| Library / Tipiṭaka / তিপিটক • Tipiṭaka / মহাৰগ্গপাল়ি • Mahāvaggapāḷi |
২৩৮. পারিৰাসিকাদিকথা
238. Pārivāsikādikathā
৩৯৩. পারিৰাসিকচতুত্থো চে, ভিক্খৰে, পরিৰাসং দদেয্য, মূলায পটিকস্সেয্য, মানত্তং দদেয্য, তংৰীসো অব্ভেয্য – অকম্মং ন চ করণীযং। মূলায পটিকস্সনারহচতুত্থো চে, ভিক্খৰে, পরিৰাসং দদেয্য, মূলায পটিকস্সেয্য, মানত্তং দদেয্য, তংৰীসো অব্ভেয্য – অকম্মং ন চ করণীযং। মানত্তারহচতুত্থো চে, ভিক্খৰে, পরিৰাসং দদেয্য, মূলায পটিকস্সেয্য, মানত্তং দদেয্য, তংৰীসো অব্ভেয্য – অকম্মং ন চ করণীযং। মানত্তচারিকচতুত্থো চে, ভিক্খৰে, পরিৰাসং দদেয্য, মূলায পটিকস্সেয্য, মানত্তং দদেয্য, তংৰীসো অব্ভেয্য – অকম্মং ন চ করণীযং। অব্ভানারহচতুত্থো চে, ভিক্খৰে, পরিৰাসং দদেয্য, মূলায পটিকস্সেয্য, মানত্তং দদেয্য, তংৰীসো অব্ভেয্য – অকম্মং ন চ করণীযং।
393. Pārivāsikacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Mūlāya paṭikassanārahacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Mānattārahacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Mānattacārikacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Abbhānārahacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ.
৩৯৪. একচ্চস্স, ভিক্খৰে, সঙ্ঘমজ্ঝে পটিক্কোসনা রুহতি, একচ্চস্স ন রুহতি। কস্স চ, ভিক্খৰে, সঙ্ঘমজ্ঝে পটিক্কোসনা ন রুহতি? ভিক্খুনিযা, ভিক্খৰে, সঙ্ঘমজ্ঝে পটিক্কোসনা ন রুহতি। সিক্খমানায, ভিক্খৰে…পে॰… সামণেরস্স, ভিক্খৰে… সামণেরিযা, ভিক্খৰে… সিক্খাপচ্চক্খাতকস্স ভিক্খৰে… অন্তিমৰত্থুং অজ্ঝাপন্নকস্স, ভিক্খৰে … উম্মত্তকস্স, ভিক্খৰে… খিত্তচিত্তস্স, ভিক্খৰে… ৰেদনাট্টস্স, ভিক্খৰে… আপত্তিযা অদস্সনে উক্খিত্তকস্স, ভিক্খৰে… আপত্তিযা অপ্পটিকম্মে উক্খিত্তকস্স, ভিক্খৰে… পাপিকায দিট্ঠিযা অপ্পটিনিস্সগ্গে উক্খিত্তকস্স, ভিক্খৰে… পণ্ডকস্স, ভিক্খৰে… থেয্যসংৰাসকস্স, ভিক্খৰে… তিত্থিযপক্কন্তকস্স, ভিক্খৰে … তিরচ্ছানগতস্স ভিক্খৰে… মাতুঘাতকস্স, ভিক্খৰে… পিতুঘাতকস্স, ভিক্খৰে… অরহন্তঘাতকস্স, ভিক্খৰে… ভিক্খুনিদূসকস্স, ভিক্খৰে… সঙ্ঘভেদকস্স, ভিক্খৰে… লোহিতুপ্পাদকস্স, ভিক্খৰে… উভতোব্যঞ্জনকস্স, ভিক্খৰে… নানাসংৰাসকস্স, ভিক্খৰে… নানাসীমায ঠিতস্স, ভিক্খৰে… ইদ্ধিযা ৰেহাসে ঠিতস্স, ভিক্খৰে, যস্স সঙ্ঘো কম্মং করোতি, তস্স চ 1, ভিক্খৰে, সঙ্ঘমজ্ঝে পটিক্কোসনা ন রুহতি। ইমেসং খো, ভিক্খৰে, সঙ্ঘমজ্ঝে পটিক্কোসনা ন রুহতি।
394. Ekaccassa, bhikkhave, saṅghamajjhe paṭikkosanā ruhati, ekaccassa na ruhati. Kassa ca, bhikkhave, saṅghamajjhe paṭikkosanā na ruhati? Bhikkhuniyā, bhikkhave, saṅghamajjhe paṭikkosanā na ruhati. Sikkhamānāya, bhikkhave…pe… sāmaṇerassa, bhikkhave… sāmaṇeriyā, bhikkhave… sikkhāpaccakkhātakassa bhikkhave… antimavatthuṃ ajjhāpannakassa, bhikkhave … ummattakassa, bhikkhave… khittacittassa, bhikkhave… vedanāṭṭassa, bhikkhave… āpattiyā adassane ukkhittakassa, bhikkhave… āpattiyā appaṭikamme ukkhittakassa, bhikkhave… pāpikāya diṭṭhiyā appaṭinissagge ukkhittakassa, bhikkhave… paṇḍakassa, bhikkhave… theyyasaṃvāsakassa, bhikkhave… titthiyapakkantakassa, bhikkhave … tiracchānagatassa bhikkhave… mātughātakassa, bhikkhave… pitughātakassa, bhikkhave… arahantaghātakassa, bhikkhave… bhikkhunidūsakassa, bhikkhave… saṅghabhedakassa, bhikkhave… lohituppādakassa, bhikkhave… ubhatobyañjanakassa, bhikkhave… nānāsaṃvāsakassa, bhikkhave… nānāsīmāya ṭhitassa, bhikkhave… iddhiyā vehāse ṭhitassa, bhikkhave, yassa saṅgho kammaṃ karoti, tassa ca 2, bhikkhave, saṅghamajjhe paṭikkosanā na ruhati. Imesaṃ kho, bhikkhave, saṅghamajjhe paṭikkosanā na ruhati.
কস্স চ, ভিক্খৰে, সঙ্ঘমজ্ঝে পটিক্কোসনা রুহতি? ভিক্খুস্স, ভিক্খৰে, পকতত্তস্স
Kassa ca, bhikkhave, saṅghamajjhe paṭikkosanā ruhati? Bhikkhussa, bhikkhave, pakatattassa
সমানসংৰাসকস্স সমানসীমায ঠিতস্স অন্তমসো আনন্তরিকস্সাপি 3 ভিক্খুনো ৰিঞ্ঞাপেন্তস্স সঙ্ঘমজ্ঝে পটিক্কোসনা রুহতি। ইমস্স খো, ভিক্খৰে, সঙ্ঘমজ্ঝে পটিক্কোসনা রুহতি।
Samānasaṃvāsakassa samānasīmāya ṭhitassa antamaso ānantarikassāpi 4 bhikkhuno viññāpentassa saṅghamajjhe paṭikkosanā ruhati. Imassa kho, bhikkhave, saṅghamajjhe paṭikkosanā ruhati.
পারিৰাসিকাদিকথা নিট্ঠিতা।
Pārivāsikādikathā niṭṭhitā.
Footnotes:
Related texts:
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / চতুৰগ্গকরণাদিকথা • Catuvaggakaraṇādikathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ২৩৭. চতুৰগ্গকরণাদিকথা • 237. Catuvaggakaraṇādikathā
