| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੨. ਪਾਰਿવਾਸਿਕਕ੍ਖਨ੍ਧਕਂ
2. Pārivāsikakkhandhakaṃ
੧. ਪਾਰਿવਾਸਿਕવਤ੍ਤਕਥਾ
1. Pārivāsikavattakathā
੭੫. ਪਾਰਿવਾਸਿਕਕ੍ਖਨ੍ਧਕੇ ਪਾਰਿવਾਸਿਕਾਤਿ ਪਦਸ੍ਸ ਪਰਿવਾਸਂ ਪਰਿવਸਨ੍ਤੀਤਿ ਪਾਰਿવਾਸਿਕਾਤਿ ਦਸ੍ਸੇਨ੍ਤੋ ਆਹ ‘‘ਪਰਿવਾਸਂ ਪਰਿવਸਨ੍ਤਾ’’ਤਿ। ਤਤ੍ਥਾਤਿ ‘‘ਪਰਿવਾਸਂ ਪਰਿવਸਨ੍ਤਾ’’ਤਿ ਤਦ੍ਧਿਤવਾਕ੍ਯੇ। ਤੇਸੂਤਿ ਚਤੁਬ੍ਬਿਧੇਸੁ ਪਰਿવਾਸੇਸੁ। ਤਿਤ੍ਥਿਯਪਰਿવਾਸੋਤਿ ਤਿਤ੍ਥਿਯਾਨਂ ਪਰਿવਾਸੋ, ਤਿਤ੍ਥਿਯਾਨਂ વਾ ਦਾਤਬ੍ਬੋ ਪਰਿવਾਸੋ, ਤਿਤ੍ਥਿਯੇਹਿ વਾ ਪਰਿવਸਿਤਬ੍ਬੋ ਪਰਿવਾਸੋ ਤਿਤ੍ਥਿਯਪਰਿવਾਸੋ। ਅਪ੍ਪਟਿਚ੍ਛਨ੍ਨਪਰਿવਾਸੋਤਿ ਅਪ੍ਪਟਿਚ੍ਛਨ੍ਨੋ ਪਰਿવਾਸੋ ਅਪ੍ਪਟਿਚ੍ਛਨ੍ਨਪਰਿવਾਸੋ। ਤਤ੍ਥਾਤਿ ਅਪ੍ਪਟਿਚ੍ਛਨ੍ਨਪਰਿવਾਸੇ। ਯਨ੍ਤਿ વਚਨਂ। ਅਯਂ ਪਨਾਤਿ ਅਯਂ ਪਟਿਚ੍ਛਨ੍ਨਪਰਿવਾਸੋ ਪਨ। ਇਧਾਤਿ ਪਾਰਿવਾਸਿਕਕ੍ਖਨ੍ਧਕੇ। ਸੇਸਾਤਿ ਅਪ੍ਪਟਿਚ੍ਛਨ੍ਨਪਰਿવਾਸਤੋ ਸੇਸਾ। ਤਯੋਤਿ ਅਪ੍ਪਟਿਚ੍ਛਨ੍ਨਪਰਿવਾਸਾਦਯੋ ਤਯੋ, ਦਾਤਬ੍ਬਾਤਿ ਸਮ੍ਬਨ੍ਧੋ। ਕਸ੍ਸ ਦਾਤਬ੍ਬਾਤਿ ਆਹ ‘‘ਯੇਨਾ’’ਤਿਆਦਿ। ਆਪਨ੍ਨਾ ਚੇવਾਤਿ ਆਪਜ੍ਜਿਤਬ੍ਬਾ ਚੇવ। ਤੇਸੂਤਿ ਤਿવਿਧੇਸੁ ਪਰਿવਾਸੇਸੁ। ਏਤੇ ਪਨਾਤਿ ਤਯੋ ਪਨ। ਇਧਾਤਿ ਪਾਰਿવਾਸਿਕਕ੍ਖਨ੍ਧਕੇ। ਤਸ੍ਮਾਤਿ ਯਸ੍ਮਾ ਇਧ ਅਧਿਪ੍ਪੇਤਾ, ਤਸ੍ਮਾ। ਏਤੇਸੂਤਿ ਤਿવਿਧੇਸੁ ਪਰਿવਾਸੇਸੁ।
75. Pārivāsikakkhandhake pārivāsikāti padassa parivāsaṃ parivasantīti pārivāsikāti dassento āha ‘‘parivāsaṃ parivasantā’’ti. Tatthāti ‘‘parivāsaṃ parivasantā’’ti taddhitavākye. Tesūti catubbidhesu parivāsesu. Titthiyaparivāsoti titthiyānaṃ parivāso, titthiyānaṃ vā dātabbo parivāso, titthiyehi vā parivasitabbo parivāso titthiyaparivāso. Appaṭicchannaparivāsoti appaṭicchanno parivāso appaṭicchannaparivāso. Tatthāti appaṭicchannaparivāse. Yanti vacanaṃ. Ayaṃ panāti ayaṃ paṭicchannaparivāso pana. Idhāti pārivāsikakkhandhake. Sesāti appaṭicchannaparivāsato sesā. Tayoti appaṭicchannaparivāsādayo tayo, dātabbāti sambandho. Kassa dātabbāti āha ‘‘yenā’’tiādi. Āpannā cevāti āpajjitabbā ceva. Tesūti tividhesu parivāsesu. Ete panāti tayo pana. Idhāti pārivāsikakkhandhake. Tasmāti yasmā idha adhippetā, tasmā. Etesūti tividhesu parivāsesu.
ਪਕਤਤ੍ਤਾਨਂ ਭਿਕ੍ਖੂਨਨ੍ਤਿ ਏਤ੍ਥ ਅਧਿਪ੍ਪੇਤਪਕਤਤ੍ਤੇ ਦਸ੍ਸੇਨ੍ਤੋ ਆਹ ‘‘ਠਪੇਤ੍વਾ’’ਤਿਆਦਿ। ਮੂਲਾਯਪਟਿਕਸ੍ਸਨਾਰਹਾਦੀਨਮ੍ਪੀਤਿ ਏਤ੍ਥ ਆਦਿਸਦ੍ਦੇਨ ਮਾਨਤ੍ਤਾਰਹਮਾਨਤ੍ਤਚਾਰਿਕਅਬ੍ਭਾਨਾਰਹਾਦਯੋ ਸਙ੍ਗਣ੍ਹਾਤਿ। ਪਿਸਦ੍ਦੇਨ ਪਕਤਿਪਕਤਤ੍ਤਂ ਅਪੇਕ੍ਖਤਿ। ਤੇਤਿ ਪਕਤਤ੍ਤਾ। ਯਂ ਅਭਿવਾਦਨਾਦਿਂ ਕਰੋਨ੍ਤੀਤਿ ਯੋਜਨਾ। ਸਾਦਿਯਨ੍ਤੀਤਿ ਏਤ੍ਥ ਸਾਦਿਯਨਂ ਨਾਮ ਸਮ੍ਪਟਿਚ੍ਛਨਨ੍ਤਿ ਆਹ ‘‘ਸਮ੍ਪਟਿਚ੍ਛਨ੍ਤੀ’’ਤਿ। ਤਤ੍ਥਾਤਿ ਅਭਿવਾਦਨਾਦੀਸੁ, ਨਿਦ੍ਧਾਰਣੇ ਚੇਤਂ ਭੁਮ੍ਮવਚਨਂ। ਸਾਮੀਚਿਕਮ੍ਮਨ੍ਤਿ ਏਤਂ ਆਭਿਸਮਾਚਾਰਿਕਸ੍ਸ ਅਧਿવਚਨਨ੍ਤਿ ਯੋਜਨਾ। ਅਭਿવਾਦਨਾਦੀਨੀਤਿ ਅਭਿવਾਦਨਪਚ੍ਚੁਟ੍ਠਾਨਅਞ੍ਜਲਿਕਮ੍ਮਾਨਿ। ਬੀਜਨવਾਤਦਾਨਾਦਿਨੋਤਿ ਬੀਜਨਿਯਾ ਪਹਰਿਤੇਨ ਪવਤ੍ਤਸ੍ਸ વਾਤਸ੍ਸ ਦਾਨਾਦਿਨੋ। ਆਸਨਾਭਿਹਾਰਨ੍ਤਿ ਏਤ੍ਥ ਅਭਿਹਰਣਂ ਅਭਿਹਾਰੋ, ਆਸਨਸ੍ਸ ਅਭਿਹਾਰੋ ਆਸਨਾਭਿਹਾਰੋਤਿ વਚਨਤ੍ਥਂ ਦਸ੍ਸੇਨ੍ਤੋ ਆਹ ‘‘ਆਸਨਸ੍ਸ ਅਭਿਹਰਣ’’ਨ੍ਤਿ। ਪਞ੍ਞਾਪਨਮ੍ਪਿ ਅਭਿਹਰਿਤ੍વਾ ਪਞ੍ਞਾਪਿਤਤ੍ਤਾ ਅਭਿਹਾਰੋਯੇવ ਨਾਮਾਤਿ ਆਹ ‘‘ਪਞ੍ਞਾਪਨਮੇવ વਾ’’ਤਿ। ‘‘ਪਾਦਧੋવਨਉਦਕ’’ਨ੍ਤਿ ਇਮਿਨਾ ਪਾਦਸ੍ਸ ਧੋવਨਂ ਉਦਕਂ ਪਾਦੋਦਕਨ੍ਤਿ વਚਨਤ੍ਥਂ ਦਸ੍ਸੇਤਿ। ‘‘ਪਾਦਟ੍ਠਪਨਕ’’ਨ੍ਤਿ ਇਮਿਨਾ ਪਾਦਸ੍ਸ ਠਪਨਕਂ ਪੀਠਂ ਪਾਦਪੀਠਨ੍ਤਿ વਚਨਤ੍ਥਂ ਦਸ੍ਸੇਤਿ। ‘‘ਪਾਦਘਂਸਨਂ વਾ’’ਤਿ ਇਮਿਨਾ ਪਾਦਸ੍ਸ ਘਂਸਨਂ ਕਥਲਿਕਂ ਪਾਦਕਥਲਿਕਨ੍ਤਿ વਚਨਤ੍ਥਂ ਦਸ੍ਸੇਤਿ। ਸਦ੍ਧਿવਿਹਾਰਿਕਾਨਮ੍ਪਿ ਅਭਿવਾਦਨਾਦਿਨ੍ਤਿ ਸਮ੍ਬਨ੍ਧੋ। ਪਿਸਦ੍ਦੇਨ ਅਞ੍ਞੇਸਂ ਸਾਦਿਯਨ੍ਤਸ੍ਸ ਕਾ ਨਾਮ ਕਥਾਤਿ ਦਸ੍ਸੇਤਿ। ਤੇਤਿ ਸਦ੍ਧਿવਿਹਾਰਿਕਾ। ਸਦ੍ਧਾਪਬ੍ਬਜਿਤਾਤਿ ਸਦ੍ਧਾਯ ਪਬ੍ਬਜਿਤਾ। ਕੁਲਪੁਤ੍ਤਾਤਿ ਜਾਤਿਕੁਲਪੁਤ੍ਤਾ, ਆਚਾਰਕੁਲਪੁਤ੍ਤਾ ਚ। ਕਰੋਨ੍ਤਿ, ਆਪੁਚ੍ਛਨ੍ਤਿਯੇવਾਤਿ ਸਮ੍ਬਨ੍ਧੋ। વਾਰਿਤਮ੍ਪਿ ਅਸਾਦਿਯਨਂ ਨਾਮਾਤਿ ਆਹ ‘‘વਾਰਿਤਕਾਲਤੋ ਪਟ੍ਠਾਯ ਅਨਾਪਤ੍ਤੀ’’ਤਿ। ਮਿਥੁ ਯਥਾવੁਡ੍ਢਨ੍ਤਿ ਏਤ੍ਥ ਮਿਥੁਸਦ੍ਦੋ ਅਞ੍ਞਮਞ੍ਞਪਰਿਯਾਯੋ, ਯਥਾਸਦ੍ਦੋ ਯਂਸਦ੍ਦਪਰਿਯਾਯੋ, વਿਚ੍ਛਤ੍ਥੋ ਚਾਤਿ ਆਹ ‘‘ਅਞ੍ਞਮਞ੍ਞਂ ਯੋ ਯੋ વੁਡ੍ਢੋ’’ਤਿ। ਅਞ੍ਞਮਞ੍ਞਞ੍ਹਿ ਮਿਥਤਿ ਸਙ੍ਗਮਂ ਕਰੋਤੀਤਿ ਮਿਥੂਤਿ વੁਚ੍ਚਤਿ। ਤੇਨ ਤੇਨਾਤਿ ਭਿਕ੍ਖੁਨਾ, ‘‘ਸਾਦਿਤੁ’’ਨ੍ਤਿ ਪਦੇ ਭਾવਕਤ੍ਤਾ। ਸਾਦਿਤੁਂ ਅਨੁਜਾਨਾਮੀਤਿ ਸਮ੍ਬਨ੍ਧੋ।
Pakatattānaṃ bhikkhūnanti ettha adhippetapakatatte dassento āha ‘‘ṭhapetvā’’tiādi. Mūlāyapaṭikassanārahādīnampīti ettha ādisaddena mānattārahamānattacārikaabbhānārahādayo saṅgaṇhāti. Pisaddena pakatipakatattaṃ apekkhati. Teti pakatattā. Yaṃ abhivādanādiṃ karontīti yojanā. Sādiyantīti ettha sādiyanaṃ nāma sampaṭicchananti āha ‘‘sampaṭicchantī’’ti. Tatthāti abhivādanādīsu, niddhāraṇe cetaṃ bhummavacanaṃ. Sāmīcikammanti etaṃ ābhisamācārikassa adhivacananti yojanā. Abhivādanādīnīti abhivādanapaccuṭṭhānaañjalikammāni. Bījanavātadānādinoti bījaniyā paharitena pavattassa vātassa dānādino. Āsanābhihāranti ettha abhiharaṇaṃ abhihāro, āsanassa abhihāro āsanābhihāroti vacanatthaṃ dassento āha ‘‘āsanassa abhiharaṇa’’nti. Paññāpanampi abhiharitvā paññāpitattā abhihāroyeva nāmāti āha ‘‘paññāpanameva vā’’ti. ‘‘Pādadhovanaudaka’’nti iminā pādassa dhovanaṃ udakaṃ pādodakanti vacanatthaṃ dasseti. ‘‘Pādaṭṭhapanaka’’nti iminā pādassa ṭhapanakaṃ pīṭhaṃ pādapīṭhanti vacanatthaṃ dasseti. ‘‘Pādaghaṃsanaṃ vā’’ti iminā pādassa ghaṃsanaṃ kathalikaṃ pādakathalikanti vacanatthaṃ dasseti. Saddhivihārikānampi abhivādanādinti sambandho. Pisaddena aññesaṃ sādiyantassa kā nāma kathāti dasseti. Teti saddhivihārikā. Saddhāpabbajitāti saddhāya pabbajitā. Kulaputtāti jātikulaputtā, ācārakulaputtā ca. Karonti, āpucchantiyevāti sambandho. Vāritampi asādiyanaṃ nāmāti āha ‘‘vāritakālato paṭṭhāya anāpattī’’ti. Mithu yathāvuḍḍhanti ettha mithusaddo aññamaññapariyāyo, yathāsaddo yaṃsaddapariyāyo, vicchattho cāti āha ‘‘aññamaññaṃ yo yo vuḍḍho’’ti. Aññamaññañhi mithati saṅgamaṃ karotīti mithūti vuccati. Tena tenāti bhikkhunā, ‘‘sāditu’’nti pade bhāvakattā. Sādituṃ anujānāmīti sambandho.
‘‘વੁਡ੍ਢਪਟਿਪਾਟਿਯਾ’’ਤਿ ਇਮਿਨਾ વੁਡ੍ਢਾਨਂ ਪਟਿਪਾਟਿ ਯਥਾવੁਡ੍ਢਨ੍ਤਿ ਚਤੁਤ੍ਥੀਅਬ੍ਯਯੀਭਾવਂ ਦਸ੍ਸੇਤਿ। ਪੁਰਿਮਪਦੇ ਪਨ ਪਠਮਾਅਬ੍ਯਯੀਭਾવੋ। ਪਾਲ਼ਿਯਾਤਿ ਪਨ੍ਤਿਯਾ। ਤਤ੍ਥੇવਾਤਿ ਸਙ੍ਘਨવਕਟ੍ਠਾਨੇ ਏવ। ਪવਾਰਣਾਯਪੀਤਿ ਪਿਸਦ੍ਦੇਨ ਨ ਕੇવਲਂ ਉਪੋਸਥੇਯੇવ, ਅਥ ਖੋ ਪવਾਰਣਾਯਪੀਤਿ ਦਸ੍ਸੇਤਿ। ਸਙ੍ਘੇਨ ਭਾਜਿਯਮਾਨਨ੍ਤਿ ਸਮ੍ਬਨ੍ਧੋ।
‘‘Vuḍḍhapaṭipāṭiyā’’ti iminā vuḍḍhānaṃ paṭipāṭi yathāvuḍḍhanti catutthīabyayībhāvaṃ dasseti. Purimapade pana paṭhamāabyayībhāvo. Pāḷiyāti pantiyā. Tatthevāti saṅghanavakaṭṭhāne eva. Pavāraṇāyapīti pisaddena na kevalaṃ uposatheyeva, atha kho pavāraṇāyapīti dasseti. Saṅghena bhājiyamānanti sambandho.
ਓਣੋਜਨਨ੍ਤਿ ਅવਨੁਦਤੇ ਓਣੋਜਨਂ। ਅવਪੁਬ੍ਬੋ ਨੁਦਧਾਤੁ ਨਕਾਰਸ੍ਸ ਣਕਾਰਂ, ਦਕਾਰਸ੍ਸ ਚ ਜਕਾਰਂ ਕਤ੍વਾ ਓਣੋਜਨਨ੍ਤਿ વੁਚ੍ਚਤਿ। ਨੁਦਧਾਤੁ ਅਪਨਯਨਤ੍ਥੋ, ਤੇਨ વੁਤ੍ਤਂ ‘‘વਿਸ੍ਸਜ੍ਜਨਂ વੁਚ੍ਚਤੀ’’ਤਿ। ਉਦ੍ਦੇਸਭਤ੍ਤਾਦੀਨੀਤਿਆਦਿਸਦ੍ਦੇਨ ਸਲਾਕਭਤ੍ਤਾਦੀਨਿ ਸਙ੍ਗਣ੍ਹਾਤਿ। ਅਸ੍ਸਾਤਿ ਪਾਰਿવਾਸਿਕਸ੍ਸ। ਤਾਨੀਤਿ ਦ੍વੇ ਤੀਣਿ ਉਦ੍ਦੇਸਭਤ੍ਤਾਦੀਨਿ। ਹੇਟ੍ਠਾਤਿ ਅਤ੍ਤਨੋ ਹੇਟ੍ਠਾ। ਗਾਹੇਥਾਤਿ ਨવਕਤਰੇ ਭਿਕ੍ਖੂ ਗਾਹਾਪੇਥ। ਭਤ੍ਤਪਚ੍ਚਾਸਾਤਿ ਭਤ੍ਤਮੇવ ਪਚ੍ਚਾਸਾ ਭਤ੍ਤਪਚ੍ਚਾਸਾ, ਪਚ੍ਚਾਸਾਭਤ੍ਤਨ੍ਤਿ ਅਤ੍ਥੋ। ‘‘વਿਸ੍ਸਜ੍ਜੇਤਬ੍ਬਾਨੀ’’ਤਿ ਇਮਿਨਾ ਅવਨੁਦਿਤਬ੍ਬਨ੍ਤਿ ਓਣੋਜਨਨ੍ਤਿ ਅਤ੍ਥਂ ਦਸ੍ਸੇਤਿ। ਏવਨ੍ਤਿ ਗਹੇਤ੍વਾ વਿਸ੍ਸਜ੍ਜਮਾਨੇਤਿ ਯੋਜਨਾ। ਤਾਨੀਤਿ ਉਦ੍ਦੇਸਭਤ੍ਤਾਦੀਨਿ। ਯਦਿ ਪਨ ਨ ਗਣ੍ਹਾਤੀਤਿ ਸਚੇ ਸਙ੍ਘਤੋ વਸ੍ਸਗ੍ਗੇਨ ਨ ਗਣ੍ਹਾਤਿ। ਨ વਿਸ੍ਸਜ੍ਜੇਤੀਤਿ ਸਚੇ ਅਞ੍ਞਸ੍ਸ ਨ વਿਸ੍ਸਜ੍ਜੇਤਿ। ਓਦਿਸ੍ਸਾਤਿ ਉਦ੍ਦਿਸਿਤ੍વਾ। ਤਸ੍ਸਾਤਿ ਪਾਰਿવਾਸਿਕਸ੍ਸ। ਹੀਤਿ ਯਸ੍ਮਾ। ਸਙ੍ਘਨવਕਟ੍ਠਾਨੇ ਨਿਸਿਨ੍ਨਸ੍ਸ ਤਸ੍ਸਾਤਿ ਯੋਜਨਾ। ਭਤ੍ਤਗ੍ਗੇਤਿ ਭਤ੍ਤਸ੍ਸ ਗਹਣਟ੍ਠਾਨੇ। ਸੋਤਿ ਪਾਰਿવਾਸਿਕੋ, ਮਾ ਕਿਲਮਿਤ੍ਥਾਤਿ ਸਮ੍ਬਨ੍ਧੋ। ਇਦਨ੍ਤਿ ਓਣੋਜਨਂ। ਅਸ੍ਸਾਤਿ ਪਾਰਿવਾਸਿਕਸ੍ਸ, ਅਨੁਞ੍ਞਾਤਨ੍ਤਿ ਸਮ੍ਬਨ੍ਧੋ।
Oṇojananti avanudate oṇojanaṃ. Avapubbo nudadhātu nakārassa ṇakāraṃ, dakārassa ca jakāraṃ katvā oṇojananti vuccati. Nudadhātu apanayanattho, tena vuttaṃ ‘‘vissajjanaṃ vuccatī’’ti. Uddesabhattādīnītiādisaddena salākabhattādīni saṅgaṇhāti. Assāti pārivāsikassa. Tānīti dve tīṇi uddesabhattādīni. Heṭṭhāti attano heṭṭhā. Gāhethāti navakatare bhikkhū gāhāpetha. Bhattapaccāsāti bhattameva paccāsā bhattapaccāsā, paccāsābhattanti attho. ‘‘Vissajjetabbānī’’ti iminā avanuditabbanti oṇojananti atthaṃ dasseti. Evanti gahetvā vissajjamāneti yojanā. Tānīti uddesabhattādīni. Yadi pana na gaṇhātīti sace saṅghato vassaggena na gaṇhāti. Na vissajjetīti sace aññassa na vissajjeti. Odissāti uddisitvā. Tassāti pārivāsikassa. Hīti yasmā. Saṅghanavakaṭṭhāne nisinnassa tassāti yojanā. Bhattaggeti bhattassa gahaṇaṭṭhāne. Soti pārivāsiko, mā kilamitthāti sambandho. Idanti oṇojanaṃ. Assāti pārivāsikassa, anuññātanti sambandho.
ਆਗਤਾਗਤੇਹਿ ਭਿਕ੍ਖੂਹੀਤਿ ਸਮ੍ਬਨ੍ਧੋ। ਚਤੁਸ੍ਸਾਲਭਤ੍ਤਨ੍ਤਿ ਚਤੁਮੁਖਾ ਸਾਲਾ ਚਤੁਸ੍ਸਾਲਾ ਭੋਜਨਸਾਲਾ, ਤਤ੍ਥ ਪਟਿਪਾਟਿਯਾ ਦਿਨ੍ਨਂ ਭਤ੍ਤਂ ਚਤੁਸ੍ਸਾਲਭਤ੍ਤਂ। ਏਤਨ੍ਤਿ ਚਤੁਸ੍ਸਾਲਭਤ੍ਤਂ। ਪਾਲ਼ਿਯਾਤਿ ਭਿਕ੍ਖੂਨਂ ਪਾਲ਼ਿਯਾ। ਓਸਕ੍ਕਿਤ੍વਾਤਿ ਹੇਟ੍ਠਾ ਸਕ੍ਕਿਤ੍વਾ। ਹਤ੍ਥਪਾਸੇਤਿ ਭਤ੍ਤਦਾਯਕਸ੍ਸ ਹਤ੍ਥਪਾਸੇ। ਸੇਨੋਤਿ ਕੁਲਲੋ। ‘‘ਆਰਾਮਿਕਸਮਣੁਦ੍ਦੇਸੇਹੀ’’ਤਿ ਪਦਂ ‘‘ਆਹਰਾਪੇਤੁ’’ਨ੍ਤਿ ਪਦੇ ਕਾਰਿਤਕਮ੍ਮਂ। ਸਯਮੇવਾਤਿ ਪਾਰਿવਾਸਿਕੇਨ ਅਨਾਣਤ੍ਤੋ ਹੁਤ੍વਾ ਸਯਮੇવ। ਮਹਾਪੇਲ਼ਭਤ੍ਤੇਪੀਤਿ ਮਹਤਿਯਂ ਪੇਲ਼ਾਯਂ ਪਕ੍ਖਿਪਿਤ੍વਾ ਦਿਨ੍ਨੇ ਭਤ੍ਤੇਪਿ। ਯਤ੍ਥ ਪਨਾਤਿ ਪਰਿવਿਸਟ੍ਠਾਨੇ ਪਨ।
Āgatāgatehi bhikkhūhīti sambandho. Catussālabhattanti catumukhā sālā catussālā bhojanasālā, tattha paṭipāṭiyā dinnaṃ bhattaṃ catussālabhattaṃ. Etanti catussālabhattaṃ. Pāḷiyāti bhikkhūnaṃ pāḷiyā. Osakkitvāti heṭṭhā sakkitvā. Hatthapāseti bhattadāyakassa hatthapāse. Senoti kulalo. ‘‘Ārāmikasamaṇuddesehī’’ti padaṃ ‘‘āharāpetu’’nti pade kāritakammaṃ. Sayamevāti pārivāsikena anāṇatto hutvā sayameva. Mahāpeḷabhattepīti mahatiyaṃ peḷāyaṃ pakkhipitvā dinne bhattepi. Yattha panāti parivisaṭṭhāne pana.
੭੬. ਤਤ੍ਰਾਯਂ ਸਮ੍ਮਾવਤ੍ਤਨਾਤਿ ਏਤ੍ਥ ਤਸਦ੍ਦਸ੍ਸ ਅਨਿਯਮਨਿਦ੍ਦੇਸਭਾવਂ ਦਸ੍ਸੇਨ੍ਤੋ ਆਹ ‘‘ਇਦਾਨਿ ਯਾ ਅਯਂ ਸਮ੍ਮਾવਤ੍ਤਨਾ વੁਤ੍ਤਾ’’ਤਿ। ਸਮ੍ਮਾ વਤ੍ਤਿਤਬ੍ਬਂ ਏਤਾਯਾਤਿ ਸਮ੍ਮਾવਤ੍ਤਨਾ। ਤਤ੍ਥਾਤਿ ਸਮ੍ਮਾવਤ੍ਤਨਾਯਂ। ਨ ਉਪਸਮ੍ਪਾਦੇਤਬ੍ਬਨ੍ਤਿ ਏਤ੍ਥ ਆਚਰਿਯੇਨ ਹੁਤ੍વਾ ਕਮ੍ਮવਾਚਾਸਾવਨਮ੍ਪਿ ਉਪਸਮ੍ਪਾਦਨਮੇવਾਤਿ ਆਹ ‘‘ਆਚਰਿਯੇਨ ਹੁਤ੍વਾਪਿ ਕਮ੍ਮવਾਚਾ ਨ ਸਾવੇਤਬ੍ਬਾ’’ਤਿ। ਅਞ੍ਞਸ੍ਮਿਂ ਅਸਤੀਤਿ ਅਤ੍ਤਨਾ ਅਞ੍ਞਸ੍ਮਿਂ ਕਮ੍ਮવਾਚਾવਾਚਕੇ ਅਸਤਿ। ਨ ਨਿਸ੍ਸਯੋ ਦਾਤਬ੍ਬੋਤਿ ਏਤ੍ਥ ਆਗਨ੍ਤੁਕਾਨਮੇવ ਨਿਸ੍ਸਯੋ ਨ ਦਾਤਬ੍ਬੋ, ਨ ਦਿਨ੍ਨਨਿਸ੍ਸਯਾਨਮ੍ਪੀਤਿ ਦਸ੍ਸੇਨ੍ਤੋ ਆਹ ‘‘ਆਗਨ੍ਤੁਕਾਨਂ ਨਿਸ੍ਸਯੋ ਨ ਦਾਤਬ੍ਬੋ’’ਤਿਆਦਿ, ਯੇਹਿਪਿ ਭਿਕ੍ਖੂਹਿ ਗਹਿਤੋਤਿ ਸਮ੍ਬਨ੍ਧੋ।
76. Tatrāyaṃ sammāvattanāti ettha tasaddassa aniyamaniddesabhāvaṃ dassento āha ‘‘idāni yā ayaṃ sammāvattanā vuttā’’ti. Sammā vattitabbaṃ etāyāti sammāvattanā. Tatthāti sammāvattanāyaṃ. Na upasampādetabbanti ettha ācariyena hutvā kammavācāsāvanampi upasampādanamevāti āha ‘‘ācariyena hutvāpi kammavācā na sāvetabbā’’ti. Aññasmiṃ asatīti attanā aññasmiṃ kammavācāvācake asati. Na nissayo dātabboti ettha āgantukānameva nissayo na dātabbo, na dinnanissayānampīti dassento āha ‘‘āgantukānaṃ nissayo na dātabbo’’tiādi, yehipi bhikkhūhi gahitoti sambandho.
ਅਞ੍ਞੋ ਸਾਮਣੇਰੋਤਿ ਪਕਤਤ੍ਤਕਾਲੇ ਉਪਜ੍ਝਂ ਦਤ੍વਾ ਗਹਿਤਸਾਮਣੇਰੇਹਿ ਅਞ੍ਞੋ ਸਾਮਣੇਰੋ। ਆਧਿਪਚ੍ਚਟ੍ਠਾਨਭੂਤਾਤਿ ਸਬ੍ਬਸਮ੍ਮੁਤੀਨਂ ਅਧਿਪਤਿਭਾવਸ੍ਸ ਠਾਨਭੂਤਾ। ਪਟਿਬਲਸ੍ਸਾਤਿ ਭਿਕ੍ਖੁਨਿਯੋ ਓવਦਿਤੁਂ ਪਟਿਬਲਸ੍ਸ। ਇਮਿਨਾ ਲਦ੍ਧਸਮ੍ਮੁਤਿਕੇਨ ਆਣਤ੍ਤੋ ਅਲਦ੍ਧਸਮ੍ਮੁਤਿਕੋਪਿ ਗਰੁਧਮ੍ਮੇਹਿ વਾ ਅਞ੍ਞੇਹਿ વਾ ਭਿਕ੍ਖੁਨਿਯੋ ਓવਦਿਤੁਂ ਲਭਤੀਤਿ ਦਸ੍ਸੇਤਿ। ਆਗਤਾ ਭਿਕ੍ਖੁਨਿਯੋ વਤ੍ਤਬ੍ਬਾਤਿ ਸਮ੍ਬਨ੍ਧੋ। વੋਤਿ ਤੁਮ੍ਹਾਕਂ। ਸੋਤਿ ਭਿਕ੍ਖੁ। વੋਤਿ ਤੁਮ੍ਹਾਕਂ, ਦਸ੍ਸਤੀਤਿ ਸਮ੍ਬਨ੍ਧੋ।
Aññosāmaṇeroti pakatattakāle upajjhaṃ datvā gahitasāmaṇerehi añño sāmaṇero. Ādhipaccaṭṭhānabhūtāti sabbasammutīnaṃ adhipatibhāvassa ṭhānabhūtā. Paṭibalassāti bhikkhuniyo ovadituṃ paṭibalassa. Iminā laddhasammutikena āṇatto aladdhasammutikopi garudhammehi vā aññehi vā bhikkhuniyo ovadituṃ labhatīti dasseti. Āgatā bhikkhuniyo vattabbāti sambandho. Voti tumhākaṃ. Soti bhikkhu. Voti tumhākaṃ, dassatīti sambandho.
ਸੁਕ੍ਕવਿਸ੍ਸਟ੍ਠਿਯਾਤਿ ਸੁਕ੍ਕવਿਸ੍ਸਟ੍ਠਿਆਪਤ੍ਤਿਕਾਰਣਾ। ਕਾਯਸਂਸਗ੍ਗਾਦਿਗਰੁਕਾਪਤ੍ਤਿ ਨਾਪਜ੍ਜਿਤਬ੍ਬਾਤਿ ਯੋਜਨਾ। ਆਪਤ੍ਤਿਕ੍ਖਨ੍ਧવਸੇਨ ਆਪਤ੍ਤਿવਤ੍ਥੂਨਂ ਪਾਪਿਟ੍ਠਭਾવਞ੍ਚ ਪਾਪਿਟ੍ਠਤਰਭਾવਞ੍ਚ વਿਤ੍ਥਾਰੇਨ੍ਤੋ ਆਹ ‘‘ਸਤ੍ਤਸੁ ਹੀ’’ਤਿਆਦਿ। ਪਾਪਿਟ੍ਠਤਰਾਤਿ ਦੁਬ੍ਭਾਸਿਤਾਪਤ੍ਤਿਤੋ ਦੁਕ੍ਕਟਾਪਤ੍ਤਿ ਪਾਪਿਟ੍ਠਤਰਾ। ਤਾਸਨ੍ਤਿ ਸਤ੍ਤਨ੍ਨਂ ਆਪਤ੍ਤੀਨਂ। ਪੁਰਿਮਨਯੇਨੇવਾਤਿ ਪੁਰਿਮਾਨਂ ਆਪਤ੍ਤੀਨਂ ਨਯੇਨੇવ। ਭੇਦੋਤਿ વਤ੍ਥੂਨਂ વਿਸੇਸੋ। ਏવਂ ਆਪਤ੍ਤਿਕ੍ਖਨ੍ਧવਸੇਨ ਆਪਤ੍ਤਿવਤ੍ਥੂਨਂ ਪਾਪਿਟ੍ਠਪਾਪਿਟ੍ਠਤਰਭਾવਂ ਦਸ੍ਸੇਤ੍વਾ ਇਦਾਨਿ ਸਿਕ੍ਖਾਪਦવਸੇਨ ਤੇਸਂ ਤਂ ਦਸ੍ਸੇਨ੍ਤੋ ਆਹ ‘‘ਪਣ੍ਣਤ੍ਤਿવਜ੍ਜਸਿਕ੍ਖਾਪਦੇ ਪਨਾ’’ਤਿਆਦਿ। ਉਭਯਮ੍ਪੀਤਿ વਤ੍ਥੁਆਪਤ੍ਤਿਸਙ੍ਖਾਤਂ ਉਭਯਮ੍ਪਿ।
Sukkavissaṭṭhiyāti sukkavissaṭṭhiāpattikāraṇā. Kāyasaṃsaggādigarukāpatti nāpajjitabbāti yojanā. Āpattikkhandhavasena āpattivatthūnaṃ pāpiṭṭhabhāvañca pāpiṭṭhatarabhāvañca vitthārento āha ‘‘sattasu hī’’tiādi. Pāpiṭṭhatarāti dubbhāsitāpattito dukkaṭāpatti pāpiṭṭhatarā. Tāsanti sattannaṃ āpattīnaṃ. Purimanayenevāti purimānaṃ āpattīnaṃ nayeneva. Bhedoti vatthūnaṃ viseso. Evaṃ āpattikkhandhavasena āpattivatthūnaṃ pāpiṭṭhapāpiṭṭhatarabhāvaṃ dassetvā idāni sikkhāpadavasena tesaṃ taṃ dassento āha ‘‘paṇṇattivajjasikkhāpade panā’’tiādi. Ubhayampīti vatthuāpattisaṅkhātaṃ ubhayampi.
ਕਮ੍ਮਨ੍ਤਿ ਏਤ੍ਥ ਕਾਰਣਭੂਤਸ੍ਸ ਕਮ੍ਮਸ੍ਸ ਨਾਮਂ ਕਾਰਿਯਭੂਤਾਯਂ ਕਮ੍ਮવਾਚਾਯਂ ਉਪਚਾਰવਸੇਨ ਕਾਰਿਯਭੂਤਾ ਕਮ੍ਮવਾਚਾ ਕਮ੍ਮਨ੍ਤਿ વੁਚ੍ਚਤੀਤਿ ਆਹ ‘‘ਪਰਿવਾਸਕਮ੍ਮવਾਚਾ વੁਚ੍ਚਤੀ’’ਤਿ। ਕਮ੍ਮਸ੍ਮਿਂ ਸਤਿ, ਕਮ੍ਮੇਨ વਾ વਚਿਤਬ੍ਬਾਤਿ ਕਮ੍ਮવਾਚਾਤਿ વਚਨਤ੍ਥੋ ਕਾਤਬ੍ਬੋ। ਕਸਿਕਮ੍ਮਨ੍ਤਿ ਕਸਿਸਙ੍ਖਾਤਂ ਕਮ੍ਮਂ। ਗੋਰਕ੍ਖਕਮ੍ਮਨ੍ਤਿ ਗੋਰਕ੍ਖਸਙ੍ਖਾਤਂ ਕਮ੍ਮਂ। ‘‘ਕਮ੍ਮਂ ਕਤ’’ਨ੍ਤਿ ਇਮਿਨਾ ਕਮ੍ਮਂ ਕਰੋਨ੍ਤੀਤਿ ਕਮ੍ਮਿਕਾਤਿ વਚਨਤ੍ਥਂ ਦਸ੍ਸੇਤਿ। ਤੇਤਿ ਕਮ੍ਮਿਕਾ ਭਿਕ੍ਖੂ, ਨ ਗਰਹਿਤਬ੍ਬਾਤਿ ਸਮ੍ਬਨ੍ਧੋ।
Kammanti ettha kāraṇabhūtassa kammassa nāmaṃ kāriyabhūtāyaṃ kammavācāyaṃ upacāravasena kāriyabhūtā kammavācā kammanti vuccatīti āha ‘‘parivāsakammavācā vuccatī’’ti. Kammasmiṃ sati, kammena vā vacitabbāti kammavācāti vacanattho kātabbo. Kasikammanti kasisaṅkhātaṃ kammaṃ. Gorakkhakammanti gorakkhasaṅkhātaṃ kammaṃ. ‘‘Kammaṃ kata’’nti iminā kammaṃ karontīti kammikāti vacanatthaṃ dasseti. Teti kammikā bhikkhū, na garahitabbāti sambandho.
વਚਿਤਬ੍ਬਂ ਅਨੇਨ ਦੋਸੇਨਾਤਿ વਚਨੀਯਂ, ਸਂવਿਜ੍ਜਤਿ વਚਨੀਯਂ ਅਸ੍ਸਾਤਿ ਸવਚਨੀਯਂ, ਤਂ ਨ ਕਾਤਬ੍ਬਨ੍ਤਿ ਅਤ੍ਥੋ। ਤਮੇવਤ੍ਥਂ વਿਤ੍ਥਾਰੇਨ੍ਤੋ ਆਹ ‘‘ਪਲਿਬੋਧਤ੍ਥਾਯ ਹੀ’’ਤਿਆਦਿ। ਯਾવ ਨ ਤਂ ਅਧਿਕਰਣਂ વੂਪਸਨ੍ਤਂ ਹੋਤਿ, ਤਾવ ਇਮਮ੍ਹਾ ਆવਾਸਾ ਏਕਪਦਮ੍ਪਿ ਮਾ ਪਕ੍ਕਾਮੀਤਿ ਯੋਜਨਾ। ਤੇਤਿ ਤੁਯ੍ਹਂ।
Vacitabbaṃ anena dosenāti vacanīyaṃ, saṃvijjati vacanīyaṃ assāti savacanīyaṃ, taṃ na kātabbanti attho. Tamevatthaṃ vitthārento āha ‘‘palibodhatthāya hī’’tiādi. Yāva na taṃ adhikaraṇaṃ vūpasantaṃ hoti, tāva imamhā āvāsā ekapadampi mā pakkāmīti yojanā. Teti tuyhaṃ.
ਅਨੁવਾਦੋਤਿ ਏਤ੍ਥ ਅਨੁਸਾਸਨવਸੇਨ ਅਞ੍ਞੇ વਦਤੀਤਿ ਅਨੁવਾਦੋਤਿ વੁਤ੍ਤੇ ਜੇਟ੍ਠਕਟ੍ਠਾਨਨ੍ਤਿ ਆਹ ‘‘વਿਹਾਰੇ ਜੇਟ੍ਠਕਟ੍ਠਾਨਂ ਨ ਕਾਤਬ੍ਬ’’ਨ੍ਤਿ। ਜੇਟ੍ਠਕਟ੍ਠਾਨਂ ਸਰੂਪੇਨ ਦਸ੍ਸੇਨ੍ਤੋ ਆਹ ‘‘ਪਾਤਿਮੋਕ੍ਖੁਦ੍ਦੇਸਕੇਨ વਾ’’ਤਿਆਦਿ। ਮੇਤਿ ਮਯ੍ਹਂ। ਤਨ੍ਤਿ ਤવਂ। ਨ ਚੋਦੇਤਬ੍ਬੋਤਿ ਏਤ੍ਥ ਕੇਨ ਨ ਚੋਦੇਤਬ੍ਬੋਤਿ ਆਹ ‘‘વਤ੍ਥੁਨਾ વਾ ਆਪਤ੍ਤਿਯਾ વਾ’’ਤਿ। ਨ ਸਾਰੇਤਬ੍ਬੋਤਿ ਨ ਸਰਾਪੇਤਬ੍ਬੋ। ਨ ਭਿਕ੍ਖੂਹਿ ਸਮ੍ਪਯੋਜੇਤਬ੍ਬਨ੍ਤਿ ਏਤ੍ਥ ਭਿਕ੍ਖੂਹਿ ਅਤ੍ਤਨਾ ਕਲਹવਸੇਨ ਨ ਸਮ੍ਪਯੋਜੇਤਬ੍ਬਨ੍ਤਿ ਦਸ੍ਸੇਨ੍ਤੋ ਆਹ ‘‘ਅਞ੍ਞਮਞ੍ਞਂ ਯੋਜੇਤ੍વਾ ਕਲਹੋ ਨ ਕਾਰੇਤਬ੍ਬੋ’’ਤਿ।
Anuvādoti ettha anusāsanavasena aññe vadatīti anuvādoti vutte jeṭṭhakaṭṭhānanti āha ‘‘vihāre jeṭṭhakaṭṭhānaṃ na kātabba’’nti. Jeṭṭhakaṭṭhānaṃ sarūpena dassento āha ‘‘pātimokkhuddesakena vā’’tiādi. Meti mayhaṃ. Tanti tavaṃ. Na codetabboti ettha kena na codetabboti āha ‘‘vatthunā vā āpattiyā vā’’ti. Na sāretabboti na sarāpetabbo. Na bhikkhūhisampayojetabbanti ettha bhikkhūhi attanā kalahavasena na sampayojetabbanti dassento āha ‘‘aññamaññaṃ yojetvā kalaho na kāretabbo’’ti.
ਸਙ੍ਘਤ੍ਥੇਰੇਨ ਹੁਤ੍વਾਤਿ ਸਙ੍ਘਤ੍ਥੇਰੇਨ ਹੋਨ੍ਤੇਨਪੀਤਿ ਅਤ੍ਥੋ। ਪੁਰਤੋ ਅਗਨ੍ਤਬ੍ਬੇ ਸਮਾਨੇ ਕਿਂ ਪਚ੍ਛਤੋ ਗਨ੍ਤਬ੍ਬਨ੍ਤਿ ਆਹ ‘‘ਦ੍વਾਦਸਹਤ੍ਥ’’ਨ੍ਤਿਆਦਿ। ਆਸਨਪਰਿਯਨ੍ਤੋਤਿ ਆਸਨਮੇવ ਪਰਿਯਨ੍ਤੋ ਲਾਮਕੋਤਿ ਆਸਨਪਰਿਯਨ੍ਤੋ, ਤਦਤ੍ਥਂ ਦਸ੍ਸੇਨ੍ਤੋ ਆਹ ‘‘ਸਙ੍ਘਨવਕਾਸਨਂ વੁਚ੍ਚਤੀ’’ਤਿ। ਸ੍વਾਸ੍ਸਾਤਿ ਸੋ ਅਸ੍ਸ। ਸੋਤਿ ਆਸਨਪਰਿਯਨ੍ਤੋ। ਅਸ੍ਸਾਤਿ ਪਾਰਿવਾਸਿਕਸ੍ਸ। ਤਤ੍ਥਾਤਿ ਆਸਨਪਰਿਯਨ੍ਤੇ। ਅਯਨ੍ਤਿ ਪਾਰਿવਾਸਿਕੋ, ਨ ਲਭਤੀਤਿ ਸਮ੍ਬਨ੍ਧੋ। ਗਹਿਤਾવਸੇਸਾਤਿ ਗਹਿਤਾਹਿ ਸੇਯ੍ਯਾਹਿ ਅવਸੇਸਾ। ਮਙ੍ਗੁਲਗੂਥਭਰਿਤਾਤਿ ਮਙ੍ਗੁਲਾਨਂ ਗੂਥੇਹਿ ਪੂਰਿਤਾ। ਅਸ੍ਸਾਤਿ ਪਾਰਿવਾਸਿਕਸ੍ਸ। ਰਜੇਹਿ ਹਤਾ ਨਾਸਿਤਾ ਭੂਮਿ ਏਤ੍ਥਾਤਿ ਰਜੋਹਤਭੂਮਿ। ਜਤੁਕਮੂਸਿਕਭਰਿਤਾਤਿ ਜਤੂਹਿ ਚ ਮੂਸਿਕਾਹਿ ਚ ਪੂਰਿਤਾ। ਪਣ੍ਣਸਾਲਾਤਿ ਪਣ੍ਣੇਹਿ ਛਾਦਿਤਾ ਸਾਲਾ। ਅਸ੍ਸਾਤਿ ਪਾਰਿવਾਸਿਕਸ੍ਸ। ਸਬ੍ਬੇਪਿ ਆવਾਸਾਤਿ ਯੋਜਨਾ। ਏਤੇਹੀਤਿ ਪਕਤਤ੍ਤੇਹਿ। ਤੇਸੂਤਿ ਆવਾਸੇਸੁ। ਯਨ੍ਤਿ ਆવਾਸਂ। ਪਚ੍ਚਯਨ੍ਤਿ વਸ੍ਸਾવਾਸਿਕਲਾਭਂ। ਏਕਪਸ੍ਸੇਤਿ ਭਿਕ੍ਖੂਨਂ ਪਾਲ਼ਿਯਂ ਅਟ੍ਠਤ੍વਾ ਏਕਸ੍ਮਿਂ ਪਸ੍ਸੇ।
Saṅghattherena hutvāti saṅghattherena hontenapīti attho. Purato agantabbe samāne kiṃ pacchato gantabbanti āha ‘‘dvādasahattha’’ntiādi. Āsanapariyantoti āsanameva pariyanto lāmakoti āsanapariyanto, tadatthaṃ dassento āha ‘‘saṅghanavakāsanaṃ vuccatī’’ti. Svāssāti so assa. Soti āsanapariyanto. Assāti pārivāsikassa. Tatthāti āsanapariyante. Ayanti pārivāsiko, na labhatīti sambandho. Gahitāvasesāti gahitāhi seyyāhi avasesā. Maṅgulagūthabharitāti maṅgulānaṃ gūthehi pūritā. Assāti pārivāsikassa. Rajehi hatā nāsitā bhūmi etthāti rajohatabhūmi. Jatukamūsikabharitāti jatūhi ca mūsikāhi ca pūritā. Paṇṇasālāti paṇṇehi chāditā sālā. Assāti pārivāsikassa. Sabbepi āvāsāti yojanā. Etehīti pakatattehi. Tesūti āvāsesu. Yanti āvāsaṃ. Paccayanti vassāvāsikalābhaṃ. Ekapasseti bhikkhūnaṃ pāḷiyaṃ aṭṭhatvā ekasmiṃ passe.
ਅਸ੍ਸਾਤਿ ਪਾਰਿવਾਸਿਕਸ੍ਸ, ਦੇਨ੍ਤੀਤਿ ਸਮ੍ਬਨ੍ਧੋ। ਸੋ ਏવਾਤਿ ਆਸਨਾਦਿਪਰਿਯਨ੍ਤੋ ਏવ। ਞਾਤਿਪવਾਰਿਤਟ੍ਠਾਨੇ ਨਿਮਨ੍ਤਿਤੇਨਾਤਿ ਸਮ੍ਬਨ੍ਧੋ। ਤਤ੍ਥਾਤਿ ਤਂ ਕੁਲਂ। ਸਂવਿਧਾਯਾਤਿ ਸਂવਿਦਹਿਤ੍વਾ। ਅਸ੍ਸਾਤਿ ਕੁਲਸ੍ਸ, ਭવੇਯ੍ਯ વਾ।
Assāti pārivāsikassa, dentīti sambandho. So evāti āsanādipariyanto eva. Ñātipavāritaṭṭhāne nimantitenāti sambandho. Tatthāti taṃ kulaṃ. Saṃvidhāyāti saṃvidahitvā. Assāti kulassa, bhaveyya vā.
ਹਰਾਯਮਾਨੇਨਾਤਿ ਲਜ੍ਜਮਾਨੇਨ। ਯੇਨਾਪੀਤਿ ਪਾਰਿવਾਸਿਕੇਨਪਿ। ਸਮਾਦਿਨ੍ਨਨ੍ਤਿ ਆਰਞ੍ਞਿਕਧੁਤਙ੍ਗਸਮਾਦਿਨ੍ਨਂ। ਤਥਾਤਿ ਯਥਾ ਆਰਞ੍ਞਿਕਙ੍ਗਂ ਨ ਸਮਾਦਾਤਬ੍ਬਂ, ਤਥਾ। ਪਿਣ੍ਡਪਾਤਿਕਧੁਤਙ੍ਗਮ੍ਪੀਤਿ ਪਿਸਦ੍ਦੋ ਆਰਞ੍ਞਿਕਙ੍ਗਂ ਅਪੇਕ੍ਖਤਿ। ਯੋ ਪਨਾਤਿ ਪਾਰਿવਾਸਿਕੋ ਪਨ।
Harāyamānenāti lajjamānena. Yenāpīti pārivāsikenapi. Samādinnanti āraññikadhutaṅgasamādinnaṃ. Tathāti yathā āraññikaṅgaṃ na samādātabbaṃ, tathā. Piṇḍapātikadhutaṅgampīti pisaddo āraññikaṅgaṃ apekkhati. Yo panāti pārivāsiko pana.
ਅਨਾਰੋਚੇਨ੍ਤਸ੍ਸ ਮੇਤਿ ਯੋਜਨਾ। ਅਨਾਰੋਚੇਨ੍ਤੇ ਸਤੀਤਿ વਾ ਯੋਜਨਾ। ‘‘ਇਮਿਨਾ ਕਾਰਣੇਨਾ’’ਤਿ ਇਮਿਨਾ ਤਪ੍ਪਚ੍ਚਯਾਤਿ ਏਤ੍ਥ ਪਚ੍ਚਯਸਦ੍ਦੋ ਕਾਰਣਤ੍ਥੋ, ਨਿਸ੍ਸਕ੍ਕવਚਨਞ੍ਚ ਕਾਰਣਤ੍ਥੇ ਹੋਤੀਤਿ ਦਸ੍ਸੇਤਿ। ਸੋ ਰਤ੍ਤਿਚ੍ਛੇਦੋ ਏવ ਪਚ੍ਚਯੋ ਤਪ੍ਪਚ੍ਚਯੋਤਿ વਚਨਤ੍ਥੋ ਕਾਤਬ੍ਬੋ। ‘‘ਸਾਮਣੇਰੇਹੀ’’ਤਿ ਪਦਂ ‘‘ਪਚਾਪੇਤ੍વਾ’’ਤਿ ਪਦੇ ਕਾਰਿਤਕਮ੍ਮਂ। ਏਤ੍ਥਾਪਿ ਪਕਤਿਯਾ ਨੀਹਰਾਪੇਤ੍વਾਪਿ વਿਹਾਰੇ ਪਚਾਪੇਤ੍વਾਪਿ ਭੁਞ੍ਜਨ੍ਤਸ੍ਸ ਪਟਿਸੇਧੋ ਨਤ੍ਥਿ। ਕਸ੍ਮਾ? ‘‘ਤਪ੍ਪਚ੍ਚਯਾ’’ਤਿ વੁਤ੍ਤਤ੍ਤਾ। ਗਾਮੇਤਿ ਮਹਾਗਾਮੇ, ਸਬ੍ਬਕਾਲਂ ਅਨੇਕਸਤੇਹਿ ਭਿਕ੍ਖੂਹਿ ਅવਿવਿਤ੍ਤੇ ਗਾਮੇਤਿ ਅਤ੍ਥੋ। ਗਾਮਕਾવਾਸਨ੍ਤਿ ਗਾਮੋਯੇવ ਖੁਦ੍ਦਕਟ੍ਠੇਨ ਗਾਮਕੋ, ਤਸ੍ਮਿਂ ਕਾਰਿਤੋ ਆવਾਸੋ ਗਾਮਕਾવਾਸੋ, ਤਂ।
Anārocentassa meti yojanā. Anārocente satīti vā yojanā. ‘‘Iminā kāraṇenā’’ti iminā tappaccayāti ettha paccayasaddo kāraṇattho, nissakkavacanañca kāraṇatthe hotīti dasseti. So ratticchedo eva paccayo tappaccayoti vacanattho kātabbo. ‘‘Sāmaṇerehī’’ti padaṃ ‘‘pacāpetvā’’ti pade kāritakammaṃ. Etthāpi pakatiyā nīharāpetvāpi vihāre pacāpetvāpi bhuñjantassa paṭisedho natthi. Kasmā? ‘‘Tappaccayā’’ti vuttattā. Gāmeti mahāgāme, sabbakālaṃ anekasatehi bhikkhūhi avivitte gāmeti attho. Gāmakāvāsanti gāmoyeva khuddakaṭṭhena gāmako, tasmiṃ kārito āvāso gāmakāvāso, taṃ.
ਗਤੇਨ ਆਗਨ੍ਤੁਕਪਾਰਿવਾਸਿਕੇਨਾਤਿ ਸਮ੍ਬਨ੍ਧੋ। ਤਤ੍ਥਾਤਿ ਕਿਸ੍ਮਿਞ੍ਚਿ વਿਹਾਰੇ, ਸਬ੍ਬੇ ਭਿਕ੍ਖੂਤਿ ਸਮ੍ਬਨ੍ਧੋ। ਤਤ੍ਥ ਤਤ੍ਥਾਤਿ ਤਸ੍ਮਿਂ ਤਸ੍ਮਿਂ ਠਿਤਟ੍ਠਾਨੇ। ਨ ਏਕਚ੍ਚੇ ਪਸ੍ਸਤਿ, ਅਪਸ੍ਸਿਤਤ੍ਤਾ ਨਾਰੋਚੇਤਿ, ਰਤ੍ਤਿਚ੍ਛੇਦੋવ ਹੋਤੀਤਿ ਅਧਿਪ੍ਪਾਯੋ।
Gatena āgantukapārivāsikenāti sambandho. Tatthāti kismiñci vihāre, sabbe bhikkhūti sambandho. Tattha tatthāti tasmiṃ tasmiṃ ṭhitaṭṭhāne. Na ekacce passati, apassitattā nāroceti, ratticchedova hotīti adhippāyo.
ਏਕਸ੍ਸ વਾ ਬਹੂਨਂ વਾ ਆਗਨ੍ਤੁਕਾਨਨ੍ਤਿ ਸਮ੍ਬਨ੍ਧੋ। ਏਤ੍ਥਾਤਿ ‘‘ਆਗਨ੍ਤੁਕਸ੍ਸ ਆਰੋਚੇਤਬ੍ਬ’’ਨ੍ਤਿ ਪਦੇ। વੁਤ੍ਤਨਯੇਨੇવਾਤਿ ‘‘ਆਗਨ੍ਤੁਕੇਨ ਆਰੋਚੇਤਬ੍ਬ’’ਨ੍ਤਿ ਪਦੇ વੁਤ੍ਤਨਯੇਨੇવ। ਤਂ વੁਤ੍ਤਨਯਮਾવਿਕਰੋਨ੍ਤੋ ਆਹ ‘‘ਸਚੇ’’ਤਿਆਦਿ। ਤੇਸਮ੍ਪੀਤਿ ਆਗਨ੍ਤੁਕਾਨਮ੍ਪਿ। ਤਸ੍ਸਾਤਿ ਪਾਰਿવਾਸਿਕਸ੍ਸ। ਅਜਾਨਨ੍ਤਸ੍ਸੇવਾਤਿ ਅਨਾਦਰੇ ਚੇਤਂ ਸਾਮਿવਚਨਂ। ਅਯਞ੍ਚ ਪਨਾਤਿ ਪਾਰਿવਾਸਿਕੋ ਚ। ਗਤਕਾਲੇਤਿ ਆਗਨ੍ਤੁਕਾਨਂ ਗਤਕਾਲੇ। ਯੇਪੀਤਿ ਆਗਨ੍ਤੁਕਾਪਿ। ਓਕ੍ਕਮਿਤ੍વਾਤਿ ਓਸਰਿਤ੍વਾ, ਪવਿਸਿਤ੍વਾਤਿ ਅਤ੍ਥੋ। ਅਯਞ੍ਚਾਤਿ ਪਾਰਿવਾਸਿਕੋ ਚ, ਜਾਨਾਤੀਤਿ ਸਮ੍ਬਨ੍ਧੋ। ਨੇਸਨ੍ਤਿ ਆਗਨ੍ਤੁਕਾਨਂ। ਯੋਪੀਤਿ ਆਗਨ੍ਤੁਕੋਪਿ। ਅਸ੍ਸਾਤਿ ਪਾਰਿવਾਸਿਕਸ੍ਸ। ਅਞ੍ਞਾਤਤ੍ਤਾਤਿ ਆਗਤਭਾવਸ੍ਸ ਅਜਾਨਿਤਤ੍ਤਾ। ‘‘ਅਬ੍ਭਾਨ’’ਨ੍ਤਿ ਪਦਂ ‘‘ਕਰੋਤੀ’’ਤਿ ਪਦੇ ਕਮ੍ਮਂ, ‘‘ਹੋਤੀ’’ਤਿ ਪਦੇ ਕਤ੍ਤਾ। ਅਧਿਕਾ ਰਤ੍ਤਿਯੋਤਿ ਆਪਤ੍ਤਿਪਟਿਚ੍ਛਨ੍ਨਰਤ੍ਤਿਤੋ ਅਧਿਕਾ ਰਤ੍ਤਿਯੋ। ਅਯਨ੍ਤਿ ਪਾਰਿવਾਸਿਕવਤ੍ਤਪਟਿਪਦਾ। ਅਪਣ੍ਣਕਪਟਿਪਦਾਤਿ ਅવਿਰਦ੍ਧਪਟਿਪਦਾ, ਏਕਂਸਪਟਿਪਦਾਤਿ ਅਤ੍ਥੋ।
Ekassa vā bahūnaṃ vā āgantukānanti sambandho. Etthāti ‘‘āgantukassa ārocetabba’’nti pade. Vuttanayenevāti ‘‘āgantukena ārocetabba’’nti pade vuttanayeneva. Taṃ vuttanayamāvikaronto āha ‘‘sace’’tiādi. Tesampīti āgantukānampi. Tassāti pārivāsikassa. Ajānantassevāti anādare cetaṃ sāmivacanaṃ. Ayañca panāti pārivāsiko ca. Gatakāleti āgantukānaṃ gatakāle. Yepīti āgantukāpi. Okkamitvāti osaritvā, pavisitvāti attho. Ayañcāti pārivāsiko ca, jānātīti sambandho. Nesanti āgantukānaṃ. Yopīti āgantukopi. Assāti pārivāsikassa. Aññātattāti āgatabhāvassa ajānitattā. ‘‘Abbhāna’’nti padaṃ ‘‘karotī’’ti pade kammaṃ, ‘‘hotī’’ti pade kattā. Adhikā rattiyoti āpattipaṭicchannarattito adhikā rattiyo. Ayanti pārivāsikavattapaṭipadā. Apaṇṇakapaṭipadāti aviraddhapaṭipadā, ekaṃsapaṭipadāti attho.
ਗਚ੍ਛਨ੍ਤਮ੍ਪਿ ਭਿਕ੍ਖੁਨ੍ਤਿ ਸਮ੍ਬਨ੍ਧੋ। ਸਾવੇਤੁਨ੍ਤਿ ਸੁਣਾਪੇਤੁਂ। વਿਸਯਾવਿਸਯੇਨਾਤਿ ਆਰੋਚੇਤੁਂ ਦੇਸਾਦੇਸੇਨ। ਕਰવੀਕਤਿਸ੍ਸਤ੍ਥੇਰੋ ਆਹਾਤਿ ਸਮ੍ਬਨ੍ਧੋ।
Gacchantampi bhikkhunti sambandho. Sāvetunti suṇāpetuṃ. Visayāvisayenāti ārocetuṃ desādesena. Karavīkatissatthero āhāti sambandho.
‘‘ਉਪੋਸਥਦਿવਸੇ’’ਤਿ ਇਮਿਨਾ ਉਪੋਸਥੇਤਿ ਏਤ੍ਥ ਉਪੋਸਥਸਦ੍ਦਸ੍ਸ ਪਾਤਿਮੋਕ੍ਖੁਦ੍ਦੇਸਾਦਯੋ ਅਤ੍ਥੇ ਨਿવਤ੍ਤੇਤਿ। ਪવਾਰਣਾਯਪੀਤਿ ਪવਾਰਣਦਿવਸੇਪਿ। ਗਨ੍ਤੁਨ੍ਤਿ ਭਿਕ੍ਖੁਸ੍ਸ ਠਿਤਟ੍ਠਾਨਂ ਗਨ੍ਤੁਂ। ਦੂਤੇਨਾਪੀਤਿ ਏਤ੍ਥ ਅਨਧਿਪ੍ਪੇਤਦੂਤਂ ਪਟਿਕ੍ਖਿਪਿਤ੍વਾ ਅਧਿਪ੍ਪੇਤਦੂਤਂ ਦਸ੍ਸੇਤੁਂ વੁਤ੍ਤਂ ‘‘ਅਨੁਪਸਮ੍ਪਨ੍ਨਂ…ਪੇ॰… ਆਰੋਚਾਪੇਤਬ੍ਬ’’ਨ੍ਤਿ।
‘‘Uposathadivase’’ti iminā uposatheti ettha uposathasaddassa pātimokkhuddesādayo atthe nivatteti. Pavāraṇāyapīti pavāraṇadivasepi. Gantunti bhikkhussa ṭhitaṭṭhānaṃ gantuṃ. Dūtenāpīti ettha anadhippetadūtaṃ paṭikkhipitvā adhippetadūtaṃ dassetuṃ vuttaṃ ‘‘anupasampannaṃ…pe… ārocāpetabba’’nti.
ਸੁਞ੍ਞવਿਹਾਰੋਤਿ ਭਿਕ੍ਖੂਹਿ વਿવਿਤ੍ਤવਿਹਾਰੋ। ਯਤ੍ਥਾਤਿ ਯਸ੍ਮਿਂ ਆવਾਸੇ। ਹੀਤਿ ਸਚ੍ਚਂ, ਯਸ੍ਮਾ વਾ। ਤਤ੍ਥਾਤਿ ਸੁਞ੍ਞવਿਹਾਰੇ। ਦਸવਿਧਨ੍ਤਰਾਯੇ ਸਤਿ ਪਨ ਗਨ੍ਤਬ੍ਬਮੇવਾਤਿ ਯੋਜਨਾ। ਨਾਨਾਸਂવਾਸਕੇਹੀਤਿ ਕਮ੍ਮਨਾਨਾਸਂવਾਸਕਲਦ੍ਧਿਨਾਨਾਸਂવਾਸਕੇਹਿ।
Suññavihāroti bhikkhūhi vivittavihāro. Yatthāti yasmiṃ āvāse. Hīti saccaṃ, yasmā vā. Tatthāti suññavihāre. Dasavidhantarāye sati pana gantabbamevāti yojanā. Nānāsaṃvāsakehīti kammanānāsaṃvāsakaladdhinānāsaṃvāsakehi.
੮੧. ਆવਾਸਾਦੀਨਂ ਸਰੂਪਂ ਦਸ੍ਸੇਨ੍ਤੋ ਆਹ ‘‘ਆવਾਸੋ ਨਾਮਾ’’ਤਿਆਦਿ। ਤਤਿਯਪਦੇਨਾਤਿ ‘‘ਆવਾਸੇ વਾ ਅਨਾવਾਸੇ વਾ’’ਤਿ ਤਤਿਯਪਦੇਨ। ਏਤੇਸੂਤਿ ਆવਾਸਾਦੀਸੁ। ਛਦਨਤੋਤਿ ਛਦਨਕੋਟਿਤੋ। ਅਨ੍ਤੋਆવਾਸੇਤਿ ਭਿਤ੍ਤਿਪਰਿਚ੍ਛਿਨ੍ਨੇ ਅਨ੍ਤੋਆવਾਸੇ। ਅવਿਸੇਸੇਨਾਤਿ ‘‘ਉਕ੍ਖਿਤ੍ਤਕੋ’’ਤਿ વਾ ‘‘ਪਾਰਿવਾਸਿਕੋ’’ਤਿ વਾ વਿਸੇਸਂ ਅਕਤ੍વਾ ਸਾਮਞ੍ਞੇਨ। ਉਦਕਪਾਤੇਨਾਤਿ ਛਦਨਤੋ ਉਦਕਂ ਪਤਤਿ ਏਤ੍ਥਾਤਿ ਉਦਕਪਾਤੋ, ਤੇਨ। ਪਞ੍ਚવਣ੍ਣਚ੍ਛਦਨਬਦ੍ਧਟ੍ਠਾਨੇਸੂਤਿ ਪਞ੍ਚਪਮਾਣੇਨ ਛਦਨੇਨ ਬਦ੍ਧਟ੍ਠਾਨੇਸੁ ਏਤੇਸੁ ਆવਾਸੇਸੂਤਿ ਸਮ੍ਬਨ੍ਧੋ। ਪਾਰਿવਾਸਿਕਸ੍ਸ ਚ ਉਕ੍ਖਿਤ੍ਤਕਸ੍ਸ ਚ ਪਕਤਤ੍ਤੇਨ ਸਦ੍ਧਿਂ વਾਰਿਤਨ੍ਤਿ ਯੋਜਨਾ। ਨਾਨੂਪਚਾਰੇਪੀਤਿ ਪਿਸਦ੍ਦੇਨ ਏਕੂਪਚਾਰੇ ਪਨ ਕਾ ਨਾਮ ਕਥਾਤਿ ਦਸ੍ਸੇਤਿ । ਏਤ੍ਥਾਤਿ ਏਕਚ੍ਛਨ੍ਨੇ ਆવਾਸਾਦਿਕੇ, ਸਚੇ ਨਿਪਜ੍ਜਤੀਤਿ ਸਮ੍ਬਨ੍ਧੋ। ਤਸ੍ਮਿਨ੍ਤਿ ਸਟ੍ਠਿવਸ੍ਸੇਪਿ ਪਾਰਿવਾਸਿਕੇ।
81. Āvāsādīnaṃ sarūpaṃ dassento āha ‘‘āvāso nāmā’’tiādi. Tatiyapadenāti ‘‘āvāse vā anāvāse vā’’ti tatiyapadena. Etesūti āvāsādīsu. Chadanatoti chadanakoṭito. Antoāvāseti bhittiparicchinne antoāvāse. Avisesenāti ‘‘ukkhittako’’ti vā ‘‘pārivāsiko’’ti vā visesaṃ akatvā sāmaññena. Udakapātenāti chadanato udakaṃ patati etthāti udakapāto, tena. Pañcavaṇṇacchadanabaddhaṭṭhānesūti pañcapamāṇena chadanena baddhaṭṭhānesu etesu āvāsesūti sambandho. Pārivāsikassa ca ukkhittakassa ca pakatattena saddhiṃ vāritanti yojanā. Nānūpacārepīti pisaddena ekūpacāre pana kā nāma kathāti dasseti . Etthāti ekacchanne āvāsādike, sace nipajjatīti sambandho. Tasminti saṭṭhivassepi pārivāsike.
વੁਟ੍ਠਾਤਬ੍ਬਂ, ਨਿਮਨ੍ਤੇਤਬ੍ਬੋਤਿ ਏਤ੍ਥ ਕਿਂ ਅਤ੍ਤਨੋ વੁਡ੍ਢਤਰਂ ਪਕਤਤ੍ਤਂ ਦਿਸ੍વਾ વੁਟ੍ਠਾਤਬ੍ਬਂ, ਨਿਮਨ੍ਤੇਤਬ੍ਬੋਤਿ ਆਹ ‘‘ਤਦਹੁਪਸਮ੍ਪਨ੍ਨਮ੍ਪੀ’’ਤਿਆਦਿ। ਓਬੁਦ੍ਧਨ੍ਤਿ ਪਲਿਬੁਦ੍ਧਂ। ਏਕਾਸਨੇਤਿ ਏਤ੍ਥ ਏਕਸਦ੍ਦੋ ਸਮਾਨਪਰਿਯਾਯੋਤਿ ਆਹ ‘‘ਸਮਾਨવਸ੍ਸਿਕਾਸਨੇ’’ਤਿ, ਸਮਾਨવਸ੍ਸਿਕਾਨਂ ਆਸਨੇਤਿ ਅਤ੍ਥੋ। ਛਮਾਯਂ ਨਿਸਿਨ੍ਨੇਤਿ ਏਤ੍ਥ ਛਮਾਸਦ੍ਦੋ ਭੂਮਿਪਰਿਯਾਯੋਤਿ ਆਹ ‘‘ਭੂਮਿਯਂ ਨਿਸਿਨ੍ਨੇ’’ਤਿ। ਇਤਰੇਨਾਤਿ ਪਾਰਿવਾਸਿਕੇਨ। ਸਹਾਯੇਨ ਸਦ੍ਧਿਂ ਚਙ੍ਕਮਤਿ વਿਯਾਤਿ ਯੋਜਨਾ। ‘‘ਏਕਸ੍ਮਿਂ ਚਙ੍ਕਮੇ’’ਤਿ ਇਮਿਨਾ ਏਕਚਙ੍ਕਮਸਦ੍ਦਸ੍ਸ ਤੁਲ੍ਯਾਧਿਕਰਣਸਮਾਸવਾਕ੍ਯਂ ਦਸ੍ਸੇਤਿ।
Vuṭṭhātabbaṃ, nimantetabboti ettha kiṃ attano vuḍḍhataraṃ pakatattaṃ disvā vuṭṭhātabbaṃ, nimantetabboti āha ‘‘tadahupasampannampī’’tiādi. Obuddhanti palibuddhaṃ. Ekāsaneti ettha ekasaddo samānapariyāyoti āha ‘‘samānavassikāsane’’ti, samānavassikānaṃ āsaneti attho. Chamāyaṃ nisinneti ettha chamāsaddo bhūmipariyāyoti āha ‘‘bhūmiyaṃ nisinne’’ti. Itarenāti pārivāsikena. Sahāyena saddhiṃ caṅkamati viyāti yojanā. ‘‘Ekasmiṃ caṅkame’’ti iminā ekacaṅkamasaddassa tulyādhikaraṇasamāsavākyaṃ dasseti.
ਛਮਾਯਂ ਚਙ੍ਕਮਨ੍ਤਨ੍ਤਿ ਏਤ੍ਥ ਭੁਮ੍ਮਤ੍ਥੇ ਉਪਯੋਗવਚਨਨ੍ਤਿ ਆਹ ‘‘ਛਮਾਯਂ ਚਙ੍ਕਮਨ੍ਤੇ’’ਤਿ। ਅਯਂ ਪਨਾਤਿ વਕ੍ਖਮਾਨੋ ਪਨ। ਏਤ੍ਥਾਤਿ ‘‘ਛਮਾਯਂ ਚਙ੍ਕਮਨ੍ਤੇ’’ਤਿ ਪਾਠੇ। ਚਙ੍ਕਮਨ੍ਤੇਤਿ ਪਕਤਤ੍ਤੇ ਚਙ੍ਕਮਨ੍ਤੇ। ਨ ਚਙ੍ਕਮਿਤਬ੍ਬਨ੍ਤਿ ਪਾਰਿવਾਸਿਕੇਨ ਨ ਚਙ੍ਕਮਿਤਬ੍ਬਂ। ਕੋ ਪਨ વਾਦੋ ਇਟ੍ਠਕਾਚਯਸਮ੍ਪਨ੍ਨੇ વੇਦਿਕਾਪਰਿਕ੍ਖਿਤ੍ਤੇ ਇਤਿ ਅਤ੍ਥੋਤਿ ਯੋਜਨਾ। ਪਬ੍ਬਤਨ੍ਤਰવਨਨ੍ਤਰਗੁਮ੍ਬਨ੍ਤਰੇਸੂਤਿ ਪਬ੍ਬਤਮਜ੍ਝવਨਮਜ੍ਝਗੁਮ੍ਬਮਜ੍ਝੇਸੁ, ਪਬ੍ਬਤવਿવਰવਨવਿવਰਗੁਮ੍ਬવਿવਰੇਸੁ વਾ। ਉਪਚਾਰਨ੍ਤਿ ਦ੍વਾਦਸਹਤ੍ਥਂ ਉਪਚਾਰਂ।
Chamāyaṃ caṅkamantanti ettha bhummatthe upayogavacananti āha ‘‘chamāyaṃ caṅkamante’’ti. Ayaṃ panāti vakkhamāno pana. Etthāti ‘‘chamāyaṃ caṅkamante’’ti pāṭhe. Caṅkamanteti pakatatte caṅkamante. Na caṅkamitabbanti pārivāsikena na caṅkamitabbaṃ. Ko pana vādo iṭṭhakācayasampanne vedikāparikkhitte iti atthoti yojanā. Pabbatantaravanantaragumbantaresūti pabbatamajjhavanamajjhagumbamajjhesu, pabbatavivaravanavivaragumbavivaresu vā. Upacāranti dvādasahatthaṃ upacāraṃ.
੮੨. ਇਤਰੋਤਿ ਨવਕੋ। ਅਸ੍ਸਾਤਿ ਨવਕਸ੍ਸ। ਨ વਤ੍ਤਭੇਦੇ ਦੁਕ੍ਕਟਨ੍ਤਿ ਅਞ੍ਞਾਤਤ੍ਤਾ ਨ વਤ੍ਤਭੇਦੇ ਦੁਕ੍ਕਟਂ। ਏਸੇવ ਨਯੋ ਸਬ੍ਬਤ੍ਥ। ਅਪਚ੍ਛਾਪੁਰਿਮਨ੍ਤਿ ਅਪਚ੍ਛਾ ਅਪੁਰਿਮਂ, ਏਕਪਹਾਰੇਨਾਤਿ ਅਤ੍ਥੋ। ਸਮવਸ੍ਸਾ ਦ੍વੇ ਪਾਰਿવਾਸਿਕਾਤਿ ਯੋਜਨਾ। ਦ੍વਿਨ੍ਨਂ ਪਾਰਿવਾਸਿਕਾਨਂ ਏਕਤੋ વਸਨਦੋਸਂ ਦਸ੍ਸੇਨ੍ਤੋ ਆਹ ‘‘ਸਚੇ ਹਿ ਦ੍વੇ’’ਤਿਆਦਿ। ਨੇਸਨ੍ਤਿ ਦ੍વਿਨ੍ਨਂ ਪਾਰਿવਾਸਿਕਾਨਂ। ਏਤ੍ਥਾਤਿ ਪਾਰਿવਾਸਿਕਾਦੀਸੁ ਪਞ੍ਚਸੁ ਭਿਕ੍ਖੂਸੁ। ਮੂਲਾਯਪਟਿਕਸ੍ਸਨਾਰਹਾਦਯੋ ਚਤ੍ਤਾਰੋਤਿ ਯੋਜਨਾ।
82.Itaroti navako. Assāti navakassa. Na vattabhede dukkaṭanti aññātattā na vattabhede dukkaṭaṃ. Eseva nayo sabbattha. Apacchāpurimanti apacchā apurimaṃ, ekapahārenāti attho. Samavassā dve pārivāsikāti yojanā. Dvinnaṃ pārivāsikānaṃ ekato vasanadosaṃ dassento āha ‘‘sace hi dve’’tiādi. Nesanti dvinnaṃ pārivāsikānaṃ. Etthāti pārivāsikādīsu pañcasu bhikkhūsu. Mūlāyapaṭikassanārahādayo cattāroti yojanā.
ਪਰਿવਾਸਦਾਨਾਦੀਨੀਤਿ ਆਦਿਸਦ੍ਦੇਨ ਮੂਲਾਯਪਟਿਕਸ੍ਸਨਮਾਨਤ੍ਤਦਾਨਅਬ੍ਭਾਨਾਨਿ ਸਙ੍ਗਣ੍ਹਾਤਿ। ਏਤੇਸ੍વੇવਾਤਿ ਪਰਿવਾਸਦਾਨਾਦੀਸੁ ਏવ। ਅਯਨ੍ਤਿ ਪਾਰਿવਾਸਿਕੋ।
Parivāsadānādīnīti ādisaddena mūlāyapaṭikassanamānattadānaabbhānāni saṅgaṇhāti. Etesvevāti parivāsadānādīsu eva. Ayanti pārivāsiko.
੮੩. ‘‘ਅਥ ਖੋ ਆਯਸ੍ਮਾ ਉਪਾਲੀ’’ਤਿਆਦਿવਚਨਸ੍ਸ ਅਨੁਸਨ੍ਧਿਂ ਦਸ੍ਸੇਨ੍ਤੋ ਆਹ ‘‘ਇਮਂ ਪਨਾ’’ਤਿਆਦਿ । ਰਹੋਗਤਸ੍ਸ ਉਪਾਲਿਤ੍ਥੇਰਸ੍ਸਾਤਿ ਯੋਜਨਾ। ਅਥ વਾ ਅਨਾਦਰੇ ਸਾਮਿવਚਨਂ ਕਤ੍વਾ ਉਪਾਲਿਤ੍ਥੇਰਸ੍ਸ ਰਹੋਗਤਸ੍ਸਾਤਿ ਯੋਜਨਾ ਕਾਤਬ੍ਬਾ। ਏਤ੍ਥਾਤਿ ਪਾਰਿવਾਸਿਕવਤ੍ਤੇ। ਸੋਤਿ ਉਪਾਲਿਤ੍ਥੇਰੋ। ਅਸ੍ਸਾਤਿ ਉਪਾਲਿਤ੍ਥੇਰਸ੍ਸ। ਤਤ੍ਥਾਤਿ ਤੀਸੁ ਰਤ੍ਤਿਚ੍ਛੇਦੇਸੁ। ਯ੍વਾਯਨ੍ਤਿ ਯੋ ਅਯਂ, ਏਕਤੋ વਾਸੋਤਿ ਸਮ੍ਬਨ੍ਧੋ। ਸੋ વਾਸੋ ਸਹવਾਸੋ ਨਾਮਾਤਿ ਯੋਜਨਾ। વਿਪ੍ਪવਾਸੋਤਿ ਏਤ੍ਥ ਪਕਤਤ੍ਤੇਨ વਿਪ੍ਪਯੁਤ੍ਤੋ ਹੁਤ੍વਾ વਾਸੋਤਿ ਦਸ੍ਸੇਨ੍ਤੋ ਆਹ ‘‘ਏਕਕਸ੍ਸੇવ વਾਸੋ’’ਤਿ। ਆਗਨ੍ਤੁਕਾਦੀਨਨ੍ਤਿ ਆਦਿਸਦ੍ਦੇਨ ਆવਾਸਿਕਾ ਗਹੇਤਬ੍ਬਾ।
83. ‘‘Atha kho āyasmā upālī’’tiādivacanassa anusandhiṃ dassento āha ‘‘imaṃ panā’’tiādi . Rahogatassa upālittherassāti yojanā. Atha vā anādare sāmivacanaṃ katvā upālittherassa rahogatassāti yojanā kātabbā. Etthāti pārivāsikavatte. Soti upālitthero. Assāti upālittherassa. Tatthāti tīsu ratticchedesu. Yvāyanti yo ayaṃ, ekato vāsoti sambandho. So vāso sahavāso nāmāti yojanā. Vippavāsoti ettha pakatattena vippayutto hutvā vāsoti dassento āha ‘‘ekakasseva vāso’’ti. Āgantukādīnanti ādisaddena āvāsikā gahetabbā.
੮੪. ਤਤ੍ਥ ਤਤ੍ਥਾਤਿ ਤਂ ਤਂ ਠਾਨਂ। ਦ੍વੀਸੁ ਪਦੇਸੂਤਿ ਦ੍વੀਸੁ વਾਕ੍ਯਸਙ੍ਖਾਤੇਸੁ ਪਦੇਸੁ। ਏਕੇਨੇਕੇਨਪੀਤਿ ਏਕੇਨ ਏਕੇਨ વਾਕ੍ਯਪਦੇਨਪਿ। ਪਰਿવਸਿਯਿਤ੍ਥਾਤਿ ਪਰਿવੁਤ੍ਥੋ, ਪਰਿવੁਤ੍ਥੋ ਪਰਿવਾਸੋ ਏਤਸ੍ਸਾਤਿ ਪਰਿવੁਤ੍ਥਪਰਿવਾਸੋ, ਤਸ੍ਸ। ਹੀਤਿ ਸਚ੍ਚਂ। ਏਸਾਤਿ ਏਸੋ ਭਿਕ੍ਖੂਤਿ ਸਮ੍ਬਨ੍ਧੋ। ਸੁਦ੍ਧਨ੍ਤੇਤਿ ਸੁਦ੍ਧਕੋਟ੍ਠਾਸੇ। ਦੁਕ੍ਖਸ੍ਸਾਤਿ વਟ੍ਟਦੁਕ੍ਖਸ੍ਸ। ਅਨ੍ਤਨ੍ਤਿ ਅવਸਾਨਂ, વਿਨਾਸਂ વਾ।
84.Tattha tatthāti taṃ taṃ ṭhānaṃ. Dvīsu padesūti dvīsu vākyasaṅkhātesu padesu. Ekenekenapīti ekena ekena vākyapadenapi. Parivasiyitthāti parivuttho, parivuttho parivāso etassāti parivutthaparivāso, tassa. Hīti saccaṃ. Esāti eso bhikkhūti sambandho. Suddhanteti suddhakoṭṭhāse. Dukkhassāti vaṭṭadukkhassa. Antanti avasānaṃ, vināsaṃ vā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੧. ਪਾਰਿવਾਸਿਕવਤ੍ਤਂ • 1. Pārivāsikavattaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਪਾਰਿવਾਸਿਕવਤ੍ਤਕਥਾ • Pārivāsikavattakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਾਰਿવਾਸਿਕવਤ੍ਤਕਥਾવਣ੍ਣਨਾ • Pārivāsikavattakathāvaṇṇanā
