| Library / Tipiṭaka / ತಿಪಿಟಕ • Tipiṭaka / ಮಹಾವಗ್ಗಪಾಳಿ • Mahāvaggapāḷi |
೨೩೮. ಪಾರಿವಾಸಿಕಾದಿಕಥಾ
238. Pārivāsikādikathā
೩೯೩. ಪಾರಿವಾಸಿಕಚತುತ್ಥೋ ಚೇ, ಭಿಕ್ಖವೇ, ಪರಿವಾಸಂ ದದೇಯ್ಯ, ಮೂಲಾಯ ಪಟಿಕಸ್ಸೇಯ್ಯ, ಮಾನತ್ತಂ ದದೇಯ್ಯ, ತಂವೀಸೋ ಅಬ್ಭೇಯ್ಯ – ಅಕಮ್ಮಂ ನ ಚ ಕರಣೀಯಂ। ಮೂಲಾಯ ಪಟಿಕಸ್ಸನಾರಹಚತುತ್ಥೋ ಚೇ, ಭಿಕ್ಖವೇ, ಪರಿವಾಸಂ ದದೇಯ್ಯ, ಮೂಲಾಯ ಪಟಿಕಸ್ಸೇಯ್ಯ, ಮಾನತ್ತಂ ದದೇಯ್ಯ, ತಂವೀಸೋ ಅಬ್ಭೇಯ್ಯ – ಅಕಮ್ಮಂ ನ ಚ ಕರಣೀಯಂ। ಮಾನತ್ತಾರಹಚತುತ್ಥೋ ಚೇ, ಭಿಕ್ಖವೇ, ಪರಿವಾಸಂ ದದೇಯ್ಯ, ಮೂಲಾಯ ಪಟಿಕಸ್ಸೇಯ್ಯ, ಮಾನತ್ತಂ ದದೇಯ್ಯ, ತಂವೀಸೋ ಅಬ್ಭೇಯ್ಯ – ಅಕಮ್ಮಂ ನ ಚ ಕರಣೀಯಂ। ಮಾನತ್ತಚಾರಿಕಚತುತ್ಥೋ ಚೇ, ಭಿಕ್ಖವೇ, ಪರಿವಾಸಂ ದದೇಯ್ಯ, ಮೂಲಾಯ ಪಟಿಕಸ್ಸೇಯ್ಯ, ಮಾನತ್ತಂ ದದೇಯ್ಯ, ತಂವೀಸೋ ಅಬ್ಭೇಯ್ಯ – ಅಕಮ್ಮಂ ನ ಚ ಕರಣೀಯಂ। ಅಬ್ಭಾನಾರಹಚತುತ್ಥೋ ಚೇ, ಭಿಕ್ಖವೇ, ಪರಿವಾಸಂ ದದೇಯ್ಯ, ಮೂಲಾಯ ಪಟಿಕಸ್ಸೇಯ್ಯ, ಮಾನತ್ತಂ ದದೇಯ್ಯ, ತಂವೀಸೋ ಅಬ್ಭೇಯ್ಯ – ಅಕಮ್ಮಂ ನ ಚ ಕರಣೀಯಂ।
393. Pārivāsikacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Mūlāya paṭikassanārahacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Mānattārahacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Mānattacārikacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Abbhānārahacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ.
೩೯೪. ಏಕಚ್ಚಸ್ಸ, ಭಿಕ್ಖವೇ, ಸಙ್ಘಮಜ್ಝೇ ಪಟಿಕ್ಕೋಸನಾ ರುಹತಿ, ಏಕಚ್ಚಸ್ಸ ನ ರುಹತಿ। ಕಸ್ಸ ಚ, ಭಿಕ್ಖವೇ, ಸಙ್ಘಮಜ್ಝೇ ಪಟಿಕ್ಕೋಸನಾ ನ ರುಹತಿ? ಭಿಕ್ಖುನಿಯಾ, ಭಿಕ್ಖವೇ, ಸಙ್ಘಮಜ್ಝೇ ಪಟಿಕ್ಕೋಸನಾ ನ ರುಹತಿ। ಸಿಕ್ಖಮಾನಾಯ, ಭಿಕ್ಖವೇ…ಪೇ॰… ಸಾಮಣೇರಸ್ಸ, ಭಿಕ್ಖವೇ… ಸಾಮಣೇರಿಯಾ, ಭಿಕ್ಖವೇ… ಸಿಕ್ಖಾಪಚ್ಚಕ್ಖಾತಕಸ್ಸ ಭಿಕ್ಖವೇ… ಅನ್ತಿಮವತ್ಥುಂ ಅಜ್ಝಾಪನ್ನಕಸ್ಸ, ಭಿಕ್ಖವೇ … ಉಮ್ಮತ್ತಕಸ್ಸ, ಭಿಕ್ಖವೇ… ಖಿತ್ತಚಿತ್ತಸ್ಸ, ಭಿಕ್ಖವೇ… ವೇದನಾಟ್ಟಸ್ಸ, ಭಿಕ್ಖವೇ… ಆಪತ್ತಿಯಾ ಅದಸ್ಸನೇ ಉಕ್ಖಿತ್ತಕಸ್ಸ, ಭಿಕ್ಖವೇ… ಆಪತ್ತಿಯಾ ಅಪ್ಪಟಿಕಮ್ಮೇ ಉಕ್ಖಿತ್ತಕಸ್ಸ, ಭಿಕ್ಖವೇ… ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖಿತ್ತಕಸ್ಸ, ಭಿಕ್ಖವೇ… ಪಣ್ಡಕಸ್ಸ, ಭಿಕ್ಖವೇ… ಥೇಯ್ಯಸಂವಾಸಕಸ್ಸ, ಭಿಕ್ಖವೇ… ತಿತ್ಥಿಯಪಕ್ಕನ್ತಕಸ್ಸ, ಭಿಕ್ಖವೇ … ತಿರಚ್ಛಾನಗತಸ್ಸ ಭಿಕ್ಖವೇ… ಮಾತುಘಾತಕಸ್ಸ, ಭಿಕ್ಖವೇ… ಪಿತುಘಾತಕಸ್ಸ, ಭಿಕ್ಖವೇ… ಅರಹನ್ತಘಾತಕಸ್ಸ, ಭಿಕ್ಖವೇ… ಭಿಕ್ಖುನಿದೂಸಕಸ್ಸ, ಭಿಕ್ಖವೇ… ಸಙ್ಘಭೇದಕಸ್ಸ, ಭಿಕ್ಖವೇ… ಲೋಹಿತುಪ್ಪಾದಕಸ್ಸ, ಭಿಕ್ಖವೇ… ಉಭತೋಬ್ಯಞ್ಜನಕಸ್ಸ, ಭಿಕ್ಖವೇ… ನಾನಾಸಂವಾಸಕಸ್ಸ, ಭಿಕ್ಖವೇ… ನಾನಾಸೀಮಾಯ ಠಿತಸ್ಸ, ಭಿಕ್ಖವೇ… ಇದ್ಧಿಯಾ ವೇಹಾಸೇ ಠಿತಸ್ಸ, ಭಿಕ್ಖವೇ, ಯಸ್ಸ ಸಙ್ಘೋ ಕಮ್ಮಂ ಕರೋತಿ, ತಸ್ಸ ಚ 1, ಭಿಕ್ಖವೇ, ಸಙ್ಘಮಜ್ಝೇ ಪಟಿಕ್ಕೋಸನಾ ನ ರುಹತಿ। ಇಮೇಸಂ ಖೋ, ಭಿಕ್ಖವೇ, ಸಙ್ಘಮಜ್ಝೇ ಪಟಿಕ್ಕೋಸನಾ ನ ರುಹತಿ।
394. Ekaccassa, bhikkhave, saṅghamajjhe paṭikkosanā ruhati, ekaccassa na ruhati. Kassa ca, bhikkhave, saṅghamajjhe paṭikkosanā na ruhati? Bhikkhuniyā, bhikkhave, saṅghamajjhe paṭikkosanā na ruhati. Sikkhamānāya, bhikkhave…pe… sāmaṇerassa, bhikkhave… sāmaṇeriyā, bhikkhave… sikkhāpaccakkhātakassa bhikkhave… antimavatthuṃ ajjhāpannakassa, bhikkhave … ummattakassa, bhikkhave… khittacittassa, bhikkhave… vedanāṭṭassa, bhikkhave… āpattiyā adassane ukkhittakassa, bhikkhave… āpattiyā appaṭikamme ukkhittakassa, bhikkhave… pāpikāya diṭṭhiyā appaṭinissagge ukkhittakassa, bhikkhave… paṇḍakassa, bhikkhave… theyyasaṃvāsakassa, bhikkhave… titthiyapakkantakassa, bhikkhave … tiracchānagatassa bhikkhave… mātughātakassa, bhikkhave… pitughātakassa, bhikkhave… arahantaghātakassa, bhikkhave… bhikkhunidūsakassa, bhikkhave… saṅghabhedakassa, bhikkhave… lohituppādakassa, bhikkhave… ubhatobyañjanakassa, bhikkhave… nānāsaṃvāsakassa, bhikkhave… nānāsīmāya ṭhitassa, bhikkhave… iddhiyā vehāse ṭhitassa, bhikkhave, yassa saṅgho kammaṃ karoti, tassa ca 2, bhikkhave, saṅghamajjhe paṭikkosanā na ruhati. Imesaṃ kho, bhikkhave, saṅghamajjhe paṭikkosanā na ruhati.
ಕಸ್ಸ ಚ, ಭಿಕ್ಖವೇ, ಸಙ್ಘಮಜ್ಝೇ ಪಟಿಕ್ಕೋಸನಾ ರುಹತಿ? ಭಿಕ್ಖುಸ್ಸ, ಭಿಕ್ಖವೇ, ಪಕತತ್ತಸ್ಸ
Kassa ca, bhikkhave, saṅghamajjhe paṭikkosanā ruhati? Bhikkhussa, bhikkhave, pakatattassa
ಸಮಾನಸಂವಾಸಕಸ್ಸ ಸಮಾನಸೀಮಾಯ ಠಿತಸ್ಸ ಅನ್ತಮಸೋ ಆನನ್ತರಿಕಸ್ಸಾಪಿ 3 ಭಿಕ್ಖುನೋ ವಿಞ್ಞಾಪೇನ್ತಸ್ಸ ಸಙ್ಘಮಜ್ಝೇ ಪಟಿಕ್ಕೋಸನಾ ರುಹತಿ। ಇಮಸ್ಸ ಖೋ, ಭಿಕ್ಖವೇ, ಸಙ್ಘಮಜ್ಝೇ ಪಟಿಕ್ಕೋಸನಾ ರುಹತಿ।
Samānasaṃvāsakassa samānasīmāya ṭhitassa antamaso ānantarikassāpi 4 bhikkhuno viññāpentassa saṅghamajjhe paṭikkosanā ruhati. Imassa kho, bhikkhave, saṅghamajjhe paṭikkosanā ruhati.
ಪಾರಿವಾಸಿಕಾದಿಕಥಾ ನಿಟ್ಠಿತಾ।
Pārivāsikādikathā niṭṭhitā.
Footnotes:
Related texts:
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā / ಚತುವಗ್ಗಕರಣಾದಿಕಥಾ • Catuvaggakaraṇādikathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೨೩೭. ಚತುವಗ್ಗಕರಣಾದಿಕಥಾ • 237. Catuvaggakaraṇādikathā
