| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
2. баариваасигагканд̇хагам̣
2. Pārivāsikakkhandhakaṃ
баариваасигавад̇д̇агат̇ааван̣н̣анаа
Pārivāsikavattakathāvaṇṇanā
75. баариваасигагканд̇хагз навагад̇арам̣ баариваасиганд̇и ад̇д̇ано навагад̇арам̣ баариваасигам̣. баариваасигасса хи ад̇д̇ано навагад̇арам̣ баариваасигам̣ табзд̇ваа ан̃н̃з муулааяабадигассанаарахамаанад̇д̇аарахамаанад̇д̇ажааригааб̣бхаанаарахааби багад̇ад̇д̇адтаанзязва д̇идтанд̇и. д̇знааха ‘‘анд̇амасо муулааяабаагассанаарахаад̣̇ийнамбий’’д̇и. баад̣̇з гхам̣сзнд̇и зд̇знаад̇и баад̣̇агхам̣санам̣, сагкарагат̇алаад̣̇и. ‘‘ануж̇аанаами, бхигкавз, д̇иссо баад̣̇агхам̣санияо сагкарам̣ гат̇алам̣ самуд̣̇д̣̇апзн̣ага’’нд̇и (жуул̣ава. 269) хи вуд̇д̇ам̣. сад̣̇д̇хивихааригаад̣̇ийнамби саад̣̇ияанд̇ассаад̇и сад̣̇д̇хивихааригаанамби абхиваад̣̇анаад̣̇им̣ саад̣̇ияанд̇асса. ‘‘маа мам̣ г̇аамаббавзсанам̣ аабужчат̇аа’’д̇и вуд̇д̇з анаабужчааби г̇аамам̣ бависид̇ум̣ ваддад̇и. яо яо вуд̣дход̇и баариваасигзсу бхигкуусу яо яо вуд̣дхо. навагад̇арасса саад̣̇ид̇унд̇и баариваасиганавагад̇арасса абхиваад̣̇анаад̣̇им̣ саад̣̇ид̇ум̣.
75. Pārivāsikakkhandhake navakataraṃ pārivāsikanti attano navakataraṃ pārivāsikaṃ. Pārivāsikassa hi attano navakataraṃ pārivāsikaṃ ṭhapetvā aññe mūlāyapaṭikassanārahamānattārahamānattacārikaabbhānārahāpi pakatattaṭṭhāneyeva tiṭṭhanti. Tenāha ‘‘antamaso mūlāyapaakassanārahādīnampī’’ti. Pāde ghaṃsenti etenāti pādaghaṃsanaṃ, sakkharakathalādi. ‘‘Anujānāmi, bhikkhave, tisso pādaghaṃsaniyo sakkharaṃ kathalaṃ samuddapheṇaka’’nti (cūḷava. 269) hi vuttaṃ. Saddhivihārikādīnampi sādiyantassāti saddhivihārikānampi abhivādanādiṃ sādiyantassa. ‘‘Mā maṃ gāmappavesanaṃ āpucchathā’’ti vutte anāpucchāpi gāmaṃ pavisituṃ vaṭṭati. Yo yo vuḍḍhoti pārivāsikesu bhikkhūsu yo yo vuḍḍho. Navakatarassa sāditunti pārivāsikanavakatarassa abhivādanādiṃ sādituṃ.
д̇ад̇т̇зваад̇и сан̇гханавагадтаанзязва. ад̇д̇ано баал̣ияаа баваарзд̇аб̣б̣анд̇и ад̇д̇ано вассаг̇г̇зна бад̇д̇абаал̣ияаа баваарзд̇аб̣б̣ам̣, на бана саб̣б̣зсу баваарид̇зсууд̇и ад̇т̇о. яад̣̇и бана на г̇ан̣хаад̇и на виссаж̇ж̇зд̇ийд̇и яад̣̇и буримад̣̇ивасз ад̇д̇ано на г̇ан̣хаад̇и г̇ахзд̇ваа жа на виссаж̇ж̇зд̇и. жад̇уссаалабхад̇д̇анд̇и бхож̇анасаалааяам̣ бадибаадияаа д̣̇ияяамаанабхад̇д̇ам̣. хад̇т̇абаасз тид̇знаад̇и д̣̇ааяагасса хад̇т̇абаасз тид̇зна.
Tatthevāti saṅghanavakaṭṭhāneyeva. Attano pāḷiyā pavāretabbanti attano vassaggena pattapāḷiyā pavāretabbaṃ, na pana sabbesu pavāritesūti attho. Yadi pana na gaṇhāti na vissajjetīti yadi purimadivase attano na gaṇhāti gahetvā ca na vissajjeti. Catussālabhattanti bhojanasālāyaṃ paṭipāṭiyā diyyamānabhattaṃ. Hatthapāse ṭhitenāti dāyakassa hatthapāse ṭhitena.
76. ан̃н̃о сааман̣зро на г̇ахзд̇аб̣б̣од̇и убаж̇жхааязна худ̇ваа ан̃н̃о сааман̣зро на г̇ахзд̇аб̣б̣о. убаж̇жхам̣ д̣̇ад̇ваа г̇ахид̇асааман̣зраабийд̇и багад̇ад̇д̇агаалз убаж̇жхам̣ д̣̇ад̇ваа г̇ахид̇асааман̣зрааби. лад̣̇д̇хасаммуд̇игзна аан̣ад̇д̇оби г̇аруд̇хаммзхи ан̃н̃зхи ваа овад̣̇ид̇ум̣ лабхад̇ийд̇и ааха ‘‘бадиб̣аласса ваа бхигкусса бхааро гаад̇аб̣б̣о’’д̇и. ааг̇ад̇аа бхигкунияо вад̇д̇аб̣б̣аад̇и самб̣анд̇хо. саважанийяанд̇и сад̣̇осам̣ . ж̇здтагадтаанам̣ на гаад̇аб̣б̣анд̇и бад̇хаанадтаанам̣ на гаад̇аб̣б̣ам̣. гим̣ д̇анд̇и ааха ‘‘баад̇имогкуд̣̇д̣̇зсагзна ваа’’д̇иаад̣̇и.
76.Añño sāmaṇero na gahetabboti upajjhāyena hutvā añño sāmaṇero na gahetabbo. Upajjhaṃ datvā gahitasāmaṇerāpīti pakatattakāle upajjhaṃ datvā gahitasāmaṇerāpi. Laddhasammutikena āṇattopi garudhammehi aññehi vā ovadituṃ labhatīti āha ‘‘paṭibalassa vā bhikkhussa bhāro kātabbo’’ti. Āgatā bhikkhuniyo vattabbāti sambandho. Savacanīyanti sadosaṃ . Jeṭṭhakaṭṭhānaṃ na kātabbanti padhānaṭṭhānaṃ na kātabbaṃ. Kiṃ tanti āha ‘‘pātimokkhuddesakena vā’’tiādi.
раж̇зхи хад̇аа убахад̇аа бхууми зд̇иссаад̇и раж̇охад̇абхууми, раж̇огин̣н̣абхуумийд̇и ад̇т̇о. бажжаяанд̇и вассааваасигалаабхам̣ санд̇хааяа вуд̇д̇ам̣. згабассз тад̇ваад̇и баал̣им̣ вихааяа бхигкуунам̣ бажчад̇о тад̇ваа. сзнаасанам̣ на лабхад̇ийд̇и сзяяаабарияанд̇абхааг̇ид̇ааяа вассаг̇г̇зна г̇ан̣хид̇ум̣ на лабхад̇и. ассаад̇и бхавзяяа. ‘‘ааг̇анд̇угзна аарожзд̇аб̣б̣ам̣, ааг̇анд̇угасса аарожзд̇аб̣б̣а’’нд̇и ависзсзна вуд̇д̇ад̇д̇аа сажз д̣̇вз баариваасигаа г̇ад̇адтаанз ан̃н̃аман̃н̃ам̣ бассанд̇и, убхохиби ан̃н̃аман̃н̃асса аарожзд̇аб̣б̣ам̣. яат̇аа б̣ахи д̣̇исваа аарожид̇асса бхигкуно вихаарам̣ ааг̇ад̇з буна аарожанагижжам̣ над̇т̇и, звам̣ ан̃н̃ам̣ вихаарам̣ г̇ад̇знаби д̇ад̇т̇а буб̣б̣з аарожид̇асса буна аарожанагижжам̣ над̇т̇ийд̇и вад̣̇анд̇и.
Rajehi hatā upahatā bhūmi etissāti rajohatabhūmi, rajokiṇṇabhūmīti attho. Paccayanti vassāvāsikalābhaṃ sandhāya vuttaṃ. Ekapasse ṭhatvāti pāḷiṃ vihāya bhikkhūnaṃ pacchato ṭhatvā. Senāsanaṃ na labhatīti seyyāpariyantabhāgitāya vassaggena gaṇhituṃ na labhati. Assāti bhaveyya. ‘‘Āgantukena ārocetabbaṃ, āgantukassa ārocetabba’’nti avisesena vuttattā sace dve pārivāsikā gataṭṭhāne aññamaññaṃ passanti, ubhohipi aññamaññassa ārocetabbaṃ. Yathā bahi disvā ārocitassa bhikkhuno vihāraṃ āgate puna ārocanakiccaṃ natthi, evaṃ aññaṃ vihāraṃ gatenapi tattha pubbe ārocitassa puna ārocanakiccaṃ natthīti vadanti.
81. ависзсзнаад̇и баариваасигасса угкид̇д̇агасса жа ависзсзна. об̣ад̣̇д̇ханд̇и балиб̣уд̣̇д̇хам̣.
81.Avisesenāti pārivāsikassa ukkhittakassa ca avisesena. Obaddhanti palibuddhaṃ.
83. сахаваасод̇и вуд̇д̇аббагаарз чаннз багад̇ад̇д̇зна бхигкунаа сад̣̇д̇хим̣ саяанамзва ад̇хиббзд̇ам̣, на сзсаирияаабат̇агаббанам̣. сзсамзд̇т̇а сувин̃н̃зяяамзва.
83.Sahavāsoti vuttappakāre channe pakatattena bhikkhunā saddhiṃ sayanameva adhippetaṃ, na sesairiyāpathakappanaṃ. Sesamettha suviññeyyameva.
баариваасигагканд̇хагаван̣н̣анаа нидтид̇аа.
Pārivāsikakkhandhakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 1. баариваасигавад̇д̇ам̣ • 1. Pārivāsikavattaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / баариваасигавад̇д̇агат̇аа • Pārivāsikavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баариваасигавад̇д̇агат̇ааван̣н̣анаа • Pārivāsikavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баариваасигавад̇д̇агат̇ааван̣н̣анаа • Pārivāsikavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. баариваасигавад̇д̇агат̇аа • 1. Pārivāsikavattakathā
