| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
2. баариваасигагканд̇хагаван̣н̣анаа
2. Pārivāsikakkhandhakavaṇṇanā
баариваасигавад̇д̇агат̇ааван̣н̣анаа
Pārivāsikavattakathāvaṇṇanā
75. баариваасигагканд̇хагз ‘‘маа мам̣ г̇аамаббавзсанам̣ аабужчат̇аад̇и вуд̇д̇з анаабужчааби г̇аамам̣ бависид̇ум̣ ваддад̇ий’’д̇и вад̣̇анд̇и. сан̇гхо ад̇д̇ано бад̇д̇адтаанз г̇ахзд̇ум̣ ваддад̇и. он̣ож̇анам̣ наама виссаж̇ж̇анам̣. ‘‘д̇ам̣ бана баариваасигзна баабид̇асса ад̇д̇анаа самбадижчид̇ассзва бунад̣̇ивасаад̣̇иад̇т̇ааяа виссаж̇ж̇анам̣ гаад̇аб̣б̣ам̣, асамбадижчид̇вааязва жз виссаж̇ж̇зд̇и, на лабхад̇ий’’д̇и вуд̇д̇ам̣.
75. Pārivāsikakkhandhake ‘‘mā maṃ gāmappavesanaṃ āpucchathāti vutte anāpucchāpi gāmaṃ pavisituṃ vaṭṭatī’’ti vadanti. Saṅgho attano pattaṭṭhāne gahetuṃ vaṭṭati. Oṇojanaṃ nāma vissajjanaṃ. ‘‘Taṃ pana pārivāsikena pāpitassa attanā sampaṭicchitasseva punadivasādiatthāya vissajjanaṃ kātabbaṃ, asampaṭicchitvāyeva ce vissajjeti, na labhatī’’ti vuttaṃ.
76. багад̇ияаава ниссаяод̇и зд̇т̇а ‘‘анд̇зваасигаанам̣ аалаяасаб̣бхаавз яаава вассуубанааяигад̣̇ивасо, д̇аава габбад̇и, д̇асса аалаяасса саб̣бхаавз ниссаяо на бадиббассамбхад̇ийд̇и жз? на ваддад̇и. д̇ад̇т̇а ид̣̇аани камаабзяяаамийд̇иаад̣̇инаа ваддад̇ий’’д̇и вуд̇д̇ам̣. д̇ад̇т̇а зганд̇зна виссадтад̇д̇аа, ид̇ха бана зганд̇знзва д̣̇виннамби самабхааво ижчид̇аб̣б̣о зваад̇и згз. бадиб̣аласса ваа бхигкуссаад̇и зд̇т̇а ‘‘лад̣̇д̇хасаммуд̇игзна аан̣ад̇д̇оби г̇аруд̇хаммзхи, ан̃н̃зхи ваа овад̣̇ид̇ум̣ на лабхад̇ий’’д̇и ликид̇ам̣. д̇ад̇о ваа баабидтад̇араад̇и зд̇т̇а ‘‘асан̃жижжа аабаннасан̃жарид̇д̇ад̇о суггависсадти баабидтад̇араад̇и аяамби наяо яож̇зд̇аб̣б̣о’’д̇и вуд̇д̇ам̣. бажжаяанд̇и вассааваасигам̣. сзнаасанам̣ на лабхад̇и сзяяабарияанд̇абхааг̇ид̇ааяа. ‘‘уд̣̇д̣̇зсаад̣̇ийни д̣̇аад̇умби на лабхад̇ий’’д̇и вад̣̇анд̇и. ‘‘сажз д̣̇вз баариваасигаа г̇ад̇адтаанз ан̃н̃аман̃н̃ам̣ бассанд̇и, убхохиби ан̃н̃аман̃н̃асса аарожзд̇аб̣б̣ам̣ ависзсзна ‘ааг̇анд̇угзна аарожзд̇аб̣б̣ам̣, ааг̇анд̇угасса аарожзд̇аб̣б̣а’нд̇и вуд̇д̇ад̇д̇аа’’д̇и вуд̇д̇ам̣. ан̃н̃авихаараг̇ад̇знааби д̇ад̇т̇а буб̣б̣з аарожид̇асса бунаарожанагижжам̣ над̇т̇и. ‘‘анигкид̇д̇авад̇д̇асса б̣ахи аарожид̇асса яат̇аа буна вихаарз аарожанагижжам̣ над̇т̇и, звам̣ ‘ааг̇анд̇угасод̇ханад̇т̇ам̣ убосат̇ад̣̇ивасз аарожзд̇аб̣б̣а’нд̇и важанан̃хзд̇т̇а саад̇хага’’нд̇и вад̣̇анд̇и.
76.Pakatiyāva nissayoti ettha ‘‘antevāsikānaṃ ālayasabbhāve yāva vassūpanāyikadivaso, tāva kappati, tassa ālayassa sabbhāve nissayo na paṭippassambhatīti ce? Na vaṭṭati. Tattha idāni khamāpeyyāmītiādinā vaṭṭatī’’ti vuttaṃ. Tattha ekantena vissaṭṭhattā, idha pana ekanteneva dvinnampi samabhāvo icchitabbo evāti eke. Paṭibalassa vā bhikkhussāti ettha ‘‘laddhasammutikena āṇattopi garudhammehi, aññehi vā ovadituṃ na labhatī’’ti likhitaṃ. Tato vā pāpiṭṭhatarāti ettha ‘‘asañcicca āpannasañcarittato sukkavissaṭṭhi pāpiṭṭhatarāti ayampi nayo yojetabbo’’ti vuttaṃ. Paccayanti vassāvāsikaṃ. Senāsanaṃ na labhati seyyapariyantabhāgitāya. ‘‘Uddesādīni dātumpi na labhatī’’ti vadanti. ‘‘Sace dve pārivāsikā gataṭṭhāne aññamaññaṃ passanti, ubhohipi aññamaññassa ārocetabbaṃ avisesena ‘āgantukena ārocetabbaṃ, āgantukassa ārocetabba’nti vuttattā’’ti vuttaṃ. Aññavihāragatenāpi tattha pubbe ārocitassa punārocanakiccaṃ natthi. ‘‘Anikkhittavattassa bahi ārocitassa yathā puna vihāre ārocanakiccaṃ natthi, evaṃ ‘āgantukasodhanatthaṃ uposathadivase ārocetabba’nti vacanañhettha sādhaka’’nti vadanti.
81. згажчаннз нисиннассааби рад̇д̇ижчзд̣̇ад̣̇уггадаабад̇д̇ияо хонд̇ийд̇и згз. ависзсзнаад̇и баариваасигасса угкид̇д̇агассаад̇и имам̣ бхзд̣̇ам̣ агад̇ваа. ‘‘д̇ад̣̇ахубасамбаннзби багад̇ад̇д̇з’’д̇и важанад̇о анубасамбаннзхи васид̇ум̣ ваддад̇и. ‘‘самавассаад̇и зд̇зна абажчаа абуримам̣ нибаж̇ж̇анз д̣̇виннамби вад̇д̇абхзд̣̇аабад̇д̇ибхаавам̣ д̣̇ийбзд̇ий’’д̇и ликид̇ам̣.
81. Ekacchanne nisinnassāpi ratticchedadukkaṭāpattiyo hontīti eke. Avisesenāti pārivāsikassa ukkhittakassāti imaṃ bhedaṃ akatvā. ‘‘Tadahupasampannepi pakatatte’’ti vacanato anupasampannehi vasituṃ vaṭṭati. ‘‘Samavassāti etena apacchā apurimaṃ nipajjane dvinnampi vattabhedāpattibhāvaṃ dīpetī’’ti likhitaṃ.
баариваасигавад̇д̇агат̇ааван̣н̣анаа нидтид̇аа.
Pārivāsikavattakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 1. баариваасигавад̇д̇ам̣ • 1. Pārivāsikavattaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / баариваасигавад̇д̇агат̇аа • Pārivāsikavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баариваасигавад̇д̇агат̇ааван̣н̣анаа • Pārivāsikavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баариваасигавад̇д̇агат̇ааван̣н̣анаа • Pārivāsikavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. баариваасигавад̇д̇агат̇аа • 1. Pārivāsikavattakathā
