| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
2. баариваасигагканд̇хаго
2. Pārivāsikakkhandhako
баариваасигавад̇д̇агат̇ааван̣н̣анаа
Pārivāsikavattakathāvaṇṇanā
75. баариваасигагканд̇хагз анд̇амасо муулааяабадигассанаарахаад̣̇ийнамбийд̇и аад̣̇и-сад̣̇д̣̇зна маанад̇д̇аарахамаанад̇д̇ажааригааб̣бхаанаарахз сан̇г̇ан̣хаад̇и. д̇з хи баариваасигаанам̣, баариваасигаа жа д̇зсам̣ багад̇ад̇д̇адтаанз зва д̇идтанд̇и. ад̇ход̇абаад̣̇адтабанаганд̇и яад̇т̇а тад̇ваа баад̣̇з д̇хованд̇и, д̇аад̣̇исам̣ д̣̇аарупалагакан̣д̣аад̣̇им̣. баад̣̇агхам̣сананд̇и сагкарагат̇алаад̣̇им̣. ‘‘вад̇д̇ам̣ гаронд̇ий’’д̇и зд̇д̇агамад̇д̇ассзва вуд̇д̇ад̇д̇аа сад̣̇д̇хивихааригаад̣̇ийхиби абхиваад̣̇анаад̣̇им̣ гаад̇ум̣ на ваддад̇и.
75. Pārivāsikakkhandhake antamaso mūlāyapaṭikassanārahādīnampīti ādi-saddena mānattārahamānattacārikaabbhānārahe saṅgaṇhāti. Te hi pārivāsikānaṃ, pārivāsikā ca tesaṃ pakatattaṭṭhāne eva tiṭṭhanti. Adhotapādaṭṭhapanakanti yattha ṭhatvā pāde dhovanti, tādisaṃ dāruphalakakhaṇḍādiṃ. Pādaghaṃsananti sakkharakathalādiṃ. ‘‘Vattaṃ karontī’’ti ettakamattasseva vuttattā saddhivihārikādīhipi abhivādanādiṃ kātuṃ na vaṭṭati.
‘‘баарисуд̣̇д̇хиубосат̇з гарияамаанз’’д̇и ид̣̇ам̣ бавааран̣аад̣̇ивасзсу сан̇гхз баваарзнд̇з анубаг̇ад̇ачиннавассаад̣̇ийхи гарияамаанабаарисуд̣̇д̇хиубосат̇амби санд̇хааяа вуд̇д̇ам̣. ад̇д̇ано баал̣ияаад̇и навагаанам̣ бурад̇о.
‘‘Pārisuddhiuposathe kariyamāne’’ti idaṃ pavāraṇādivasesu saṅghe pavārente anupagatachinnavassādīhi kariyamānapārisuddhiuposathampi sandhāya vuttaṃ. Attano pāḷiyāti navakānaṃ purato.
‘‘баариваасигассзваа’’д̇и ид̣̇ам̣ аб̣бхаанаарахабарияосаанз саб̣б̣з г̇аругадтз санд̇хааяа вуд̇д̇ам̣. д̇зсамби бажжзгам̣ он̣ож̇анасса анун̃н̃аад̇ад̇д̇аа д̇ад̣̇авасзсаа багад̇ад̇д̇аа зва д̇ам̣ на лабханд̇и.
‘‘Pārivāsikassevā’’ti idaṃ abbhānārahapariyosāne sabbe garukaṭṭhe sandhāya vuttaṃ. Tesampi paccekaṃ oṇojanassa anuññātattā tadavasesā pakatattā eva taṃ na labhanti.
жад̇уссаалабхад̇д̇анд̇и бхож̇анасаалааяа бадибаадияаа д̣̇ияяамаанабхад̇д̇ам̣. хад̇т̇абаасз тид̇знаад̇и д̣̇ааяагасса хад̇т̇абаасз бадиг̇г̇ахан̣аруханадтаанзд̇и ад̇хиббааяо. махаабзл̣абхад̇д̇збийд̇и маханд̇зсу бхад̇д̇абажчиаад̣̇ибхааж̇анзсу табзд̇ваа д̣̇ияяамаанабхад̇д̇зсуби.
Catussālabhattanti bhojanasālāya paṭipāṭiyā diyyamānabhattaṃ. Hatthapāse ṭhitenāti dāyakassa hatthapāse paṭiggahaṇaruhanaṭṭhāneti adhippāyo. Mahāpeḷabhattepīti mahantesu bhattapacchiādibhājanesu ṭhapetvā diyyamānabhattesupi.
76. баабидтад̇араад̇и баарааж̇игаабад̇д̇ийд̇и уггам̣савасзна вуд̇д̇ам̣. сан̃жарид̇д̇аад̣̇ибан̣н̣ад̇д̇иваж̇ж̇ад̇о бана суггависсадтаад̣̇игаа логаваж̇ж̇аава, д̇ад̇т̇ааби сан̇гхабхзд̣̇аад̣̇игаа баабидтад̇араа зва.
76.Pāpiṭṭhatarāti pārājikāpattīti ukkaṃsavasena vuttaṃ. Sañcarittādipaṇṇattivajjato pana sukkavissaṭṭhādikā lokavajjāva, tatthāpi saṅghabhedādikā pāpiṭṭhatarā eva.
‘‘гамманд̇и баариваасигагаммаваажаа’’д̇и зд̇зна гаммабхууд̇аа ваажаад̇и гаммаваажаа-сад̣̇д̣̇асса ад̇т̇оби сид̣̇д̇ход̇и взд̣̇ид̇аб̣б̣о. саважанийяанд̇и зд̇т̇а ‘‘сад̣̇оса’’нд̇и (саарад̇т̇а. дий. жуул̣аваг̇г̇а. 3.76) ад̇т̇ам̣ вад̣̇ад̇и. ад̇д̇ано важанз бавад̇д̇анагамманд̇и звамзд̇т̇а ад̇т̇о д̣̇адтаб̣б̣о, ‘‘маа баггамаахий’’д̇и ваа ‘‘зхи винаяад̇хараанам̣ саммукийбхаава’’нд̇и ваа звам̣ ад̇д̇ано аан̣ааяа бавад̇д̇анагагаммам̣ на гаад̇аб̣б̣анд̇и ад̇хиббааяо. зван̃хи гзнажи саважанийяз гад̇з анаад̣̇арзна ад̇иггамид̇ум̣ на ваддад̇и, б̣уд̣̇д̇хасса сан̇гхасса аан̣аа ад̇игганд̇аа наама ход̇и.
‘‘Kammantipārivāsikakammavācā’’ti etena kammabhūtā vācāti kammavācā-saddassa atthopi siddhoti veditabbo. Savacanīyanti ettha ‘‘sadosa’’nti (sārattha. ṭī. cūḷavagga. 3.76) atthaṃ vadati. Attano vacane pavattanakammanti evamettha attho daṭṭhabbo, ‘‘mā pakkamāhī’’ti vā ‘‘ehi vinayadharānaṃ sammukhībhāva’’nti vā evaṃ attano āṇāya pavattanakakammaṃ na kātabbanti adhippāyo. Evañhi kenaci savacanīye kate anādarena atikkamituṃ na vaṭṭati, buddhassa saṅghassa āṇā atikkantā nāma hoti.
раж̇охад̇абхуумийд̇и бан̣н̣асаалаависзсанам̣. бажжаяанд̇и вассааваасигажийварам̣. сзнаасанам̣ на лабхад̇ийд̇и вассаг̇г̇зна на лабхад̇и.
Rajohatabhūmīti paṇṇasālāvisesanaṃ. Paccayanti vassāvāsikacīvaraṃ. Senāsanaṃ na labhatīti vassaggena na labhati.
абан̣н̣агабадибад̣̇аад̇и авирад̣̇д̇хабадибад̣̇аа. сажз вааяаманд̇обийд̇и зд̇т̇а ависаяабхаавам̣ н̃ад̇ваа авааяаманд̇оби сан̇г̇аяхад̇и.
Apaṇṇakapaṭipadāti aviraddhapaṭipadā. Sace vāyamantopīti ettha avisayabhāvaṃ ñatvā avāyamantopi saṅgayhati.
81. ависзсзнаад̇и баариваасигугкид̇д̇агаанам̣ сааман̃н̃зна. бан̃жаван̣н̣ажчад̣̇анаб̣ад̣̇д̇хадтаанзсууд̇и бан̃жаббагааражчад̣̇анзхи чаннадтаанзсу.
81.Avisesenāti pārivāsikukkhittakānaṃ sāmaññena. Pañcavaṇṇacchadanabaddhaṭṭhānesūti pañcappakāracchadanehi channaṭṭhānesu.
об̣ад̣̇д̇ханд̇и удтаанаад̣̇иб̣яаабаарабадиб̣ад̣̇д̇хам̣. бийл̣ид̇анд̇и ад̇т̇о. ман̃жз ваа бийтз ваад̇и зд̇т̇а ваа-сад̣̇д̣̇о самужжаяад̇т̇о, д̇зна д̇аддигаажаммакан̣д̣аад̣̇ийсу д̣̇ийгхаасанзсуби нисийд̣̇ид̇ум̣ на ваддад̇ийд̇и д̣̇ийбид̇ам̣ ход̇и.
Obaddhanti uṭṭhānādibyāpārapaṭibaddhaṃ. Pīḷitanti attho. Mañce vā pīṭhe vāti ettha vā-saddo samuccayattho, tena taṭṭikācammakhaṇḍādīsu dīghāsanesupi nisīdituṃ na vaṭṭatīti dīpitaṃ hoti.
на вад̇д̇абхзд̣̇ад̣̇уггаданд̇и вуд̣дхад̇арасса ж̇аананд̇ассааби вад̇д̇абхзд̣̇з д̣̇уггадам̣ над̇т̇ийд̇и д̣̇ассзд̇и. ‘‘вад̇д̇ам̣ нигкибаабзд̇ваа’’д̇и ид̣̇ам̣ баариваасаад̣̇имзва санд̇хааяа вуд̇д̇ам̣.
Na vattabhedadukkaṭanti vuḍḍhatarassa jānantassāpi vattabhede dukkaṭaṃ natthīti dasseti. ‘‘Vattaṃ nikkhipāpetvā’’ti idaṃ pārivāsādimeva sandhāya vuttaṃ.
баариваасигавад̇д̇агат̇ааван̣н̣анаа нидтид̇аа.
Pārivāsikavattakathāvaṇṇanā niṭṭhitā.
баариваасигагканд̇хагаван̣н̣анаанаяо нидтид̇о.
Pārivāsikakkhandhakavaṇṇanānayo niṭṭhito.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 1. баариваасигавад̇д̇ам̣ • 1. Pārivāsikavattaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / баариваасигавад̇д̇агат̇аа • Pārivāsikavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баариваасигавад̇д̇агат̇ааван̣н̣анаа • Pārivāsikavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баариваасигавад̇д̇агат̇ааван̣н̣анаа • Pārivāsikavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. баариваасигавад̇д̇агат̇аа • 1. Pārivāsikavattakathā
