| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
бариваасагат̇аа
Parivāsakathā
102. ‘‘д̇зна хи, бхигкавз, сан̇гхо уд̣̇ааяисса бхигкуно згиссаа аабад̇д̇ияаа сан̃жзд̇анигааяа суггависсадтияаа згаахабадижчаннааяа згаахабариваасам̣ д̣̇зд̇уу’’д̇иаад̣̇инаа наязна баал̣ияам̣ анзгзхи аагаарзхи бариваасо жа маанад̇д̇ан̃жа вуд̇д̇ам̣. д̇асса яасмаа ааг̇ад̇ааг̇ад̇адтаанз винижчаяо вужжамаано баал̣и вияа ад̇ивид̇т̇аарам̣ аабаж̇ж̇ад̇и, на жа саггаа ход̇и сукзна бариг̇г̇ахзд̇ум̣, д̇асмаа нам̣ самод̇хаанзд̇ваа ид̇хзва д̣̇ассаяиссаама.
102. ‘‘Tena hi, bhikkhave, saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhapaṭicchannāya ekāhaparivāsaṃ detū’’tiādinā nayena pāḷiyaṃ anekehi ākārehi parivāso ca mānattañca vuttaṃ. Tassa yasmā āgatāgataṭṭhāne vinicchayo vuccamāno pāḷi viya ativitthāraṃ āpajjati, na ca sakkā hoti sukhena pariggahetuṃ, tasmā naṃ samodhānetvā idheva dassayissāma.
аяан̃хи ид̇ха ад̇хиббзд̇о бариваасо наама – бадижчаннабариваасо, суд̣̇д̇ханд̇абариваасо, самод̇хаанабариваасод̇и д̇ивид̇хо ход̇и. д̇ад̇т̇а бадижчаннабариваасо д̇аава яат̇аабадижчаннааяа аабад̇д̇ияаа д̣̇аад̇аб̣б̣о . гассажи хи згаахабадижчаннаа аабад̇д̇и ход̇и яат̇аа аяам̣ уд̣̇ааяид̇т̇зрасса, гассажи д̣̇вийхаад̣̇ибадижчаннаа яат̇аа барад̇о ааг̇ад̇аа уд̣̇ааяид̇т̇зрассзва, гассажи згаа аабад̇д̇и ход̇и яат̇аа аяам̣, гассажи д̣̇вз д̇иссо д̇ад̇уд̇д̇ари ваа яат̇аа барад̇о ааг̇ад̇аа, д̇асмаа бадижчаннабариваасам̣ д̣̇знд̇зна батамам̣ д̇аава бадижчаннабхааво ж̇аанид̇аб̣б̣о.
Ayañhi idha adhippeto parivāso nāma – paṭicchannaparivāso, suddhantaparivāso, samodhānaparivāsoti tividho hoti. Tattha paṭicchannaparivāso tāva yathāpaṭicchannāya āpattiyā dātabbo . Kassaci hi ekāhapaṭicchannā āpatti hoti yathā ayaṃ udāyittherassa, kassaci dvīhādipaṭicchannā yathā parato āgatā udāyittherasseva, kassaci ekā āpatti hoti yathā ayaṃ, kassaci dve tisso tatuttari vā yathā parato āgatā, tasmā paṭicchannaparivāsaṃ dentena paṭhamaṃ tāva paṭicchannabhāvo jānitabbo.
аяан̃хи аабад̇д̇и наама д̣̇асахаагаарзхи бадижчаннаа ход̇и. д̇ад̇т̇ааяам̣ маад̇игаа – аабад̇д̇и жа ход̇и аабад̇д̇исан̃н̃ий жа, багад̇ад̇д̇о жа ход̇и багад̇ад̇д̇асан̃н̃ий жа, ананд̇арааяиго жа ход̇и ананд̇арааяигасан̃н̃ий жа, баху жа ход̇и бахусан̃н̃ий жа, чаад̣̇зд̇угаамо жа ход̇и чаад̣̇зд̇и жаад̇и.
Ayañhi āpatti nāma dasahākārehi paṭicchannā hoti. Tatthāyaṃ mātikā – āpatti ca hoti āpattisaññī ca, pakatatto ca hoti pakatattasaññī ca, anantarāyiko ca hoti anantarāyikasaññī ca, pahu ca hoti pahusaññī ca, chādetukāmo ca hoti chādeti cāti.
д̇ад̇т̇а аабад̇д̇и жа ход̇и аабад̇д̇исан̃н̃ий жаад̇и яам̣ аабанно, саа аабад̇д̇иязва ход̇и. соби жа д̇ад̇т̇а аабад̇д̇исан̃н̃ийязва. ид̇и ж̇аананд̇о чаад̣̇зд̇и, чаннаава ход̇и. ат̇а банааяам̣ д̇ад̇т̇а анаабад̇д̇исан̃н̃ий, ажчаннаа ход̇и, анаабад̇д̇и бана аабад̇д̇исан̃н̃ааяаби анаабад̇д̇исан̃н̃ааяаби чаад̣̇знд̇знааби ажчаад̣̇ид̇аава ход̇и. лахугам̣ ваа г̇аругаад̇и г̇аругам̣ ваа лахугаад̇и чаад̣̇зд̇и, алаж̇ж̇ибагкз д̇идтад̇и, аабад̇д̇и бана ажчаннаа ход̇и. г̇аругам̣ лахугаад̇и ман̃н̃амаано д̣̇зсзд̇и, нзва д̣̇зсид̇аа ход̇и, на чаннаа. г̇аругам̣ г̇аругаад̇и н̃ад̇ваа чаад̣̇зд̇и, чаннаа ход̇и. г̇аругалахугабхаавам̣ на ж̇аанаад̇и, аабад̇д̇им̣ чаад̣̇змийд̇и чаад̣̇зд̇и, чаннаава ход̇и.
Tattha āpatti ca hoti āpattisaññī cāti yaṃ āpanno, sā āpattiyeva hoti. Sopi ca tattha āpattisaññīyeva. Iti jānanto chādeti, channāva hoti. Atha panāyaṃ tattha anāpattisaññī, acchannā hoti, anāpatti pana āpattisaññāyapi anāpattisaññāyapi chādentenāpi acchāditāva hoti. Lahukaṃ vā garukāti garukaṃ vā lahukāti chādeti, alajjipakkhe tiṭṭhati, āpatti pana acchannā hoti. Garukaṃ lahukāti maññamāno deseti, neva desitā hoti, na channā. Garukaṃ garukāti ñatvā chādeti, channā hoti. Garukalahukabhāvaṃ na jānāti, āpattiṃ chādemīti chādeti, channāva hoti.
багад̇ад̇д̇од̇и д̇ивид̇хам̣ угкзбанийяагаммам̣ агад̇о – со жз багад̇ад̇д̇асан̃н̃ий худ̇ваа чаад̣̇зд̇и, чаннаа ход̇и. ат̇а ‘‘маяхам̣ сан̇гхзна гаммам̣ гад̇а’’нд̇и абагад̇ад̇д̇асан̃н̃ий худ̇ваа чаад̣̇зд̇и, ажчаннаа ход̇и. абагад̇ад̇д̇зна багад̇ад̇д̇асан̃н̃инаа ваа абагад̇ад̇д̇асан̃н̃инаа ваа чаад̣̇ид̇ааби ажчаннаава ход̇и. вуд̇д̇амби жзд̇ам̣ –
Pakatattoti tividhaṃ ukkhepanīyakammaṃ akato – so ce pakatattasaññī hutvā chādeti, channā hoti. Atha ‘‘mayhaṃ saṅghena kammaṃ kata’’nti apakatattasaññī hutvā chādeti, acchannā hoti. Apakatattena pakatattasaññinā vā apakatattasaññinā vā chāditāpi acchannāva hoti. Vuttampi cetaṃ –
‘‘аабаж̇ж̇ад̇и г̇аругам̣ саавасзсам̣,
‘‘Āpajjati garukaṃ sāvasesaṃ,
чаад̣̇зд̇и анаад̣̇арияам̣ бадижжа;
Chādeti anādariyaṃ paṭicca;
на бхигкуний но жа пусзяяа важ̇ж̇ам̣,
Na bhikkhunī no ca phuseyya vajjaṃ,
бан̃хаа мзсаа гусалзхи жинд̇ид̇аа’’д̇и. (бари. 481);
Pañhā mesā kusalehi cintitā’’ti. (pari. 481);
аяан̃хи бан̃хо угкид̇д̇агзна гат̇ид̇о.
Ayañhi pañho ukkhittakena kathito.
ананд̇арааяигод̇и яасса д̣̇асасу анд̇арааязсу згоби над̇т̇и, со жз ананд̇арааяигасан̃н̃ий худ̇ваа чаад̣̇зд̇и, чаннаа ход̇и. сажзби со бхийругаж̇аад̇игад̇ааяа анд̇хагаарз амануссажан̣д̣амиг̇абхаязна анд̇арааяигасан̃н̃ий худ̇ваа чаад̣̇зд̇и, ажчаннаава ход̇и. яасса хи баб̣б̣ад̇авихаарз васанд̇асса ганд̣̇арам̣ ваа над̣̇им̣ ваа ад̇иггамид̇ваа аарожзд̇аб̣б̣ам̣ ход̇и, анд̇араамаг̇г̇з жа жан̣д̣аваал̣аамануссаад̣̇ибхаяам̣ ад̇т̇и, маг̇г̇з аж̇аг̇араа нибаж̇ж̇анд̇и, над̣̇ий буураа ход̇и, згасмим̣ бана сад̇иязва анд̇арааяз анд̇арааяигасан̃н̃ий худ̇ваа чаад̣̇зд̇и, ажчаннаава ход̇и. анд̇арааяигасса бана анд̇арааяигасан̃н̃ааяа ваа ананд̇арааяигасан̃н̃ааяа ваа чаад̣̇аяад̇о ажчаннаава ход̇и.
Anantarāyikoti yassa dasasu antarāyesu ekopi natthi, so ce anantarāyikasaññī hutvā chādeti, channā hoti. Sacepi so bhīrukajātikatāya andhakāre amanussacaṇḍamigabhayena antarāyikasaññī hutvā chādeti, acchannāva hoti. Yassa hi pabbatavihāre vasantassa kandaraṃ vā nadiṃ vā atikkamitvā ārocetabbaṃ hoti, antarāmagge ca caṇḍavāḷaamanussādibhayaṃ atthi, magge ajagarā nipajjanti, nadī pūrā hoti, ekasmiṃ pana satiyeva antarāye antarāyikasaññī hutvā chādeti, acchannāva hoti. Antarāyikassa pana antarāyikasaññāya vā anantarāyikasaññāya vā chādayato acchannāva hoti.
бахууд̇и яо саггод̇и бхигкуно санд̇игам̣ г̇анд̇ун̃жзва аарожзд̇ун̃жа; со жз бахусан̃н̃ий худ̇ваа чаад̣̇зд̇и, чаннаа ход̇и. сажасса мукз аббамад̇д̇аго г̇ан̣д̣о ваа ход̇и, ханугаваад̇о ваа виж̇жхад̇и, д̣̇анд̇о ваа руж̇ж̇ад̇и, бхигкаа ваа манд̣̇аа лад̣̇д̇хаа ход̇и, д̇аавад̇агзна бана нзва вад̇д̇ум̣ на саггод̇и на г̇анд̇ум̣; абижа ко на саггомийд̇и сан̃н̃ий ход̇и, аяам̣ баху худ̇ваа аббахусан̃н̃ий наама. иминаа чаад̣̇ид̇ааби ажчаад̣̇ид̇аа. аббахунаа бана вад̇д̇ум̣ ваа г̇анд̇ум̣ ваа асамад̇т̇зна бахусан̃н̃инаа ваа аббахусан̃н̃инаа ваа чаад̣̇ид̇аа ход̇у, ажчаад̣̇ид̇аава.
Pahūti yo sakkoti bhikkhuno santikaṃ gantuñceva ārocetuñca; so ce pahusaññī hutvā chādeti, channā hoti. Sacassa mukhe appamattako gaṇḍo vā hoti, hanukavāto vā vijjhati, danto vā rujjati, bhikkhā vā mandā laddhā hoti, tāvatakena pana neva vattuṃ na sakkoti na gantuṃ; apica kho na sakkomīti saññī hoti, ayaṃ pahu hutvā appahusaññī nāma. Iminā chāditāpi acchāditā. Appahunā pana vattuṃ vā gantuṃ vā asamatthena pahusaññinā vā appahusaññinā vā chāditā hotu, acchāditāva.
чаад̣̇зд̇угаамо жа ход̇и чаад̣̇зд̇и жаад̇и ид̣̇ам̣ уд̇д̇аанад̇т̇амзва. сажз бана чаад̣̇зссаамийд̇и д̇хуранигкзбам̣ гад̇ваа бурзбхад̇д̇з ваа бажчаабхад̇д̇з ваа батамаяаамаад̣̇ийсу ваа лаж̇ж̇ид̇хаммам̣ оггамид̇ваа анд̇оарун̣зязва аарожзд̇и, аяам̣ чаад̣̇зд̇угаамо на чаад̣̇зд̇и наама.
Chādetukāmo ca hoti chādeti cāti idaṃ uttānatthameva. Sace pana chādessāmīti dhuranikkhepaṃ katvā purebhatte vā pacchābhatte vā paṭhamayāmādīsu vā lajjidhammaṃ okkamitvā antoaruṇeyeva āroceti, ayaṃ chādetukāmo na chādeti nāma.
яасса бана абхигкугз таанз васанд̇асса аабад̇д̇им̣ аабаж̇ж̇ид̇ваа сабхааг̇асса бхигкуно ааг̇аманам̣ ааг̇амзнд̇асса сабхааг̇асанд̇игам̣ ваа г̇ажчанд̇асса ад̣̇д̇хамаасоби маасоби ад̇иггамад̇и, аяам̣ на чаад̣̇зд̇угаамо чаад̣̇зд̇и наама, аяамби ажчаннаава ход̇и.
Yassa pana abhikkhuke ṭhāne vasantassa āpattiṃ āpajjitvā sabhāgassa bhikkhuno āgamanaṃ āgamentassa sabhāgasantikaṃ vā gacchantassa addhamāsopi māsopi atikkamati, ayaṃ na chādetukāmo chādeti nāma, ayampi acchannāva hoti.
яо бана аабаннамад̇д̇ова аг̇г̇им̣ агганд̇абурисо вияа сахасаа абаггамид̇ваа сабхааг̇адтаанам̣ г̇анд̇ваа аави гарод̇и, аяам̣ на чаад̣̇зд̇угаамова на чаад̣̇зд̇и наама. сажз бана сабхааг̇ам̣ д̣̇исвааби ‘‘аяам̣ мз убаж̇жхааяо ваа аажарияо ваа’’д̇и лаж̇ж̇ааяа наарожзд̇и, чаннаава ход̇и аабад̇д̇и. убаж̇жхааяаад̣̇ибхааво хи ид̇ха аббамаан̣ам̣ авзрисабхааг̇амад̇д̇амзва бамаан̣ам̣, д̇асмаа авзрисабхааг̇асса санд̇игз аарожзд̇аб̣б̣аа.
Yo pana āpannamattova aggiṃ akkantapuriso viya sahasā apakkamitvā sabhāgaṭṭhānaṃ gantvā āvi karoti, ayaṃ na chādetukāmova na chādeti nāma. Sace pana sabhāgaṃ disvāpi ‘‘ayaṃ me upajjhāyo vā ācariyo vā’’ti lajjāya nāroceti, channāva hoti āpatti. Upajjhāyādibhāvo hi idha appamāṇaṃ averisabhāgamattameva pamāṇaṃ, tasmā averisabhāgassa santike ārocetabbā.
яо бана висабхааг̇о ход̇и суд̇ваа багаасзд̇угаамо, зваруубасса убаж̇жхааяассааби санд̇игз на аарожзд̇аб̣б̣аа. д̇ад̇т̇а бурзбхад̇д̇ам̣ ваа аабад̇д̇им̣ аабанно ход̇у бажчаабхад̇д̇ам̣ ваа, д̣̇иваа ваа рад̇д̇им̣ ваа яаава арун̣ам̣ на уг̇г̇ажчад̇и д̇аава аарожзд̇аб̣б̣ам̣. уд̣̇д̇хасд̇з арун̣з бадижчаннаа ход̇и, бадижчаад̣̇анабажжаяаа жа д̣̇уггадам̣ аабаж̇ж̇ад̇и. сабхааг̇асан̇гхаад̣̇исзсам̣ аабаннасса бана санд̇игз аави гаад̇ум̣ на ваддад̇и. сажз аави гарод̇и, аабад̇д̇и аавигад̇аа ход̇и, д̣̇уггадаа бана на мужжад̇и, д̇асмаа суд̣̇д̇хасса санд̇игз аавигаад̇аб̣б̣аа. аавигаронд̇о жа ‘‘д̇уяхам̣ санд̇игз згам̣ аабад̇д̇им̣ аавигаромий’’д̇и ваа ‘‘аажигкаамий’’д̇и ваа ‘‘аарожзмий’’д̇и ваа ‘‘мама згам̣ аабад̇д̇им̣ аабаннабхаавам̣ ж̇аанаахий’’д̇и ваа вад̣̇ад̇у, ‘‘згам̣ г̇аругаабад̇д̇им̣ аавигаромий’’д̇иаад̣̇инаа ваа наязна вад̣̇ад̇у, саб̣б̣зхиби аагаарзхи аббадижчаннаава ход̇ийд̇и гурунд̣̇ияам̣ вуд̇д̇ам̣. сажз бана лахугаабад̇д̇им̣ аавигаромийд̇иаад̣̇инаа наязна вад̣̇ад̇и, бадижчаннаа ход̇и, вад̇т̇ум̣ аарожзд̇и, аабад̇д̇им̣ аарожзд̇и, убхаяам̣ аарожзд̇и, д̇ивид̇хзнааби аарожид̇аава ход̇и. ид̇и имаани д̣̇аса гааран̣аани убалагкзд̇ваа бадижчаннабариваасам̣ д̣̇знд̇зна батамамзва бадижчаннабхааво ж̇аанид̇аб̣б̣о.
Yo pana visabhāgo hoti sutvā pakāsetukāmo, evarūpassa upajjhāyassāpi santike na ārocetabbā. Tattha purebhattaṃ vā āpattiṃ āpanno hotu pacchābhattaṃ vā, divā vā rattiṃ vā yāva aruṇaṃ na uggacchati tāva ārocetabbaṃ. Uddhaste aruṇe paṭicchannā hoti, paṭicchādanapaccayā ca dukkaṭaṃ āpajjati. Sabhāgasaṅghādisesaṃ āpannassa pana santike āvi kātuṃ na vaṭṭati. Sace āvi karoti, āpatti āvikatā hoti, dukkaṭā pana na muccati, tasmā suddhassa santike āvikātabbā. Āvikaronto ca ‘‘tuyhaṃ santike ekaṃ āpattiṃ āvikaromī’’ti vā ‘‘ācikkhāmī’’ti vā ‘‘ārocemī’’ti vā ‘‘mama ekaṃ āpattiṃ āpannabhāvaṃ jānāhī’’ti vā vadatu, ‘‘ekaṃ garukāpattiṃ āvikaromī’’tiādinā vā nayena vadatu, sabbehipi ākārehi appaṭicchannāva hotīti kurundiyaṃ vuttaṃ. Sace pana lahukāpattiṃ āvikaromītiādinā nayena vadati, paṭicchannā hoti, vatthuṃ āroceti, āpattiṃ āroceti, ubhayaṃ āroceti, tividhenāpi ārocitāva hoti. Iti imāni dasa kāraṇāni upalakkhetvā paṭicchannaparivāsaṃ dentena paṭhamameva paṭicchannabhāvo jānitabbo.
д̇ад̇о бадижчаннад̣̇ивасз жа аабад̇д̇ияо жа саллагкзд̇ваа сажз згаахабадижчаннаа ход̇и – ‘‘ахам̣, бханд̇з, згам̣ аабад̇д̇им̣ аабаж̇ж̇им̣ сан̃жзд̇анигам̣ суггависсадтим̣ згаахабадижчанна’’нд̇и звам̣ яаажаабзд̇ваа ид̇ха вуд̇д̇анаязнзва гаммаваажам̣ вад̇ваа бариваасо д̣̇аад̇аб̣б̣о. ат̇а д̣̇вийхад̇ийхаад̣̇ибадижчаннаа ход̇и, д̣̇вийхабадижчаннам̣ д̇ийхабадижчаннам̣ жад̇уухабадижчаннам̣ бан̃жаахабадижчаннам̣ чаахабадижчаннам̣ сад̇д̇аахабадижчаннам̣ адтаахабадижчаннам̣ наваахабадижчаннам̣ д̣̇асаахабадижчаннам̣ згаад̣̇асаахабадижчаннам̣ д̣̇ваад̣̇асаахабаажчаннам̣ д̇зрасаахабадижчаннам̣ жуд̣̇д̣̇асаахабадижчаннанд̇и звам̣ яаава жуд̣̇д̣̇аса д̣̇ивасаани д̣̇ивасавасзна яож̇анаа гаад̇аб̣б̣аа. бан̃жад̣̇аса д̣̇ивасаани бадижчаннааяа багкабадижчаннанд̇и вад̇ваа яож̇анаа гаад̇аб̣б̣аа. д̇ад̇о яаава згуунад̇им̣сад̇имо д̣̇ивасо, д̇аава ад̇ирзгабагкабадижчаннанд̇и.
Tato paṭicchannadivase ca āpattiyo ca sallakkhetvā sace ekāhapaṭicchannā hoti – ‘‘ahaṃ, bhante, ekaṃ āpattiṃ āpajjiṃ sañcetanikaṃ sukkavissaṭṭhiṃ ekāhapaṭicchanna’’nti evaṃ yācāpetvā idha vuttanayeneva kammavācaṃ vatvā parivāso dātabbo. Atha dvīhatīhādipaṭicchannā hoti, dvīhapaṭicchannaṃ tīhapaṭicchannaṃ catūhapaṭicchannaṃ pañcāhapaṭicchannaṃ chāhapaṭicchannaṃ sattāhapaṭicchannaṃ aṭṭhāhapaṭicchannaṃ navāhapaṭicchannaṃ dasāhapaṭicchannaṃ ekādasāhapaṭicchannaṃ dvādasāhapaacchannaṃ terasāhapaṭicchannaṃ cuddasāhapaṭicchannanti evaṃ yāva cuddasa divasāni divasavasena yojanā kātabbā. Pañcadasa divasāni paṭicchannāya pakkhapaṭicchannanti vatvā yojanā kātabbā. Tato yāva ekūnatiṃsatimo divaso, tāva atirekapakkhapaṭicchannanti.
д̇ад̇о маасабадижчаннам̣ ад̇ирзгамаасабадижчаннам̣ д̣̇взмаасабадижчаннам̣ ад̇ирзгад̣̇взмаасабадижчаннам̣ д̇змаасабадижчаннам̣ ад̇ирзгад̇змаасабадижчаннам̣ жад̇умаасабадижчаннам̣ ад̇ирзгажад̇умаасабадижчаннам̣ бан̃жамаасабадижчаннам̣ ад̇ирзгабан̃жамаасабадижчаннам̣ чамаасабадижчаннам̣ ад̇ирзгачамаасабадижчаннам̣ сад̇д̇амаасабадижчаннам̣ ад̇ирзгасад̇д̇амаасабадижчаннам̣ адтамаасабадижчаннам̣ ад̇ирзгаадтамаасабадижчаннам̣ навамаасабадижчаннам̣ ад̇ирзганавамаасабадижчаннам̣ д̣̇асамаасабадижчаннам̣ ад̇ирзгад̣̇асамаасабадижчаннам̣ згаад̣̇асамаасабадижчаннам̣ ад̇ирзгазгаад̣̇асамаасабадижчаннанд̇и звам̣ яож̇анаа гаад̇аб̣б̣аа. сам̣важчарз барибун̣н̣з згасам̣важчарабадижчаннанд̇и. д̇ад̇о барам̣ ад̇ирзгазгасам̣важчара… д̣̇взсам̣важчара… ад̇ирзгад̣̇взсам̣важчара… д̇исам̣важчара… ад̇ирагзд̇исам̣важчара… жад̇усам̣важчара… ад̇ирзгажад̇усам̣важчара… бан̃жасам̣важчара… ад̇ирзгабан̃жасам̣важчарабадижчаннанд̇и звам̣ яаава садтисам̣важчара… ад̇ирзгасадтисам̣важчарабадижчаннанд̇и ваа д̇ад̇о ваа бхияяоби вад̇ваа яож̇анаа гаад̇аб̣б̣аа.
Tato māsapaṭicchannaṃ atirekamāsapaṭicchannaṃ dvemāsapaṭicchannaṃ atirekadvemāsapaṭicchannaṃ temāsapaṭicchannaṃ atirekatemāsapaṭicchannaṃ catumāsapaṭicchannaṃ atirekacatumāsapaṭicchannaṃ pañcamāsapaṭicchannaṃ atirekapañcamāsapaṭicchannaṃ chamāsapaṭicchannaṃ atirekachamāsapaṭicchannaṃ sattamāsapaṭicchannaṃ atirekasattamāsapaṭicchannaṃ aṭṭhamāsapaṭicchannaṃ atirekaaṭṭhamāsapaṭicchannaṃ navamāsapaṭicchannaṃ atirekanavamāsapaṭicchannaṃ dasamāsapaṭicchannaṃ atirekadasamāsapaṭicchannaṃ ekādasamāsapaṭicchannaṃ atirekaekādasamāsapaṭicchannanti evaṃ yojanā kātabbā. Saṃvacchare paripuṇṇe ekasaṃvaccharapaṭicchannanti. Tato paraṃ atirekaekasaṃvacchara… dvesaṃvacchara… atirekadvesaṃvacchara… tisaṃvacchara… atiraketisaṃvacchara… catusaṃvacchara… atirekacatusaṃvacchara… pañcasaṃvacchara… atirekapañcasaṃvaccharapaṭicchannanti evaṃ yāva saṭṭhisaṃvacchara… atirekasaṭṭhisaṃvaccharapaṭicchannanti vā tato vā bhiyyopi vatvā yojanā kātabbā.
сажз бана д̣̇вз д̇иссо д̇ад̇уд̇д̇ари ваа аабад̇д̇ияо хонд̇и, яат̇аа ид̇ха згам̣ аабад̇д̇инд̇и вуд̇д̇ам̣; звам̣ д̣̇вз аабад̇д̇ияо д̇иссо аабад̇д̇ияод̇и вад̇д̇аб̣б̣ам̣. д̇ад̇о барам̣ бана сад̇ам̣ ваа ход̇у сахассам̣ ваа, самб̣ахулаад̇и вад̇д̇ум̣ ваддад̇и. наанаавад̇т̇угаасуби ‘‘ахам̣, бханд̇з, самб̣ахулаа сан̇гхаад̣̇исзсаа аабад̇д̇ияо аабаж̇ж̇им̣ – згам̣ суггависсадтим̣, згам̣ гааяасам̣саг̇г̇ам̣, згам̣ д̣̇удтуллаваажам̣, згам̣ ад̇д̇агаамам̣, згам̣ сан̃жарид̇д̇ам̣, згаахабадижчаннааяо’’д̇и звам̣ г̇ан̣анавасзна ваа ‘‘ахам̣, бханд̇з, самб̣ахулаа сан̇гхаад̣̇исзсаа аабад̇д̇ияо аабаж̇ж̇им̣ наанаавад̇т̇угааяо згаахабадижчаннааяо’’д̇и звам̣ вад̇т̇угид̇д̇анавасзна ваа, ‘‘ахам̣, бханд̇з, самб̣ахулаа сан̇гхаад̣̇исзсаа аабад̇д̇ияо аабаж̇ж̇им̣ згаахабадижчаннааяо’’д̇и звам̣ наамамад̇д̇авасзна ваа яож̇анаа гаад̇аб̣б̣аа.
Sace pana dve tisso tatuttari vā āpattiyo honti, yathā idha ekaṃ āpattinti vuttaṃ; evaṃ dve āpattiyo tisso āpattiyoti vattabbaṃ. Tato paraṃ pana sataṃ vā hotu sahassaṃ vā, sambahulāti vattuṃ vaṭṭati. Nānāvatthukāsupi ‘‘ahaṃ, bhante, sambahulā saṅghādisesā āpattiyo āpajjiṃ – ekaṃ sukkavissaṭṭhiṃ, ekaṃ kāyasaṃsaggaṃ, ekaṃ duṭṭhullavācaṃ, ekaṃ attakāmaṃ, ekaṃ sañcarittaṃ, ekāhapaṭicchannāyo’’ti evaṃ gaṇanavasena vā ‘‘ahaṃ, bhante, sambahulā saṅghādisesā āpattiyo āpajjiṃ nānāvatthukāyo ekāhapaṭicchannāyo’’ti evaṃ vatthukittanavasena vā, ‘‘ahaṃ, bhante, sambahulā saṅghādisesā āpattiyo āpajjiṃ ekāhapaṭicchannāyo’’ti evaṃ nāmamattavasena vā yojanā kātabbā.
д̇ад̇т̇а наамам̣ д̣̇увид̇хам̣ – саж̇аад̇исаад̇хааран̣ан̃жа саб̣б̣асаад̇хааран̣ан̃жа. д̇ад̇т̇а сан̇гхаад̣̇исзсод̇и саж̇аад̇исаад̇хааран̣ам̣, аабад̇д̇ийд̇и саб̣б̣асаад̇хааран̣ам̣; д̇асмаа ‘‘самб̣ахулаа аабад̇д̇ияо аабаж̇ж̇им̣ згаахабадижчаннааяо’’д̇и звам̣ саб̣б̣асаад̇хааран̣анаамавасзнаби вад̇д̇ум̣ ваддад̇и. ид̣̇ан̃хи саб̣б̣амби бариваасаад̣̇игам̣ винаяагаммам̣ вад̇т̇увасзна г̇од̇д̇авасзна наамавасзна аабад̇д̇ивасзна жа гаад̇ум̣ ваддад̇иязва.
Tattha nāmaṃ duvidhaṃ – sajātisādhāraṇañca sabbasādhāraṇañca. Tattha saṅghādisesoti sajātisādhāraṇaṃ, āpattīti sabbasādhāraṇaṃ; tasmā ‘‘sambahulā āpattiyo āpajjiṃ ekāhapaṭicchannāyo’’ti evaṃ sabbasādhāraṇanāmavasenapi vattuṃ vaṭṭati. Idañhi sabbampi parivāsādikaṃ vinayakammaṃ vatthuvasena gottavasena nāmavasena āpattivasena ca kātuṃ vaṭṭatiyeva.
д̇ад̇т̇а ‘‘суггависсадтий’’д̇и вад̇т̇у жзва г̇од̇д̇ан̃жа. ‘‘сан̇гхаад̣̇исзсо’’д̇и нааман̃жзва аабад̇д̇и жа. ‘‘гааяасам̣саг̇г̇о’’д̇и вад̇т̇у жзва г̇од̇д̇ан̃жа. ‘‘сан̇гхаад̣̇исзсо’’д̇и нааман̃жзва аабад̇д̇и жа, д̇ад̇т̇а ‘‘суггависсадтим̣ гааяасам̣саг̇г̇а’’нд̇иаад̣̇инаа важанзнааби ‘‘наанаавад̇т̇угааяо’’д̇и важанзнааби вад̇т̇у жзва г̇од̇д̇ан̃жа г̇ахид̇ам̣ ход̇и. ‘‘сан̇гхаад̣̇исзсо’’д̇и важанзнааби ‘‘аабад̇д̇ияо’’д̇и важанзнааби нааман̃жзва аабад̇д̇и жа г̇ахид̇аа ход̇и. ид̇ха бана згам̣ аабад̇д̇им̣ аабаж̇ж̇им̣ сан̃жзд̇анигам̣ ‘‘суггависсадти’’нд̇и наамамби вад̇т̇уг̇од̇д̇ааниби г̇ахид̇аанзва. яат̇аа жа ид̇ха ‘‘аяам̣ уд̣̇ааяи бхигкуу’’д̇и вуд̇д̇ам̣; звам̣ яо яо аабанно ход̇и, д̇асса д̇асса наамам̣ г̇ахзд̇ваа ‘‘аяам̣ ид̇т̇аннаамо бхигкуу’’д̇и гаммаваажаа гаад̇аб̣б̣аа.
Tattha ‘‘sukkavissaṭṭhī’’ti vatthu ceva gottañca. ‘‘Saṅghādiseso’’ti nāmañceva āpatti ca. ‘‘Kāyasaṃsaggo’’ti vatthu ceva gottañca. ‘‘Saṅghādiseso’’ti nāmañceva āpatti ca, tattha ‘‘sukkavissaṭṭhiṃ kāyasaṃsagga’’ntiādinā vacanenāpi ‘‘nānāvatthukāyo’’ti vacanenāpi vatthu ceva gottañca gahitaṃ hoti. ‘‘Saṅghādiseso’’ti vacanenāpi ‘‘āpattiyo’’ti vacanenāpi nāmañceva āpatti ca gahitā hoti. Idha pana ekaṃ āpattiṃ āpajjiṃ sañcetanikaṃ ‘‘sukkavissaṭṭhi’’nti nāmampi vatthugottānipi gahitāneva. Yathā ca idha ‘‘ayaṃ udāyi bhikkhū’’ti vuttaṃ; evaṃ yo yo āpanno hoti, tassa tassa nāmaṃ gahetvā ‘‘ayaṃ itthannāmo bhikkhū’’ti kammavācā kātabbā.
гаммаваажаабарияосаанз жа д̇зна бхигкунаа маал̣агасиймааяамзва ‘‘бариваасам̣ самаад̣̇ияаами, вад̇д̇ам̣ самаад̣̇ияаамий’’д̇и вуд̇д̇анаязнзва вад̇д̇ам̣ самаад̣̇аад̇аб̣б̣ам̣ . самаад̣̇ияид̇ваа д̇ад̇т̇зва сан̇гхасса аарожзд̇аб̣б̣ам̣, аарожзнд̇зна жа звам̣ аарожзд̇аб̣б̣ам̣ –
Kammavācāpariyosāne ca tena bhikkhunā māḷakasīmāyameva ‘‘parivāsaṃ samādiyāmi, vattaṃ samādiyāmī’’ti vuttanayeneva vattaṃ samādātabbaṃ . Samādiyitvā tattheva saṅghassa ārocetabbaṃ, ārocentena ca evaṃ ārocetabbaṃ –
‘‘ахам̣, бханд̇з, згам̣ аабад̇д̇им̣ аабаж̇ж̇им̣ сан̃жзд̇анигам̣ суггависсадтим̣ згаахабадижчаннам̣, сохам̣ сан̇гхам̣ згиссаа аабад̇д̇ияаа сан̃жзд̇анигааяа суггависсадтияаа згаахабадижчаннааяа згаахабариваасам̣ яаажим̣, д̇асса мз сан̇гхо згиссаа аабад̇д̇ияаа сан̃жзд̇анигааяа суггависсадтияаа згаахабадижчаннааяа згаахабариваасам̣ ад̣̇ааси, сохам̣ баривасаами – ‘взд̣̇аяаамахам̣, бханд̇з, взд̣̇аяад̇ий’д̇и мам̣ сан̇гхо д̇хаарзд̇уу’’д̇и.
‘‘Ahaṃ, bhante, ekaṃ āpattiṃ āpajjiṃ sañcetanikaṃ sukkavissaṭṭhiṃ ekāhapaṭicchannaṃ, sohaṃ saṅghaṃ ekissā āpattiyā sañcetanikāya sukkavissaṭṭhiyā ekāhapaṭicchannāya ekāhaparivāsaṃ yāciṃ, tassa me saṅgho ekissā āpattiyā sañcetanikāya sukkavissaṭṭhiyā ekāhapaṭicchannāya ekāhaparivāsaṃ adāsi, sohaṃ parivasāmi – ‘vedayāmahaṃ, bhante, vedayatī’ti maṃ saṅgho dhāretū’’ti.
иман̃жа банад̇т̇ам̣ г̇ахзд̇ваа яааяа гааяажи бхаасааяа аарожзд̇ум̣ ваддад̇иязва. аарожзд̇ваа сажз нигкибид̇угаамо, вуд̇д̇анаязнзва сан̇гхамаж̇жхз нигкибид̇аб̣б̣ам̣. маал̣агад̇о бхигкуусу нигканд̇зсу згассааби санд̇игз нигкибид̇ум̣ ваддад̇и. маал̣агад̇о нигкамид̇ваа сад̇им̣ бадилабханд̇зна сахаг̇ажчанд̇асса санд̇игз нигкибид̇аб̣б̣ам̣. сажз соби багганд̇о, ан̃н̃асса яасса маал̣агз наарожид̇ам̣, д̇асса аарожзд̇ваа нигкибид̇аб̣б̣ам̣. аарожзнд̇зна жа авасаанз ‘‘взд̣̇аяад̇ийд̇и мам̣ ааяасмаа д̇хаарзд̇уу’’д̇и вад̇д̇аб̣б̣ам̣. д̣̇виннам̣ аарожзнд̇зна ‘‘ааяасманд̇аа д̇хаарзнд̇уу’’д̇и, д̇ин̣н̣ам̣ аарожзнд̇зна ‘‘ааяасманд̇о д̇хаарзнд̇уу’’д̇и вад̇д̇аб̣б̣ам̣. нигкид̇д̇агаалад̇о бадтааяа багад̇ад̇д̇адтаанз д̇идтад̇и.
Imañca panatthaṃ gahetvā yāya kāyaci bhāsāya ārocetuṃ vaṭṭatiyeva. Ārocetvā sace nikkhipitukāmo, vuttanayeneva saṅghamajjhe nikkhipitabbaṃ. Māḷakato bhikkhūsu nikkhantesu ekassāpi santike nikkhipituṃ vaṭṭati. Māḷakato nikkhamitvā satiṃ paṭilabhantena sahagacchantassa santike nikkhipitabbaṃ. Sace sopi pakkanto, aññassa yassa māḷake nārocitaṃ, tassa ārocetvā nikkhipitabbaṃ. Ārocentena ca avasāne ‘‘vedayatīti maṃ āyasmā dhāretū’’ti vattabbaṃ. Dvinnaṃ ārocentena ‘‘āyasmantā dhārentū’’ti, tiṇṇaṃ ārocentena ‘‘āyasmanto dhārentū’’ti vattabbaṃ. Nikkhittakālato paṭṭhāya pakatattaṭṭhāne tiṭṭhati.
сажз аббабхигкуго вихааро ход̇и, сабхааг̇аа бхигкуу васанд̇и, вад̇д̇ам̣ анигкибид̇ваа вихаарзязва рад̇д̇ибариг̇г̇ахо гаад̇аб̣б̣о. ат̇а на саггаа сод̇хзд̇ум̣, вуд̇д̇анаязнзва вад̇д̇ам̣ нигкибид̇ваа бажжуусасамаяз згзна бхигкунаа сад̣̇д̇хим̣ маанад̇д̇аван̣н̣анааяам̣ вуд̇д̇анаязнзва убажаарасиймам̣ ад̇иггамид̇ваа махаамаг̇г̇аа оггамма бадижчаннз таанз нисийд̣̇ид̇ваа анд̇оарун̣зязва вуд̇д̇анаязнзва вад̇д̇ам̣ самаад̣̇ияид̇ваа д̇асса бхигкуно бариваасо аарожзд̇аб̣б̣о. аарожзнд̇зна сажз навагад̇аро ход̇и, ‘‘аавусо’’д̇и вад̇д̇аб̣б̣ам̣. сажз вуд̣дхад̇аро, ‘‘бханд̇з’’д̇и вад̇д̇аб̣б̣ам̣. сажз ан̃н̃о гожи бхигку гзнажид̣̇зва гаран̣ийязна д̇ам̣ таанам̣ ааг̇ажчад̇и, сажз зса д̇ам̣ бассад̇и, сад̣̇д̣̇ам̣ ваасса сун̣аад̇и, аарожзд̇аб̣б̣ам̣; анаарожзнд̇асса рад̇д̇ижчзд̣̇о жзва вад̇д̇абхзд̣̇о жа. ат̇а д̣̇ваад̣̇асахад̇т̇ам̣ убажаарам̣ оггамид̇ваа аж̇аананд̇ассзва г̇ажчад̇и, рад̇д̇ижчзд̣̇оязва ход̇и, вад̇д̇абхзд̣̇о бана над̇т̇и.
Sace appabhikkhuko vihāro hoti, sabhāgā bhikkhū vasanti, vattaṃ anikkhipitvā vihāreyeva rattipariggaho kātabbo. Atha na sakkā sodhetuṃ, vuttanayeneva vattaṃ nikkhipitvā paccūsasamaye ekena bhikkhunā saddhiṃ mānattavaṇṇanāyaṃ vuttanayeneva upacārasīmaṃ atikkamitvā mahāmaggā okkamma paṭicchanne ṭhāne nisīditvā antoaruṇeyeva vuttanayeneva vattaṃ samādiyitvā tassa bhikkhuno parivāso ārocetabbo. Ārocentena sace navakataro hoti, ‘‘āvuso’’ti vattabbaṃ. Sace vuḍḍhataro, ‘‘bhante’’ti vattabbaṃ. Sace añño koci bhikkhu kenacideva karaṇīyena taṃ ṭhānaṃ āgacchati, sace esa taṃ passati, saddaṃ vāssa suṇāti, ārocetabbaṃ; anārocentassa ratticchedo ceva vattabhedo ca. Atha dvādasahatthaṃ upacāraṃ okkamitvā ajānantasseva gacchati, ratticchedoyeva hoti, vattabhedo pana natthi.
уг̇г̇ад̇з арун̣з вад̇д̇ам̣ нигкибид̇аб̣б̣ам̣. сажз со бхигку гзнажид̣̇зва гаран̣ийязна багганд̇о ход̇и, яам̣ ан̃н̃ам̣ саб̣б̣абатамам̣ бассад̇и, д̇асса аарожзд̇ваа нигкибид̇аб̣б̣ам̣. сажз бана ган̃жи на бассад̇и, вихаарам̣ г̇анд̇ваа ад̇д̇анаа сад̣̇д̇хим̣ г̇ад̇абхигкусса санд̇игз нигкибид̇аб̣б̣анд̇и махаасумад̇т̇зро ааха. махаабад̣̇умад̇т̇зро бана ‘‘яам̣ батамам̣ бассад̇и, д̇асса аарожзд̇ваа нигкибид̇аб̣б̣ам̣, аяам̣ нигкид̇д̇авад̇д̇асса барихааро’’д̇и ааха.
Uggate aruṇe vattaṃ nikkhipitabbaṃ. Sace so bhikkhu kenacideva karaṇīyena pakkanto hoti, yaṃ aññaṃ sabbapaṭhamaṃ passati, tassa ārocetvā nikkhipitabbaṃ. Sace pana kañci na passati, vihāraṃ gantvā attanā saddhiṃ gatabhikkhussa santike nikkhipitabbanti mahāsumatthero āha. Mahāpadumatthero pana ‘‘yaṃ paṭhamaṃ passati, tassa ārocetvā nikkhipitabbaṃ, ayaṃ nikkhittavattassa parihāro’’ti āha.
звам̣ яад̇д̇агаани д̣̇ивасаани аабад̇д̇и бадижчаннаа ход̇и, д̇ад̇д̇агаани д̇ад̇о ад̇хигад̇араани ваа гуггужжавинод̣̇анад̇т̇ааяа баривасид̇ваа сан̇гхам̣ убасан̇гамид̇ваа вад̇д̇ам̣ самаад̣̇ияид̇ваа маанад̇д̇ам̣ яаажид̇аб̣б̣ам̣. аяан̃хи вад̇д̇з самаад̣̇иннз зва маанад̇д̇аарахо ход̇и нигкид̇д̇авад̇д̇зна баривуд̇т̇ад̇д̇аа. анигкид̇д̇авад̇д̇асса бана буна самаад̣̇аанагижжам̣ над̇т̇и, со хи бадижчаннад̣̇ивасаад̇иггамзнзва маанад̇д̇аарахо ход̇и, д̇асмаа д̇асса маанад̇д̇ам̣ д̣̇аад̇аб̣б̣амзва. ид̣̇ам̣ бадижчаннамаанад̇д̇ам̣ наама. д̇ам̣ д̣̇знд̇зна сажз згаабад̇д̇и ход̇и , баал̣ияам̣ вуд̇д̇анаязнзва д̣̇аад̇аб̣б̣ам̣. ат̇а д̣̇вз ваа д̇иссо ваа ‘‘сохам̣ баривуд̇т̇абариваасо сан̇гхам̣ д̣̇виннам̣ аабад̇д̇ийнам̣ д̇иссаннам̣ аабад̇д̇ийнам̣ згаахабадижчаннаанам̣ чаарад̇д̇ам̣ маанад̇д̇ам̣ яаажаамий’’д̇и бариваасз вуд̇д̇анаязнзва аабад̇д̇ияо жа д̣̇ивасз жа саллагкзд̇ваа яож̇анаа гаад̇аб̣б̣аа.
Evaṃ yattakāni divasāni āpatti paṭicchannā hoti, tattakāni tato adhikatarāni vā kukkuccavinodanatthāya parivasitvā saṅghaṃ upasaṅkamitvā vattaṃ samādiyitvā mānattaṃ yācitabbaṃ. Ayañhi vatte samādinne eva mānattāraho hoti nikkhittavattena parivutthattā. Anikkhittavattassa pana puna samādānakiccaṃ natthi, so hi paṭicchannadivasātikkameneva mānattāraho hoti, tasmā tassa mānattaṃ dātabbameva. Idaṃ paṭicchannamānattaṃ nāma. Taṃ dentena sace ekāpatti hoti , pāḷiyaṃ vuttanayeneva dātabbaṃ. Atha dve vā tisso vā ‘‘sohaṃ parivutthaparivāso saṅghaṃ dvinnaṃ āpattīnaṃ tissannaṃ āpattīnaṃ ekāhapaṭicchannānaṃ chārattaṃ mānattaṃ yācāmī’’ti parivāse vuttanayeneva āpattiyo ca divase ca sallakkhetvā yojanā kātabbā.
аббадижчаннаабад̇д̇им̣ бадижчаннаабад̇д̇ияаа самод̇хаанзд̇вааби д̣̇аад̇ум̣ ваддад̇и. гат̇ам̣? бадижчаннааяа згаахабариваасам̣ васид̇ваа –
Appaṭicchannāpattiṃ paṭicchannāpattiyā samodhānetvāpi dātuṃ vaṭṭati. Kathaṃ? Paṭicchannāya ekāhaparivāsaṃ vasitvā –
‘‘ахам̣, бханд̇з, згам̣ аабад̇д̇им̣ аабаж̇ж̇им̣ сан̃жзд̇анигам̣ суггависсадтим̣ згаахабадижчаннам̣, сохам̣ сан̇гхам̣ згиссаа аабад̇д̇ияаа сан̃жзд̇анигааяа суггависсадтияаа згаахабадижчаннааяа згаахабариваасам̣ яаажим̣, д̇асса мз сан̇гхо згиссаа аабад̇д̇ияаа сан̃жзд̇анигааяа суггависсадтияаа згаахабадижчаннааяа згаахабариваасам̣ ад̣̇ааси, сохам̣ баривуд̇т̇абариваасо . ахам̣, бханд̇з, згам̣ аабад̇д̇им̣ аабаж̇ж̇им̣ сан̃жзд̇анигам̣ суггависсадтим̣ аббадижчаннам̣. сохам̣, бханд̇з, сан̇гхам̣ д̇аасам̣ аабад̇д̇ийнам̣ сан̃жзд̇анигаанам̣ суггависсадтийнам̣ бадижчаннааяа жа аббадижчаннааяа жа чаарад̇д̇ам̣ маанад̇д̇ам̣ яаажаамий’’д̇и.
‘‘Ahaṃ, bhante, ekaṃ āpattiṃ āpajjiṃ sañcetanikaṃ sukkavissaṭṭhiṃ ekāhapaṭicchannaṃ, sohaṃ saṅghaṃ ekissā āpattiyā sañcetanikāya sukkavissaṭṭhiyā ekāhapaṭicchannāya ekāhaparivāsaṃ yāciṃ, tassa me saṅgho ekissā āpattiyā sañcetanikāya sukkavissaṭṭhiyā ekāhapaṭicchannāya ekāhaparivāsaṃ adāsi, sohaṃ parivutthaparivāso . Ahaṃ, bhante, ekaṃ āpattiṃ āpajjiṃ sañcetanikaṃ sukkavissaṭṭhiṃ appaṭicchannaṃ. Sohaṃ, bhante, saṅghaṃ tāsaṃ āpattīnaṃ sañcetanikānaṃ sukkavissaṭṭhīnaṃ paṭicchannāya ca appaṭicchannāya ca chārattaṃ mānattaṃ yācāmī’’ti.
ат̇асса д̇ад̣̇ануруубам̣ гаммаваажам̣ гад̇ваа маанад̇д̇ам̣ д̣̇аад̇аб̣б̣ам̣. сажз бадижчаннаа д̣̇вз, аббадижчаннаа згаа ‘‘бадижчаннаанан̃жа аббадижчаннааяа жаа’’д̇и вад̇д̇аб̣б̣ам̣. ат̇а бадижчаннаа згаа, аббадижчаннаа д̣̇вз, ‘‘бадижчаннааяа жа аббадижчаннаанан̃жаа’’д̇и вад̇д̇аб̣б̣ам̣. сажз бадижчаннааби д̣̇вз, аббадижчаннааби д̣̇вз, ‘‘бадижчаннаанан̃жа аббадижчаннаанан̃жаа’’д̇и вад̇д̇аб̣б̣ам̣. саб̣б̣ад̇т̇а ануруубам̣ гаммаваажам̣ гад̇ваа маанад̇д̇ам̣ д̣̇аад̇аб̣б̣ам̣. жин̣н̣амаанад̇д̇асса жа д̇ад̣̇ануруубамзва гаммаваажам̣ гад̇ваа аб̣бхаанам̣ гаад̇аб̣б̣ам̣. ид̇ха бана згаабад̇д̇ивасзна вуд̇д̇ам̣. ид̇и яам̣ бадижчаннааяа аабад̇д̇ияаа бариваасаавасаанз маанад̇д̇ам̣ д̣̇ияяад̇и, ид̣̇ам̣ бадижчаннамаанад̇д̇ам̣ наама. звамзд̇т̇а згзнзва яож̇анаамукзна бадижчаннабариваасо жа бадижчаннамаанад̇д̇ан̃жа вуд̇д̇анд̇и взд̣̇ид̇аб̣б̣ам̣. багкамаанад̇д̇ам̣ самод̇хаанамаанад̇д̇ан̃жа авасзсабариваасагат̇аавасаанз гат̇аяиссаама.
Athassa tadanurūpaṃ kammavācaṃ katvā mānattaṃ dātabbaṃ. Sace paṭicchannā dve, appaṭicchannā ekā ‘‘paṭicchannānañca appaṭicchannāya cā’’ti vattabbaṃ. Atha paṭicchannā ekā, appaṭicchannā dve, ‘‘paṭicchannāya ca appaṭicchannānañcā’’ti vattabbaṃ. Sace paṭicchannāpi dve, appaṭicchannāpi dve, ‘‘paṭicchannānañca appaṭicchannānañcā’’ti vattabbaṃ. Sabbattha anurūpaṃ kammavācaṃ katvā mānattaṃ dātabbaṃ. Ciṇṇamānattassa ca tadanurūpameva kammavācaṃ katvā abbhānaṃ kātabbaṃ. Idha pana ekāpattivasena vuttaṃ. Iti yaṃ paṭicchannāya āpattiyā parivāsāvasāne mānattaṃ diyyati, idaṃ paṭicchannamānattaṃ nāma. Evamettha ekeneva yojanāmukhena paṭicchannaparivāso ca paṭicchannamānattañca vuttanti veditabbaṃ. Pakkhamānattaṃ samodhānamānattañca avasesaparivāsakathāvasāne kathayissāma.
суд̣̇д̇ханд̇абариваасо самод̇хаанабариваасод̇и хи д̣̇вз бариваасаа авасзсаа. д̇ад̇т̇а ‘‘суд̣̇д̇ханд̇абариваасо’’ наама барад̇о ад̇хаммигамаанад̇д̇ажаараавасаанз ‘‘д̇зна ко бана самаязна ан̃н̃ад̇аро бхигку самб̣ахулаа сан̇гхаад̣̇исзсаа аабад̇д̇ияо аабанно ход̇и, аабад̇д̇ибарияанд̇ам̣ на ж̇аанаад̇и, рад̇д̇ибарияанд̇ам̣ на ж̇аанаад̇ий’’д̇и имасмим̣ вад̇т̇усмим̣ анун̃н̃аад̇абариваасо. со д̣̇увид̇хо – жуул̣асуд̣̇д̇ханд̇о, махаасуд̣̇д̇ханд̇од̇и. д̣̇увид̇хоби жзса рад̇д̇ибарижчзд̣̇ам̣ сагалам̣ ваа згажжам̣ ваа аж̇аананд̇асса жа ассаранд̇асса жа д̇ад̇т̇а взмад̇игасса жа д̣̇аад̇аб̣б̣о. аабад̇д̇ибарияанд̇ам̣ бана зд̇д̇агаа ахам̣ аабад̇д̇ияо аабаннод̇и ж̇аанаад̇у ваа маа ваа, агааран̣амзд̇ам̣.
Suddhantaparivāso samodhānaparivāsoti hi dve parivāsā avasesā. Tattha ‘‘suddhantaparivāso’’ nāma parato adhammikamānattacārāvasāne ‘‘tena kho pana samayena aññataro bhikkhu sambahulā saṅghādisesā āpattiyo āpanno hoti, āpattipariyantaṃ na jānāti, rattipariyantaṃ na jānātī’’ti imasmiṃ vatthusmiṃ anuññātaparivāso. So duvidho – cūḷasuddhanto, mahāsuddhantoti. Duvidhopi cesa rattiparicchedaṃ sakalaṃ vā ekaccaṃ vā ajānantassa ca assarantassa ca tattha vematikassa ca dātabbo. Āpattipariyantaṃ pana ettakā ahaṃ āpattiyo āpannoti jānātu vā mā vā, akāraṇametaṃ.
д̇ад̇т̇а яо убасамбад̣̇ад̇о бадтааяа ануломаггамзна ваа аарожид̇ад̣̇ивасад̇о бадтааяа бадиломаггамзна ваа ‘‘асуган̃жа асуган̃жа д̣̇ивасам̣ ваа багкам̣ ваа маасам̣ ваа сам̣важчарам̣ ваа д̇ава суд̣̇д̇хабхаавам̣ ж̇аанаасий’’д̇и бужчияамаано ‘‘аама, бханд̇з, ж̇аанаами, зд̇д̇агам̣ наама гаалам̣ ахам̣ суд̣̇д̇хо’’д̇и вад̣̇ад̇и, д̇асса д̣̇инно суд̣̇д̇ханд̇абариваасо ‘‘жуул̣асуд̣̇д̇ханд̇о’’д̇и вужжад̇и.
Tattha yo upasampadato paṭṭhāya anulomakkamena vā ārocitadivasato paṭṭhāya paṭilomakkamena vā ‘‘asukañca asukañca divasaṃ vā pakkhaṃ vā māsaṃ vā saṃvaccharaṃ vā tava suddhabhāvaṃ jānāsī’’ti pucchiyamāno ‘‘āma, bhante, jānāmi, ettakaṃ nāma kālaṃ ahaṃ suddho’’ti vadati, tassa dinno suddhantaparivāso ‘‘cūḷasuddhanto’’ti vuccati.
д̇ам̣ г̇ахзд̇ваа баривасанд̇зна яад̇д̇агам̣ гаалам̣ ад̇д̇ано суд̣̇д̇хим̣ ж̇аанаад̇и, д̇ад̇д̇агам̣ абанзд̇ваа авасзсам̣ маасам̣ ваа д̣̇взмаасам̣ ваа баривасид̇аб̣б̣ам̣. сажз маасамад̇д̇ам̣ асуд̣̇д̇хомхийд̇и саллагкзд̇ваа аг̇г̇ахзси баривасанд̇о жа буна ан̃н̃ам̣ маасам̣ сарад̇и, д̇амби маасам̣ баривасид̇аб̣б̣амзва. буна бариваасад̣̇аанагижжам̣ над̇т̇и. ат̇а д̣̇взмаасам̣ асуд̣̇д̇хомхийд̇и саллагкзд̇ваа аг̇г̇ахзси, баривасанд̇о жа маасамад̇д̇амзваахам̣ асуд̣̇д̇хомхийд̇и саннидтаанам̣ гарод̇и, маасамзва баривасид̇аб̣б̣ам̣. буна бариваасад̣̇аанагижжам̣ над̇т̇и. аяан̃хи суд̣̇д̇ханд̇абариваасо наама уд̣̇д̇хамби аарохад̇и, хздтааби орохад̇и, ид̣̇амасса лагкан̣ам̣. ан̃н̃асмим̣ бана аабад̇д̇ивудтаанз ид̣̇ам̣ лагкан̣ам̣ – яо аббадижчаннам̣ аабад̇д̇им̣ бадижчаннаад̇и винаяагаммам̣ гарод̇и, д̇асса аабад̇д̇и вудтаад̇и. яо бадижчаннам̣ аббадижчаннаад̇и винаяагаммам̣ гарод̇и, д̇асса на вудтаад̇и. ажирабадижчаннам̣ жирабадижчаннаад̇и гаронд̇ассааби вудтаад̇и. жирабадижчаннам̣ ажирабадижчаннаад̇и гаронд̇асса на вудтаад̇и. згам̣ аабад̇д̇им̣ аабаж̇ж̇ид̇ваа самб̣ахулаад̇и гаронд̇ассааби вудтаад̇и, згам̣ винаа самб̣ахулаанам̣ абхаавад̇о. самб̣ахулаа бана аабаж̇ж̇ид̇ваа згам̣ аабаж̇ж̇инд̇и гаронд̇асса на вудтаад̇и.
Taṃ gahetvā parivasantena yattakaṃ kālaṃ attano suddhiṃ jānāti, tattakaṃ apanetvā avasesaṃ māsaṃ vā dvemāsaṃ vā parivasitabbaṃ. Sace māsamattaṃ asuddhomhīti sallakkhetvā aggahesi parivasanto ca puna aññaṃ māsaṃ sarati, tampi māsaṃ parivasitabbameva. Puna parivāsadānakiccaṃ natthi. Atha dvemāsaṃ asuddhomhīti sallakkhetvā aggahesi, parivasanto ca māsamattamevāhaṃ asuddhomhīti sanniṭṭhānaṃ karoti, māsameva parivasitabbaṃ. Puna parivāsadānakiccaṃ natthi. Ayañhi suddhantaparivāso nāma uddhampi ārohati, heṭṭhāpi orohati, idamassa lakkhaṇaṃ. Aññasmiṃ pana āpattivuṭṭhāne idaṃ lakkhaṇaṃ – yo appaṭicchannaṃ āpattiṃ paṭicchannāti vinayakammaṃ karoti, tassa āpatti vuṭṭhāti. Yo paṭicchannaṃ appaṭicchannāti vinayakammaṃ karoti, tassa na vuṭṭhāti. Acirapaṭicchannaṃ cirapaṭicchannāti karontassāpi vuṭṭhāti. Cirapaṭicchannaṃ acirapaṭicchannāti karontassa na vuṭṭhāti. Ekaṃ āpattiṃ āpajjitvā sambahulāti karontassāpi vuṭṭhāti, ekaṃ vinā sambahulānaṃ abhāvato. Sambahulā pana āpajjitvā ekaṃ āpajjinti karontassa na vuṭṭhāti.
яо бана яат̇аавуд̇д̇зна ануломабадиломанаязна бужчияамааноби рад̇д̇ибарияанд̇ам̣ на ж̇аанаад̇и нзва сарад̇и взмад̇иго ваа ход̇и, д̇асса д̣̇инно суд̣̇д̇ханд̇абариваасо ‘‘махаасуд̣̇д̇ханд̇о’’д̇и вужжад̇и. д̇ам̣ г̇ахзд̇ваа г̇ахид̇ад̣̇ивасад̇о бадтааяа яаава убасамбад̣̇ад̣̇ивасо, д̇аава рад̇д̇ияо г̇ан̣зд̇ваа баривасид̇аб̣б̣ам̣. аяам̣ уд̣̇д̇хам̣ наарохад̇и, хздтаа бана орохад̇и. д̇асмаа сажз баривасанд̇о рад̇д̇ибарижчзд̣̇з саннидтаанам̣ гарод̇и, маасо ваа сам̣важчаро ваа маяхам̣ аабаннассаад̇и маасам̣ ваа сам̣важчарам̣ ваа баривасид̇аб̣б̣ам̣. бариваасаяаажанад̣̇ааналагкан̣ам̣ банзд̇т̇а барад̇о баал̣ияам̣ ааг̇ад̇анаязнзва взд̣̇ид̇аб̣б̣ам̣. гаммаваажаабарияосаанз вад̇д̇асамаад̣̇аанамаанад̇д̇ааб̣бхаанаани вуд̇д̇анаяаанзва. аяам̣ суд̣̇д̇ханд̇абариваасо наама.
Yo pana yathāvuttena anulomapaṭilomanayena pucchiyamānopi rattipariyantaṃ na jānāti neva sarati vematiko vā hoti, tassa dinno suddhantaparivāso ‘‘mahāsuddhanto’’ti vuccati. Taṃ gahetvā gahitadivasato paṭṭhāya yāva upasampadadivaso, tāva rattiyo gaṇetvā parivasitabbaṃ. Ayaṃ uddhaṃ nārohati, heṭṭhā pana orohati. Tasmā sace parivasanto rattiparicchede sanniṭṭhānaṃ karoti, māso vā saṃvaccharo vā mayhaṃ āpannassāti māsaṃ vā saṃvaccharaṃ vā parivasitabbaṃ. Parivāsayācanadānalakkhaṇaṃ panettha parato pāḷiyaṃ āgatanayeneva veditabbaṃ. Kammavācāpariyosāne vattasamādānamānattaabbhānāni vuttanayāneva. Ayaṃ suddhantaparivāso nāma.
‘‘самод̇хаанабариваасо’’ наама д̇ивид̇хо ход̇и – од̇хаанасамод̇хаано, аг̇гхасамод̇хаано, миссагасамод̇хаанод̇и. д̇ад̇т̇а ‘‘од̇хаанасамод̇хаано’’ наама – анд̇араабад̇д̇им̣ аабаж̇ж̇ид̇ваа бадижчаад̣̇знд̇асса баривуд̇т̇ад̣̇ивасз од̇хунид̇ваа магкзд̇ваа буримааяа аабад̇д̇ияаа муулад̣̇ивасабарижчзд̣̇з бажчаа аабаннам̣ аабад̇д̇им̣ самод̣̇ахид̇ваа д̣̇аад̇аб̣б̣абариваасо вужжад̇и. со барад̇о ‘‘д̇зна хи бхигкавз сан̇гхо уд̣̇ааяим̣ бхигкум̣ анд̇араа згиссаа аабад̇д̇ияаа сан̃жзд̇анигааяа суггависсадтияаа бан̃жаахабадижчаннааяа муулааяа бадигассид̇ваа буримааяа аабад̇д̇ияаа самод̇хаанабариваасам̣ д̣̇зд̇уу’’д̇и ид̇о бадтааяа вид̇т̇аарад̇о баал̣ияам̣язва ааг̇ад̇о.
‘‘Samodhānaparivāso’’ nāma tividho hoti – odhānasamodhāno, agghasamodhāno, missakasamodhānoti. Tattha ‘‘odhānasamodhāno’’ nāma – antarāpattiṃ āpajjitvā paṭicchādentassa parivutthadivase odhunitvā makkhetvā purimāya āpattiyā mūladivasaparicchede pacchā āpannaṃ āpattiṃ samodahitvā dātabbaparivāso vuccati. So parato ‘‘tena hi bhikkhave saṅgho udāyiṃ bhikkhuṃ antarā ekissā āpattiyā sañcetanikāya sukkavissaṭṭhiyā pañcāhapaṭicchannāya mūlāya paṭikassitvā purimāya āpattiyā samodhānaparivāsaṃ detū’’ti ito paṭṭhāya vitthārato pāḷiyaṃyeva āgato.
аяам̣ банзд̇т̇а винижчаяо – яо бадижчаннааяа аабад̇д̇ияаа бариваасам̣ г̇ахзд̇ваа баривасанд̇о ваа маанад̇д̇аарахо ваа маанад̇д̇ам̣ жаранд̇о ваа аб̣бхаанаарахо ваа ан̃н̃ам̣ аабад̇д̇им̣ аабаж̇ж̇ид̇ваа буримааяа аабад̇д̇ияаа самаа ваа уунад̇араа ваа рад̇д̇ияо бадижчаад̣̇зд̇и, д̇асса муулааяабадигассанзна д̇з баривуд̇т̇ад̣̇ивасз жа маанад̇д̇ажин̣н̣ад̣̇ивасз жа саб̣б̣з од̇хунид̇ваа ад̣̇ивасз гад̇ваа бажчаа аабаннаабад̇д̇им̣ муулаабад̇д̇ияам̣ самод̇хааяа бариваасо д̣̇аад̇аб̣б̣о. д̇зна сажз муулаабад̇д̇и багкабадижчаннаа, анд̇араабад̇д̇и уунагабагкабадижчаннаа, буна багкамзва бариваасо баривасид̇аб̣б̣о. ат̇ааби анд̇араабад̇д̇и багкабадижчаннаава багкамзва баривасид̇аб̣б̣ам̣. зд̇знубааязна яаава садтивассабадижчаннаа муулаабад̇д̇и, д̇аава винижчаяо взд̣̇ид̇аб̣б̣о. садтивассаани баривасид̇ваа маанад̇д̇аарахо худ̇вааби хи згад̣̇ивасам̣ анд̇араабад̇д̇им̣ бадижчаад̣̇зд̇ваа бунаби садтивассаани бариваасаарахо ход̇и.
Ayaṃ panettha vinicchayo – yo paṭicchannāya āpattiyā parivāsaṃ gahetvā parivasanto vā mānattāraho vā mānattaṃ caranto vā abbhānāraho vā aññaṃ āpattiṃ āpajjitvā purimāya āpattiyā samā vā ūnatarā vā rattiyo paṭicchādeti, tassa mūlāyapaṭikassanena te parivutthadivase ca mānattaciṇṇadivase ca sabbe odhunitvā adivase katvā pacchā āpannāpattiṃ mūlāpattiyaṃ samodhāya parivāso dātabbo. Tena sace mūlāpatti pakkhapaṭicchannā, antarāpatti ūnakapakkhapaṭicchannā, puna pakkhameva parivāso parivasitabbo. Athāpi antarāpatti pakkhapaṭicchannāva pakkhameva parivasitabbaṃ. Etenupāyena yāva saṭṭhivassapaṭicchannā mūlāpatti, tāva vinicchayo veditabbo. Saṭṭhivassāni parivasitvā mānattāraho hutvāpi hi ekadivasaṃ antarāpattiṃ paṭicchādetvā punapi saṭṭhivassāni parivāsāraho hoti.
сажз бана анд̇араабад̇д̇и муулаабад̇д̇ид̇о ад̇ирзгабадижчаннаа ход̇и, д̇ад̇т̇а ‘‘гим̣ гаад̇аб̣б̣а’’нд̇и вуд̇д̇з махаасумад̇т̇зро ааха – ‘‘ад̇згижчо аяам̣ буг̇г̇ало, ад̇згижчо наама аавигаараабзд̇ваа виссаж̇ж̇зд̇аб̣б̣о’’д̇и. махаабад̣̇умад̇т̇зро банааха – ‘‘гасмаа ад̇згижчо наама, нану аяам̣ самужжаяагканд̇хаго наама б̣уд̣̇д̇хаанам̣ тид̇агааласад̣̇исо, аабад̇д̇и наама бадижчаннаа ваа ход̇у аббадижчаннаа ваа самагауунад̇араад̇ирзгабадижчаннаа ваа винаяад̇харасса гаммаваажам̣ яож̇зд̇ум̣ самад̇т̇абхаавоязвзд̇т̇а бамаан̣ам̣, д̇асмаа яаа ад̇ирзгабадижчаннаа ход̇и, д̇ам̣ муулаабад̇д̇им̣ гад̇ваа д̇ад̇т̇а ид̇арам̣ самод̇хааяа бариваасо д̣̇аад̇аб̣б̣о’’д̇и. аяам̣ ‘‘од̇хаанасамод̇хаано’’ наама.
Sace pana antarāpatti mūlāpattito atirekapaṭicchannā hoti, tattha ‘‘kiṃ kātabba’’nti vutte mahāsumatthero āha – ‘‘atekiccho ayaṃ puggalo, atekiccho nāma āvikārāpetvā vissajjetabbo’’ti. Mahāpadumatthero panāha – ‘‘kasmā atekiccho nāma, nanu ayaṃ samuccayakkhandhako nāma buddhānaṃ ṭhitakālasadiso, āpatti nāma paṭicchannā vā hotu appaṭicchannā vā samakaūnataraatirekapaṭicchannā vā vinayadharassa kammavācaṃ yojetuṃ samatthabhāvoyevettha pamāṇaṃ, tasmā yā atirekapaṭicchannā hoti, taṃ mūlāpattiṃ katvā tattha itaraṃ samodhāya parivāso dātabbo’’ti. Ayaṃ ‘‘odhānasamodhāno’’ nāma.
‘‘аг̇гхасамод̇хаано’’ наама самб̣ахулаасу аабад̇д̇ийсу яаа згаа ваа д̣̇вз ваа д̇иссо ваа самб̣ахулаа ваа аабад̇д̇ияо саб̣б̣ажирабадижчаннааяо, д̇аасам̣ аг̇гхзна самод̇хааяа д̇аасам̣ рад̇д̇ибарижчзд̣̇авасзна авасзсаанам̣ уунад̇арабадижчаннаанам̣ аабад̇д̇ийнам̣ бариваасо д̣̇ияяад̇и. аяам̣ вужжад̇и аг̇гхасамод̇хаано. соби барад̇о ‘‘д̇зна ко бана самаязна ан̃н̃ад̇аро бхигку самб̣ахулаа сан̇гхаад̣̇исзсаа аабад̇д̇ияо аабанно ход̇и, згаа аабад̇д̇и згаахабадижчаннаа згаа аабад̇д̇и д̣̇вийхабадижчаннаа’’д̇иаад̣̇инаа наязна баал̣ияам̣ ааг̇ад̇оязва.
‘‘Agghasamodhāno’’ nāma sambahulāsu āpattīsu yā ekā vā dve vā tisso vā sambahulā vā āpattiyo sabbacirapaṭicchannāyo, tāsaṃ agghena samodhāya tāsaṃ rattiparicchedavasena avasesānaṃ ūnatarapaṭicchannānaṃ āpattīnaṃ parivāso diyyati. Ayaṃ vuccati agghasamodhāno. Sopi parato ‘‘tena kho pana samayena aññataro bhikkhu sambahulā saṅghādisesā āpattiyo āpanno hoti, ekā āpatti ekāhapaṭicchannā ekā āpatti dvīhapaṭicchannā’’tiādinā nayena pāḷiyaṃ āgatoyeva.
яасса бана сад̇ам̣ аабад̇д̇ияо д̣̇асаахабадижчаннаа, абарамби сад̇ам̣ аабад̇д̇ияо д̣̇асаахабадижчаннаад̇и звам̣ д̣̇асагкад̇д̇ум̣ гад̇ваа аабад̇д̇исахассам̣ д̣̇ивасасад̇абадижчаннам̣ ход̇и, д̇зна гим̣ гаад̇аб̣б̣анд̇и? саб̣б̣ам̣ самод̣̇ахид̇ваа д̣̇аса д̣̇ивасз баривасид̇аб̣б̣ам̣. звам̣ згзнзва д̣̇асаахзна д̣̇ивасасад̇амби баривасид̇амзва ход̇и. вуд̇д̇амби жзд̇ам̣ –
Yassa pana sataṃ āpattiyo dasāhapaṭicchannā, aparampi sataṃ āpattiyo dasāhapaṭicchannāti evaṃ dasakkhattuṃ katvā āpattisahassaṃ divasasatapaṭicchannaṃ hoti, tena kiṃ kātabbanti? Sabbaṃ samodahitvā dasa divase parivasitabbaṃ. Evaṃ ekeneva dasāhena divasasatampi parivasitameva hoti. Vuttampi cetaṃ –
‘‘д̣̇асасад̇ам̣ рад̇д̇исад̇ам̣, аабад̇д̇ияо чаад̣̇аяид̇ваана;
‘‘Dasasataṃ rattisataṃ, āpattiyo chādayitvāna;
д̣̇аса рад̇д̇ияо васид̇ваана, мужжзяяа баариваасиго’’д̇и. (бари. 477);
Dasa rattiyo vasitvāna, mucceyya pārivāsiko’’ti. (pari. 477);
аяам̣ аг̇гхасамод̇хаано наама.
Ayaṃ agghasamodhāno nāma.
‘‘миссагасамод̇хаано’’ наама – яо наанаавад̇т̇угаа аабад̇д̇ияо згад̇о гад̇ваа д̣̇ияяад̇и. д̇ад̇рааяам̣ наяо –
‘‘Missakasamodhāno’’ nāma – yo nānāvatthukā āpattiyo ekato katvā diyyati. Tatrāyaṃ nayo –
‘‘ахам̣, бханд̇з, самб̣ахулаа сан̇гхаад̣̇исзсаа аабад̇д̇ияо аабаж̇ж̇им̣ згам̣ суггависсадтим̣, згам̣ гааяасам̣саг̇г̇ам̣, згам̣ д̣̇удтуллаваажам̣, згам̣ ад̇д̇агаамам̣, згам̣ сан̃жарид̇д̇ам̣, згам̣ гудигаарам̣, згам̣ вихаарагаарам̣, згам̣ д̣̇удтад̣̇осам̣, згам̣ ан̃н̃абхааг̇ияам̣, згам̣ сан̇гхабхзд̣̇ам̣, згам̣ бхзд̣̇аанувад̇д̇агам̣, згам̣ д̣̇уб̣б̣ажам̣, згам̣ гулад̣̇уусагам̣, сохам̣, бханд̇з, сан̇гхам̣ д̇аасам̣ аабад̇д̇ийнам̣ самод̇хаанабариваасам̣ яаажаамий’’д̇и –
‘‘Ahaṃ, bhante, sambahulā saṅghādisesā āpattiyo āpajjiṃ ekaṃ sukkavissaṭṭhiṃ, ekaṃ kāyasaṃsaggaṃ, ekaṃ duṭṭhullavācaṃ, ekaṃ attakāmaṃ, ekaṃ sañcarittaṃ, ekaṃ kuṭikāraṃ, ekaṃ vihārakāraṃ, ekaṃ duṭṭhadosaṃ, ekaṃ aññabhāgiyaṃ, ekaṃ saṅghabhedaṃ, ekaṃ bhedānuvattakaṃ, ekaṃ dubbacaṃ, ekaṃ kuladūsakaṃ, sohaṃ, bhante, saṅghaṃ tāsaṃ āpattīnaṃ samodhānaparivāsaṃ yācāmī’’ti –
д̇игкад̇д̇ум̣ яаажаабзд̇ваа д̇ад̣̇ануруубааяа гаммаваажааяа бариваасо д̣̇аад̇аб̣б̣о.
Tikkhattuṃ yācāpetvā tadanurūpāya kammavācāya parivāso dātabbo.
зд̇т̇а жа сан̇гхаад̣̇исзсаа аабад̇д̇ияо аабаж̇ж̇им̣ наанаавад̇т̇угааяод̇иби сан̇гхаад̣̇исзсаа аабад̇д̇ияо аабаж̇ж̇инд̇иби звам̣ буб̣б̣з вуд̇д̇анаязна вад̇т̇увасзнаби г̇од̇д̇авасзнаби наамавасзнаби аабад̇д̇ивасзнаби яож̇зд̇ваа гаммаваажам̣ гаад̇ум̣ ваддад̇иязваад̇и аяам̣ миссагасамод̇хаано. саб̣б̣абариваасагаммаваажаавасаанз бана нигкид̇д̇аанигкид̇д̇авад̇д̇аад̣̇игат̇аа буриманаязнзва взд̣̇ид̇аб̣б̣аад̇и.
Ettha ca saṅghādisesā āpattiyo āpajjiṃ nānāvatthukāyotipi saṅghādisesā āpattiyo āpajjintipi evaṃ pubbe vuttanayena vatthuvasenapi gottavasenapi nāmavasenapi āpattivasenapi yojetvā kammavācaṃ kātuṃ vaṭṭatiyevāti ayaṃ missakasamodhāno. Sabbaparivāsakammavācāvasāne pana nikkhittānikkhittavattādikathā purimanayeneva veditabbāti.
бариваасагат̇аа нидтид̇аа.
Parivāsakathā niṭṭhitā.
ид̣̇аани яам̣ вуд̇д̇ам̣ ‘‘багкамаанад̇д̇ан̃жа самод̇хаанамаанад̇д̇ан̃жа авасзсабариваасагат̇аавасаанз гат̇аяиссаамаа’’д̇и, д̇ассогаасо самбад̇д̇о, д̇асмаа вужжад̇и – ‘‘багкамаанад̇д̇а’’нд̇и бхигкунияаа д̣̇аад̇аб̣б̣амаанад̇д̇ам̣. д̇ам̣ бана бадижчаннааяаби аббадижчаннааяаби аабад̇д̇ияаа ад̣дхамаасамзва д̣̇аад̇аб̣б̣ам̣. вуд̇д̇ан̃хзд̇ам̣ – ‘‘г̇аруд̇хаммам̣ аж̇жхаабаннааяа бхигкунияаа убхад̇осан̇гхз багкамаанад̇д̇ам̣ жарид̇аб̣б̣а’’нд̇и (жуул̣ава. 403). д̇ам̣ бана бхигкунийхи ад̇д̇ано сиймам̣ сод̇хзд̇ваа вихаарасиймааяа ваа вихаарасиймам̣ сод̇хзд̇ум̣ асаггонд̇ийхи кан̣д̣асиймааяа ваа саб̣б̣анд̇имзна барижчзд̣̇зна жад̇уваг̇г̇аг̇ан̣ам̣ саннибаад̇аабзд̇ваа д̣̇аад̇аб̣б̣ам̣. сажз згаа аабад̇д̇и ход̇и згиссаа васзна, сажз д̣̇вз ваа д̇иссо ваа самб̣ахулаа ваа згавад̇т̇угаа ваа наанаавад̇т̇угаа ваа д̇аасам̣ д̇аасам̣ васзна вад̇т̇уг̇од̇д̇анаамааабад̇д̇ийсу яам̣ яам̣ ижчад̇и д̇ам̣ д̇ам̣ аад̣̇ааяа яож̇анаа гаад̇аб̣б̣аа.
Idāni yaṃ vuttaṃ ‘‘pakkhamānattañca samodhānamānattañca avasesaparivāsakathāvasāne kathayissāmā’’ti, tassokāso sampatto, tasmā vuccati – ‘‘pakkhamānatta’’nti bhikkhuniyā dātabbamānattaṃ. Taṃ pana paṭicchannāyapi appaṭicchannāyapi āpattiyā aḍḍhamāsameva dātabbaṃ. Vuttañhetaṃ – ‘‘garudhammaṃ ajjhāpannāya bhikkhuniyā ubhatosaṅghe pakkhamānattaṃ caritabba’’nti (cūḷava. 403). Taṃ pana bhikkhunīhi attano sīmaṃ sodhetvā vihārasīmāya vā vihārasīmaṃ sodhetuṃ asakkontīhi khaṇḍasīmāya vā sabbantimena paricchedena catuvaggagaṇaṃ sannipātāpetvā dātabbaṃ. Sace ekā āpatti hoti ekissā vasena, sace dve vā tisso vā sambahulā vā ekavatthukā vā nānāvatthukā vā tāsaṃ tāsaṃ vasena vatthugottanāmaāpattīsu yaṃ yaṃ icchati taṃ taṃ ādāya yojanā kātabbā.
д̇ад̇рид̣̇ам̣ згаабад̇д̇ивасзна мукамад̇д̇ад̣̇ассанам̣, д̇ааяа аабаннааяа бхигкунияаа бхигкунисан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкунийнам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘ахам̣, аяяз, згам̣ аабад̇д̇им̣ аабаж̇ж̇им̣ г̇ааманд̇арам̣, саахам̣, аяяз, згиссаа аабад̇д̇ияаа г̇ааманд̇арааяа багкамаанад̇д̇ам̣ яаажаамий’’д̇и.
Tatridaṃ ekāpattivasena mukhamattadassanaṃ, tāya āpannāya bhikkhuniyā bhikkhunisaṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhunīnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘‘ahaṃ, ayye, ekaṃ āpattiṃ āpajjiṃ gāmantaraṃ, sāhaṃ, ayye, ekissā āpattiyā gāmantarāya pakkhamānattaṃ yācāmī’’ti.
звам̣ д̇игкад̇д̇ум̣ яаажаабзд̇ваа б̣яад̇д̇ааяа бхигкунияаа бадиб̣алааяа сан̇гхо н̃аабзд̇аб̣б̣о –
Evaṃ tikkhattuṃ yācāpetvā byattāya bhikkhuniyā paṭibalāya saṅgho ñāpetabbo –
‘‘сун̣аад̇у мз аяяз сан̇гхо, аяам̣ ид̇т̇аннаамаа бхигкуний згам̣ аабад̇д̇им̣ аабаж̇ж̇и г̇ааманд̇арам̣, саа сан̇гхам̣ згиссаа аабад̇д̇ияаа г̇ааманд̇арааяа багкамаанад̇д̇ам̣ яаажад̇и, яад̣̇и сан̇гхасса бад̇д̇агаллам̣, сан̇гхо ид̇т̇аннаамааяа бхигкунияаа згиссаа аабад̇д̇ияаа г̇ааманд̇арааяа багкамаанад̇д̇ам̣ д̣̇ад̣̇зяяа, зсаа н̃ад̇д̇и.
‘‘Suṇātu me ayye saṅgho, ayaṃ itthannāmā bhikkhunī ekaṃ āpattiṃ āpajji gāmantaraṃ, sā saṅghaṃ ekissā āpattiyā gāmantarāya pakkhamānattaṃ yācati, yadi saṅghassa pattakallaṃ, saṅgho itthannāmāya bhikkhuniyā ekissā āpattiyā gāmantarāya pakkhamānattaṃ dadeyya, esā ñatti.
‘‘сун̣аад̇у мз аяяз сан̇гхо, аяам̣…бз… д̣̇уд̇ияамби… д̇ад̇ияамби зд̇амад̇т̇ам̣ вад̣̇аами. сун̣аад̇у мз аяяз сан̇гхо…бз… д̣̇зд̇и… д̣̇иннам̣ сан̇гхзна ид̇т̇аннаамааяа бхигкунияаа згиссаа аабад̇д̇ияаа г̇ааманд̇арааяа багкамаанад̇д̇ам̣, камад̇и сан̇гхасса, д̇асмаа д̇ун̣хий; звамзд̇ам̣ д̇хаараяаамий’’д̇и.
‘‘Suṇātu me ayye saṅgho, ayaṃ…pe… dutiyampi… tatiyampi etamatthaṃ vadāmi. Suṇātu me ayye saṅgho…pe… deti… dinnaṃ saṅghena itthannāmāya bhikkhuniyā ekissā āpattiyā gāmantarāya pakkhamānattaṃ, khamati saṅghassa, tasmā tuṇhī; evametaṃ dhārayāmī’’ti.
гаммаваажаабарияосаанз вад̇д̇ам̣ самаад̣̇ияид̇ваа бхигкумаанад̇д̇агат̇ааяа вуд̇д̇анаязнзва сан̇гхасса аарожзд̇ваа нигкид̇д̇авад̇д̇ам̣ васид̇угаамааяа д̇ад̇т̇зва сан̇гхамаж̇жхз ваа багганд̇аасу бхигкунийсу згабхигкунияаа ваа д̣̇уд̇ияигааяа ваа санд̇игз вуд̇д̇анаязнзва нигкибид̇аб̣б̣ам̣. ан̃н̃иссаа бана ааг̇анд̇угааяа санд̇игз аарожзд̇ваа нигкибид̇аб̣б̣ам̣. нигкид̇д̇агаалад̇о бадтааяа багад̇ад̇д̇адтаанз д̇идтад̇и. буна самаад̣̇ияид̇ваа арун̣ам̣ удтаабзнд̇ияаа бана бхигкунийнам̣язва санд̇игз васид̇ум̣ на лабхад̇и. ‘‘убхад̇осан̇гхз багкамаанад̇д̇ам̣ жарид̇аб̣б̣а’’нд̇и хи вуд̇д̇ам̣. д̇асмаа ассаа аажарияубаж̇жхааяаахи вихаарам̣ г̇анд̇ваа сан̇г̇аахагабагкз тид̇о зго махаат̇зро ваа д̇хаммагат̇иго ваа бхигку вад̇д̇аб̣б̣о – ‘‘згиссаа бхигкунияаа винаяагаммам̣ гад̇д̇аб̣б̣амад̇т̇и, д̇ад̇ра но аяяаа, жад̇д̇ааро бхигкуу бзсзт̇аа’’д̇и. сан̇г̇ахам̣ агаад̇ум̣ на лаб̣бхад̇и, бзсзссаамийд̇и вад̇д̇аб̣б̣ам̣. жад̇уухи багад̇ад̇д̇абхигкунийхи маанад̇д̇ажаариним̣ бхигкуним̣ г̇ахзд̇ваа анд̇оарун̣зязва нигкамид̇ваа г̇аамуубажаарад̇о д̣̇вз лзд̣д̣убаад̇з ад̇иггамид̇ваа маг̇г̇аа оггамма г̇умб̣авад̇иаад̣̇ийхи бадижчаннадтаанз нисийд̣̇ид̇аб̣б̣ам̣. вихааруубажаарад̇оби д̣̇вз лзд̣д̣убаад̇аа ад̇иггамид̇аб̣б̣аа жад̇уухи багад̇ад̇д̇абхигкуухиби д̇ад̇т̇а г̇анд̇аб̣б̣ам̣. г̇анд̇ваа бана бхигкунийхи сад̣̇д̇хим̣ на згадтаанз нисийд̣̇ид̇аб̣б̣ам̣, бадиггамид̇ваа авид̣̇уурадтаанз нисийд̣̇ид̇аб̣б̣ам̣. гурунд̣̇имахаабажжарийсу бана ‘‘бхигкунийхиби б̣яад̇д̇ам̣ згам̣ ваа д̣̇вз ваа убаасигааяо бхигкуухиби згам̣ ваа д̣̇вз ваа убаасагз ад̇д̇арагкан̣ад̇т̇ааяа г̇ахзд̇ваа г̇анд̇аб̣б̣а’’нд̇и вуд̇д̇ам̣. гурунд̣̇ияам̣язва жа бхигкунубассаяасса жа вихаарасса жа убажаарам̣ мун̃жид̇ум̣ ваддад̇ий’’д̇и вуд̇д̇ам̣, г̇аамассаад̇и на вуд̇д̇ам̣.
Kammavācāpariyosāne vattaṃ samādiyitvā bhikkhumānattakathāya vuttanayeneva saṅghassa ārocetvā nikkhittavattaṃ vasitukāmāya tattheva saṅghamajjhe vā pakkantāsu bhikkhunīsu ekabhikkhuniyā vā dutiyikāya vā santike vuttanayeneva nikkhipitabbaṃ. Aññissā pana āgantukāya santike ārocetvā nikkhipitabbaṃ. Nikkhittakālato paṭṭhāya pakatattaṭṭhāne tiṭṭhati. Puna samādiyitvā aruṇaṃ uṭṭhāpentiyā pana bhikkhunīnaṃyeva santike vasituṃ na labhati. ‘‘Ubhatosaṅghe pakkhamānattaṃ caritabba’’nti hi vuttaṃ. Tasmā assā ācariyupajjhāyāhi vihāraṃ gantvā saṅgāhakapakkhe ṭhito eko mahāthero vā dhammakathiko vā bhikkhu vattabbo – ‘‘ekissā bhikkhuniyā vinayakammaṃ kattabbamatthi, tatra no ayyā, cattāro bhikkhū pesethā’’ti. Saṅgahaṃ akātuṃ na labbhati, pesessāmīti vattabbaṃ. Catūhi pakatattabhikkhunīhi mānattacāriniṃ bhikkhuniṃ gahetvā antoaruṇeyeva nikkhamitvā gāmūpacārato dve leḍḍupāte atikkamitvā maggā okkamma gumbavatiādīhi paṭicchannaṭṭhāne nisīditabbaṃ. Vihārūpacāratopi dve leḍḍupātā atikkamitabbā catūhi pakatattabhikkhūhipi tattha gantabbaṃ. Gantvā pana bhikkhunīhi saddhiṃ na ekaṭṭhāne nisīditabbaṃ, paṭikkamitvā avidūraṭṭhāne nisīditabbaṃ. Kurundimahāpaccarīsu pana ‘‘bhikkhunīhipi byattaṃ ekaṃ vā dve vā upāsikāyo bhikkhūhipi ekaṃ vā dve vā upāsake attarakkhaṇatthāya gahetvā gantabba’’nti vuttaṃ. Kurundiyaṃyeva ca bhikkhunupassayassa ca vihārassa ca upacāraṃ muñcituṃ vaṭṭatī’’ti vuttaṃ, gāmassāti na vuttaṃ.
звам̣ нисиннзсу бана бхигкуусу жа бхигкунийсу жа д̇ааяа бхигкунияаа ‘‘маанад̇д̇ам̣ самаад̣̇ияаами, вад̇д̇ам̣ самаад̣̇ияаамий’’д̇и вад̇д̇ам̣ самаад̣̇ияид̇ваа бхигкунийсан̇гхасса д̇аава звам̣ аарожзд̇аб̣б̣ам̣ –
Evaṃ nisinnesu pana bhikkhūsu ca bhikkhunīsu ca tāya bhikkhuniyā ‘‘mānattaṃ samādiyāmi, vattaṃ samādiyāmī’’ti vattaṃ samādiyitvā bhikkhunīsaṅghassa tāva evaṃ ārocetabbaṃ –
‘‘ахам̣, аяяз, згам̣ аабад̇д̇им̣ аабаж̇ж̇им̣ г̇ааманд̇арам̣, саахам̣ сан̇гхам̣ згиссаа аабад̇д̇ияаа г̇ааманд̇арааяа багкамаанад̇д̇ам̣ яаажим̣, д̇асса мз сан̇гхо згиссаа аабад̇д̇ияаа г̇ааманд̇арааяа багкамаанад̇д̇ам̣ ад̣̇ааси, саахам̣ багкамаанад̇д̇ам̣ жараами, ‘взд̣̇аяаамахам̣, аяяз, взд̣̇аяад̇ий’д̇и мам̣ сан̇гхо д̇хаарзд̇уу’’д̇и.
‘‘Ahaṃ, ayye, ekaṃ āpattiṃ āpajjiṃ gāmantaraṃ, sāhaṃ saṅghaṃ ekissā āpattiyā gāmantarāya pakkhamānattaṃ yāciṃ, tassa me saṅgho ekissā āpattiyā gāmantarāya pakkhamānattaṃ adāsi, sāhaṃ pakkhamānattaṃ carāmi, ‘vedayāmahaṃ, ayye, vedayatī’ti maṃ saṅgho dhāretū’’ti.
д̇ад̇о бхигкусан̇гхасса санд̇игам̣ г̇анд̇ваа звам̣ аарожзд̇аб̣б̣ам̣ – ‘‘ахам̣, аяяаа, згам̣ аабад̇д̇им̣ аабаж̇ж̇им̣ …бз… взд̣̇аяаамахам̣, аяяаа, взд̣̇аяад̇ийд̇и мам̣ сан̇гхо д̇хаарзд̇уу’’д̇и. ид̇хааби яааяа гааяажи бхаасааяа аарожзд̇ум̣ ваддад̇и.
Tato bhikkhusaṅghassa santikaṃ gantvā evaṃ ārocetabbaṃ – ‘‘ahaṃ, ayyā, ekaṃ āpattiṃ āpajjiṃ …pe… vedayāmahaṃ, ayyā, vedayatīti maṃ saṅgho dhāretū’’ti. Idhāpi yāya kāyaci bhāsāya ārocetuṃ vaṭṭati.
аарожзд̇ваа жа бхигкунисан̇гхассзва санд̇игз нисийд̣̇ид̇аб̣б̣ам̣, аарожид̇агаалад̇о бадтааяа бхигкуунам̣ г̇анд̇ум̣ ваддад̇и. сажз саасан̇гам̣ ход̇и, бхигкунияо д̇ад̇т̇зва таанам̣ бажжаасийсанд̇и, таад̇аб̣б̣ам̣. сажз ан̃н̃о бхигку ваа бхигкуний ваа д̇ам̣ таанам̣ зд̇и, бассанд̇ияаа аарожзд̇аб̣б̣ам̣. но жз аарожзд̇и, рад̇д̇ижчзд̣̇о жзва вад̇д̇абхзд̣̇ад̣̇уггадан̃жа. сажз аж̇аананд̇ияаа зва убажаарам̣ оггамид̇ваа г̇ажчад̇и, рад̇д̇ижчзд̣̇ова ход̇и, на вад̇д̇абхзд̣̇ад̣̇уггадам̣. сажз бхигкунияо убаж̇жхааяаад̣̇ийнам̣ вад̇д̇агаран̣ад̇т̇ам̣ баг̇зва г̇анд̇угаамаа хонд̇и, рад̇д̇ивиббаваасаг̇ан̣аохийяанаг̇ааманд̇араабад̇д̇ирагкан̣ад̇т̇ам̣ згам̣ бхигкуним̣ табзд̇ваа г̇анд̇аб̣б̣ам̣. д̇ааяа арун̣з удтид̇з д̇ассаа санд̇игз вад̇д̇ам̣ нигкибид̇аб̣б̣ам̣. зд̇знубааязна акан̣д̣аа бан̃жад̣̇аса рад̇д̇ияо маанад̇д̇ам̣ жарид̇аб̣б̣ам̣.
Ārocetvā ca bhikkhunisaṅghasseva santike nisīditabbaṃ, ārocitakālato paṭṭhāya bhikkhūnaṃ gantuṃ vaṭṭati. Sace sāsaṅkaṃ hoti, bhikkhuniyo tattheva ṭhānaṃ paccāsīsanti, ṭhātabbaṃ. Sace añño bhikkhu vā bhikkhunī vā taṃ ṭhānaṃ eti, passantiyā ārocetabbaṃ. No ce āroceti, ratticchedo ceva vattabhedadukkaṭañca. Sace ajānantiyā eva upacāraṃ okkamitvā gacchati, ratticchedova hoti, na vattabhedadukkaṭaṃ. Sace bhikkhuniyo upajjhāyādīnaṃ vattakaraṇatthaṃ pageva gantukāmā honti, rattivippavāsagaṇaohīyanagāmantarāpattirakkhaṇatthaṃ ekaṃ bhikkhuniṃ ṭhapetvā gantabbaṃ. Tāya aruṇe uṭṭhite tassā santike vattaṃ nikkhipitabbaṃ. Etenupāyena akhaṇḍā pañcadasa rattiyo mānattaṃ caritabbaṃ.
анигкид̇д̇авад̇д̇ааяа бана баариваасигагканд̇хагз вуд̇д̇анаязнзва саммаа вад̇д̇ид̇аб̣б̣ам̣. аяам̣ бана висзсо – ‘‘ааг̇анд̇угасса аарожзд̇аб̣б̣а’’нд̇и зд̇т̇а яад̇д̇агаа бурзбхад̇д̇ам̣ ваа бажчаабхад̇д̇ам̣ ваа д̇ам̣ г̇аамам̣ бхигкуу ваа бхигкунияо ваа ааг̇ажчанд̇и, саб̣б̣зсам̣ аарожзд̇аб̣б̣ам̣. анаарожзнд̇ияаа рад̇д̇ижчзд̣̇о жа вад̇д̇абхзд̣̇ад̣̇уггадан̃жа. сажзби рад̇д̇им̣ гожи бхигку д̇ам̣ г̇аамуубажаарам̣ оггамид̇ваа г̇ажчад̇и, рад̇д̇ижчзд̣̇о ход̇иязва, аж̇аананабажжаяаа бана вад̇д̇абхзд̣̇ад̇о мужжад̇и. гурунд̣̇иаад̣̇ийсу бана анигкид̇д̇авад̇д̇абхигкуунам̣ вуд̇д̇анаязнзва гат̇зд̇аб̣б̣анд̇и вуд̇д̇ам̣. д̇ам̣ баариваасигавад̇д̇аад̣̇ийнам̣ убажаарасиймааяа барижчиннад̇д̇аа яуд̇д̇ад̇арам̣ д̣̇иссад̇и. убосат̇з аарожзд̇аб̣б̣ам̣, бавааран̣ааяа аарожзд̇аб̣б̣ам̣, жад̇уннам̣ бхигкуунан̃жа бхигкунийнан̃жа д̣̇звасигам̣ аарожзд̇аб̣б̣ам̣. сажз бхигкуунам̣ д̇асмим̣ г̇аамз бхигкаажааро самбаж̇ж̇ад̇и, д̇ад̇т̇зва г̇анд̇аб̣б̣ам̣. но жз самбаж̇ж̇ад̇и, ан̃н̃ад̇ра жарид̇вааби д̇ад̇ра ааг̇анд̇ваа ад̇д̇аанам̣ д̣̇ассзд̇ваа г̇анд̇аб̣б̣ам̣. б̣ахиг̇аамз ваа сан̇гзд̇адтаанам̣ гаад̇аб̣б̣ам̣ – ‘‘асугасмим̣ наама таанз амхз бассиссасий’’д̇и. д̇ааяа сан̇гзд̇адтаанам̣ г̇анд̇ваа аарожзд̇аб̣б̣ам̣. сан̇гзд̇адтаанз ад̣̇исваа вихаарам̣ г̇анд̇ваа аарожзд̇аб̣б̣ам̣. вихаарз саб̣б̣абхигкуунам̣ аарожзд̇аб̣б̣ам̣. сажз саб̣б̣зсам̣ саггаа на ход̇и аарожзд̇ум̣, б̣ахиубажаарасиймааяа тад̇ваа бхигкунияо бзсзд̇аб̣б̣аа. д̇аахи аанийд̇аанам̣ жад̇уннам̣ бхигкуунам̣ аарожзд̇аб̣б̣ам̣. сажз вихааро д̣̇ууро ход̇и саасан̇го, убаасагз жа убаасигааяо жа г̇ахзд̇ваа г̇анд̇аб̣б̣ам̣. сажз бана аяам̣ згаа васад̇и, рад̇д̇ивиббаваасам̣ аабаж̇ж̇ад̇и, д̇асмаассаа згаа багад̇ад̇д̇аа бхигкуний самманнид̇ваа д̣̇аад̇аб̣б̣аа згажчаннз васанад̇т̇ааяа.
Anikkhittavattāya pana pārivāsikakkhandhake vuttanayeneva sammā vattitabbaṃ. Ayaṃ pana viseso – ‘‘āgantukassa ārocetabba’’nti ettha yattakā purebhattaṃ vā pacchābhattaṃ vā taṃ gāmaṃ bhikkhū vā bhikkhuniyo vā āgacchanti, sabbesaṃ ārocetabbaṃ. Anārocentiyā ratticchedo ca vattabhedadukkaṭañca. Sacepi rattiṃ koci bhikkhu taṃ gāmūpacāraṃ okkamitvā gacchati, ratticchedo hotiyeva, ajānanapaccayā pana vattabhedato muccati. Kurundiādīsu pana anikkhittavattabhikkhūnaṃ vuttanayeneva kathetabbanti vuttaṃ. Taṃ pārivāsikavattādīnaṃ upacārasīmāya paricchinnattā yuttataraṃ dissati. Uposathe ārocetabbaṃ, pavāraṇāya ārocetabbaṃ, catunnaṃ bhikkhūnañca bhikkhunīnañca devasikaṃ ārocetabbaṃ. Sace bhikkhūnaṃ tasmiṃ gāme bhikkhācāro sampajjati, tattheva gantabbaṃ. No ce sampajjati, aññatra caritvāpi tatra āgantvā attānaṃ dassetvā gantabbaṃ. Bahigāme vā saṅketaṭṭhānaṃ kātabbaṃ – ‘‘asukasmiṃ nāma ṭhāne amhe passissasī’’ti. Tāya saṅketaṭṭhānaṃ gantvā ārocetabbaṃ. Saṅketaṭṭhāne adisvā vihāraṃ gantvā ārocetabbaṃ. Vihāre sabbabhikkhūnaṃ ārocetabbaṃ. Sace sabbesaṃ sakkā na hoti ārocetuṃ, bahiupacārasīmāya ṭhatvā bhikkhuniyo pesetabbā. Tāhi ānītānaṃ catunnaṃ bhikkhūnaṃ ārocetabbaṃ. Sace vihāro dūro hoti sāsaṅko, upāsake ca upāsikāyo ca gahetvā gantabbaṃ. Sace pana ayaṃ ekā vasati, rattivippavāsaṃ āpajjati, tasmāssā ekā pakatattā bhikkhunī sammannitvā dātabbā ekacchanne vasanatthāya.
звам̣ акан̣д̣ам̣ маанад̇д̇ам̣ жарид̇ваа вийсад̇иг̇ан̣з бхигкунисан̇гхз вуд̇д̇анаязнзва аб̣бхаанам̣ гаад̇аб̣б̣ам̣. сажз маанад̇д̇ам̣ жарамаанаа анд̇араабад̇д̇им̣ аабаж̇ж̇ад̇и, муулааяа бадигассид̇ваа д̇ассаа аабад̇д̇ияаа маанад̇д̇ам̣ д̣̇аад̇аб̣б̣анд̇и гурунд̣̇ияам̣ вуд̇д̇ам̣. ид̣̇ам̣ ‘‘багкамаанад̇д̇ам̣’’ наама.
Evaṃ akhaṇḍaṃ mānattaṃ caritvā vīsatigaṇe bhikkhunisaṅghe vuttanayeneva abbhānaṃ kātabbaṃ. Sace mānattaṃ caramānā antarāpattiṃ āpajjati, mūlāya paṭikassitvā tassā āpattiyā mānattaṃ dātabbanti kurundiyaṃ vuttaṃ. Idaṃ ‘‘pakkhamānattaṃ’’ nāma.
‘‘самод̇хаанамаанад̇д̇ам̣’’ бана д̇ивид̇хам̣ ход̇и – од̇хаанасамод̇хаанам̣, аг̇гхасамод̇хаанам̣, миссагасамод̇хаананд̇и. д̇ад̇т̇а яад̣̇зд̇ам̣ барад̇о уд̣̇ааяид̇т̇зрасса бан̃жаахабадижчаннааяа аабад̇д̇ияаа бариваасам̣ баривасанд̇асса бариваасз жа маанад̇д̇аарахадтаанз жа анд̇араабад̇д̇им̣ аабаж̇ж̇ид̇ваа муулааяабадигассид̇асса ‘‘д̇зна хи, бхигкавз, сан̇гхо уд̣̇ааяисса бхигкуно д̇иссаннам̣ аабад̇д̇ийнам̣ чаарад̇д̇ам̣ маанад̇д̇ам̣ д̣̇зд̇уу’’д̇и маанад̇д̇ам̣ анун̃н̃аад̇ам̣, ид̣̇ам̣ ‘‘од̇хаанасамод̇хаанам̣’’ наама. ид̣̇ан̃хи бунаббунам̣ муулааяабадигассанзна баривуд̇т̇ад̣̇ивасз од̇хунид̇ваа буримаабад̇д̇ийхи сад̣̇д̇хим̣ самод̇хааяа д̣̇иннам̣, д̇асмаа од̇хаанасамод̇хаананд̇и вужжад̇и. гурунд̣̇ияам̣ бана ‘‘самод̇хаанабариваасам̣ вуд̇т̇асса д̣̇аад̇аб̣б̣ам̣ маанад̇д̇ам̣ самод̇хаанамаанад̇д̇а’’нд̇и вуд̇д̇ам̣. д̇амби д̇зна барияааязна яуж̇ж̇ад̇и.
‘‘Samodhānamānattaṃ’’ pana tividhaṃ hoti – odhānasamodhānaṃ, agghasamodhānaṃ, missakasamodhānanti. Tattha yadetaṃ parato udāyittherassa pañcāhapaṭicchannāya āpattiyā parivāsaṃ parivasantassa parivāse ca mānattārahaṭṭhāne ca antarāpattiṃ āpajjitvā mūlāyapaṭikassitassa ‘‘tena hi, bhikkhave, saṅgho udāyissa bhikkhuno tissannaṃ āpattīnaṃ chārattaṃ mānattaṃ detū’’ti mānattaṃ anuññātaṃ, idaṃ ‘‘odhānasamodhānaṃ’’ nāma. Idañhi punappunaṃ mūlāyapaṭikassanena parivutthadivase odhunitvā purimāpattīhi saddhiṃ samodhāya dinnaṃ, tasmā odhānasamodhānanti vuccati. Kurundiyaṃ pana ‘‘samodhānaparivāsaṃ vutthassa dātabbaṃ mānattaṃ samodhānamānatta’’nti vuttaṃ. Tampi tena pariyāyena yujjati.
аг̇гхасамод̇хаанам̣ бана миссагасамод̇хаанан̃жа аг̇гхасамод̇хаанамиссагасамод̇хаанабариваасаавасаанз д̣̇аад̇аб̣б̣амаанад̇д̇амзва вужжад̇и, д̇ам̣ бариваасагаммаваажаанусаарзна яож̇зд̇ваа д̣̇аад̇аб̣б̣ам̣. зд̇д̇аавад̇аа яам̣ вуд̇д̇ам̣ ‘‘д̇зна хи, бхигкавз, сан̇гхо уд̣̇ааяисса бхигкуно згиссаа аабад̇д̇ияаа сан̃жзд̇анигааяа суггависсадтияаа згаахабадижчаннааяа згаахабариваасам̣ д̣̇зд̇ууд̇иаад̣̇инаа наязна баал̣ияам̣ анзгзхи аагаарзхи бариваасо жа маанад̇д̇ан̃жа вуд̇д̇ам̣, д̇асса яасмаа ааг̇ад̇ааг̇ад̇атаанз винижчаяо вужжамаано баал̣и вияа ад̇ивид̇т̇аарам̣ аабаж̇ж̇ад̇и, на жа саггаа ход̇и сукзна бариг̇г̇ахзд̇ум̣, д̇асмаа нам̣ самод̇хаанзд̇ваа ид̇хзва д̣̇ассзссаамаа’’д̇и, д̇ад̣̇ид̣̇ам̣ ад̇т̇ад̇о самбаад̣̇ид̇ам̣ ход̇и.
Agghasamodhānaṃ pana missakasamodhānañca agghasamodhānamissakasamodhānaparivāsāvasāne dātabbamānattameva vuccati, taṃ parivāsakammavācānusārena yojetvā dātabbaṃ. Ettāvatā yaṃ vuttaṃ ‘‘tena hi, bhikkhave, saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhapaṭicchannāya ekāhaparivāsaṃ detūtiādinā nayena pāḷiyaṃ anekehi ākārehi parivāso ca mānattañca vuttaṃ, tassa yasmā āgatāgataṭhāne vinicchayo vuccamāno pāḷi viya ativitthāraṃ āpajjati, na ca sakkā hoti sukhena pariggahetuṃ, tasmā naṃ samodhānetvā idheva dassessāmā’’ti, tadidaṃ atthato sampāditaṃ hoti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / згаахаббадижчаннабариваасам̣ • Ekāhappaṭicchannaparivāsaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бариваасагат̇ааван̣н̣анаа • Parivāsakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бариваасагат̇ааван̣н̣анаа • Parivāsakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бадижчаннабариваасагат̇ааван̣н̣анаа • Paṭicchannaparivāsakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / бадижчаннабариваасагат̇аа • Paṭicchannaparivāsakathā
