| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੨੩੮. ਪਾਰਿવਾਸਿਕਾਦਿਕਥਾ
238. Pārivāsikādikathā
੩੯੩. ਪਾਰਿવਾਸਿਕਚਤੁਤ੍ਥੋ ਚੇ, ਭਿਕ੍ਖવੇ, ਪਰਿવਾਸਂ ਦਦੇਯ੍ਯ, ਮੂਲਾਯ ਪਟਿਕਸ੍ਸੇਯ੍ਯ, ਮਾਨਤ੍ਤਂ ਦਦੇਯ੍ਯ, ਤਂવੀਸੋ ਅਬ੍ਭੇਯ੍ਯ – ਅਕਮ੍ਮਂ ਨ ਚ ਕਰਣੀਯਂ। ਮੂਲਾਯ ਪਟਿਕਸ੍ਸਨਾਰਹਚਤੁਤ੍ਥੋ ਚੇ, ਭਿਕ੍ਖવੇ, ਪਰਿવਾਸਂ ਦਦੇਯ੍ਯ, ਮੂਲਾਯ ਪਟਿਕਸ੍ਸੇਯ੍ਯ, ਮਾਨਤ੍ਤਂ ਦਦੇਯ੍ਯ, ਤਂવੀਸੋ ਅਬ੍ਭੇਯ੍ਯ – ਅਕਮ੍ਮਂ ਨ ਚ ਕਰਣੀਯਂ। ਮਾਨਤ੍ਤਾਰਹਚਤੁਤ੍ਥੋ ਚੇ, ਭਿਕ੍ਖવੇ, ਪਰਿવਾਸਂ ਦਦੇਯ੍ਯ, ਮੂਲਾਯ ਪਟਿਕਸ੍ਸੇਯ੍ਯ, ਮਾਨਤ੍ਤਂ ਦਦੇਯ੍ਯ, ਤਂવੀਸੋ ਅਬ੍ਭੇਯ੍ਯ – ਅਕਮ੍ਮਂ ਨ ਚ ਕਰਣੀਯਂ। ਮਾਨਤ੍ਤਚਾਰਿਕਚਤੁਤ੍ਥੋ ਚੇ, ਭਿਕ੍ਖવੇ, ਪਰਿવਾਸਂ ਦਦੇਯ੍ਯ, ਮੂਲਾਯ ਪਟਿਕਸ੍ਸੇਯ੍ਯ, ਮਾਨਤ੍ਤਂ ਦਦੇਯ੍ਯ, ਤਂવੀਸੋ ਅਬ੍ਭੇਯ੍ਯ – ਅਕਮ੍ਮਂ ਨ ਚ ਕਰਣੀਯਂ। ਅਬ੍ਭਾਨਾਰਹਚਤੁਤ੍ਥੋ ਚੇ, ਭਿਕ੍ਖવੇ, ਪਰਿવਾਸਂ ਦਦੇਯ੍ਯ, ਮੂਲਾਯ ਪਟਿਕਸ੍ਸੇਯ੍ਯ, ਮਾਨਤ੍ਤਂ ਦਦੇਯ੍ਯ, ਤਂવੀਸੋ ਅਬ੍ਭੇਯ੍ਯ – ਅਕਮ੍ਮਂ ਨ ਚ ਕਰਣੀਯਂ।
393. Pārivāsikacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Mūlāya paṭikassanārahacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Mānattārahacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Mānattacārikacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ. Abbhānārahacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya – akammaṃ na ca karaṇīyaṃ.
੩੯੪. ਏਕਚ੍ਚਸ੍ਸ, ਭਿਕ੍ਖવੇ, ਸਙ੍ਘਮਜ੍ਝੇ ਪਟਿਕ੍ਕੋਸਨਾ ਰੁਹਤਿ, ਏਕਚ੍ਚਸ੍ਸ ਨ ਰੁਹਤਿ। ਕਸ੍ਸ ਚ, ਭਿਕ੍ਖવੇ, ਸਙ੍ਘਮਜ੍ਝੇ ਪਟਿਕ੍ਕੋਸਨਾ ਨ ਰੁਹਤਿ? ਭਿਕ੍ਖੁਨਿਯਾ, ਭਿਕ੍ਖવੇ, ਸਙ੍ਘਮਜ੍ਝੇ ਪਟਿਕ੍ਕੋਸਨਾ ਨ ਰੁਹਤਿ। ਸਿਕ੍ਖਮਾਨਾਯ, ਭਿਕ੍ਖવੇ…ਪੇ॰… ਸਾਮਣੇਰਸ੍ਸ, ਭਿਕ੍ਖવੇ… ਸਾਮਣੇਰਿਯਾ, ਭਿਕ੍ਖવੇ… ਸਿਕ੍ਖਾਪਚ੍ਚਕ੍ਖਾਤਕਸ੍ਸ ਭਿਕ੍ਖવੇ… ਅਨ੍ਤਿਮવਤ੍ਥੁਂ ਅਜ੍ਝਾਪਨ੍ਨਕਸ੍ਸ, ਭਿਕ੍ਖવੇ … ਉਮ੍ਮਤ੍ਤਕਸ੍ਸ, ਭਿਕ੍ਖવੇ… ਖਿਤ੍ਤਚਿਤ੍ਤਸ੍ਸ, ਭਿਕ੍ਖવੇ… વੇਦਨਾਟ੍ਟਸ੍ਸ, ਭਿਕ੍ਖવੇ… ਆਪਤ੍ਤਿਯਾ ਅਦਸ੍ਸਨੇ ਉਕ੍ਖਿਤ੍ਤਕਸ੍ਸ, ਭਿਕ੍ਖવੇ… ਆਪਤ੍ਤਿਯਾ ਅਪ੍ਪਟਿਕਮ੍ਮੇ ਉਕ੍ਖਿਤ੍ਤਕਸ੍ਸ, ਭਿਕ੍ਖવੇ… ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖਿਤ੍ਤਕਸ੍ਸ, ਭਿਕ੍ਖવੇ… ਪਣ੍ਡਕਸ੍ਸ, ਭਿਕ੍ਖવੇ… ਥੇਯ੍ਯਸਂવਾਸਕਸ੍ਸ, ਭਿਕ੍ਖવੇ… ਤਿਤ੍ਥਿਯਪਕ੍ਕਨ੍ਤਕਸ੍ਸ, ਭਿਕ੍ਖવੇ … ਤਿਰਚ੍ਛਾਨਗਤਸ੍ਸ ਭਿਕ੍ਖવੇ… ਮਾਤੁਘਾਤਕਸ੍ਸ, ਭਿਕ੍ਖવੇ… ਪਿਤੁਘਾਤਕਸ੍ਸ, ਭਿਕ੍ਖવੇ… ਅਰਹਨ੍ਤਘਾਤਕਸ੍ਸ, ਭਿਕ੍ਖવੇ… ਭਿਕ੍ਖੁਨਿਦੂਸਕਸ੍ਸ, ਭਿਕ੍ਖવੇ… ਸਙ੍ਘਭੇਦਕਸ੍ਸ, ਭਿਕ੍ਖવੇ… ਲੋਹਿਤੁਪ੍ਪਾਦਕਸ੍ਸ, ਭਿਕ੍ਖવੇ… ਉਭਤੋਬ੍ਯਞ੍ਜਨਕਸ੍ਸ, ਭਿਕ੍ਖવੇ… ਨਾਨਾਸਂવਾਸਕਸ੍ਸ, ਭਿਕ੍ਖવੇ… ਨਾਨਾਸੀਮਾਯ ਠਿਤਸ੍ਸ, ਭਿਕ੍ਖવੇ… ਇਦ੍ਧਿਯਾ વੇਹਾਸੇ ਠਿਤਸ੍ਸ, ਭਿਕ੍ਖવੇ, ਯਸ੍ਸ ਸਙ੍ਘੋ ਕਮ੍ਮਂ ਕਰੋਤਿ, ਤਸ੍ਸ ਚ 1, ਭਿਕ੍ਖવੇ, ਸਙ੍ਘਮਜ੍ਝੇ ਪਟਿਕ੍ਕੋਸਨਾ ਨ ਰੁਹਤਿ। ਇਮੇਸਂ ਖੋ, ਭਿਕ੍ਖવੇ, ਸਙ੍ਘਮਜ੍ਝੇ ਪਟਿਕ੍ਕੋਸਨਾ ਨ ਰੁਹਤਿ।
394. Ekaccassa, bhikkhave, saṅghamajjhe paṭikkosanā ruhati, ekaccassa na ruhati. Kassa ca, bhikkhave, saṅghamajjhe paṭikkosanā na ruhati? Bhikkhuniyā, bhikkhave, saṅghamajjhe paṭikkosanā na ruhati. Sikkhamānāya, bhikkhave…pe… sāmaṇerassa, bhikkhave… sāmaṇeriyā, bhikkhave… sikkhāpaccakkhātakassa bhikkhave… antimavatthuṃ ajjhāpannakassa, bhikkhave … ummattakassa, bhikkhave… khittacittassa, bhikkhave… vedanāṭṭassa, bhikkhave… āpattiyā adassane ukkhittakassa, bhikkhave… āpattiyā appaṭikamme ukkhittakassa, bhikkhave… pāpikāya diṭṭhiyā appaṭinissagge ukkhittakassa, bhikkhave… paṇḍakassa, bhikkhave… theyyasaṃvāsakassa, bhikkhave… titthiyapakkantakassa, bhikkhave … tiracchānagatassa bhikkhave… mātughātakassa, bhikkhave… pitughātakassa, bhikkhave… arahantaghātakassa, bhikkhave… bhikkhunidūsakassa, bhikkhave… saṅghabhedakassa, bhikkhave… lohituppādakassa, bhikkhave… ubhatobyañjanakassa, bhikkhave… nānāsaṃvāsakassa, bhikkhave… nānāsīmāya ṭhitassa, bhikkhave… iddhiyā vehāse ṭhitassa, bhikkhave, yassa saṅgho kammaṃ karoti, tassa ca 2, bhikkhave, saṅghamajjhe paṭikkosanā na ruhati. Imesaṃ kho, bhikkhave, saṅghamajjhe paṭikkosanā na ruhati.
ਕਸ੍ਸ ਚ, ਭਿਕ੍ਖવੇ, ਸਙ੍ਘਮਜ੍ਝੇ ਪਟਿਕ੍ਕੋਸਨਾ ਰੁਹਤਿ? ਭਿਕ੍ਖੁਸ੍ਸ, ਭਿਕ੍ਖવੇ, ਪਕਤਤ੍ਤਸ੍ਸ
Kassa ca, bhikkhave, saṅghamajjhe paṭikkosanā ruhati? Bhikkhussa, bhikkhave, pakatattassa
ਸਮਾਨਸਂવਾਸਕਸ੍ਸ ਸਮਾਨਸੀਮਾਯ ਠਿਤਸ੍ਸ ਅਨ੍ਤਮਸੋ ਆਨਨ੍ਤਰਿਕਸ੍ਸਾਪਿ 3 ਭਿਕ੍ਖੁਨੋ વਿਞ੍ਞਾਪੇਨ੍ਤਸ੍ਸ ਸਙ੍ਘਮਜ੍ਝੇ ਪਟਿਕ੍ਕੋਸਨਾ ਰੁਹਤਿ। ਇਮਸ੍ਸ ਖੋ, ਭਿਕ੍ਖવੇ, ਸਙ੍ਘਮਜ੍ਝੇ ਪਟਿਕ੍ਕੋਸਨਾ ਰੁਹਤਿ।
Samānasaṃvāsakassa samānasīmāya ṭhitassa antamaso ānantarikassāpi 4 bhikkhuno viññāpentassa saṅghamajjhe paṭikkosanā ruhati. Imassa kho, bhikkhave, saṅghamajjhe paṭikkosanā ruhati.
ਪਾਰਿવਾਸਿਕਾਦਿਕਥਾ ਨਿਟ੍ਠਿਤਾ।
Pārivāsikādikathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਚਤੁવਗ੍ਗਕਰਣਾਦਿਕਥਾ • Catuvaggakaraṇādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੩੭. ਚਤੁવਗ੍ਗਕਰਣਾਦਿਕਥਾ • 237. Catuvaggakaraṇādikathā
