| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
238. பாரிவாஸிகாதி³கதா²
238. Pārivāsikādikathā
393. பாரிவாஸிகசதுத்தோ² சே, பி⁴க்க²வே, பரிவாஸங் த³தெ³ய்ய, மூலாய படிகஸ்ஸெய்ய, மானத்தங் த³தெ³ய்ய, தங்வீஸோ அப்³பெ⁴ய்ய – அகம்மங் ந ச கரணீயங். மூலாய படிகஸ்ஸனாரஹசதுத்தோ² சே, பி⁴க்க²வே, பரிவாஸங் த³தெ³ய்ய, மூலாய படிகஸ்ஸெய்ய, மானத்தங் த³தெ³ய்ய, தங்வீஸோ அப்³பெ⁴ய்ய – அகம்மங் ந ச கரணீயங். மானத்தாரஹசதுத்தோ² சே, பி⁴க்க²வே, பரிவாஸங் த³தெ³ய்ய, மூலாய படிகஸ்ஸெய்ய, மானத்தங் த³தெ³ய்ய, தங்வீஸோ அப்³பெ⁴ய்ய – அகம்மங் ந ச கரணீயங். மானத்தசாரிகசதுத்தோ² சே, பி⁴க்க²வே, பரிவாஸங் த³தெ³ய்ய, மூலாய படிகஸ்ஸெய்ய, மானத்தங் த³தெ³ய்ய, தங்வீஸோ அப்³பெ⁴ய்ய – அகம்மங் ந ச கரணீயங். அப்³பா⁴னாரஹசதுத்தோ² சே, பி⁴க்க²வே, பரிவாஸங் த³தெ³ய்ய, மூலாய படிகஸ்ஸெய்ய, மானத்தங் த³தெ³ய்ய, தங்வீஸோ அப்³பெ⁴ய்ய – அகம்மங் ந ச கரணீயங்.
393. Pārivāsikacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Mūlāya paṭikassanārahacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Mānattārahacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Mānattacārikacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Abbhānārahacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ.
394. ஏகச்சஸ்ஸ, பி⁴க்க²வே, ஸங்க⁴மஜ்ஜே² படிக்கோஸனா ருஹதி, ஏகச்சஸ்ஸ ந ருஹதி. கஸ்ஸ ச, பி⁴க்க²வே, ஸங்க⁴மஜ்ஜே² படிக்கோஸனா ந ருஹதி? பி⁴க்கு²னியா, பி⁴க்க²வே, ஸங்க⁴மஜ்ஜே² படிக்கோஸனா ந ருஹதி. ஸிக்க²மானாய, பி⁴க்க²வே…பே॰… ஸாமணேரஸ்ஸ, பி⁴க்க²வே… ஸாமணேரியா, பி⁴க்க²வே… ஸிக்கா²பச்சக்கா²தகஸ்ஸ பி⁴க்க²வே… அந்திமவத்து²ங் அஜ்ஜா²பன்னகஸ்ஸ, பி⁴க்க²வே … உம்மத்தகஸ்ஸ, பி⁴க்க²வே… கி²த்தசித்தஸ்ஸ, பி⁴க்க²வே… வேத³னாட்டஸ்ஸ, பி⁴க்க²வே… ஆபத்தியா அத³ஸ்ஸனே உக்கி²த்தகஸ்ஸ, பி⁴க்க²வே… ஆபத்தியா அப்படிகம்மே உக்கி²த்தகஸ்ஸ, பி⁴க்க²வே… பாபிகாய தி³ட்டி²யா அப்படினிஸ்ஸக்³கே³ உக்கி²த்தகஸ்ஸ, பி⁴க்க²வே… பண்ட³கஸ்ஸ, பி⁴க்க²வே… தெ²ய்யஸங்வாஸகஸ்ஸ, பி⁴க்க²வே… தித்தி²யபக்கந்தகஸ்ஸ, பி⁴க்க²வே … திரச்சா²னக³தஸ்ஸ பி⁴க்க²வே… மாதுகா⁴தகஸ்ஸ, பி⁴க்க²வே… பிதுகா⁴தகஸ்ஸ, பி⁴க்க²வே… அரஹந்தகா⁴தகஸ்ஸ, பி⁴க்க²வே… பி⁴க்கு²னிதூ³ஸகஸ்ஸ, பி⁴க்க²வே… ஸங்க⁴பே⁴த³கஸ்ஸ, பி⁴க்க²வே… லோஹிதுப்பாத³கஸ்ஸ, பி⁴க்க²வே… உப⁴தொப்³யஞ்ஜனகஸ்ஸ, பி⁴க்க²வே… நானாஸங்வாஸகஸ்ஸ, பி⁴க்க²வே… நானாஸீமாய டி²தஸ்ஸ, பி⁴க்க²வே… இத்³தி⁴யா வேஹாஸே டி²தஸ்ஸ, பி⁴க்க²வே, யஸ்ஸ ஸங்கோ⁴ கம்மங் கரோதி, தஸ்ஸ ச 1, பி⁴க்க²வே, ஸங்க⁴மஜ்ஜே² படிக்கோஸனா ந ருஹதி. இமேஸங் கோ², பி⁴க்க²வே, ஸங்க⁴மஜ்ஜே² படிக்கோஸனா ந ருஹதி.
394. Ekaccassa, bhikkhave, saṅghamajjhe paṭikkosanā ruhati, ekaccassa na ruhati. Kassa ca, bhikkhave, saṅghamajjhe paṭikkosanā na ruhati? Bhikkhuniyā, bhikkhave, saṅghamajjhe paṭikkosanā na ruhati. Sikkhamānāya, bhikkhave…pe… sāmaṇerassa, bhikkhave… sāmaṇeriyā, bhikkhave… sikkhāpaccakkhātakassa bhikkhave… antimavatthuṃ ajjhāpannakassa, bhikkhave … ummattakassa, bhikkhave… khittacittassa, bhikkhave… vedanāṭṭassa, bhikkhave… āpattiyā adassane ukkhittakassa, bhikkhave… āpattiyā appaṭikamme ukkhittakassa, bhikkhave… pāpikāya diṭṭhiyā appaṭinissagge ukkhittakassa, bhikkhave… paṇḍakassa, bhikkhave… theyyasaṃvāsakassa, bhikkhave… titthiyapakkantakassa, bhikkhave … tiracchānagatassa bhikkhave… mātughātakassa, bhikkhave… pitughātakassa, bhikkhave… arahantaghātakassa, bhikkhave… bhikkhunidūsakassa, bhikkhave… saṅghabhedakassa, bhikkhave… lohituppādakassa, bhikkhave… ubhatobyañjanakassa, bhikkhave… nānāsaṃvāsakassa, bhikkhave… nānāsīmāya ṭhitassa, bhikkhave… iddhiyā vehāse ṭhitassa, bhikkhave, yassa saṅgho kammaṃ karoti, tassa ca 2, bhikkhave, saṅghamajjhe paṭikkosanā na ruhati. Imesaṃ kho, bhikkhave, saṅghamajjhe paṭikkosanā na ruhati.
கஸ்ஸ ச, பி⁴க்க²வே, ஸங்க⁴மஜ்ஜே² படிக்கோஸனா ருஹதி? பி⁴க்கு²ஸ்ஸ, பி⁴க்க²வே, பகதத்தஸ்ஸ
Kassa ca, bhikkhave, saṅghamajjhe paṭikkosanā ruhati? Bhikkhussa, bhikkhave, pakatattassa
ஸமானஸங்வாஸகஸ்ஸ ஸமானஸீமாய டி²தஸ்ஸ அந்தமஸோ ஆனந்தரிகஸ்ஸாபி 3 பி⁴க்கு²னோ விஞ்ஞாபெந்தஸ்ஸ ஸங்க⁴மஜ்ஜே² படிக்கோஸனா ருஹதி. இமஸ்ஸ கோ², பி⁴க்க²வே, ஸங்க⁴மஜ்ஜே² படிக்கோஸனா ருஹதி.
Samānasaṃvāsakassa samānasīmāya ṭhitassa antamaso ānantarikassāpi 4 bhikkhuno viññāpentassa saṅghamajjhe paṭikkosanā ruhati. Imassa kho, bhikkhave, saṅghamajjhe paṭikkosanā ruhati.
பாரிவாஸிகாதி³கதா² நிட்டி²தா.
Pārivāsikādikathā niṭṭhitā.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / சதுவக்³க³கரணாதி³கதா² • Catuvaggakaraṇādikathā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 237. சதுவக்³க³கரணாதி³கதா² • 237. Catuvaggakaraṇādikathā
