมณสฺส วุฎฺฐานสฺส อนนฺตรปจฺจเยน ปจฺจโยฯ (๒)
Appamāṇārammaṇo dhammo parittārammaṇassa dhammassa anantarapaccayena paccayo – maggapaccavekkhaṇaṃ parittārammaṇassa vuṭṭhānassa… phalapaccavekkhaṇaṃ parittārammaṇassa vuṭṭhānassa… nibbānapaccavekkhaṇaṃ parittārammaṇassa vuṭṭhānassa… appamāṇārammaṇaṃ cetopariyañāṇaṃ parittārammaṇassa vuṭṭhānassa… pubbenivāsānussatiñāṇaṃ parittārammaṇassa vuṭṭhānassa… anāgataṃsañāṇaṃ parittārammaṇassa vuṭṭhānassa… phalaṃ parittārammaṇassa vuṭṭhānassa anantarapaccayena paccayo. (2)
อปฺปมาณารมฺมโณ ธโมฺม มหคฺคตารมฺมณสฺส ธมฺมสฺส อนนฺตรปจฺจเยน ปจฺจโย – มคฺคปจฺจเวกฺขณํ มหคฺคตารมฺมณสฺส วุฎฺฐานสฺส… ผลปจฺจเวกฺขณํ มหคฺคตารมฺมณสฺส วุฎฺฐานสฺส… นิพฺพานปจฺจเวกฺขณํ มหคฺคตารมฺมณสฺส วุฎฺฐานสฺส… ผลํ มหคฺคตารมฺมณสฺส วุฎฺฐานสฺส อนนฺตรปจฺจเยน ปจฺจโยฯ (๓)
Appamāṇārammaṇo dhammo mahaggatārammaṇassa dhammassa anantarapaccayena paccayo – maggapaccavekkhaṇaṃ mahaggatārammaṇassa vuṭṭhānassa… phalapaccavekkhaṇaṃ mahaggatārammaṇassa vuṭṭhānassa… nibbānapaccavekkhaṇaṃ mahaggatārammaṇassa vuṭṭhānassa… phalaṃ mahaggatārammaṇassa vuṭṭhānassa anantarapaccayena paccayo. (3)
สมนนฺตรปจฺจโย
Samanantarapaccayo
๒๓. ปริตฺตารมฺมโณ ธโมฺม ปริตฺตารมฺมณสฺส ธมฺมสฺส สมนนฺตรปจฺจเยน ปจฺจโย (อนนฺตรสทิสํ)ฯ
23. Parittārammaṇo dhammo parittārammaṇassa dhammassa samanantarapaccayena paccayo (anantarasadisaṃ).
สหชาตปจฺจยาทิ
Sahajātapaccayādi
๒๔. ปริตฺตารมฺมโณ ธโมฺม ปริตฺตารมฺมณสฺส ธมฺมสฺส สหชาตปจฺจเยน ปจฺจโย… อญฺญมญฺญปจฺจเยน ปจฺจโย… นิสฺสยปจฺจเยน ปจฺจโย… ตีณิ (ปฎิจฺจวารสทิสา กาตพฺพา)ฯ
24. Parittārammaṇo dhammo parittārammaṇassa dhammassa sahajātapaccayena paccayo… aññamaññapaccayena paccayo… nissayapaccayena paccayo… tīṇi (paṭiccavārasadisā kātabbā).
อุปนิสฺสยปจฺจโย
Upanissayapaccayo
๒๕. ปริตฺตารมฺมโณ ธโมฺม ปริตฺตารมฺมณสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ปริตฺตารมฺมณํ สทฺธํ อุปนิสฺสาย ทานํ เทติ, สีลํ…เป.… อุโปสถกมฺมํ…เป.… ปริตฺตารมฺมณํ ฌานํ อุปฺปาเทติ, วิปสฺสนํ…เป.… อภิญฺญํ…เป.… สมาปตฺติํ อุปฺปาเทติ, มานํ ชเปฺปติ, ทิฎฺฐิํ คณฺหาติฯ ปริตฺตารมฺมณํ สีลํ…เป.… ปญฺญํ… ราคํ โทสํ… โมหํ… มานํ… ทิฎฺฐิํ… ปตฺถนํ… กายิกํ สุขํ… กายิกํ ทุกฺขํ อุปนิสฺสาย ทานํ เทติ, สีลํ…เป.… อุโปสถกมฺมํ…เป.… ปริตฺตารมฺมณํ ฌานํ อุปฺปาเทติ, วิปสฺสนํ…เป.… อภิญฺญํ…เป.… สมาปตฺติํ อุปฺปาเทติ, ปาณํ หนติ…เป.… สงฺฆํ ภินฺทติฯ ปริตฺตารมฺมณา สทฺธา…เป.… ปญฺญา, ราโค…เป.… ปตฺถนา, กายิกํ สุขํ… กายิกํ ทุกฺขํ… ปริตฺตารมฺมณาย สทฺธาย…เป.… ปญฺญาย ราคสฺส…เป.… ปตฺถนาย, กายิกสฺส สุขสฺส, กายิกสฺส ทุกฺขสฺส อุปนิสฺสยปจฺจเยน ปจฺจโยฯ (๑)
25. Parittārammaṇo dhammo parittārammaṇassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – parittārammaṇaṃ saddhaṃ upanissāya dānaṃ deti, sīlaṃ…pe… uposathakammaṃ…pe… parittārammaṇaṃ jhānaṃ uppādeti, vipassanaṃ…pe… abhiññaṃ…pe… samāpattiṃ uppādeti, mānaṃ jappeti, diṭṭhiṃ gaṇhāti. Parittārammaṇaṃ sīlaṃ…pe… paññaṃ… rāgaṃ dosaṃ… mohaṃ… mānaṃ… diṭṭhiṃ… patthanaṃ… kāyikaṃ sukhaṃ… kāyikaṃ dukkhaṃ upanissāya dānaṃ deti, sīlaṃ…pe… uposathakammaṃ…pe… parittārammaṇaṃ jhānaṃ uppādeti, vipassanaṃ…pe… abhiññaṃ…pe… samāpattiṃ uppādeti, pāṇaṃ hanati…pe… saṅghaṃ bhindati. Parittārammaṇā saddhā…pe… paññā, rāgo…pe… patthanā, kāyikaṃ sukhaṃ… kāyikaṃ dukkhaṃ… parittārammaṇāya saddhāya…pe… paññāya rāgassa…pe… patthanāya, kāyikassa sukhassa, kāyikassa dukkhassa upanissayapaccayena paccayo. (1)
ปริตฺตารมฺมโณ ธโมฺม มหคฺคตารมฺมณสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ปริตฺตารมฺมณํ สทฺธํ อุปนิสฺสาย มหคฺคตารมฺมณํ ฌานํ อุปฺปาเทติ, วิปสฺสนํ…เป.… อภิญฺญํ…เป.… สมาปตฺติํ อุปฺปาเทติ , มานํ ชเปฺปติ, ทิฎฺฐิํ คณฺหาติฯ ปริตฺตารมฺมณํ สีลํ…เป.… ปญฺญํ… ราคํ…เป.… ปตฺถนํ… กายิกํ สุขํ, กายิกํ ทุกฺขํ อุปนิสฺสาย มหคฺคตารมฺมณํ ฌานํ อุปฺปาเทติ, วิปสฺสนํ…เป.… อภิญฺญํ…เป.… สมาปตฺติํ อุปฺปาเทติ, มานํ ชเปฺปติ, ทิฎฺฐิํ คณฺหาติฯ ปริตฺตารมฺมณา สทฺธา…เป.… กายิกํ สุขํ, กายิกํ ทุกฺขํ, มหคฺคตารมฺมณาย สทฺธาย…เป.… ปญฺญาย ราคสฺส…เป.… ปตฺถนาย อุปนิสฺสยปจฺจเยน ปจฺจโยฯ (๒)
Parittārammaṇo dhammo mahaggatārammaṇassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – parittārammaṇaṃ saddhaṃ upanissāya mahaggatārammaṇaṃ jhānaṃ uppādeti, vipassanaṃ…pe… abhiññaṃ…pe… samāpattiṃ uppādeti , mānaṃ jappeti, diṭṭhiṃ gaṇhāti. Parittārammaṇaṃ sīlaṃ…pe… paññaṃ… rāgaṃ…pe… patthanaṃ… kāyikaṃ sukhaṃ, kāyikaṃ dukkhaṃ upanissāya mahaggatārammaṇaṃ jhānaṃ uppādeti, vipassanaṃ…pe… abhiññaṃ…pe… samāpattiṃ uppādeti, mānaṃ jappeti, diṭṭhiṃ gaṇhāti. Parittārammaṇā saddhā…pe… kāyikaṃ sukhaṃ, kāyikaṃ dukkhaṃ, mahaggatārammaṇāya saddhāya…pe… paññāya rāgassa…pe… patthanāya upanissayapaccayena paccayo. (2)
ปริตฺตารมฺมโณ ธโมฺม อปฺปมาณารมฺมณสฺส ธมฺมสฺส อุปนิสฺสยปจฺจเยน ปจฺจโย – อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ปริตฺตารมฺมณํ สทฺธํ อุปนิสฺสาย อปฺปมาณารมฺมณํ ฌานํ อุปฺปาเทติ , มคฺคํ…เป.… อภิญฺญํ…เป.… สมาปตฺติํ อุปฺปาเทติฯ ปริตฺตารมฺมณํ สีลํ…เป.… ปญฺญํ, ราคํ…เป.… กายิกํ สุขํ, กายิกํ ทุกฺขํ อุปนิสฺสาย อปฺปมาณารมฺมณํ ฌานํ อุปฺปาเทติ, มคฺคํ… อภิญฺญํ… สมาปตฺติํ อุปฺปาเทติฯ ปริตฺตารมฺมณา สทฺธา…เป.… กายิกํ สุขํ, กายิกํ ทุกฺขํ อปฺปมาณารมฺมณาย สทฺธาย…เป.… ปญฺญาย อุปนิสฺสยปจฺจเยน ปจฺจโยฯ (๓)
Parittārammaṇo dhammo appamāṇārammaṇassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – parittārammaṇaṃ saddhaṃ upanissāya appamāṇārammaṇaṃ jhānaṃ uppādeti , maggaṃ…pe… abhiññaṃ…pe… samāpattiṃ uppādeti. Parittārammaṇaṃ sīlaṃ…pe… paññaṃ, rāgaṃ…pe… kāyikaṃ sukhaṃ, kāyikaṃ dukkhaṃ upanissāya appamāṇārammaṇaṃ jhānaṃ uppādeti, maggaṃ… abhiññaṃ… samāpattiṃ uppādeti. Parittārammaṇā saddhā…pe… kāyikaṃ sukhaṃ, kāyikaṃ dukkhaṃ appamāṇārammaṇāya saddhāya…pe… paññāya upanissayapaccayena paccayo. (3)
๒๖. มหคฺคตารมฺมโณ ธโมฺม มหคฺคตารมฺมณสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – มหคฺคตารมฺมณํ สทฺธํ อุปนิสฺสาย มหคฺคตารมฺมณํ ฌานํ อุปฺปาเทติ, วิปสฺสนํ… อภิญฺญํ… สมาปตฺติํ อุปฺปาเทติ, มานํ ชเปฺปติ, ทิฎฺฐิํ คณฺหาติฯ มหคฺคตารมฺมณํ สีลํ…เป.… ปญฺญํ, ราคํ…เป.… ปตฺถนํ อุปนิสฺสาย มหคฺคตารมฺมณํ ฌานํ อุปฺปาเทติ…เป.… ทิฎฺฐิํ คณฺหาติ ฯ มหคฺคตารมฺมณา สทฺธา…เป.… ปญฺญา, ราโค…เป.… ปตฺถนา มหคฺคตารมฺมณาย สทฺธาย…เป.… ปตฺถนาย อุปนิสฺสยปจฺจเยน ปจฺจโยฯ (๑)
26. Mahaggatārammaṇo dhammo mahaggatārammaṇassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – mahaggatārammaṇaṃ saddhaṃ upanissāya mahaggatārammaṇaṃ jhānaṃ uppādeti, vipassanaṃ… abhiññaṃ… samāpattiṃ uppādeti, mānaṃ jappeti, diṭṭhiṃ gaṇhāti. Mahaggatārammaṇaṃ sīlaṃ…pe… paññaṃ, rāgaṃ…pe… patthanaṃ upanissāya mahaggatārammaṇaṃ jhānaṃ uppādeti…pe… diṭṭhiṃ gaṇhāti . Mahaggatārammaṇā saddhā…pe… paññā, rāgo…pe… patthanā mahaggatārammaṇāya saddhāya…pe… patthanāya upanissayapaccayena paccayo. (1)
มหคฺคตารมฺมโณ ธโมฺม ปริตฺตารมฺมณสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – มหคฺคตารมฺมณํ สทฺธํ อุปนิสฺสาย ทานํ เทติ, สีลํ สมาทิยติ, อุโปสถกมฺมํ กโรติ, ปริตฺตารมฺมณํ ฌานํ อุปฺปาเทติ, วิปสฺสนํ… อภิญฺญํ… สมาปตฺติํ อุปฺปาเทติ, มานํ ชเปฺปติ, ทิฎฺฐิํ คณฺหาติฯ มหคฺคตารมฺมณํ สีลํ…เป.… ปตฺถนํ อุปนิสฺสาย ทานํ เทติ…เป.… ทิฎฺฐิํ คณฺหาติฯ มหคฺคตารมฺมณา สทฺธา…เป.… ปตฺถนา ปริตฺตารมฺมณาย สทฺธาย…เป.… ปตฺถนาย กายิกสฺส สุขสฺส, กายิกสฺส ทุกฺขสฺส อุปนิสฺสยปจฺจเยน ปจฺจโยฯ (๒)
Mahaggatārammaṇo dhammo parittārammaṇassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – mahaggatārammaṇaṃ saddhaṃ upanissāya dānaṃ deti, sīlaṃ samādiyati, uposathakammaṃ karoti, parittārammaṇaṃ jhānaṃ uppādeti, vipassanaṃ… abhiññaṃ… samāpattiṃ uppādeti, mānaṃ jappeti, diṭṭhiṃ gaṇhāti. Mahaggatārammaṇaṃ sīlaṃ…pe… patthanaṃ upanissāya dānaṃ deti…pe… diṭṭhiṃ gaṇhāti. Mahaggatārammaṇā saddhā…pe… patthanā parittārammaṇāya saddhāya…pe… patthanāya kāyikassa sukhassa, kāyikassa dukkhassa upanissayapaccayena paccayo. (2)
มหคฺคตารมฺมโณ ธโมฺม อปฺปมาณารมฺมณสฺส ธมฺมสฺส อุปนิสฺสยปจฺจเยน ปจฺจโย – อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – มหคฺคตารมฺมณํ สทฺธํ อุปนิสฺสาย อปฺปมาณารมฺมณํ ฌานํ อุปฺปาเทติ, มคฺคํ… อภิญฺญํ… สมาปตฺติํ อุปฺปาเทติฯ มหคฺคตารมฺมณํ สีลํ…เป.… ปตฺถนํ อุปนิสฺสาย อปฺปมาณารมฺมณํ ฌานํ อุปฺปาเทติ…เป.… สมาปตฺติํ อุปฺปาเทติฯ มหคฺคตารมฺมณา สทฺธา…เป.… ปตฺถนา อปฺปมาณารมฺมณาย สทฺธาย…เป.… ปญฺญาย อุปนิสฺสยปจฺจเยน ปจฺจโย (๓)
Mahaggatārammaṇo dhammo appamāṇārammaṇassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – mahaggatārammaṇaṃ saddhaṃ upanissāya appamāṇārammaṇaṃ jhānaṃ uppādeti, maggaṃ… abhiññaṃ… samāpattiṃ uppādeti. Mahaggatārammaṇaṃ sīlaṃ…pe… patthanaṃ upanissāya appamāṇārammaṇaṃ jhānaṃ uppādeti…pe… samāpattiṃ uppādeti. Mahaggatārammaṇā saddhā…pe… patthanā appamāṇārammaṇāya saddhāya…pe… paññāya upanissayapaccayena paccayo (3)
๒๗. อปฺปมาณารมฺมโณ ธโมฺม อปฺปมาณารมฺมณสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย , ปกตูปนิสฺสโย…เป.…ฯ ปกตูปนิสฺสโย – อปฺปมาณารมฺมณํ สทฺธํ อุปนิสฺสาย อปฺปมาณารมฺมณํ ฌานํ อุปฺปาเทติ, มคฺคํ… อภิญฺญํ… สมาปตฺติํ อุปฺปาเทติฯ อปฺปมาณารมฺมณํ สีลํ…เป.… ปญฺญํ อุปนิสฺสาย อปฺปมาณารมฺมณํ ฌานํ อุปฺปาเทติฯ มคฺคํ…เป.… อภิญฺญํ…เป.… สมาปตฺติํ อุปฺปาเทติ อปฺปมาณารมฺมณา สทฺธา…เป.… ปญฺญา อปฺปมาณารมฺมณาย สทฺธาย…เป.… ปญฺญาย มคฺคสฺส ผลสมาปตฺติยา อุปนิสฺสยปจฺจเยน ปจฺจโยฯ (๑)
27. Appamāṇārammaṇo dhammo appamāṇārammaṇassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – appamāṇārammaṇaṃ saddhaṃ upanissāya appamāṇārammaṇaṃ jhānaṃ uppādeti, maggaṃ… abhiññaṃ… samāpattiṃ uppādeti. Appamāṇārammaṇaṃ sīlaṃ…pe… paññaṃ upanissāya appamāṇārammaṇaṃ jhānaṃ uppādeti. Maggaṃ…pe… abhiññaṃ…pe… samāpattiṃ uppādeti appamāṇārammaṇā saddhā…pe… paññā appamāṇārammaṇāya saddhāya…pe… paññāya maggassa phalasamāpattiyā upanissayapaccayena paccayo. (1)
อปฺปมาณารมฺมโณ ธโมฺม ปริตฺตารมฺมณสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – อปฺปมาณารมฺมณํ สทฺธํ อุปนิสฺสาย ทานํ เทติ, สีลํ สมาทิยติ, อุโปสถกมฺมํ กโรติ, ปริตฺตารมฺมณํ ฌานํ อุปฺปาเทติ, วิปสฺสนํ… อภิญฺญํ… สมาปตฺติํ อุปฺปาเทติฯ อปฺปมาณารมฺมณํ สีลํ…เป.… ปญฺญํ อุปนิสฺสาย ทานํ เทติ…เป.… สมาปตฺติํ อุปฺปาเทติฯ อปฺปมาณารมฺมณา สทฺธา…เป.… ปญฺญา ปริตฺตารมฺมณาย สทฺธาย…เป.… ปญฺญาย กายิกสฺส สุขสฺส, กายิกสฺส ทุกฺขสฺส อุปนิสฺสยปจฺจเยน ปจฺจโยฯ (๒)
Appamāṇārammaṇo dhammo parittārammaṇassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – appamāṇārammaṇaṃ saddhaṃ upanissāya dānaṃ deti, sīlaṃ samādiyati, uposathakammaṃ karoti, parittārammaṇaṃ jhānaṃ uppādeti, vipassanaṃ… abhiññaṃ… samāpattiṃ uppādeti. Appamāṇārammaṇaṃ sīlaṃ…pe… paññaṃ upanissāya dānaṃ deti…pe… samāpattiṃ uppādeti. Appamāṇārammaṇā saddhā…pe… paññā parittārammaṇāya saddhāya…pe… paññāya kāyikassa sukhassa, kāyikassa dukkhassa upanissayapaccayena paccayo. (2)
อปฺปมาณารมฺมโณ ธโมฺม มหคฺคตารมฺมณสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – อปฺปมาณารมฺมณํ สทฺธํ อุปนิสฺสาย มหคฺคตารมฺมณํ ฌานํ อุปฺปาเทติ, วิปสฺสนํ… อภิญฺญํ… สมาปตฺติํ อุปฺปาเทติฯ อปฺปมาณารมฺมณํ สีลํ…เป.… ปญฺญํ อุปนิสฺสาย มหคฺคตารมฺมณํ ฌานํ อุปฺปาเทติ, วิปสฺสนํ… อภิญฺญํ… สมาปตฺติํ อุปฺปาเทติฯ อปฺปมาณารมฺมณา สทฺธา…เป.… ปญฺญา มหคฺคตารมฺมณาย สทฺธาย…เป.… ปญฺญาย อุปนิสฺสยปจฺจเยน ปจฺจโยฯ (๓)
Appamāṇārammaṇo dhammo mahaggatārammaṇassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – appamāṇārammaṇaṃ saddhaṃ upanissāya mahaggatārammaṇaṃ jhānaṃ uppādeti, vipassanaṃ… abhiññaṃ… samāpattiṃ uppādeti. Appamāṇārammaṇaṃ sīlaṃ…pe… paññaṃ upanissāya mahaggatārammaṇaṃ jhānaṃ uppādeti, vipassanaṃ… abhiññaṃ… samāpattiṃ uppādeti. Appamāṇārammaṇā saddhā…pe… paññā mahaggatārammaṇāya saddhāya…pe… paññāya upanissayapaccayena paccayo. (3)
อาเสวนปจฺจโย
Āsevanapaccayo
๒๘. ปริตฺตารมฺมโณ ธโมฺม ปริตฺตารมฺมณสฺส ธมฺมสฺส อาเสวนปจฺจเยน ปจฺจโย – ปุริมา ปุริมา ปริตฺตารมฺมณา ขนฺธา ปจฺฉิมานํ ปจฺฉิมานํ ปริตฺตารมฺมณานํ ขนฺธานํ อาเสวนปจฺจเยน ปจฺจโยฯ (๑)
28. Parittārammaṇo dhammo parittārammaṇassa dhammassa āsevanapaccayena paccayo – purimā purimā parittārammaṇā khandhā pacchimānaṃ pacchimānaṃ parittārammaṇānaṃ khandhānaṃ āsevanapaccayena paccayo. (1)
ปริตฺตารมฺมโณ ธโมฺม อปฺปมาณารมฺมณสฺส ธมฺมสฺส อาเสวนปจฺจเยน ปจฺจโย – ปริตฺตารมฺมณํ อนุโลมํ โคตฺรภุสฺส… อนุโลมํ โวทานสฺส อาเสวนปจฺจเยน ปจฺจโยฯ (๒)
Parittārammaṇo dhammo appamāṇārammaṇassa dhammassa āsevanapaccayena paccayo – parittārammaṇaṃ anulomaṃ gotrabhussa… anulomaṃ vodānassa āsevanapaccayena paccayo. (2)
๒๙. มหคฺคตารมฺมโณ ธโมฺม มหคฺคตารมฺมณสฺส ธมฺมสฺส อาเสวนปจฺจเยน ปจฺจโย – ปุริมา ปุริมา มหคฺคตารมฺมณา ขนฺธา ปจฺฉิมานํ ปจฺฉิมานํ มหคฺคตารมฺมณานํ ขนฺธานํ อาเสวนปจฺจเยน ปจฺจโยฯ (๑)
29. Mahaggatārammaṇo dhammo mahaggatārammaṇassa dhammassa āsevanapaccayena paccayo – purimā purimā mahaggatārammaṇā khandhā pacchimānaṃ pacchimānaṃ mahaggatārammaṇānaṃ khandhānaṃ āsevanapaccayena paccayo. (1)
มหคฺคตารมฺมโณ ธโมฺม อปฺปมาณารมฺมณสฺส ธมฺมสฺส อาเสวนปจฺจเยน ปจฺจโย – มหคฺคตารมฺมณํ อนุโลมํ โคตฺรภุสฺส… อนุโลมํ โวทานสฺส อาเสวนปจฺจเยน ปจฺจโยฯ (๒)
Mahaggatārammaṇo dhammo appamāṇārammaṇassa dhammassa āsevanapaccayena paccayo – mahaggatārammaṇaṃ anulomaṃ gotrabhussa… anulomaṃ vodānassa āsevanapaccayena paccayo. (2)
๓๐. อปฺปมาณารมฺมโณ ธโมฺม อปฺปมาณารมฺมณสฺส ธมฺมสฺส อาเสวนปจฺจเยน ปจฺจโย – ปุริมา ปุริมา อปฺปมาณารมฺมณา ขนฺธา ปจฺฉิมานํ ปจฺฉิมานํ อปฺปมาณารมฺมณานํ ขนฺธานํ อาเสวนปจฺจเยน ปจฺจโยฯ โคตฺรภุ มคฺคสฺส… โวทานํ มคฺคสฺส อาเสวนปจฺจเยน ปจฺจโยฯ (๑)
30. Appamāṇārammaṇo dhammo appamāṇārammaṇassa dhammassa āsevanapaccayena paccayo – purimā purimā appamāṇārammaṇā khandhā pacchimānaṃ pacchimānaṃ appamāṇārammaṇānaṃ khandhānaṃ āsevanapaccayena paccayo. Gotrabhu maggassa… vodānaṃ maggassa āsevanapaccayena paccayo. (1)
กมฺมปจฺจโย
Kammapaccayo
๓๑. ปริตฺตารมฺมโณ ธโมฺม ปริตฺตารมฺมณสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกาฯ สหชาตา – ปริตฺตารมฺมณา เจตนา สมฺปยุตฺตกานํ ขนฺธานํ กมฺมปจฺจเยน ปจฺจโยฯ ปฎิสนฺธิกฺขเณ…เป.…ฯ นานากฺขณิกา – ปริตฺตารมฺมณา เจตนา วิปากานํ ปริตฺตารมฺมณานํ ขนฺธานํ กมฺมปจฺจเยน ปจฺจโยฯ (๑)
31. Parittārammaṇo dhammo parittārammaṇassa dhammassa kammapaccayena paccayo – sahajātā, nānākkhaṇikā. Sahajātā – parittārammaṇā cetanā sampayuttakānaṃ khandhānaṃ kammapaccayena paccayo. Paṭisandhikkhaṇe…pe…. Nānākkhaṇikā – parittārammaṇā cetanā vipākānaṃ parittārammaṇānaṃ khandhānaṃ kammapaccayena paccayo. (1)
มหคฺคตารมฺมโณ ธโมฺม มหคฺคตารมฺมณสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกาฯ สหชาตา – มหคฺคตารมฺมณา เจตนา สมฺปยุตฺตกานํ ขนฺธานํ กมฺมปจฺจเยน ปจฺจโยฯ ปฎิสนฺธิกฺขเณ…เป.…ฯ นานากฺขณิกา – มหคฺคตารมฺมณา เจตนา วิปากานํ มหคฺคตารมฺมณานํ ขนฺธานํ กมฺมปจฺจเยน ปจฺจโยฯ (๑)
Mahaggatārammaṇo dhammo mahaggatārammaṇassa dhammassa kammapaccayena paccayo – sahajātā, nānākkhaṇikā. Sahajātā – mahaggatārammaṇā cetanā sampayuttakānaṃ khandhānaṃ kammapaccayena paccayo. Paṭisandhikkhaṇe…pe…. Nānākkhaṇikā – mahaggatārammaṇā cetanā vipākānaṃ mahaggatārammaṇānaṃ khandhānaṃ kammapaccayena paccayo. (1)
มหคฺคตารมฺมโณ ธโมฺม ปริตฺตารมฺมณสฺส ธมฺมสฺส กมฺมปจฺจเยน ปจฺจโยฯ นานากฺขณิกา – มหคฺคตารมฺมณา เจตนา วิปากานํ ปริตฺตารมฺมณานํ ขนฺธานํ กมฺมปจฺจเยน ปจฺจโยฯ (๒)
Mahaggatārammaṇo dhammo parittārammaṇassa dhammassa kammapaccayena paccayo. Nānākkhaṇikā – mahaggatārammaṇā cetanā vipākānaṃ parittārammaṇānaṃ khandhānaṃ kammapaccayena paccayo. (2)
๓๒. อปฺปมาณารมฺมโณ ธโมฺม อปฺปมาณารมฺมณสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกาฯ สหชาตา – อปฺปมาณารมฺมณา เจตนา สมฺปยุตฺตกานํ ขนฺธานํ กมฺมปจฺจเยน ปจฺจโยฯ นานากฺขณิกา – อปฺปมาณารมฺมณา เจตนา วิปากานํ อปฺปมาณารมฺมณานํ ขนฺธานํ กมฺมปจฺจเยน ปจฺจโยฯ (๑)
32. Appamāṇārammaṇo dhammo appamāṇārammaṇassa dhammassa kammapaccayena paccayo – sahajātā, nānākkhaṇikā. Sahajātā – appamāṇārammaṇā cetanā sampayuttakānaṃ khandhānaṃ kammapaccayena paccayo. Nānākkhaṇikā – appamāṇārammaṇā cetanā vipākānaṃ appamāṇārammaṇānaṃ khandhānaṃ kammapaccayena paccayo. (1)
อปฺปมาณารมฺมโณ ธโมฺม ปริตฺตารมฺมณสฺส ธมฺมสฺส กมฺมปจฺจเยน ปจฺจโยฯ นานากฺขณิกา – อปฺปมาณารมฺมณา เจตนา วิปากานํ ปริตฺตารมฺมณานํ ขนฺธานํ กมฺมปจฺจเยน ปจฺจโยฯ (๒)
Appamāṇārammaṇo dhammo parittārammaṇassa dhammassa kammapaccayena paccayo. Nānākkhaṇikā – appamāṇārammaṇā cetanā vipākānaṃ parittārammaṇānaṃ khandhānaṃ kammapaccayena paccayo. (2)
วิปากปจฺจยาทิ
Vipākapaccayādi
๓๓. ปริตฺตารมฺมโณ ธโมฺม ปริตฺตารมฺมณสฺส ธมฺมสฺส วิปากปจฺจเยน ปจฺจโย… อาหารปจฺจเยน ปจฺจโย… อินฺทฺริยปจฺจเยน ปจฺจโย… ฌานปจฺจเยน ปจฺจโย… มคฺคปจฺจเยน ปจฺจโย… สมฺปยุตฺตปจฺจเยน ปจฺจย… อตฺถิปจฺจเยน ปจฺจโย… นตฺถิปจฺจเยน ปจฺจโย… วิคตปจฺจเยน ปจฺจย… อวิคตปจฺจเยน ปจฺจโยฯ
33. Parittārammaṇo dhammo parittārammaṇassa dhammassa vipākapaccayena paccayo… āhārapaccayena paccayo… indriyapaccayena paccayo… jhānapaccayena paccayo… maggapaccayena paccayo… sampayuttapaccayena paccaya… atthipaccayena paccayo… natthipaccayena paccayo… vigatapaccayena paccaya… avigatapaccayena paccayo.
๑. ปจฺจยานุโลมํ
1. Paccayānulomaṃ
๒. สงฺขฺยาวาโร
2. Saṅkhyāvāro
๓๔. เหตุยา ตีณิ, อารมฺมเณ สตฺต, อธิปติยา สตฺต, อนนฺตเร นว, สมนนฺตเร นว, สหชาเต ตีณิ, อญฺญมเญฺญ ตีณิ, นิสฺสเย ตีณิ, อุปนิสฺสเย นว, อาเสวเน ปญฺจ, กเมฺม ปญฺจ, วิปาเก ตีณิ, อาหาเร ตีณิ, อินฺทฺริเย ฌาเน มเคฺค สมฺปยุเตฺต อตฺถิยา ตีณิ, นตฺถิยา นว, วิคเต นว, อวิคเต ตีณิ (เอวํ คเณตพฺพํ)ฯ
34. Hetuyā tīṇi, ārammaṇe satta, adhipatiyā satta, anantare nava, samanantare nava, sahajāte tīṇi, aññamaññe tīṇi, nissaye tīṇi, upanissaye nava, āsevane pañca, kamme pañca, vipāke tīṇi, āhāre tīṇi, indriye jhāne magge sampayutte atthiyā tīṇi, natthiyā nava, vigate nava, avigate tīṇi (evaṃ gaṇetabbaṃ).
อนุโลมํฯ
Anulomaṃ.
ปจฺจนียุทฺธาโร
Paccanīyuddhāro
๓๕. ปริตฺตารมฺมโณ ธโมฺม ปริตฺตารมฺมณสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… กมฺมปจฺจเยน ปจฺจโยฯ (๑)
35. Parittārammaṇo dhammo parittārammaṇassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)
ปริตฺตารมฺมโณ ธโมฺม มหคฺคตารมฺมณสฺส ธมฺมสฺส อารมฺมณปจฺจเยน ปจฺจโย… อุปนิสฺสยปจฺจเยน ปจฺจโยฯ (๒)
Parittārammaṇo dhammo mahaggatārammaṇassa dhammassa ārammaṇapaccayena paccayo… upanissayapaccayena paccayo. (2)
ปริตฺตารมฺมโณ ธโมฺม อปฺปมาณารมฺมณสฺส ธมฺมสฺส อุปนิสฺสยปจฺจเยน ปจฺจโยฯ (๓)
Parittārammaṇo dhammo appamāṇārammaṇassa dhammassa upanissayapaccayena paccayo. (3)
๓๖. มหคฺคตารมฺมโณ ธโมฺม มหคฺคตารมฺมณสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ (๑)
36. Mahaggatārammaṇo dhammo mahaggatārammaṇassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)
มหคฺคตารมฺมโณ ธโมฺม ปริตฺตารมฺมณสฺส ธมฺมสฺส อารมฺมณปจฺจเยน ปจฺจโย… อุปนิสฺสยปจฺจเยน ปจฺจโย… กมฺมปจฺจเยน ปจฺจโยฯ (๒)
Mahaggatārammaṇo dhammo parittārammaṇassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (2)
มหคฺคตารมฺมโณ ธโมฺม อปฺปมาณารมฺมณสฺส ธมฺมสฺส อุปนิสฺสยปจฺจเยน ปจฺจโยฯ (๓)
Mahaggatārammaṇo dhammo appamāṇārammaṇassa dhammassa upanissayapaccayena paccayo. (3)
๓๗. อปฺปมาณารมฺมโณ ธโมฺม อปฺปมาณารมฺมณสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ (๑)
37. Appamāṇārammaṇo dhammo appamāṇārammaṇassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)
อปฺปมาณารมฺมโณ ธโมฺม ปริตฺตารมฺมณสฺส ธมฺมสฺส อารมฺมณปจฺจเยน ปจฺจโย… อุปนิสฺสยปจฺจเยน ปจฺจโย… กมฺมปจฺจเยน ปจฺจโยฯ (๒)
Appamāṇārammaṇo dhammo parittārammaṇassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (2)
อปฺปมาณารมฺมโณ ธโมฺม มหคฺคตารมฺมณสฺส ธมฺมสฺส อารมฺมณปจฺจเยน ปจฺจโย… อุปนิสฺสยปจฺจเยน ปจฺจโยฯ (๓)
Appamāṇārammaṇo dhammo mahaggatārammaṇassa dhammassa ārammaṇapaccayena paccayo… upanissayapaccayena paccayo. (3)
๒. ปจฺจยปจฺจนียํ
2. Paccayapaccanīyaṃ
๒. สงฺขฺยาวาโร
2. Saṅkhyāvāro
๓๘. นเหตุยา นว, นอารมฺมเณ นว, นอธิปติยา นว, นอนนฺตเร นว, นสมนนฺตเร นว, นสหชาเต นว, นอญฺญมเญฺญ นว , นนิสฺสเย นว, นอุปนิสฺสเย สตฺต, นปุเรชาเต นว, นปจฺฉาชาเต นว, นอาเสวเน นว…เป.… นมเคฺค นว, นสมฺปยุเตฺต นว, นวิปฺปยุเตฺต นว, โนอตฺถิยา นว, โนนตฺถิยา นว, โนวิคเต นว, โนอวิคเต นว (เอวํ คเณตพฺพํ)ฯ
38. Nahetuyā nava, naārammaṇe nava, naadhipatiyā nava, naanantare nava, nasamanantare nava, nasahajāte nava, naaññamaññe nava , nanissaye nava, naupanissaye satta, napurejāte nava, napacchājāte nava, naāsevane nava…pe… namagge nava, nasampayutte nava, navippayutte nava, noatthiyā nava, nonatthiyā nava, novigate nava, noavigate nava (evaṃ gaṇetabbaṃ).
ปจฺจนียํฯ
Paccanīyaṃ.
๓. ปจฺจยานุโลมปจฺจนียํ
3. Paccayānulomapaccanīyaṃ
นเหตุทุกํ
Nahetudukaṃ
๓๙. เหตุปจฺจยา นอารมฺมเณ ตีณิ, นอธิปติยา นอนนฺตเร นสมนนฺตเร นอุปนิสฺสเย นปุเรชาเต นปจฺฉาชาเต นอาเสวเน ตีณิ…เป.… นมเคฺค นวิปฺปยุเตฺต โนนตฺถิยา โนวิคเต ตีณิ (เอวํ คเณตพฺพํ)ฯ
39. Hetupaccayā naārammaṇe tīṇi, naadhipatiyā naanantare nasamanantare naupanissaye napurejāte napacchājāte naāsevane tīṇi…pe… namagge navippayutte nonatthiyā novigate tīṇi (evaṃ gaṇetabbaṃ).
อนุโลมปจฺจนียํฯ
Anulomapaccanīyaṃ.
๔. ปจฺจยปจฺจนียานุโลมํ
4. Paccayapaccanīyānulomaṃ
เหตุทุกํ
Hetudukaṃ
๔๐. นเหตุปจฺจยา อารมฺมเณ สตฺต, อธิปติยา สตฺต, อนนฺตเร นว, สมนนฺตเร นว, สหชาเต ตีณิ, อญฺญมเญฺญ ตีณิ, นิสฺสเย ตีณิ, อุปนิสฺสเย นว, อาเสวเน ปญฺจ, กเมฺม ปญฺจ, วิปาเก ตีณิ…เป.… สมฺปยุเตฺต ตีณิ, อตฺถิยา ตีณิ, นตฺถิยา นว, วิคเต นว, อวิคเต ตีณิ (เอวํ คเณตพฺพํ)ฯ
40. Nahetupaccayā ārammaṇe satta, adhipatiyā satta, anantare nava, samanantare nava, sahajāte tīṇi, aññamaññe tīṇi, nissaye tīṇi, upanissaye nava, āsevane pañca, kamme pañca, vipāke tīṇi…pe… sampayutte tīṇi, atthiyā tīṇi, natthiyā nava, vigate nava, avigate tīṇi (evaṃ gaṇetabbaṃ).
ปจฺจนียานุโลมํฯ
Paccanīyānulomaṃ.
ปญฺหาวาโรฯ
Pañhāvāro.
ปริตฺตารมฺมณตฺติกํ นิฎฺฐิตํฯ
Parittārammaṇattikaṃ niṭṭhitaṃ.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๕-๒๒. สงฺกิลิฎฺฐตฺติกาทิวณฺณนา • 5-22. Saṅkiliṭṭhattikādivaṇṇanā
