Library / Tipiṭaka / តិបិដក • Tipiṭaka / បដ្ឋានបាឡិ • Paṭṭhānapāḷi

    ១២. បរិត្តត្តិកំ

    12. Parittattikaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ ហេតុបច្ចយា – បរិត្តំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ បរិត្តំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ.… ទ្វេ ខន្ធេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ បដិច្ច តយោ មហាភូតា…បេ.… ទ្វេ មហាភូតេ បដិច្ច ចិត្តសមុដ្ឋានំ រូបំ…បេ.…។ (១)

    1. Parittaṃ dhammaṃ paṭicca paritto dhammo uppajjati hetupaccayā – parittaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe parittaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ paṭicca tayo mahābhūtā…pe… dve mahābhūte paṭicca cittasamuṭṭhānaṃ rūpaṃ…pe…. (1)

    បរិត្តំ ធម្មំ បដិច្ច មហគ្គតោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ វត្ថុំ បដិច្ច មហគ្គតា ខន្ធា។ (២)

    Parittaṃ dhammaṃ paṭicca mahaggato dhammo uppajjati hetupaccayā – paṭisandhikkhaṇe vatthuṃ paṭicca mahaggatā khandhā. (2)

    បរិត្តំ ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ វត្ថុំ បដិច្ច មហគ្គតា ខន្ធា, មហាភូតេ បដិច្ច កដត្តារូបំ។ (៣)

    Parittaṃ dhammaṃ paṭicca paritto ca mahaggato ca dhammā uppajjanti hetupaccayā – paṭisandhikkhaṇe vatthuṃ paṭicca mahaggatā khandhā, mahābhūte paṭicca kaṭattārūpaṃ. (3)

    ២. មហគ្គតំ ធម្មំ បដិច្ច មហគ្គតោ ធម្មោ ឧប្បជ្ជតិ ហេតុបច្ចយា – មហគ្គតំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១)

    2. Mahaggataṃ dhammaṃ paṭicca mahaggato dhammo uppajjati hetupaccayā – mahaggataṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe…. (1)

    មហគ្គតំ ធម្មំ បដិច្ច បរិត្តោ ធម្មោ ឧប្បជ្ជតិ ហេតុបច្ចយា – មហគ្គតេ ខន្ធេ បដិច្ច ចិត្តសមុដ្ឋានំ រូបំ។ បដិសន្ធិក្ខណេ មហគ្គតេ ខន្ធេ បដិច្ច កដត្តារូបំ។ (២)

    Mahaggataṃ dhammaṃ paṭicca paritto dhammo uppajjati hetupaccayā – mahaggate khandhe paṭicca cittasamuṭṭhānaṃ rūpaṃ. Paṭisandhikkhaṇe mahaggate khandhe paṭicca kaṭattārūpaṃ. (2)

    មហគ្គតំ ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ ហេតុបច្ចយា – មហគ្គតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… បដិសន្ធិក្ខណេ មហគ្គតំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ.… ទ្វេ ខន្ធេ…បេ.…។ (៣)

    Mahaggataṃ dhammaṃ paṭicca paritto ca mahaggato ca dhammā uppajjanti hetupaccayā – mahaggataṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… paṭisandhikkhaṇe mahaggataṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe…. (3)

    ៣. អប្បមាណំ ធម្មំ បដិច្ច អប្បមាណោ ធម្មោ ឧប្បជ្ជតិ ហេតុបច្ចយា – អប្បមាណំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    3. Appamāṇaṃ dhammaṃ paṭicca appamāṇo dhammo uppajjati hetupaccayā – appamāṇaṃ ekaṃ khandhaṃ paṭicca tayo khandhā…pe… dve khandhe…pe…. (1)

    អប្បមាណំ ធម្មំ បដិច្ច បរិត្តោ ធម្មោ ឧប្បជ្ជតិ ហេតុបច្ចយា – អប្បមាណេ ខន្ធេ បដិច្ច ចិត្តសមុដ្ឋានំ រូបំ។ (២)

    Appamāṇaṃ dhammaṃ paṭicca paritto dhammo uppajjati hetupaccayā – appamāṇe khandhe paṭicca cittasamuṭṭhānaṃ rūpaṃ. (2)

    អប្បមាណំ ធម្មំ បដិច្ច បរិត្តោ ច អប្បមាណោ ច ធម្មា ឧប្បជ្ជន្តិ ហេតុបច្ចយា – អប្បមាណំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    Appamāṇaṃ dhammaṃ paṭicca paritto ca appamāṇo ca dhammā uppajjanti hetupaccayā – appamāṇaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    ៤. បរិត្តញ្ច អប្បមាណញ្ច ធម្មំ បដិច្ច បរិត្តោ ធម្មោ ឧប្បជ្ជតិ ហេតុបច្ចយា – អប្បមាណេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    4. Parittañca appamāṇañca dhammaṃ paṭicca paritto dhammo uppajjati hetupaccayā – appamāṇe khandhe ca mahābhūte ca paṭicca cittasamuṭṭhānaṃ rūpaṃ. (1)

    បរិត្តញ្ច មហគ្គតញ្ច ធម្មំ បដិច្ច បរិត្តោ ធម្មោ ឧប្បជ្ជតិ ហេតុបច្ចយា – មហគ្គតេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ បដិសន្ធិក្ខណេ…បេ.…។ (១)

    Parittañca mahaggatañca dhammaṃ paṭicca paritto dhammo uppajjati hetupaccayā – mahaggate khandhe ca mahābhūte ca paṭicca cittasamuṭṭhānaṃ rūpaṃ. Paṭisandhikkhaṇe…pe…. (1)

    បរិត្តញ្ច មហគ្គតញ្ច ធម្មំ បដិច្ច មហគ្គតោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ មហគ្គតំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ.… ទ្វេ ខន្ធេ…បេ.…។ (២)

    Parittañca mahaggatañca dhammaṃ paṭicca mahaggato dhammo uppajjati hetupaccayā – paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā…pe… dve khandhe…pe…. (2)

    បរិត្តញ្ច មហគ្គតញ្ច ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ មហគ្គតំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ.… ទ្វេ ខន្ធេ…បេ.… មហគ្គតេ ខន្ធេ ច មហាភូតេ ច បដិច្ច កដត្តារូបំ។ (៣)

    Parittañca mahaggatañca dhammaṃ paṭicca paritto ca mahaggato ca dhammā uppajjanti hetupaccayā – paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā…pe… dve khandhe…pe… mahaggate khandhe ca mahābhūte ca paṭicca kaṭattārūpaṃ. (3)

    អារម្មណបច្ចយោ

    Ārammaṇapaccayo

    ៥. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ អារម្មណបច្ចយា – បរិត្តំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.… វត្ថុំ បដិច្ច ខន្ធា។ (១)

    5. Parittaṃ dhammaṃ paṭicca paritto dhammo uppajjati ārammaṇapaccayā – parittaṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe… vatthuṃ paṭicca khandhā. (1)

    បរិត្តំ ធម្មំ បដិច្ច មហគ្គតោ ធម្មោ ឧប្បជ្ជតិ អារម្មណបច្ចយា – បដិសន្ធិក្ខណេ វត្ថុំ បដិច្ច មហគ្គតា ខន្ធា។ (២)

    Parittaṃ dhammaṃ paṭicca mahaggato dhammo uppajjati ārammaṇapaccayā – paṭisandhikkhaṇe vatthuṃ paṭicca mahaggatā khandhā. (2)

    មហគ្គតំ ធម្មំ បដិច្ច មហគ្គតោ ធម្មោ ឧប្បជ្ជតិ អារម្មណបច្ចយា – មហគ្គតំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១)

    Mahaggataṃ dhammaṃ paṭicca mahaggato dhammo uppajjati ārammaṇapaccayā – mahaggataṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe…. (1)

    អប្បមាណំ ធម្មំ បដិច្ច អប្បមាណោ ធម្មោ ឧប្បជ្ជតិ អារម្មណបច្ចយា – អប្បមាណំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    Appamāṇaṃ dhammaṃ paṭicca appamāṇo dhammo uppajjati ārammaṇapaccayā – appamāṇaṃ ekaṃ khandhaṃ paṭicca tayo khandhā…pe… dve khandhe…pe…. (1)

    បរិត្តញ្ច មហគ្គតញ្ច ធម្មំ បដិច្ច មហគ្គតោ ធម្មោ ឧប្បជ្ជតិ អារម្មណបច្ចយា – បដិសន្ធិក្ខណេ មហគ្គតំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    Parittañca mahaggatañca dhammaṃ paṭicca mahaggato dhammo uppajjati ārammaṇapaccayā – paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā…pe… dve khandhe…pe…. (1)

    អធិបតិបច្ចយោ

    Adhipatipaccayo

    ៦. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ អធិបតិបច្ចយា – បរិត្តំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ, ទ្វេ ខន្ធេ…បេ.… ឯកំ មហាភូតំ បដិច្ច តយោ មហាភូតា…បេ.… មហាភូតេ បដិច្ច ចិត្តសមុដ្ឋានំ រូបំ ឧបាទារូបំ។ (១)

    6. Parittaṃ dhammaṃ paṭicca paritto dhammo uppajjati adhipatipaccayā – parittaṃ ekaṃ khandhaṃ paṭicca tayo khandhā cittasamuṭṭhānañca rūpaṃ, dve khandhe…pe… ekaṃ mahābhūtaṃ paṭicca tayo mahābhūtā…pe… mahābhūte paṭicca cittasamuṭṭhānaṃ rūpaṃ upādārūpaṃ. (1)

    មហគ្គតំ ធម្មំ បដិច្ច មហគ្គតោ ធម្មោ ឧប្បជ្ជតិ អធិបតិបច្ចយា – មហគ្គតំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    Mahaggataṃ dhammaṃ paṭicca mahaggato dhammo uppajjati adhipatipaccayā – mahaggataṃ ekaṃ khandhaṃ paṭicca tayo khandhā…pe… dve khandhe…pe…. (1)

    មហគ្គតំ ធម្មំ បដិច្ច បរិត្តោ ធម្មោ ឧប្បជ្ជតិ អធិបតិបច្ចយា – មហគ្គតេ ខន្ធេ បដិច្ច ចិត្តសមុដ្ឋានំ រូបំ។ (២)

    Mahaggataṃ dhammaṃ paṭicca paritto dhammo uppajjati adhipatipaccayā – mahaggate khandhe paṭicca cittasamuṭṭhānaṃ rūpaṃ. (2)

    មហគ្គតំ ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ អធិបតិបច្ចយា – មហគ្គតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    Mahaggataṃ dhammaṃ paṭicca paritto ca mahaggato ca dhammā uppajjanti adhipatipaccayā – mahaggataṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    អប្បមាណំ ធម្មំ បដិច្ច អប្បមាណោ ធម្មោ ឧប្បជ្ជតិ អធិបតិបច្ចយា – អប្បមាណំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    Appamāṇaṃ dhammaṃ paṭicca appamāṇo dhammo uppajjati adhipatipaccayā – appamāṇaṃ ekaṃ khandhaṃ paṭicca tayo khandhā…pe… dve khandhe…pe…. (1)

    អប្បមាណំ ធម្មំ បដិច្ច បរិត្តោ ធម្មោ ឧប្បជ្ជតិ អធិបតិបច្ចយា – អប្បមាណេ ខន្ធេ បដិច្ច ចិត្តសមុដ្ឋានំ រូបំ។ (២)

    Appamāṇaṃ dhammaṃ paṭicca paritto dhammo uppajjati adhipatipaccayā – appamāṇe khandhe paṭicca cittasamuṭṭhānaṃ rūpaṃ. (2)

    អប្បមាណំ ធម្មំ បដិច្ច បរិត្តោ ច អប្បមាណោ ច ធម្មា ឧប្បជ្ជន្តិ អធិបតិបច្ចយា – អប្បមាណំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    Appamāṇaṃ dhammaṃ paṭicca paritto ca appamāṇo ca dhammā uppajjanti adhipatipaccayā – appamāṇaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    ៧. បរិត្តញ្ច អប្បមាណញ្ច ធម្មំ បដិច្ច បរិត្តោ ធម្មោ ឧប្បជ្ជតិ អធិបតិបច្ចយា – អប្បមាណេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    7. Parittañca appamāṇañca dhammaṃ paṭicca paritto dhammo uppajjati adhipatipaccayā – appamāṇe khandhe ca mahābhūte ca paṭicca cittasamuṭṭhānaṃ rūpaṃ. (1)

    បរិត្តញ្ច មហគ្គតញ្ច ធម្មំ បដិច្ច បរិត្តោ ធម្មោ ឧប្បជ្ជតិ អធិបតិបច្ចយា – មហគ្គតេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    Parittañca mahaggatañca dhammaṃ paṭicca paritto dhammo uppajjati adhipatipaccayā – mahaggate khandhe ca mahābhūte ca paṭicca cittasamuṭṭhānaṃ rūpaṃ. (1)

    អនន្តរបច្ចយាទិ

    Anantarapaccayādi

    ៨. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ អនន្តរបច្ចយា… សមនន្តរបច្ចយា… សហជាតបច្ចយា (សព្ពេបិ មហាភូតា កាតព្ពា)… អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា … បុរេជាតបច្ចយា (តិស្សោ បញ្ហា កាតព្ពា)… អាសេវនបច្ចយា (តិស្សោ បញ្ហា កាតព្ពា)… កម្មបច្ចយា… វិបាកបច្ចយា (តេរស បញ្ហា)… អាហារបច្ចយា… ឥន្ទ្រិយបច្ចយា… ឈានបច្ចយា… មគ្គបច្ចយា,… សម្បយុត្តបច្ចយា… វិប្បយុត្តបច្ចយា… អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា។

    8. Parittaṃ dhammaṃ paṭicca paritto dhammo uppajjati anantarapaccayā… samanantarapaccayā… sahajātapaccayā (sabbepi mahābhūtā kātabbā)… aññamaññapaccayā… nissayapaccayā… upanissayapaccayā … purejātapaccayā (tisso pañhā kātabbā)… āsevanapaccayā (tisso pañhā kātabbā)… kammapaccayā… vipākapaccayā (terasa pañhā)… āhārapaccayā… indriyapaccayā… jhānapaccayā… maggapaccayā,… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៩. ហេតុយា តេរស, អារម្មណេ បញ្ច, អធិបតិយា នវ, អនន្តរេ បញ្ច, សមនន្តរេ បញ្ច, សហជាតេ តេរស, អញ្ញមញ្ញេ សត្ត, និស្សយេ តេរស, ឧបនិស្សយេ បញ្ច, បុរេជាតេ តីណិ, អាសេវនេ តីណិ, កម្មេ តេរស, វិបាកេ តេរស, អាហារេ ឥន្ទ្រិយេ ឈានេ មគ្គេ តេរស, សម្បយុត្តេ បញ្ច, វិប្បយុត្តេ តេរស, អត្ថិយា តេរស, នត្ថិយា បញ្ច, វិគតេ បញ្ច, អវិគតេ តេរស។

    9. Hetuyā terasa, ārammaṇe pañca, adhipatiyā nava, anantare pañca, samanantare pañca, sahajāte terasa, aññamaññe satta, nissaye terasa, upanissaye pañca, purejāte tīṇi, āsevane tīṇi, kamme terasa, vipāke terasa, āhāre indriye jhāne magge terasa, sampayutte pañca, vippayutte terasa, atthiyā terasa, natthiyā pañca, vigate pañca, avigate terasa.

    អនុលោមំ។

    Anulomaṃ.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ១០. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ នហេតុបច្ចយា – អហេតុកំ បរិត្តំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ…បេ.… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ.… វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (១)

    10. Parittaṃ dhammaṃ paṭicca paritto dhammo uppajjati nahetupaccayā – ahetukaṃ parittaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paṭicca vatthu, vatthuṃ paṭicca khandhā; ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ…pe… vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    នអារម្មណបច្ចយោ

    Naārammaṇapaccayo

    ១១. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ នអារម្មណបច្ចយា – បរិត្តេ ខន្ធេ បដិច្ច ចិត្តសមុដ្ឋានំ រូបំ។ បដិសន្ធិក្ខណេ បរិត្តេ ខន្ធេ បដិច្ច កដត្តារូបំ, ខន្ធេ បដិច្ច វត្ថុ…បេ.… ឯកំ មហាភូតំ…បេ.… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ.…។ (១)

    11. Parittaṃ dhammaṃ paṭicca paritto dhammo uppajjati naārammaṇapaccayā – paritte khandhe paṭicca cittasamuṭṭhānaṃ rūpaṃ. Paṭisandhikkhaṇe paritte khandhe paṭicca kaṭattārūpaṃ, khandhe paṭicca vatthu…pe… ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ…pe…. (1)

    មហគ្គតំ ធម្មំ បដិច្ច បរិត្តោ ធម្មោ ឧប្បជ្ជតិ នអារម្មណបច្ចយា – មហគ្គតេ ខន្ធេ បដិច្ច ចិត្តសមុដ្ឋានំ រូបំ។ បដិសន្ធិក្ខណេ មហគ្គតេ ខន្ធេ បដិច្ច កដត្តារូបំ។ (១)

    Mahaggataṃ dhammaṃ paṭicca paritto dhammo uppajjati naārammaṇapaccayā – mahaggate khandhe paṭicca cittasamuṭṭhānaṃ rūpaṃ. Paṭisandhikkhaṇe mahaggate khandhe paṭicca kaṭattārūpaṃ. (1)

    អប្បមាណំ ធម្មំ បដិច្ច បរិត្តោ ធម្មោ ឧប្បជ្ជតិ នអារម្មណបច្ចយា – អប្បមាណេ ខន្ធេ បដិច្ច ចិត្តសមុដ្ឋានំ រូបំ។ (១)

    Appamāṇaṃ dhammaṃ paṭicca paritto dhammo uppajjati naārammaṇapaccayā – appamāṇe khandhe paṭicca cittasamuṭṭhānaṃ rūpaṃ. (1)

    បរិត្តញ្ច អប្បមាណញ្ច ធម្មំ បដិច្ច បរិត្តោ ធម្មោ ឧប្បជ្ជតិ នអារម្មណបច្ចយា – អប្បមាណេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    Parittañca appamāṇañca dhammaṃ paṭicca paritto dhammo uppajjati naārammaṇapaccayā – appamāṇe khandhe ca mahābhūte ca paṭicca cittasamuṭṭhānaṃ rūpaṃ. (1)

    បរិត្តញ្ច មហគ្គតញ្ច ធម្មំ បដិច្ច បរិត្តោ ធម្មោ ឧប្បជ្ជតិ នអារម្មណបច្ចយា – មហគ្គតេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ បដិសន្ធិក្ខណេ មហគ្គតេ ខន្ធេ ច មហាភូតេ ច បដិច្ច កដត្តារូបំ។ (១)

    Parittañca mahaggatañca dhammaṃ paṭicca paritto dhammo uppajjati naārammaṇapaccayā – mahaggate khandhe ca mahābhūte ca paṭicca cittasamuṭṭhānaṃ rūpaṃ. Paṭisandhikkhaṇe mahaggate khandhe ca mahābhūte ca paṭicca kaṭattārūpaṃ. (1)

    នអធិបតិបច្ចយោ

    Naadhipatipaccayo

    ១២. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ នអធិបតិបច្ចយា – បរិត្តំ ឯកំ ខន្ធំ បដិច្ច តយោ ខន្ធា…បេ.… បដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ…បេ.… អសញ្ញសត្តានំ…បេ.…។ (១)

    12. Parittaṃ dhammaṃ paṭicca paritto dhammo uppajjati naadhipatipaccayā – parittaṃ ekaṃ khandhaṃ paṭicca tayo khandhā…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā; ekaṃ mahābhūtaṃ…pe… asaññasattānaṃ…pe…. (1)

    បរិត្តំ ធម្មំ បដិច្ច មហគ្គតោ ធម្មោ ឧប្បជ្ជតិ នអធិបតិបច្ចយា – បដិសន្ធិក្ខណេ វត្ថុំ បដិច្ច មហគ្គតា ខន្ធា។ (២)

    Parittaṃ dhammaṃ paṭicca mahaggato dhammo uppajjati naadhipatipaccayā – paṭisandhikkhaṇe vatthuṃ paṭicca mahaggatā khandhā. (2)

    បរិត្តំ ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ នអធិបតិបច្ចយា – បដិសន្ធិក្ខណេ វត្ថុំ បដិច្ច មហគ្គតា ខន្ធា, មហាភូតេ បដិច្ច កដត្តារូបំ។ (៣)

    Parittaṃ dhammaṃ paṭicca paritto ca mahaggato ca dhammā uppajjanti naadhipatipaccayā – paṭisandhikkhaṇe vatthuṃ paṭicca mahaggatā khandhā, mahābhūte paṭicca kaṭattārūpaṃ. (3)

    ១៣. មហគ្គតំ ធម្មំ បដិច្ច មហគ្គតោ ធម្មោ ឧប្បជ្ជតិ នអធិបតិបច្ចយា – មហគ្គតេ ខន្ធេ បដិច្ច មហគ្គតាធិបតិ, វិបាកំ មហគ្គតំ ឯកំ ខន្ធំ បដិច្ច…បេ.… បដិសន្ធិក្ខណេ…បេ.…។ (១)

    13. Mahaggataṃ dhammaṃ paṭicca mahaggato dhammo uppajjati naadhipatipaccayā – mahaggate khandhe paṭicca mahaggatādhipati, vipākaṃ mahaggataṃ ekaṃ khandhaṃ paṭicca…pe… paṭisandhikkhaṇe…pe…. (1)

    មហគ្គតំ ធម្មំ បដិច្ច បរិត្តោ ធម្មោ ឧប្បជ្ជតិ នអធិបតិបច្ចយា – វិបាកេ មហគ្គតេ ខន្ធេ បដិច្ច ចិត្តសមុដ្ឋានំ រូបំ។ បដិសន្ធិក្ខណេ មហគ្គតេ ខន្ធេ បដិច្ច កដត្តារូបំ។ (២)

    Mahaggataṃ dhammaṃ paṭicca paritto dhammo uppajjati naadhipatipaccayā – vipāke mahaggate khandhe paṭicca cittasamuṭṭhānaṃ rūpaṃ. Paṭisandhikkhaṇe mahaggate khandhe paṭicca kaṭattārūpaṃ. (2)

    មហគ្គតំ ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ នអធិបតិបច្ចយា – វិបាកំ មហគ្គតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (៣)

    Mahaggataṃ dhammaṃ paṭicca paritto ca mahaggato ca dhammā uppajjanti naadhipatipaccayā – vipākaṃ mahaggataṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe…. (3)

    ១៤. អប្បមាណំ ធម្មំ បដិច្ច អប្បមាណោ ធម្មោ ឧប្បជ្ជតិ នអធិបតិបច្ចយា – អប្បមាណេ ខន្ធេ បដិច្ច អប្បមាណាធិបតិ។ (១)

    14. Appamāṇaṃ dhammaṃ paṭicca appamāṇo dhammo uppajjati naadhipatipaccayā – appamāṇe khandhe paṭicca appamāṇādhipati. (1)

    បរិត្តញ្ច មហគ្គតញ្ច ធម្មំ បដិច្ច បរិត្តោ ធម្មោ ឧប្បជ្ជតិ នអធិបតិបច្ចយា – វិបាកេ មហគ្គតេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ បដិសន្ធិក្ខណេ មហគ្គតេ ខន្ធេ ច មហាភូតេ ច បដិច្ច កដត្តារូបំ។ (១)

    Parittañca mahaggatañca dhammaṃ paṭicca paritto dhammo uppajjati naadhipatipaccayā – vipāke mahaggate khandhe ca mahābhūte ca paṭicca cittasamuṭṭhānaṃ rūpaṃ. Paṭisandhikkhaṇe mahaggate khandhe ca mahābhūte ca paṭicca kaṭattārūpaṃ. (1)

    បរិត្តញ្ច មហគ្គតញ្ច ធម្មំ បដិច្ច មហគ្គតោ ធម្មោ ឧប្បជ្ជតិ នអធិបតិបច្ចយា – បដិសន្ធិក្ខណេ មហគ្គតំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ.… ទ្វេ ខន្ធេ…បេ.…។ (២)

    Parittañca mahaggatañca dhammaṃ paṭicca mahaggato dhammo uppajjati naadhipatipaccayā – paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā…pe… dve khandhe…pe…. (2)

    បរិត្តញ្ច មហគ្គតញ្ច ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ នអធិបតិបច្ចយា – បដិសន្ធិក្ខណេ មហគ្គតំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ.… ទ្វេ ខន្ធេ…បេ.… មហគ្គតេ ខន្ធេ ច មហាភូតេ ច បដិច្ច កដត្តារូបំ។ (៣)

    Parittañca mahaggatañca dhammaṃ paṭicca paritto ca mahaggato ca dhammā uppajjanti naadhipatipaccayā – paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā…pe… dve khandhe…pe… mahaggate khandhe ca mahābhūte ca paṭicca kaṭattārūpaṃ. (3)

    នអនន្តរបច្ចយាទិ

    Naanantarapaccayādi

    ១៥. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ នអនន្តរបច្ចយា… នសមនន្តរបច្ចយា… នអញ្ញមញ្ញបច្ចយា… នឧបនិស្សយបច្ចយា។

    15. Parittaṃ dhammaṃ paṭicca paritto dhammo uppajjati naanantarapaccayā… nasamanantarapaccayā… naaññamaññapaccayā… naupanissayapaccayā.

    នបុរេជាតបច្ចយោ

    Napurejātapaccayo

    ១៦. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ នបុរេជាតបច្ចយា – អរូបេ បរិត្តំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បរិត្តេ ខន្ធេ បដិច្ច ចិត្តសមុដ្ឋានំ រូបំ។ បដិសន្ធិក្ខណេ បរិត្តំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ.… ទ្វេ ខន្ធេ…បេ.… (សព្ពេ មហាភូតា វិត្ថារេតព្ពា, អរូបេ បរិត្តមូលកេ តិស្សោ បញ្ហា)។

    16. Parittaṃ dhammaṃ paṭicca paritto dhammo uppajjati napurejātapaccayā – arūpe parittaṃ ekaṃ khandhaṃ paṭicca tayo khandhā…pe… dve khandhe…pe… paritte khandhe paṭicca cittasamuṭṭhānaṃ rūpaṃ. Paṭisandhikkhaṇe parittaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… (sabbe mahābhūtā vitthāretabbā, arūpe parittamūlake tisso pañhā).

    មហគ្គតំ ធម្មំ បដិច្ច មហគ្គតោ ធម្មោ ឧប្បជ្ជតិ នបុរេជាតបច្ចយា – មហគ្គតំ ឯកំ ខន្ធំ…បេ.… បដិសន្ធិក្ខណេ…បេ.…។ (១)

    Mahaggataṃ dhammaṃ paṭicca mahaggato dhammo uppajjati napurejātapaccayā – mahaggataṃ ekaṃ khandhaṃ…pe… paṭisandhikkhaṇe…pe…. (1)

    មហគ្គតំ ធម្មំ បដិច្ច បរិត្តោ ធម្មោ ឧប្បជ្ជតិ នបុរេជាតបច្ចយា – មហគ្គតេ ខន្ធេ បដិច្ច ចិត្តសមុដ្ឋានំ រូបំ។ បដិសន្ធិក្ខណេ មហគ្គតេ ខន្ធេ បដិច្ច កដត្តារូបំ។ (២)

    Mahaggataṃ dhammaṃ paṭicca paritto dhammo uppajjati napurejātapaccayā – mahaggate khandhe paṭicca cittasamuṭṭhānaṃ rūpaṃ. Paṭisandhikkhaṇe mahaggate khandhe paṭicca kaṭattārūpaṃ. (2)

    មហគ្គតំ ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ នបុរេជាតបច្ចយា – បដិសន្ធិក្ខណេ មហគ្គតំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ.… ទ្វេ ខន្ធេ…បេ.…។ (៣)

    Mahaggataṃ dhammaṃ paṭicca paritto ca mahaggato ca dhammā uppajjanti napurejātapaccayā – paṭisandhikkhaṇe mahaggataṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe…. (3)

    ១៧. អប្បមាណំ ធម្មំ បដិច្ច អប្បមាណោ ធម្មោ ឧប្បជ្ជតិ នបុរេជាតបច្ចយា – អរូបេ អប្បមាណំ ឯកំ ខន្ធំ…បេ.…។ (១)

    17. Appamāṇaṃ dhammaṃ paṭicca appamāṇo dhammo uppajjati napurejātapaccayā – arūpe appamāṇaṃ ekaṃ khandhaṃ…pe…. (1)

    អប្បមាណំ ធម្មំ បដិច្ច បរិត្តោ ធម្មោ ឧប្បជ្ជតិ នបុរេជាតបច្ចយា – អប្បមាណេ ខន្ធេ បដិច្ច ចិត្តសមុដ្ឋានំ រូបំ។(២)

    Appamāṇaṃ dhammaṃ paṭicca paritto dhammo uppajjati napurejātapaccayā – appamāṇe khandhe paṭicca cittasamuṭṭhānaṃ rūpaṃ.(2)

    បរិត្តញ្ច អប្បមាណញ្ច ធម្មំ បដិច្ច បរិត្តោ ធម្មោ ឧប្បជ្ជតិ នបុរេជាតបច្ចយា – អប្បមាណេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (៣)

    Parittañca appamāṇañca dhammaṃ paṭicca paritto dhammo uppajjati napurejātapaccayā – appamāṇe khandhe ca mahābhūte ca paṭicca cittasamuṭṭhānaṃ rūpaṃ. (3)

    បរិត្តញ្ច មហគ្គតញ្ច ធម្មំ បដិច្ច បរិត្តោ ធម្មោ ឧប្បជ្ជតិ នបុរេជាតបច្ចយា – មហគ្គតេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ បដិសន្ធិក្ខណេ…បេ.…។ (១)

    Parittañca mahaggatañca dhammaṃ paṭicca paritto dhammo uppajjati napurejātapaccayā – mahaggate khandhe ca mahābhūte ca paṭicca cittasamuṭṭhānaṃ rūpaṃ. Paṭisandhikkhaṇe…pe…. (1)

    បរិត្តញ្ច មហគ្គតញ្ច ធម្មំ បដិច្ច មហគ្គតោ ធម្មោ ឧប្បជ្ជតិ នបុរេជាតបច្ចយា – បដិសន្ធិក្ខណេ មហគ្គតំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ.…។ (២)

    Parittañca mahaggatañca dhammaṃ paṭicca mahaggato dhammo uppajjati napurejātapaccayā – paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā…pe…. (2)

    បរិត្តញ្ច មហគ្គតញ្ច ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ នបុរេជាតបច្ចយា – បដិសន្ធិក្ខណេ មហគ្គតំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ.… ទ្វេ ខន្ធេ…បេ.… មហគ្គតេ ខន្ធេ ច មហាភូតេ ច បដិច្ច កដត្តារូបំ។ (៣)

    Parittañca mahaggatañca dhammaṃ paṭicca paritto ca mahaggato ca dhammā uppajjanti napurejātapaccayā – paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā…pe… dve khandhe…pe… mahaggate khandhe ca mahābhūte ca paṭicca kaṭattārūpaṃ. (3)

    នបច្ឆាជាតបច្ចយាទិ

    Napacchājātapaccayādi

    ១៨. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ នបច្ឆាជាតបច្ចយា… នអាសេវនបច្ចយា – បរិត្តំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ…បេ.… អសញ្ញសត្តានំ ឯកំ មហាភូតំ…បេ.…។(១)

    18. Parittaṃ dhammaṃ paṭicca paritto dhammo uppajjati napacchājātapaccayā… naāsevanapaccayā – parittaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā; ekaṃ mahābhūtaṃ…pe… asaññasattānaṃ ekaṃ mahābhūtaṃ…pe….(1)

    បរិត្តំ ធម្មំ បដិច្ច មហគ្គតោ ធម្មោ ឧប្បជ្ជតិ នអាសេវនបច្ចយា – បដិសន្ធិក្ខណេ វត្ថុំ បដិច្ច មហគ្គតា ខន្ធា។ (២)

    Parittaṃ dhammaṃ paṭicca mahaggato dhammo uppajjati naāsevanapaccayā – paṭisandhikkhaṇe vatthuṃ paṭicca mahaggatā khandhā. (2)

    បរិត្តំ ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ នអាសេវនបច្ចយា – បដិសន្ធិក្ខណេ វត្ថុំ បដិច្ច មហគ្គតា ខន្ធា, មហាភូតេ បដិច្ច កដត្តារូបំ។ (៣)

    Parittaṃ dhammaṃ paṭicca paritto ca mahaggato ca dhammā uppajjanti naāsevanapaccayā – paṭisandhikkhaṇe vatthuṃ paṭicca mahaggatā khandhā, mahābhūte paṭicca kaṭattārūpaṃ. (3)

    ១៩. មហគ្គតំ ធម្មំ បដិច្ច មហគ្គតោ ធម្មោ ឧប្បជ្ជតិ នអាសេវនបច្ចយា – វិបាកំ មហគ្គតំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ មហគ្គតំ ឯកំ ខន្ធំ បដិច្ច តយោ ខន្ធា…បេ.…។ (១) មហគ្គតំ ធម្មំ បដិច្ច បរិត្តោ ធម្មោ ឧប្បជ្ជតិ នអាសេវនបច្ចយា – មហគ្គតេ ខន្ធេ បដិច្ច ចិត្តសមុដ្ឋានំ រូបំ។ បដិសន្ធិក្ខណេ…បេ.…។ (២)

    19. Mahaggataṃ dhammaṃ paṭicca mahaggato dhammo uppajjati naāsevanapaccayā – vipākaṃ mahaggataṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe mahaggataṃ ekaṃ khandhaṃ paṭicca tayo khandhā…pe…. (1) Mahaggataṃ dhammaṃ paṭicca paritto dhammo uppajjati naāsevanapaccayā – mahaggate khandhe paṭicca cittasamuṭṭhānaṃ rūpaṃ. Paṭisandhikkhaṇe…pe…. (2)

    មហគ្គតំ ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ នអាសេវនបច្ចយា – វិបាកំ មហគ្គតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ មហគ្គតំ ឯកំ ខន្ធំ…បេ.…។ (៣)

    Mahaggataṃ dhammaṃ paṭicca paritto ca mahaggato ca dhammā uppajjanti naāsevanapaccayā – vipākaṃ mahaggataṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe mahaggataṃ ekaṃ khandhaṃ…pe…. (3)

    ២០. អប្បមាណំ ធម្មំ បដិច្ច អប្បមាណោ ធម្មោ ឧប្បជ្ជតិ នអាសេវនបច្ចយា – វិបាកំ អប្បមាណំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ (១)

    20. Appamāṇaṃ dhammaṃ paṭicca appamāṇo dhammo uppajjati naāsevanapaccayā – vipākaṃ appamāṇaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)

    អប្បមាណំ ធម្មំ បដិច្ច បរិត្តោ ធម្មោ ឧប្បជ្ជតិ នអាសេវនបច្ចយា – អប្បមាណេ ខន្ធេ បដិច្ច ចិត្តសមុដ្ឋានំ រូបំ។ (២)

    Appamāṇaṃ dhammaṃ paṭicca paritto dhammo uppajjati naāsevanapaccayā – appamāṇe khandhe paṭicca cittasamuṭṭhānaṃ rūpaṃ. (2)

    អប្បមាណំ ធម្មំ បដិច្ច បរិត្តោ ច អប្បមាណោ ច ធម្មា ឧប្បជ្ជន្តិ នអាសេវនបច្ចយា – វិបាកំ អប្បមាណំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.…។ (៣)

    Appamāṇaṃ dhammaṃ paṭicca paritto ca appamāṇo ca dhammā uppajjanti naāsevanapaccayā – vipākaṃ appamāṇaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe…. (3)

    ២១. បរិត្តញ្ច អប្បមាណញ្ច ធម្មំ បដិច្ច បរិត្តោ ធម្មោ ឧប្បជ្ជតិ នអាសេវនបច្ចយា – អប្បមាណេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    21. Parittañca appamāṇañca dhammaṃ paṭicca paritto dhammo uppajjati naāsevanapaccayā – appamāṇe khandhe ca mahābhūte ca paṭicca cittasamuṭṭhānaṃ rūpaṃ. (1)

    បរិត្តញ្ច មហគ្គតញ្ច ធម្មំ បដិច្ច បរិត្តោ ធម្មោ ឧប្បជ្ជតិ នអាសេវនបច្ចយា – មហគ្គតេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ បដិសន្ធិក្ខណេ មហគ្គតេ ខន្ធេ ច មហាភូតេ ច បដិច្ច កដត្តារូបំ។ (១)

    Parittañca mahaggatañca dhammaṃ paṭicca paritto dhammo uppajjati naāsevanapaccayā – mahaggate khandhe ca mahābhūte ca paṭicca cittasamuṭṭhānaṃ rūpaṃ. Paṭisandhikkhaṇe mahaggate khandhe ca mahābhūte ca paṭicca kaṭattārūpaṃ. (1)

    បរិត្តញ្ច មហគ្គតញ្ច ធម្មំ បដិច្ច មហគ្គតោ ធម្មោ ឧប្បជ្ជតិ នអាសេវនបច្ចយា – បដិសន្ធិក្ខណេ មហគ្គតំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ.… ទ្វេ ខន្ធេ…បេ.…។ (២)

    Parittañca mahaggatañca dhammaṃ paṭicca mahaggato dhammo uppajjati naāsevanapaccayā – paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā…pe… dve khandhe…pe…. (2)

    បរិត្តញ្ច មហគ្គតញ្ច ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ នអាសេវនបច្ចយា – បដិសន្ធិក្ខណេ មហគ្គតំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ.… ទ្វេ ខន្ធេ…បេ.… មហគ្គតេ ខន្ធេ ច មហាភូតេ ច បដិច្ច កដត្តារូបំ។ (៣)

    Parittañca mahaggatañca dhammaṃ paṭicca paritto ca mahaggato ca dhammā uppajjanti naāsevanapaccayā – paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā…pe… dve khandhe…pe… mahaggate khandhe ca mahābhūte ca paṭicca kaṭattārūpaṃ. (3)

    នកម្មបច្ចយោ

    Nakammapaccayo

    ២២. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ នកម្មបច្ចយា – បរិត្តេ ខន្ធេ បដិច្ច បរិត្តា ចេតនា។ ពាហិរំ… អាហារសមុដ្ឋានំ… ឧតុសមុដ្ឋានំ… ឯកំ មហាភូតំ…បេ.…។ (១)

    22. Parittaṃ dhammaṃ paṭicca paritto dhammo uppajjati nakammapaccayā – paritte khandhe paṭicca parittā cetanā. Bāhiraṃ… āhārasamuṭṭhānaṃ… utusamuṭṭhānaṃ… ekaṃ mahābhūtaṃ…pe…. (1)

    មហគ្គតំ ធម្មំ បដិច្ច មហគ្គតោ ធម្មោ ឧប្បជ្ជតិ នកម្មបច្ចយា – មហគ្គតេ ខន្ធេ បដិច្ច មហគ្គតា ចេតនា។ (១)

    Mahaggataṃ dhammaṃ paṭicca mahaggato dhammo uppajjati nakammapaccayā – mahaggate khandhe paṭicca mahaggatā cetanā. (1)

    អប្បមាណំ ធម្មំ បដិច្ច អប្បមាណោ ធម្មោ ឧប្បជ្ជតិ នកម្មបច្ចយា – កុសលេ អប្បមាណេ ខន្ធេ បដិច្ច អប្បមាណា ចេតនា។ (១)

    Appamāṇaṃ dhammaṃ paṭicca appamāṇo dhammo uppajjati nakammapaccayā – kusale appamāṇe khandhe paṭicca appamāṇā cetanā. (1)

    នវិបាកបច្ចយោ

    Navipākapaccayo

    ២៣. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ នវិបាកបច្ចយា – បរិត្តំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… ឯកំ មហាភូតំ បដិច្ច តយោ មហាភូតា…បេ.… មហាភូតេ បដិច្ច ចិត្តសមុដ្ឋានំ រូបំ ឧបាទារូបំ; ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ.…។ (១)

    23. Parittaṃ dhammaṃ paṭicca paritto dhammo uppajjati navipākapaccayā – parittaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ekaṃ mahābhūtaṃ paṭicca tayo mahābhūtā…pe… mahābhūte paṭicca cittasamuṭṭhānaṃ rūpaṃ upādārūpaṃ; bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ…pe…. (1)

    មហគ្គតំ ធម្មំ បដិច្ច មហគ្គតោ ធម្មោ ឧប្បជ្ជតិ នវិបាកបច្ចយា – មហគ្គតំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    Mahaggataṃ dhammaṃ paṭicca mahaggato dhammo uppajjati navipākapaccayā – mahaggataṃ ekaṃ khandhaṃ paṭicca tayo khandhā…pe… dve khandhe…pe…. (1)

    មហគ្គតំ ធម្មំ បដិច្ច បរិត្តោ ធម្មោ ឧប្បជ្ជតិ នវិបាកបច្ចយា – មហគ្គតេ ខន្ធេ បដិច្ច ចិត្តសមុដ្ឋានំ រូបំ។ (២)

    Mahaggataṃ dhammaṃ paṭicca paritto dhammo uppajjati navipākapaccayā – mahaggate khandhe paṭicca cittasamuṭṭhānaṃ rūpaṃ. (2)

    មហគ្គតំ ធម្មំ បដិច្ច បរិត្តោ ច មហគ្គតោ ច ធម្មា ឧប្បជ្ជន្តិ នវិបាកបច្ចយា – មហគ្គតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    Mahaggataṃ dhammaṃ paṭicca paritto ca mahaggato ca dhammā uppajjanti navipākapaccayā – mahaggataṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    អប្បមាណំ ធម្មំ បដិច្ច អប្បមាណោ ធម្មោ ឧប្បជ្ជតិ នវិបាកបច្ចយា – កុសលំ អប្បមាណំ ឯកំ ខន្ធំ បដិច្ច តយោ ខន្ធា…បេ.…។ (១)

    Appamāṇaṃ dhammaṃ paṭicca appamāṇo dhammo uppajjati navipākapaccayā – kusalaṃ appamāṇaṃ ekaṃ khandhaṃ paṭicca tayo khandhā…pe…. (1)

    អប្បមាណំ ធម្មំ បដិច្ច បរិត្តោ ធម្មោ ឧប្បជ្ជតិ នវិបាកបច្ចយា – កុសលេ អប្បមាណេ ខន្ធេ បដិច្ច ចិត្តសមុដ្ឋានំ រូបំ។ (២)

    Appamāṇaṃ dhammaṃ paṭicca paritto dhammo uppajjati navipākapaccayā – kusale appamāṇe khandhe paṭicca cittasamuṭṭhānaṃ rūpaṃ. (2)

    អប្បមាណំ ធម្មំ បដិច្ច បរិត្តោ ច អប្បមាណោ ច ធម្មា ឧប្បជ្ជន្តិ នវិបាកបច្ចយា – កុសលំ អប្បមាណំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    Appamāṇaṃ dhammaṃ paṭicca paritto ca appamāṇo ca dhammā uppajjanti navipākapaccayā – kusalaṃ appamāṇaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    បរិត្តញ្ច អប្បមាណញ្ច ធម្មំ បដិច្ច បរិត្តោ ធម្មោ ឧប្បជ្ជតិ នវិបាកបច្ចយា – កុសលេ អប្បមាណេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    Parittañca appamāṇañca dhammaṃ paṭicca paritto dhammo uppajjati navipākapaccayā – kusale appamāṇe khandhe ca mahābhūte ca paṭicca cittasamuṭṭhānaṃ rūpaṃ. (1)

    បរិត្តញ្ច មហគ្គតញ្ច ធម្មំ បដិច្ច បរិត្តោ ធម្មោ ឧប្បជ្ជតិ នវិបាកបច្ចយា – មហគ្គតេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    Parittañca mahaggatañca dhammaṃ paṭicca paritto dhammo uppajjati navipākapaccayā – mahaggate khandhe ca mahābhūte ca paṭicca cittasamuṭṭhānaṃ rūpaṃ. (1)

    នអាហារបច្ចយាទិ

    Naāhārapaccayādi

    ២៤. បរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ នអាហារបច្ចយា – ពាហិរំ… ឧតុសមុដ្ឋានំ… អសញ្ញសត្តានំ (វិត្ថារេតព្ពំ)… នឥន្ទ្រិយបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ.… មហាភូតេ បដិច្ច រូបជីវិតិន្ទ្រិយំ, នឈានបច្ចយា – បញ្ចវិញ្ញាណសហគតំ ឯកំ ខន្ធំ…បេ.… ពាហិរំ…បេ.… អសញ្ញសត្តានំ ឯកំ មហាភូតំ …បេ.… (សព្ពេ មហាភូតា កាតព្ពា), នមគ្គបច្ចយា – អហេតុកំ បរិត្តំ ឯកំ ខន្ធំ…បេ.… អហេតុកបដិសន្ធិក្ខណេ ឯកំ…បេ.… (សព្ពេ មហាភូតា កាតព្ពា) នសម្បយុត្តបច្ចយា… នវិប្បយុត្តបច្ចយា – អរូបេ បរិត្តំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ.…។

    24. Parittaṃ dhammaṃ paṭicca paritto dhammo uppajjati naāhārapaccayā – bāhiraṃ… utusamuṭṭhānaṃ… asaññasattānaṃ (vitthāretabbaṃ)… naindriyapaccayā – bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… mahābhūte paṭicca rūpajīvitindriyaṃ, najhānapaccayā – pañcaviññāṇasahagataṃ ekaṃ khandhaṃ…pe… bāhiraṃ…pe… asaññasattānaṃ ekaṃ mahābhūtaṃ …pe… (sabbe mahābhūtā kātabbā), namaggapaccayā – ahetukaṃ parittaṃ ekaṃ khandhaṃ…pe… ahetukapaṭisandhikkhaṇe ekaṃ…pe… (sabbe mahābhūtā kātabbā) nasampayuttapaccayā… navippayuttapaccayā – arūpe parittaṃ ekaṃ khandhaṃ paṭicca tayo khandhā…pe… dve khandhe…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe….

    មហគ្គតំ ធម្មំ បដិច្ច មហគ្គតោ ធម្មោ ឧប្បជ្ជតិ នវិប្បយុត្តបច្ចយា – អរូបេ មហគ្គតំ ឯកំ ខន្ធំ…បេ.…។ (១)

    Mahaggataṃ dhammaṃ paṭicca mahaggato dhammo uppajjati navippayuttapaccayā – arūpe mahaggataṃ ekaṃ khandhaṃ…pe…. (1)

    អប្បមាណំ ធម្មំ បដិច្ច អប្បមាណោ ធម្មោ ឧប្បជ្ជតិ នវិប្បយុត្តបច្ចយា – អរូបេ អប្បមាណំ ឯកំ ខន្ធំ…បេ.… នោនត្ថិបច្ចយា… នោវិគតបច្ចយា។

    Appamāṇaṃ dhammaṃ paṭicca appamāṇo dhammo uppajjati navippayuttapaccayā – arūpe appamāṇaṃ ekaṃ khandhaṃ…pe… nonatthipaccayā… novigatapaccayā.

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ២៥. នហេតុយា ឯកំ, នអារម្មណេ បញ្ច, នអធិបតិយា ទស, នអនន្តរេ បញ្ច, នសមនន្តរេ បញ្ច, នអញ្ញមញ្ញេ នឧបនិស្សយេ បញ្ច, នបុរេជាតេ ទ្វាទស, នបច្ឆាជាតេ តេរស, នអាសេវនេ តេរស, នកម្មេ តីណិ, នវិបាកេ នវ, នអាហារេ ឯកំ, នឥន្ទ្រិយេ នឈានេ នមគ្គេ ឯកំ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច (ឯវំ គណេតព្ពំ)។

    25. Nahetuyā ekaṃ, naārammaṇe pañca, naadhipatiyā dasa, naanantare pañca, nasamanantare pañca, naaññamaññe naupanissaye pañca, napurejāte dvādasa, napacchājāte terasa, naāsevane terasa, nakamme tīṇi, navipāke nava, naāhāre ekaṃ, naindriye najhāne namagge ekaṃ, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    បច្ចនីយំ។

    Paccanīyaṃ.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ២៦. ហេតុបច្ចយា នអារម្មណេ បញ្ច, នអធិបតិយា ទស, នអនន្តរេ បញ្ច, នសមនន្តរេ នអញ្ញមញ្ញេ នឧបនិស្សយេ បញ្ច, នបុរេជាតេ ទ្វាទស, នបច្ឆាជាតេ តេរស, នអាសេវនេ តេរស, នកម្មេ តីណិ, នវិបាកេ នវ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច (ឯវំ គណេតព្ពំ)។

    26. Hetupaccayā naārammaṇe pañca, naadhipatiyā dasa, naanantare pañca, nasamanantare naaññamaññe naupanissaye pañca, napurejāte dvādasa, napacchājāte terasa, naāsevane terasa, nakamme tīṇi, navipāke nava, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    អនុលោមបច្ចនីយំ។

    Anulomapaccanīyaṃ.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ២៧. នហេតុបច្ចយា អារម្មណេ ឯកំ, អនន្តរេ ឯកំ…បេ.… វិគតេ ឯកំ, អវិគតេ ឯកំ (ឯវំ គណេតព្ពំ)។

    27. Nahetupaccayā ārammaṇe ekaṃ, anantare ekaṃ…pe… vigate ekaṃ, avigate ekaṃ (evaṃ gaṇetabbaṃ).

    បច្ចនីយានុលោមំ។

    Paccanīyānulomaṃ.

    បដិច្ចវារោ។

    Paṭiccavāro.

    ២. សហជាតវារោ

    2. Sahajātavāro

    (សហជាតវារោបិ បដិច្ចវារសទិសោ។)

    (Sahajātavāropi paṭiccavārasadiso.)

    ៣. បច្ចយវារោ

    3. Paccayavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ២៨. បរិត្តំ ធម្មំ បច្ចយា បរិត្តោ ធម្មោ ឧប្បជ្ជតិ ហេតុបច្ចយា – បរិត្តំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… ខន្ធេ បច្ចយា វត្ថុ, វត្ថុំ បច្ចយា ខន្ធា; ឯកំ មហាភូតំ បច្ចយា…បេ.… ឧបាទារូបំ, វត្ថុំ បច្ចយា បរិត្តា ខន្ធា។ (១)

    28. Parittaṃ dhammaṃ paccayā paritto dhammo uppajjati hetupaccayā – parittaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paccayā vatthu, vatthuṃ paccayā khandhā; ekaṃ mahābhūtaṃ paccayā…pe… upādārūpaṃ, vatthuṃ paccayā parittā khandhā. (1)

    បរិត្តំ ធម្មំ បច្ចយា មហគ្គតោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា មហគ្គតា ខន្ធា។ បដិសន្ធិក្ខណេ វត្ថុំ បច្ចយា មហគ្គតា ខន្ធា។ (២)

    Parittaṃ dhammaṃ paccayā mahaggato dhammo uppajjati hetupaccayā – vatthuṃ paccayā mahaggatā khandhā. Paṭisandhikkhaṇe vatthuṃ paccayā mahaggatā khandhā. (2)

    បរិត្តំ ធម្មំ បច្ចយា អប្បមាណោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា អប្បមាណា ខន្ធា។ (៣)

    Parittaṃ dhammaṃ paccayā appamāṇo dhammo uppajjati hetupaccayā – vatthuṃ paccayā appamāṇā khandhā. (3)

    បរិត្តំ ធម្មំ បច្ចយា បរិត្តោ ច អប្បមាណោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា អប្បមាណា ខន្ធា, មហាភូតេ បច្ចយា ចិត្តសមុដ្ឋានំ រូបំ។ (៤)

    Parittaṃ dhammaṃ paccayā paritto ca appamāṇo ca dhammā uppajjanti hetupaccayā – vatthuṃ paccayā appamāṇā khandhā, mahābhūte paccayā cittasamuṭṭhānaṃ rūpaṃ. (4)

    បរិត្តំ ធម្មំ បច្ចយា បរិត្តោ ច មហគ្គតោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា មហគ្គតា ខន្ធា, មហាភូតេ បច្ចយា ចិត្តសមុដ្ឋានំ រូបំ។ បដិសន្ធិក្ខណេ វត្ថុំ បច្ចយា មហគ្គតា ខន្ធា។ (៥)

    Parittaṃ dhammaṃ paccayā paritto ca mahaggato ca dhammā uppajjanti hetupaccayā – vatthuṃ paccayā mahaggatā khandhā, mahābhūte paccayā cittasamuṭṭhānaṃ rūpaṃ. Paṭisandhikkhaṇe vatthuṃ paccayā mahaggatā khandhā. (5)

    ២៩. មហគ្គតំ ធម្មំ បច្ចយា មហគ្គតោ ធម្មោ ឧប្បជ្ជតិ ហេតុបច្ចយា – មហគ្គតំ ឯកំ ខន្ធំ បច្ចយា តយោ ខន្ធា…បេ.… បដិសន្ធិក្ខណេ មហគ្គតំ ឯកំ ខន្ធំ…បេ.…។ (១)

    29. Mahaggataṃ dhammaṃ paccayā mahaggato dhammo uppajjati hetupaccayā – mahaggataṃ ekaṃ khandhaṃ paccayā tayo khandhā…pe… paṭisandhikkhaṇe mahaggataṃ ekaṃ khandhaṃ…pe…. (1)

    មហគ្គតំ ធម្មំ បច្ចយា បរិត្តោ ធម្មោ ឧប្បជ្ជតិ ហេតុបច្ចយា – មហគ្គតេ ខន្ធេ បច្ចយា ចិត្តសមុដ្ឋានំ រូបំ។ បដិសន្ធិក្ខណេ…បេ.…។ (២)

    Mahaggataṃ dhammaṃ paccayā paritto dhammo uppajjati hetupaccayā – mahaggate khandhe paccayā cittasamuṭṭhānaṃ rūpaṃ. Paṭisandhikkhaṇe…pe…. (2)

    មហគ្គតំ ធម្មំ បច្ចយា បរិត្តោ ច មហគ្គតោ ច ធម្មា ឧប្បជ្ជន្តិ ហេតុបច្ចយា – មហគ្គតំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ មហគ្គតំ ឯកំ ខន្ធំ…បេ.…។ (៣)

    Mahaggataṃ dhammaṃ paccayā paritto ca mahaggato ca dhammā uppajjanti hetupaccayā – mahaggataṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe mahaggataṃ ekaṃ khandhaṃ…pe…. (3)

    អប្បមាណំ ធម្មំ បច្ចយា អប្បមាណោ ធម្មោ ឧប្បជ្ជតិ ហេតុបច្ចយា – អប្បមាណេ… តីណិ។

    Appamāṇaṃ dhammaṃ paccayā appamāṇo dhammo uppajjati hetupaccayā – appamāṇe… tīṇi.

    ៣០. បរិត្តញ្ច អប្បមាណញ្ច ធម្មំ បច្ចយា បរិត្តោ ធម្មោ ឧប្បជ្ជតិ ហេតុបច្ចយា – អប្បមាណេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ។ (១)

    30. Parittañca appamāṇañca dhammaṃ paccayā paritto dhammo uppajjati hetupaccayā – appamāṇe khandhe ca mahābhūte ca paccayā cittasamuṭṭhānaṃ rūpaṃ. (1)

    បរិត្តញ្ច អប្បមាណញ្ច ធម្មំ បច្ចយា អប្បមាណោ ធម្មោ ឧប្បជ្ជតិ ហេតុបច្ចយា – អប្បមាណំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.…។ (២)

    Parittañca appamāṇañca dhammaṃ paccayā appamāṇo dhammo uppajjati hetupaccayā – appamāṇaṃ ekaṃ khandhañca vatthuñca paccayā tayo khandhā…pe…. (2)

    បរិត្តញ្ច អប្បមាណញ្ច ធម្មំ បច្ចយា បរិត្តោ ច អប្បមាណោ ច ធម្មា ឧប្បជ្ជន្តិ ហេតុបច្ចយា – អប្បមាណំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ…បេ.… អប្បមាណេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ។ (៣)

    Parittañca appamāṇañca dhammaṃ paccayā paritto ca appamāṇo ca dhammā uppajjanti hetupaccayā – appamāṇaṃ ekaṃ khandhañca vatthuñca paccayā tayo khandhā…pe… dve khandhe…pe… appamāṇe khandhe ca mahābhūte ca paccayā cittasamuṭṭhānaṃ rūpaṃ. (3)

    បរិត្តញ្ច មហគ្គតញ្ច ធម្មំ បច្ចយា បរិត្តោ ធម្មោ ឧប្បជ្ជតិ ហេតុបច្ចយា… តីណិ (បដិសន្ធិក្ខណេ តីណិបិ កាតព្ពា)។

    Parittañca mahaggatañca dhammaṃ paccayā paritto dhammo uppajjati hetupaccayā… tīṇi (paṭisandhikkhaṇe tīṇipi kātabbā).

    អារម្មណបច្ចយាទិ

    Ārammaṇapaccayādi

    ៣១. បរិត្តំ ធម្មំ បច្ចយា បរិត្តោ ធម្មោ ឧប្បជ្ជតិ អារម្មណបច្ចយា – បរិត្តំ ឯកំ ខន្ធំ បច្ចយា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.… វត្ថុំ បច្ចយា ខន្ធា, ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ, វត្ថុំ បច្ចយា បរិត្តា ខន្ធា (អវសេសា ឆ បញ្ហា ហេតុបច្ចយសទិសា សត្ត កាតព្ពា), អធិបតិបច្ចយា (បដិសន្ធិ នត្ថិ, សត្តរស បញ្ហា បរិបុណ្ណា), អនន្តរបច្ចយា…បេ.… អវិគតបច្ចយា។

    31. Parittaṃ dhammaṃ paccayā paritto dhammo uppajjati ārammaṇapaccayā – parittaṃ ekaṃ khandhaṃ paccayā tayo khandhā…pe… dve khandhe…pe… paṭisandhikkhaṇe…pe… vatthuṃ paccayā khandhā, cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā parittā khandhā (avasesā cha pañhā hetupaccayasadisā satta kātabbā), adhipatipaccayā (paṭisandhi natthi, sattarasa pañhā paripuṇṇā), anantarapaccayā…pe… avigatapaccayā.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៣២. ហេតុយា សត្តរស, អារម្មណេ សត្ត, អធិបតិយា សត្តរស, អនន្តរេ សត្ត, សមនន្តរេ សត្ត, សហជាតេ សត្តរស, អញ្ញមញ្ញេ នវ, និស្សយេ សត្តរស, ឧបនិស្សយេ សត្ត, បុរេជាតេ សត្ត, អាសេវនេ សត្ត, កម្មេ សត្តរស, វិបាកេ សត្តរស, អាហារេ សត្តរស, ឥន្ទ្រិយេ ឈានេ មគ្គេ សត្តរស, សម្បយុត្តេ សត្ត, វិប្បយុត្តេ សត្តរស, អត្ថិយា សត្តរស, នត្ថិយា សត្ត, វិគតេ សត្ត, អវិគតេ សត្តរស (ឯវំ គណេតព្ពំ)

    32. Hetuyā sattarasa, ārammaṇe satta, adhipatiyā sattarasa, anantare satta, samanantare satta, sahajāte sattarasa, aññamaññe nava, nissaye sattarasa, upanissaye satta, purejāte satta, āsevane satta, kamme sattarasa, vipāke sattarasa, āhāre sattarasa, indriye jhāne magge sattarasa, sampayutte satta, vippayutte sattarasa, atthiyā sattarasa, natthiyā satta, vigate satta, avigate sattarasa (evaṃ gaṇetabbaṃ)

    អនុលោមំ។

    Anulomaṃ.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៣៣. បរិត្តំ ធម្មំ បច្ចយា បរិត្តោ ធម្មោ ឧប្បជ្ជតិ នហេតុបច្ចយា – អហេតុកំ បរិត្តំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… ខន្ធេ បច្ចយា វត្ថុ, វត្ថុំ បច្ចយា ខន្ធា; ឯកំ មហាភូតំ…បេ.… អសញ្ញសត្តានំ…បេ.… ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា បរិត្តា ខន្ធា, វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (១)

    33. Parittaṃ dhammaṃ paccayā paritto dhammo uppajjati nahetupaccayā – ahetukaṃ parittaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paccayā vatthu, vatthuṃ paccayā khandhā; ekaṃ mahābhūtaṃ…pe… asaññasattānaṃ…pe… cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā parittā khandhā, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1)

    នអារម្មណបច្ចយោ

    Naārammaṇapaccayo

    ៣៤. បរិត្តំ ធម្មំ បច្ចយា បរិត្តោ ធម្មោ ឧប្បជ្ជតិ នអារម្មណបច្ចយា (បដិច្ចវារសទិសំ។ បញ្ច)។

    34. Parittaṃ dhammaṃ paccayā paritto dhammo uppajjati naārammaṇapaccayā (paṭiccavārasadisaṃ. Pañca).

    នអធិបតិបច្ចយោ

    Naadhipatipaccayo

    ៣៥. បរិត្តំ ធម្មំ បច្ចយា បរិត្តោ ធម្មោ ឧប្បជ្ជតិ នអធិបតិបច្ចយា – បរិត្តំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… ៥៣អសញ្ញសត្តានំ…បេ.… ចក្ខាយតនំ…បេ.… កាយាយតនំ…បេ.… វត្ថុំ បច្ចយា បរិត្តា ខន្ធា។ (១)

    35. Parittaṃ dhammaṃ paccayā paritto dhammo uppajjati naadhipatipaccayā – parittaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… 53asaññasattānaṃ…pe… cakkhāyatanaṃ…pe… kāyāyatanaṃ…pe… vatthuṃ paccayā parittā khandhā. (1)

    បរិត្តំ ធម្មំ បច្ចយា មហគ្គតោ ធម្មោ ឧប្បជ្ជតិ នអធិបតិបច្ចយា – វត្ថុំ បច្ចយា មហគ្គតាធិបតិ, វត្ថុំ បច្ចយា វិបាកា មហគ្គតា ខន្ធា។ បដិសន្ធិក្ខណេ វត្ថុំ បច្ចយា មហគ្គតា ខន្ធា។ (២)

    Parittaṃ dhammaṃ paccayā mahaggato dhammo uppajjati naadhipatipaccayā – vatthuṃ paccayā mahaggatādhipati, vatthuṃ paccayā vipākā mahaggatā khandhā. Paṭisandhikkhaṇe vatthuṃ paccayā mahaggatā khandhā. (2)

    បរិត្តំ ធម្មំ បច្ចយា អប្បមាណោ ធម្មោ ឧប្បជ្ជតិ នអធិបតិបច្ចយា – វត្ថុំ បច្ចយា អប្បមាណាធិបតិ។ (៣)

    Parittaṃ dhammaṃ paccayā appamāṇo dhammo uppajjati naadhipatipaccayā – vatthuṃ paccayā appamāṇādhipati. (3)

    បរិត្តំ ធម្មំ បច្ចយា បរិត្តោ ច មហគ្គតោ ច ធម្មា ឧប្បជ្ជន្តិ នអធិបតិបច្ចយា – វត្ថុំ បច្ចយា វិបាកា មហគ្គតា ខន្ធា, មហាភូតេ បច្ចយា ចិត្តសមុដ្ឋានំ រូបំ។ បដិសន្ធិក្ខណេ…បេ.…។ (៤)

    Parittaṃ dhammaṃ paccayā paritto ca mahaggato ca dhammā uppajjanti naadhipatipaccayā – vatthuṃ paccayā vipākā mahaggatā khandhā, mahābhūte paccayā cittasamuṭṭhānaṃ rūpaṃ. Paṭisandhikkhaṇe…pe…. (4)

    ៣៦. មហគ្គតំ ធម្មំ បច្ចយា មហគ្គតោ ធម្មោ ឧប្បជ្ជតិ នអធិបតិបច្ចយា – មហគ្គតេ ខន្ធេ បច្ចយា មហគ្គតាធិបតិ, វិបាកំ មហគ្គតំ ឯកំ ខន្ធំ បច្ចយា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១)

    36. Mahaggataṃ dhammaṃ paccayā mahaggato dhammo uppajjati naadhipatipaccayā – mahaggate khandhe paccayā mahaggatādhipati, vipākaṃ mahaggataṃ ekaṃ khandhaṃ paccayā tayo khandhā…pe… dve khandhe…pe… paṭisandhikkhaṇe…pe…. (1)

    មហគ្គតំ ធម្មំ បច្ចយា បរិត្តោ ធម្មោ ឧប្បជ្ជតិ នអធិបតិបច្ចយា – វិបាកេ មហគ្គតេ ខន្ធេ បច្ចយា ចិត្តសមុដ្ឋានំ រូបំ។ បដិសន្ធិក្ខណេ…បេ.…។ (២)

    Mahaggataṃ dhammaṃ paccayā paritto dhammo uppajjati naadhipatipaccayā – vipāke mahaggate khandhe paccayā cittasamuṭṭhānaṃ rūpaṃ. Paṭisandhikkhaṇe…pe…. (2)

    មហគ្គតំ ធម្មំ បច្ចយា បរិត្តោ ច មហគ្គតោ ច ធម្មា ឧប្បជ្ជន្តិ នអធិបតិបច្ចយា – វិបាកំ មហគ្គតំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (៣)

    Mahaggataṃ dhammaṃ paccayā paritto ca mahaggato ca dhammā uppajjanti naadhipatipaccayā – vipākaṃ mahaggataṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe…. (3)

    អប្បមាណំ ធម្មំ បច្ចយា អប្បមាណោ ធម្មោ ឧប្បជ្ជតិ នអធិបតិបច្ចយា – អប្បមាណេ ខន្ធេ បច្ចយា អប្បមាណាធិបតិ។ (១)

    Appamāṇaṃ dhammaṃ paccayā appamāṇo dhammo uppajjati naadhipatipaccayā – appamāṇe khandhe paccayā appamāṇādhipati. (1)

    ៣៧. បរិត្តញ្ច អប្បមាណញ្ច ធម្មំ បច្ចយា អប្បមាណោ ធម្មោ ឧប្បជ្ជតិ នអធិបតិបច្ចយា – អប្បមាណេ ខន្ធេ ច វត្ថុញ្ច បច្ចយា អប្បមាណាធិបតិ។ (១)

    37. Parittañca appamāṇañca dhammaṃ paccayā appamāṇo dhammo uppajjati naadhipatipaccayā – appamāṇe khandhe ca vatthuñca paccayā appamāṇādhipati. (1)

    បរិត្តញ្ច មហគ្គតញ្ច ធម្មំ បច្ចយា បរិត្តោ ធម្មោ ឧប្បជ្ជតិ នអធិបតិបច្ចយា – វិបាកេ មហគ្គតេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ។ បដិសន្ធិក្ខណេ…បេ.…។ (១)

    Parittañca mahaggatañca dhammaṃ paccayā paritto dhammo uppajjati naadhipatipaccayā – vipāke mahaggate khandhe ca mahābhūte ca paccayā cittasamuṭṭhānaṃ rūpaṃ. Paṭisandhikkhaṇe…pe…. (1)

    បរិត្តញ្ច មហគ្គតញ្ច ធម្មំ បច្ចយា មហគ្គតោ ធម្មោ ឧប្បជ្ជតិ នអធិបតិបច្ចយា – មហគ្គតេ ខន្ធេ ច វត្ថុញ្ច បច្ចយា មហគ្គតាធិបតិ, វិបាកំ មហគ្គតំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (២)

    Parittañca mahaggatañca dhammaṃ paccayā mahaggato dhammo uppajjati naadhipatipaccayā – mahaggate khandhe ca vatthuñca paccayā mahaggatādhipati, vipākaṃ mahaggataṃ ekaṃ khandhañca vatthuñca paccayā tayo khandhā…pe… dve khandhe…pe… paṭisandhikkhaṇe…pe…. (2)

    បរិត្តញ្ច មហគ្គតញ្ច ធម្មំ បច្ចយា បរិត្តោ ច មហគ្គតោ ច ធម្មា ឧប្បជ្ជន្តិ នអធិបតិបច្ចយា – វិបាកំ មហគ្គតំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ…បេ.… វិបាកេ មហគ្គតេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ។ បដិសន្ធិក្ខណេ វិបាកំ មហគ្គតំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ…បេ.… វិបាកេ មហគ្គតេ ខន្ធេ ច មហាភូតេ ច បច្ចយា កដត្តារូបំ។ (៣)

    Parittañca mahaggatañca dhammaṃ paccayā paritto ca mahaggato ca dhammā uppajjanti naadhipatipaccayā – vipākaṃ mahaggataṃ ekaṃ khandhañca vatthuñca paccayā tayo khandhā…pe… dve khandhe…pe… vipāke mahaggate khandhe ca mahābhūte ca paccayā cittasamuṭṭhānaṃ rūpaṃ. Paṭisandhikkhaṇe vipākaṃ mahaggataṃ ekaṃ khandhañca vatthuñca paccayā tayo khandhā…pe… dve khandhe…pe… vipāke mahaggate khandhe ca mahābhūte ca paccayā kaṭattārūpaṃ. (3)

    នអនន្តរបច្ចយាទិ

    Naanantarapaccayādi

    ៣៨. បរិត្តំ ធម្មំ បច្ចយា បរិត្តោ ធម្មោ ឧប្បជ្ជតិ នអនន្តរបច្ចយា… នសមនន្តរបច្ចយា… នអញ្ញមញ្ញបច្ចយា… នឧបនិស្សយបច្ចយា… នបុរេជាតបច្ចយា… (បដិច្ចវារសទិសា ទ្វាទស បញ្ហា) នបច្ឆាជាតបច្ចយា… នអាសេវនបច្ចយា… (បរិបុណ្ណំ, វិបាកោតិ និទ្ទិសិតព្ពំ ចិត្តសមុដ្ឋានំ រូបំ វិបាកោតិ ន កាតព្ពំ) នកម្មបច្ចយា… នវិបាកបច្ចយា… (បដិសន្ធិវិបាកោបិ នត្ថិ) នអាហារបច្ចយា… នឥន្ទ្រិយបច្ចយា… នឈានបច្ចយា… នមគ្គបច្ចយា… នសម្បយុត្តបច្ចយា… នវិប្បយុត្តបច្ចយា… នោនត្ថិបច្ចយា… នោវិគតបច្ចយា។

    38. Parittaṃ dhammaṃ paccayā paritto dhammo uppajjati naanantarapaccayā… nasamanantarapaccayā… naaññamaññapaccayā… naupanissayapaccayā… napurejātapaccayā… (paṭiccavārasadisā dvādasa pañhā) napacchājātapaccayā… naāsevanapaccayā… (paripuṇṇaṃ, vipākoti niddisitabbaṃ cittasamuṭṭhānaṃ rūpaṃ vipākoti na kātabbaṃ) nakammapaccayā… navipākapaccayā… (paṭisandhivipākopi natthi) naāhārapaccayā… naindriyapaccayā… najhānapaccayā… namaggapaccayā… nasampayuttapaccayā… navippayuttapaccayā… nonatthipaccayā… novigatapaccayā.

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៣៩. នហេតុយា ឯកំ, នអារម្មណេ បញ្ច, នអធិបតិយា ទ្វាទស, នអនន្តរេ បញ្ច, នសមនន្តរេ នអញ្ញមញ្ញេ នឧបនិស្សយេ បញ្ច, នបុរេជាតេ ទ្វាទស, នបច្ឆាជាតេ សត្តរស, នអាសេវនេ សត្តរស, នកម្មេ សត្ត, នវិបាកេ សត្តរស, នអាហារេ នឥន្ទ្រិយេ នឈានេ នមគ្គេ ឯកំ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច (ឯវំ គណេតព្ពំ)។

    39. Nahetuyā ekaṃ, naārammaṇe pañca, naadhipatiyā dvādasa, naanantare pañca, nasamanantare naaññamaññe naupanissaye pañca, napurejāte dvādasa, napacchājāte sattarasa, naāsevane sattarasa, nakamme satta, navipāke sattarasa, naāhāre naindriye najhāne namagge ekaṃ, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    បច្ចនីយំ។

    Paccanīyaṃ.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ៤០. ហេតុបច្ចយា នអារម្មណេ បញ្ច, នអធិបតិយា ទ្វាទស, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ ទ្វាទស, នបច្ឆាជាតេ សត្តរស, នអាសេវនេ សត្តរស, នកម្មេ សត្ត, នវិបាកេ សត្តរស, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច (ឯវំ គណេតព្ពំ)។

    40. Hetupaccayā naārammaṇe pañca, naadhipatiyā dvādasa, naanantare pañca, nasamanantare pañca, naaññamaññe pañca, naupanissaye pañca, napurejāte dvādasa, napacchājāte sattarasa, naāsevane sattarasa, nakamme satta, navipāke sattarasa, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    អនុលោមបច្ចនីយំ។

    Anulomapaccanīyaṃ.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ៤១. នហេតុបច្ចយា អារម្មណេ ឯកំ, អនន្តរេ សមនន្តរេ សហជាតេ…បេ.… វិគតេ អវិគតេ ឯកំ (ឯវំ គណេតព្ពំ)។

    41. Nahetupaccayā ārammaṇe ekaṃ, anantare samanantare sahajāte…pe… vigate avigate ekaṃ (evaṃ gaṇetabbaṃ).

    បច្ចនីយានុលោមំ។

    Paccanīyānulomaṃ.

    បច្ចយវារោ។

    Paccayavāro.

    ៤. និស្សយវារោ

    4. Nissayavāro

    (និស្សយវារោ បច្ចយវារសទិសោ។)

    (Nissayavāro paccayavārasadiso.)

    ៥. សំសដ្ឋវារោ

    5. Saṃsaṭṭhavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៤២. បរិត្តំ ធម្មំ សំសដ្ឋោ បរិត្តោ ធម្មោ ឧប្បជ្ជតិ ហេតុបច្ចយា – បរិត្តំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១)

    42. Parittaṃ dhammaṃ saṃsaṭṭho paritto dhammo uppajjati hetupaccayā – parittaṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    មហគ្គតំ ធម្មំ សំសដ្ឋោ មហគ្គតោ ធម្មោ ឧប្បជ្ជតិ ហេតុបច្ចយា – មហគ្គតំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១)

    Mahaggataṃ dhammaṃ saṃsaṭṭho mahaggato dhammo uppajjati hetupaccayā – mahaggataṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    អប្បមាណំ ធម្មំ សំសដ្ឋោ អប្បមាណោ ធម្មោ ឧប្បជ្ជតិ ហេតុបច្ចយា – អប្បមាណំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.…។ (១)

    Appamāṇaṃ dhammaṃ saṃsaṭṭho appamāṇo dhammo uppajjati hetupaccayā – appamāṇaṃ ekaṃ khandhaṃ saṃsaṭṭhā tayo khandhā…pe… dve khandhe…pe…. (1)

    អារម្មណបច្ចយាទិ

    Ārammaṇapaccayādi

    ៤៣. បរិត្តំ ធម្មំ សំសដ្ឋោ បរិត្តោ ធម្មោ ឧប្បជ្ជតិ អារម្មណបច្ចយា… អធិបតិបច្ចយា (បដិសន្ធិ នត្ថិ)… អនន្តរបច្ចយា… សមនន្តរបច្ចយា… សហជាតបច្ចយា… អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា… បុរេជាតបច្ចយា (បដិសន្ធិ នត្ថិ)… អាសេវនបច្ចយា(វិបាកោបិ បដិសន្ធិបិ នត្ថិ)… កម្មបច្ចយា… វិបាកបច្ចយា… អាហារបច្ចយា… ឥន្ទ្រិយបច្ចយា… ឈានបច្ចយា… មគ្គបច្ចយា… សម្បយុត្តបច្ចយា… វិប្បយុត្តបច្ចយា… អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា។

    43. Parittaṃ dhammaṃ saṃsaṭṭho paritto dhammo uppajjati ārammaṇapaccayā… adhipatipaccayā (paṭisandhi natthi)… anantarapaccayā… samanantarapaccayā… sahajātapaccayā… aññamaññapaccayā… nissayapaccayā… upanissayapaccayā… purejātapaccayā (paṭisandhi natthi)… āsevanapaccayā(vipākopi paṭisandhipi natthi)… kammapaccayā… vipākapaccayā… āhārapaccayā… indriyapaccayā… jhānapaccayā… maggapaccayā… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៤៤. ហេតុយា តីណិ, អារម្មណេ តីណិ, អធិបតិយា តីណិ…បេ.… អវិគតេ តីណិ (ឯវំ គណេតព្ពំ)។

    44. Hetuyā tīṇi, ārammaṇe tīṇi, adhipatiyā tīṇi…pe… avigate tīṇi (evaṃ gaṇetabbaṃ).

    អនុលោមំ។

    Anulomaṃ.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៤៥. បរិត្តំ ធម្មំ សំសដ្ឋោ បរិត្តោ ធម្មោ ឧប្បជ្ជតិ នហេតុបច្ចយា – អហេតុកំ បរិត្តំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… វិចិកិច្ឆាសហគតេ ឧទ្ធច្ចសហគតេ ខន្ធេ សំសដ្ឋោ វិចិកិច្ឆាសហគតោ ឧទ្ធច្ចសហគតោ មោហោ។ (១)

    45. Parittaṃ dhammaṃ saṃsaṭṭho paritto dhammo uppajjati nahetupaccayā – ahetukaṃ parittaṃ ekaṃ khandhaṃ saṃsaṭṭhā tayo khandhā…pe… dve khandhe…pe… ahetukapaṭisandhikkhaṇe…pe… vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho. (1)

    នអធិបតិបច្ចយោ

    Naadhipatipaccayo

    ៤៦. បរិត្តំ ធម្មំ សំសដ្ឋោ បរិត្តោ ធម្មោ ឧប្បជ្ជតិ នអធិបតិបច្ចយា – បរិត្តំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១)

    46. Parittaṃ dhammaṃ saṃsaṭṭho paritto dhammo uppajjati naadhipatipaccayā – parittaṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    មហគ្គតំ ធម្មំ សំសដ្ឋោ មហគ្គតោ ធម្មោ ឧប្បជ្ជតិ នអធិបតិបច្ចយា – មហគ្គតេ ខន្ធេ សំសដ្ឋា មហគ្គតា អធិបតិ, វិបាកំ មហគ្គតំ ឯកំ ខន្ធំ សំសដ្ឋា…បេ.… បដិសន្ធិក្ខណេ…បេ.…។ (១)

    Mahaggataṃ dhammaṃ saṃsaṭṭho mahaggato dhammo uppajjati naadhipatipaccayā – mahaggate khandhe saṃsaṭṭhā mahaggatā adhipati, vipākaṃ mahaggataṃ ekaṃ khandhaṃ saṃsaṭṭhā…pe… paṭisandhikkhaṇe…pe…. (1)

    អប្បមាណំ ធម្មំ សំសដ្ឋោ អប្បមាណោ ធម្មោ ឧប្បជ្ជតិ នអធិបតិបច្ចយា – អប្បមាណេ ខន្ធេ សំសដ្ឋា អប្បមាណា អធិបតិ។ (១)

    Appamāṇaṃ dhammaṃ saṃsaṭṭho appamāṇo dhammo uppajjati naadhipatipaccayā – appamāṇe khandhe saṃsaṭṭhā appamāṇā adhipati. (1)

    នបុរេជាតបច្ចយោ

    Napurejātapaccayo

    ៤៧. បរិត្តំ ធម្មំ សំសដ្ឋោ បរិត្តោ ធម្មោ ឧប្បជ្ជតិ នបុរេជាតបច្ចយា – អរូបេ បរិត្តំ ឯកំ ខន្ធំ សំសដ្ឋា តយោ ខន្ធា…បេ.… បដិសន្ធិក្ខណេ…បេ.…។ (១)

    47. Parittaṃ dhammaṃ saṃsaṭṭho paritto dhammo uppajjati napurejātapaccayā – arūpe parittaṃ ekaṃ khandhaṃ saṃsaṭṭhā tayo khandhā…pe… paṭisandhikkhaṇe…pe…. (1)

    មហគ្គតំ ធម្មំ សំសដ្ឋោ មហគ្គតោ ធម្មោ ឧប្បជ្ជតិ នបុរេជាតបច្ចយា – អរូបេ មហគ្គតំ ឯកំ ខន្ធំ សំសដ្ឋា តយោ ខន្ធា…បេ.… បដិសន្ធិក្ខណេ…បេ.…។ (១)

    Mahaggataṃ dhammaṃ saṃsaṭṭho mahaggato dhammo uppajjati napurejātapaccayā – arūpe mahaggataṃ ekaṃ khandhaṃ saṃsaṭṭhā tayo khandhā…pe… paṭisandhikkhaṇe…pe…. (1)

    អប្បមាណំ ធម្មំ សំសដ្ឋោ អប្បមាណោ ធម្មោ ឧប្បជ្ជតិ នបុរេជាតបច្ចយា – អរូបេ អប្បមាណំ ឯកំ ខន្ធំ សំសដ្ឋា តយោ ខន្ធា…បេ.…។ (១)

    Appamāṇaṃ dhammaṃ saṃsaṭṭho appamāṇo dhammo uppajjati napurejātapaccayā – arūpe appamāṇaṃ ekaṃ khandhaṃ saṃsaṭṭhā tayo khandhā…pe…. (1)

    នបច្ឆាជាត-នអាសេវនបច្ចយា

    Napacchājāta-naāsevanapaccayā

    ៤៨. បរិត្តំ ធម្មំ សំសដ្ឋោ បរិត្តោ ធម្មោ ឧប្បជ្ជតិ នបច្ឆាជាតបច្ចយា… នអាសេវនបច្ចយា – បរិត្តំ ឯកំ ខន្ធំ សំសដ្ឋា តយោ ខន្ធា…បេ.… បដិសន្ធិក្ខណេ…បេ.…។ (១)

    48. Parittaṃ dhammaṃ saṃsaṭṭho paritto dhammo uppajjati napacchājātapaccayā… naāsevanapaccayā – parittaṃ ekaṃ khandhaṃ saṃsaṭṭhā tayo khandhā…pe… paṭisandhikkhaṇe…pe…. (1)

    មហគ្គតំ ធម្មំ សំសដ្ឋោ មហគ្គតោ ធម្មោ ឧប្បជ្ជតិ នអាសេវនបច្ចយា – វិបាកំ មហគ្គតំ ឯកំ ខន្ធំ សំសដ្ឋា តយោ ខន្ធា…បេ.… បដិសន្ធិក្ខណេ…បេ.… ។ (១)

    Mahaggataṃ dhammaṃ saṃsaṭṭho mahaggato dhammo uppajjati naāsevanapaccayā – vipākaṃ mahaggataṃ ekaṃ khandhaṃ saṃsaṭṭhā tayo khandhā…pe… paṭisandhikkhaṇe…pe… . (1)

    អប្បមាណំ ធម្មំ សំសដ្ឋោ អប្បមាណោ ធម្មោ ឧប្បជ្ជតិ នអាសេវនបច្ចយា – វិបាកំ អប្បមាណំ ឯកំ ខន្ធំ សំសដ្ឋា តយោ ខន្ធា…បេ.…។ (១)

    Appamāṇaṃ dhammaṃ saṃsaṭṭho appamāṇo dhammo uppajjati naāsevanapaccayā – vipākaṃ appamāṇaṃ ekaṃ khandhaṃ saṃsaṭṭhā tayo khandhā…pe…. (1)

    នកម្មបច្ចយោ

    Nakammapaccayo

    ៤៩. បរិត្តំ ធម្មំ សំសដ្ឋោ បរិត្តោ ធម្មោ ឧប្បជ្ជតិ នកម្មបច្ចយា – បរិត្តេ ខន្ធេ សំសដ្ឋា បរិត្តា ចេតនា។ (១)

    49. Parittaṃ dhammaṃ saṃsaṭṭho paritto dhammo uppajjati nakammapaccayā – paritte khandhe saṃsaṭṭhā parittā cetanā. (1)

    មហគ្គតំ ធម្មំ សំសដ្ឋោ មហគ្គតោ ធម្មោ ឧប្បជ្ជតិ នកម្មបច្ចយា – មហគ្គតេ ខន្ធេ សំសដ្ឋា មហគ្គតា ចេតនា។ (១)

    Mahaggataṃ dhammaṃ saṃsaṭṭho mahaggato dhammo uppajjati nakammapaccayā – mahaggate khandhe saṃsaṭṭhā mahaggatā cetanā. (1)

    អប្បមាណំ ធម្មំ សំសដ្ឋោ អប្បមាណោ ធម្មោ ឧប្បជ្ជតិ នកម្មបច្ចយា – កុសលេ អប្បមាណេ ខន្ធេ សំសដ្ឋា អប្បមាណា ចេតនា។ (១)

    Appamāṇaṃ dhammaṃ saṃsaṭṭho appamāṇo dhammo uppajjati nakammapaccayā – kusale appamāṇe khandhe saṃsaṭṭhā appamāṇā cetanā. (1)

    នវិបាកបច្ចយោ

    Navipākapaccayo

    ៥០. បរិត្តំ ធម្មំ សំសដ្ឋោ បរិត្តោ ធម្មោ ឧប្បជ្ជតិ នវិបាកបច្ចយា – បរិត្តំ ឯកំ ខន្ធំ សំសដ្ឋា តយោ ខន្ធា…បេ.…។ (១)

    50. Parittaṃ dhammaṃ saṃsaṭṭho paritto dhammo uppajjati navipākapaccayā – parittaṃ ekaṃ khandhaṃ saṃsaṭṭhā tayo khandhā…pe…. (1)

    មហគ្គតំ ធម្មំ សំសដ្ឋោ មហគ្គតោ ធម្មោ ឧប្បជ្ជតិ នវិបាកបច្ចយា – មហគ្គតំ ឯកំ ខន្ធំ សំសដ្ឋា តយោ ខន្ធា…បេ.…។ (១)

    Mahaggataṃ dhammaṃ saṃsaṭṭho mahaggato dhammo uppajjati navipākapaccayā – mahaggataṃ ekaṃ khandhaṃ saṃsaṭṭhā tayo khandhā…pe…. (1)

    អប្បមាណំ ធម្មំ សំសដ្ឋោ អប្បមាណោ ធម្មោ ឧប្បជ្ជតិ នវិបាកបច្ចយា – កុសលំ អប្បមាណំ ឯកំ ខន្ធំ សំសដ្ឋា តយោ ខន្ធា…បេ.…។ (១)

    Appamāṇaṃ dhammaṃ saṃsaṭṭho appamāṇo dhammo uppajjati navipākapaccayā – kusalaṃ appamāṇaṃ ekaṃ khandhaṃ saṃsaṭṭhā tayo khandhā…pe…. (1)

    នឈានបច្ចយាទិ

    Najhānapaccayādi

    ៥១. បរិត្តំ ធម្មំ សំសដ្ឋោ បរិត្តោ ធម្មោ ឧប្បជ្ជតិ នឈានបច្ចយា… នមគ្គបច្ចយា… នវិប្បយុត្តបច្ចយា – អរូបេ បរិត្តំ ឯកំ ខន្ធំ សំសដ្ឋា តយោ ខន្ធា…បេ.…។ (១)

    51. Parittaṃ dhammaṃ saṃsaṭṭho paritto dhammo uppajjati najhānapaccayā… namaggapaccayā… navippayuttapaccayā – arūpe parittaṃ ekaṃ khandhaṃ saṃsaṭṭhā tayo khandhā…pe…. (1)

    មហគ្គតំ ធម្មំ សំសដ្ឋោ មហគ្គតោ ធម្មោ ឧប្បជ្ជតិ នវិប្បយុត្តបច្ចយា – អរូបេ មហគ្គតំ ឯកំ ខន្ធំ សំសដ្ឋា តយោ ខន្ធា…បេ.…។ (១)

    Mahaggataṃ dhammaṃ saṃsaṭṭho mahaggato dhammo uppajjati navippayuttapaccayā – arūpe mahaggataṃ ekaṃ khandhaṃ saṃsaṭṭhā tayo khandhā…pe…. (1)

    អប្បមាណំ ធម្មំ សំសដ្ឋោ អប្បមាណោ ធម្មោ ឧប្បជ្ជតិ នវិប្បយុត្តបច្ចយា – អរូបេ អប្បមាណំ ឯកំ ខន្ធំ សំសដ្ឋា តយោ ខន្ធា…បេ.…។ (១)

    Appamāṇaṃ dhammaṃ saṃsaṭṭho appamāṇo dhammo uppajjati navippayuttapaccayā – arūpe appamāṇaṃ ekaṃ khandhaṃ saṃsaṭṭhā tayo khandhā…pe…. (1)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៥២. នហេតុយា ឯកំ, នអធិបតិយា តីណិ, នបុរេជាតេ តីណិ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នវិបាកេ តីណិ, នឈានេ ឯកំ, នមគ្គេ ឯកំ, នវិប្បយុត្តេ តីណិ (ឯវំ គណេតព្ពំ)។

    52. Nahetuyā ekaṃ, naadhipatiyā tīṇi, napurejāte tīṇi, napacchājāte tīṇi, naāsevane tīṇi, nakamme tīṇi, navipāke tīṇi, najhāne ekaṃ, namagge ekaṃ, navippayutte tīṇi (evaṃ gaṇetabbaṃ).

    បច្ចនីយំ។

    Paccanīyaṃ.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ៥៣. ហេតុបច្ចយា នអធិបតិយា តីណិ, នបុរេជាតេ នបច្ឆាជាតេ នអាសេវនេ នកម្មេ នវិបាកេ នវិប្បយុត្តេ តីណិ (ឯវំ គណតព្ពំ)។

    53. Hetupaccayā naadhipatiyā tīṇi, napurejāte napacchājāte naāsevane nakamme navipāke navippayutte tīṇi (evaṃ gaṇatabbaṃ).

    អនុលោមបច្ចនីយំ។

    Anulomapaccanīyaṃ.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ៥៤. នហេតុបច្ចយា អារម្មណេ ឯកំ, អនន្តរេ ឯកំ…បេ.… អវិគតេ ឯក (ឯវំ គណេតព្ពំ)។

    54. Nahetupaccayā ārammaṇe ekaṃ, anantare ekaṃ…pe… avigate eka (evaṃ gaṇetabbaṃ).

    បច្ចនីយានុលោមំ។

    Paccanīyānulomaṃ.

    សំសដ្ឋវារោ។

    Saṃsaṭṭhavāro.

    ៦. សម្បយុត្តវារោ

    6. Sampayuttavāro

    (សម្បយុត្តវារោ សំសដ្ឋវារសទិសោ)។

    (Sampayuttavāro saṃsaṭṭhavārasadiso).

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៥៥. បរិត្តោ ធម្មោ បរិត្តស្ស ធម្មស្ស ហេតុបច្ចយេន បច្ចយោ – បរិត្តា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ បដិសន្ធិក្ខណេ…បេ.…។ (១)

    55. Paritto dhammo parittassa dhammassa hetupaccayena paccayo – parittā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. Paṭisandhikkhaṇe…pe…. (1)

    មហគ្គតោ ធម្មោ មហគ្គតស្ស ធម្មស្ស ហេតុបច្ចយេន បច្ចយោ… តីណិ (បវត្តិបដិសន្ធិ កាតព្ពា)។

    Mahaggato dhammo mahaggatassa dhammassa hetupaccayena paccayo… tīṇi (pavattipaṭisandhi kātabbā).

    អប្បមាណោ ធម្មោ អប្បមាណស្ស ធម្មស្ស ហេតុបច្ចយេន បច្ចយោ… តីណិ។

    Appamāṇo dhammo appamāṇassa dhammassa hetupaccayena paccayo… tīṇi.

    អារម្មណបច្ចយោ

    Ārammaṇapaccayo

    ៥៦. បរិត្តោ ធម្មោ បរិត្តស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ បច្ចវេក្ខតិ, អរិយា គោត្រភុំ បច្ចវេក្ខន្តិ, វោទានំ បច្ចវេក្ខន្តិ, បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ។ ចក្ខុំ…បេ.… វត្ថុំ… បរិត្តេ ខន្ធេ អនិច្ចតោ…បេ.… វិបស្សន្តិ អស្សាទេន្តិ អភិនន្ទន្តិ, តំ អារព្ភ រាគោ ឧប្បជ្ជតិ …បេ.… ទោមនស្សំ ឧប្បជ្ជតិ។ រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស អារម្មណបច្ចយេន បច្ចយោ។ (១)

    56. Paritto dhammo parittassa dhammassa ārammaṇapaccayena paccayo – dānaṃ datvā sīlaṃ samādiyitvā uposathakammaṃ katvā taṃ paccavekkhati, pubbe suciṇṇāni paccavekkhati, ariyā gotrabhuṃ paccavekkhanti, vodānaṃ paccavekkhanti, pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Cakkhuṃ…pe… vatthuṃ… paritte khandhe aniccato…pe… vipassanti assādenti abhinandanti, taṃ ārabbha rāgo uppajjati …pe… domanassaṃ uppajjati. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa ārammaṇapaccayena paccayo. (1)

    បរិត្តោ ធម្មោ មហគ្គតស្ស ធម្មស្ស អារម្មណបច្ចយេន បច្ចយោ – ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, ចេតោបរិយញាណេន បរិត្តចិត្តសមង្គិស្ស ចិត្តំ ជានាតិ។ បរិត្តា ខន្ធា ឥទ្ធិវិធញាណស្ស, ចេតោបរិយញាណស្ស បុព្ពេនិវាសានុស្សតិញាណស្ស យថាកម្មូបគញាណស្ស អនាគតំសញាណស្ស អារម្មណបច្ចយេន បច្ចយោ។ (២)

    Paritto dhammo mahaggatassa dhammassa ārammaṇapaccayena paccayo – dibbena cakkhunā rūpaṃ passati, dibbāya sotadhātuyā saddaṃ suṇāti, cetopariyañāṇena parittacittasamaṅgissa cittaṃ jānāti. Parittā khandhā iddhividhañāṇassa, cetopariyañāṇassa pubbenivāsānussatiñāṇassa yathākammūpagañāṇassa anāgataṃsañāṇassa ārammaṇapaccayena paccayo. (2)

    ៥៧. មហគ្គតោ ធម្មោ មហគ្គតស្ស ធម្មស្ស អារម្មណបច្ចយេន បច្ចយោ – ចេតោបរិយញាណេន មហគ្គតចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស… អាកិញ្ចញ្ញាយតនំ នេវសញ្ញានាសញ្ញាយតនស្ស អារម្មណបច្ចយេន បច្ចយោ ។ មហគ្គតា ខន្ធា ឥទ្ធិវិធញាណស្ស, ចេតោបរិយញាណស្ស បុព្ពេនិវាសានុស្សតិញាណស្ស យថាកម្មូបគញាណស្ស អនាគតំសញាណស្ស អារម្មណបច្ចយេន បច្ចយោ។ (១)

    57. Mahaggato dhammo mahaggatassa dhammassa ārammaṇapaccayena paccayo – cetopariyañāṇena mahaggatacittasamaṅgissa cittaṃ jānāti, ākāsānañcāyatanaṃ viññāṇañcāyatanassa… ākiñcaññāyatanaṃ nevasaññānāsaññāyatanassa ārammaṇapaccayena paccayo . Mahaggatā khandhā iddhividhañāṇassa, cetopariyañāṇassa pubbenivāsānussatiñāṇassa yathākammūpagañāṇassa anāgataṃsañāṇassa ārammaṇapaccayena paccayo. (1)

    មហគ្គតោ ធម្មោ បរិត្តស្ស ធម្មស្ស អារម្មណបច្ចយេន បច្ចយោ – បឋមំ ឈានំ បច្ចវេក្ខតិ…បេ.… នេវសញ្ញានាសញ្ញាយតនំ បច្ចវេក្ខតិ, ទិព្ពំ ចក្ខុំ បច្ចវេក្ខតិ, ទិព្ពំ សោតធាតុំ បច្ចវេក្ខតិ, ឥទ្ធិវិធញាណំ បច្ចវេក្ខតិ, ចេតោបរិយញាណំ បច្ចវេក្ខតិ, បុព្ពេនិវាសានុស្សតិញាណំ បច្ចវេក្ខតិ, យថាកម្មូបគញាណំ បច្ចវេក្ខតិ, អនាគតំសញាណំ បច្ចវេក្ខតិ។ មហគ្គតេ ខន្ធេ អនិច្ចតោ…បេ.… វិប្បស្សតិ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ.… ទោមនស្សំ ឧប្បជ្ជតិ។ (២)

    Mahaggato dhammo parittassa dhammassa ārammaṇapaccayena paccayo – paṭhamaṃ jhānaṃ paccavekkhati…pe… nevasaññānāsaññāyatanaṃ paccavekkhati, dibbaṃ cakkhuṃ paccavekkhati, dibbaṃ sotadhātuṃ paccavekkhati, iddhividhañāṇaṃ paccavekkhati, cetopariyañāṇaṃ paccavekkhati, pubbenivāsānussatiñāṇaṃ paccavekkhati, yathākammūpagañāṇaṃ paccavekkhati, anāgataṃsañāṇaṃ paccavekkhati. Mahaggate khandhe aniccato…pe… vippassati assādeti abhinandati, taṃ ārabbha rāgo uppajjati…pe… domanassaṃ uppajjati. (2)

    ៥៨. អប្បមាណោ ធម្មោ អប្បមាណស្ស ធម្មស្ស អារម្មណបច្ចយេន បច្ចយោ – និព្ពានំ មគ្គស្ស, ផលស្ស អារម្មណបច្ចយេន បច្ចយោ។ (១)

    58. Appamāṇo dhammo appamāṇassa dhammassa ārammaṇapaccayena paccayo – nibbānaṃ maggassa, phalassa ārammaṇapaccayena paccayo. (1)

    អប្បមាណោ ធម្មោ បរិត្តស្ស ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ, និព្ពានំ បច្ចវេក្ខន្តិ, និព្ពានំ គោត្រភុស្ស, វោទានស្ស, អាវជ្ជនាយ អារម្មណបច្ចយេន បច្ចយោ។ (២)

    Appamāṇo dhammo parittassa dhammassa ārammaṇapaccayena paccayo – ariyā maggā vuṭṭhahitvā maggaṃ paccavekkhanti, phalaṃ paccavekkhanti, nibbānaṃ paccavekkhanti, nibbānaṃ gotrabhussa, vodānassa, āvajjanāya ārammaṇapaccayena paccayo. (2)

    អប្បមាណោ ធម្មោ មហគ្គតស្ស ធម្មស្ស អារម្មណបច្ចយេន បច្ចយោ – អរិយា ចេតោបរិយញាណេន អប្បមាណចិត្តសមង្គិស្ស ចិត្តំ ជានន្តិ, អប្បមាណា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស អារម្មណបច្ចយេន បច្ចយោ។ (៣)

    Appamāṇo dhammo mahaggatassa dhammassa ārammaṇapaccayena paccayo – ariyā cetopariyañāṇena appamāṇacittasamaṅgissa cittaṃ jānanti, appamāṇā khandhā cetopariyañāṇassa, pubbenivāsānussatiñāṇassa, anāgataṃsañāṇassa ārammaṇapaccayena paccayo. (3)

    អធិបតិបច្ចយោ

    Adhipatipaccayo

    ៥៩. បរិត្តោ ធម្មោ បរិត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ គរុំ កត្វា បច្ចវេក្ខតិ, បុព្ពេ សុចិណ្ណានិ គរុំ កត្វា បច្ចវេក្ខតិ។ សេក្ខា គោត្រភុំ គរុំ កត្វា បច្ចវេក្ខន្តិ, វោទានំ គរុំ កត្វា បច្ចវេក្ខន្តិ។ ចក្ខុំ…បេ.… វត្ថុំ… បរិត្តេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – បរិត្តាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (១)

    59. Paritto dhammo parittassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā sīlaṃ samādiyitvā uposathakammaṃ katvā taṃ garuṃ katvā paccavekkhati, pubbe suciṇṇāni garuṃ katvā paccavekkhati. Sekkhā gotrabhuṃ garuṃ katvā paccavekkhanti, vodānaṃ garuṃ katvā paccavekkhanti. Cakkhuṃ…pe… vatthuṃ… paritte khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – parittādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    មហគ្គតោ ធម្មោ មហគ្គតស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – មហគ្គតាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)

    Mahaggato dhammo mahaggatassa dhammassa adhipatipaccayena paccayo. Sahajātādhipati – mahaggatādhipati sampayuttakānaṃ khandhānaṃ adhipatipaccayena paccayo. (1)

    មហគ្គតោ ធម្មោ បរិត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – បឋមំ ឈានំ គរុំ កត្វា…បេ.… នេវសញ្ញានាសញ្ញាយតនំ…បេ.… ទិព្ពំ ចក្ខុំ…បេ.… អនាគតំសញាណំ គរុំ កត្វា បច្ចវេក្ខតិ។ មហគ្គតេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ… ទិដ្ឋិ ឧប្បជ្ជតិ។ សហជាតាធិបតិ – មហគ្គតាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ។ (២)

    Mahaggato dhammo parittassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – paṭhamaṃ jhānaṃ garuṃ katvā…pe… nevasaññānāsaññāyatanaṃ…pe… dibbaṃ cakkhuṃ…pe… anāgataṃsañāṇaṃ garuṃ katvā paccavekkhati. Mahaggate khandhe garuṃ katvā assādeti abhinandati, taṃ garuṃ katvā rāgo uppajjati… diṭṭhi uppajjati. Sahajātādhipati – mahaggatādhipati cittasamuṭṭhānānaṃ rūpānaṃ adhipatipaccayena paccayo. (2)

    មហគ្គតោ ធម្មោ បរិត្តស្ស ច មហគ្គតស្ស ច ធម្មស្ស អធិបតិបច្ចយេន បច្ចយោ។ សហជាតាធិបតិ – មហគ្គតាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    Mahaggato dhammo parittassa ca mahaggatassa ca dhammassa adhipatipaccayena paccayo. Sahajātādhipati – mahaggatādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ៦០. អប្បមាណោ ធម្មោ អប្បមាណស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – និព្ពានំ មគ្គស្ស… ផលស្ស អធិបតិបច្ចយេន បច្ចយោ។ សហជាតាធិបតិ – អប្បមាណាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)

    60. Appamāṇo dhammo appamāṇassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – nibbānaṃ maggassa… phalassa adhipatipaccayena paccayo. Sahajātādhipati – appamāṇādhipati sampayuttakānaṃ khandhānaṃ adhipatipaccayena paccayo. (1)

    អប្បមាណោ ធម្មោ បរិត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ, ផលំ គរុំ កត្វា បច្ចវេក្ខន្តិ, និព្ពានំ គរុំ កត្វា បច្ចវេក្ខន្តិ, និព្ពានំ គោត្រភុស្ស, វោទានស្ស អធិបតិបច្ចយេន បច្ចយោ ។ សហជាតាធិបតិ – អប្បមាណាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ។ (២)

    Appamāṇo dhammo parittassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti, phalaṃ garuṃ katvā paccavekkhanti, nibbānaṃ garuṃ katvā paccavekkhanti, nibbānaṃ gotrabhussa, vodānassa adhipatipaccayena paccayo . Sahajātādhipati – appamāṇādhipati cittasamuṭṭhānānaṃ rūpānaṃ adhipatipaccayena paccayo. (2)

    អប្បមាណោ ធម្មោ បរិត្តស្ស ច អប្បមាណស្ស ច ធម្មស្ស អធិបតិបច្ចយេន បច្ចយោ។ សហជាតាធិបតិ – អប្បមាណាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    Appamāṇo dhammo parittassa ca appamāṇassa ca dhammassa adhipatipaccayena paccayo. Sahajātādhipati – appamāṇādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    អនន្តរបច្ចយោ

    Anantarapaccayo

    ៦១. បរិត្តោ ធម្មោ បរិត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា បរិត្តា ខន្ធា បច្ឆិមានំ បច្ឆិមានំ បរិត្តានំ ខន្ធានំ អនន្តរបច្ចយេន បច្ចយោ។ អនុលោមំ គោត្រភុស្ស… អនុលោមំ វោទានស្ស… អាវជ្ជនា បរិត្តានំ ខន្ធានំ អនន្តរបច្ចយេន បច្ចយោ។ (១)

    61. Paritto dhammo parittassa dhammassa anantarapaccayena paccayo – purimā purimā parittā khandhā pacchimānaṃ pacchimānaṃ parittānaṃ khandhānaṃ anantarapaccayena paccayo. Anulomaṃ gotrabhussa… anulomaṃ vodānassa… āvajjanā parittānaṃ khandhānaṃ anantarapaccayena paccayo. (1)

    បរិត្តោ ធម្មោ មហគ្គតស្ស ធម្មស្ស អនន្តរបច្ចយេន បច្ចយោ – បរិត្តំ ចុតិចិត្តំ មហគ្គតស្ស ឧបបត្តិចិត្តស្ស អនន្តរបច្ចយេន បច្ចយោ។ បរិត្តា ខន្ធា មហគ្គតស្ស វុដ្ឋានស្ស អនន្តរបច្ចយេន បច្ចយោ។ បឋមស្ស ឈានស្ស បរិកម្មំ…បេ.… នេវសញ្ញានាសញ្ញាយតនស្ស បរិកម្មំ…បេ.… ទិព្ពស្ស ចក្ខុស្ស បរិកម្មំ…បេ.… អនាគតំសញាណស្ស បរិកម្មំ អនាគតំសញាណស្ស អនន្តរបច្ចយេន បច្ចយោ។ (២)

    Paritto dhammo mahaggatassa dhammassa anantarapaccayena paccayo – parittaṃ cuticittaṃ mahaggatassa upapatticittassa anantarapaccayena paccayo. Parittā khandhā mahaggatassa vuṭṭhānassa anantarapaccayena paccayo. Paṭhamassa jhānassa parikammaṃ…pe… nevasaññānāsaññāyatanassa parikammaṃ…pe… dibbassa cakkhussa parikammaṃ…pe… anāgataṃsañāṇassa parikammaṃ anāgataṃsañāṇassa anantarapaccayena paccayo. (2)

    បរិត្តោ ធម្មោ អប្បមាណស្ស ធម្មស្ស អនន្តរបច្ចយេន បច្ចយោ – គោត្រភុ មគ្គស្ស… វោទានំ មគ្គស្ស… អនុលោមំ ផលសមាបត្តិយា អនន្តរបច្ចយេន បច្ចយោ។ (៣)

    Paritto dhammo appamāṇassa dhammassa anantarapaccayena paccayo – gotrabhu maggassa… vodānaṃ maggassa… anulomaṃ phalasamāpattiyā anantarapaccayena paccayo. (3)

    ៦២. មហគ្គតោ ធម្មោ មហគ្គតស្ស ធម្មស្ស អនន្តរបច្ចយេន បច្ចយោ – បុរិមា បុរិមា មហគ្គតា ខន្ធា បច្ឆិមានំ បច្ឆិមានំ មហគ្គតានំ ខន្ធានំ អនន្តរបច្ចយេន បច្ចយោ។ (១)

    62. Mahaggato dhammo mahaggatassa dhammassa anantarapaccayena paccayo – purimā purimā mahaggatā khandhā pacchimānaṃ pacchimānaṃ mahaggatānaṃ khandhānaṃ anantarapaccayena paccayo. (1)

    មហគ្គតោ ធម្មោ បរិត្តស្ស ធម្មស្ស អនន្តរបច្ចយេន បច្ចយោ – មហគ្គតំ ចុតិចិត្តំ បរិត្តស្ស ឧបបត្តិចិត្តស្ស អនន្តរបច្ចយេន បច្ចយោ។ មហគ្គតំ ភវង្គំ អាវជ្ជនាយ អនន្តរបច្ចយេន បច្ចយោ។ មហគ្គតា ខន្ធា បរិត្តស្ស វុដ្ឋានស្ស អនន្តរបច្ចយេន បច្ចយោ។ (២)

    Mahaggato dhammo parittassa dhammassa anantarapaccayena paccayo – mahaggataṃ cuticittaṃ parittassa upapatticittassa anantarapaccayena paccayo. Mahaggataṃ bhavaṅgaṃ āvajjanāya anantarapaccayena paccayo. Mahaggatā khandhā parittassa vuṭṭhānassa anantarapaccayena paccayo. (2)

    មហគ្គតោ ធម្មោ អប្បមាណស្ស ធម្មស្ស អនន្តរបច្ចយេន បច្ចយោ – នេវសញ្ញានាសញ្ញាយតនំ និរោធា វុដ្ឋហន្តស្ស ផលសមាបត្តិយា អនន្តរបច្ចយេន បច្ចយោ។ (៣)

    Mahaggato dhammo appamāṇassa dhammassa anantarapaccayena paccayo – nevasaññānāsaññāyatanaṃ nirodhā vuṭṭhahantassa phalasamāpattiyā anantarapaccayena paccayo. (3)

    ៦៣. អប្បមាណោ ធម្មោ អប្បមាណស្ស ធម្មស្ស អនន្តរបច្ចយេន បច្ចយោ – បុរិមា បុរិមា អប្បមាណា ខន្ធា បច្ឆិមានំ បច្ឆិមានំ អប្បមាណានំ ខន្ធានំ អនន្តរបច្ចយេន បច្ចយោ។ មគ្គោ ផលស្ស… ផលំ ផលស្ស អនន្តរបច្ចយេន បច្ចយោ។ (១)

    63. Appamāṇo dhammo appamāṇassa dhammassa anantarapaccayena paccayo – purimā purimā appamāṇā khandhā pacchimānaṃ pacchimānaṃ appamāṇānaṃ khandhānaṃ anantarapaccayena paccayo. Maggo phalassa… phalaṃ phalassa anantarapaccayena paccayo. (1)

    អប្បមាណោ ធម្មោ បរិត្តស្ស ធម្មស្ស អនន្តរបច្ចយេន បច្ចយោ – ផលំ បរិត្តស្ស វុដ្ឋានស្ស អនន្តរបច្ចយេន បច្ចយោ។ (២)

    Appamāṇo dhammo parittassa dhammassa anantarapaccayena paccayo – phalaṃ parittassa vuṭṭhānassa anantarapaccayena paccayo. (2)

    អប្បមាណោ ធម្មោ មហគ្គតស្ស ធម្មស្ស អនន្តរបច្ចយេន បច្ចយោ – ផលំ មហគ្គតស្ស វុដ្ឋានស្ស អនន្តរបច្ចយេន បច្ចយោ។ (៣)

    Appamāṇo dhammo mahaggatassa dhammassa anantarapaccayena paccayo – phalaṃ mahaggatassa vuṭṭhānassa anantarapaccayena paccayo. (3)

    (សមនន្តរបច្ចយំ អនន្តរបច្ចយសទិសំ។)

    (Samanantarapaccayaṃ anantarapaccayasadisaṃ.)

    សហជាតបច្ចយោ

    Sahajātapaccayo

    ៦៤. បរិត្តោ ធម្មោ បរិត្តស្ស ធម្មស្ស សហជាតបច្ចយេន បច្ចយោ – បរិត្តោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ…បេ.… ទ្វេ ខន្ធា…បេ.… បដិសន្ធិក្ខណេ…បេ.… ខន្ធា វត្ថុស្ស, វត្ថុ ខន្ធានំ សហជាតបច្ចយេន បច្ចយោ; ឯកំ មហាភូតំ…បេ.… អសញ្ញសត្តានំ…បេ.…។ (១)

    64. Paritto dhammo parittassa dhammassa sahajātapaccayena paccayo – paritto eko khandho tiṇṇannaṃ khandhānaṃ cittasamuṭṭhānānañca rūpānaṃ sahajātapaccayena paccayo…pe… dve khandhā…pe… paṭisandhikkhaṇe…pe… khandhā vatthussa, vatthu khandhānaṃ sahajātapaccayena paccayo; ekaṃ mahābhūtaṃ…pe… asaññasattānaṃ…pe…. (1)

    បរិត្តោ ធម្មោ មហគ្គតស្ស ធម្មស្ស សហជាតបច្ចយេន បច្ចយោ – បដិសន្ធិក្ខណេ វត្ថុ មហគ្គតានំ ខន្ធានំ សហជាតបច្ចយេន បច្ចយោ។ (២)

    Paritto dhammo mahaggatassa dhammassa sahajātapaccayena paccayo – paṭisandhikkhaṇe vatthu mahaggatānaṃ khandhānaṃ sahajātapaccayena paccayo. (2)

    ៦៥. មហគ្គតោ ធម្មោ មហគ្គតស្ស ធម្មស្ស សហជាតបច្ចយេន បច្ចយោ – មហគ្គតោ ឯកោ ខន្ធោ តិណ្ណន្នំ ខន្ធានំ…បេ.… ទ្វេ ខន្ធា…បេ.… បដិសន្ធិក្ខណេ…បេ.…។ (១)

    65. Mahaggato dhammo mahaggatassa dhammassa sahajātapaccayena paccayo – mahaggato eko khandho tiṇṇannaṃ khandhānaṃ…pe… dve khandhā…pe… paṭisandhikkhaṇe…pe…. (1)

    មហគ្គតោ ធម្មោ បរិត្តស្ស ធម្មស្ស សហជាតបច្ចយេន បច្ចយោ – មហគ្គតា ខន្ធា ចិត្តសមុដ្ឋានានំ រូបានំ សហជាតបច្ចយេន បច្ចយោ។ បដិសន្ធិក្ខណេ មហគ្គតា ខន្ធា កដត្តារូបានំ សហជាតបច្ចយេន បច្ចយោ។ (២)

    Mahaggato dhammo parittassa dhammassa sahajātapaccayena paccayo – mahaggatā khandhā cittasamuṭṭhānānaṃ rūpānaṃ sahajātapaccayena paccayo. Paṭisandhikkhaṇe mahaggatā khandhā kaṭattārūpānaṃ sahajātapaccayena paccayo. (2)

    មហគ្គតោ ធម្មោ បរិត្តស្ស ច មហគ្គតស្ស ច ធម្មស្ស សហជាតបច្ចយេន បច្ចយោ – មហគ្គតោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ…បេ.… ទ្វេ ខន្ធា…បេ.… បដិសន្ធិក្ខណេ…បេ.…។ (៣)

    Mahaggato dhammo parittassa ca mahaggatassa ca dhammassa sahajātapaccayena paccayo – mahaggato eko khandho tiṇṇannaṃ khandhānaṃ cittasamuṭṭhānānañca rūpānaṃ sahajātapaccayena paccayo…pe… dve khandhā…pe… paṭisandhikkhaṇe…pe…. (3)

    ៦៦. អប្បមាណោ ធម្មោ អប្បមាណស្ស ធម្មស្ស សហជាតបច្ចយេន បច្ចយោ – អប្បមាណោ ឯកោ ខន្ធោ តិណ្ណន្នំ ខន្ធានំ សហជាតបច្ចយេន បច្ចយោ…បេ.…។ (១)

    66. Appamāṇo dhammo appamāṇassa dhammassa sahajātapaccayena paccayo – appamāṇo eko khandho tiṇṇannaṃ khandhānaṃ sahajātapaccayena paccayo…pe…. (1)

    អប្បមាណោ ធម្មោ បរិត្តស្ស ធម្មស្ស សហជាតបច្ចយេន បច្ចយោ – អប្បមាណា ខន្ធា ចិត្តសមុដ្ឋានានំ រូបានំ សហជាតបច្ចយេន បច្ចយោ។ (២)

    Appamāṇo dhammo parittassa dhammassa sahajātapaccayena paccayo – appamāṇā khandhā cittasamuṭṭhānānaṃ rūpānaṃ sahajātapaccayena paccayo. (2)

    អប្បមាណោ ធម្មោ បរិត្តស្ស ច អប្បមាណស្ស ច ធម្មស្ស សហជាតបច្ចយេន បច្ចយោ – អប្បមាណោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ…បេ.…។ (៣)

    Appamāṇo dhammo parittassa ca appamāṇassa ca dhammassa sahajātapaccayena paccayo – appamāṇo eko khandho tiṇṇannaṃ khandhānaṃ cittasamuṭṭhānānañca rūpānaṃ sahajātapaccayena paccayo…pe…. (3)

    ៦៧. បរិត្តោ ច អប្បមាណោ ច ធម្មា បរិត្តស្ស ធម្មស្ស សហជាតបច្ចយេន បច្ចយោ – អប្បមាណា ខន្ធា ច មហាភូតា ច ចិត្តសមុដ្ឋានានំ រូបានំ សហជាតបច្ចយេន បច្ចយោ។ (១)

    67. Paritto ca appamāṇo ca dhammā parittassa dhammassa sahajātapaccayena paccayo – appamāṇā khandhā ca mahābhūtā ca cittasamuṭṭhānānaṃ rūpānaṃ sahajātapaccayena paccayo. (1)

    បរិត្តោ ច មហគ្គតោ ច ធម្មា បរិត្តស្ស ធម្មស្ស សហជាតបច្ចយេន បច្ចយោ – មហគ្គតា ខន្ធា ច មហាភូតា ច ចិត្តសមុដ្ឋានានំ រូបានំ សហជាតបច្ចយេន បច្ចយោ។ បដិសន្ធិក្ខណេ មហគ្គតា ខន្ធា ច មហាភូតា ច កដត្តារូបានំ សហជាតបច្ចយេន បច្ចយោ។ (១)

    Paritto ca mahaggato ca dhammā parittassa dhammassa sahajātapaccayena paccayo – mahaggatā khandhā ca mahābhūtā ca cittasamuṭṭhānānaṃ rūpānaṃ sahajātapaccayena paccayo. Paṭisandhikkhaṇe mahaggatā khandhā ca mahābhūtā ca kaṭattārūpānaṃ sahajātapaccayena paccayo. (1)

    បរិត្តោ ច មហគ្គតោ ច ធម្មា មហគ្គតស្ស ធម្មស្ស សហជាតបច្ចយេន បច្ចយោ – បដិសន្ធិក្ខណេ មហគ្គតោ ឯកោ ខន្ធោ ច វត្ថុ ច តិណ្ណន្នំ ខន្ធានំ សហជាតបច្ចយេន បច្ចយោ…បេ.…។ (២)

    Paritto ca mahaggato ca dhammā mahaggatassa dhammassa sahajātapaccayena paccayo – paṭisandhikkhaṇe mahaggato eko khandho ca vatthu ca tiṇṇannaṃ khandhānaṃ sahajātapaccayena paccayo…pe…. (2)

    អញ្ញមញ្ញបច្ចយោ

    Aññamaññapaccayo

    ៦៨. បរិត្តោ ធម្មោ បរិត្តស្ស ធម្មស្ស អញ្ញមញ្ញបច្ចយេន បច្ចយោ – បរិត្តោ ឯកោ ខន្ធោ តិណ្ណន្នំ ខន្ធានំ អញ្ញមញ្ញបច្ចយេន បច្ចយោ…បេ.… បដិសន្ធិក្ខណេ…បេ.… ខន្ធា វត្ថុស្ស…បេ.… វត្ថុ ខន្ធានំ អញ្ញមញ្ញបច្ចយេន បច្ចយោ; ឯកំ មហាភូតំ…បេ.… អសញ្ញសត្តានំ…បេ.…។ (១)

    68. Paritto dhammo parittassa dhammassa aññamaññapaccayena paccayo – paritto eko khandho tiṇṇannaṃ khandhānaṃ aññamaññapaccayena paccayo…pe… paṭisandhikkhaṇe…pe… khandhā vatthussa…pe… vatthu khandhānaṃ aññamaññapaccayena paccayo; ekaṃ mahābhūtaṃ…pe… asaññasattānaṃ…pe…. (1)

    បរិត្តោ ធម្មោ មហគ្គតស្ស ធម្មស្ស អញ្ញមញ្ញបច្ចយេន បច្ចយោ…បេ.… បដិសន្ធិក្ខណេ វត្ថុ មហគ្គតានំ ខន្ធានំ អញ្ញមញ្ញបច្ចយេន បច្ចយោ…បេ.…។ (២)

    Paritto dhammo mahaggatassa dhammassa aññamaññapaccayena paccayo…pe… paṭisandhikkhaṇe vatthu mahaggatānaṃ khandhānaṃ aññamaññapaccayena paccayo…pe…. (2)

    មហគ្គតោ ធម្មោ មហគ្គតស្ស ធម្មស្ស អញ្ញមញ្ញបច្ចយេន បច្ចយោ – មហគ្គតោ ឯកោ ខន្ធោ តិណ្ណន្នំ ខន្ធានំ អញ្ញមញ្ញបច្ចយេន បច្ចយោ…បេ.… បដិសន្ធិក្ខណេ…បេ.…។ (១)

    Mahaggato dhammo mahaggatassa dhammassa aññamaññapaccayena paccayo – mahaggato eko khandho tiṇṇannaṃ khandhānaṃ aññamaññapaccayena paccayo…pe… paṭisandhikkhaṇe…pe…. (1)

    មហគ្គតោ ធម្មោ បរិត្តស្ស ធម្មស្ស អញ្ញមញ្ញបច្ចយេន បច្ចយោ – បដិសន្ធិក្ខណេ មហគ្គតា ខន្ធា វត្ថុស្ស អញ្ញមញ្ញបច្ចយេន បច្ចយោ។ (២)

    Mahaggato dhammo parittassa dhammassa aññamaññapaccayena paccayo – paṭisandhikkhaṇe mahaggatā khandhā vatthussa aññamaññapaccayena paccayo. (2)

    មហគ្គតោ ធម្មោ បរិត្តស្ស ច មហគ្គតស្ស ច ធម្មស្ស អញ្ញមញ្ញបច្ចយេន បច្ចយោ – បដិសន្ធិក្ខណេ មហគ្គតោ ឯកោ ខន្ធោ តិណ្ណន្នំ ខន្ធានំ វត្ថុស្ស ច អញ្ញមញ្ញបច្ចយេន បច្ចយោ…បេ.…។ (៣)

    Mahaggato dhammo parittassa ca mahaggatassa ca dhammassa aññamaññapaccayena paccayo – paṭisandhikkhaṇe mahaggato eko khandho tiṇṇannaṃ khandhānaṃ vatthussa ca aññamaññapaccayena paccayo…pe…. (3)

    អប្បមាណោ ធម្មោ អប្បមាណស្ស ធម្មស្ស អញ្ញមញ្ញបច្ចយេន បច្ចយោ – អប្បមាណោ ឯកោ ខន្ធោ តិណ្ណន្នំ ខន្ធានំ អញ្ញមញ្ញបច្ចយេន បច្ចយោ…បេ.… ទ្វេ ខន្ធា…បេ.…។ (១)

    Appamāṇo dhammo appamāṇassa dhammassa aññamaññapaccayena paccayo – appamāṇo eko khandho tiṇṇannaṃ khandhānaṃ aññamaññapaccayena paccayo…pe… dve khandhā…pe…. (1)

    បរិត្តោ ច មហគ្គតោ ច ធម្មា មហគ្គតស្ស ធម្មស្ស អញ្ញមញ្ញបច្ចយេន បច្ចយោ – បដិសន្ធិក្ខណេ មហគ្គតោ ឯកោ ខន្ធោ ច វត្ថុ ច តិណ្ណន្នំ ខន្ធានំ អញ្ញមញ្ញបច្ចយេន បច្ចយោ…បេ.…។ (១)

    Paritto ca mahaggato ca dhammā mahaggatassa dhammassa aññamaññapaccayena paccayo – paṭisandhikkhaṇe mahaggato eko khandho ca vatthu ca tiṇṇannaṃ khandhānaṃ aññamaññapaccayena paccayo…pe…. (1)

    និស្សយបច្ចយោ

    Nissayapaccayo

    ៦៩. បរិត្តោ ធម្មោ បរិត្តស្ស ធម្មស្ស និស្សយបច្ចយេន បច្ចយោ – បរិត្តោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ និស្សយបច្ចយេន បច្ចយោ…បេ.… ទ្វេ ខន្ធា…បេ.… បដិសន្ធិក្ខណេ…បេ.… ខន្ធា វត្ថុស្ស…បេ.… វត្ថុ ខន្ធានំ និស្សយបច្ចយេន បច្ចយោ…បេ.… ឯកំ មហាភូតំ…បេ.… អសញ្ញសត្តានំ ឯកំ មហាភូតំ…បេ.… ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស… វត្ថុ បរិត្តានំ ខន្ធានំ និស្សយបច្ចយេន បច្ចយោ។ (១)

    69. Paritto dhammo parittassa dhammassa nissayapaccayena paccayo – paritto eko khandho tiṇṇannaṃ khandhānaṃ cittasamuṭṭhānānañca rūpānaṃ nissayapaccayena paccayo…pe… dve khandhā…pe… paṭisandhikkhaṇe…pe… khandhā vatthussa…pe… vatthu khandhānaṃ nissayapaccayena paccayo…pe… ekaṃ mahābhūtaṃ…pe… asaññasattānaṃ ekaṃ mahābhūtaṃ…pe… cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa… vatthu parittānaṃ khandhānaṃ nissayapaccayena paccayo. (1)

    បរិត្តោ ធម្មោ មហគ្គតស្ស ធម្មស្ស និស្សយបច្ចយេន បច្ចយោ – វត្ថុ មហគ្គតានំ ខន្ធានំ និស្សយបច្ចយេន បច្ចយោ។ បដិសន្ធិក្ខណេ វត្ថុ មហគ្គតានំ ខន្ធានំ និស្សយបច្ចយេន បច្ចយោ។ (២)

    Paritto dhammo mahaggatassa dhammassa nissayapaccayena paccayo – vatthu mahaggatānaṃ khandhānaṃ nissayapaccayena paccayo. Paṭisandhikkhaṇe vatthu mahaggatānaṃ khandhānaṃ nissayapaccayena paccayo. (2)

    បរិត្តោ ធម្មោ អប្បមាណស្ស ធម្មស្ស និស្សយបច្ចយេន បច្ចយោ – វត្ថុ អប្បមាណានំ ខន្ធានំ និស្សយបច្ចយេន បច្ចយោ។ (៣)

    Paritto dhammo appamāṇassa dhammassa nissayapaccayena paccayo – vatthu appamāṇānaṃ khandhānaṃ nissayapaccayena paccayo. (3)

    ៧០. មហគ្គតោ ធម្មោ មហគ្គតស្ស ធម្មស្ស និស្សយបច្ចយេន បច្ចយោ – មហគ្គតោ ឯកោ ខន្ធោ តិណ្ណន្នំ ខន្ធានំ…បេ.… ទ្វេ ខន្ធា…បេ.… បដិសន្ធិក្ខណេ…បេ.…។ (១)

    70. Mahaggato dhammo mahaggatassa dhammassa nissayapaccayena paccayo – mahaggato eko khandho tiṇṇannaṃ khandhānaṃ…pe… dve khandhā…pe… paṭisandhikkhaṇe…pe…. (1)

    មហគ្គតោ ធម្មោ បរិត្តស្ស ធម្មស្ស និស្សយបច្ចយេន បច្ចយោ – មហគ្គតា ខន្ធា ចិត្តសមុដ្ឋានានំ រូបានំ និស្សយបច្ចយេន បច្ចយោ។ បដិសន្ធិក្ខណេ មហគ្គតា ខន្ធា កដត្តារូបានំ និស្សយបច្ចយេន បច្ចយោ។ (២)

    Mahaggato dhammo parittassa dhammassa nissayapaccayena paccayo – mahaggatā khandhā cittasamuṭṭhānānaṃ rūpānaṃ nissayapaccayena paccayo. Paṭisandhikkhaṇe mahaggatā khandhā kaṭattārūpānaṃ nissayapaccayena paccayo. (2)

    មហគ្គតោ ធម្មោ បរិត្តស្ស ច មហគ្គតស្ស ច ធម្មស្ស និស្សយបច្ចយេន បច្ចយោ – មហគ្គតោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ និស្សយបច្ចយេន បច្ចយោ…បេ.… ទ្វេ ខន្ធា…បេ.… បដិសន្ធិក្ខណេ…បេ.…។ (៣)

    Mahaggato dhammo parittassa ca mahaggatassa ca dhammassa nissayapaccayena paccayo – mahaggato eko khandho tiṇṇannaṃ khandhānaṃ cittasamuṭṭhānānañca rūpānaṃ nissayapaccayena paccayo…pe… dve khandhā…pe… paṭisandhikkhaṇe…pe…. (3)

    ៧១. អប្បមាណោ ធម្មោ អប្បមាណស្ស ធម្មស្ស និស្សយបច្ចយេន បច្ចយោ – អប្បមាណោ ឯកោ ខន្ធោ តិណ្ណន្នំ ខន្ធានំ និស្សយបច្ចយេន បច្ចយោ…បេ.…។ (១)

    71. Appamāṇo dhammo appamāṇassa dhammassa nissayapaccayena paccayo – appamāṇo eko khandho tiṇṇannaṃ khandhānaṃ nissayapaccayena paccayo…pe…. (1)

    អប្បមាណោ ធម្មោ បរិត្តស្ស ធម្មស្ស និស្សយបច្ចយេន បច្ចយោ – អប្បមាណា ខន្ធា ចិត្តសមុដ្ឋានានំ រូបានំ និស្សយបច្ចយេន បច្ចយោ។ (២)

    Appamāṇo dhammo parittassa dhammassa nissayapaccayena paccayo – appamāṇā khandhā cittasamuṭṭhānānaṃ rūpānaṃ nissayapaccayena paccayo. (2)

    អប្បមាណោ ធម្មោ បរិត្តស្ស ច អប្បមាណស្ស ច ធម្មស្ស និស្សយបច្ចយេន បច្ចយោ – អប្បមាណោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ និស្សយបច្ចយេន បច្ចយោ…បេ.…។ (៣)

    Appamāṇo dhammo parittassa ca appamāṇassa ca dhammassa nissayapaccayena paccayo – appamāṇo eko khandho tiṇṇannaṃ khandhānaṃ cittasamuṭṭhānānañca rūpānaṃ nissayapaccayena paccayo…pe…. (3)

    បរិត្តោ ច អប្បមាណោ ច ធម្មា បរិត្តស្ស ធម្មស្ស និស្សយបច្ចយេន បច្ចយោ – អប្បមាណា ខន្ធា ច មហាភូតា ច ចិត្តសមុដ្ឋានានំ រូបានំ និស្សយបច្ចយេន បច្ចយោ។ (១)

    Paritto ca appamāṇo ca dhammā parittassa dhammassa nissayapaccayena paccayo – appamāṇā khandhā ca mahābhūtā ca cittasamuṭṭhānānaṃ rūpānaṃ nissayapaccayena paccayo. (1)

    បរិត្តោ ច អប្បមាណោ ច ធម្មា អប្បមាណស្ស ធម្មស្ស និស្សយបច្ចយេន បច្ចយោ – អប្បមាណោ ឯកោ ខន្ធោ ច វត្ថុ ច តិណ្ណន្នំ ខន្ធានំ និស្សយបច្ចយេន បច្ចយោ…បេ.… ទ្វេ ខន្ធា…បេ.…។ (២)

    Paritto ca appamāṇo ca dhammā appamāṇassa dhammassa nissayapaccayena paccayo – appamāṇo eko khandho ca vatthu ca tiṇṇannaṃ khandhānaṃ nissayapaccayena paccayo…pe… dve khandhā…pe…. (2)

    បរិត្តោ ច មហគ្គតោ ច ធម្មា បរិត្តស្ស ធម្មស្ស និស្សយបច្ចយេន បច្ចយោ – មហគ្គតា ខន្ធា ច មហាភូតា ច ចិត្តសមុដ្ឋានានំ រូបានំ និស្សយបច្ចយេន បច្ចយោ។ បដិសន្ធិក្ខណេ មហគ្គតា ខន្ធា ច មហាភូតា ច កដត្តារូបានំ និស្សយបច្ចយេន បច្ចយោ។ (១)

    Paritto ca mahaggato ca dhammā parittassa dhammassa nissayapaccayena paccayo – mahaggatā khandhā ca mahābhūtā ca cittasamuṭṭhānānaṃ rūpānaṃ nissayapaccayena paccayo. Paṭisandhikkhaṇe mahaggatā khandhā ca mahābhūtā ca kaṭattārūpānaṃ nissayapaccayena paccayo. (1)

    បរិត្តោ ច មហគ្គតោ ច ធម្មា មហគ្គតស្ស ធម្មស្ស និស្សយបច្ចយេន បច្ចយោ – មហគ្គតោ ឯកោ ខន្ធោ ច វត្ថុ ច តិណ្ណន្នំ ខន្ធានំ និស្សយបច្ចយេន បច្ចយោ…បេ.… បដិសន្ធិក្ខណេ មហគ្គតោ ឯកោ ខន្ធោ ច វត្ថុ ច តិណ្ណន្នំ ខន្ធានំ និស្សយបច្ចយេន បច្ចយោ…បេ.… ទ្វេ ខន្ធា…បេ.…។ (២)

    Paritto ca mahaggato ca dhammā mahaggatassa dhammassa nissayapaccayena paccayo – mahaggato eko khandho ca vatthu ca tiṇṇannaṃ khandhānaṃ nissayapaccayena paccayo…pe… paṭisandhikkhaṇe mahaggato eko khandho ca vatthu ca tiṇṇannaṃ khandhānaṃ nissayapaccayena paccayo…pe… dve khandhā…pe…. (2)

    ឧបនិស្សយបច្ចយោ

    Upanissayapaccayo

    ៧២. បរិត្តោ ធម្មោ បរិត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បរិត្តំ សទ្ធំ ឧបនិស្សាយ ទានំ ទេតិ, សីលំ សមាទិយតិ, ឧបោសថកម្មំ ករោតិ, វិបស្សនំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ, បរិត្តំ សីលំ…បេ.… បញ្ញំ… រាគំ…បេ.… បត្ថនំ… កាយិកំ សុខំ…បេ.… សេនាសនំ ឧបនិស្សាយ ទានំ ទេតិ, សីលំ…បេ.… ឧបោសថំ…បេ.… វិបស្សនំ ឧប្បាទេតិ, បាណំ ហនតិ…បេ.… សង្ឃំ ភិន្ទតិ។ បរិត្តា សទ្ធា…បេ.… បញ្ញា, រាគោ…បេ.… បត្ថនា, កាយិកំ សុខំ…បេ.… សេនាសនំ បរិត្តាយ សទ្ធាយ…បេ.… បញ្ញាយ , រាគស្ស…បេ.… បត្ថនាយ, កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ។ កុសលាកុសលំ កម្មំ វិបាកស្ស ឧបនិស្សយបច្ចយេន បច្ចយោ។ បាណាតិបាតោ បាណាតិបាតស្ស ឧបនិស្សយបច្ចយេន បច្ចយោ (ចក្កំ កាតព្ពំ)។ មាតុឃាតិកម្មំ មាតុឃាតិកម្មស្ស ឧបនិស្សយបច្ចយេន បច្ចយោ (ចក្កំ កាតព្ពំ កុសលត្តិកសទិសំ)។ (១)

    72. Paritto dhammo parittassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – parittaṃ saddhaṃ upanissāya dānaṃ deti, sīlaṃ samādiyati, uposathakammaṃ karoti, vipassanaṃ uppādeti, mānaṃ jappeti, diṭṭhiṃ gaṇhāti, parittaṃ sīlaṃ…pe… paññaṃ… rāgaṃ…pe… patthanaṃ… kāyikaṃ sukhaṃ…pe… senāsanaṃ upanissāya dānaṃ deti, sīlaṃ…pe… uposathaṃ…pe… vipassanaṃ uppādeti, pāṇaṃ hanati…pe… saṅghaṃ bhindati. Parittā saddhā…pe… paññā, rāgo…pe… patthanā, kāyikaṃ sukhaṃ…pe… senāsanaṃ parittāya saddhāya…pe… paññāya , rāgassa…pe… patthanāya, kāyikassa sukhassa, kāyikassa dukkhassa upanissayapaccayena paccayo. Kusalākusalaṃ kammaṃ vipākassa upanissayapaccayena paccayo. Pāṇātipāto pāṇātipātassa upanissayapaccayena paccayo (cakkaṃ kātabbaṃ). Mātughātikammaṃ mātughātikammassa upanissayapaccayena paccayo (cakkaṃ kātabbaṃ kusalattikasadisaṃ). (1)

    បរិត្តោ ធម្មោ មហគ្គតស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បរិត្តំ សទ្ធំ ឧបនិស្សាយ មហគ្គតំ ឈានំ ឧប្បាទេតិ, អភិញ្ញំ ឧប្បាទេតិ, សមាបត្តិំ ឧប្បាទេតិ។ បរិត្តំ សីលំ…បេ.… បញ្ញំ… រាគំ…បេ.… សេនាសនំ ឧបនិស្សាយ មហគ្គតំ ឈានំ ឧប្បាទេតិ, អភិញ្ញំ ឧប្បាទេតិ, សមាបត្តិំ ឧប្បាទេតិ។ បរិត្តា សទ្ធា…បេ.… សេនាសនំ មហគ្គតាយ សទ្ធាយ…បេ.… បញ្ញាយ ឧបនិស្សយបច្ចយេន បច្ចយោ។ បឋមស្ស ឈានស្ស បរិកម្មំ…បេ.… នេវសញ្ញានាសញ្ញាយតនស្ស បរិកម្មំ នេវសញ្ញានាសញ្ញាយតនស្ស ឧបនិស្សយបច្ចយេន បច្ចយោ។ ទិព្ពស្ស ចក្ខុស្ស បរិកម្មំ…បេ.… អនាគតំសញាណស្ស បរិកម្មំ…បេ.…។ (២)

    Paritto dhammo mahaggatassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – parittaṃ saddhaṃ upanissāya mahaggataṃ jhānaṃ uppādeti, abhiññaṃ uppādeti, samāpattiṃ uppādeti. Parittaṃ sīlaṃ…pe… paññaṃ… rāgaṃ…pe… senāsanaṃ upanissāya mahaggataṃ jhānaṃ uppādeti, abhiññaṃ uppādeti, samāpattiṃ uppādeti. Parittā saddhā…pe… senāsanaṃ mahaggatāya saddhāya…pe… paññāya upanissayapaccayena paccayo. Paṭhamassa jhānassa parikammaṃ…pe… nevasaññānāsaññāyatanassa parikammaṃ nevasaññānāsaññāyatanassa upanissayapaccayena paccayo. Dibbassa cakkhussa parikammaṃ…pe… anāgataṃsañāṇassa parikammaṃ…pe…. (2)

    បរិត្តោ ធម្មោ អប្បមាណស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ បរិត្តំ សទ្ធំ ឧបនិស្សាយ អប្បមាណំ ឈានំ ឧប្បាទេតិ, មគ្គំ ឧប្បាទេតិ, ផលសមាបត្តិំ ឧប្បាទេតិ។ បរិត្តំ សីលំ…បេ.… បញ្ញំ… រាគំ…បេ.… បត្ថនំ… កាយិកំ សុខំ…បេ.… សេនាសនំ ឧបនិស្សាយ អប្បមាណំ ឈានំ ឧប្បាទេតិ, មគ្គំ ឧប្បាទេតិ, ផលសមាបត្តិំ ឧប្បាទេតិ។ បរិត្តា សទ្ធា…បេ.… សេនាសនំ អប្បមាណាយ សទ្ធាយ…បេ.… បញ្ញាយ, មគ្គស្ស ផលសមាបត្តិយា ឧបនិស្សយបច្ចយេន បច្ចយោ។ បឋមស្ស មគ្គស្ស បរិកម្មំ បឋមស្ស មគ្គស្ស…បេ.… ចតុត្ថស្ស មគ្គស្ស បរិកម្មំ ចតុត្ថស្ស មគ្គស្ស ឧបនិស្សយបច្ចយេន បច្ចយោ។ (៣)

    Paritto dhammo appamāṇassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo parittaṃ saddhaṃ upanissāya appamāṇaṃ jhānaṃ uppādeti, maggaṃ uppādeti, phalasamāpattiṃ uppādeti. Parittaṃ sīlaṃ…pe… paññaṃ… rāgaṃ…pe… patthanaṃ… kāyikaṃ sukhaṃ…pe… senāsanaṃ upanissāya appamāṇaṃ jhānaṃ uppādeti, maggaṃ uppādeti, phalasamāpattiṃ uppādeti. Parittā saddhā…pe… senāsanaṃ appamāṇāya saddhāya…pe… paññāya, maggassa phalasamāpattiyā upanissayapaccayena paccayo. Paṭhamassa maggassa parikammaṃ paṭhamassa maggassa…pe… catutthassa maggassa parikammaṃ catutthassa maggassa upanissayapaccayena paccayo. (3)

    ៧៣. មហគ្គតោ ធម្មោ មហគ្គតស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – មហគ្គតំ សទ្ធំ ឧបនិស្សាយ មហគ្គតំ ឈានំ ឧប្បាទេតិ, អភិញ្ញំ ឧប្បាទេតិ, សមាបត្តិំ ឧប្បាទេតិ។ មហគ្គតំ សីលំ…បេ.… បញ្ញំ ឧបនិស្សាយ មហគ្គតំ ឈានំ ឧប្បាទេតិ, អភិញ្ញំ ឧប្បាទេតិ, សមាបត្តិំ ឧប្បាទេតិ។ មហគ្គតា សទ្ធា…បេ.… បញ្ញា មហគ្គតាយ សទ្ធាយ…បេ.… បញ្ញាយ ឧបនិស្សយបច្ចយេន បច្ចយោ។ បឋមំ ឈានំ ទុតិយស្ស ឈានស្ស…បេ.… អាកិញ្ចញ្ញាយតនំ នេវសញ្ញានាសញ្ញាយតនស្ស ឧបនិស្សយបច្ចយេន បច្ចយោ។ (១)

    73. Mahaggato dhammo mahaggatassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – mahaggataṃ saddhaṃ upanissāya mahaggataṃ jhānaṃ uppādeti, abhiññaṃ uppādeti, samāpattiṃ uppādeti. Mahaggataṃ sīlaṃ…pe… paññaṃ upanissāya mahaggataṃ jhānaṃ uppādeti, abhiññaṃ uppādeti, samāpattiṃ uppādeti. Mahaggatā saddhā…pe… paññā mahaggatāya saddhāya…pe… paññāya upanissayapaccayena paccayo. Paṭhamaṃ jhānaṃ dutiyassa jhānassa…pe… ākiñcaññāyatanaṃ nevasaññānāsaññāyatanassa upanissayapaccayena paccayo. (1)

    មហគ្គតោ ធម្មោ បរិត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – មហគ្គតំ សទ្ធំ ឧបនិស្សាយ ទានំ ទេតិ, សីលំ សមាទិយតិ, ឧបោសថកម្មំ ករោតិ, វិបស្សនំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ, មហគ្គតំ សីលំ…បេ.… បញ្ញំ ឧបនិស្សាយ ទានំ ទេតិ…បេ.… វិបស្សនំ ឧប្បាទេតិ…បេ.… មហគ្គតា សទ្ធា…បេ.… បញ្ញា បរិត្តាយ សទ្ធាយ…បេ.… បញ្ញាយ…បេ.… កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ។ (២)

    Mahaggato dhammo parittassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – mahaggataṃ saddhaṃ upanissāya dānaṃ deti, sīlaṃ samādiyati, uposathakammaṃ karoti, vipassanaṃ uppādeti, mānaṃ jappeti, diṭṭhiṃ gaṇhāti, mahaggataṃ sīlaṃ…pe… paññaṃ upanissāya dānaṃ deti…pe… vipassanaṃ uppādeti…pe… mahaggatā saddhā…pe… paññā parittāya saddhāya…pe… paññāya…pe… kāyikassa sukhassa, kāyikassa dukkhassa upanissayapaccayena paccayo. (2)

    មហគ្គតោ ធម្មោ អប្បមាណស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – មហគ្គតំ សទ្ធំ ឧបនិស្សាយ អប្បមាណំ ឈានំ ឧប្បាទេតិ, មគ្គំ ឧប្បាទេតិ, ផលសមាបត្តិំ ឧប្បាទេតិ ។ មហគ្គតំ សីលំ…បេ.… បញ្ញំ ឧបនិស្សាយ អប្បមាណំ ឈានំ ឧប្បាទេតិ, មគ្គំ ឧប្បាទេតិ, ផលសមាបត្តិំ ឧប្បាទេតិ។ មហគ្គតា សទ្ធា…បេ.… បញ្ញា អប្បមាណាយ សទ្ធាយ…បេ.… បញ្ញាយ មគ្គស្ស ផលសមាបត្តិយា ឧបនិស្សយបច្ចយេន បច្ចយោ។ (៣)

    Mahaggato dhammo appamāṇassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – mahaggataṃ saddhaṃ upanissāya appamāṇaṃ jhānaṃ uppādeti, maggaṃ uppādeti, phalasamāpattiṃ uppādeti . Mahaggataṃ sīlaṃ…pe… paññaṃ upanissāya appamāṇaṃ jhānaṃ uppādeti, maggaṃ uppādeti, phalasamāpattiṃ uppādeti. Mahaggatā saddhā…pe… paññā appamāṇāya saddhāya…pe… paññāya maggassa phalasamāpattiyā upanissayapaccayena paccayo. (3)

    ៧៤. អប្បមាណោ ធម្មោ អប្បមាណស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – អប្បមាណំ សទ្ធំ ឧបនិស្សាយ អប្បមាណំ ឈានំ ឧប្បាទេតិ, មគ្គំ ឧប្បាទេតិ, ផលសមាបត្តិំ ឧប្បាទេតិ។ អប្បមាណំ សីលំ…បេ.… បញ្ញំ ឧបនិស្សាយ អប្បមាណំ ឈានំ ឧប្បាទេតិ, មគ្គំ ឧប្បាទេតិ, ផលសមាបត្តិំ ឧប្បាទេតិ។ អប្បមាណា សទ្ធា…បេ.… បញ្ញា អប្បមាណាយ សទ្ធាយ…បេ.… បញ្ញាយ ឧបនិស្សយបច្ចយេន បច្ចយោ។ បឋមោ មគ្គោ ទុតិយស្ស មគ្គស្ស…បេ.… តតិយោ មគ្គោ ចតុត្ថស្ស មគ្គស្ស… មគ្គោ ផលសមាបត្តិយា ឧបនិស្សយបច្ចយេន បច្ចយោ។ (១)

    74. Appamāṇo dhammo appamāṇassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – appamāṇaṃ saddhaṃ upanissāya appamāṇaṃ jhānaṃ uppādeti, maggaṃ uppādeti, phalasamāpattiṃ uppādeti. Appamāṇaṃ sīlaṃ…pe… paññaṃ upanissāya appamāṇaṃ jhānaṃ uppādeti, maggaṃ uppādeti, phalasamāpattiṃ uppādeti. Appamāṇā saddhā…pe… paññā appamāṇāya saddhāya…pe… paññāya upanissayapaccayena paccayo. Paṭhamo maggo dutiyassa maggassa…pe… tatiyo maggo catutthassa maggassa… maggo phalasamāpattiyā upanissayapaccayena paccayo. (1)

    អប្បមាណោ ធម្មោ បរិត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – អប្បមាណំ សទ្ធំ ឧបនិស្សាយ ទានំ ទេតិ, សីលំ…បេ.… ឧបោសថកម្មំ… វិបស្សនំ ឧប្បាទេតិ។ អប្បមាណំ សីលំ…បេ.… បញ្ញំ ឧបនិស្សាយ ទានំ ទេតិ, សីលំ…បេ.… ឧបោសថកម្មំ… វិបស្សនំ… អប្បមាណា សទ្ធា…បេ.… បញ្ញា បរិត្តាយ សទ្ធាយ…បេ.… បញ្ញាយ…បេ.… កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ។ ផលសមាបត្តិ កាយិកស្ស សុខស្ស ឧបនិស្សយបច្ចយេន បច្ចយោ។ អរិយា មគ្គំ ឧបនិស្សាយ សង្ខារេ អនិច្ចតោ…បេ.… វិបស្សន្តិ, មគ្គោ អរិយានំ អត្ថប្បដិសម្ភិទាយ…បេ.… បដិភានប្បដិសម្ភិទាយ… ឋានាឋានកោសល្លស្ស ឧបនិស្សយបច្ចយេន បច្ចយោ។ (២)

    Appamāṇo dhammo parittassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – appamāṇaṃ saddhaṃ upanissāya dānaṃ deti, sīlaṃ…pe… uposathakammaṃ… vipassanaṃ uppādeti. Appamāṇaṃ sīlaṃ…pe… paññaṃ upanissāya dānaṃ deti, sīlaṃ…pe… uposathakammaṃ… vipassanaṃ… appamāṇā saddhā…pe… paññā parittāya saddhāya…pe… paññāya…pe… kāyikassa sukhassa, kāyikassa dukkhassa upanissayapaccayena paccayo. Phalasamāpatti kāyikassa sukhassa upanissayapaccayena paccayo. Ariyā maggaṃ upanissāya saṅkhāre aniccato…pe… vipassanti, maggo ariyānaṃ atthappaṭisambhidāya…pe… paṭibhānappaṭisambhidāya… ṭhānāṭhānakosallassa upanissayapaccayena paccayo. (2)

    អប្បមាណោ ធម្មោ មហគ្គតស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – អប្បមាណំ សទ្ធំ ឧបនិស្សាយ មហគ្គតំ ឈានំ ឧប្បាទេតិ, អភិញ្ញំ ឧប្បាទេតិ, សមាបត្តិំ ឧប្បាទេតិ, អប្បមាណំ សីលំ…បេ.… បញ្ញំ ឧបនិស្សាយ មហគ្គតំ ឈានំ ឧប្បាទេតិ, អភិញ្ញំ ឧប្បាទេតិ, សមាបត្តិំ ឧប្បាទេតិ។ អប្បមាណា សទ្ធា…បេ.… បញ្ញា មហគ្គតាយ សទ្ធាយ…បេ.… បញ្ញាយ ឧបនិស្សយបច្ចយេន បច្ចយោ, អរិយា មគ្គំ ឧបនិស្សាយ អនុប្បន្នំ សមាបត្តិំ ឧប្បាទេន្តិ, ឧប្បន្នំ សមាបជ្ជន្តិ។ (៣)

    Appamāṇo dhammo mahaggatassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – appamāṇaṃ saddhaṃ upanissāya mahaggataṃ jhānaṃ uppādeti, abhiññaṃ uppādeti, samāpattiṃ uppādeti, appamāṇaṃ sīlaṃ…pe… paññaṃ upanissāya mahaggataṃ jhānaṃ uppādeti, abhiññaṃ uppādeti, samāpattiṃ uppādeti. Appamāṇā saddhā…pe… paññā mahaggatāya saddhāya…pe… paññāya upanissayapaccayena paccayo, ariyā maggaṃ upanissāya anuppannaṃ samāpattiṃ uppādenti, uppannaṃ samāpajjanti. (3)

    បុរេជាតបច្ចយោ

    Purejātapaccayo

    ៧៥. បរិត្តោ ធម្មោ បរិត្តស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ អនិច្ចតោ…បេ.… វិបស្សតិ អស្សាទេតិ អភិនន្ទតិ; តំ អារព្ភ រាគោ ឧប្បជ្ជតិ…បេ.… ទោមនស្សំ ឧប្បជ្ជតិ។ សោតំ…បេ.… វត្ថុំ អនិច្ចតោ…បេ.… ទោមនស្សំ ឧប្បជ្ជតិ។ រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស… វត្ថុ បរិត្តានំ ខន្ធានំ បុរេជាតបច្ចយេន បច្ចយោ។ (១)

    75. Paritto dhammo parittassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ aniccato…pe… vipassati assādeti abhinandati; taṃ ārabbha rāgo uppajjati…pe… domanassaṃ uppajjati. Sotaṃ…pe… vatthuṃ aniccato…pe… domanassaṃ uppajjati. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa… vatthu parittānaṃ khandhānaṃ purejātapaccayena paccayo. (1)

    បរិត្តោ ធម្មោ មហគ្គតស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ។ វត្ថុបុរេជាតំ – វត្ថុ មហគ្គតានំ ខន្ធានំ បុរេជាតបច្ចយេន បច្ចយោ។ (២)

    Paritto dhammo mahaggatassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – dibbena cakkhunā rūpaṃ passati, dibbāya sotadhātuyā saddaṃ suṇāti. Vatthupurejātaṃ – vatthu mahaggatānaṃ khandhānaṃ purejātapaccayena paccayo. (2)

    បរិត្តោ ធម្មោ អប្បមាណស្ស ធម្មស្ស បុរេជាតបច្ចយេន បច្ចយោ។ វត្ថុបុរេជាតំ – វត្ថុ អប្បមាណានំ ខន្ធានំ បុរេជាតបច្ចយេន បច្ចយោ។ (៣)

    Paritto dhammo appamāṇassa dhammassa purejātapaccayena paccayo. Vatthupurejātaṃ – vatthu appamāṇānaṃ khandhānaṃ purejātapaccayena paccayo. (3)

    បច្ឆាជាតបច្ចយោ

    Pacchājātapaccayo

    ៧៦. បរិត្តោ ធម្មោ បរិត្តស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា បរិត្តា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)

    76. Paritto dhammo parittassa dhammassa pacchājātapaccayena paccayo – pacchājātā parittā khandhā purejātassa imassa kāyassa pacchājātapaccayena paccayo. (1)

    មហគ្គតោ ធម្មោ បរិត្តស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា មហគ្គតា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)

    Mahaggato dhammo parittassa dhammassa pacchājātapaccayena paccayo – pacchājātā mahaggatā khandhā purejātassa imassa kāyassa pacchājātapaccayena paccayo. (1)

    អប្បមាណោ ធម្មោ បរិត្តស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អប្បមាណា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)

    Appamāṇo dhammo parittassa dhammassa pacchājātapaccayena paccayo – pacchājātā appamāṇā khandhā purejātassa imassa kāyassa pacchājātapaccayena paccayo. (1)

    អាសេវនបច្ចយោ

    Āsevanapaccayo

    ៧៧. បរិត្តោ ធម្មោ បរិត្តស្ស ធម្មស្ស អាសេវនបច្ចយេន បច្ចយោ – បុរិមា បុរិមា បរិត្តា ខន្ធា បច្ឆិមានំ បច្ឆិមានំ បរិត្តានំ ខន្ធានំ…បេ.… អនុលោមំ គោត្រភុស្ស, អនុលោមំ វោទានស្ស អាសេវនបច្ចយេន បច្ចយោ។ (១)

    77. Paritto dhammo parittassa dhammassa āsevanapaccayena paccayo – purimā purimā parittā khandhā pacchimānaṃ pacchimānaṃ parittānaṃ khandhānaṃ…pe… anulomaṃ gotrabhussa, anulomaṃ vodānassa āsevanapaccayena paccayo. (1)

    បរិត្តោ ធម្មោ មហគ្គតស្ស ធម្មស្ស អាសេវនបច្ចយេន បច្ចយោ – បឋមស្ស ឈានស្ស បរិកម្មំ តស្សេវ 1 អាសេវនបច្ចយេន បច្ចយោ…បេ.… នេវសញ្ញានាសញ្ញាយតនស្ស បរិកម្មំ តស្សេវ 2 អាសេវនបច្ចយេន បច្ចយោ។ ទិព្ពស្ស ចក្ខុស្ស បរិកម្មំ…បេ.… អនាគតំសញាណស្ស បរិកម្មំ អនាគតំសញាណស្ស អាសេវនបច្ចយេន បច្ចយោ។ (២)

    Paritto dhammo mahaggatassa dhammassa āsevanapaccayena paccayo – paṭhamassa jhānassa parikammaṃ tasseva 3 āsevanapaccayena paccayo…pe… nevasaññānāsaññāyatanassa parikammaṃ tasseva 4 āsevanapaccayena paccayo. Dibbassa cakkhussa parikammaṃ…pe… anāgataṃsañāṇassa parikammaṃ anāgataṃsañāṇassa āsevanapaccayena paccayo. (2)

    បរិត្តោ ធម្មោ អប្បមាណស្ស ធម្មស្ស អាសេវនបច្ចយេន បច្ចយោ – គោត្រភុ មគ្គស្ស… វោទានំ មគ្គស្ស អាសេវនបច្ចយេន បច្ចយោ។ (៣)

    Paritto dhammo appamāṇassa dhammassa āsevanapaccayena paccayo – gotrabhu maggassa… vodānaṃ maggassa āsevanapaccayena paccayo. (3)

    មហគ្គតោ ធម្មោ មហគ្គតស្ស ធម្មស្ស អាសេវនបច្ចយេន បច្ចយោ – បុរិមា បុរិមា មហគ្គតា ខន្ធា បច្ឆិមានំ បច្ឆិមានំ មហគ្គតានំ ខន្ធានំ…បេ.… អាសេវនបច្ចយេន បច្ចយោ។ (១)

    Mahaggato dhammo mahaggatassa dhammassa āsevanapaccayena paccayo – purimā purimā mahaggatā khandhā pacchimānaṃ pacchimānaṃ mahaggatānaṃ khandhānaṃ…pe… āsevanapaccayena paccayo. (1)

    កម្មបច្ចយោ

    Kammapaccayo

    ៧៨. បរិត្តោ ធម្មោ បរិត្តស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – បរិត្តា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ បដិសន្ធិក្ខណេ បរិត្តា ចេតនា សម្បយុត្តកានំ ខន្ធានំ កដត្តា ច រូបានំ កម្មបច្ចយេន បច្ចយោ។ នានាក្ខណិកា – បរិត្តា ចេតនា វិបាកានំ បរិត្តានំ ខន្ធានំ កដត្តា ច រូបានំ កម្មបច្ចយេន បច្ចយោ។ (១)

    78. Paritto dhammo parittassa dhammassa kammapaccayena paccayo – sahajātā, nānākkhaṇikā. Sahajātā – parittā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Paṭisandhikkhaṇe parittā cetanā sampayuttakānaṃ khandhānaṃ kaṭattā ca rūpānaṃ kammapaccayena paccayo. Nānākkhaṇikā – parittā cetanā vipākānaṃ parittānaṃ khandhānaṃ kaṭattā ca rūpānaṃ kammapaccayena paccayo. (1)

    មហគ្គតោ ធម្មោ មហគ្គតស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – មហគ្គតា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ បដិសន្ធិក្ខណេ មហគ្គតា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ នានាក្ខណិកា – មហគ្គតា ចេតនា វិបាកានំ មហគ្គតានំ ខន្ធានំ កម្មបច្ចយេន បច្ចយោ។ (១)

    Mahaggato dhammo mahaggatassa dhammassa kammapaccayena paccayo – sahajātā, nānākkhaṇikā. Sahajātā – mahaggatā cetanā sampayuttakānaṃ khandhānaṃ kammapaccayena paccayo. Paṭisandhikkhaṇe mahaggatā cetanā sampayuttakānaṃ khandhānaṃ kammapaccayena paccayo. Nānākkhaṇikā – mahaggatā cetanā vipākānaṃ mahaggatānaṃ khandhānaṃ kammapaccayena paccayo. (1)

    មហគ្គតោ ធម្មោ បរិត្តស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – មហគ្គតា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ។ បដិសន្ធិក្ខណេ មហគ្គតា ចេតនា កដត្តារូបានំ កម្មបច្ចយេន បច្ចយោ។ នានាក្ខណិកា – មហគ្គតា ចេតនា កដត្តារូបានំ កម្មបច្ចយេន បច្ចយោ។ (២)

    Mahaggato dhammo parittassa dhammassa kammapaccayena paccayo – sahajātā, nānākkhaṇikā. Sahajātā – mahaggatā cetanā cittasamuṭṭhānānaṃ rūpānaṃ kammapaccayena paccayo. Paṭisandhikkhaṇe mahaggatā cetanā kaṭattārūpānaṃ kammapaccayena paccayo. Nānākkhaṇikā – mahaggatā cetanā kaṭattārūpānaṃ kammapaccayena paccayo. (2)

    មហគ្គតោ ធម្មោ បរិត្តស្ស ច មហគ្គតស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – មហគ្គតា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ បដិសន្ធិក្ខណេ មហគ្គតា ចេតនា សម្បយុត្តកានំ ខន្ធានំ កដត្តា ច រូបានំ កម្មបច្ចយេន បច្ចយោ។ នានាក្ខណិកា – មហគ្គតា ចេតនា វិបាកានំ មហគ្គតានំ ខន្ធានំ កដត្តា ច រូបានំ កម្មបច្ចយេន បច្ចយោ។ (៣)

    Mahaggato dhammo parittassa ca mahaggatassa ca dhammassa kammapaccayena paccayo – sahajātā, nānākkhaṇikā. Sahajātā – mahaggatā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Paṭisandhikkhaṇe mahaggatā cetanā sampayuttakānaṃ khandhānaṃ kaṭattā ca rūpānaṃ kammapaccayena paccayo. Nānākkhaṇikā – mahaggatā cetanā vipākānaṃ mahaggatānaṃ khandhānaṃ kaṭattā ca rūpānaṃ kammapaccayena paccayo. (3)

    ៧៩. អប្បមាណោ ធម្មោ អប្បមាណស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – អប្បមាណា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ នានាក្ខណិកា – អប្បមាណា ចេតនា វិបាកានំ អប្បមាណានំ ខន្ធានំ កម្មបច្ចយេន បច្ចយោ។ (១)

    79. Appamāṇo dhammo appamāṇassa dhammassa kammapaccayena paccayo – sahajātā, nānākkhaṇikā. Sahajātā – appamāṇā cetanā sampayuttakānaṃ khandhānaṃ kammapaccayena paccayo. Nānākkhaṇikā – appamāṇā cetanā vipākānaṃ appamāṇānaṃ khandhānaṃ kammapaccayena paccayo. (1)

    អប្បមាណោ ធម្មោ បរិត្តស្ស ធម្មស្ស កម្មបច្ចយេន បច្ចយោ – អប្បមាណា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ ។ (២)

    Appamāṇo dhammo parittassa dhammassa kammapaccayena paccayo – appamāṇā cetanā cittasamuṭṭhānānaṃ rūpānaṃ kammapaccayena paccayo . (2)

    អប្បមាណោ ធម្មោ បរិត្តស្ស ច អប្បមាណស្ស ច ធម្មស្ស កម្មបច្ចយេន បច្ចយោ – អប្បមាណា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (៣)

    Appamāṇo dhammo parittassa ca appamāṇassa ca dhammassa kammapaccayena paccayo – appamāṇā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)

    វិបាកបច្ចយោ

    Vipākapaccayo

    ៨០. បរិត្តោ ធម្មោ បរិត្តស្ស ធម្មស្ស វិបាកបច្ចយេន បច្ចយោ – វិបាកោ បរិត្តោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ វិបាកបច្ចយេន បច្ចយោ…បេ.… បដិសន្ធិក្ខណេ…បេ.… ខន្ធា វត្ថុស្ស វិបាកបច្ចយេន បច្ចយោ។ (១)

    80. Paritto dhammo parittassa dhammassa vipākapaccayena paccayo – vipāko paritto eko khandho tiṇṇannaṃ khandhānaṃ cittasamuṭṭhānānañca rūpānaṃ vipākapaccayena paccayo…pe… paṭisandhikkhaṇe…pe… khandhā vatthussa vipākapaccayena paccayo. (1)

    មហគ្គតោ ធម្មោ មហគ្គតស្ស ធម្មស្ស វិបាកបច្ចយេន បច្ចយោ…បេ.… (តិស្សោ បញ្ហា, បវត្តិបដិសន្ធិ កាតព្ពា)។ (៣)

    Mahaggato dhammo mahaggatassa dhammassa vipākapaccayena paccayo…pe… (tisso pañhā, pavattipaṭisandhi kātabbā). (3)

    អប្បមាណោ ធម្មោ អប្បមាណស្ស ធម្មស្ស វិបាកបច្ចយេន បច្ចយោ… តីណិ (បវត្តិមេវ)។

    Appamāṇo dhammo appamāṇassa dhammassa vipākapaccayena paccayo… tīṇi (pavattimeva).

    អាហារបច្ចយាទិ

    Āhārapaccayādi

    ៨១. បរិត្តោ ធម្មោ បរិត្តស្ស ធម្មស្ស អាហារបច្ចយេន បច្ចយោ…បេ.… ឥន្ទ្រិយបច្ចយេន បច្ចយោ… ឈានបច្ចយេន បច្ចយោ… មគ្គបច្ចយេន បច្ចយោ… សម្បយុត្តបច្ចយេន បច្ចយោ… វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ។ សហជាតា – បរិត្តា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ។ បដិសន្ធិក្ខណេ បរិត្តា ខន្ធា កដត្តារូបានំ វិប្បយុត្តបច្ចយេន បច្ចយោ។ ខន្ធា វត្ថុស្ស…បេ.… វត្ថុ ខន្ធានំ វិប្បយុត្តបច្ចយេន បច្ចយោ។ បុរេជាតំ – ចក្ខាយតនំ ចក្ខុវិញ្ញាណស្ស វិប្បយុត្តបច្ចយេន បច្ចយោ…បេ.… កាយាយតនំ កាយវិញ្ញាណស្ស វិប្បយុត្តបច្ចយេន បច្ចយោ។ វត្ថុ បរិត្តានំ ខន្ធានំ វិប្បយុត្តបច្ចយេន បច្ចយោ។ បច្ឆាជាតា – បរិត្តា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ។ (១)

    81. Paritto dhammo parittassa dhammassa āhārapaccayena paccayo…pe… indriyapaccayena paccayo… jhānapaccayena paccayo… maggapaccayena paccayo… sampayuttapaccayena paccayo… vippayuttapaccayena paccayo – sahajātaṃ, purejātaṃ, pacchājātaṃ. Sahajātā – parittā khandhā cittasamuṭṭhānānaṃ rūpānaṃ vippayuttapaccayena paccayo. Paṭisandhikkhaṇe parittā khandhā kaṭattārūpānaṃ vippayuttapaccayena paccayo. Khandhā vatthussa…pe… vatthu khandhānaṃ vippayuttapaccayena paccayo. Purejātaṃ – cakkhāyatanaṃ cakkhuviññāṇassa vippayuttapaccayena paccayo…pe… kāyāyatanaṃ kāyaviññāṇassa vippayuttapaccayena paccayo. Vatthu parittānaṃ khandhānaṃ vippayuttapaccayena paccayo. Pacchājātā – parittā khandhā purejātassa imassa kāyassa vippayuttapaccayena paccayo. (1)

    បរិត្តោ ធម្មោ មហគ្គតស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ។ សហជាតំ – បដិសន្ធិក្ខណេ វត្ថុ មហគ្គតានំ ខន្ធានំ វិប្បយុត្តបច្ចយេន បច្ចយោ។ បុរេជាតំ – វត្ថុ មហគ្គតានំ ខន្ធានំ វិប្បយុត្តបច្ចយេន បច្ចយោ។ (២)

    Paritto dhammo mahaggatassa dhammassa vippayuttapaccayena paccayo – sahajātaṃ, purejātaṃ. Sahajātaṃ – paṭisandhikkhaṇe vatthu mahaggatānaṃ khandhānaṃ vippayuttapaccayena paccayo. Purejātaṃ – vatthu mahaggatānaṃ khandhānaṃ vippayuttapaccayena paccayo. (2)

    បរិត្តោ ធម្មោ អប្បមាណស្ស ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ អប្បមាណានំ ខន្ធានំ វិប្បយុត្តបច្ចយេន បច្ចយោ។ (៣)

    Paritto dhammo appamāṇassa dhammassa vippayuttapaccayena paccayo. Purejātaṃ – vatthu appamāṇānaṃ khandhānaṃ vippayuttapaccayena paccayo. (3)

    ៨២. មហគ្គតោ ធម្មោ បរិត្តស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ។ សហជាតា – មហគ្គតា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ។ បដិសន្ធិក្ខណេ…បេ.… បច្ឆាជាតា – មហគ្គតា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ។ (១)

    82. Mahaggato dhammo parittassa dhammassa vippayuttapaccayena paccayo – sahajātaṃ, pacchājātaṃ. Sahajātā – mahaggatā khandhā cittasamuṭṭhānānaṃ rūpānaṃ vippayuttapaccayena paccayo. Paṭisandhikkhaṇe…pe… pacchājātā – mahaggatā khandhā purejātassa imassa kāyassa vippayuttapaccayena paccayo. (1)

    អប្បមាណោ ធម្មោ បរិត្តស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ។ សហជាតា – អប្បមាណា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ។ បច្ឆាជាតា – អប្បមាណា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ ។ (១)

    Appamāṇo dhammo parittassa dhammassa vippayuttapaccayena paccayo – sahajātaṃ, pacchājātaṃ. Sahajātā – appamāṇā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – appamāṇā khandhā purejātassa imassa kāyassa vippayuttapaccayena paccayo . (1)

    អត្ថិបច្ចយោ

    Atthipaccayo

    ៨៣. បរិត្តោ ធម្មោ បរិត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ។ សហជាតោ – បរិត្តោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ.… ទ្វេ ខន្ធា…បេ.… បដិសន្ធិក្ខណេ…បេ.… ខន្ធា វត្ថុស្ស អត្ថិបច្ចយេន បច្ចយោ។ វត្ថុ ខន្ធានំ អត្ថិបច្ចយេន បច្ចយោ; ឯកំ មហាភូតំ…បេ.… អសញ្ញសត្តានំ…បេ.…។ បុរេជាតំ – ចក្ខុំ…បេ.… វត្ថុំ អនិច្ចតោ…បេ.… វិបស្សតិ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ.… ទោមនស្សំ ឧប្បជ្ជតិ, រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស អត្ថិបច្ចយេន បច្ចយោ។ ចក្ខាយតនំ ចក្ខុវិញ្ញាណស្ស អត្ថិបច្ចយេន បច្ចយោ…បេ.… កាយាយតនំ កាយវិញ្ញាណស្ស…បេ.… វត្ថុ បរិត្តានំ ខន្ធានំ អត្ថិបច្ចយេន បច្ចយោ។ បច្ឆាជាតា – បរិត្តា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ កពឡីការោ អាហារោ ឥមស្ស កាយស្ស អត្ថិបច្ចយេន បច្ចយោ។ រូបជីវិតិន្ទ្រិយំ កដត្តារូបានំ អត្ថិបច្ចយេន បច្ចយោ។ (១)

    83. Paritto dhammo parittassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – paritto eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe… paṭisandhikkhaṇe…pe… khandhā vatthussa atthipaccayena paccayo. Vatthu khandhānaṃ atthipaccayena paccayo; ekaṃ mahābhūtaṃ…pe… asaññasattānaṃ…pe…. Purejātaṃ – cakkhuṃ…pe… vatthuṃ aniccato…pe… vipassati assādeti abhinandati, taṃ ārabbha rāgo uppajjati…pe… domanassaṃ uppajjati, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa atthipaccayena paccayo. Cakkhāyatanaṃ cakkhuviññāṇassa atthipaccayena paccayo…pe… kāyāyatanaṃ kāyaviññāṇassa…pe… vatthu parittānaṃ khandhānaṃ atthipaccayena paccayo. Pacchājātā – parittā khandhā purejātassa imassa kāyassa atthipaccayena paccayo. Kabaḷīkāro āhāro imassa kāyassa atthipaccayena paccayo. Rūpajīvitindriyaṃ kaṭattārūpānaṃ atthipaccayena paccayo. (1)

    បរិត្តោ ធម្មោ មហគ្គតស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតំ – បដិសន្ធិក្ខណេ វត្ថុ មហគ្គតានំ ខន្ធានំ អត្ថិបច្ចយេន បច្ចយោ។ បុរេជាតំ – ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, វត្ថុ មហគ្គតានំ ខន្ធានំ អត្ថិបច្ចយេន បច្ចយោ។ (២)

    Paritto dhammo mahaggatassa dhammassa atthipaccayena paccayo – sahajātaṃ, purejātaṃ. Sahajātaṃ – paṭisandhikkhaṇe vatthu mahaggatānaṃ khandhānaṃ atthipaccayena paccayo. Purejātaṃ – dibbena cakkhunā rūpaṃ passati, dibbāya sotadhātuyā saddaṃ suṇāti, vatthu mahaggatānaṃ khandhānaṃ atthipaccayena paccayo. (2)

    បរិត្តោ ធម្មោ អប្បមាណស្ស ធម្មស្ស អត្ថិបច្ចយេន បច្ចយោ។ បុរេជាតំ – វត្ថុ អប្បមាណានំ ខន្ធានំ អត្ថិបច្ចយេន បច្ចយោ។ (៣)

    Paritto dhammo appamāṇassa dhammassa atthipaccayena paccayo. Purejātaṃ – vatthu appamāṇānaṃ khandhānaṃ atthipaccayena paccayo. (3)

    ៨៤. មហគ្គតោ ធម្មោ មហគ្គតស្ស ធម្មស្ស អត្ថិបច្ចយេន បច្ចយោ។ មហគ្គតោ ឯកោ ខន្ធោ តិណ្ណន្នំ ខន្ធានំ…បេ.… ទ្វេ ខន្ធា…បេ.… បដិសន្ធិក្ខណេ…បេ.…។ (១)

    84. Mahaggato dhammo mahaggatassa dhammassa atthipaccayena paccayo. Mahaggato eko khandho tiṇṇannaṃ khandhānaṃ…pe… dve khandhā…pe… paṭisandhikkhaṇe…pe…. (1)

    មហគ្គតោ ធម្មោ បរិត្តស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ។ សហជាតា – មហគ្គតា ខន្ធា ចិត្តសមុដ្ឋានានំ រូបានំ អត្ថិបច្ចយេន បច្ចយោ។ បដិសន្ធិក្ខណេ មហគ្គតា ខន្ធា កដត្តារូបានំ អត្ថិបច្ចយេន បច្ចយោ។ បច្ឆាជាតា – មហគ្គតា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ (២)

    Mahaggato dhammo parittassa dhammassa atthipaccayena paccayo – sahajātaṃ, pacchājātaṃ. Sahajātā – mahaggatā khandhā cittasamuṭṭhānānaṃ rūpānaṃ atthipaccayena paccayo. Paṭisandhikkhaṇe mahaggatā khandhā kaṭattārūpānaṃ atthipaccayena paccayo. Pacchājātā – mahaggatā khandhā purejātassa imassa kāyassa atthipaccayena paccayo. (2)

    មហគ្គតោ ធម្មោ បរិត្តស្ស ច មហគ្គតស្ស ច ធម្មស្ស អត្ថិបច្ចយេន បច្ចយោ – មហគ្គតោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ.… ទ្វេ ខន្ធា…បេ.… បដិសន្ធិក្ខណេ…បេ.…។ (៣)

    Mahaggato dhammo parittassa ca mahaggatassa ca dhammassa atthipaccayena paccayo – mahaggato eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe… paṭisandhikkhaṇe…pe…. (3)

    ៨៥. អប្បមាណោ ធម្មោ អប្បមាណស្ស ធម្មស្ស អត្ថិបច្ចយេន បច្ចយោ – អប្បមាណោ ឯកោ ខន្ធោ តិណ្ណន្នំ ខន្ធានំ…បេ.…។ (១)

    85. Appamāṇo dhammo appamāṇassa dhammassa atthipaccayena paccayo – appamāṇo eko khandho tiṇṇannaṃ khandhānaṃ…pe…. (1)

    អប្បមាណោ ធម្មោ បរិត្តស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ។ សហជាតា – អប្បមាណា ខន្ធា ចិត្តសមុដ្ឋានានំ រូបានំ អត្ថិបច្ចយេន បច្ចយោ។ បច្ឆាជាតា – អប្បមាណា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ (២)

    Appamāṇo dhammo parittassa dhammassa atthipaccayena paccayo – sahajātaṃ, pacchājātaṃ. Sahajātā – appamāṇā khandhā cittasamuṭṭhānānaṃ rūpānaṃ atthipaccayena paccayo. Pacchājātā – appamāṇā khandhā purejātassa imassa kāyassa atthipaccayena paccayo. (2)

    អប្បមាណោ ធម្មោ បរិត្តស្ស ច អប្បមាណស្ស ច ធម្មស្ស អត្ថិបច្ចយេន បច្ចយោ – អប្បមាណោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ.…។ (៣)

    Appamāṇo dhammo parittassa ca appamāṇassa ca dhammassa atthipaccayena paccayo – appamāṇo eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe…. (3)

    ៨៦. បរិត្តោ ច អប្បមាណោ ច ធម្មា បរិត្តស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ។ សហជាតា – អប្បមាណា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ។ បច្ឆាជាតា – អប្បមាណា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – អប្បមាណា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ។ (១)

    86. Paritto ca appamāṇo ca dhammā parittassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – appamāṇā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – appamāṇā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – appamāṇā khandhā ca rūpajīvitindriyañca kaṭattārūpānaṃ atthipaccayena paccayo. (1)

    បរិត្តោ ច អប្បមាណោ ច ធម្មា អប្បមាណស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – អប្បមាណោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ.… ទ្វេ ខន្ធា…បេ.…។ (២)

    Paritto ca appamāṇo ca dhammā appamāṇassa dhammassa atthipaccayena paccayo – sahajātaṃ, purejātaṃ. Sahajāto – appamāṇo eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā…pe…. (2)

    បរិត្តោ ច មហគ្គតោ ច ធម្មា បរិត្តស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ។ សហជាតា – មហគ្គតា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ។ បដិសន្ធិក្ខណេ មហគ្គតា ខន្ធា ច មហាភូតា ច កដត្តារូបានំ អត្ថិបច្ចយេន បច្ចយោ។ បច្ឆាជាតា – មហគ្គតា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – មហគ្គតា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ។ (១)

    Paritto ca mahaggato ca dhammā parittassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – mahaggatā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Paṭisandhikkhaṇe mahaggatā khandhā ca mahābhūtā ca kaṭattārūpānaṃ atthipaccayena paccayo. Pacchājātā – mahaggatā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – mahaggatā khandhā ca rūpajīvitindriyañca kaṭattārūpānaṃ atthipaccayena paccayo. (1)

    បរិត្តោ ច មហគ្គតោ ច ធម្មា មហគ្គតស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – មហគ្គតោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ.… ទ្វេ ខន្ធា…បេ.… បដិសន្ធិក្ខណេ មហគ្គតោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ.… ទ្វេ ខន្ធា ច វត្ថុ ច…បេ.… នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ។ (២)

    Paritto ca mahaggato ca dhammā mahaggatassa dhammassa atthipaccayena paccayo – sahajātaṃ, purejātaṃ. Sahajāto – mahaggato eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā…pe… paṭisandhikkhaṇe mahaggato eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā ca vatthu ca…pe… natthipaccayena paccayo… vigatapaccayena paccayo… avigatapaccayena paccayo. (2)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៨៧. ហេតុយា សត្ត, អារម្មណេ សត្ត, អធិបតិយា សត្ត, អនន្តរេ នវ, សមនន្តរេ នវ, សហជាតេ ឯកាទស, អញ្ញមញ្ញេ សត្ត, និស្សយេ តេរស, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ ចត្តារិ, កម្មេ សត្ត, វិបាកេ អាហារេ ឥន្ទ្រិយេ ឈានេ មគ្គេ សត្ត, សម្បយុត្តេ តីណិ, វិប្បយុត្តេ បញ្ច, អត្ថិយា តេរស, នត្ថិយា នវ, វិគតេ នវ, អវិគតេ តេរស (ឯវំ គណេតព្ពំ)។

    87. Hetuyā satta, ārammaṇe satta, adhipatiyā satta, anantare nava, samanantare nava, sahajāte ekādasa, aññamaññe satta, nissaye terasa, upanissaye nava, purejāte tīṇi, pacchājāte tīṇi, āsevane cattāri, kamme satta, vipāke āhāre indriye jhāne magge satta, sampayutte tīṇi, vippayutte pañca, atthiyā terasa, natthiyā nava, vigate nava, avigate terasa (evaṃ gaṇetabbaṃ).

    អនុលោមំ។

    Anulomaṃ.

    បច្ចនីយុទ្ធារោ

    Paccanīyuddhāro

    ៨៨. បរិត្តោ ធម្មោ បរិត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ (១)

    88. Paritto dhammo parittassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    បរិត្តោ ធម្មោ មហគ្គតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (២)

    Paritto dhammo mahaggatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (2)

    បរិត្តោ ធម្មោ អប្បមាណស្ស ធម្មស្ស ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (៣)

    Paritto dhammo appamāṇassa dhammassa upanissayapaccayena paccayo… purejātapaccayena paccayo. (3)

    មហគ្គតោ ធម្មោ មហគ្គតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    Mahaggato dhammo mahaggatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    មហគ្គតោ ធម្មោ បរិត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ … ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ។ (២)

    Mahaggato dhammo parittassa dhammassa ārammaṇapaccayena paccayo… sahajātapaccayena paccayo … upanissayapaccayena paccayo… pacchājātapaccayena paccayo… kammapaccayena paccayo. (2)

    មហគ្គតោ ធម្មោ អប្បមាណស្ស ធម្មស្ស ឧបនិស្សយបច្ចយេន បច្ចយោ។ (៣)

    Mahaggato dhammo appamāṇassa dhammassa upanissayapaccayena paccayo. (3)

    មហគ្គតោ ធម្មោ បរិត្តស្ស ច មហគ្គតស្ស ច ធម្មស្ស សហជាតបច្ចយេន បច្ចយោ… កម្មបច្ចយេន បច្ចយោ។ (៤)

    Mahaggato dhammo parittassa ca mahaggatassa ca dhammassa sahajātapaccayena paccayo… kammapaccayena paccayo. (4)

    ៨៩. អប្បមាណោ ធម្មោ អប្បមាណស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    89. Appamāṇo dhammo appamāṇassa dhammassa sahajātapaccayena paccayo… upanissayapaccayena paccayo. (1)

    អប្បមាណោ ធម្មោ បរិត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ។ (២)

    Appamāṇo dhammo parittassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    អប្បមាណោ ធម្មោ មហគ្គតស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

    Appamāṇo dhammo mahaggatassa dhammassa ārammaṇapaccayena paccayo… upanissayapaccayena paccayo. (3)

    អប្បមាណោ ធម្មោ បរិត្តស្ស ច អប្បមាណស្ស ច ធម្មស្ស សហជាតបច្ចយេន បច្ចយោ។ (៤)

    Appamāṇo dhammo parittassa ca appamāṇassa ca dhammassa sahajātapaccayena paccayo. (4)

    បរិត្តោ ច អប្បមាណោ ច ធម្មា បរិត្តស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ។ (១)

    Paritto ca appamāṇo ca dhammā parittassa dhammassa sahajātaṃ, pacchājātaṃ, āhāraṃ, indriyaṃ. (1)

    បរិត្តោ ច អប្បមាណោ ច ធម្មា អប្បមាណស្ស ធម្មស្ស សហជាតំ, បុរេជាតំ។ (២)

    Paritto ca appamāṇo ca dhammā appamāṇassa dhammassa sahajātaṃ, purejātaṃ. (2)

    បរិត្តោ ច មហគ្គតោ ច ធម្មា បរិត្តស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ។ (១)

    Paritto ca mahaggato ca dhammā parittassa dhammassa sahajātaṃ, pacchājātaṃ, āhāraṃ, indriyaṃ. (1)

    បរិត្តោ ច មហគ្គតោ ច ធម្មា មហគ្គតស្ស ធម្មស្ស សហជាតំ, បុរេជាតំ។ (២)

    Paritto ca mahaggato ca dhammā mahaggatassa dhammassa sahajātaṃ, purejātaṃ. (2)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៩០. នហេតុយា បន្នរស, នអារម្មណេ បន្នរស, នអធិបតិយា នអនន្តរេ នសមនន្តរេ បន្នរស, នសហជាតេ ទ្វាទស, នអញ្ញមញ្ញេ ទ្វាទស, ននិស្សយេ ទ្វាទស, នឧបនិស្សយេ ចុទ្ទស, នបុរេជាតេ ចុទ្ទស, នបច្ឆាជាតេ បន្នរស, នអាសេវនេ បន្នរស…បេ.… នមគ្គេ បន្នរស, នសម្បយុត្តេ ទ្វាទស, នវិប្បយុត្តេ ទស, នោអត្ថិយា ទស, នោនត្ថិយា បន្នរស, នោវិគតេ បន្នរស, នោអវិគតេ ទស (ឯវំ គណេតព្ពំ)។

    90. Nahetuyā pannarasa, naārammaṇe pannarasa, naadhipatiyā naanantare nasamanantare pannarasa, nasahajāte dvādasa, naaññamaññe dvādasa, nanissaye dvādasa, naupanissaye cuddasa, napurejāte cuddasa, napacchājāte pannarasa, naāsevane pannarasa…pe… namagge pannarasa, nasampayutte dvādasa, navippayutte dasa, noatthiyā dasa, nonatthiyā pannarasa, novigate pannarasa, noavigate dasa (evaṃ gaṇetabbaṃ).

    បច្ចនីយំ។

    Paccanīyaṃ.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ហេតុទុកំ

    Hetudukaṃ

    ៩១. ហេតុបច្ចយា នអារម្មណេ សត្ត, នអធិបតិយា នអនន្តរេ នសមនន្តរេ សត្ត, នអញ្ញមញ្ញេ តីណិ, នឧបនិស្សយេ សត្ត, នបុរេជាតេ សត្ត…បេ.… នមគ្គេ សត្ត, នសម្បយុត្តេ តីណិ, នវិប្បយុត្តេ តីណិ, នោនត្ថិយា សត្ត, នោវិគតេ សត្ត (ឯវំ គណេតព្ពំ)។

    91. Hetupaccayā naārammaṇe satta, naadhipatiyā naanantare nasamanantare satta, naaññamaññe tīṇi, naupanissaye satta, napurejāte satta…pe… namagge satta, nasampayutte tīṇi, navippayutte tīṇi, nonatthiyā satta, novigate satta (evaṃ gaṇetabbaṃ).

    អនុលោមបច្ចនីយំ។

    Anulomapaccanīyaṃ.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    នហេតុទុកំ

    Nahetudukaṃ

    ៩២. នហេតុបច្ចយា អារម្មណេ សត្ត, អធិបតិយា សត្ត, អនន្តរេ នវ, សមនន្តរេ នវ, សហជាតេ ឯកាទស, អញ្ញមញ្ញេ សត្ត, និស្សយេ តេរស, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ ចត្តារិ, កម្មេ សត្ត…បេ.… មគ្គេ សត្ត, សម្បយុត្តេ តីណិ, វិប្បយុត្តេ បញ្ច, អត្ថិយា តេរស, នត្ថិយា នវ, វិគតេ នវ, អវិគតេ តេរស។

    92. Nahetupaccayā ārammaṇe satta, adhipatiyā satta, anantare nava, samanantare nava, sahajāte ekādasa, aññamaññe satta, nissaye terasa, upanissaye nava, purejāte tīṇi, pacchājāte tīṇi, āsevane cattāri, kamme satta…pe… magge satta, sampayutte tīṇi, vippayutte pañca, atthiyā terasa, natthiyā nava, vigate nava, avigate terasa.

    បច្ចនីយានុលោមំ។

    Paccanīyānulomaṃ.

    បរិត្តត្តិកំ និដ្ឋិតំ។

    Parittattikaṃ niṭṭhitaṃ.




    Next: ១៣. បរិត្តារម្មណត្តិកំ • 13. Parittārammaṇattikaṃ




    Footnotes:
    1. បឋមស្ស ឈានស្ស (?)
    2. នេវសញ្ញានាសញ្ញាយតនស្ស (?) អញ្ញេសុ តិកេសុ ឱលោកេតព្ពំ
    3. paṭhamassa jhānassa (?)
    4. nevasaññānāsaññāyatanassa (?) aññesu tikesu oloketabbaṃ



    Related texts:



    អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៥-២២. សង្កិលិដ្ឋត្តិកាទិវណ្ណនា • 5-22. Saṅkiliṭṭhattikādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact