Library / Tipiṭaka / തിപിടക • Tipiṭaka / പട്ഠാനപാളി • Paṭṭhānapāḷi

    ൧൨. പരിത്തത്തികം

    12. Parittattikaṃ

    ൧. പടിച്ചവാരോ

    1. Paṭiccavāro

    ൧. പച്ചയാനുലോമം

    1. Paccayānulomaṃ

    ൧. വിഭങ്ഗവാരോ

    1. Vibhaṅgavāro

    ഹേതുപച്ചയോ

    Hetupaccayo

    ൧. പരിത്തം ധമ്മം പടിച്ച പരിത്തോ ധമ്മോ ഉപ്പജ്ജതി ഹേതുപച്ചയാ – പരിത്തം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ…പേ॰… പടിസന്ധിക്ഖണേ പരിത്തം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ॰… ദ്വേ ഖന്ധേ…പേ॰… ഖന്ധേ പടിച്ച വത്ഥു, വത്ഥും പടിച്ച ഖന്ധാ, ഏകം മഹാഭൂതം പടിച്ച തയോ മഹാഭൂതാ…പേ॰… ദ്വേ മഹാഭൂതേ പടിച്ച ചിത്തസമുട്ഠാനം രൂപം…പേ॰…. (൧)

    1. Parittaṃ dhammaṃ paṭicca paritto dhammo uppajjati hetupaccayā – parittaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe parittaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ paṭicca tayo mahābhūtā…pe… dve mahābhūte paṭicca cittasamuṭṭhānaṃ rūpaṃ…pe…. (1)

    പരിത്തം ധമ്മം പടിച്ച മഹഗ്ഗതോ ധമ്മോ ഉപ്പജ്ജതി ഹേതുപച്ചയാ – പടിസന്ധിക്ഖണേ വത്ഥും പടിച്ച മഹഗ്ഗതാ ഖന്ധാ. (൨)

    Parittaṃ dhammaṃ paṭicca mahaggato dhammo uppajjati hetupaccayā – paṭisandhikkhaṇe vatthuṃ paṭicca mahaggatā khandhā. (2)

    പരിത്തം ധമ്മം പടിച്ച പരിത്തോ ച മഹഗ്ഗതോ ച ധമ്മാ ഉപ്പജ്ജന്തി ഹേതുപച്ചയാ – പടിസന്ധിക്ഖണേ വത്ഥും പടിച്ച മഹഗ്ഗതാ ഖന്ധാ, മഹാഭൂതേ പടിച്ച കടത്താരൂപം. (൩)

    Parittaṃ dhammaṃ paṭicca paritto ca mahaggato ca dhammā uppajjanti hetupaccayā – paṭisandhikkhaṇe vatthuṃ paṭicca mahaggatā khandhā, mahābhūte paṭicca kaṭattārūpaṃ. (3)

    ൨. മഹഗ്ഗതം ധമ്മം പടിച്ച മഹഗ്ഗതോ ധമ്മോ ഉപ്പജ്ജതി ഹേതുപച്ചയാ – മഹഗ്ഗതം ഏകം ഖന്ധം പടിച്ച തയോ ഖന്ധാ…പേ॰… ദ്വേ ഖന്ധേ…പേ॰… പടിസന്ധിക്ഖണേ…പേ॰…. (൧)

    2. Mahaggataṃ dhammaṃ paṭicca mahaggato dhammo uppajjati hetupaccayā – mahaggataṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe…. (1)

    മഹഗ്ഗതം ധമ്മം പടിച്ച പരിത്തോ ധമ്മോ ഉപ്പജ്ജതി ഹേതുപച്ചയാ – മഹഗ്ഗതേ ഖന്ധേ പടിച്ച ചിത്തസമുട്ഠാനം രൂപം. പടിസന്ധിക്ഖണേ മഹഗ്ഗതേ ഖന്ധേ പടിച്ച കടത്താരൂപം. (൨)

    Mahaggataṃ dhammaṃ paṭicca paritto dhammo uppajjati hetupaccayā – mahaggate khandhe paṭicca cittasamuṭṭhānaṃ rūpaṃ. Paṭisandhikkhaṇe mahaggate khandhe paṭicca kaṭattārūpaṃ. (2)

    മഹഗ്ഗതം ധമ്മം പടിച്ച പരിത്തോ ച മഹഗ്ഗതോ ച ധമ്മാ ഉപ്പജ്ജന്തി ഹേതുപച്ചയാ – മഹഗ്ഗതം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ॰… പടിസന്ധിക്ഖണേ മഹഗ്ഗതം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ॰… ദ്വേ ഖന്ധേ…പേ॰…. (൩)

    Mahaggataṃ dhammaṃ paṭicca paritto ca mahaggato ca dhammā uppajjanti hetupaccayā – mahaggataṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… paṭisandhikkhaṇe mahaggataṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe…. (3)

    ൩. അപ്പമാണം ധമ്മം പടിച്ച അപ്പമാണോ ധമ്മോ ഉപ്പജ്ജതി ഹേതുപച്ചയാ – അപ്പമാണം ഏകം ഖന്ധം പടിച്ച തയോ ഖന്ധാ…പേ॰… ദ്വേ ഖന്ധേ…പേ॰…. (൧)

    3. Appamāṇaṃ dhammaṃ paṭicca appamāṇo dhammo uppajjati hetupaccayā – appamāṇaṃ ekaṃ khandhaṃ paṭicca tayo khandhā…pe… dve khandhe…pe…. (1)

    അപ്പമാണം ധമ്മം പടിച്ച പരിത്തോ ധമ്മോ ഉപ്പജ്ജതി ഹേതുപച്ചയാ – അപ്പമാണേ ഖന്ധേ പടിച്ച ചിത്തസമുട്ഠാനം രൂപം. (൨)

    Appamāṇaṃ dhammaṃ paṭicca paritto dhammo uppajjati hetupaccayā – appamāṇe khandhe paṭicca cittasamuṭṭhānaṃ rūpaṃ. (2)

    അപ്പമാണം ധമ്മം പടിച്ച പരിത്തോ ച അപ്പമാണോ ച ധമ്മാ ഉപ്പജ്ജന്തി ഹേതുപച്ചയാ – അപ്പമാണം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ…പേ॰…. (൩)

    Appamāṇaṃ dhammaṃ paṭicca paritto ca appamāṇo ca dhammā uppajjanti hetupaccayā – appamāṇaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    ൪. പരിത്തഞ്ച അപ്പമാണഞ്ച ധമ്മം പടിച്ച പരിത്തോ ധമ്മോ ഉപ്പജ്ജതി ഹേതുപച്ചയാ – അപ്പമാണേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

    4. Parittañca appamāṇañca dhammaṃ paṭicca paritto dhammo uppajjati hetupaccayā – appamāṇe khandhe ca mahābhūte ca paṭicca cittasamuṭṭhānaṃ rūpaṃ. (1)

    പരിത്തഞ്ച മഹഗ്ഗതഞ്ച ധമ്മം പടിച്ച പരിത്തോ ധമ്മോ ഉപ്പജ്ജതി ഹേതുപച്ചയാ – മഹഗ്ഗതേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. പടിസന്ധിക്ഖണേ…പേ॰…. (൧)

    Parittañca mahaggatañca dhammaṃ paṭicca paritto dhammo uppajjati hetupaccayā – mahaggate khandhe ca mahābhūte ca paṭicca cittasamuṭṭhānaṃ rūpaṃ. Paṭisandhikkhaṇe…pe…. (1)

    പരിത്തഞ്ച മഹഗ്ഗതഞ്ച ധമ്മം പടിച്ച മഹഗ്ഗതോ ധമ്മോ ഉപ്പജ്ജതി ഹേതുപച്ചയാ – പടിസന്ധിക്ഖണേ മഹഗ്ഗതം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ॰… ദ്വേ ഖന്ധേ…പേ॰…. (൨)

    Parittañca mahaggatañca dhammaṃ paṭicca mahaggato dhammo uppajjati hetupaccayā – paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā…pe… dve khandhe…pe…. (2)

    പരിത്തഞ്ച മഹഗ്ഗതഞ്ച ധമ്മം പടിച്ച പരിത്തോ ച മഹഗ്ഗതോ ച ധമ്മാ ഉപ്പജ്ജന്തി ഹേതുപച്ചയാ – പടിസന്ധിക്ഖണേ മഹഗ്ഗതം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ॰… ദ്വേ ഖന്ധേ…പേ॰… മഹഗ്ഗതേ ഖന്ധേ ച മഹാഭൂതേ ച പടിച്ച കടത്താരൂപം. (൩)

    Parittañca mahaggatañca dhammaṃ paṭicca paritto ca mahaggato ca dhammā uppajjanti hetupaccayā – paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā…pe… dve khandhe…pe… mahaggate khandhe ca mahābhūte ca paṭicca kaṭattārūpaṃ. (3)

    ആരമ്മണപച്ചയോ

    Ārammaṇapaccayo

    ൫. പരിത്തം ധമ്മം പടിച്ച പരിത്തോ ധമ്മോ ഉപ്പജ്ജതി ആരമ്മണപച്ചയാ – പരിത്തം ഏകം ഖന്ധം പടിച്ച തയോ ഖന്ധാ…പേ॰… ദ്വേ ഖന്ധേ…പേ॰… പടിസന്ധിക്ഖണേ…പേ॰… വത്ഥും പടിച്ച ഖന്ധാ. (൧)

    5. Parittaṃ dhammaṃ paṭicca paritto dhammo uppajjati ārammaṇapaccayā – parittaṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe… vatthuṃ paṭicca khandhā. (1)

    പരിത്തം ധമ്മം പടിച്ച മഹഗ്ഗതോ ധമ്മോ ഉപ്പജ്ജതി ആരമ്മണപച്ചയാ – പടിസന്ധിക്ഖണേ വത്ഥും പടിച്ച മഹഗ്ഗതാ ഖന്ധാ. (൨)

    Parittaṃ dhammaṃ paṭicca mahaggato dhammo uppajjati ārammaṇapaccayā – paṭisandhikkhaṇe vatthuṃ paṭicca mahaggatā khandhā. (2)

    മഹഗ്ഗതം ധമ്മം പടിച്ച മഹഗ്ഗതോ ധമ്മോ ഉപ്പജ്ജതി ആരമ്മണപച്ചയാ – മഹഗ്ഗതം ഏകം ഖന്ധം പടിച്ച തയോ ഖന്ധാ…പേ॰… ദ്വേ ഖന്ധേ…പേ॰… പടിസന്ധിക്ഖണേ…പേ॰…. (൧)

    Mahaggataṃ dhammaṃ paṭicca mahaggato dhammo uppajjati ārammaṇapaccayā – mahaggataṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe…. (1)

    അപ്പമാണം ധമ്മം പടിച്ച അപ്പമാണോ ധമ്മോ ഉപ്പജ്ജതി ആരമ്മണപച്ചയാ – അപ്പമാണം ഏകം ഖന്ധം പടിച്ച തയോ ഖന്ധാ…പേ॰… ദ്വേ ഖന്ധേ…പേ॰…. (൧)

    Appamāṇaṃ dhammaṃ paṭicca appamāṇo dhammo uppajjati ārammaṇapaccayā – appamāṇaṃ ekaṃ khandhaṃ paṭicca tayo khandhā…pe… dve khandhe…pe…. (1)

    പരിത്തഞ്ച മഹഗ്ഗതഞ്ച ധമ്മം പടിച്ച മഹഗ്ഗതോ ധമ്മോ ഉപ്പജ്ജതി ആരമ്മണപച്ചയാ – പടിസന്ധിക്ഖണേ മഹഗ്ഗതം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ॰… ദ്വേ ഖന്ധേ…പേ॰…. (൧)

    Parittañca mahaggatañca dhammaṃ paṭicca mahaggato dhammo uppajjati ārammaṇapaccayā – paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā…pe… dve khandhe…pe…. (1)

    അധിപതിപച്ചയോ

    Adhipatipaccayo

    ൬. പരിത്തം ധമ്മം പടിച്ച പരിത്തോ ധമ്മോ ഉപ്പജ്ജതി അധിപതിപച്ചയാ – പരിത്തം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം, ദ്വേ ഖന്ധേ…പേ॰… ഏകം മഹാഭൂതം പടിച്ച തയോ മഹാഭൂതാ…പേ॰… മഹാഭൂതേ പടിച്ച ചിത്തസമുട്ഠാനം രൂപം ഉപാദാരൂപം. (൧)

    6. Parittaṃ dhammaṃ paṭicca paritto dhammo uppajjati adhipatipaccayā – parittaṃ ekaṃ khandhaṃ paṭicca tayo khandhā cittasamuṭṭhānañca rūpaṃ, dve khandhe…pe… ekaṃ mahābhūtaṃ paṭicca tayo mahābhūtā…pe… mahābhūte paṭicca cittasamuṭṭhānaṃ rūpaṃ upādārūpaṃ. (1)

    മഹഗ്ഗതം ധമ്മം പടിച്ച മഹഗ്ഗതോ ധമ്മോ ഉപ്പജ്ജതി അധിപതിപച്ചയാ – മഹഗ്ഗതം ഏകം ഖന്ധം പടിച്ച തയോ ഖന്ധാ…പേ॰… ദ്വേ ഖന്ധേ…പേ॰…. (൧)

    Mahaggataṃ dhammaṃ paṭicca mahaggato dhammo uppajjati adhipatipaccayā – mahaggataṃ ekaṃ khandhaṃ paṭicca tayo khandhā…pe… dve khandhe…pe…. (1)

    മഹഗ്ഗതം ധമ്മം പടിച്ച പരിത്തോ ധമ്മോ ഉപ്പജ്ജതി അധിപതിപച്ചയാ – മഹഗ്ഗതേ ഖന്ധേ പടിച്ച ചിത്തസമുട്ഠാനം രൂപം. (൨)

    Mahaggataṃ dhammaṃ paṭicca paritto dhammo uppajjati adhipatipaccayā – mahaggate khandhe paṭicca cittasamuṭṭhānaṃ rūpaṃ. (2)

    മഹഗ്ഗതം ധമ്മം പടിച്ച പരിത്തോ ച മഹഗ്ഗതോ ച ധമ്മാ ഉപ്പജ്ജന്തി അധിപതിപച്ചയാ – മഹഗ്ഗതം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ…പേ॰…. (൩)

    Mahaggataṃ dhammaṃ paṭicca paritto ca mahaggato ca dhammā uppajjanti adhipatipaccayā – mahaggataṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    അപ്പമാണം ധമ്മം പടിച്ച അപ്പമാണോ ധമ്മോ ഉപ്പജ്ജതി അധിപതിപച്ചയാ – അപ്പമാണം ഏകം ഖന്ധം പടിച്ച തയോ ഖന്ധാ…പേ॰… ദ്വേ ഖന്ധേ…പേ॰…. (൧)

    Appamāṇaṃ dhammaṃ paṭicca appamāṇo dhammo uppajjati adhipatipaccayā – appamāṇaṃ ekaṃ khandhaṃ paṭicca tayo khandhā…pe… dve khandhe…pe…. (1)

    അപ്പമാണം ധമ്മം പടിച്ച പരിത്തോ ധമ്മോ ഉപ്പജ്ജതി അധിപതിപച്ചയാ – അപ്പമാണേ ഖന്ധേ പടിച്ച ചിത്തസമുട്ഠാനം രൂപം. (൨)

    Appamāṇaṃ dhammaṃ paṭicca paritto dhammo uppajjati adhipatipaccayā – appamāṇe khandhe paṭicca cittasamuṭṭhānaṃ rūpaṃ. (2)

    അപ്പമാണം ധമ്മം പടിച്ച പരിത്തോ ച അപ്പമാണോ ച ധമ്മാ ഉപ്പജ്ജന്തി അധിപതിപച്ചയാ – അപ്പമാണം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ…പേ॰…. (൩)

    Appamāṇaṃ dhammaṃ paṭicca paritto ca appamāṇo ca dhammā uppajjanti adhipatipaccayā – appamāṇaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    ൭. പരിത്തഞ്ച അപ്പമാണഞ്ച ധമ്മം പടിച്ച പരിത്തോ ധമ്മോ ഉപ്പജ്ജതി അധിപതിപച്ചയാ – അപ്പമാണേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

    7. Parittañca appamāṇañca dhammaṃ paṭicca paritto dhammo uppajjati adhipatipaccayā – appamāṇe khandhe ca mahābhūte ca paṭicca cittasamuṭṭhānaṃ rūpaṃ. (1)

    പരിത്തഞ്ച മഹഗ്ഗതഞ്ച ധമ്മം പടിച്ച പരിത്തോ ധമ്മോ ഉപ്പജ്ജതി അധിപതിപച്ചയാ – മഹഗ്ഗതേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

    Parittañca mahaggatañca dhammaṃ paṭicca paritto dhammo uppajjati adhipatipaccayā – mahaggate khandhe ca mahābhūte ca paṭicca cittasamuṭṭhānaṃ rūpaṃ. (1)

    അനന്തരപച്ചയാദി

    Anantarapaccayādi

    ൮. പരിത്തം ധമ്മം പടിച്ച പരിത്തോ ധമ്മോ ഉപ്പജ്ജതി അനന്തരപച്ചയാ… സമനന്തരപച്ചയാ… സഹജാതപച്ചയാ (സബ്ബേപി മഹാഭൂതാ കാതബ്ബാ)… അഞ്ഞമഞ്ഞപച്ചയാ… നിസ്സയപച്ചയാ… ഉപനിസ്സയപച്ചയാ … പുരേജാതപച്ചയാ (തിസ്സോ പഞ്ഹാ കാതബ്ബാ)… ആസേവനപച്ചയാ (തിസ്സോ പഞ്ഹാ കാതബ്ബാ)… കമ്മപച്ചയാ… വിപാകപച്ചയാ (തേരസ പഞ്ഹാ)… ആഹാരപച്ചയാ… ഇന്ദ്രിയപച്ചയാ… ഝാനപച്ചയാ… മഗ്ഗപച്ചയാ,… സമ്പയുത്തപച്ചയാ… വിപ്പയുത്തപച്ചയാ… അത്ഥിപച്ചയാ… നത്ഥിപച്ചയാ… വിഗതപച്ചയാ… അവിഗതപച്ചയാ.

    8. Parittaṃ dhammaṃ paṭicca paritto dhammo uppajjati anantarapaccayā… samanantarapaccayā… sahajātapaccayā (sabbepi mahābhūtā kātabbā)… aññamaññapaccayā… nissayapaccayā… upanissayapaccayā … purejātapaccayā (tisso pañhā kātabbā)… āsevanapaccayā (tisso pañhā kātabbā)… kammapaccayā… vipākapaccayā (terasa pañhā)… āhārapaccayā… indriyapaccayā… jhānapaccayā… maggapaccayā,… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.

    ൧. പച്ചയാനുലോമം

    1. Paccayānulomaṃ

    ൨. സങ്ഖ്യാവാരോ

    2. Saṅkhyāvāro

    ൯. ഹേതുയാ തേരസ, ആരമ്മണേ പഞ്ച, അധിപതിയാ നവ, അനന്തരേ പഞ്ച, സമനന്തരേ പഞ്ച, സഹജാതേ തേരസ, അഞ്ഞമഞ്ഞേ സത്ത, നിസ്സയേ തേരസ, ഉപനിസ്സയേ പഞ്ച, പുരേജാതേ തീണി, ആസേവനേ തീണി, കമ്മേ തേരസ, വിപാകേ തേരസ, ആഹാരേ ഇന്ദ്രിയേ ഝാനേ മഗ്ഗേ തേരസ, സമ്പയുത്തേ പഞ്ച, വിപ്പയുത്തേ തേരസ, അത്ഥിയാ തേരസ, നത്ഥിയാ പഞ്ച, വിഗതേ പഞ്ച, അവിഗതേ തേരസ.

    9. Hetuyā terasa, ārammaṇe pañca, adhipatiyā nava, anantare pañca, samanantare pañca, sahajāte terasa, aññamaññe satta, nissaye terasa, upanissaye pañca, purejāte tīṇi, āsevane tīṇi, kamme terasa, vipāke terasa, āhāre indriye jhāne magge terasa, sampayutte pañca, vippayutte terasa, atthiyā terasa, natthiyā pañca, vigate pañca, avigate terasa.

    അനുലോമം.

    Anulomaṃ.

    ൨. പച്ചയപച്ചനീയം

    2. Paccayapaccanīyaṃ

    ൧. വിഭങ്ഗവാരോ

    1. Vibhaṅgavāro

    നഹേതുപച്ചയോ

    Nahetupaccayo

    ൧൦. പരിത്തം ധമ്മം പടിച്ച പരിത്തോ ധമ്മോ ഉപ്പജ്ജതി നഹേതുപച്ചയാ – അഹേതുകം പരിത്തം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ…പേ॰… അഹേതുകപടിസന്ധിക്ഖണേ…പേ॰… ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം…പേ॰… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം…പേ॰… വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

    10. Parittaṃ dhammaṃ paṭicca paritto dhammo uppajjati nahetupaccayā – ahetukaṃ parittaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paṭicca vatthu, vatthuṃ paṭicca khandhā; ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ…pe… vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    നആരമ്മണപച്ചയോ

    Naārammaṇapaccayo

    ൧൧. പരിത്തം ധമ്മം പടിച്ച പരിത്തോ ധമ്മോ ഉപ്പജ്ജതി നആരമ്മണപച്ചയാ – പരിത്തേ ഖന്ധേ പടിച്ച ചിത്തസമുട്ഠാനം രൂപം. പടിസന്ധിക്ഖണേ പരിത്തേ ഖന്ധേ പടിച്ച കടത്താരൂപം, ഖന്ധേ പടിച്ച വത്ഥു…പേ॰… ഏകം മഹാഭൂതം…പേ॰… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം…പേ॰…. (൧)

    11. Parittaṃ dhammaṃ paṭicca paritto dhammo uppajjati naārammaṇapaccayā – paritte khandhe paṭicca cittasamuṭṭhānaṃ rūpaṃ. Paṭisandhikkhaṇe paritte khandhe paṭicca kaṭattārūpaṃ, khandhe paṭicca vatthu…pe… ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ…pe…. (1)

    മഹഗ്ഗതം ധമ്മം പടിച്ച പരിത്തോ ധമ്മോ ഉപ്പജ്ജതി നആരമ്മണപച്ചയാ – മഹഗ്ഗതേ ഖന്ധേ പടിച്ച ചിത്തസമുട്ഠാനം രൂപം. പടിസന്ധിക്ഖണേ മഹഗ്ഗതേ ഖന്ധേ പടിച്ച കടത്താരൂപം. (൧)

    Mahaggataṃ dhammaṃ paṭicca paritto dhammo uppajjati naārammaṇapaccayā – mahaggate khandhe paṭicca cittasamuṭṭhānaṃ rūpaṃ. Paṭisandhikkhaṇe mahaggate khandhe paṭicca kaṭattārūpaṃ. (1)

    അപ്പമാണം ധമ്മം പടിച്ച പരിത്തോ ധമ്മോ ഉപ്പജ്ജതി നആരമ്മണപച്ചയാ – അപ്പമാണേ ഖന്ധേ പടിച്ച ചിത്തസമുട്ഠാനം രൂപം. (൧)

    Appamāṇaṃ dhammaṃ paṭicca paritto dhammo uppajjati naārammaṇapaccayā – appamāṇe khandhe paṭicca cittasamuṭṭhānaṃ rūpaṃ. (1)

    പരിത്തഞ്ച അപ്പമാണഞ്ച ധമ്മം പടിച്ച പരിത്തോ ധമ്മോ ഉപ്പജ്ജതി നആരമ്മണപച്ചയാ – അപ്പമാണേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

    Parittañca appamāṇañca dhammaṃ paṭicca paritto dhammo uppajjati naārammaṇapaccayā – appamāṇe khandhe ca mahābhūte ca paṭicca cittasamuṭṭhānaṃ rūpaṃ. (1)

    പരിത്തഞ്ച മഹഗ്ഗതഞ്ച ധമ്മം പടിച്ച പരിത്തോ ധമ്മോ ഉപ്പജ്ജതി നആരമ്മണപച്ചയാ – മഹഗ്ഗതേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. പടിസന്ധിക്ഖണേ മഹഗ്ഗതേ ഖന്ധേ ച മഹാഭൂതേ ച പടിച്ച കടത്താരൂപം. (൧)

    Parittañca mahaggatañca dhammaṃ paṭicca paritto dhammo uppajjati naārammaṇapaccayā – mahaggate khandhe ca mahābhūte ca paṭicca cittasamuṭṭhānaṃ rūpaṃ. Paṭisandhikkhaṇe mahaggate khandhe ca mahābhūte ca paṭicca kaṭattārūpaṃ. (1)

    നഅധിപതിപച്ചയോ

    Naadhipatipaccayo

    ൧൨. പരിത്തം ധമ്മം പടിച്ച പരിത്തോ ധമ്മോ ഉപ്പജ്ജതി നഅധിപതിപച്ചയാ – പരിത്തം ഏകം ഖന്ധം പടിച്ച തയോ ഖന്ധാ…പേ॰… പടിസന്ധിക്ഖണേ…പേ॰… ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം…പേ॰… അസഞ്ഞസത്താനം…പേ॰…. (൧)

    12. Parittaṃ dhammaṃ paṭicca paritto dhammo uppajjati naadhipatipaccayā – parittaṃ ekaṃ khandhaṃ paṭicca tayo khandhā…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā; ekaṃ mahābhūtaṃ…pe… asaññasattānaṃ…pe…. (1)

    പരിത്തം ധമ്മം പടിച്ച മഹഗ്ഗതോ ധമ്മോ ഉപ്പജ്ജതി നഅധിപതിപച്ചയാ – പടിസന്ധിക്ഖണേ വത്ഥും പടിച്ച മഹഗ്ഗതാ ഖന്ധാ. (൨)

    Parittaṃ dhammaṃ paṭicca mahaggato dhammo uppajjati naadhipatipaccayā – paṭisandhikkhaṇe vatthuṃ paṭicca mahaggatā khandhā. (2)

    പരിത്തം ധമ്മം പടിച്ച പരിത്തോ ച മഹഗ്ഗതോ ച ധമ്മാ ഉപ്പജ്ജന്തി നഅധിപതിപച്ചയാ – പടിസന്ധിക്ഖണേ വത്ഥും പടിച്ച മഹഗ്ഗതാ ഖന്ധാ, മഹാഭൂതേ പടിച്ച കടത്താരൂപം. (൩)

    Parittaṃ dhammaṃ paṭicca paritto ca mahaggato ca dhammā uppajjanti naadhipatipaccayā – paṭisandhikkhaṇe vatthuṃ paṭicca mahaggatā khandhā, mahābhūte paṭicca kaṭattārūpaṃ. (3)

    ൧൩. മഹഗ്ഗതം ധമ്മം പടിച്ച മഹഗ്ഗതോ ധമ്മോ ഉപ്പജ്ജതി നഅധിപതിപച്ചയാ – മഹഗ്ഗതേ ഖന്ധേ പടിച്ച മഹഗ്ഗതാധിപതി, വിപാകം മഹഗ്ഗതം ഏകം ഖന്ധം പടിച്ച…പേ॰… പടിസന്ധിക്ഖണേ…പേ॰…. (൧)

    13. Mahaggataṃ dhammaṃ paṭicca mahaggato dhammo uppajjati naadhipatipaccayā – mahaggate khandhe paṭicca mahaggatādhipati, vipākaṃ mahaggataṃ ekaṃ khandhaṃ paṭicca…pe… paṭisandhikkhaṇe…pe…. (1)

    മഹഗ്ഗതം ധമ്മം പടിച്ച പരിത്തോ ധമ്മോ ഉപ്പജ്ജതി നഅധിപതിപച്ചയാ – വിപാകേ മഹഗ്ഗതേ ഖന്ധേ പടിച്ച ചിത്തസമുട്ഠാനം രൂപം. പടിസന്ധിക്ഖണേ മഹഗ്ഗതേ ഖന്ധേ പടിച്ച കടത്താരൂപം. (൨)

    Mahaggataṃ dhammaṃ paṭicca paritto dhammo uppajjati naadhipatipaccayā – vipāke mahaggate khandhe paṭicca cittasamuṭṭhānaṃ rūpaṃ. Paṭisandhikkhaṇe mahaggate khandhe paṭicca kaṭattārūpaṃ. (2)

    മഹഗ്ഗതം ധമ്മം പടിച്ച പരിത്തോ ച മഹഗ്ഗതോ ച ധമ്മാ ഉപ്പജ്ജന്തി നഅധിപതിപച്ചയാ – വിപാകം മഹഗ്ഗതം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ…പേ॰… പടിസന്ധിക്ഖണേ…പേ॰…. (൩)

    Mahaggataṃ dhammaṃ paṭicca paritto ca mahaggato ca dhammā uppajjanti naadhipatipaccayā – vipākaṃ mahaggataṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe…. (3)

    ൧൪. അപ്പമാണം ധമ്മം പടിച്ച അപ്പമാണോ ധമ്മോ ഉപ്പജ്ജതി നഅധിപതിപച്ചയാ – അപ്പമാണേ ഖന്ധേ പടിച്ച അപ്പമാണാധിപതി. (൧)

    14. Appamāṇaṃ dhammaṃ paṭicca appamāṇo dhammo uppajjati naadhipatipaccayā – appamāṇe khandhe paṭicca appamāṇādhipati. (1)

    പരിത്തഞ്ച മഹഗ്ഗതഞ്ച ധമ്മം പടിച്ച പരിത്തോ ധമ്മോ ഉപ്പജ്ജതി നഅധിപതിപച്ചയാ – വിപാകേ മഹഗ്ഗതേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. പടിസന്ധിക്ഖണേ മഹഗ്ഗതേ ഖന്ധേ ച മഹാഭൂതേ ച പടിച്ച കടത്താരൂപം. (൧)

    Parittañca mahaggatañca dhammaṃ paṭicca paritto dhammo uppajjati naadhipatipaccayā – vipāke mahaggate khandhe ca mahābhūte ca paṭicca cittasamuṭṭhānaṃ rūpaṃ. Paṭisandhikkhaṇe mahaggate khandhe ca mahābhūte ca paṭicca kaṭattārūpaṃ. (1)

    പരിത്തഞ്ച മഹഗ്ഗതഞ്ച ധമ്മം പടിച്ച മഹഗ്ഗതോ ധമ്മോ ഉപ്പജ്ജതി നഅധിപതിപച്ചയാ – പടിസന്ധിക്ഖണേ മഹഗ്ഗതം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ॰… ദ്വേ ഖന്ധേ…പേ॰…. (൨)

    Parittañca mahaggatañca dhammaṃ paṭicca mahaggato dhammo uppajjati naadhipatipaccayā – paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā…pe… dve khandhe…pe…. (2)

    പരിത്തഞ്ച മഹഗ്ഗതഞ്ച ധമ്മം പടിച്ച പരിത്തോ ച മഹഗ്ഗതോ ച ധമ്മാ ഉപ്പജ്ജന്തി നഅധിപതിപച്ചയാ – പടിസന്ധിക്ഖണേ മഹഗ്ഗതം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ॰… ദ്വേ ഖന്ധേ…പേ॰… മഹഗ്ഗതേ ഖന്ധേ ച മഹാഭൂതേ ച പടിച്ച കടത്താരൂപം. (൩)

    Parittañca mahaggatañca dhammaṃ paṭicca paritto ca mahaggato ca dhammā uppajjanti naadhipatipaccayā – paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā…pe… dve khandhe…pe… mahaggate khandhe ca mahābhūte ca paṭicca kaṭattārūpaṃ. (3)

    നഅനന്തരപച്ചയാദി

    Naanantarapaccayādi

    ൧൫. പരിത്തം ധമ്മം പടിച്ച പരിത്തോ ധമ്മോ ഉപ്പജ്ജതി നഅനന്തരപച്ചയാ… നസമനന്തരപച്ചയാ… നഅഞ്ഞമഞ്ഞപച്ചയാ… നഉപനിസ്സയപച്ചയാ.

    15. Parittaṃ dhammaṃ paṭicca paritto dhammo uppajjati naanantarapaccayā… nasamanantarapaccayā… naaññamaññapaccayā… naupanissayapaccayā.

    നപുരേജാതപച്ചയോ

    Napurejātapaccayo

    ൧൬. പരിത്തം ധമ്മം പടിച്ച പരിത്തോ ധമ്മോ ഉപ്പജ്ജതി നപുരേജാതപച്ചയാ – അരൂപേ പരിത്തം ഏകം ഖന്ധം പടിച്ച തയോ ഖന്ധാ…പേ॰… ദ്വേ ഖന്ധേ…പേ॰… പരിത്തേ ഖന്ധേ പടിച്ച ചിത്തസമുട്ഠാനം രൂപം. പടിസന്ധിക്ഖണേ പരിത്തം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ॰… ദ്വേ ഖന്ധേ…പേ॰… (സബ്ബേ മഹാഭൂതാ വിത്ഥാരേതബ്ബാ, അരൂപേ പരിത്തമൂലകേ തിസ്സോ പഞ്ഹാ).

    16. Parittaṃ dhammaṃ paṭicca paritto dhammo uppajjati napurejātapaccayā – arūpe parittaṃ ekaṃ khandhaṃ paṭicca tayo khandhā…pe… dve khandhe…pe… paritte khandhe paṭicca cittasamuṭṭhānaṃ rūpaṃ. Paṭisandhikkhaṇe parittaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… (sabbe mahābhūtā vitthāretabbā, arūpe parittamūlake tisso pañhā).

    മഹഗ്ഗതം ധമ്മം പടിച്ച മഹഗ്ഗതോ ധമ്മോ ഉപ്പജ്ജതി നപുരേജാതപച്ചയാ – മഹഗ്ഗതം ഏകം ഖന്ധം…പേ॰… പടിസന്ധിക്ഖണേ…പേ॰…. (൧)

    Mahaggataṃ dhammaṃ paṭicca mahaggato dhammo uppajjati napurejātapaccayā – mahaggataṃ ekaṃ khandhaṃ…pe… paṭisandhikkhaṇe…pe…. (1)

    മഹഗ്ഗതം ധമ്മം പടിച്ച പരിത്തോ ധമ്മോ ഉപ്പജ്ജതി നപുരേജാതപച്ചയാ – മഹഗ്ഗതേ ഖന്ധേ പടിച്ച ചിത്തസമുട്ഠാനം രൂപം. പടിസന്ധിക്ഖണേ മഹഗ്ഗതേ ഖന്ധേ പടിച്ച കടത്താരൂപം. (൨)

    Mahaggataṃ dhammaṃ paṭicca paritto dhammo uppajjati napurejātapaccayā – mahaggate khandhe paṭicca cittasamuṭṭhānaṃ rūpaṃ. Paṭisandhikkhaṇe mahaggate khandhe paṭicca kaṭattārūpaṃ. (2)

    മഹഗ്ഗതം ധമ്മം പടിച്ച പരിത്തോ ച മഹഗ്ഗതോ ച ധമ്മാ ഉപ്പജ്ജന്തി നപുരേജാതപച്ചയാ – പടിസന്ധിക്ഖണേ മഹഗ്ഗതം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ॰… ദ്വേ ഖന്ധേ…പേ॰…. (൩)

    Mahaggataṃ dhammaṃ paṭicca paritto ca mahaggato ca dhammā uppajjanti napurejātapaccayā – paṭisandhikkhaṇe mahaggataṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe…. (3)

    ൧൭. അപ്പമാണം ധമ്മം പടിച്ച അപ്പമാണോ ധമ്മോ ഉപ്പജ്ജതി നപുരേജാതപച്ചയാ – അരൂപേ അപ്പമാണം ഏകം ഖന്ധം…പേ॰…. (൧)

    17. Appamāṇaṃ dhammaṃ paṭicca appamāṇo dhammo uppajjati napurejātapaccayā – arūpe appamāṇaṃ ekaṃ khandhaṃ…pe…. (1)

    അപ്പമാണം ധമ്മം പടിച്ച പരിത്തോ ധമ്മോ ഉപ്പജ്ജതി നപുരേജാതപച്ചയാ – അപ്പമാണേ ഖന്ധേ പടിച്ച ചിത്തസമുട്ഠാനം രൂപം.(൨)

    Appamāṇaṃ dhammaṃ paṭicca paritto dhammo uppajjati napurejātapaccayā – appamāṇe khandhe paṭicca cittasamuṭṭhānaṃ rūpaṃ.(2)

    പരിത്തഞ്ച അപ്പമാണഞ്ച ധമ്മം പടിച്ച പരിത്തോ ധമ്മോ ഉപ്പജ്ജതി നപുരേജാതപച്ചയാ – അപ്പമാണേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൩)

    Parittañca appamāṇañca dhammaṃ paṭicca paritto dhammo uppajjati napurejātapaccayā – appamāṇe khandhe ca mahābhūte ca paṭicca cittasamuṭṭhānaṃ rūpaṃ. (3)

    പരിത്തഞ്ച മഹഗ്ഗതഞ്ച ധമ്മം പടിച്ച പരിത്തോ ധമ്മോ ഉപ്പജ്ജതി നപുരേജാതപച്ചയാ – മഹഗ്ഗതേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. പടിസന്ധിക്ഖണേ…പേ॰…. (൧)

    Parittañca mahaggatañca dhammaṃ paṭicca paritto dhammo uppajjati napurejātapaccayā – mahaggate khandhe ca mahābhūte ca paṭicca cittasamuṭṭhānaṃ rūpaṃ. Paṭisandhikkhaṇe…pe…. (1)

    പരിത്തഞ്ച മഹഗ്ഗതഞ്ച ധമ്മം പടിച്ച മഹഗ്ഗതോ ധമ്മോ ഉപ്പജ്ജതി നപുരേജാതപച്ചയാ – പടിസന്ധിക്ഖണേ മഹഗ്ഗതം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ॰…. (൨)

    Parittañca mahaggatañca dhammaṃ paṭicca mahaggato dhammo uppajjati napurejātapaccayā – paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā…pe…. (2)

    പരിത്തഞ്ച മഹഗ്ഗതഞ്ച ധമ്മം പടിച്ച പരിത്തോ ച മഹഗ്ഗതോ ച ധമ്മാ ഉപ്പജ്ജന്തി നപുരേജാതപച്ചയാ – പടിസന്ധിക്ഖണേ മഹഗ്ഗതം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ॰… ദ്വേ ഖന്ധേ…പേ॰… മഹഗ്ഗതേ ഖന്ധേ ച മഹാഭൂതേ ച പടിച്ച കടത്താരൂപം. (൩)

    Parittañca mahaggatañca dhammaṃ paṭicca paritto ca mahaggato ca dhammā uppajjanti napurejātapaccayā – paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā…pe… dve khandhe…pe… mahaggate khandhe ca mahābhūte ca paṭicca kaṭattārūpaṃ. (3)

    നപച്ഛാജാതപച്ചയാദി

    Napacchājātapaccayādi

    ൧൮. പരിത്തം ധമ്മം പടിച്ച പരിത്തോ ധമ്മോ ഉപ്പജ്ജതി നപച്ഛാജാതപച്ചയാ… നആസേവനപച്ചയാ – പരിത്തം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ…പേ॰… പടിസന്ധിക്ഖണേ…പേ॰… ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം…പേ॰… അസഞ്ഞസത്താനം ഏകം മഹാഭൂതം…പേ॰….(൧)

    18. Parittaṃ dhammaṃ paṭicca paritto dhammo uppajjati napacchājātapaccayā… naāsevanapaccayā – parittaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā; ekaṃ mahābhūtaṃ…pe… asaññasattānaṃ ekaṃ mahābhūtaṃ…pe….(1)

    പരിത്തം ധമ്മം പടിച്ച മഹഗ്ഗതോ ധമ്മോ ഉപ്പജ്ജതി നആസേവനപച്ചയാ – പടിസന്ധിക്ഖണേ വത്ഥും പടിച്ച മഹഗ്ഗതാ ഖന്ധാ. (൨)

    Parittaṃ dhammaṃ paṭicca mahaggato dhammo uppajjati naāsevanapaccayā – paṭisandhikkhaṇe vatthuṃ paṭicca mahaggatā khandhā. (2)

    പരിത്തം ധമ്മം പടിച്ച പരിത്തോ ച മഹഗ്ഗതോ ച ധമ്മാ ഉപ്പജ്ജന്തി നആസേവനപച്ചയാ – പടിസന്ധിക്ഖണേ വത്ഥും പടിച്ച മഹഗ്ഗതാ ഖന്ധാ, മഹാഭൂതേ പടിച്ച കടത്താരൂപം. (൩)

    Parittaṃ dhammaṃ paṭicca paritto ca mahaggato ca dhammā uppajjanti naāsevanapaccayā – paṭisandhikkhaṇe vatthuṃ paṭicca mahaggatā khandhā, mahābhūte paṭicca kaṭattārūpaṃ. (3)

    ൧൯. മഹഗ്ഗതം ധമ്മം പടിച്ച മഹഗ്ഗതോ ധമ്മോ ഉപ്പജ്ജതി നആസേവനപച്ചയാ – വിപാകം മഹഗ്ഗതം ഏകം ഖന്ധം പടിച്ച തയോ ഖന്ധാ…പേ॰… ദ്വേ ഖന്ധേ…പേ॰… പടിസന്ധിക്ഖണേ മഹഗ്ഗതം ഏകം ഖന്ധം പടിച്ച തയോ ഖന്ധാ…പേ॰…. (൧) മഹഗ്ഗതം ധമ്മം പടിച്ച പരിത്തോ ധമ്മോ ഉപ്പജ്ജതി നആസേവനപച്ചയാ – മഹഗ്ഗതേ ഖന്ധേ പടിച്ച ചിത്തസമുട്ഠാനം രൂപം. പടിസന്ധിക്ഖണേ…പേ॰…. (൨)

    19. Mahaggataṃ dhammaṃ paṭicca mahaggato dhammo uppajjati naāsevanapaccayā – vipākaṃ mahaggataṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe mahaggataṃ ekaṃ khandhaṃ paṭicca tayo khandhā…pe…. (1) Mahaggataṃ dhammaṃ paṭicca paritto dhammo uppajjati naāsevanapaccayā – mahaggate khandhe paṭicca cittasamuṭṭhānaṃ rūpaṃ. Paṭisandhikkhaṇe…pe…. (2)

    മഹഗ്ഗതം ധമ്മം പടിച്ച പരിത്തോ ച മഹഗ്ഗതോ ച ധമ്മാ ഉപ്പജ്ജന്തി നആസേവനപച്ചയാ – വിപാകം മഹഗ്ഗതം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ…പേ॰… പടിസന്ധിക്ഖണേ മഹഗ്ഗതം ഏകം ഖന്ധം…പേ॰…. (൩)

    Mahaggataṃ dhammaṃ paṭicca paritto ca mahaggato ca dhammā uppajjanti naāsevanapaccayā – vipākaṃ mahaggataṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe mahaggataṃ ekaṃ khandhaṃ…pe…. (3)

    ൨൦. അപ്പമാണം ധമ്മം പടിച്ച അപ്പമാണോ ധമ്മോ ഉപ്പജ്ജതി നആസേവനപച്ചയാ – വിപാകം അപ്പമാണം ഏകം ഖന്ധം പടിച്ച തയോ ഖന്ധാ…പേ॰… ദ്വേ ഖന്ധേ പടിച്ച ദ്വേ ഖന്ധാ. (൧)

    20. Appamāṇaṃ dhammaṃ paṭicca appamāṇo dhammo uppajjati naāsevanapaccayā – vipākaṃ appamāṇaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)

    അപ്പമാണം ധമ്മം പടിച്ച പരിത്തോ ധമ്മോ ഉപ്പജ്ജതി നആസേവനപച്ചയാ – അപ്പമാണേ ഖന്ധേ പടിച്ച ചിത്തസമുട്ഠാനം രൂപം. (൨)

    Appamāṇaṃ dhammaṃ paṭicca paritto dhammo uppajjati naāsevanapaccayā – appamāṇe khandhe paṭicca cittasamuṭṭhānaṃ rūpaṃ. (2)

    അപ്പമാണം ധമ്മം പടിച്ച പരിത്തോ ച അപ്പമാണോ ച ധമ്മാ ഉപ്പജ്ജന്തി നആസേവനപച്ചയാ – വിപാകം അപ്പമാണം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ॰…. (൩)

    Appamāṇaṃ dhammaṃ paṭicca paritto ca appamāṇo ca dhammā uppajjanti naāsevanapaccayā – vipākaṃ appamāṇaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe…. (3)

    ൨൧. പരിത്തഞ്ച അപ്പമാണഞ്ച ധമ്മം പടിച്ച പരിത്തോ ധമ്മോ ഉപ്പജ്ജതി നആസേവനപച്ചയാ – അപ്പമാണേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

    21. Parittañca appamāṇañca dhammaṃ paṭicca paritto dhammo uppajjati naāsevanapaccayā – appamāṇe khandhe ca mahābhūte ca paṭicca cittasamuṭṭhānaṃ rūpaṃ. (1)

    പരിത്തഞ്ച മഹഗ്ഗതഞ്ച ധമ്മം പടിച്ച പരിത്തോ ധമ്മോ ഉപ്പജ്ജതി നആസേവനപച്ചയാ – മഹഗ്ഗതേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. പടിസന്ധിക്ഖണേ മഹഗ്ഗതേ ഖന്ധേ ച മഹാഭൂതേ ച പടിച്ച കടത്താരൂപം. (൧)

    Parittañca mahaggatañca dhammaṃ paṭicca paritto dhammo uppajjati naāsevanapaccayā – mahaggate khandhe ca mahābhūte ca paṭicca cittasamuṭṭhānaṃ rūpaṃ. Paṭisandhikkhaṇe mahaggate khandhe ca mahābhūte ca paṭicca kaṭattārūpaṃ. (1)

    പരിത്തഞ്ച മഹഗ്ഗതഞ്ച ധമ്മം പടിച്ച മഹഗ്ഗതോ ധമ്മോ ഉപ്പജ്ജതി നആസേവനപച്ചയാ – പടിസന്ധിക്ഖണേ മഹഗ്ഗതം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ॰… ദ്വേ ഖന്ധേ…പേ॰…. (൨)

    Parittañca mahaggatañca dhammaṃ paṭicca mahaggato dhammo uppajjati naāsevanapaccayā – paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā…pe… dve khandhe…pe…. (2)

    പരിത്തഞ്ച മഹഗ്ഗതഞ്ച ധമ്മം പടിച്ച പരിത്തോ ച മഹഗ്ഗതോ ച ധമ്മാ ഉപ്പജ്ജന്തി നആസേവനപച്ചയാ – പടിസന്ധിക്ഖണേ മഹഗ്ഗതം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ॰… ദ്വേ ഖന്ധേ…പേ॰… മഹഗ്ഗതേ ഖന്ധേ ച മഹാഭൂതേ ച പടിച്ച കടത്താരൂപം. (൩)

    Parittañca mahaggatañca dhammaṃ paṭicca paritto ca mahaggato ca dhammā uppajjanti naāsevanapaccayā – paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā…pe… dve khandhe…pe… mahaggate khandhe ca mahābhūte ca paṭicca kaṭattārūpaṃ. (3)

    നകമ്മപച്ചയോ

    Nakammapaccayo

    ൨൨. പരിത്തം ധമ്മം പടിച്ച പരിത്തോ ധമ്മോ ഉപ്പജ്ജതി നകമ്മപച്ചയാ – പരിത്തേ ഖന്ധേ പടിച്ച പരിത്താ ചേതനാ. ബാഹിരം… ആഹാരസമുട്ഠാനം… ഉതുസമുട്ഠാനം… ഏകം മഹാഭൂതം…പേ॰…. (൧)

    22. Parittaṃ dhammaṃ paṭicca paritto dhammo uppajjati nakammapaccayā – paritte khandhe paṭicca parittā cetanā. Bāhiraṃ… āhārasamuṭṭhānaṃ… utusamuṭṭhānaṃ… ekaṃ mahābhūtaṃ…pe…. (1)

    മഹഗ്ഗതം ധമ്മം പടിച്ച മഹഗ്ഗതോ ധമ്മോ ഉപ്പജ്ജതി നകമ്മപച്ചയാ – മഹഗ്ഗതേ ഖന്ധേ പടിച്ച മഹഗ്ഗതാ ചേതനാ. (൧)

    Mahaggataṃ dhammaṃ paṭicca mahaggato dhammo uppajjati nakammapaccayā – mahaggate khandhe paṭicca mahaggatā cetanā. (1)

    അപ്പമാണം ധമ്മം പടിച്ച അപ്പമാണോ ധമ്മോ ഉപ്പജ്ജതി നകമ്മപച്ചയാ – കുസലേ അപ്പമാണേ ഖന്ധേ പടിച്ച അപ്പമാണാ ചേതനാ. (൧)

    Appamāṇaṃ dhammaṃ paṭicca appamāṇo dhammo uppajjati nakammapaccayā – kusale appamāṇe khandhe paṭicca appamāṇā cetanā. (1)

    നവിപാകപച്ചയോ

    Navipākapaccayo

    ൨൩. പരിത്തം ധമ്മം പടിച്ച പരിത്തോ ധമ്മോ ഉപ്പജ്ജതി നവിപാകപച്ചയാ – പരിത്തം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ…പേ॰… ഏകം മഹാഭൂതം പടിച്ച തയോ മഹാഭൂതാ…പേ॰… മഹാഭൂതേ പടിച്ച ചിത്തസമുട്ഠാനം രൂപം ഉപാദാരൂപം; ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം…പേ॰…. (൧)

    23. Parittaṃ dhammaṃ paṭicca paritto dhammo uppajjati navipākapaccayā – parittaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ekaṃ mahābhūtaṃ paṭicca tayo mahābhūtā…pe… mahābhūte paṭicca cittasamuṭṭhānaṃ rūpaṃ upādārūpaṃ; bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ…pe…. (1)

    മഹഗ്ഗതം ധമ്മം പടിച്ച മഹഗ്ഗതോ ധമ്മോ ഉപ്പജ്ജതി നവിപാകപച്ചയാ – മഹഗ്ഗതം ഏകം ഖന്ധം പടിച്ച തയോ ഖന്ധാ…പേ॰… ദ്വേ ഖന്ധേ…പേ॰…. (൧)

    Mahaggataṃ dhammaṃ paṭicca mahaggato dhammo uppajjati navipākapaccayā – mahaggataṃ ekaṃ khandhaṃ paṭicca tayo khandhā…pe… dve khandhe…pe…. (1)

    മഹഗ്ഗതം ധമ്മം പടിച്ച പരിത്തോ ധമ്മോ ഉപ്പജ്ജതി നവിപാകപച്ചയാ – മഹഗ്ഗതേ ഖന്ധേ പടിച്ച ചിത്തസമുട്ഠാനം രൂപം. (൨)

    Mahaggataṃ dhammaṃ paṭicca paritto dhammo uppajjati navipākapaccayā – mahaggate khandhe paṭicca cittasamuṭṭhānaṃ rūpaṃ. (2)

    മഹഗ്ഗതം ധമ്മം പടിച്ച പരിത്തോ ച മഹഗ്ഗതോ ച ധമ്മാ ഉപ്പജ്ജന്തി നവിപാകപച്ചയാ – മഹഗ്ഗതം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ…പേ॰…. (൩)

    Mahaggataṃ dhammaṃ paṭicca paritto ca mahaggato ca dhammā uppajjanti navipākapaccayā – mahaggataṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    അപ്പമാണം ധമ്മം പടിച്ച അപ്പമാണോ ധമ്മോ ഉപ്പജ്ജതി നവിപാകപച്ചയാ – കുസലം അപ്പമാണം ഏകം ഖന്ധം പടിച്ച തയോ ഖന്ധാ…പേ॰…. (൧)

    Appamāṇaṃ dhammaṃ paṭicca appamāṇo dhammo uppajjati navipākapaccayā – kusalaṃ appamāṇaṃ ekaṃ khandhaṃ paṭicca tayo khandhā…pe…. (1)

    അപ്പമാണം ധമ്മം പടിച്ച പരിത്തോ ധമ്മോ ഉപ്പജ്ജതി നവിപാകപച്ചയാ – കുസലേ അപ്പമാണേ ഖന്ധേ പടിച്ച ചിത്തസമുട്ഠാനം രൂപം. (൨)

    Appamāṇaṃ dhammaṃ paṭicca paritto dhammo uppajjati navipākapaccayā – kusale appamāṇe khandhe paṭicca cittasamuṭṭhānaṃ rūpaṃ. (2)

    അപ്പമാണം ധമ്മം പടിച്ച പരിത്തോ ച അപ്പമാണോ ച ധമ്മാ ഉപ്പജ്ജന്തി നവിപാകപച്ചയാ – കുസലം അപ്പമാണം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ…പേ॰…. (൩)

    Appamāṇaṃ dhammaṃ paṭicca paritto ca appamāṇo ca dhammā uppajjanti navipākapaccayā – kusalaṃ appamāṇaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    പരിത്തഞ്ച അപ്പമാണഞ്ച ധമ്മം പടിച്ച പരിത്തോ ധമ്മോ ഉപ്പജ്ജതി നവിപാകപച്ചയാ – കുസലേ അപ്പമാണേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

    Parittañca appamāṇañca dhammaṃ paṭicca paritto dhammo uppajjati navipākapaccayā – kusale appamāṇe khandhe ca mahābhūte ca paṭicca cittasamuṭṭhānaṃ rūpaṃ. (1)

    പരിത്തഞ്ച മഹഗ്ഗതഞ്ച ധമ്മം പടിച്ച പരിത്തോ ധമ്മോ ഉപ്പജ്ജതി നവിപാകപച്ചയാ – മഹഗ്ഗതേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

    Parittañca mahaggatañca dhammaṃ paṭicca paritto dhammo uppajjati navipākapaccayā – mahaggate khandhe ca mahābhūte ca paṭicca cittasamuṭṭhānaṃ rūpaṃ. (1)

    നആഹാരപച്ചയാദി

    Naāhārapaccayādi

    ൨൪. പരിത്തം ധമ്മം പടിച്ച പരിത്തോ ധമ്മോ ഉപ്പജ്ജതി നആഹാരപച്ചയാ – ബാഹിരം… ഉതുസമുട്ഠാനം… അസഞ്ഞസത്താനം (വിത്ഥാരേതബ്ബം)… നഇന്ദ്രിയപച്ചയാ – ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ॰… മഹാഭൂതേ പടിച്ച രൂപജീവിതിന്ദ്രിയം, നഝാനപച്ചയാ – പഞ്ചവിഞ്ഞാണസഹഗതം ഏകം ഖന്ധം…പേ॰… ബാഹിരം…പേ॰… അസഞ്ഞസത്താനം ഏകം മഹാഭൂതം …പേ॰… (സബ്ബേ മഹാഭൂതാ കാതബ്ബാ), നമഗ്ഗപച്ചയാ – അഹേതുകം പരിത്തം ഏകം ഖന്ധം…പേ॰… അഹേതുകപടിസന്ധിക്ഖണേ ഏകം…പേ॰… (സബ്ബേ മഹാഭൂതാ കാതബ്ബാ) നസമ്പയുത്തപച്ചയാ… നവിപ്പയുത്തപച്ചയാ – അരൂപേ പരിത്തം ഏകം ഖന്ധം പടിച്ച തയോ ഖന്ധാ…പേ॰… ദ്വേ ഖന്ധേ…പേ॰… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ॰….

    24. Parittaṃ dhammaṃ paṭicca paritto dhammo uppajjati naāhārapaccayā – bāhiraṃ… utusamuṭṭhānaṃ… asaññasattānaṃ (vitthāretabbaṃ)… naindriyapaccayā – bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… mahābhūte paṭicca rūpajīvitindriyaṃ, najhānapaccayā – pañcaviññāṇasahagataṃ ekaṃ khandhaṃ…pe… bāhiraṃ…pe… asaññasattānaṃ ekaṃ mahābhūtaṃ …pe… (sabbe mahābhūtā kātabbā), namaggapaccayā – ahetukaṃ parittaṃ ekaṃ khandhaṃ…pe… ahetukapaṭisandhikkhaṇe ekaṃ…pe… (sabbe mahābhūtā kātabbā) nasampayuttapaccayā… navippayuttapaccayā – arūpe parittaṃ ekaṃ khandhaṃ paṭicca tayo khandhā…pe… dve khandhe…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe….

    മഹഗ്ഗതം ധമ്മം പടിച്ച മഹഗ്ഗതോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ മഹഗ്ഗതം ഏകം ഖന്ധം…പേ॰…. (൧)

    Mahaggataṃ dhammaṃ paṭicca mahaggato dhammo uppajjati navippayuttapaccayā – arūpe mahaggataṃ ekaṃ khandhaṃ…pe…. (1)

    അപ്പമാണം ധമ്മം പടിച്ച അപ്പമാണോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ അപ്പമാണം ഏകം ഖന്ധം…പേ॰… നോനത്ഥിപച്ചയാ… നോവിഗതപച്ചയാ.

    Appamāṇaṃ dhammaṃ paṭicca appamāṇo dhammo uppajjati navippayuttapaccayā – arūpe appamāṇaṃ ekaṃ khandhaṃ…pe… nonatthipaccayā… novigatapaccayā.

    ൨. പച്ചയപച്ചനീയം

    2. Paccayapaccanīyaṃ

    ൨. സങ്ഖ്യാവാരോ

    2. Saṅkhyāvāro

    ൨൫. നഹേതുയാ ഏകം, നആരമ്മണേ പഞ്ച, നഅധിപതിയാ ദസ, നഅനന്തരേ പഞ്ച, നസമനന്തരേ പഞ്ച, നഅഞ്ഞമഞ്ഞേ നഉപനിസ്സയേ പഞ്ച, നപുരേജാതേ ദ്വാദസ, നപച്ഛാജാതേ തേരസ, നആസേവനേ തേരസ, നകമ്മേ തീണി, നവിപാകേ നവ, നആഹാരേ ഏകം, നഇന്ദ്രിയേ നഝാനേ നമഗ്ഗേ ഏകം, നസമ്പയുത്തേ പഞ്ച, നവിപ്പയുത്തേ തീണി, നോനത്ഥിയാ പഞ്ച, നോവിഗതേ പഞ്ച (ഏവം ഗണേതബ്ബം).

    25. Nahetuyā ekaṃ, naārammaṇe pañca, naadhipatiyā dasa, naanantare pañca, nasamanantare pañca, naaññamaññe naupanissaye pañca, napurejāte dvādasa, napacchājāte terasa, naāsevane terasa, nakamme tīṇi, navipāke nava, naāhāre ekaṃ, naindriye najhāne namagge ekaṃ, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    പച്ചനീയം.

    Paccanīyaṃ.

    ൩. പച്ചയാനുലോമപച്ചനീയം

    3. Paccayānulomapaccanīyaṃ

    ൨൬. ഹേതുപച്ചയാ നആരമ്മണേ പഞ്ച, നഅധിപതിയാ ദസ, നഅനന്തരേ പഞ്ച, നസമനന്തരേ നഅഞ്ഞമഞ്ഞേ നഉപനിസ്സയേ പഞ്ച, നപുരേജാതേ ദ്വാദസ, നപച്ഛാജാതേ തേരസ, നആസേവനേ തേരസ, നകമ്മേ തീണി, നവിപാകേ നവ, നസമ്പയുത്തേ പഞ്ച, നവിപ്പയുത്തേ തീണി, നോനത്ഥിയാ പഞ്ച, നോവിഗതേ പഞ്ച (ഏവം ഗണേതബ്ബം).

    26. Hetupaccayā naārammaṇe pañca, naadhipatiyā dasa, naanantare pañca, nasamanantare naaññamaññe naupanissaye pañca, napurejāte dvādasa, napacchājāte terasa, naāsevane terasa, nakamme tīṇi, navipāke nava, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    അനുലോമപച്ചനീയം.

    Anulomapaccanīyaṃ.

    ൪. പച്ചയപച്ചനീയാനുലോമം

    4. Paccayapaccanīyānulomaṃ

    ൨൭. നഹേതുപച്ചയാ ആരമ്മണേ ഏകം, അനന്തരേ ഏകം…പേ॰… വിഗതേ ഏകം, അവിഗതേ ഏകം (ഏവം ഗണേതബ്ബം).

    27. Nahetupaccayā ārammaṇe ekaṃ, anantare ekaṃ…pe… vigate ekaṃ, avigate ekaṃ (evaṃ gaṇetabbaṃ).

    പച്ചനീയാനുലോമം.

    Paccanīyānulomaṃ.

    പടിച്ചവാരോ.

    Paṭiccavāro.

    ൨. സഹജാതവാരോ

    2. Sahajātavāro

    (സഹജാതവാരോപി പടിച്ചവാരസദിസോ.)

    (Sahajātavāropi paṭiccavārasadiso.)

    ൩. പച്ചയവാരോ

    3. Paccayavāro

    ൧. പച്ചയാനുലോമം

    1. Paccayānulomaṃ

    ൧. വിഭങ്ഗവാരോ

    1. Vibhaṅgavāro

    ഹേതുപച്ചയോ

    Hetupaccayo

    ൨൮. പരിത്തം ധമ്മം പച്ചയാ പരിത്തോ ധമ്മോ ഉപ്പജ്ജതി ഹേതുപച്ചയാ – പരിത്തം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ…പേ॰… പടിസന്ധിക്ഖണേ…പേ॰… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ; ഏകം മഹാഭൂതം പച്ചയാ…പേ॰… ഉപാദാരൂപം, വത്ഥും പച്ചയാ പരിത്താ ഖന്ധാ. (൧)

    28. Parittaṃ dhammaṃ paccayā paritto dhammo uppajjati hetupaccayā – parittaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paccayā vatthu, vatthuṃ paccayā khandhā; ekaṃ mahābhūtaṃ paccayā…pe… upādārūpaṃ, vatthuṃ paccayā parittā khandhā. (1)

    പരിത്തം ധമ്മം പച്ചയാ മഹഗ്ഗതോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ മഹഗ്ഗതാ ഖന്ധാ. പടിസന്ധിക്ഖണേ വത്ഥും പച്ചയാ മഹഗ്ഗതാ ഖന്ധാ. (൨)

    Parittaṃ dhammaṃ paccayā mahaggato dhammo uppajjati hetupaccayā – vatthuṃ paccayā mahaggatā khandhā. Paṭisandhikkhaṇe vatthuṃ paccayā mahaggatā khandhā. (2)

    പരിത്തം ധമ്മം പച്ചയാ അപ്പമാണോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ അപ്പമാണാ ഖന്ധാ. (൩)

    Parittaṃ dhammaṃ paccayā appamāṇo dhammo uppajjati hetupaccayā – vatthuṃ paccayā appamāṇā khandhā. (3)

    പരിത്തം ധമ്മം പച്ചയാ പരിത്തോ ച അപ്പമാണോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ അപ്പമാണാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം. (൪)

    Parittaṃ dhammaṃ paccayā paritto ca appamāṇo ca dhammā uppajjanti hetupaccayā – vatthuṃ paccayā appamāṇā khandhā, mahābhūte paccayā cittasamuṭṭhānaṃ rūpaṃ. (4)

    പരിത്തം ധമ്മം പച്ചയാ പരിത്തോ ച മഹഗ്ഗതോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ മഹഗ്ഗതാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം. പടിസന്ധിക്ഖണേ വത്ഥും പച്ചയാ മഹഗ്ഗതാ ഖന്ധാ. (൫)

    Parittaṃ dhammaṃ paccayā paritto ca mahaggato ca dhammā uppajjanti hetupaccayā – vatthuṃ paccayā mahaggatā khandhā, mahābhūte paccayā cittasamuṭṭhānaṃ rūpaṃ. Paṭisandhikkhaṇe vatthuṃ paccayā mahaggatā khandhā. (5)

    ൨൯. മഹഗ്ഗതം ധമ്മം പച്ചയാ മഹഗ്ഗതോ ധമ്മോ ഉപ്പജ്ജതി ഹേതുപച്ചയാ – മഹഗ്ഗതം ഏകം ഖന്ധം പച്ചയാ തയോ ഖന്ധാ…പേ॰… പടിസന്ധിക്ഖണേ മഹഗ്ഗതം ഏകം ഖന്ധം…പേ॰…. (൧)

    29. Mahaggataṃ dhammaṃ paccayā mahaggato dhammo uppajjati hetupaccayā – mahaggataṃ ekaṃ khandhaṃ paccayā tayo khandhā…pe… paṭisandhikkhaṇe mahaggataṃ ekaṃ khandhaṃ…pe…. (1)

    മഹഗ്ഗതം ധമ്മം പച്ചയാ പരിത്തോ ധമ്മോ ഉപ്പജ്ജതി ഹേതുപച്ചയാ – മഹഗ്ഗതേ ഖന്ധേ പച്ചയാ ചിത്തസമുട്ഠാനം രൂപം. പടിസന്ധിക്ഖണേ…പേ॰…. (൨)

    Mahaggataṃ dhammaṃ paccayā paritto dhammo uppajjati hetupaccayā – mahaggate khandhe paccayā cittasamuṭṭhānaṃ rūpaṃ. Paṭisandhikkhaṇe…pe…. (2)

    മഹഗ്ഗതം ധമ്മം പച്ചയാ പരിത്തോ ച മഹഗ്ഗതോ ച ധമ്മാ ഉപ്പജ്ജന്തി ഹേതുപച്ചയാ – മഹഗ്ഗതം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ…പേ॰… പടിസന്ധിക്ഖണേ മഹഗ്ഗതം ഏകം ഖന്ധം…പേ॰…. (൩)

    Mahaggataṃ dhammaṃ paccayā paritto ca mahaggato ca dhammā uppajjanti hetupaccayā – mahaggataṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe mahaggataṃ ekaṃ khandhaṃ…pe…. (3)

    അപ്പമാണം ധമ്മം പച്ചയാ അപ്പമാണോ ധമ്മോ ഉപ്പജ്ജതി ഹേതുപച്ചയാ – അപ്പമാണേ… തീണി.

    Appamāṇaṃ dhammaṃ paccayā appamāṇo dhammo uppajjati hetupaccayā – appamāṇe… tīṇi.

    ൩൦. പരിത്തഞ്ച അപ്പമാണഞ്ച ധമ്മം പച്ചയാ പരിത്തോ ധമ്മോ ഉപ്പജ്ജതി ഹേതുപച്ചയാ – അപ്പമാണേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൧)

    30. Parittañca appamāṇañca dhammaṃ paccayā paritto dhammo uppajjati hetupaccayā – appamāṇe khandhe ca mahābhūte ca paccayā cittasamuṭṭhānaṃ rūpaṃ. (1)

    പരിത്തഞ്ച അപ്പമാണഞ്ച ധമ്മം പച്ചയാ അപ്പമാണോ ധമ്മോ ഉപ്പജ്ജതി ഹേതുപച്ചയാ – അപ്പമാണം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ॰…. (൨)

    Parittañca appamāṇañca dhammaṃ paccayā appamāṇo dhammo uppajjati hetupaccayā – appamāṇaṃ ekaṃ khandhañca vatthuñca paccayā tayo khandhā…pe…. (2)

    പരിത്തഞ്ച അപ്പമാണഞ്ച ധമ്മം പച്ചയാ പരിത്തോ ച അപ്പമാണോ ച ധമ്മാ ഉപ്പജ്ജന്തി ഹേതുപച്ചയാ – അപ്പമാണം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ॰… ദ്വേ ഖന്ധേ…പേ॰… അപ്പമാണേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൩)

    Parittañca appamāṇañca dhammaṃ paccayā paritto ca appamāṇo ca dhammā uppajjanti hetupaccayā – appamāṇaṃ ekaṃ khandhañca vatthuñca paccayā tayo khandhā…pe… dve khandhe…pe… appamāṇe khandhe ca mahābhūte ca paccayā cittasamuṭṭhānaṃ rūpaṃ. (3)

    പരിത്തഞ്ച മഹഗ്ഗതഞ്ച ധമ്മം പച്ചയാ പരിത്തോ ധമ്മോ ഉപ്പജ്ജതി ഹേതുപച്ചയാ… തീണി (പടിസന്ധിക്ഖണേ തീണിപി കാതബ്ബാ).

    Parittañca mahaggatañca dhammaṃ paccayā paritto dhammo uppajjati hetupaccayā… tīṇi (paṭisandhikkhaṇe tīṇipi kātabbā).

    ആരമ്മണപച്ചയാദി

    Ārammaṇapaccayādi

    ൩൧. പരിത്തം ധമ്മം പച്ചയാ പരിത്തോ ധമ്മോ ഉപ്പജ്ജതി ആരമ്മണപച്ചയാ – പരിത്തം ഏകം ഖന്ധം പച്ചയാ തയോ ഖന്ധാ…പേ॰… ദ്വേ ഖന്ധേ…പേ॰… പടിസന്ധിക്ഖണേ…പേ॰… വത്ഥും പച്ചയാ ഖന്ധാ, ചക്ഖായതനം പച്ചയാ ചക്ഖുവിഞ്ഞാണം…പേ॰… കായായതനം പച്ചയാ കായവിഞ്ഞാണം, വത്ഥും പച്ചയാ പരിത്താ ഖന്ധാ (അവസേസാ ഛ പഞ്ഹാ ഹേതുപച്ചയസദിസാ സത്ത കാതബ്ബാ), അധിപതിപച്ചയാ (പടിസന്ധി നത്ഥി, സത്തരസ പഞ്ഹാ പരിപുണ്ണാ), അനന്തരപച്ചയാ…പേ॰… അവിഗതപച്ചയാ.

    31. Parittaṃ dhammaṃ paccayā paritto dhammo uppajjati ārammaṇapaccayā – parittaṃ ekaṃ khandhaṃ paccayā tayo khandhā…pe… dve khandhe…pe… paṭisandhikkhaṇe…pe… vatthuṃ paccayā khandhā, cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā parittā khandhā (avasesā cha pañhā hetupaccayasadisā satta kātabbā), adhipatipaccayā (paṭisandhi natthi, sattarasa pañhā paripuṇṇā), anantarapaccayā…pe… avigatapaccayā.

    ൧. പച്ചയാനുലോമം

    1. Paccayānulomaṃ

    ൨. സങ്ഖ്യാവാരോ

    2. Saṅkhyāvāro

    ൩൨. ഹേതുയാ സത്തരസ, ആരമ്മണേ സത്ത, അധിപതിയാ സത്തരസ, അനന്തരേ സത്ത, സമനന്തരേ സത്ത, സഹജാതേ സത്തരസ, അഞ്ഞമഞ്ഞേ നവ, നിസ്സയേ സത്തരസ, ഉപനിസ്സയേ സത്ത, പുരേജാതേ സത്ത, ആസേവനേ സത്ത, കമ്മേ സത്തരസ, വിപാകേ സത്തരസ, ആഹാരേ സത്തരസ, ഇന്ദ്രിയേ ഝാനേ മഗ്ഗേ സത്തരസ, സമ്പയുത്തേ സത്ത, വിപ്പയുത്തേ സത്തരസ, അത്ഥിയാ സത്തരസ, നത്ഥിയാ സത്ത, വിഗതേ സത്ത, അവിഗതേ സത്തരസ (ഏവം ഗണേതബ്ബം)

    32. Hetuyā sattarasa, ārammaṇe satta, adhipatiyā sattarasa, anantare satta, samanantare satta, sahajāte sattarasa, aññamaññe nava, nissaye sattarasa, upanissaye satta, purejāte satta, āsevane satta, kamme sattarasa, vipāke sattarasa, āhāre sattarasa, indriye jhāne magge sattarasa, sampayutte satta, vippayutte sattarasa, atthiyā sattarasa, natthiyā satta, vigate satta, avigate sattarasa (evaṃ gaṇetabbaṃ)

    അനുലോമം.

    Anulomaṃ.

    ൨. പച്ചയപച്ചനീയം

    2. Paccayapaccanīyaṃ

    ൧. വിഭങ്ഗവാരോ

    1. Vibhaṅgavāro

    നഹേതുപച്ചയോ

    Nahetupaccayo

    ൩൩. പരിത്തം ധമ്മം പച്ചയാ പരിത്തോ ധമ്മോ ഉപ്പജ്ജതി നഹേതുപച്ചയാ – അഹേതുകം പരിത്തം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ…പേ॰… അഹേതുകപടിസന്ധിക്ഖണേ…പേ॰… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ; ഏകം മഹാഭൂതം…പേ॰… അസഞ്ഞസത്താനം…പേ॰… ചക്ഖായതനം പച്ചയാ ചക്ഖുവിഞ്ഞാണം…പേ॰… കായായതനം പച്ചയാ കായവിഞ്ഞാണം, വത്ഥും പച്ചയാ അഹേതുകാ പരിത്താ ഖന്ധാ, വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

    33. Parittaṃ dhammaṃ paccayā paritto dhammo uppajjati nahetupaccayā – ahetukaṃ parittaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paccayā vatthu, vatthuṃ paccayā khandhā; ekaṃ mahābhūtaṃ…pe… asaññasattānaṃ…pe… cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā parittā khandhā, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1)

    നആരമ്മണപച്ചയോ

    Naārammaṇapaccayo

    ൩൪. പരിത്തം ധമ്മം പച്ചയാ പരിത്തോ ധമ്മോ ഉപ്പജ്ജതി നആരമ്മണപച്ചയാ (പടിച്ചവാരസദിസം. പഞ്ച).

    34. Parittaṃ dhammaṃ paccayā paritto dhammo uppajjati naārammaṇapaccayā (paṭiccavārasadisaṃ. Pañca).

    നഅധിപതിപച്ചയോ

    Naadhipatipaccayo

    ൩൫. പരിത്തം ധമ്മം പച്ചയാ പരിത്തോ ധമ്മോ ഉപ്പജ്ജതി നഅധിപതിപച്ചയാ – പരിത്തം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ…പേ॰… പടിസന്ധിക്ഖണേ…പേ॰… ൫൩അസഞ്ഞസത്താനം…പേ॰… ചക്ഖായതനം…പേ॰… കായായതനം…പേ॰… വത്ഥും പച്ചയാ പരിത്താ ഖന്ധാ. (൧)

    35. Parittaṃ dhammaṃ paccayā paritto dhammo uppajjati naadhipatipaccayā – parittaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… 53asaññasattānaṃ…pe… cakkhāyatanaṃ…pe… kāyāyatanaṃ…pe… vatthuṃ paccayā parittā khandhā. (1)

    പരിത്തം ധമ്മം പച്ചയാ മഹഗ്ഗതോ ധമ്മോ ഉപ്പജ്ജതി നഅധിപതിപച്ചയാ – വത്ഥും പച്ചയാ മഹഗ്ഗതാധിപതി, വത്ഥും പച്ചയാ വിപാകാ മഹഗ്ഗതാ ഖന്ധാ. പടിസന്ധിക്ഖണേ വത്ഥും പച്ചയാ മഹഗ്ഗതാ ഖന്ധാ. (൨)

    Parittaṃ dhammaṃ paccayā mahaggato dhammo uppajjati naadhipatipaccayā – vatthuṃ paccayā mahaggatādhipati, vatthuṃ paccayā vipākā mahaggatā khandhā. Paṭisandhikkhaṇe vatthuṃ paccayā mahaggatā khandhā. (2)

    പരിത്തം ധമ്മം പച്ചയാ അപ്പമാണോ ധമ്മോ ഉപ്പജ്ജതി നഅധിപതിപച്ചയാ – വത്ഥും പച്ചയാ അപ്പമാണാധിപതി. (൩)

    Parittaṃ dhammaṃ paccayā appamāṇo dhammo uppajjati naadhipatipaccayā – vatthuṃ paccayā appamāṇādhipati. (3)

    പരിത്തം ധമ്മം പച്ചയാ പരിത്തോ ച മഹഗ്ഗതോ ച ധമ്മാ ഉപ്പജ്ജന്തി നഅധിപതിപച്ചയാ – വത്ഥും പച്ചയാ വിപാകാ മഹഗ്ഗതാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം. പടിസന്ധിക്ഖണേ…പേ॰…. (൪)

    Parittaṃ dhammaṃ paccayā paritto ca mahaggato ca dhammā uppajjanti naadhipatipaccayā – vatthuṃ paccayā vipākā mahaggatā khandhā, mahābhūte paccayā cittasamuṭṭhānaṃ rūpaṃ. Paṭisandhikkhaṇe…pe…. (4)

    ൩൬. മഹഗ്ഗതം ധമ്മം പച്ചയാ മഹഗ്ഗതോ ധമ്മോ ഉപ്പജ്ജതി നഅധിപതിപച്ചയാ – മഹഗ്ഗതേ ഖന്ധേ പച്ചയാ മഹഗ്ഗതാധിപതി, വിപാകം മഹഗ്ഗതം ഏകം ഖന്ധം പച്ചയാ തയോ ഖന്ധാ…പേ॰… ദ്വേ ഖന്ധേ…പേ॰… പടിസന്ധിക്ഖണേ…പേ॰…. (൧)

    36. Mahaggataṃ dhammaṃ paccayā mahaggato dhammo uppajjati naadhipatipaccayā – mahaggate khandhe paccayā mahaggatādhipati, vipākaṃ mahaggataṃ ekaṃ khandhaṃ paccayā tayo khandhā…pe… dve khandhe…pe… paṭisandhikkhaṇe…pe…. (1)

    മഹഗ്ഗതം ധമ്മം പച്ചയാ പരിത്തോ ധമ്മോ ഉപ്പജ്ജതി നഅധിപതിപച്ചയാ – വിപാകേ മഹഗ്ഗതേ ഖന്ധേ പച്ചയാ ചിത്തസമുട്ഠാനം രൂപം. പടിസന്ധിക്ഖണേ…പേ॰…. (൨)

    Mahaggataṃ dhammaṃ paccayā paritto dhammo uppajjati naadhipatipaccayā – vipāke mahaggate khandhe paccayā cittasamuṭṭhānaṃ rūpaṃ. Paṭisandhikkhaṇe…pe…. (2)

    മഹഗ്ഗതം ധമ്മം പച്ചയാ പരിത്തോ ച മഹഗ്ഗതോ ച ധമ്മാ ഉപ്പജ്ജന്തി നഅധിപതിപച്ചയാ – വിപാകം മഹഗ്ഗതം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ…പേ॰… പടിസന്ധിക്ഖണേ…പേ॰…. (൩)

    Mahaggataṃ dhammaṃ paccayā paritto ca mahaggato ca dhammā uppajjanti naadhipatipaccayā – vipākaṃ mahaggataṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe…. (3)

    അപ്പമാണം ധമ്മം പച്ചയാ അപ്പമാണോ ധമ്മോ ഉപ്പജ്ജതി നഅധിപതിപച്ചയാ – അപ്പമാണേ ഖന്ധേ പച്ചയാ അപ്പമാണാധിപതി. (൧)

    Appamāṇaṃ dhammaṃ paccayā appamāṇo dhammo uppajjati naadhipatipaccayā – appamāṇe khandhe paccayā appamāṇādhipati. (1)

    ൩൭. പരിത്തഞ്ച അപ്പമാണഞ്ച ധമ്മം പച്ചയാ അപ്പമാണോ ധമ്മോ ഉപ്പജ്ജതി നഅധിപതിപച്ചയാ – അപ്പമാണേ ഖന്ധേ ച വത്ഥുഞ്ച പച്ചയാ അപ്പമാണാധിപതി. (൧)

    37. Parittañca appamāṇañca dhammaṃ paccayā appamāṇo dhammo uppajjati naadhipatipaccayā – appamāṇe khandhe ca vatthuñca paccayā appamāṇādhipati. (1)

    പരിത്തഞ്ച മഹഗ്ഗതഞ്ച ധമ്മം പച്ചയാ പരിത്തോ ധമ്മോ ഉപ്പജ്ജതി നഅധിപതിപച്ചയാ – വിപാകേ മഹഗ്ഗതേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. പടിസന്ധിക്ഖണേ…പേ॰…. (൧)

    Parittañca mahaggatañca dhammaṃ paccayā paritto dhammo uppajjati naadhipatipaccayā – vipāke mahaggate khandhe ca mahābhūte ca paccayā cittasamuṭṭhānaṃ rūpaṃ. Paṭisandhikkhaṇe…pe…. (1)

    പരിത്തഞ്ച മഹഗ്ഗതഞ്ച ധമ്മം പച്ചയാ മഹഗ്ഗതോ ധമ്മോ ഉപ്പജ്ജതി നഅധിപതിപച്ചയാ – മഹഗ്ഗതേ ഖന്ധേ ച വത്ഥുഞ്ച പച്ചയാ മഹഗ്ഗതാധിപതി, വിപാകം മഹഗ്ഗതം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ॰… ദ്വേ ഖന്ധേ…പേ॰… പടിസന്ധിക്ഖണേ…പേ॰…. (൨)

    Parittañca mahaggatañca dhammaṃ paccayā mahaggato dhammo uppajjati naadhipatipaccayā – mahaggate khandhe ca vatthuñca paccayā mahaggatādhipati, vipākaṃ mahaggataṃ ekaṃ khandhañca vatthuñca paccayā tayo khandhā…pe… dve khandhe…pe… paṭisandhikkhaṇe…pe…. (2)

    പരിത്തഞ്ച മഹഗ്ഗതഞ്ച ധമ്മം പച്ചയാ പരിത്തോ ച മഹഗ്ഗതോ ച ധമ്മാ ഉപ്പജ്ജന്തി നഅധിപതിപച്ചയാ – വിപാകം മഹഗ്ഗതം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ॰… ദ്വേ ഖന്ധേ…പേ॰… വിപാകേ മഹഗ്ഗതേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. പടിസന്ധിക്ഖണേ വിപാകം മഹഗ്ഗതം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ॰… ദ്വേ ഖന്ധേ…പേ॰… വിപാകേ മഹഗ്ഗതേ ഖന്ധേ ച മഹാഭൂതേ ച പച്ചയാ കടത്താരൂപം. (൩)

    Parittañca mahaggatañca dhammaṃ paccayā paritto ca mahaggato ca dhammā uppajjanti naadhipatipaccayā – vipākaṃ mahaggataṃ ekaṃ khandhañca vatthuñca paccayā tayo khandhā…pe… dve khandhe…pe… vipāke mahaggate khandhe ca mahābhūte ca paccayā cittasamuṭṭhānaṃ rūpaṃ. Paṭisandhikkhaṇe vipākaṃ mahaggataṃ ekaṃ khandhañca vatthuñca paccayā tayo khandhā…pe… dve khandhe…pe… vipāke mahaggate khandhe ca mahābhūte ca paccayā kaṭattārūpaṃ. (3)

    നഅനന്തരപച്ചയാദി

    Naanantarapaccayādi

    ൩൮. പരിത്തം ധമ്മം പച്ചയാ പരിത്തോ ധമ്മോ ഉപ്പജ്ജതി നഅനന്തരപച്ചയാ… നസമനന്തരപച്ചയാ… നഅഞ്ഞമഞ്ഞപച്ചയാ… നഉപനിസ്സയപച്ചയാ… നപുരേജാതപച്ചയാ… (പടിച്ചവാരസദിസാ ദ്വാദസ പഞ്ഹാ) നപച്ഛാജാതപച്ചയാ… നആസേവനപച്ചയാ… (പരിപുണ്ണം, വിപാകോതി നിദ്ദിസിതബ്ബം ചിത്തസമുട്ഠാനം രൂപം വിപാകോതി ന കാതബ്ബം) നകമ്മപച്ചയാ… നവിപാകപച്ചയാ… (പടിസന്ധിവിപാകോപി നത്ഥി) നആഹാരപച്ചയാ… നഇന്ദ്രിയപച്ചയാ… നഝാനപച്ചയാ… നമഗ്ഗപച്ചയാ… നസമ്പയുത്തപച്ചയാ… നവിപ്പയുത്തപച്ചയാ… നോനത്ഥിപച്ചയാ… നോവിഗതപച്ചയാ.

    38. Parittaṃ dhammaṃ paccayā paritto dhammo uppajjati naanantarapaccayā… nasamanantarapaccayā… naaññamaññapaccayā… naupanissayapaccayā… napurejātapaccayā… (paṭiccavārasadisā dvādasa pañhā) napacchājātapaccayā… naāsevanapaccayā… (paripuṇṇaṃ, vipākoti niddisitabbaṃ cittasamuṭṭhānaṃ rūpaṃ vipākoti na kātabbaṃ) nakammapaccayā… navipākapaccayā… (paṭisandhivipākopi natthi) naāhārapaccayā… naindriyapaccayā… najhānapaccayā… namaggapaccayā… nasampayuttapaccayā… navippayuttapaccayā… nonatthipaccayā… novigatapaccayā.

    ൨. പച്ചയപച്ചനീയം

    2. Paccayapaccanīyaṃ

    ൨. സങ്ഖ്യാവാരോ

    2. Saṅkhyāvāro

    ൩൯. നഹേതുയാ ഏകം, നആരമ്മണേ പഞ്ച, നഅധിപതിയാ ദ്വാദസ, നഅനന്തരേ പഞ്ച, നസമനന്തരേ നഅഞ്ഞമഞ്ഞേ നഉപനിസ്സയേ പഞ്ച, നപുരേജാതേ ദ്വാദസ, നപച്ഛാജാതേ സത്തരസ, നആസേവനേ സത്തരസ, നകമ്മേ സത്ത, നവിപാകേ സത്തരസ, നആഹാരേ നഇന്ദ്രിയേ നഝാനേ നമഗ്ഗേ ഏകം, നസമ്പയുത്തേ പഞ്ച, നവിപ്പയുത്തേ തീണി, നോനത്ഥിയാ പഞ്ച, നോവിഗതേ പഞ്ച (ഏവം ഗണേതബ്ബം).

    39. Nahetuyā ekaṃ, naārammaṇe pañca, naadhipatiyā dvādasa, naanantare pañca, nasamanantare naaññamaññe naupanissaye pañca, napurejāte dvādasa, napacchājāte sattarasa, naāsevane sattarasa, nakamme satta, navipāke sattarasa, naāhāre naindriye najhāne namagge ekaṃ, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    പച്ചനീയം.

    Paccanīyaṃ.

    ൩. പച്ചയാനുലോമപച്ചനീയം

    3. Paccayānulomapaccanīyaṃ

    ൪൦. ഹേതുപച്ചയാ നആരമ്മണേ പഞ്ച, നഅധിപതിയാ ദ്വാദസ, നഅനന്തരേ പഞ്ച, നസമനന്തരേ പഞ്ച, നഅഞ്ഞമഞ്ഞേ പഞ്ച, നഉപനിസ്സയേ പഞ്ച, നപുരേജാതേ ദ്വാദസ, നപച്ഛാജാതേ സത്തരസ, നആസേവനേ സത്തരസ, നകമ്മേ സത്ത, നവിപാകേ സത്തരസ, നസമ്പയുത്തേ പഞ്ച, നവിപ്പയുത്തേ തീണി, നോനത്ഥിയാ പഞ്ച, നോവിഗതേ പഞ്ച (ഏവം ഗണേതബ്ബം).

    40. Hetupaccayā naārammaṇe pañca, naadhipatiyā dvādasa, naanantare pañca, nasamanantare pañca, naaññamaññe pañca, naupanissaye pañca, napurejāte dvādasa, napacchājāte sattarasa, naāsevane sattarasa, nakamme satta, navipāke sattarasa, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    അനുലോമപച്ചനീയം.

    Anulomapaccanīyaṃ.

    ൪. പച്ചയപച്ചനീയാനുലോമം

    4. Paccayapaccanīyānulomaṃ

    ൪൧. നഹേതുപച്ചയാ ആരമ്മണേ ഏകം, അനന്തരേ സമനന്തരേ സഹജാതേ…പേ॰… വിഗതേ അവിഗതേ ഏകം (ഏവം ഗണേതബ്ബം).

    41. Nahetupaccayā ārammaṇe ekaṃ, anantare samanantare sahajāte…pe… vigate avigate ekaṃ (evaṃ gaṇetabbaṃ).

    പച്ചനീയാനുലോമം.

    Paccanīyānulomaṃ.

    പച്ചയവാരോ.

    Paccayavāro.

    ൪. നിസ്സയവാരോ

    4. Nissayavāro

    (നിസ്സയവാരോ പച്ചയവാരസദിസോ.)

    (Nissayavāro paccayavārasadiso.)

    ൫. സംസട്ഠവാരോ

    5. Saṃsaṭṭhavāro

    ൧. പച്ചയാനുലോമം

    1. Paccayānulomaṃ

    ൧. വിഭങ്ഗവാരോ

    1. Vibhaṅgavāro

    ഹേതുപച്ചയോ

    Hetupaccayo

    ൪൨. പരിത്തം ധമ്മം സംസട്ഠോ പരിത്തോ ധമ്മോ ഉപ്പജ്ജതി ഹേതുപച്ചയാ – പരിത്തം ഏകം ഖന്ധം സംസട്ഠാ തയോ ഖന്ധാ…പേ॰… ദ്വേ ഖന്ധേ…പേ॰… പടിസന്ധിക്ഖണേ…പേ॰…. (൧)

    42. Parittaṃ dhammaṃ saṃsaṭṭho paritto dhammo uppajjati hetupaccayā – parittaṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    മഹഗ്ഗതം ധമ്മം സംസട്ഠോ മഹഗ്ഗതോ ധമ്മോ ഉപ്പജ്ജതി ഹേതുപച്ചയാ – മഹഗ്ഗതം ഏകം ഖന്ധം സംസട്ഠാ തയോ ഖന്ധാ…പേ॰… ദ്വേ ഖന്ധേ…പേ॰… പടിസന്ധിക്ഖണേ…പേ॰…. (൧)

    Mahaggataṃ dhammaṃ saṃsaṭṭho mahaggato dhammo uppajjati hetupaccayā – mahaggataṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    അപ്പമാണം ധമ്മം സംസട്ഠോ അപ്പമാണോ ധമ്മോ ഉപ്പജ്ജതി ഹേതുപച്ചയാ – അപ്പമാണം ഏകം ഖന്ധം സംസട്ഠാ തയോ ഖന്ധാ…പേ॰… ദ്വേ ഖന്ധേ…പേ॰…. (൧)

    Appamāṇaṃ dhammaṃ saṃsaṭṭho appamāṇo dhammo uppajjati hetupaccayā – appamāṇaṃ ekaṃ khandhaṃ saṃsaṭṭhā tayo khandhā…pe… dve khandhe…pe…. (1)

    ആരമ്മണപച്ചയാദി

    Ārammaṇapaccayādi

    ൪൩. പരിത്തം ധമ്മം സംസട്ഠോ പരിത്തോ ധമ്മോ ഉപ്പജ്ജതി ആരമ്മണപച്ചയാ… അധിപതിപച്ചയാ (പടിസന്ധി നത്ഥി)… അനന്തരപച്ചയാ… സമനന്തരപച്ചയാ… സഹജാതപച്ചയാ… അഞ്ഞമഞ്ഞപച്ചയാ… നിസ്സയപച്ചയാ… ഉപനിസ്സയപച്ചയാ… പുരേജാതപച്ചയാ (പടിസന്ധി നത്ഥി)… ആസേവനപച്ചയാ(വിപാകോപി പടിസന്ധിപി നത്ഥി)… കമ്മപച്ചയാ… വിപാകപച്ചയാ… ആഹാരപച്ചയാ… ഇന്ദ്രിയപച്ചയാ… ഝാനപച്ചയാ… മഗ്ഗപച്ചയാ… സമ്പയുത്തപച്ചയാ… വിപ്പയുത്തപച്ചയാ… അത്ഥിപച്ചയാ… നത്ഥിപച്ചയാ… വിഗതപച്ചയാ… അവിഗതപച്ചയാ.

    43. Parittaṃ dhammaṃ saṃsaṭṭho paritto dhammo uppajjati ārammaṇapaccayā… adhipatipaccayā (paṭisandhi natthi)… anantarapaccayā… samanantarapaccayā… sahajātapaccayā… aññamaññapaccayā… nissayapaccayā… upanissayapaccayā… purejātapaccayā (paṭisandhi natthi)… āsevanapaccayā(vipākopi paṭisandhipi natthi)… kammapaccayā… vipākapaccayā… āhārapaccayā… indriyapaccayā… jhānapaccayā… maggapaccayā… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.

    ൧. പച്ചയാനുലോമം

    1. Paccayānulomaṃ

    ൨. സങ്ഖ്യാവാരോ

    2. Saṅkhyāvāro

    ൪൪. ഹേതുയാ തീണി, ആരമ്മണേ തീണി, അധിപതിയാ തീണി…പേ॰… അവിഗതേ തീണി (ഏവം ഗണേതബ്ബം).

    44. Hetuyā tīṇi, ārammaṇe tīṇi, adhipatiyā tīṇi…pe… avigate tīṇi (evaṃ gaṇetabbaṃ).

    അനുലോമം.

    Anulomaṃ.

    ൨. പച്ചയപച്ചനീയം

    2. Paccayapaccanīyaṃ

    ൧. വിഭങ്ഗവാരോ

    1. Vibhaṅgavāro

    നഹേതുപച്ചയോ

    Nahetupaccayo

    ൪൫. പരിത്തം ധമ്മം സംസട്ഠോ പരിത്തോ ധമ്മോ ഉപ്പജ്ജതി നഹേതുപച്ചയാ – അഹേതുകം പരിത്തം ഏകം ഖന്ധം സംസട്ഠാ തയോ ഖന്ധാ…പേ॰… ദ്വേ ഖന്ധേ…പേ॰… അഹേതുകപടിസന്ധിക്ഖണേ…പേ॰… വിചികിച്ഛാസഹഗതേ ഉദ്ധച്ചസഹഗതേ ഖന്ധേ സംസട്ഠോ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

    45. Parittaṃ dhammaṃ saṃsaṭṭho paritto dhammo uppajjati nahetupaccayā – ahetukaṃ parittaṃ ekaṃ khandhaṃ saṃsaṭṭhā tayo khandhā…pe… dve khandhe…pe… ahetukapaṭisandhikkhaṇe…pe… vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho. (1)

    നഅധിപതിപച്ചയോ

    Naadhipatipaccayo

    ൪൬. പരിത്തം ധമ്മം സംസട്ഠോ പരിത്തോ ധമ്മോ ഉപ്പജ്ജതി നഅധിപതിപച്ചയാ – പരിത്തം ഏകം ഖന്ധം സംസട്ഠാ തയോ ഖന്ധാ…പേ॰… ദ്വേ ഖന്ധേ…പേ॰… പടിസന്ധിക്ഖണേ…പേ॰…. (൧)

    46. Parittaṃ dhammaṃ saṃsaṭṭho paritto dhammo uppajjati naadhipatipaccayā – parittaṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    മഹഗ്ഗതം ധമ്മം സംസട്ഠോ മഹഗ്ഗതോ ധമ്മോ ഉപ്പജ്ജതി നഅധിപതിപച്ചയാ – മഹഗ്ഗതേ ഖന്ധേ സംസട്ഠാ മഹഗ്ഗതാ അധിപതി, വിപാകം മഹഗ്ഗതം ഏകം ഖന്ധം സംസട്ഠാ…പേ॰… പടിസന്ധിക്ഖണേ…പേ॰…. (൧)

    Mahaggataṃ dhammaṃ saṃsaṭṭho mahaggato dhammo uppajjati naadhipatipaccayā – mahaggate khandhe saṃsaṭṭhā mahaggatā adhipati, vipākaṃ mahaggataṃ ekaṃ khandhaṃ saṃsaṭṭhā…pe… paṭisandhikkhaṇe…pe…. (1)

    അപ്പമാണം ധമ്മം സംസട്ഠോ അപ്പമാണോ ധമ്മോ ഉപ്പജ്ജതി നഅധിപതിപച്ചയാ – അപ്പമാണേ ഖന്ധേ സംസട്ഠാ അപ്പമാണാ അധിപതി. (൧)

    Appamāṇaṃ dhammaṃ saṃsaṭṭho appamāṇo dhammo uppajjati naadhipatipaccayā – appamāṇe khandhe saṃsaṭṭhā appamāṇā adhipati. (1)

    നപുരേജാതപച്ചയോ

    Napurejātapaccayo

    ൪൭. പരിത്തം ധമ്മം സംസട്ഠോ പരിത്തോ ധമ്മോ ഉപ്പജ്ജതി നപുരേജാതപച്ചയാ – അരൂപേ പരിത്തം ഏകം ഖന്ധം സംസട്ഠാ തയോ ഖന്ധാ…പേ॰… പടിസന്ധിക്ഖണേ…പേ॰…. (൧)

    47. Parittaṃ dhammaṃ saṃsaṭṭho paritto dhammo uppajjati napurejātapaccayā – arūpe parittaṃ ekaṃ khandhaṃ saṃsaṭṭhā tayo khandhā…pe… paṭisandhikkhaṇe…pe…. (1)

    മഹഗ്ഗതം ധമ്മം സംസട്ഠോ മഹഗ്ഗതോ ധമ്മോ ഉപ്പജ്ജതി നപുരേജാതപച്ചയാ – അരൂപേ മഹഗ്ഗതം ഏകം ഖന്ധം സംസട്ഠാ തയോ ഖന്ധാ…പേ॰… പടിസന്ധിക്ഖണേ…പേ॰…. (൧)

    Mahaggataṃ dhammaṃ saṃsaṭṭho mahaggato dhammo uppajjati napurejātapaccayā – arūpe mahaggataṃ ekaṃ khandhaṃ saṃsaṭṭhā tayo khandhā…pe… paṭisandhikkhaṇe…pe…. (1)

    അപ്പമാണം ധമ്മം സംസട്ഠോ അപ്പമാണോ ധമ്മോ ഉപ്പജ്ജതി നപുരേജാതപച്ചയാ – അരൂപേ അപ്പമാണം ഏകം ഖന്ധം സംസട്ഠാ തയോ ഖന്ധാ…പേ॰…. (൧)

    Appamāṇaṃ dhammaṃ saṃsaṭṭho appamāṇo dhammo uppajjati napurejātapaccayā – arūpe appamāṇaṃ ekaṃ khandhaṃ saṃsaṭṭhā tayo khandhā…pe…. (1)

    നപച്ഛാജാത-നആസേവനപച്ചയാ

    Napacchājāta-naāsevanapaccayā

    ൪൮. പരിത്തം ധമ്മം സംസട്ഠോ പരിത്തോ ധമ്മോ ഉപ്പജ്ജതി നപച്ഛാജാതപച്ചയാ… നആസേവനപച്ചയാ – പരിത്തം ഏകം ഖന്ധം സംസട്ഠാ തയോ ഖന്ധാ…പേ॰… പടിസന്ധിക്ഖണേ…പേ॰…. (൧)

    48. Parittaṃ dhammaṃ saṃsaṭṭho paritto dhammo uppajjati napacchājātapaccayā… naāsevanapaccayā – parittaṃ ekaṃ khandhaṃ saṃsaṭṭhā tayo khandhā…pe… paṭisandhikkhaṇe…pe…. (1)

    മഹഗ്ഗതം ധമ്മം സംസട്ഠോ മഹഗ്ഗതോ ധമ്മോ ഉപ്പജ്ജതി നആസേവനപച്ചയാ – വിപാകം മഹഗ്ഗതം ഏകം ഖന്ധം സംസട്ഠാ തയോ ഖന്ധാ…പേ॰… പടിസന്ധിക്ഖണേ…പേ॰… . (൧)

    Mahaggataṃ dhammaṃ saṃsaṭṭho mahaggato dhammo uppajjati naāsevanapaccayā – vipākaṃ mahaggataṃ ekaṃ khandhaṃ saṃsaṭṭhā tayo khandhā…pe… paṭisandhikkhaṇe…pe… . (1)

    അപ്പമാണം ധമ്മം സംസട്ഠോ അപ്പമാണോ ധമ്മോ ഉപ്പജ്ജതി നആസേവനപച്ചയാ – വിപാകം അപ്പമാണം ഏകം ഖന്ധം സംസട്ഠാ തയോ ഖന്ധാ…പേ॰…. (൧)

    Appamāṇaṃ dhammaṃ saṃsaṭṭho appamāṇo dhammo uppajjati naāsevanapaccayā – vipākaṃ appamāṇaṃ ekaṃ khandhaṃ saṃsaṭṭhā tayo khandhā…pe…. (1)

    നകമ്മപച്ചയോ

    Nakammapaccayo

    ൪൯. പരിത്തം ധമ്മം സംസട്ഠോ പരിത്തോ ധമ്മോ ഉപ്പജ്ജതി നകമ്മപച്ചയാ – പരിത്തേ ഖന്ധേ സംസട്ഠാ പരിത്താ ചേതനാ. (൧)

    49. Parittaṃ dhammaṃ saṃsaṭṭho paritto dhammo uppajjati nakammapaccayā – paritte khandhe saṃsaṭṭhā parittā cetanā. (1)

    മഹഗ്ഗതം ധമ്മം സംസട്ഠോ മഹഗ്ഗതോ ധമ്മോ ഉപ്പജ്ജതി നകമ്മപച്ചയാ – മഹഗ്ഗതേ ഖന്ധേ സംസട്ഠാ മഹഗ്ഗതാ ചേതനാ. (൧)

    Mahaggataṃ dhammaṃ saṃsaṭṭho mahaggato dhammo uppajjati nakammapaccayā – mahaggate khandhe saṃsaṭṭhā mahaggatā cetanā. (1)

    അപ്പമാണം ധമ്മം സംസട്ഠോ അപ്പമാണോ ധമ്മോ ഉപ്പജ്ജതി നകമ്മപച്ചയാ – കുസലേ അപ്പമാണേ ഖന്ധേ സംസട്ഠാ അപ്പമാണാ ചേതനാ. (൧)

    Appamāṇaṃ dhammaṃ saṃsaṭṭho appamāṇo dhammo uppajjati nakammapaccayā – kusale appamāṇe khandhe saṃsaṭṭhā appamāṇā cetanā. (1)

    നവിപാകപച്ചയോ

    Navipākapaccayo

    ൫൦. പരിത്തം ധമ്മം സംസട്ഠോ പരിത്തോ ധമ്മോ ഉപ്പജ്ജതി നവിപാകപച്ചയാ – പരിത്തം ഏകം ഖന്ധം സംസട്ഠാ തയോ ഖന്ധാ…പേ॰…. (൧)

    50. Parittaṃ dhammaṃ saṃsaṭṭho paritto dhammo uppajjati navipākapaccayā – parittaṃ ekaṃ khandhaṃ saṃsaṭṭhā tayo khandhā…pe…. (1)

    മഹഗ്ഗതം ധമ്മം സംസട്ഠോ മഹഗ്ഗതോ ധമ്മോ ഉപ്പജ്ജതി നവിപാകപച്ചയാ – മഹഗ്ഗതം ഏകം ഖന്ധം സംസട്ഠാ തയോ ഖന്ധാ…പേ॰…. (൧)

    Mahaggataṃ dhammaṃ saṃsaṭṭho mahaggato dhammo uppajjati navipākapaccayā – mahaggataṃ ekaṃ khandhaṃ saṃsaṭṭhā tayo khandhā…pe…. (1)

    അപ്പമാണം ധമ്മം സംസട്ഠോ അപ്പമാണോ ധമ്മോ ഉപ്പജ്ജതി നവിപാകപച്ചയാ – കുസലം അപ്പമാണം ഏകം ഖന്ധം സംസട്ഠാ തയോ ഖന്ധാ…പേ॰…. (൧)

    Appamāṇaṃ dhammaṃ saṃsaṭṭho appamāṇo dhammo uppajjati navipākapaccayā – kusalaṃ appamāṇaṃ ekaṃ khandhaṃ saṃsaṭṭhā tayo khandhā…pe…. (1)

    നഝാനപച്ചയാദി

    Najhānapaccayādi

    ൫൧. പരിത്തം ധമ്മം സംസട്ഠോ പരിത്തോ ധമ്മോ ഉപ്പജ്ജതി നഝാനപച്ചയാ… നമഗ്ഗപച്ചയാ… നവിപ്പയുത്തപച്ചയാ – അരൂപേ പരിത്തം ഏകം ഖന്ധം സംസട്ഠാ തയോ ഖന്ധാ…പേ॰…. (൧)

    51. Parittaṃ dhammaṃ saṃsaṭṭho paritto dhammo uppajjati najhānapaccayā… namaggapaccayā… navippayuttapaccayā – arūpe parittaṃ ekaṃ khandhaṃ saṃsaṭṭhā tayo khandhā…pe…. (1)

    മഹഗ്ഗതം ധമ്മം സംസട്ഠോ മഹഗ്ഗതോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ മഹഗ്ഗതം ഏകം ഖന്ധം സംസട്ഠാ തയോ ഖന്ധാ…പേ॰…. (൧)

    Mahaggataṃ dhammaṃ saṃsaṭṭho mahaggato dhammo uppajjati navippayuttapaccayā – arūpe mahaggataṃ ekaṃ khandhaṃ saṃsaṭṭhā tayo khandhā…pe…. (1)

    അപ്പമാണം ധമ്മം സംസട്ഠോ അപ്പമാണോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ അപ്പമാണം ഏകം ഖന്ധം സംസട്ഠാ തയോ ഖന്ധാ…പേ॰…. (൧)

    Appamāṇaṃ dhammaṃ saṃsaṭṭho appamāṇo dhammo uppajjati navippayuttapaccayā – arūpe appamāṇaṃ ekaṃ khandhaṃ saṃsaṭṭhā tayo khandhā…pe…. (1)

    ൨. പച്ചയപച്ചനീയം

    2. Paccayapaccanīyaṃ

    ൨. സങ്ഖ്യാവാരോ

    2. Saṅkhyāvāro

    ൫൨. നഹേതുയാ ഏകം, നഅധിപതിയാ തീണി, നപുരേജാതേ തീണി, നപച്ഛാജാതേ തീണി, നആസേവനേ തീണി, നകമ്മേ തീണി, നവിപാകേ തീണി, നഝാനേ ഏകം, നമഗ്ഗേ ഏകം, നവിപ്പയുത്തേ തീണി (ഏവം ഗണേതബ്ബം).

    52. Nahetuyā ekaṃ, naadhipatiyā tīṇi, napurejāte tīṇi, napacchājāte tīṇi, naāsevane tīṇi, nakamme tīṇi, navipāke tīṇi, najhāne ekaṃ, namagge ekaṃ, navippayutte tīṇi (evaṃ gaṇetabbaṃ).

    പച്ചനീയം.

    Paccanīyaṃ.

    ൩. പച്ചയാനുലോമപച്ചനീയം

    3. Paccayānulomapaccanīyaṃ

    ൫൩. ഹേതുപച്ചയാ നഅധിപതിയാ തീണി, നപുരേജാതേ നപച്ഛാജാതേ നആസേവനേ നകമ്മേ നവിപാകേ നവിപ്പയുത്തേ തീണി (ഏവം ഗണതബ്ബം).

    53. Hetupaccayā naadhipatiyā tīṇi, napurejāte napacchājāte naāsevane nakamme navipāke navippayutte tīṇi (evaṃ gaṇatabbaṃ).

    അനുലോമപച്ചനീയം.

    Anulomapaccanīyaṃ.

    ൪. പച്ചയപച്ചനീയാനുലോമം

    4. Paccayapaccanīyānulomaṃ

    ൫൪. നഹേതുപച്ചയാ ആരമ്മണേ ഏകം, അനന്തരേ ഏകം…പേ॰… അവിഗതേ ഏക (ഏവം ഗണേതബ്ബം).

    54. Nahetupaccayā ārammaṇe ekaṃ, anantare ekaṃ…pe… avigate eka (evaṃ gaṇetabbaṃ).

    പച്ചനീയാനുലോമം.

    Paccanīyānulomaṃ.

    സംസട്ഠവാരോ.

    Saṃsaṭṭhavāro.

    ൬. സമ്പയുത്തവാരോ

    6. Sampayuttavāro

    (സമ്പയുത്തവാരോ സംസട്ഠവാരസദിസോ).

    (Sampayuttavāro saṃsaṭṭhavārasadiso).

    ൭. പഞ്ഹാവാരോ

    7. Pañhāvāro

    ൧. പച്ചയാനുലോമം

    1. Paccayānulomaṃ

    ൧. വിഭങ്ഗവാരോ

    1. Vibhaṅgavāro

    ഹേതുപച്ചയോ

    Hetupaccayo

    ൫൫. പരിത്തോ ധമ്മോ പരിത്തസ്സ ധമ്മസ്സ ഹേതുപച്ചയേന പച്ചയോ – പരിത്താ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. പടിസന്ധിക്ഖണേ…പേ॰…. (൧)

    55. Paritto dhammo parittassa dhammassa hetupaccayena paccayo – parittā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. Paṭisandhikkhaṇe…pe…. (1)

    മഹഗ്ഗതോ ധമ്മോ മഹഗ്ഗതസ്സ ധമ്മസ്സ ഹേതുപച്ചയേന പച്ചയോ… തീണി (പവത്തിപടിസന്ധി കാതബ്ബാ).

    Mahaggato dhammo mahaggatassa dhammassa hetupaccayena paccayo… tīṇi (pavattipaṭisandhi kātabbā).

    അപ്പമാണോ ധമ്മോ അപ്പമാണസ്സ ധമ്മസ്സ ഹേതുപച്ചയേന പച്ചയോ… തീണി.

    Appamāṇo dhammo appamāṇassa dhammassa hetupaccayena paccayo… tīṇi.

    ആരമ്മണപച്ചയോ

    Ārammaṇapaccayo

    ൫൬. പരിത്തോ ധമ്മോ പരിത്തസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം സമാദിയിത്വാ ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി പച്ചവേക്ഖതി, അരിയാ ഗോത്രഭും പച്ചവേക്ഖന്തി, വോദാനം പച്ചവേക്ഖന്തി, പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി. ചക്ഖും…പേ॰… വത്ഥും… പരിത്തേ ഖന്ധേ അനിച്ചതോ…പേ॰… വിപസ്സന്തി അസ്സാദേന്തി അഭിനന്ദന്തി, തം ആരബ്ഭ രാഗോ ഉപ്പജ്ജതി …പേ॰… ദോമനസ്സം ഉപ്പജ്ജതി. രൂപായതനം ചക്ഖുവിഞ്ഞാണസ്സ…പേ॰… ഫോട്ഠബ്ബായതനം കായവിഞ്ഞാണസ്സ ആരമ്മണപച്ചയേന പച്ചയോ. (൧)

    56. Paritto dhammo parittassa dhammassa ārammaṇapaccayena paccayo – dānaṃ datvā sīlaṃ samādiyitvā uposathakammaṃ katvā taṃ paccavekkhati, pubbe suciṇṇāni paccavekkhati, ariyā gotrabhuṃ paccavekkhanti, vodānaṃ paccavekkhanti, pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Cakkhuṃ…pe… vatthuṃ… paritte khandhe aniccato…pe… vipassanti assādenti abhinandanti, taṃ ārabbha rāgo uppajjati …pe… domanassaṃ uppajjati. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa ārammaṇapaccayena paccayo. (1)

    പരിത്തോ ധമ്മോ മഹഗ്ഗതസ്സ ധമ്മസ്സ ആരമ്മണപച്ചയേന പച്ചയോ – ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, ചേതോപരിയഞാണേന പരിത്തചിത്തസമങ്ഗിസ്സ ചിത്തം ജാനാതി. പരിത്താ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ പുബ്ബേനിവാസാനുസ്സതിഞാണസ്സ യഥാകമ്മൂപഗഞാണസ്സ അനാഗതംസഞാണസ്സ ആരമ്മണപച്ചയേന പച്ചയോ. (൨)

    Paritto dhammo mahaggatassa dhammassa ārammaṇapaccayena paccayo – dibbena cakkhunā rūpaṃ passati, dibbāya sotadhātuyā saddaṃ suṇāti, cetopariyañāṇena parittacittasamaṅgissa cittaṃ jānāti. Parittā khandhā iddhividhañāṇassa, cetopariyañāṇassa pubbenivāsānussatiñāṇassa yathākammūpagañāṇassa anāgataṃsañāṇassa ārammaṇapaccayena paccayo. (2)

    ൫൭. മഹഗ്ഗതോ ധമ്മോ മഹഗ്ഗതസ്സ ധമ്മസ്സ ആരമ്മണപച്ചയേന പച്ചയോ – ചേതോപരിയഞാണേന മഹഗ്ഗതചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം വിഞ്ഞാണഞ്ചായതനസ്സ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ ആരമ്മണപച്ചയേന പച്ചയോ . മഹഗ്ഗതാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ പുബ്ബേനിവാസാനുസ്സതിഞാണസ്സ യഥാകമ്മൂപഗഞാണസ്സ അനാഗതംസഞാണസ്സ ആരമ്മണപച്ചയേന പച്ചയോ. (൧)

    57. Mahaggato dhammo mahaggatassa dhammassa ārammaṇapaccayena paccayo – cetopariyañāṇena mahaggatacittasamaṅgissa cittaṃ jānāti, ākāsānañcāyatanaṃ viññāṇañcāyatanassa… ākiñcaññāyatanaṃ nevasaññānāsaññāyatanassa ārammaṇapaccayena paccayo . Mahaggatā khandhā iddhividhañāṇassa, cetopariyañāṇassa pubbenivāsānussatiñāṇassa yathākammūpagañāṇassa anāgataṃsañāṇassa ārammaṇapaccayena paccayo. (1)

    മഹഗ്ഗതോ ധമ്മോ പരിത്തസ്സ ധമ്മസ്സ ആരമ്മണപച്ചയേന പച്ചയോ – പഠമം ഝാനം പച്ചവേക്ഖതി…പേ॰… നേവസഞ്ഞാനാസഞ്ഞായതനം പച്ചവേക്ഖതി, ദിബ്ബം ചക്ഖും പച്ചവേക്ഖതി, ദിബ്ബം സോതധാതും പച്ചവേക്ഖതി, ഇദ്ധിവിധഞാണം പച്ചവേക്ഖതി, ചേതോപരിയഞാണം പച്ചവേക്ഖതി, പുബ്ബേനിവാസാനുസ്സതിഞാണം പച്ചവേക്ഖതി, യഥാകമ്മൂപഗഞാണം പച്ചവേക്ഖതി, അനാഗതംസഞാണം പച്ചവേക്ഖതി. മഹഗ്ഗതേ ഖന്ധേ അനിച്ചതോ…പേ॰… വിപ്പസ്സതി അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി. (൨)

    Mahaggato dhammo parittassa dhammassa ārammaṇapaccayena paccayo – paṭhamaṃ jhānaṃ paccavekkhati…pe… nevasaññānāsaññāyatanaṃ paccavekkhati, dibbaṃ cakkhuṃ paccavekkhati, dibbaṃ sotadhātuṃ paccavekkhati, iddhividhañāṇaṃ paccavekkhati, cetopariyañāṇaṃ paccavekkhati, pubbenivāsānussatiñāṇaṃ paccavekkhati, yathākammūpagañāṇaṃ paccavekkhati, anāgataṃsañāṇaṃ paccavekkhati. Mahaggate khandhe aniccato…pe… vippassati assādeti abhinandati, taṃ ārabbha rāgo uppajjati…pe… domanassaṃ uppajjati. (2)

    ൫൮. അപ്പമാണോ ധമ്മോ അപ്പമാണസ്സ ധമ്മസ്സ ആരമ്മണപച്ചയേന പച്ചയോ – നിബ്ബാനം മഗ്ഗസ്സ, ഫലസ്സ ആരമ്മണപച്ചയേന പച്ചയോ. (൧)

    58. Appamāṇo dhammo appamāṇassa dhammassa ārammaṇapaccayena paccayo – nibbānaṃ maggassa, phalassa ārammaṇapaccayena paccayo. (1)

    അപ്പമാണോ ധമ്മോ പരിത്തസ്സ ധമ്മസ്സ ആരമ്മണപച്ചയേന പച്ചയോ – അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി, നിബ്ബാനം പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ, ആവജ്ജനായ ആരമ്മണപച്ചയേന പച്ചയോ. (൨)

    Appamāṇo dhammo parittassa dhammassa ārammaṇapaccayena paccayo – ariyā maggā vuṭṭhahitvā maggaṃ paccavekkhanti, phalaṃ paccavekkhanti, nibbānaṃ paccavekkhanti, nibbānaṃ gotrabhussa, vodānassa, āvajjanāya ārammaṇapaccayena paccayo. (2)

    അപ്പമാണോ ധമ്മോ മഹഗ്ഗതസ്സ ധമ്മസ്സ ആരമ്മണപച്ചയേന പച്ചയോ – അരിയാ ചേതോപരിയഞാണേന അപ്പമാണചിത്തസമങ്ഗിസ്സ ചിത്തം ജാനന്തി, അപ്പമാണാ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ ആരമ്മണപച്ചയേന പച്ചയോ. (൩)

    Appamāṇo dhammo mahaggatassa dhammassa ārammaṇapaccayena paccayo – ariyā cetopariyañāṇena appamāṇacittasamaṅgissa cittaṃ jānanti, appamāṇā khandhā cetopariyañāṇassa, pubbenivāsānussatiñāṇassa, anāgataṃsañāṇassa ārammaṇapaccayena paccayo. (3)

    അധിപതിപച്ചയോ

    Adhipatipaccayo

    ൫൯. പരിത്തോ ധമ്മോ പരിത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം ദത്വാ സീലം സമാദിയിത്വാ ഉപോസഥകമ്മം കത്വാ തം ഗരും കത്വാ പച്ചവേക്ഖതി, പുബ്ബേ സുചിണ്ണാനി ഗരും കത്വാ പച്ചവേക്ഖതി. സേക്ഖാ ഗോത്രഭും ഗരും കത്വാ പച്ചവേക്ഖന്തി, വോദാനം ഗരും കത്വാ പച്ചവേക്ഖന്തി. ചക്ഖും…പേ॰… വത്ഥും… പരിത്തേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – പരിത്താധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

    59. Paritto dhammo parittassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā sīlaṃ samādiyitvā uposathakammaṃ katvā taṃ garuṃ katvā paccavekkhati, pubbe suciṇṇāni garuṃ katvā paccavekkhati. Sekkhā gotrabhuṃ garuṃ katvā paccavekkhanti, vodānaṃ garuṃ katvā paccavekkhanti. Cakkhuṃ…pe… vatthuṃ… paritte khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – parittādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    മഹഗ്ഗതോ ധമ്മോ മഹഗ്ഗതസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – മഹഗ്ഗതാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

    Mahaggato dhammo mahaggatassa dhammassa adhipatipaccayena paccayo. Sahajātādhipati – mahaggatādhipati sampayuttakānaṃ khandhānaṃ adhipatipaccayena paccayo. (1)

    മഹഗ്ഗതോ ധമ്മോ പരിത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – പഠമം ഝാനം ഗരും കത്വാ…പേ॰… നേവസഞ്ഞാനാസഞ്ഞായതനം…പേ॰… ദിബ്ബം ചക്ഖും…പേ॰… അനാഗതംസഞാണം ഗരും കത്വാ പച്ചവേക്ഖതി. മഹഗ്ഗതേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി… ദിട്ഠി ഉപ്പജ്ജതി. സഹജാതാധിപതി – മഹഗ്ഗതാധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

    Mahaggato dhammo parittassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – paṭhamaṃ jhānaṃ garuṃ katvā…pe… nevasaññānāsaññāyatanaṃ…pe… dibbaṃ cakkhuṃ…pe… anāgataṃsañāṇaṃ garuṃ katvā paccavekkhati. Mahaggate khandhe garuṃ katvā assādeti abhinandati, taṃ garuṃ katvā rāgo uppajjati… diṭṭhi uppajjati. Sahajātādhipati – mahaggatādhipati cittasamuṭṭhānānaṃ rūpānaṃ adhipatipaccayena paccayo. (2)

    മഹഗ്ഗതോ ധമ്മോ പരിത്തസ്സ ച മഹഗ്ഗതസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – മഹഗ്ഗതാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

    Mahaggato dhammo parittassa ca mahaggatassa ca dhammassa adhipatipaccayena paccayo. Sahajātādhipati – mahaggatādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ൬൦. അപ്പമാണോ ധമ്മോ അപ്പമാണസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – നിബ്ബാനം മഗ്ഗസ്സ… ഫലസ്സ അധിപതിപച്ചയേന പച്ചയോ. സഹജാതാധിപതി – അപ്പമാണാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

    60. Appamāṇo dhammo appamāṇassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – nibbānaṃ maggassa… phalassa adhipatipaccayena paccayo. Sahajātādhipati – appamāṇādhipati sampayuttakānaṃ khandhānaṃ adhipatipaccayena paccayo. (1)

    അപ്പമാണോ ധമ്മോ പരിത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖന്തി, ഫലം ഗരും കത്വാ പച്ചവേക്ഖന്തി, നിബ്ബാനം ഗരും കത്വാ പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ അധിപതിപച്ചയേന പച്ചയോ . സഹജാതാധിപതി – അപ്പമാണാധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

    Appamāṇo dhammo parittassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti, phalaṃ garuṃ katvā paccavekkhanti, nibbānaṃ garuṃ katvā paccavekkhanti, nibbānaṃ gotrabhussa, vodānassa adhipatipaccayena paccayo . Sahajātādhipati – appamāṇādhipati cittasamuṭṭhānānaṃ rūpānaṃ adhipatipaccayena paccayo. (2)

    അപ്പമാണോ ധമ്മോ പരിത്തസ്സ ച അപ്പമാണസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – അപ്പമാണാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

    Appamāṇo dhammo parittassa ca appamāṇassa ca dhammassa adhipatipaccayena paccayo. Sahajātādhipati – appamāṇādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    അനന്തരപച്ചയോ

    Anantarapaccayo

    ൬൧. പരിത്തോ ധമ്മോ പരിത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ പരിത്താ ഖന്ധാ പച്ഛിമാനം പച്ഛിമാനം പരിത്താനം ഖന്ധാനം അനന്തരപച്ചയേന പച്ചയോ. അനുലോമം ഗോത്രഭുസ്സ… അനുലോമം വോദാനസ്സ… ആവജ്ജനാ പരിത്താനം ഖന്ധാനം അനന്തരപച്ചയേന പച്ചയോ. (൧)

    61. Paritto dhammo parittassa dhammassa anantarapaccayena paccayo – purimā purimā parittā khandhā pacchimānaṃ pacchimānaṃ parittānaṃ khandhānaṃ anantarapaccayena paccayo. Anulomaṃ gotrabhussa… anulomaṃ vodānassa… āvajjanā parittānaṃ khandhānaṃ anantarapaccayena paccayo. (1)

    പരിത്തോ ധമ്മോ മഹഗ്ഗതസ്സ ധമ്മസ്സ അനന്തരപച്ചയേന പച്ചയോ – പരിത്തം ചുതിചിത്തം മഹഗ്ഗതസ്സ ഉപപത്തിചിത്തസ്സ അനന്തരപച്ചയേന പച്ചയോ. പരിത്താ ഖന്ധാ മഹഗ്ഗതസ്സ വുട്ഠാനസ്സ അനന്തരപച്ചയേന പച്ചയോ. പഠമസ്സ ഝാനസ്സ പരികമ്മം…പേ॰… നേവസഞ്ഞാനാസഞ്ഞായതനസ്സ പരികമ്മം…പേ॰… ദിബ്ബസ്സ ചക്ഖുസ്സ പരികമ്മം…പേ॰… അനാഗതംസഞാണസ്സ പരികമ്മം അനാഗതംസഞാണസ്സ അനന്തരപച്ചയേന പച്ചയോ. (൨)

    Paritto dhammo mahaggatassa dhammassa anantarapaccayena paccayo – parittaṃ cuticittaṃ mahaggatassa upapatticittassa anantarapaccayena paccayo. Parittā khandhā mahaggatassa vuṭṭhānassa anantarapaccayena paccayo. Paṭhamassa jhānassa parikammaṃ…pe… nevasaññānāsaññāyatanassa parikammaṃ…pe… dibbassa cakkhussa parikammaṃ…pe… anāgataṃsañāṇassa parikammaṃ anāgataṃsañāṇassa anantarapaccayena paccayo. (2)

    പരിത്തോ ധമ്മോ അപ്പമാണസ്സ ധമ്മസ്സ അനന്തരപച്ചയേന പച്ചയോ – ഗോത്രഭു മഗ്ഗസ്സ… വോദാനം മഗ്ഗസ്സ… അനുലോമം ഫലസമാപത്തിയാ അനന്തരപച്ചയേന പച്ചയോ. (൩)

    Paritto dhammo appamāṇassa dhammassa anantarapaccayena paccayo – gotrabhu maggassa… vodānaṃ maggassa… anulomaṃ phalasamāpattiyā anantarapaccayena paccayo. (3)

    ൬൨. മഹഗ്ഗതോ ധമ്മോ മഹഗ്ഗതസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ മഹഗ്ഗതാ ഖന്ധാ പച്ഛിമാനം പച്ഛിമാനം മഹഗ്ഗതാനം ഖന്ധാനം അനന്തരപച്ചയേന പച്ചയോ. (൧)

    62. Mahaggato dhammo mahaggatassa dhammassa anantarapaccayena paccayo – purimā purimā mahaggatā khandhā pacchimānaṃ pacchimānaṃ mahaggatānaṃ khandhānaṃ anantarapaccayena paccayo. (1)

    മഹഗ്ഗതോ ധമ്മോ പരിത്തസ്സ ധമ്മസ്സ അനന്തരപച്ചയേന പച്ചയോ – മഹഗ്ഗതം ചുതിചിത്തം പരിത്തസ്സ ഉപപത്തിചിത്തസ്സ അനന്തരപച്ചയേന പച്ചയോ. മഹഗ്ഗതം ഭവങ്ഗം ആവജ്ജനായ അനന്തരപച്ചയേന പച്ചയോ. മഹഗ്ഗതാ ഖന്ധാ പരിത്തസ്സ വുട്ഠാനസ്സ അനന്തരപച്ചയേന പച്ചയോ. (൨)

    Mahaggato dhammo parittassa dhammassa anantarapaccayena paccayo – mahaggataṃ cuticittaṃ parittassa upapatticittassa anantarapaccayena paccayo. Mahaggataṃ bhavaṅgaṃ āvajjanāya anantarapaccayena paccayo. Mahaggatā khandhā parittassa vuṭṭhānassa anantarapaccayena paccayo. (2)

    മഹഗ്ഗതോ ധമ്മോ അപ്പമാണസ്സ ധമ്മസ്സ അനന്തരപച്ചയേന പച്ചയോ – നേവസഞ്ഞാനാസഞ്ഞായതനം നിരോധാ വുട്ഠഹന്തസ്സ ഫലസമാപത്തിയാ അനന്തരപച്ചയേന പച്ചയോ. (൩)

    Mahaggato dhammo appamāṇassa dhammassa anantarapaccayena paccayo – nevasaññānāsaññāyatanaṃ nirodhā vuṭṭhahantassa phalasamāpattiyā anantarapaccayena paccayo. (3)

    ൬൩. അപ്പമാണോ ധമ്മോ അപ്പമാണസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ അപ്പമാണാ ഖന്ധാ പച്ഛിമാനം പച്ഛിമാനം അപ്പമാണാനം ഖന്ധാനം അനന്തരപച്ചയേന പച്ചയോ. മഗ്ഗോ ഫലസ്സ… ഫലം ഫലസ്സ അനന്തരപച്ചയേന പച്ചയോ. (൧)

    63. Appamāṇo dhammo appamāṇassa dhammassa anantarapaccayena paccayo – purimā purimā appamāṇā khandhā pacchimānaṃ pacchimānaṃ appamāṇānaṃ khandhānaṃ anantarapaccayena paccayo. Maggo phalassa… phalaṃ phalassa anantarapaccayena paccayo. (1)

    അപ്പമാണോ ധമ്മോ പരിത്തസ്സ ധമ്മസ്സ അനന്തരപച്ചയേന പച്ചയോ – ഫലം പരിത്തസ്സ വുട്ഠാനസ്സ അനന്തരപച്ചയേന പച്ചയോ. (൨)

    Appamāṇo dhammo parittassa dhammassa anantarapaccayena paccayo – phalaṃ parittassa vuṭṭhānassa anantarapaccayena paccayo. (2)

    അപ്പമാണോ ധമ്മോ മഹഗ്ഗതസ്സ ധമ്മസ്സ അനന്തരപച്ചയേന പച്ചയോ – ഫലം മഹഗ്ഗതസ്സ വുട്ഠാനസ്സ അനന്തരപച്ചയേന പച്ചയോ. (൩)

    Appamāṇo dhammo mahaggatassa dhammassa anantarapaccayena paccayo – phalaṃ mahaggatassa vuṭṭhānassa anantarapaccayena paccayo. (3)

    (സമനന്തരപച്ചയം അനന്തരപച്ചയസദിസം.)

    (Samanantarapaccayaṃ anantarapaccayasadisaṃ.)

    സഹജാതപച്ചയോ

    Sahajātapaccayo

    ൬൪. പരിത്തോ ധമ്മോ പരിത്തസ്സ ധമ്മസ്സ സഹജാതപച്ചയേന പച്ചയോ – പരിത്തോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം സഹജാതപച്ചയേന പച്ചയോ…പേ॰… ദ്വേ ഖന്ധാ…പേ॰… പടിസന്ധിക്ഖണേ…പേ॰… ഖന്ധാ വത്ഥുസ്സ, വത്ഥു ഖന്ധാനം സഹജാതപച്ചയേന പച്ചയോ; ഏകം മഹാഭൂതം…പേ॰… അസഞ്ഞസത്താനം…പേ॰…. (൧)

    64. Paritto dhammo parittassa dhammassa sahajātapaccayena paccayo – paritto eko khandho tiṇṇannaṃ khandhānaṃ cittasamuṭṭhānānañca rūpānaṃ sahajātapaccayena paccayo…pe… dve khandhā…pe… paṭisandhikkhaṇe…pe… khandhā vatthussa, vatthu khandhānaṃ sahajātapaccayena paccayo; ekaṃ mahābhūtaṃ…pe… asaññasattānaṃ…pe…. (1)

    പരിത്തോ ധമ്മോ മഹഗ്ഗതസ്സ ധമ്മസ്സ സഹജാതപച്ചയേന പച്ചയോ – പടിസന്ധിക്ഖണേ വത്ഥു മഹഗ്ഗതാനം ഖന്ധാനം സഹജാതപച്ചയേന പച്ചയോ. (൨)

    Paritto dhammo mahaggatassa dhammassa sahajātapaccayena paccayo – paṭisandhikkhaṇe vatthu mahaggatānaṃ khandhānaṃ sahajātapaccayena paccayo. (2)

    ൬൫. മഹഗ്ഗതോ ധമ്മോ മഹഗ്ഗതസ്സ ധമ്മസ്സ സഹജാതപച്ചയേന പച്ചയോ – മഹഗ്ഗതോ ഏകോ ഖന്ധോ തിണ്ണന്നം ഖന്ധാനം…പേ॰… ദ്വേ ഖന്ധാ…പേ॰… പടിസന്ധിക്ഖണേ…പേ॰…. (൧)

    65. Mahaggato dhammo mahaggatassa dhammassa sahajātapaccayena paccayo – mahaggato eko khandho tiṇṇannaṃ khandhānaṃ…pe… dve khandhā…pe… paṭisandhikkhaṇe…pe…. (1)

    മഹഗ്ഗതോ ധമ്മോ പരിത്തസ്സ ധമ്മസ്സ സഹജാതപച്ചയേന പച്ചയോ – മഹഗ്ഗതാ ഖന്ധാ ചിത്തസമുട്ഠാനാനം രൂപാനം സഹജാതപച്ചയേന പച്ചയോ. പടിസന്ധിക്ഖണേ മഹഗ്ഗതാ ഖന്ധാ കടത്താരൂപാനം സഹജാതപച്ചയേന പച്ചയോ. (൨)

    Mahaggato dhammo parittassa dhammassa sahajātapaccayena paccayo – mahaggatā khandhā cittasamuṭṭhānānaṃ rūpānaṃ sahajātapaccayena paccayo. Paṭisandhikkhaṇe mahaggatā khandhā kaṭattārūpānaṃ sahajātapaccayena paccayo. (2)

    മഹഗ്ഗതോ ധമ്മോ പരിത്തസ്സ ച മഹഗ്ഗതസ്സ ച ധമ്മസ്സ സഹജാതപച്ചയേന പച്ചയോ – മഹഗ്ഗതോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം സഹജാതപച്ചയേന പച്ചയോ…പേ॰… ദ്വേ ഖന്ധാ…പേ॰… പടിസന്ധിക്ഖണേ…പേ॰…. (൩)

    Mahaggato dhammo parittassa ca mahaggatassa ca dhammassa sahajātapaccayena paccayo – mahaggato eko khandho tiṇṇannaṃ khandhānaṃ cittasamuṭṭhānānañca rūpānaṃ sahajātapaccayena paccayo…pe… dve khandhā…pe… paṭisandhikkhaṇe…pe…. (3)

    ൬൬. അപ്പമാണോ ധമ്മോ അപ്പമാണസ്സ ധമ്മസ്സ സഹജാതപച്ചയേന പച്ചയോ – അപ്പമാണോ ഏകോ ഖന്ധോ തിണ്ണന്നം ഖന്ധാനം സഹജാതപച്ചയേന പച്ചയോ…പേ॰…. (൧)

    66. Appamāṇo dhammo appamāṇassa dhammassa sahajātapaccayena paccayo – appamāṇo eko khandho tiṇṇannaṃ khandhānaṃ sahajātapaccayena paccayo…pe…. (1)

    അപ്പമാണോ ധമ്മോ പരിത്തസ്സ ധമ്മസ്സ സഹജാതപച്ചയേന പച്ചയോ – അപ്പമാണാ ഖന്ധാ ചിത്തസമുട്ഠാനാനം രൂപാനം സഹജാതപച്ചയേന പച്ചയോ. (൨)

    Appamāṇo dhammo parittassa dhammassa sahajātapaccayena paccayo – appamāṇā khandhā cittasamuṭṭhānānaṃ rūpānaṃ sahajātapaccayena paccayo. (2)

    അപ്പമാണോ ധമ്മോ പരിത്തസ്സ ച അപ്പമാണസ്സ ച ധമ്മസ്സ സഹജാതപച്ചയേന പച്ചയോ – അപ്പമാണോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം സഹജാതപച്ചയേന പച്ചയോ…പേ॰…. (൩)

    Appamāṇo dhammo parittassa ca appamāṇassa ca dhammassa sahajātapaccayena paccayo – appamāṇo eko khandho tiṇṇannaṃ khandhānaṃ cittasamuṭṭhānānañca rūpānaṃ sahajātapaccayena paccayo…pe…. (3)

    ൬൭. പരിത്തോ ച അപ്പമാണോ ച ധമ്മാ പരിത്തസ്സ ധമ്മസ്സ സഹജാതപച്ചയേന പച്ചയോ – അപ്പമാണാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം സഹജാതപച്ചയേന പച്ചയോ. (൧)

    67. Paritto ca appamāṇo ca dhammā parittassa dhammassa sahajātapaccayena paccayo – appamāṇā khandhā ca mahābhūtā ca cittasamuṭṭhānānaṃ rūpānaṃ sahajātapaccayena paccayo. (1)

    പരിത്തോ ച മഹഗ്ഗതോ ച ധമ്മാ പരിത്തസ്സ ധമ്മസ്സ സഹജാതപച്ചയേന പച്ചയോ – മഹഗ്ഗതാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം സഹജാതപച്ചയേന പച്ചയോ. പടിസന്ധിക്ഖണേ മഹഗ്ഗതാ ഖന്ധാ ച മഹാഭൂതാ ച കടത്താരൂപാനം സഹജാതപച്ചയേന പച്ചയോ. (൧)

    Paritto ca mahaggato ca dhammā parittassa dhammassa sahajātapaccayena paccayo – mahaggatā khandhā ca mahābhūtā ca cittasamuṭṭhānānaṃ rūpānaṃ sahajātapaccayena paccayo. Paṭisandhikkhaṇe mahaggatā khandhā ca mahābhūtā ca kaṭattārūpānaṃ sahajātapaccayena paccayo. (1)

    പരിത്തോ ച മഹഗ്ഗതോ ച ധമ്മാ മഹഗ്ഗതസ്സ ധമ്മസ്സ സഹജാതപച്ചയേന പച്ചയോ – പടിസന്ധിക്ഖണേ മഹഗ്ഗതോ ഏകോ ഖന്ധോ ച വത്ഥു ച തിണ്ണന്നം ഖന്ധാനം സഹജാതപച്ചയേന പച്ചയോ…പേ॰…. (൨)

    Paritto ca mahaggato ca dhammā mahaggatassa dhammassa sahajātapaccayena paccayo – paṭisandhikkhaṇe mahaggato eko khandho ca vatthu ca tiṇṇannaṃ khandhānaṃ sahajātapaccayena paccayo…pe…. (2)

    അഞ്ഞമഞ്ഞപച്ചയോ

    Aññamaññapaccayo

    ൬൮. പരിത്തോ ധമ്മോ പരിത്തസ്സ ധമ്മസ്സ അഞ്ഞമഞ്ഞപച്ചയേന പച്ചയോ – പരിത്തോ ഏകോ ഖന്ധോ തിണ്ണന്നം ഖന്ധാനം അഞ്ഞമഞ്ഞപച്ചയേന പച്ചയോ…പേ॰… പടിസന്ധിക്ഖണേ…പേ॰… ഖന്ധാ വത്ഥുസ്സ…പേ॰… വത്ഥു ഖന്ധാനം അഞ്ഞമഞ്ഞപച്ചയേന പച്ചയോ; ഏകം മഹാഭൂതം…പേ॰… അസഞ്ഞസത്താനം…പേ॰…. (൧)

    68. Paritto dhammo parittassa dhammassa aññamaññapaccayena paccayo – paritto eko khandho tiṇṇannaṃ khandhānaṃ aññamaññapaccayena paccayo…pe… paṭisandhikkhaṇe…pe… khandhā vatthussa…pe… vatthu khandhānaṃ aññamaññapaccayena paccayo; ekaṃ mahābhūtaṃ…pe… asaññasattānaṃ…pe…. (1)

    പരിത്തോ ധമ്മോ മഹഗ്ഗതസ്സ ധമ്മസ്സ അഞ്ഞമഞ്ഞപച്ചയേന പച്ചയോ…പേ॰… പടിസന്ധിക്ഖണേ വത്ഥു മഹഗ്ഗതാനം ഖന്ധാനം അഞ്ഞമഞ്ഞപച്ചയേന പച്ചയോ…പേ॰…. (൨)

    Paritto dhammo mahaggatassa dhammassa aññamaññapaccayena paccayo…pe… paṭisandhikkhaṇe vatthu mahaggatānaṃ khandhānaṃ aññamaññapaccayena paccayo…pe…. (2)

    മഹഗ്ഗതോ ധമ്മോ മഹഗ്ഗതസ്സ ധമ്മസ്സ അഞ്ഞമഞ്ഞപച്ചയേന പച്ചയോ – മഹഗ്ഗതോ ഏകോ ഖന്ധോ തിണ്ണന്നം ഖന്ധാനം അഞ്ഞമഞ്ഞപച്ചയേന പച്ചയോ…പേ॰… പടിസന്ധിക്ഖണേ…പേ॰…. (൧)

    Mahaggato dhammo mahaggatassa dhammassa aññamaññapaccayena paccayo – mahaggato eko khandho tiṇṇannaṃ khandhānaṃ aññamaññapaccayena paccayo…pe… paṭisandhikkhaṇe…pe…. (1)

    മഹഗ്ഗതോ ധമ്മോ പരിത്തസ്സ ധമ്മസ്സ അഞ്ഞമഞ്ഞപച്ചയേന പച്ചയോ – പടിസന്ധിക്ഖണേ മഹഗ്ഗതാ ഖന്ധാ വത്ഥുസ്സ അഞ്ഞമഞ്ഞപച്ചയേന പച്ചയോ. (൨)

    Mahaggato dhammo parittassa dhammassa aññamaññapaccayena paccayo – paṭisandhikkhaṇe mahaggatā khandhā vatthussa aññamaññapaccayena paccayo. (2)

    മഹഗ്ഗതോ ധമ്മോ പരിത്തസ്സ ച മഹഗ്ഗതസ്സ ച ധമ്മസ്സ അഞ്ഞമഞ്ഞപച്ചയേന പച്ചയോ – പടിസന്ധിക്ഖണേ മഹഗ്ഗതോ ഏകോ ഖന്ധോ തിണ്ണന്നം ഖന്ധാനം വത്ഥുസ്സ ച അഞ്ഞമഞ്ഞപച്ചയേന പച്ചയോ…പേ॰…. (൩)

    Mahaggato dhammo parittassa ca mahaggatassa ca dhammassa aññamaññapaccayena paccayo – paṭisandhikkhaṇe mahaggato eko khandho tiṇṇannaṃ khandhānaṃ vatthussa ca aññamaññapaccayena paccayo…pe…. (3)

    അപ്പമാണോ ധമ്മോ അപ്പമാണസ്സ ധമ്മസ്സ അഞ്ഞമഞ്ഞപച്ചയേന പച്ചയോ – അപ്പമാണോ ഏകോ ഖന്ധോ തിണ്ണന്നം ഖന്ധാനം അഞ്ഞമഞ്ഞപച്ചയേന പച്ചയോ…പേ॰… ദ്വേ ഖന്ധാ…പേ॰…. (൧)

    Appamāṇo dhammo appamāṇassa dhammassa aññamaññapaccayena paccayo – appamāṇo eko khandho tiṇṇannaṃ khandhānaṃ aññamaññapaccayena paccayo…pe… dve khandhā…pe…. (1)

    പരിത്തോ ച മഹഗ്ഗതോ ച ധമ്മാ മഹഗ്ഗതസ്സ ധമ്മസ്സ അഞ്ഞമഞ്ഞപച്ചയേന പച്ചയോ – പടിസന്ധിക്ഖണേ മഹഗ്ഗതോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അഞ്ഞമഞ്ഞപച്ചയേന പച്ചയോ…പേ॰…. (൧)

    Paritto ca mahaggato ca dhammā mahaggatassa dhammassa aññamaññapaccayena paccayo – paṭisandhikkhaṇe mahaggato eko khandho ca vatthu ca tiṇṇannaṃ khandhānaṃ aññamaññapaccayena paccayo…pe…. (1)

    നിസ്സയപച്ചയോ

    Nissayapaccayo

    ൬൯. പരിത്തോ ധമ്മോ പരിത്തസ്സ ധമ്മസ്സ നിസ്സയപച്ചയേന പച്ചയോ – പരിത്തോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം നിസ്സയപച്ചയേന പച്ചയോ…പേ॰… ദ്വേ ഖന്ധാ…പേ॰… പടിസന്ധിക്ഖണേ…പേ॰… ഖന്ധാ വത്ഥുസ്സ…പേ॰… വത്ഥു ഖന്ധാനം നിസ്സയപച്ചയേന പച്ചയോ…പേ॰… ഏകം മഹാഭൂതം…പേ॰… അസഞ്ഞസത്താനം ഏകം മഹാഭൂതം…പേ॰… ചക്ഖായതനം ചക്ഖുവിഞ്ഞാണസ്സ…പേ॰… കായായതനം കായവിഞ്ഞാണസ്സ… വത്ഥു പരിത്താനം ഖന്ധാനം നിസ്സയപച്ചയേന പച്ചയോ. (൧)

    69. Paritto dhammo parittassa dhammassa nissayapaccayena paccayo – paritto eko khandho tiṇṇannaṃ khandhānaṃ cittasamuṭṭhānānañca rūpānaṃ nissayapaccayena paccayo…pe… dve khandhā…pe… paṭisandhikkhaṇe…pe… khandhā vatthussa…pe… vatthu khandhānaṃ nissayapaccayena paccayo…pe… ekaṃ mahābhūtaṃ…pe… asaññasattānaṃ ekaṃ mahābhūtaṃ…pe… cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa… vatthu parittānaṃ khandhānaṃ nissayapaccayena paccayo. (1)

    പരിത്തോ ധമ്മോ മഹഗ്ഗതസ്സ ധമ്മസ്സ നിസ്സയപച്ചയേന പച്ചയോ – വത്ഥു മഹഗ്ഗതാനം ഖന്ധാനം നിസ്സയപച്ചയേന പച്ചയോ. പടിസന്ധിക്ഖണേ വത്ഥു മഹഗ്ഗതാനം ഖന്ധാനം നിസ്സയപച്ചയേന പച്ചയോ. (൨)

    Paritto dhammo mahaggatassa dhammassa nissayapaccayena paccayo – vatthu mahaggatānaṃ khandhānaṃ nissayapaccayena paccayo. Paṭisandhikkhaṇe vatthu mahaggatānaṃ khandhānaṃ nissayapaccayena paccayo. (2)

    പരിത്തോ ധമ്മോ അപ്പമാണസ്സ ധമ്മസ്സ നിസ്സയപച്ചയേന പച്ചയോ – വത്ഥു അപ്പമാണാനം ഖന്ധാനം നിസ്സയപച്ചയേന പച്ചയോ. (൩)

    Paritto dhammo appamāṇassa dhammassa nissayapaccayena paccayo – vatthu appamāṇānaṃ khandhānaṃ nissayapaccayena paccayo. (3)

    ൭൦. മഹഗ്ഗതോ ധമ്മോ മഹഗ്ഗതസ്സ ധമ്മസ്സ നിസ്സയപച്ചയേന പച്ചയോ – മഹഗ്ഗതോ ഏകോ ഖന്ധോ തിണ്ണന്നം ഖന്ധാനം…പേ॰… ദ്വേ ഖന്ധാ…പേ॰… പടിസന്ധിക്ഖണേ…പേ॰…. (൧)

    70. Mahaggato dhammo mahaggatassa dhammassa nissayapaccayena paccayo – mahaggato eko khandho tiṇṇannaṃ khandhānaṃ…pe… dve khandhā…pe… paṭisandhikkhaṇe…pe…. (1)

    മഹഗ്ഗതോ ധമ്മോ പരിത്തസ്സ ധമ്മസ്സ നിസ്സയപച്ചയേന പച്ചയോ – മഹഗ്ഗതാ ഖന്ധാ ചിത്തസമുട്ഠാനാനം രൂപാനം നിസ്സയപച്ചയേന പച്ചയോ. പടിസന്ധിക്ഖണേ മഹഗ്ഗതാ ഖന്ധാ കടത്താരൂപാനം നിസ്സയപച്ചയേന പച്ചയോ. (൨)

    Mahaggato dhammo parittassa dhammassa nissayapaccayena paccayo – mahaggatā khandhā cittasamuṭṭhānānaṃ rūpānaṃ nissayapaccayena paccayo. Paṭisandhikkhaṇe mahaggatā khandhā kaṭattārūpānaṃ nissayapaccayena paccayo. (2)

    മഹഗ്ഗതോ ധമ്മോ പരിത്തസ്സ ച മഹഗ്ഗതസ്സ ച ധമ്മസ്സ നിസ്സയപച്ചയേന പച്ചയോ – മഹഗ്ഗതോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം നിസ്സയപച്ചയേന പച്ചയോ…പേ॰… ദ്വേ ഖന്ധാ…പേ॰… പടിസന്ധിക്ഖണേ…പേ॰…. (൩)

    Mahaggato dhammo parittassa ca mahaggatassa ca dhammassa nissayapaccayena paccayo – mahaggato eko khandho tiṇṇannaṃ khandhānaṃ cittasamuṭṭhānānañca rūpānaṃ nissayapaccayena paccayo…pe… dve khandhā…pe… paṭisandhikkhaṇe…pe…. (3)

    ൭൧. അപ്പമാണോ ധമ്മോ അപ്പമാണസ്സ ധമ്മസ്സ നിസ്സയപച്ചയേന പച്ചയോ – അപ്പമാണോ ഏകോ ഖന്ധോ തിണ്ണന്നം ഖന്ധാനം നിസ്സയപച്ചയേന പച്ചയോ…പേ॰…. (൧)

    71. Appamāṇo dhammo appamāṇassa dhammassa nissayapaccayena paccayo – appamāṇo eko khandho tiṇṇannaṃ khandhānaṃ nissayapaccayena paccayo…pe…. (1)

    അപ്പമാണോ ധമ്മോ പരിത്തസ്സ ധമ്മസ്സ നിസ്സയപച്ചയേന പച്ചയോ – അപ്പമാണാ ഖന്ധാ ചിത്തസമുട്ഠാനാനം രൂപാനം നിസ്സയപച്ചയേന പച്ചയോ. (൨)

    Appamāṇo dhammo parittassa dhammassa nissayapaccayena paccayo – appamāṇā khandhā cittasamuṭṭhānānaṃ rūpānaṃ nissayapaccayena paccayo. (2)

    അപ്പമാണോ ധമ്മോ പരിത്തസ്സ ച അപ്പമാണസ്സ ച ധമ്മസ്സ നിസ്സയപച്ചയേന പച്ചയോ – അപ്പമാണോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം നിസ്സയപച്ചയേന പച്ചയോ…പേ॰…. (൩)

    Appamāṇo dhammo parittassa ca appamāṇassa ca dhammassa nissayapaccayena paccayo – appamāṇo eko khandho tiṇṇannaṃ khandhānaṃ cittasamuṭṭhānānañca rūpānaṃ nissayapaccayena paccayo…pe…. (3)

    പരിത്തോ ച അപ്പമാണോ ച ധമ്മാ പരിത്തസ്സ ധമ്മസ്സ നിസ്സയപച്ചയേന പച്ചയോ – അപ്പമാണാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം നിസ്സയപച്ചയേന പച്ചയോ. (൧)

    Paritto ca appamāṇo ca dhammā parittassa dhammassa nissayapaccayena paccayo – appamāṇā khandhā ca mahābhūtā ca cittasamuṭṭhānānaṃ rūpānaṃ nissayapaccayena paccayo. (1)

    പരിത്തോ ച അപ്പമാണോ ച ധമ്മാ അപ്പമാണസ്സ ധമ്മസ്സ നിസ്സയപച്ചയേന പച്ചയോ – അപ്പമാണോ ഏകോ ഖന്ധോ ച വത്ഥു ച തിണ്ണന്നം ഖന്ധാനം നിസ്സയപച്ചയേന പച്ചയോ…പേ॰… ദ്വേ ഖന്ധാ…പേ॰…. (൨)

    Paritto ca appamāṇo ca dhammā appamāṇassa dhammassa nissayapaccayena paccayo – appamāṇo eko khandho ca vatthu ca tiṇṇannaṃ khandhānaṃ nissayapaccayena paccayo…pe… dve khandhā…pe…. (2)

    പരിത്തോ ച മഹഗ്ഗതോ ച ധമ്മാ പരിത്തസ്സ ധമ്മസ്സ നിസ്സയപച്ചയേന പച്ചയോ – മഹഗ്ഗതാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം നിസ്സയപച്ചയേന പച്ചയോ. പടിസന്ധിക്ഖണേ മഹഗ്ഗതാ ഖന്ധാ ച മഹാഭൂതാ ച കടത്താരൂപാനം നിസ്സയപച്ചയേന പച്ചയോ. (൧)

    Paritto ca mahaggato ca dhammā parittassa dhammassa nissayapaccayena paccayo – mahaggatā khandhā ca mahābhūtā ca cittasamuṭṭhānānaṃ rūpānaṃ nissayapaccayena paccayo. Paṭisandhikkhaṇe mahaggatā khandhā ca mahābhūtā ca kaṭattārūpānaṃ nissayapaccayena paccayo. (1)

    പരിത്തോ ച മഹഗ്ഗതോ ച ധമ്മാ മഹഗ്ഗതസ്സ ധമ്മസ്സ നിസ്സയപച്ചയേന പച്ചയോ – മഹഗ്ഗതോ ഏകോ ഖന്ധോ ച വത്ഥു ച തിണ്ണന്നം ഖന്ധാനം നിസ്സയപച്ചയേന പച്ചയോ…പേ॰… പടിസന്ധിക്ഖണേ മഹഗ്ഗതോ ഏകോ ഖന്ധോ ച വത്ഥു ച തിണ്ണന്നം ഖന്ധാനം നിസ്സയപച്ചയേന പച്ചയോ…പേ॰… ദ്വേ ഖന്ധാ…പേ॰…. (൨)

    Paritto ca mahaggato ca dhammā mahaggatassa dhammassa nissayapaccayena paccayo – mahaggato eko khandho ca vatthu ca tiṇṇannaṃ khandhānaṃ nissayapaccayena paccayo…pe… paṭisandhikkhaṇe mahaggato eko khandho ca vatthu ca tiṇṇannaṃ khandhānaṃ nissayapaccayena paccayo…pe… dve khandhā…pe…. (2)

    ഉപനിസ്സയപച്ചയോ

    Upanissayapaccayo

    ൭൨. പരിത്തോ ധമ്മോ പരിത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ॰…. പകതൂപനിസ്സയോ – പരിത്തം സദ്ധം ഉപനിസ്സായ ദാനം ദേതി, സീലം സമാദിയതി, ഉപോസഥകമ്മം കരോതി, വിപസ്സനം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി, പരിത്തം സീലം…പേ॰… പഞ്ഞം… രാഗം…പേ॰… പത്ഥനം… കായികം സുഖം…പേ॰… സേനാസനം ഉപനിസ്സായ ദാനം ദേതി, സീലം…പേ॰… ഉപോസഥം…പേ॰… വിപസ്സനം ഉപ്പാദേതി, പാണം ഹനതി…പേ॰… സങ്ഘം ഭിന്ദതി. പരിത്താ സദ്ധാ…പേ॰… പഞ്ഞാ, രാഗോ…പേ॰… പത്ഥനാ, കായികം സുഖം…പേ॰… സേനാസനം പരിത്തായ സദ്ധായ…പേ॰… പഞ്ഞായ , രാഗസ്സ…പേ॰… പത്ഥനായ, കായികസ്സ സുഖസ്സ, കായികസ്സ ദുക്ഖസ്സ ഉപനിസ്സയപച്ചയേന പച്ചയോ. കുസലാകുസലം കമ്മം വിപാകസ്സ ഉപനിസ്സയപച്ചയേന പച്ചയോ. പാണാതിപാതോ പാണാതിപാതസ്സ ഉപനിസ്സയപച്ചയേന പച്ചയോ (ചക്കം കാതബ്ബം). മാതുഘാതികമ്മം മാതുഘാതികമ്മസ്സ ഉപനിസ്സയപച്ചയേന പച്ചയോ (ചക്കം കാതബ്ബം കുസലത്തികസദിസം). (൧)

    72. Paritto dhammo parittassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – parittaṃ saddhaṃ upanissāya dānaṃ deti, sīlaṃ samādiyati, uposathakammaṃ karoti, vipassanaṃ uppādeti, mānaṃ jappeti, diṭṭhiṃ gaṇhāti, parittaṃ sīlaṃ…pe… paññaṃ… rāgaṃ…pe… patthanaṃ… kāyikaṃ sukhaṃ…pe… senāsanaṃ upanissāya dānaṃ deti, sīlaṃ…pe… uposathaṃ…pe… vipassanaṃ uppādeti, pāṇaṃ hanati…pe… saṅghaṃ bhindati. Parittā saddhā…pe… paññā, rāgo…pe… patthanā, kāyikaṃ sukhaṃ…pe… senāsanaṃ parittāya saddhāya…pe… paññāya , rāgassa…pe… patthanāya, kāyikassa sukhassa, kāyikassa dukkhassa upanissayapaccayena paccayo. Kusalākusalaṃ kammaṃ vipākassa upanissayapaccayena paccayo. Pāṇātipāto pāṇātipātassa upanissayapaccayena paccayo (cakkaṃ kātabbaṃ). Mātughātikammaṃ mātughātikammassa upanissayapaccayena paccayo (cakkaṃ kātabbaṃ kusalattikasadisaṃ). (1)

    പരിത്തോ ധമ്മോ മഹഗ്ഗതസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ॰…. പകതൂപനിസ്സയോ – പരിത്തം സദ്ധം ഉപനിസ്സായ മഹഗ്ഗതം ഝാനം ഉപ്പാദേതി, അഭിഞ്ഞം ഉപ്പാദേതി, സമാപത്തിം ഉപ്പാദേതി. പരിത്തം സീലം…പേ॰… പഞ്ഞം… രാഗം…പേ॰… സേനാസനം ഉപനിസ്സായ മഹഗ്ഗതം ഝാനം ഉപ്പാദേതി, അഭിഞ്ഞം ഉപ്പാദേതി, സമാപത്തിം ഉപ്പാദേതി. പരിത്താ സദ്ധാ…പേ॰… സേനാസനം മഹഗ്ഗതായ സദ്ധായ…പേ॰… പഞ്ഞായ ഉപനിസ്സയപച്ചയേന പച്ചയോ. പഠമസ്സ ഝാനസ്സ പരികമ്മം…പേ॰… നേവസഞ്ഞാനാസഞ്ഞായതനസ്സ പരികമ്മം നേവസഞ്ഞാനാസഞ്ഞായതനസ്സ ഉപനിസ്സയപച്ചയേന പച്ചയോ. ദിബ്ബസ്സ ചക്ഖുസ്സ പരികമ്മം…പേ॰… അനാഗതംസഞാണസ്സ പരികമ്മം…പേ॰…. (൨)

    Paritto dhammo mahaggatassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – parittaṃ saddhaṃ upanissāya mahaggataṃ jhānaṃ uppādeti, abhiññaṃ uppādeti, samāpattiṃ uppādeti. Parittaṃ sīlaṃ…pe… paññaṃ… rāgaṃ…pe… senāsanaṃ upanissāya mahaggataṃ jhānaṃ uppādeti, abhiññaṃ uppādeti, samāpattiṃ uppādeti. Parittā saddhā…pe… senāsanaṃ mahaggatāya saddhāya…pe… paññāya upanissayapaccayena paccayo. Paṭhamassa jhānassa parikammaṃ…pe… nevasaññānāsaññāyatanassa parikammaṃ nevasaññānāsaññāyatanassa upanissayapaccayena paccayo. Dibbassa cakkhussa parikammaṃ…pe… anāgataṃsañāṇassa parikammaṃ…pe…. (2)

    പരിത്തോ ധമ്മോ അപ്പമാണസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ॰…. പകതൂപനിസ്സയോ പരിത്തം സദ്ധം ഉപനിസ്സായ അപ്പമാണം ഝാനം ഉപ്പാദേതി, മഗ്ഗം ഉപ്പാദേതി, ഫലസമാപത്തിം ഉപ്പാദേതി. പരിത്തം സീലം…പേ॰… പഞ്ഞം… രാഗം…പേ॰… പത്ഥനം… കായികം സുഖം…പേ॰… സേനാസനം ഉപനിസ്സായ അപ്പമാണം ഝാനം ഉപ്പാദേതി, മഗ്ഗം ഉപ്പാദേതി, ഫലസമാപത്തിം ഉപ്പാദേതി. പരിത്താ സദ്ധാ…പേ॰… സേനാസനം അപ്പമാണായ സദ്ധായ…പേ॰… പഞ്ഞായ, മഗ്ഗസ്സ ഫലസമാപത്തിയാ ഉപനിസ്സയപച്ചയേന പച്ചയോ. പഠമസ്സ മഗ്ഗസ്സ പരികമ്മം പഠമസ്സ മഗ്ഗസ്സ…പേ॰… ചതുത്ഥസ്സ മഗ്ഗസ്സ പരികമ്മം ചതുത്ഥസ്സ മഗ്ഗസ്സ ഉപനിസ്സയപച്ചയേന പച്ചയോ. (൩)

    Paritto dhammo appamāṇassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo parittaṃ saddhaṃ upanissāya appamāṇaṃ jhānaṃ uppādeti, maggaṃ uppādeti, phalasamāpattiṃ uppādeti. Parittaṃ sīlaṃ…pe… paññaṃ… rāgaṃ…pe… patthanaṃ… kāyikaṃ sukhaṃ…pe… senāsanaṃ upanissāya appamāṇaṃ jhānaṃ uppādeti, maggaṃ uppādeti, phalasamāpattiṃ uppādeti. Parittā saddhā…pe… senāsanaṃ appamāṇāya saddhāya…pe… paññāya, maggassa phalasamāpattiyā upanissayapaccayena paccayo. Paṭhamassa maggassa parikammaṃ paṭhamassa maggassa…pe… catutthassa maggassa parikammaṃ catutthassa maggassa upanissayapaccayena paccayo. (3)

    ൭൩. മഹഗ്ഗതോ ധമ്മോ മഹഗ്ഗതസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ॰…. പകതൂപനിസ്സയോ – മഹഗ്ഗതം സദ്ധം ഉപനിസ്സായ മഹഗ്ഗതം ഝാനം ഉപ്പാദേതി, അഭിഞ്ഞം ഉപ്പാദേതി, സമാപത്തിം ഉപ്പാദേതി. മഹഗ്ഗതം സീലം…പേ॰… പഞ്ഞം ഉപനിസ്സായ മഹഗ്ഗതം ഝാനം ഉപ്പാദേതി, അഭിഞ്ഞം ഉപ്പാദേതി, സമാപത്തിം ഉപ്പാദേതി. മഹഗ്ഗതാ സദ്ധാ…പേ॰… പഞ്ഞാ മഹഗ്ഗതായ സദ്ധായ…പേ॰… പഞ്ഞായ ഉപനിസ്സയപച്ചയേന പച്ചയോ. പഠമം ഝാനം ദുതിയസ്സ ഝാനസ്സ…പേ॰… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ ഉപനിസ്സയപച്ചയേന പച്ചയോ. (൧)

    73. Mahaggato dhammo mahaggatassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – mahaggataṃ saddhaṃ upanissāya mahaggataṃ jhānaṃ uppādeti, abhiññaṃ uppādeti, samāpattiṃ uppādeti. Mahaggataṃ sīlaṃ…pe… paññaṃ upanissāya mahaggataṃ jhānaṃ uppādeti, abhiññaṃ uppādeti, samāpattiṃ uppādeti. Mahaggatā saddhā…pe… paññā mahaggatāya saddhāya…pe… paññāya upanissayapaccayena paccayo. Paṭhamaṃ jhānaṃ dutiyassa jhānassa…pe… ākiñcaññāyatanaṃ nevasaññānāsaññāyatanassa upanissayapaccayena paccayo. (1)

    മഹഗ്ഗതോ ധമ്മോ പരിത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ॰…. പകതൂപനിസ്സയോ – മഹഗ്ഗതം സദ്ധം ഉപനിസ്സായ ദാനം ദേതി, സീലം സമാദിയതി, ഉപോസഥകമ്മം കരോതി, വിപസ്സനം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി, മഹഗ്ഗതം സീലം…പേ॰… പഞ്ഞം ഉപനിസ്സായ ദാനം ദേതി…പേ॰… വിപസ്സനം ഉപ്പാദേതി…പേ॰… മഹഗ്ഗതാ സദ്ധാ…പേ॰… പഞ്ഞാ പരിത്തായ സദ്ധായ…പേ॰… പഞ്ഞായ…പേ॰… കായികസ്സ സുഖസ്സ, കായികസ്സ ദുക്ഖസ്സ ഉപനിസ്സയപച്ചയേന പച്ചയോ. (൨)

    Mahaggato dhammo parittassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – mahaggataṃ saddhaṃ upanissāya dānaṃ deti, sīlaṃ samādiyati, uposathakammaṃ karoti, vipassanaṃ uppādeti, mānaṃ jappeti, diṭṭhiṃ gaṇhāti, mahaggataṃ sīlaṃ…pe… paññaṃ upanissāya dānaṃ deti…pe… vipassanaṃ uppādeti…pe… mahaggatā saddhā…pe… paññā parittāya saddhāya…pe… paññāya…pe… kāyikassa sukhassa, kāyikassa dukkhassa upanissayapaccayena paccayo. (2)

    മഹഗ്ഗതോ ധമ്മോ അപ്പമാണസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ॰…. പകതൂപനിസ്സയോ – മഹഗ്ഗതം സദ്ധം ഉപനിസ്സായ അപ്പമാണം ഝാനം ഉപ്പാദേതി, മഗ്ഗം ഉപ്പാദേതി, ഫലസമാപത്തിം ഉപ്പാദേതി . മഹഗ്ഗതം സീലം…പേ॰… പഞ്ഞം ഉപനിസ്സായ അപ്പമാണം ഝാനം ഉപ്പാദേതി, മഗ്ഗം ഉപ്പാദേതി, ഫലസമാപത്തിം ഉപ്പാദേതി. മഹഗ്ഗതാ സദ്ധാ…പേ॰… പഞ്ഞാ അപ്പമാണായ സദ്ധായ…പേ॰… പഞ്ഞായ മഗ്ഗസ്സ ഫലസമാപത്തിയാ ഉപനിസ്സയപച്ചയേന പച്ചയോ. (൩)

    Mahaggato dhammo appamāṇassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – mahaggataṃ saddhaṃ upanissāya appamāṇaṃ jhānaṃ uppādeti, maggaṃ uppādeti, phalasamāpattiṃ uppādeti . Mahaggataṃ sīlaṃ…pe… paññaṃ upanissāya appamāṇaṃ jhānaṃ uppādeti, maggaṃ uppādeti, phalasamāpattiṃ uppādeti. Mahaggatā saddhā…pe… paññā appamāṇāya saddhāya…pe… paññāya maggassa phalasamāpattiyā upanissayapaccayena paccayo. (3)

    ൭൪. അപ്പമാണോ ധമ്മോ അപ്പമാണസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ॰…. പകതൂപനിസ്സയോ – അപ്പമാണം സദ്ധം ഉപനിസ്സായ അപ്പമാണം ഝാനം ഉപ്പാദേതി, മഗ്ഗം ഉപ്പാദേതി, ഫലസമാപത്തിം ഉപ്പാദേതി. അപ്പമാണം സീലം…പേ॰… പഞ്ഞം ഉപനിസ്സായ അപ്പമാണം ഝാനം ഉപ്പാദേതി, മഗ്ഗം ഉപ്പാദേതി, ഫലസമാപത്തിം ഉപ്പാദേതി. അപ്പമാണാ സദ്ധാ…പേ॰… പഞ്ഞാ അപ്പമാണായ സദ്ധായ…പേ॰… പഞ്ഞായ ഉപനിസ്സയപച്ചയേന പച്ചയോ. പഠമോ മഗ്ഗോ ദുതിയസ്സ മഗ്ഗസ്സ…പേ॰… തതിയോ മഗ്ഗോ ചതുത്ഥസ്സ മഗ്ഗസ്സ… മഗ്ഗോ ഫലസമാപത്തിയാ ഉപനിസ്സയപച്ചയേന പച്ചയോ. (൧)

    74. Appamāṇo dhammo appamāṇassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – appamāṇaṃ saddhaṃ upanissāya appamāṇaṃ jhānaṃ uppādeti, maggaṃ uppādeti, phalasamāpattiṃ uppādeti. Appamāṇaṃ sīlaṃ…pe… paññaṃ upanissāya appamāṇaṃ jhānaṃ uppādeti, maggaṃ uppādeti, phalasamāpattiṃ uppādeti. Appamāṇā saddhā…pe… paññā appamāṇāya saddhāya…pe… paññāya upanissayapaccayena paccayo. Paṭhamo maggo dutiyassa maggassa…pe… tatiyo maggo catutthassa maggassa… maggo phalasamāpattiyā upanissayapaccayena paccayo. (1)

    അപ്പമാണോ ധമ്മോ പരിത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ॰…. പകതൂപനിസ്സയോ – അപ്പമാണം സദ്ധം ഉപനിസ്സായ ദാനം ദേതി, സീലം…പേ॰… ഉപോസഥകമ്മം… വിപസ്സനം ഉപ്പാദേതി. അപ്പമാണം സീലം…പേ॰… പഞ്ഞം ഉപനിസ്സായ ദാനം ദേതി, സീലം…പേ॰… ഉപോസഥകമ്മം… വിപസ്സനം… അപ്പമാണാ സദ്ധാ…പേ॰… പഞ്ഞാ പരിത്തായ സദ്ധായ…പേ॰… പഞ്ഞായ…പേ॰… കായികസ്സ സുഖസ്സ, കായികസ്സ ദുക്ഖസ്സ ഉപനിസ്സയപച്ചയേന പച്ചയോ. ഫലസമാപത്തി കായികസ്സ സുഖസ്സ ഉപനിസ്സയപച്ചയേന പച്ചയോ. അരിയാ മഗ്ഗം ഉപനിസ്സായ സങ്ഖാരേ അനിച്ചതോ…പേ॰… വിപസ്സന്തി, മഗ്ഗോ അരിയാനം അത്ഥപ്പടിസമ്ഭിദായ…പേ॰… പടിഭാനപ്പടിസമ്ഭിദായ… ഠാനാഠാനകോസല്ലസ്സ ഉപനിസ്സയപച്ചയേന പച്ചയോ. (൨)

    Appamāṇo dhammo parittassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – appamāṇaṃ saddhaṃ upanissāya dānaṃ deti, sīlaṃ…pe… uposathakammaṃ… vipassanaṃ uppādeti. Appamāṇaṃ sīlaṃ…pe… paññaṃ upanissāya dānaṃ deti, sīlaṃ…pe… uposathakammaṃ… vipassanaṃ… appamāṇā saddhā…pe… paññā parittāya saddhāya…pe… paññāya…pe… kāyikassa sukhassa, kāyikassa dukkhassa upanissayapaccayena paccayo. Phalasamāpatti kāyikassa sukhassa upanissayapaccayena paccayo. Ariyā maggaṃ upanissāya saṅkhāre aniccato…pe… vipassanti, maggo ariyānaṃ atthappaṭisambhidāya…pe… paṭibhānappaṭisambhidāya… ṭhānāṭhānakosallassa upanissayapaccayena paccayo. (2)

    അപ്പമാണോ ധമ്മോ മഹഗ്ഗതസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ॰…. പകതൂപനിസ്സയോ – അപ്പമാണം സദ്ധം ഉപനിസ്സായ മഹഗ്ഗതം ഝാനം ഉപ്പാദേതി, അഭിഞ്ഞം ഉപ്പാദേതി, സമാപത്തിം ഉപ്പാദേതി, അപ്പമാണം സീലം…പേ॰… പഞ്ഞം ഉപനിസ്സായ മഹഗ്ഗതം ഝാനം ഉപ്പാദേതി, അഭിഞ്ഞം ഉപ്പാദേതി, സമാപത്തിം ഉപ്പാദേതി. അപ്പമാണാ സദ്ധാ…പേ॰… പഞ്ഞാ മഹഗ്ഗതായ സദ്ധായ…പേ॰… പഞ്ഞായ ഉപനിസ്സയപച്ചയേന പച്ചയോ, അരിയാ മഗ്ഗം ഉപനിസ്സായ അനുപ്പന്നം സമാപത്തിം ഉപ്പാദേന്തി, ഉപ്പന്നം സമാപജ്ജന്തി. (൩)

    Appamāṇo dhammo mahaggatassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – appamāṇaṃ saddhaṃ upanissāya mahaggataṃ jhānaṃ uppādeti, abhiññaṃ uppādeti, samāpattiṃ uppādeti, appamāṇaṃ sīlaṃ…pe… paññaṃ upanissāya mahaggataṃ jhānaṃ uppādeti, abhiññaṃ uppādeti, samāpattiṃ uppādeti. Appamāṇā saddhā…pe… paññā mahaggatāya saddhāya…pe… paññāya upanissayapaccayena paccayo, ariyā maggaṃ upanissāya anuppannaṃ samāpattiṃ uppādenti, uppannaṃ samāpajjanti. (3)

    പുരേജാതപച്ചയോ

    Purejātapaccayo

    ൭൫. പരിത്തോ ധമ്മോ പരിത്തസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും അനിച്ചതോ…പേ॰… വിപസ്സതി അസ്സാദേതി അഭിനന്ദതി; തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി. സോതം…പേ॰… വത്ഥും അനിച്ചതോ…പേ॰… ദോമനസ്സം ഉപ്പജ്ജതി. രൂപായതനം ചക്ഖുവിഞ്ഞാണസ്സ…പേ॰… ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ॰… കായായതനം കായവിഞ്ഞാണസ്സ… വത്ഥു പരിത്താനം ഖന്ധാനം പുരേജാതപച്ചയേന പച്ചയോ. (൧)

    75. Paritto dhammo parittassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ aniccato…pe… vipassati assādeti abhinandati; taṃ ārabbha rāgo uppajjati…pe… domanassaṃ uppajjati. Sotaṃ…pe… vatthuṃ aniccato…pe… domanassaṃ uppajjati. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa… vatthu parittānaṃ khandhānaṃ purejātapaccayena paccayo. (1)

    പരിത്തോ ധമ്മോ മഹഗ്ഗതസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. വത്ഥുപുരേജാതം – വത്ഥു മഹഗ്ഗതാനം ഖന്ധാനം പുരേജാതപച്ചയേന പച്ചയോ. (൨)

    Paritto dhammo mahaggatassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – dibbena cakkhunā rūpaṃ passati, dibbāya sotadhātuyā saddaṃ suṇāti. Vatthupurejātaṃ – vatthu mahaggatānaṃ khandhānaṃ purejātapaccayena paccayo. (2)

    പരിത്തോ ധമ്മോ അപ്പമാണസ്സ ധമ്മസ്സ പുരേജാതപച്ചയേന പച്ചയോ. വത്ഥുപുരേജാതം – വത്ഥു അപ്പമാണാനം ഖന്ധാനം പുരേജാതപച്ചയേന പച്ചയോ. (൩)

    Paritto dhammo appamāṇassa dhammassa purejātapaccayena paccayo. Vatthupurejātaṃ – vatthu appamāṇānaṃ khandhānaṃ purejātapaccayena paccayo. (3)

    പച്ഛാജാതപച്ചയോ

    Pacchājātapaccayo

    ൭൬. പരിത്തോ ധമ്മോ പരിത്തസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ പരിത്താ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

    76. Paritto dhammo parittassa dhammassa pacchājātapaccayena paccayo – pacchājātā parittā khandhā purejātassa imassa kāyassa pacchājātapaccayena paccayo. (1)

    മഹഗ്ഗതോ ധമ്മോ പരിത്തസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ മഹഗ്ഗതാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

    Mahaggato dhammo parittassa dhammassa pacchājātapaccayena paccayo – pacchājātā mahaggatā khandhā purejātassa imassa kāyassa pacchājātapaccayena paccayo. (1)

    അപ്പമാണോ ധമ്മോ പരിത്തസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ അപ്പമാണാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

    Appamāṇo dhammo parittassa dhammassa pacchājātapaccayena paccayo – pacchājātā appamāṇā khandhā purejātassa imassa kāyassa pacchājātapaccayena paccayo. (1)

    ആസേവനപച്ചയോ

    Āsevanapaccayo

    ൭൭. പരിത്തോ ധമ്മോ പരിത്തസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ പരിത്താ ഖന്ധാ പച്ഛിമാനം പച്ഛിമാനം പരിത്താനം ഖന്ധാനം…പേ॰… അനുലോമം ഗോത്രഭുസ്സ, അനുലോമം വോദാനസ്സ ആസേവനപച്ചയേന പച്ചയോ. (൧)

    77. Paritto dhammo parittassa dhammassa āsevanapaccayena paccayo – purimā purimā parittā khandhā pacchimānaṃ pacchimānaṃ parittānaṃ khandhānaṃ…pe… anulomaṃ gotrabhussa, anulomaṃ vodānassa āsevanapaccayena paccayo. (1)

    പരിത്തോ ധമ്മോ മഹഗ്ഗതസ്സ ധമ്മസ്സ ആസേവനപച്ചയേന പച്ചയോ – പഠമസ്സ ഝാനസ്സ പരികമ്മം തസ്സേവ 1 ആസേവനപച്ചയേന പച്ചയോ…പേ॰… നേവസഞ്ഞാനാസഞ്ഞായതനസ്സ പരികമ്മം തസ്സേവ 2 ആസേവനപച്ചയേന പച്ചയോ. ദിബ്ബസ്സ ചക്ഖുസ്സ പരികമ്മം…പേ॰… അനാഗതംസഞാണസ്സ പരികമ്മം അനാഗതംസഞാണസ്സ ആസേവനപച്ചയേന പച്ചയോ. (൨)

    Paritto dhammo mahaggatassa dhammassa āsevanapaccayena paccayo – paṭhamassa jhānassa parikammaṃ tasseva 3 āsevanapaccayena paccayo…pe… nevasaññānāsaññāyatanassa parikammaṃ tasseva 4 āsevanapaccayena paccayo. Dibbassa cakkhussa parikammaṃ…pe… anāgataṃsañāṇassa parikammaṃ anāgataṃsañāṇassa āsevanapaccayena paccayo. (2)

    പരിത്തോ ധമ്മോ അപ്പമാണസ്സ ധമ്മസ്സ ആസേവനപച്ചയേന പച്ചയോ – ഗോത്രഭു മഗ്ഗസ്സ… വോദാനം മഗ്ഗസ്സ ആസേവനപച്ചയേന പച്ചയോ. (൩)

    Paritto dhammo appamāṇassa dhammassa āsevanapaccayena paccayo – gotrabhu maggassa… vodānaṃ maggassa āsevanapaccayena paccayo. (3)

    മഹഗ്ഗതോ ധമ്മോ മഹഗ്ഗതസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ മഹഗ്ഗതാ ഖന്ധാ പച്ഛിമാനം പച്ഛിമാനം മഹഗ്ഗതാനം ഖന്ധാനം…പേ॰… ആസേവനപച്ചയേന പച്ചയോ. (൧)

    Mahaggato dhammo mahaggatassa dhammassa āsevanapaccayena paccayo – purimā purimā mahaggatā khandhā pacchimānaṃ pacchimānaṃ mahaggatānaṃ khandhānaṃ…pe… āsevanapaccayena paccayo. (1)

    കമ്മപച്ചയോ

    Kammapaccayo

    ൭൮. പരിത്തോ ധമ്മോ പരിത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – പരിത്താ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. പടിസന്ധിക്ഖണേ പരിത്താ ചേതനാ സമ്പയുത്തകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. നാനാക്ഖണികാ – പരിത്താ ചേതനാ വിപാകാനം പരിത്താനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

    78. Paritto dhammo parittassa dhammassa kammapaccayena paccayo – sahajātā, nānākkhaṇikā. Sahajātā – parittā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Paṭisandhikkhaṇe parittā cetanā sampayuttakānaṃ khandhānaṃ kaṭattā ca rūpānaṃ kammapaccayena paccayo. Nānākkhaṇikā – parittā cetanā vipākānaṃ parittānaṃ khandhānaṃ kaṭattā ca rūpānaṃ kammapaccayena paccayo. (1)

    മഹഗ്ഗതോ ധമ്മോ മഹഗ്ഗതസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – മഹഗ്ഗതാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. പടിസന്ധിക്ഖണേ മഹഗ്ഗതാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. നാനാക്ഖണികാ – മഹഗ്ഗതാ ചേതനാ വിപാകാനം മഹഗ്ഗതാനം ഖന്ധാനം കമ്മപച്ചയേന പച്ചയോ. (൧)

    Mahaggato dhammo mahaggatassa dhammassa kammapaccayena paccayo – sahajātā, nānākkhaṇikā. Sahajātā – mahaggatā cetanā sampayuttakānaṃ khandhānaṃ kammapaccayena paccayo. Paṭisandhikkhaṇe mahaggatā cetanā sampayuttakānaṃ khandhānaṃ kammapaccayena paccayo. Nānākkhaṇikā – mahaggatā cetanā vipākānaṃ mahaggatānaṃ khandhānaṃ kammapaccayena paccayo. (1)

    മഹഗ്ഗതോ ധമ്മോ പരിത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – മഹഗ്ഗതാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. പടിസന്ധിക്ഖണേ മഹഗ്ഗതാ ചേതനാ കടത്താരൂപാനം കമ്മപച്ചയേന പച്ചയോ. നാനാക്ഖണികാ – മഹഗ്ഗതാ ചേതനാ കടത്താരൂപാനം കമ്മപച്ചയേന പച്ചയോ. (൨)

    Mahaggato dhammo parittassa dhammassa kammapaccayena paccayo – sahajātā, nānākkhaṇikā. Sahajātā – mahaggatā cetanā cittasamuṭṭhānānaṃ rūpānaṃ kammapaccayena paccayo. Paṭisandhikkhaṇe mahaggatā cetanā kaṭattārūpānaṃ kammapaccayena paccayo. Nānākkhaṇikā – mahaggatā cetanā kaṭattārūpānaṃ kammapaccayena paccayo. (2)

    മഹഗ്ഗതോ ധമ്മോ പരിത്തസ്സ ച മഹഗ്ഗതസ്സ ച ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – മഹഗ്ഗതാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. പടിസന്ധിക്ഖണേ മഹഗ്ഗതാ ചേതനാ സമ്പയുത്തകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. നാനാക്ഖണികാ – മഹഗ്ഗതാ ചേതനാ വിപാകാനം മഹഗ്ഗതാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൩)

    Mahaggato dhammo parittassa ca mahaggatassa ca dhammassa kammapaccayena paccayo – sahajātā, nānākkhaṇikā. Sahajātā – mahaggatā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Paṭisandhikkhaṇe mahaggatā cetanā sampayuttakānaṃ khandhānaṃ kaṭattā ca rūpānaṃ kammapaccayena paccayo. Nānākkhaṇikā – mahaggatā cetanā vipākānaṃ mahaggatānaṃ khandhānaṃ kaṭattā ca rūpānaṃ kammapaccayena paccayo. (3)

    ൭൯. അപ്പമാണോ ധമ്മോ അപ്പമാണസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – അപ്പമാണാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. നാനാക്ഖണികാ – അപ്പമാണാ ചേതനാ വിപാകാനം അപ്പമാണാനം ഖന്ധാനം കമ്മപച്ചയേന പച്ചയോ. (൧)

    79. Appamāṇo dhammo appamāṇassa dhammassa kammapaccayena paccayo – sahajātā, nānākkhaṇikā. Sahajātā – appamāṇā cetanā sampayuttakānaṃ khandhānaṃ kammapaccayena paccayo. Nānākkhaṇikā – appamāṇā cetanā vipākānaṃ appamāṇānaṃ khandhānaṃ kammapaccayena paccayo. (1)

    അപ്പമാണോ ധമ്മോ പരിത്തസ്സ ധമ്മസ്സ കമ്മപച്ചയേന പച്ചയോ – അപ്പമാണാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ . (൨)

    Appamāṇo dhammo parittassa dhammassa kammapaccayena paccayo – appamāṇā cetanā cittasamuṭṭhānānaṃ rūpānaṃ kammapaccayena paccayo . (2)

    അപ്പമാണോ ധമ്മോ പരിത്തസ്സ ച അപ്പമാണസ്സ ച ധമ്മസ്സ കമ്മപച്ചയേന പച്ചയോ – അപ്പമാണാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

    Appamāṇo dhammo parittassa ca appamāṇassa ca dhammassa kammapaccayena paccayo – appamāṇā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)

    വിപാകപച്ചയോ

    Vipākapaccayo

    ൮൦. പരിത്തോ ധമ്മോ പരിത്തസ്സ ധമ്മസ്സ വിപാകപച്ചയേന പച്ചയോ – വിപാകോ പരിത്തോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം വിപാകപച്ചയേന പച്ചയോ…പേ॰… പടിസന്ധിക്ഖണേ…പേ॰… ഖന്ധാ വത്ഥുസ്സ വിപാകപച്ചയേന പച്ചയോ. (൧)

    80. Paritto dhammo parittassa dhammassa vipākapaccayena paccayo – vipāko paritto eko khandho tiṇṇannaṃ khandhānaṃ cittasamuṭṭhānānañca rūpānaṃ vipākapaccayena paccayo…pe… paṭisandhikkhaṇe…pe… khandhā vatthussa vipākapaccayena paccayo. (1)

    മഹഗ്ഗതോ ധമ്മോ മഹഗ്ഗതസ്സ ധമ്മസ്സ വിപാകപച്ചയേന പച്ചയോ…പേ॰… (തിസ്സോ പഞ്ഹാ, പവത്തിപടിസന്ധി കാതബ്ബാ). (൩)

    Mahaggato dhammo mahaggatassa dhammassa vipākapaccayena paccayo…pe… (tisso pañhā, pavattipaṭisandhi kātabbā). (3)

    അപ്പമാണോ ധമ്മോ അപ്പമാണസ്സ ധമ്മസ്സ വിപാകപച്ചയേന പച്ചയോ… തീണി (പവത്തിമേവ).

    Appamāṇo dhammo appamāṇassa dhammassa vipākapaccayena paccayo… tīṇi (pavattimeva).

    ആഹാരപച്ചയാദി

    Āhārapaccayādi

    ൮൧. പരിത്തോ ധമ്മോ പരിത്തസ്സ ധമ്മസ്സ ആഹാരപച്ചയേന പച്ചയോ…പേ॰… ഇന്ദ്രിയപച്ചയേന പച്ചയോ… ഝാനപച്ചയേന പച്ചയോ… മഗ്ഗപച്ചയേന പച്ചയോ… സമ്പയുത്തപച്ചയേന പച്ചയോ… വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതാ – പരിത്താ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പടിസന്ധിക്ഖണേ പരിത്താ ഖന്ധാ കടത്താരൂപാനം വിപ്പയുത്തപച്ചയേന പച്ചയോ. ഖന്ധാ വത്ഥുസ്സ…പേ॰… വത്ഥു ഖന്ധാനം വിപ്പയുത്തപച്ചയേന പച്ചയോ. പുരേജാതം – ചക്ഖായതനം ചക്ഖുവിഞ്ഞാണസ്സ വിപ്പയുത്തപച്ചയേന പച്ചയോ…പേ॰… കായായതനം കായവിഞ്ഞാണസ്സ വിപ്പയുത്തപച്ചയേന പച്ചയോ. വത്ഥു പരിത്താനം ഖന്ധാനം വിപ്പയുത്തപച്ചയേന പച്ചയോ. പച്ഛാജാതാ – പരിത്താ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

    81. Paritto dhammo parittassa dhammassa āhārapaccayena paccayo…pe… indriyapaccayena paccayo… jhānapaccayena paccayo… maggapaccayena paccayo… sampayuttapaccayena paccayo… vippayuttapaccayena paccayo – sahajātaṃ, purejātaṃ, pacchājātaṃ. Sahajātā – parittā khandhā cittasamuṭṭhānānaṃ rūpānaṃ vippayuttapaccayena paccayo. Paṭisandhikkhaṇe parittā khandhā kaṭattārūpānaṃ vippayuttapaccayena paccayo. Khandhā vatthussa…pe… vatthu khandhānaṃ vippayuttapaccayena paccayo. Purejātaṃ – cakkhāyatanaṃ cakkhuviññāṇassa vippayuttapaccayena paccayo…pe… kāyāyatanaṃ kāyaviññāṇassa vippayuttapaccayena paccayo. Vatthu parittānaṃ khandhānaṃ vippayuttapaccayena paccayo. Pacchājātā – parittā khandhā purejātassa imassa kāyassa vippayuttapaccayena paccayo. (1)

    പരിത്തോ ധമ്മോ മഹഗ്ഗതസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം. സഹജാതം – പടിസന്ധിക്ഖണേ വത്ഥു മഹഗ്ഗതാനം ഖന്ധാനം വിപ്പയുത്തപച്ചയേന പച്ചയോ. പുരേജാതം – വത്ഥു മഹഗ്ഗതാനം ഖന്ധാനം വിപ്പയുത്തപച്ചയേന പച്ചയോ. (൨)

    Paritto dhammo mahaggatassa dhammassa vippayuttapaccayena paccayo – sahajātaṃ, purejātaṃ. Sahajātaṃ – paṭisandhikkhaṇe vatthu mahaggatānaṃ khandhānaṃ vippayuttapaccayena paccayo. Purejātaṃ – vatthu mahaggatānaṃ khandhānaṃ vippayuttapaccayena paccayo. (2)

    പരിത്തോ ധമ്മോ അപ്പമാണസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു അപ്പമാണാനം ഖന്ധാനം വിപ്പയുത്തപച്ചയേന പച്ചയോ. (൩)

    Paritto dhammo appamāṇassa dhammassa vippayuttapaccayena paccayo. Purejātaṃ – vatthu appamāṇānaṃ khandhānaṃ vippayuttapaccayena paccayo. (3)

    ൮൨. മഹഗ്ഗതോ ധമ്മോ പരിത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – മഹഗ്ഗതാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പടിസന്ധിക്ഖണേ…പേ॰… പച്ഛാജാതാ – മഹഗ്ഗതാ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

    82. Mahaggato dhammo parittassa dhammassa vippayuttapaccayena paccayo – sahajātaṃ, pacchājātaṃ. Sahajātā – mahaggatā khandhā cittasamuṭṭhānānaṃ rūpānaṃ vippayuttapaccayena paccayo. Paṭisandhikkhaṇe…pe… pacchājātā – mahaggatā khandhā purejātassa imassa kāyassa vippayuttapaccayena paccayo. (1)

    അപ്പമാണോ ധമ്മോ പരിത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – അപ്പമാണാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ – അപ്പമാണാ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ . (൧)

    Appamāṇo dhammo parittassa dhammassa vippayuttapaccayena paccayo – sahajātaṃ, pacchājātaṃ. Sahajātā – appamāṇā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – appamāṇā khandhā purejātassa imassa kāyassa vippayuttapaccayena paccayo . (1)

    അത്ഥിപച്ചയോ

    Atthipaccayo

    ൮൩. പരിത്തോ ധമ്മോ പരിത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – പരിത്തോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ॰… ദ്വേ ഖന്ധാ…പേ॰… പടിസന്ധിക്ഖണേ…പേ॰… ഖന്ധാ വത്ഥുസ്സ അത്ഥിപച്ചയേന പച്ചയോ. വത്ഥു ഖന്ധാനം അത്ഥിപച്ചയേന പച്ചയോ; ഏകം മഹാഭൂതം…പേ॰… അസഞ്ഞസത്താനം…പേ॰…. പുരേജാതം – ചക്ഖും…പേ॰… വത്ഥും അനിച്ചതോ…പേ॰… വിപസ്സതി അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി…പേ॰… ദോമനസ്സം ഉപ്പജ്ജതി, രൂപായതനം ചക്ഖുവിഞ്ഞാണസ്സ…പേ॰… ഫോട്ഠബ്ബായതനം കായവിഞ്ഞാണസ്സ അത്ഥിപച്ചയേന പച്ചയോ. ചക്ഖായതനം ചക്ഖുവിഞ്ഞാണസ്സ അത്ഥിപച്ചയേന പച്ചയോ…പേ॰… കായായതനം കായവിഞ്ഞാണസ്സ…പേ॰… വത്ഥു പരിത്താനം ഖന്ധാനം അത്ഥിപച്ചയേന പച്ചയോ. പച്ഛാജാതാ – പരിത്താ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. കബളീകാരോ ആഹാരോ ഇമസ്സ കായസ്സ അത്ഥിപച്ചയേന പച്ചയോ. രൂപജീവിതിന്ദ്രിയം കടത്താരൂപാനം അത്ഥിപച്ചയേന പച്ചയോ. (൧)

    83. Paritto dhammo parittassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – paritto eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe… paṭisandhikkhaṇe…pe… khandhā vatthussa atthipaccayena paccayo. Vatthu khandhānaṃ atthipaccayena paccayo; ekaṃ mahābhūtaṃ…pe… asaññasattānaṃ…pe…. Purejātaṃ – cakkhuṃ…pe… vatthuṃ aniccato…pe… vipassati assādeti abhinandati, taṃ ārabbha rāgo uppajjati…pe… domanassaṃ uppajjati, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa atthipaccayena paccayo. Cakkhāyatanaṃ cakkhuviññāṇassa atthipaccayena paccayo…pe… kāyāyatanaṃ kāyaviññāṇassa…pe… vatthu parittānaṃ khandhānaṃ atthipaccayena paccayo. Pacchājātā – parittā khandhā purejātassa imassa kāyassa atthipaccayena paccayo. Kabaḷīkāro āhāro imassa kāyassa atthipaccayena paccayo. Rūpajīvitindriyaṃ kaṭattārūpānaṃ atthipaccayena paccayo. (1)

    പരിത്തോ ധമ്മോ മഹഗ്ഗതസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതം – പടിസന്ധിക്ഖണേ വത്ഥു മഹഗ്ഗതാനം ഖന്ധാനം അത്ഥിപച്ചയേന പച്ചയോ. പുരേജാതം – ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, വത്ഥു മഹഗ്ഗതാനം ഖന്ധാനം അത്ഥിപച്ചയേന പച്ചയോ. (൨)

    Paritto dhammo mahaggatassa dhammassa atthipaccayena paccayo – sahajātaṃ, purejātaṃ. Sahajātaṃ – paṭisandhikkhaṇe vatthu mahaggatānaṃ khandhānaṃ atthipaccayena paccayo. Purejātaṃ – dibbena cakkhunā rūpaṃ passati, dibbāya sotadhātuyā saddaṃ suṇāti, vatthu mahaggatānaṃ khandhānaṃ atthipaccayena paccayo. (2)

    പരിത്തോ ധമ്മോ അപ്പമാണസ്സ ധമ്മസ്സ അത്ഥിപച്ചയേന പച്ചയോ. പുരേജാതം – വത്ഥു അപ്പമാണാനം ഖന്ധാനം അത്ഥിപച്ചയേന പച്ചയോ. (൩)

    Paritto dhammo appamāṇassa dhammassa atthipaccayena paccayo. Purejātaṃ – vatthu appamāṇānaṃ khandhānaṃ atthipaccayena paccayo. (3)

    ൮൪. മഹഗ്ഗതോ ധമ്മോ മഹഗ്ഗതസ്സ ധമ്മസ്സ അത്ഥിപച്ചയേന പച്ചയോ. മഹഗ്ഗതോ ഏകോ ഖന്ധോ തിണ്ണന്നം ഖന്ധാനം…പേ॰… ദ്വേ ഖന്ധാ…പേ॰… പടിസന്ധിക്ഖണേ…പേ॰…. (൧)

    84. Mahaggato dhammo mahaggatassa dhammassa atthipaccayena paccayo. Mahaggato eko khandho tiṇṇannaṃ khandhānaṃ…pe… dve khandhā…pe… paṭisandhikkhaṇe…pe…. (1)

    മഹഗ്ഗതോ ധമ്മോ പരിത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതാ – മഹഗ്ഗതാ ഖന്ധാ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പടിസന്ധിക്ഖണേ മഹഗ്ഗതാ ഖന്ധാ കടത്താരൂപാനം അത്ഥിപച്ചയേന പച്ചയോ. പച്ഛാജാതാ – മഹഗ്ഗതാ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. (൨)

    Mahaggato dhammo parittassa dhammassa atthipaccayena paccayo – sahajātaṃ, pacchājātaṃ. Sahajātā – mahaggatā khandhā cittasamuṭṭhānānaṃ rūpānaṃ atthipaccayena paccayo. Paṭisandhikkhaṇe mahaggatā khandhā kaṭattārūpānaṃ atthipaccayena paccayo. Pacchājātā – mahaggatā khandhā purejātassa imassa kāyassa atthipaccayena paccayo. (2)

    മഹഗ്ഗതോ ധമ്മോ പരിത്തസ്സ ച മഹഗ്ഗതസ്സ ച ധമ്മസ്സ അത്ഥിപച്ചയേന പച്ചയോ – മഹഗ്ഗതോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ॰… ദ്വേ ഖന്ധാ…പേ॰… പടിസന്ധിക്ഖണേ…പേ॰…. (൩)

    Mahaggato dhammo parittassa ca mahaggatassa ca dhammassa atthipaccayena paccayo – mahaggato eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe… paṭisandhikkhaṇe…pe…. (3)

    ൮൫. അപ്പമാണോ ധമ്മോ അപ്പമാണസ്സ ധമ്മസ്സ അത്ഥിപച്ചയേന പച്ചയോ – അപ്പമാണോ ഏകോ ഖന്ധോ തിണ്ണന്നം ഖന്ധാനം…പേ॰…. (൧)

    85. Appamāṇo dhammo appamāṇassa dhammassa atthipaccayena paccayo – appamāṇo eko khandho tiṇṇannaṃ khandhānaṃ…pe…. (1)

    അപ്പമാണോ ധമ്മോ പരിത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതാ – അപ്പമാണാ ഖന്ധാ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – അപ്പമാണാ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. (൨)

    Appamāṇo dhammo parittassa dhammassa atthipaccayena paccayo – sahajātaṃ, pacchājātaṃ. Sahajātā – appamāṇā khandhā cittasamuṭṭhānānaṃ rūpānaṃ atthipaccayena paccayo. Pacchājātā – appamāṇā khandhā purejātassa imassa kāyassa atthipaccayena paccayo. (2)

    അപ്പമാണോ ധമ്മോ പരിത്തസ്സ ച അപ്പമാണസ്സ ച ധമ്മസ്സ അത്ഥിപച്ചയേന പച്ചയോ – അപ്പമാണോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ॰…. (൩)

    Appamāṇo dhammo parittassa ca appamāṇassa ca dhammassa atthipaccayena paccayo – appamāṇo eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe…. (3)

    ൮൬. പരിത്തോ ച അപ്പമാണോ ച ധമ്മാ പരിത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതാ – അപ്പമാണാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – അപ്പമാണാ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – അപ്പമാണാ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൧)

    86. Paritto ca appamāṇo ca dhammā parittassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – appamāṇā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – appamāṇā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – appamāṇā khandhā ca rūpajīvitindriyañca kaṭattārūpānaṃ atthipaccayena paccayo. (1)

    പരിത്തോ ച അപ്പമാണോ ച ധമ്മാ അപ്പമാണസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – അപ്പമാണോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ॰… ദ്വേ ഖന്ധാ…പേ॰…. (൨)

    Paritto ca appamāṇo ca dhammā appamāṇassa dhammassa atthipaccayena paccayo – sahajātaṃ, purejātaṃ. Sahajāto – appamāṇo eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā…pe…. (2)

    പരിത്തോ ച മഹഗ്ഗതോ ച ധമ്മാ പരിത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതാ – മഹഗ്ഗതാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പടിസന്ധിക്ഖണേ മഹഗ്ഗതാ ഖന്ധാ ച മഹാഭൂതാ ച കടത്താരൂപാനം അത്ഥിപച്ചയേന പച്ചയോ. പച്ഛാജാതാ – മഹഗ്ഗതാ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – മഹഗ്ഗതാ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൧)

    Paritto ca mahaggato ca dhammā parittassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – mahaggatā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Paṭisandhikkhaṇe mahaggatā khandhā ca mahābhūtā ca kaṭattārūpānaṃ atthipaccayena paccayo. Pacchājātā – mahaggatā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – mahaggatā khandhā ca rūpajīvitindriyañca kaṭattārūpānaṃ atthipaccayena paccayo. (1)

    പരിത്തോ ച മഹഗ്ഗതോ ച ധമ്മാ മഹഗ്ഗതസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – മഹഗ്ഗതോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ॰… ദ്വേ ഖന്ധാ…പേ॰… പടിസന്ധിക്ഖണേ മഹഗ്ഗതോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ॰… ദ്വേ ഖന്ധാ ച വത്ഥു ച…പേ॰… നത്ഥിപച്ചയേന പച്ചയോ… വിഗതപച്ചയേന പച്ചയോ… അവിഗതപച്ചയേന പച്ചയോ. (൨)

    Paritto ca mahaggato ca dhammā mahaggatassa dhammassa atthipaccayena paccayo – sahajātaṃ, purejātaṃ. Sahajāto – mahaggato eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā…pe… paṭisandhikkhaṇe mahaggato eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā ca vatthu ca…pe… natthipaccayena paccayo… vigatapaccayena paccayo… avigatapaccayena paccayo. (2)

    ൧. പച്ചയാനുലോമം

    1. Paccayānulomaṃ

    ൨. സങ്ഖ്യാവാരോ

    2. Saṅkhyāvāro

    ൮൭. ഹേതുയാ സത്ത, ആരമ്മണേ സത്ത, അധിപതിയാ സത്ത, അനന്തരേ നവ, സമനന്തരേ നവ, സഹജാതേ ഏകാദസ, അഞ്ഞമഞ്ഞേ സത്ത, നിസ്സയേ തേരസ, ഉപനിസ്സയേ നവ, പുരേജാതേ തീണി, പച്ഛാജാതേ തീണി, ആസേവനേ ചത്താരി, കമ്മേ സത്ത, വിപാകേ ആഹാരേ ഇന്ദ്രിയേ ഝാനേ മഗ്ഗേ സത്ത, സമ്പയുത്തേ തീണി, വിപ്പയുത്തേ പഞ്ച, അത്ഥിയാ തേരസ, നത്ഥിയാ നവ, വിഗതേ നവ, അവിഗതേ തേരസ (ഏവം ഗണേതബ്ബം).

    87. Hetuyā satta, ārammaṇe satta, adhipatiyā satta, anantare nava, samanantare nava, sahajāte ekādasa, aññamaññe satta, nissaye terasa, upanissaye nava, purejāte tīṇi, pacchājāte tīṇi, āsevane cattāri, kamme satta, vipāke āhāre indriye jhāne magge satta, sampayutte tīṇi, vippayutte pañca, atthiyā terasa, natthiyā nava, vigate nava, avigate terasa (evaṃ gaṇetabbaṃ).

    അനുലോമം.

    Anulomaṃ.

    പച്ചനീയുദ്ധാരോ

    Paccanīyuddhāro

    ൮൮. പരിത്തോ ധമ്മോ പരിത്തസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൧)

    88. Paritto dhammo parittassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    പരിത്തോ ധമ്മോ മഹഗ്ഗതസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൨)

    Paritto dhammo mahaggatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (2)

    പരിത്തോ ധമ്മോ അപ്പമാണസ്സ ധമ്മസ്സ ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൩)

    Paritto dhammo appamāṇassa dhammassa upanissayapaccayena paccayo… purejātapaccayena paccayo. (3)

    മഹഗ്ഗതോ ധമ്മോ മഹഗ്ഗതസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

    Mahaggato dhammo mahaggatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    മഹഗ്ഗതോ ധമ്മോ പരിത്തസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ … ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ. (൨)

    Mahaggato dhammo parittassa dhammassa ārammaṇapaccayena paccayo… sahajātapaccayena paccayo … upanissayapaccayena paccayo… pacchājātapaccayena paccayo… kammapaccayena paccayo. (2)

    മഹഗ്ഗതോ ധമ്മോ അപ്പമാണസ്സ ധമ്മസ്സ ഉപനിസ്സയപച്ചയേന പച്ചയോ. (൩)

    Mahaggato dhammo appamāṇassa dhammassa upanissayapaccayena paccayo. (3)

    മഹഗ്ഗതോ ധമ്മോ പരിത്തസ്സ ച മഹഗ്ഗതസ്സ ച ധമ്മസ്സ സഹജാതപച്ചയേന പച്ചയോ… കമ്മപച്ചയേന പച്ചയോ. (൪)

    Mahaggato dhammo parittassa ca mahaggatassa ca dhammassa sahajātapaccayena paccayo… kammapaccayena paccayo. (4)

    ൮൯. അപ്പമാണോ ധമ്മോ അപ്പമാണസ്സ ധമ്മസ്സ സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

    89. Appamāṇo dhammo appamāṇassa dhammassa sahajātapaccayena paccayo… upanissayapaccayena paccayo. (1)

    അപ്പമാണോ ധമ്മോ പരിത്തസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൨)

    Appamāṇo dhammo parittassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    അപ്പമാണോ ധമ്മോ മഹഗ്ഗതസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ. (൩)

    Appamāṇo dhammo mahaggatassa dhammassa ārammaṇapaccayena paccayo… upanissayapaccayena paccayo. (3)

    അപ്പമാണോ ധമ്മോ പരിത്തസ്സ ച അപ്പമാണസ്സ ച ധമ്മസ്സ സഹജാതപച്ചയേന പച്ചയോ. (൪)

    Appamāṇo dhammo parittassa ca appamāṇassa ca dhammassa sahajātapaccayena paccayo. (4)

    പരിത്തോ ച അപ്പമാണോ ച ധമ്മാ പരിത്തസ്സ ധമ്മസ്സ സഹജാതം, പച്ഛാജാതം, ആഹാരം, ഇന്ദ്രിയം. (൧)

    Paritto ca appamāṇo ca dhammā parittassa dhammassa sahajātaṃ, pacchājātaṃ, āhāraṃ, indriyaṃ. (1)

    പരിത്തോ ച അപ്പമാണോ ച ധമ്മാ അപ്പമാണസ്സ ധമ്മസ്സ സഹജാതം, പുരേജാതം. (൨)

    Paritto ca appamāṇo ca dhammā appamāṇassa dhammassa sahajātaṃ, purejātaṃ. (2)

    പരിത്തോ ച മഹഗ്ഗതോ ച ധമ്മാ പരിത്തസ്സ ധമ്മസ്സ സഹജാതം, പച്ഛാജാതം, ആഹാരം, ഇന്ദ്രിയം. (൧)

    Paritto ca mahaggato ca dhammā parittassa dhammassa sahajātaṃ, pacchājātaṃ, āhāraṃ, indriyaṃ. (1)

    പരിത്തോ ച മഹഗ്ഗതോ ച ധമ്മാ മഹഗ്ഗതസ്സ ധമ്മസ്സ സഹജാതം, പുരേജാതം. (൨)

    Paritto ca mahaggato ca dhammā mahaggatassa dhammassa sahajātaṃ, purejātaṃ. (2)

    ൨. പച്ചയപച്ചനീയം

    2. Paccayapaccanīyaṃ

    ൨. സങ്ഖ്യാവാരോ

    2. Saṅkhyāvāro

    ൯൦. നഹേതുയാ പന്നരസ, നആരമ്മണേ പന്നരസ, നഅധിപതിയാ നഅനന്തരേ നസമനന്തരേ പന്നരസ, നസഹജാതേ ദ്വാദസ, നഅഞ്ഞമഞ്ഞേ ദ്വാദസ, നനിസ്സയേ ദ്വാദസ, നഉപനിസ്സയേ ചുദ്ദസ, നപുരേജാതേ ചുദ്ദസ, നപച്ഛാജാതേ പന്നരസ, നആസേവനേ പന്നരസ…പേ॰… നമഗ്ഗേ പന്നരസ, നസമ്പയുത്തേ ദ്വാദസ, നവിപ്പയുത്തേ ദസ, നോഅത്ഥിയാ ദസ, നോനത്ഥിയാ പന്നരസ, നോവിഗതേ പന്നരസ, നോഅവിഗതേ ദസ (ഏവം ഗണേതബ്ബം).

    90. Nahetuyā pannarasa, naārammaṇe pannarasa, naadhipatiyā naanantare nasamanantare pannarasa, nasahajāte dvādasa, naaññamaññe dvādasa, nanissaye dvādasa, naupanissaye cuddasa, napurejāte cuddasa, napacchājāte pannarasa, naāsevane pannarasa…pe… namagge pannarasa, nasampayutte dvādasa, navippayutte dasa, noatthiyā dasa, nonatthiyā pannarasa, novigate pannarasa, noavigate dasa (evaṃ gaṇetabbaṃ).

    പച്ചനീയം.

    Paccanīyaṃ.

    ൩. പച്ചയാനുലോമപച്ചനീയം

    3. Paccayānulomapaccanīyaṃ

    ഹേതുദുകം

    Hetudukaṃ

    ൯൧. ഹേതുപച്ചയാ നആരമ്മണേ സത്ത, നഅധിപതിയാ നഅനന്തരേ നസമനന്തരേ സത്ത, നഅഞ്ഞമഞ്ഞേ തീണി, നഉപനിസ്സയേ സത്ത, നപുരേജാതേ സത്ത…പേ॰… നമഗ്ഗേ സത്ത, നസമ്പയുത്തേ തീണി, നവിപ്പയുത്തേ തീണി, നോനത്ഥിയാ സത്ത, നോവിഗതേ സത്ത (ഏവം ഗണേതബ്ബം).

    91. Hetupaccayā naārammaṇe satta, naadhipatiyā naanantare nasamanantare satta, naaññamaññe tīṇi, naupanissaye satta, napurejāte satta…pe… namagge satta, nasampayutte tīṇi, navippayutte tīṇi, nonatthiyā satta, novigate satta (evaṃ gaṇetabbaṃ).

    അനുലോമപച്ചനീയം.

    Anulomapaccanīyaṃ.

    ൪. പച്ചയപച്ചനീയാനുലോമം

    4. Paccayapaccanīyānulomaṃ

    നഹേതുദുകം

    Nahetudukaṃ

    ൯൨. നഹേതുപച്ചയാ ആരമ്മണേ സത്ത, അധിപതിയാ സത്ത, അനന്തരേ നവ, സമനന്തരേ നവ, സഹജാതേ ഏകാദസ, അഞ്ഞമഞ്ഞേ സത്ത, നിസ്സയേ തേരസ, ഉപനിസ്സയേ നവ, പുരേജാതേ തീണി, പച്ഛാജാതേ തീണി, ആസേവനേ ചത്താരി, കമ്മേ സത്ത…പേ॰… മഗ്ഗേ സത്ത, സമ്പയുത്തേ തീണി, വിപ്പയുത്തേ പഞ്ച, അത്ഥിയാ തേരസ, നത്ഥിയാ നവ, വിഗതേ നവ, അവിഗതേ തേരസ.

    92. Nahetupaccayā ārammaṇe satta, adhipatiyā satta, anantare nava, samanantare nava, sahajāte ekādasa, aññamaññe satta, nissaye terasa, upanissaye nava, purejāte tīṇi, pacchājāte tīṇi, āsevane cattāri, kamme satta…pe… magge satta, sampayutte tīṇi, vippayutte pañca, atthiyā terasa, natthiyā nava, vigate nava, avigate terasa.

    പച്ചനീയാനുലോമം.

    Paccanīyānulomaṃ.

    പരിത്തത്തികം നിട്ഠിതം.

    Parittattikaṃ niṭṭhitaṃ.




    Next: ൧൩. പരിത്താരമ്മണത്തികം • 13. Parittārammaṇattikaṃ




    Footnotes:
    1. പഠമസ്സ ഝാനസ്സ (?)
    2. നേവസഞ്ഞാനാസഞ്ഞായതനസ്സ (?) അഞ്ഞേസു തികേസു ഓലോകേതബ്ബം
    3. paṭhamassa jhānassa (?)
    4. nevasaññānāsaññāyatanassa (?) aññesu tikesu oloketabbaṃ



    Related texts:



    അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൫-൨൨. സങ്കിലിട്ഠത്തികാദിവണ്ണനാ • 5-22. Saṅkiliṭṭhattikādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact