| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
бариваасагат̇ааван̣н̣анаа
Parivāsakathāvaṇṇanā
102. ‘‘ананд̇арааяигасса бана анд̇арааяигасан̃н̃ааяа чаад̣̇аяад̇о ажчаннааваа’’д̇и баато. авзрибхаавзна сабхааг̇о авзрисабхааг̇о. ‘‘сабхааг̇асан̇гхаад̣̇исзсам̣ аабаннасса бана санд̇игз аави гаад̇ум̣ на ваддад̇ий’’д̇и басан̇г̇ад̇о ид̇хзва багаасид̇ам̣. лахугзсу бадигкзбо над̇т̇и. д̇ад̇т̇а н̃ад̇д̇ияаа аави гад̇ваа убосат̇ам̣ гаад̇ум̣ анун̃н̃аад̇ад̇д̇аа лахугасабхааг̇ам̣ аави гаад̇ум̣ ваддад̇ийд̇и. сабхааг̇асан̇гхаад̣̇исзсам̣ бана н̃ад̇д̇ияаа аарожанам̣ на ваддад̇ийд̇и гира. ‘‘д̇асса санд̇игз д̇ам̣ аабад̇д̇им̣ бадигариссад̇ий’д̇и (махаава. 171) вуд̇д̇ад̇д̇аа лахугассзвааяаманун̃н̃аад̇аа . на хи саггаа суд̣̇д̇хасса згасса санд̇игз сан̇гхаад̣̇исзсасса бадигаран̣ам̣ гаад̇у’’нд̇и ликид̇ам̣. лахугзсуби сабхааг̇ам̣ аави гаад̇ум̣ на ваддад̇ийд̇и, д̇асмаа зва хи н̃ад̇д̇ияаа аавигаран̣ам̣ анун̃н̃аад̇ам̣, ид̇арат̇аа д̇ам̣ нирад̇т̇агам̣ сияаа. ан̃н̃аман̃н̃аарожанасса ваддад̇и, д̇ад̇о на ваддад̇ийд̇и д̣̇ийбанад̇т̇амзва н̃ад̇д̇ияаа аавигаран̣аманун̃н̃аад̇ам̣, д̇знзва ид̇ха ‘‘сабхааг̇асан̇гхаад̣̇исзсам̣ аабаннассаа’’д̇иаад̣̇и вуд̇д̇ам̣. аяамад̇т̇о ‘‘зд̇д̇аавад̇аа д̇з д̣̇вз нираабад̇д̇игаа хонд̇и, д̇зсам̣ санд̇игз сзсзхи сабхааг̇аабад̇д̇ияо д̣̇зсзд̇аб̣б̣аа’’д̇и (ган̇каа. адта. нид̣̇аанаван̣н̣анаа) важанзна ган̇каавид̇аран̣ияам̣ багаасид̇ова. сан̇гхаад̣̇исзсам̣ бана н̃ад̇д̇ияаа аарожзд̇ваа убосат̇ам̣ гаад̇ум̣ ваддад̇и. д̇ассаа н̃ад̇д̇ияаа аяамад̇т̇о яад̣̇аа суд̣̇д̇хам̣ бхигкум̣ бассиссад̇и, д̇асса санд̇игз аарожанавасзна бадигариссад̇и. звам̣ бадигад̇з ‘‘на жа, бхигкавз, саабад̇д̇игзна баад̇имогкам̣ сод̇аб̣б̣ам̣, яо сун̣зяяа, аабад̇д̇и д̣̇уггадассаа’’д̇и (жуул̣ава. 386) вуд̇д̇аабад̇д̇ид̇о могко ход̇ийд̇и, д̇асмаа ‘‘г̇аругам̣ ваа ход̇у лахугам̣ ваа, н̃ад̇д̇ияаа аави гаад̇ум̣ ваддад̇ий’’д̇и вуд̇д̇ам̣, убхосу наязсу яуд̇д̇ад̇арам̣ г̇ахзд̇аб̣б̣ам̣.
102. ‘‘Anantarāyikassa pana antarāyikasaññāya chādayato acchannāvā’’ti pāṭho. Averibhāvena sabhāgo averisabhāgo. ‘‘Sabhāgasaṅghādisesaṃ āpannassa pana santike āvi kātuṃ na vaṭṭatī’’ti pasaṅgato idheva pakāsitaṃ. Lahukesu paṭikkhepo natthi. Tattha ñattiyā āvi katvā uposathaṃ kātuṃ anuññātattā lahukasabhāgaṃ āvi kātuṃ vaṭṭatīti. Sabhāgasaṅghādisesaṃ pana ñattiyā ārocanaṃ na vaṭṭatīti kira. ‘‘Tassa santike taṃ āpattiṃ paṭikarissatī’ti (mahāva. 171) vuttattā lahukassevāyamanuññātā . Na hi sakkā suddhassa ekassa santike saṅghādisesassa paṭikaraṇaṃ kātu’’nti likhitaṃ. Lahukesupi sabhāgaṃ āvi kātuṃ na vaṭṭatīti, tasmā eva hi ñattiyā āvikaraṇaṃ anuññātaṃ, itarathā taṃ niratthakaṃ siyā. Aññamaññārocanassa vaṭṭati, tato na vaṭṭatīti dīpanatthameva ñattiyā āvikaraṇamanuññātaṃ, teneva idha ‘‘sabhāgasaṅghādisesaṃ āpannassā’’tiādi vuttaṃ. Ayamattho ‘‘ettāvatā te dve nirāpattikā honti, tesaṃ santike sesehi sabhāgāpattiyo desetabbā’’ti (kaṅkhā. aṭṭha. nidānavaṇṇanā) vacanena kaṅkhāvitaraṇiyaṃ pakāsitova. Saṅghādisesaṃ pana ñattiyā ārocetvā uposathaṃ kātuṃ vaṭṭati. Tassā ñattiyā ayamattho yadā suddhaṃ bhikkhuṃ passissati, tassa santike ārocanavasena paṭikarissati. Evaṃ paṭikate ‘‘na ca, bhikkhave, sāpattikena pātimokkhaṃ sotabbaṃ, yo suṇeyya, āpatti dukkaṭassā’’ti (cūḷava. 386) vuttāpattito mokkho hotīti, tasmā ‘‘garukaṃ vā hotu lahukaṃ vā, ñattiyā āvi kātuṃ vaṭṭatī’’ti vuttaṃ, ubhosu nayesu yuttataraṃ gahetabbaṃ.
нааман̃жзва аабад̇д̇и жаад̇и ‘‘д̇зна д̇зна вийд̇иггамзнаабаннаабад̇д̇и аабад̇д̇и. нааманд̇и д̇ассаа аабад̇д̇ияаа наама’’нд̇и ликид̇ам̣. аарожзд̇ваа нигкибид̇аб̣б̣анд̇и зд̇т̇а аарожанам̣ вад̇д̇абхзд̣̇ад̣̇уггадабаахаран̣аббаяож̇ананд̇и взд̣̇ид̇аб̣б̣ам̣. агааран̣амзд̇анд̇и ‘‘самб̣ахулаа сан̇гхаад̣̇исзсаа аабад̇д̇ияо аабаж̇ж̇и’’нд̇и вуд̇д̇з вудтаанад̇о.
Nāmañceva āpatti cāti ‘‘tena tena vītikkamenāpannāpatti āpatti. Nāmanti tassā āpattiyā nāma’’nti likhitaṃ. Ārocetvā nikkhipitabbanti ettha ārocanaṃ vattabhedadukkaṭapaaharaṇappayojananti veditabbaṃ. Akāraṇametanti ‘‘sambahulā saṅghādisesā āpattiyo āpajji’’nti vutte vuṭṭhānato.
д̣̇асасад̇ам̣ рад̇д̇исад̇анд̇и д̣̇асасад̇ам̣ аабад̇д̇ияо рад̇д̇исад̇ам̣ чаад̣̇зд̇ваад̇и яож̇зд̇аб̣б̣ам̣. аг̇гхасамод̇хаано наама сабхааг̇авад̇т̇угааяо самб̣ахулаа аабад̇д̇ияо аабаннасса б̣ахурад̇д̇им̣ бадижчаад̣̇ид̇аабад̇д̇ияам̣ нигкибид̇ваа д̣̇аад̇аб̣б̣о, ид̇аро наанаавад̇т̇угаанам̣ васзнаад̇и аяамзд̇зсам̣ висзсод̇и.
Dasasataṃ rattisatanti dasasataṃ āpattiyo rattisataṃ chādetvāti yojetabbaṃ. Agghasamodhāno nāma sabhāgavatthukāyo sambahulā āpattiyo āpannassa bahurattiṃ paṭicchāditāpattiyaṃ nikkhipitvā dātabbo, itaro nānāvatthukānaṃ vasenāti ayametesaṃ visesoti.
бариваасагат̇ааван̣н̣анаа нидтид̇аа.
Parivāsakathāvaṇṇanā niṭṭhitā.
‘‘г̇аамассаад̇и на вуд̇д̇а’’нд̇и важанад̇о гира г̇аамуубажаарзби ваддад̇ийд̇и ад̇хиббааяод̇и ликид̇ам̣. вуд̇д̇ан̃жа ‘‘аяам̣ бана висзсо’’д̇и. ‘‘зд̇т̇а адтагат̇аажарияаава бамаан̣ам̣. яуд̇д̇ам̣ на д̣̇иссад̇ий’’д̇и ликид̇ам̣. ануг̇ан̣тибад̣̇з бана ‘‘аяам̣ бана висзсо, ааг̇анд̇угасса…бз… оггамид̇ваа г̇ажчад̇и, рад̇д̇ижчзд̣̇о ход̇иязваа’’д̇и важанз хздтаа ‘‘анд̇оарун̣з зва нигкамид̇ваа г̇аамуубажаарад̇о д̣̇вз лзд̣д̣убаад̇з ад̇иггамид̇ваа’’д̇иаад̣̇инаа наязна г̇арум̣ гад̇ваа важанад̇о, бхигкунийнам̣ г̇аругавасзнзва д̇ад̇т̇а д̇ад̇т̇а сигкаабад̣̇аанам̣ бан̃н̃ад̇д̇ад̇д̇аа жа д̇ад̣̇ануруубавасзнзва адтагат̇аажариязна бхигкунийнам̣ г̇арум̣ гад̇ваа маанад̇д̇ажаран̣авид̇хид̣̇ассанад̇т̇ам̣ ‘‘яад̇д̇агаа бурзбхад̇д̇ам̣ ваа’’д̇иаад̣̇и вуд̇д̇ам̣. гурунд̣̇иаад̣̇ийсу вуд̇д̇аважанзна гаронд̇ассаби д̣̇осо над̇т̇ийд̇и д̣̇ассзд̇ум̣ гзвалам̣ лагкан̣амад̇д̇амзва вуд̇д̇ам̣, д̇ад̣̇убхаяамби д̇зна д̇зна барияааязна яуж̇ж̇ад̇и, винижчаяз бад̇д̇з лагкан̣з зва таад̇аб̣б̣ад̇о гурунд̣̇иаад̣̇ийсу вуд̇д̇аважанам̣ бажчаа вуд̇д̇ам̣. баяог̇о бана буримова. яат̇аа жзд̇т̇а, д̇ат̇аа сажз гаажи бхигкуний д̣̇вз лзд̣д̣убаад̇з анад̇иггамид̇ваа арун̣ам̣ удтабзд̇и, д̣̇осо над̇т̇и, д̇ат̇ааби саб̣б̣адтагат̇аасу вуд̇д̇ад̇д̇аа ‘‘буримамзва аажин̣н̣а’’нд̇и вуд̇д̇ам̣. бариваасавад̇д̇аад̣̇ийнанд̇и ‘‘бариваасаниссаяабадиббассад̣̇д̇хиаад̣̇ийнам̣ убажаарасиймааяа барижчиннад̇д̇аа бхигкунубассаяасса убажаарасиймаава г̇ахзд̇аб̣б̣аа, на г̇аамо’’д̇и ликид̇ам̣. ‘‘д̇асмим̣ г̇аамз бхигкаажааро самбаж̇ж̇ад̇ий’д̇иаад̣̇и баваарид̇авасзна вуд̇д̇ам̣. на хи д̇ад̇т̇а анд̇ог̇аамз вихааро ад̇т̇ий’’д̇и жа ликид̇ам̣, ‘‘д̇амби д̇зна барияааязна яуж̇ж̇ад̇и, на ад̇т̇ад̇о’’д̇и жа.
‘‘Gāmassātina vutta’’nti vacanato kira gāmūpacārepi vaṭṭatīti adhippāyoti likhitaṃ. Vuttañca ‘‘ayaṃ pana viseso’’ti. ‘‘Ettha aṭṭhakathācariyāva pamāṇaṃ. Yuttaṃ na dissatī’’ti likhitaṃ. Anugaṇṭhipade pana ‘‘ayaṃ pana viseso, āgantukassa…pe… okkamitvā gacchati, ratticchedo hotiyevā’’ti vacane heṭṭhā ‘‘antoaruṇe eva nikkhamitvā gāmūpacārato dve leḍḍupāte atikkamitvā’’tiādinā nayena garuṃ katvā vacanato, bhikkhunīnaṃ garukavaseneva tattha tattha sikkhāpadānaṃ paññattattā ca tadanurūpavaseneva aṭṭhakathācariyena bhikkhunīnaṃ garuṃ katvā mānattacaraṇavidhidassanatthaṃ ‘‘yattakā purebhattaṃ vā’’tiādi vuttaṃ. Kurundiādīsu vuttavacanena karontassapi doso natthīti dassetuṃ kevalaṃ lakkhaṇamattameva vuttaṃ, tadubhayampi tena tena pariyāyena yujjati, vinicchaye patte lakkhaṇe eva ṭhātabbato kurundiādīsu vuttavacanaṃ pacchā vuttaṃ. Payogo pana purimova. Yathā cettha, tathā sace kāci bhikkhunī dve leḍḍupāte anatikkamitvā aruṇaṃ uṭṭhapeti, doso natthi, tathāpi sabbaṭṭhakathāsu vuttattā ‘‘purimameva āciṇṇa’’nti vuttaṃ. Parivāsavattādīnanti ‘‘parivāsanissayapaṭippassaddhiādīnaṃ upacārasīmāya paricchinnattā bhikkhunupassayassa upacārasīmāva gahetabbā, na gāmo’’ti likhitaṃ. ‘‘Tasmiṃ gāme bhikkhācāro sampajjatī’tiādi pavāritavasena vuttaṃ. Na hi tattha antogāme vihāro atthī’’ti ca likhitaṃ, ‘‘tampi tena pariyāyena yujjati, na atthato’’ti ca.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / згаахаббадижчаннабариваасам̣ • Ekāhappaṭicchannaparivāsaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / бадижчаннабариваасагат̇аа • Paṭicchannaparivāsakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бариваасагат̇ааван̣н̣анаа • Parivāsakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бадижчаннабариваасагат̇ааван̣н̣анаа • Paṭicchannaparivāsakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / бадижчаннабариваасагат̇аа • Paṭicchannaparivāsakathā
