| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੨. ਪਾਰਿવਾਸਿਕਕ੍ਖਨ੍ਧਕਂ
2. Pārivāsikakkhandhakaṃ
ਪਾਰਿવਾਸਿਕવਤ੍ਤਕਥਾવਣ੍ਣਨਾ
Pārivāsikavattakathāvaṇṇanā
੭੫. ਪਾਰਿવਾਸਿਕਕ੍ਖਨ੍ਧਕੇ ਨવਕਤਰਂ ਪਾਰਿવਾਸਿਕਨ੍ਤਿ ਅਤ੍ਤਨੋ ਨવਕਤਰਂ ਪਾਰਿવਾਸਿਕਂ। ਪਾਰਿવਾਸਿਕਸ੍ਸ ਹਿ ਅਤ੍ਤਨੋ ਨવਕਤਰਂ ਪਾਰਿવਾਸਿਕਂ ਠਪੇਤ੍વਾ ਅਞ੍ਞੇ ਮੂਲਾਯਪਟਿਕਸ੍ਸਨਾਰਹਮਾਨਤ੍ਤਾਰਹਮਾਨਤ੍ਤਚਾਰਿਕਅਬ੍ਭਾਨਾਰਹਾਪਿ ਪਕਤਤ੍ਤਟ੍ਠਾਨੇਯੇવ ਤਿਟ੍ਠਨ੍ਤਿ। ਤੇਨਾਹ ‘‘ਅਨ੍ਤਮਸੋ ਮੂਲਾਯਪਅਕਸ੍ਸਨਾਰਹਾਦੀਨਮ੍ਪੀ’’ਤਿ। ਪਾਦੇ ਘਂਸੇਨ੍ਤਿ ਏਤੇਨਾਤਿ ਪਾਦਘਂਸਨਂ, ਸਕ੍ਖਰਕਥਲਾਦਿ। ‘‘ਅਨੁਜਾਨਾਮਿ, ਭਿਕ੍ਖવੇ, ਤਿਸ੍ਸੋ ਪਾਦਘਂਸਨਿਯੋ ਸਕ੍ਖਰਂ ਕਥਲਂ ਸਮੁਦ੍ਦਫੇਣਕ’’ਨ੍ਤਿ (ਚੂਲ਼વ॰ ੨੬੯) ਹਿ વੁਤ੍ਤਂ। ਸਦ੍ਧਿવਿਹਾਰਿਕਾਦੀਨਮ੍ਪਿ ਸਾਦਿਯਨ੍ਤਸ੍ਸਾਤਿ ਸਦ੍ਧਿવਿਹਾਰਿਕਾਨਮ੍ਪਿ ਅਭਿવਾਦਨਾਦਿਂ ਸਾਦਿਯਨ੍ਤਸ੍ਸ। ‘‘ਮਾ ਮਂ ਗਾਮਪ੍ਪવੇਸਨਂ ਆਪੁਚ੍ਛਥਾ’’ਤਿ વੁਤ੍ਤੇ ਅਨਾਪੁਚ੍ਛਾਪਿ ਗਾਮਂ ਪવਿਸਿਤੁਂ વਟ੍ਟਤਿ। ਯੋ ਯੋ વੁਡ੍ਢੋਤਿ ਪਾਰਿવਾਸਿਕੇਸੁ ਭਿਕ੍ਖੂਸੁ ਯੋ ਯੋ વੁਡ੍ਢੋ। ਨવਕਤਰਸ੍ਸ ਸਾਦਿਤੁਨ੍ਤਿ ਪਾਰਿવਾਸਿਕਨવਕਤਰਸ੍ਸ ਅਭਿવਾਦਨਾਦਿਂ ਸਾਦਿਤੁਂ।
75. Pārivāsikakkhandhake navakataraṃ pārivāsikanti attano navakataraṃ pārivāsikaṃ. Pārivāsikassa hi attano navakataraṃ pārivāsikaṃ ṭhapetvā aññe mūlāyapaṭikassanārahamānattārahamānattacārikaabbhānārahāpi pakatattaṭṭhāneyeva tiṭṭhanti. Tenāha ‘‘antamaso mūlāyapaakassanārahādīnampī’’ti. Pāde ghaṃsenti etenāti pādaghaṃsanaṃ, sakkharakathalādi. ‘‘Anujānāmi, bhikkhave, tisso pādaghaṃsaniyo sakkharaṃ kathalaṃ samuddapheṇaka’’nti (cūḷava. 269) hi vuttaṃ. Saddhivihārikādīnampi sādiyantassāti saddhivihārikānampi abhivādanādiṃ sādiyantassa. ‘‘Mā maṃ gāmappavesanaṃ āpucchathā’’ti vutte anāpucchāpi gāmaṃ pavisituṃ vaṭṭati. Yo yo vuḍḍhoti pārivāsikesu bhikkhūsu yo yo vuḍḍho. Navakatarassa sāditunti pārivāsikanavakatarassa abhivādanādiṃ sādituṃ.
ਤਤ੍ਥੇવਾਤਿ ਸਙ੍ਘਨવਕਟ੍ਠਾਨੇਯੇવ। ਅਤ੍ਤਨੋ ਪਾਲ਼ਿਯਾ ਪવਾਰੇਤਬ੍ਬਨ੍ਤਿ ਅਤ੍ਤਨੋ વਸ੍ਸਗ੍ਗੇਨ ਪਤ੍ਤਪਾਲ਼ਿਯਾ ਪવਾਰੇਤਬ੍ਬਂ, ਨ ਪਨ ਸਬ੍ਬੇਸੁ ਪવਾਰਿਤੇਸੂਤਿ ਅਤ੍ਥੋ। ਯਦਿ ਪਨ ਨ ਗਣ੍ਹਾਤਿ ਨ વਿਸ੍ਸਜ੍ਜੇਤੀਤਿ ਯਦਿ ਪੁਰਿਮਦਿવਸੇ ਅਤ੍ਤਨੋ ਨ ਗਣ੍ਹਾਤਿ ਗਹੇਤ੍વਾ ਚ ਨ વਿਸ੍ਸਜ੍ਜੇਤਿ। ਚਤੁਸ੍ਸਾਲਭਤ੍ਤਨ੍ਤਿ ਭੋਜਨਸਾਲਾਯਂ ਪਟਿਪਾਟਿਯਾ ਦਿਯ੍ਯਮਾਨਭਤ੍ਤਂ। ਹਤ੍ਥਪਾਸੇ ਠਿਤੇਨਾਤਿ ਦਾਯਕਸ੍ਸ ਹਤ੍ਥਪਾਸੇ ਠਿਤੇਨ।
Tatthevāti saṅghanavakaṭṭhāneyeva. Attano pāḷiyā pavāretabbanti attano vassaggena pattapāḷiyā pavāretabbaṃ, na pana sabbesu pavāritesūti attho. Yadi pana na gaṇhāti na vissajjetīti yadi purimadivase attano na gaṇhāti gahetvā ca na vissajjeti. Catussālabhattanti bhojanasālāyaṃ paṭipāṭiyā diyyamānabhattaṃ. Hatthapāse ṭhitenāti dāyakassa hatthapāse ṭhitena.
੭੬. ਅਞ੍ਞੋ ਸਾਮਣੇਰੋ ਨ ਗਹੇਤਬ੍ਬੋਤਿ ਉਪਜ੍ਝਾਯੇਨ ਹੁਤ੍વਾ ਅਞ੍ਞੋ ਸਾਮਣੇਰੋ ਨ ਗਹੇਤਬ੍ਬੋ। ਉਪਜ੍ਝਂ ਦਤ੍વਾ ਗਹਿਤਸਾਮਣੇਰਾਪੀਤਿ ਪਕਤਤ੍ਤਕਾਲੇ ਉਪਜ੍ਝਂ ਦਤ੍વਾ ਗਹਿਤਸਾਮਣੇਰਾਪਿ। ਲਦ੍ਧਸਮ੍ਮੁਤਿਕੇਨ ਆਣਤ੍ਤੋਪਿ ਗਰੁਧਮ੍ਮੇਹਿ ਅਞ੍ਞੇਹਿ વਾ ਓવਦਿਤੁਂ ਲਭਤੀਤਿ ਆਹ ‘‘ਪਟਿਬਲਸ੍ਸ વਾ ਭਿਕ੍ਖੁਸ੍ਸ ਭਾਰੋ ਕਾਤਬ੍ਬੋ’’ਤਿ। ਆਗਤਾ ਭਿਕ੍ਖੁਨਿਯੋ વਤ੍ਤਬ੍ਬਾਤਿ ਸਮ੍ਬਨ੍ਧੋ। ਸવਚਨੀਯਨ੍ਤਿ ਸਦੋਸਂ । ਜੇਟ੍ਠਕਟ੍ਠਾਨਂ ਨ ਕਾਤਬ੍ਬਨ੍ਤਿ ਪਧਾਨਟ੍ਠਾਨਂ ਨ ਕਾਤਬ੍ਬਂ। ਕਿਂ ਤਨ੍ਤਿ ਆਹ ‘‘ਪਾਤਿਮੋਕ੍ਖੁਦ੍ਦੇਸਕੇਨ વਾ’’ਤਿਆਦਿ।
76.Añño sāmaṇero na gahetabboti upajjhāyena hutvā añño sāmaṇero na gahetabbo. Upajjhaṃ datvā gahitasāmaṇerāpīti pakatattakāle upajjhaṃ datvā gahitasāmaṇerāpi. Laddhasammutikena āṇattopi garudhammehi aññehi vā ovadituṃ labhatīti āha ‘‘paṭibalassa vā bhikkhussa bhāro kātabbo’’ti. Āgatā bhikkhuniyo vattabbāti sambandho. Savacanīyanti sadosaṃ . Jeṭṭhakaṭṭhānaṃ na kātabbanti padhānaṭṭhānaṃ na kātabbaṃ. Kiṃ tanti āha ‘‘pātimokkhuddesakena vā’’tiādi.
ਰਜੇਹਿ ਹਤਾ ਉਪਹਤਾ ਭੂਮਿ ਏਤਿਸ੍ਸਾਤਿ ਰਜੋਹਤਭੂਮਿ, ਰਜੋਕਿਣ੍ਣਭੂਮੀਤਿ ਅਤ੍ਥੋ। ਪਚ੍ਚਯਨ੍ਤਿ વਸ੍ਸਾવਾਸਿਕਲਾਭਂ ਸਨ੍ਧਾਯ વੁਤ੍ਤਂ। ਏਕਪਸ੍ਸੇ ਠਤ੍વਾਤਿ ਪਾਲ਼ਿਂ વਿਹਾਯ ਭਿਕ੍ਖੂਨਂ ਪਚ੍ਛਤੋ ਠਤ੍વਾ। ਸੇਨਾਸਨਂ ਨ ਲਭਤੀਤਿ ਸੇਯ੍ਯਾਪਰਿਯਨ੍ਤਭਾਗਿਤਾਯ વਸ੍ਸਗ੍ਗੇਨ ਗਣ੍ਹਿਤੁਂ ਨ ਲਭਤਿ। ਅਸ੍ਸਾਤਿ ਭવੇਯ੍ਯ। ‘‘ਆਗਨ੍ਤੁਕੇਨ ਆਰੋਚੇਤਬ੍ਬਂ, ਆਗਨ੍ਤੁਕਸ੍ਸ ਆਰੋਚੇਤਬ੍ਬ’’ਨ੍ਤਿ ਅવਿਸੇਸੇਨ વੁਤ੍ਤਤ੍ਤਾ ਸਚੇ ਦ੍વੇ ਪਾਰਿવਾਸਿਕਾ ਗਤਟ੍ਠਾਨੇ ਅਞ੍ਞਮਞ੍ਞਂ ਪਸ੍ਸਨ੍ਤਿ, ਉਭੋਹਿਪਿ ਅਞ੍ਞਮਞ੍ਞਸ੍ਸ ਆਰੋਚੇਤਬ੍ਬਂ। ਯਥਾ ਬਹਿ ਦਿਸ੍વਾ ਆਰੋਚਿਤਸ੍ਸ ਭਿਕ੍ਖੁਨੋ વਿਹਾਰਂ ਆਗਤੇ ਪੁਨ ਆਰੋਚਨਕਿਚ੍ਚਂ ਨਤ੍ਥਿ, ਏવਂ ਅਞ੍ਞਂ વਿਹਾਰਂ ਗਤੇਨਪਿ ਤਤ੍ਥ ਪੁਬ੍ਬੇ ਆਰੋਚਿਤਸ੍ਸ ਪੁਨ ਆਰੋਚਨਕਿਚ੍ਚਂ ਨਤ੍ਥੀਤਿ વਦਨ੍ਤਿ।
Rajehi hatā upahatā bhūmi etissāti rajohatabhūmi, rajokiṇṇabhūmīti attho. Paccayanti vassāvāsikalābhaṃ sandhāya vuttaṃ. Ekapasse ṭhatvāti pāḷiṃ vihāya bhikkhūnaṃ pacchato ṭhatvā. Senāsanaṃ na labhatīti seyyāpariyantabhāgitāya vassaggena gaṇhituṃ na labhati. Assāti bhaveyya. ‘‘Āgantukena ārocetabbaṃ, āgantukassa ārocetabba’’nti avisesena vuttattā sace dve pārivāsikā gataṭṭhāne aññamaññaṃ passanti, ubhohipi aññamaññassa ārocetabbaṃ. Yathā bahi disvā ārocitassa bhikkhuno vihāraṃ āgate puna ārocanakiccaṃ natthi, evaṃ aññaṃ vihāraṃ gatenapi tattha pubbe ārocitassa puna ārocanakiccaṃ natthīti vadanti.
੮੧. ਅવਿਸੇਸੇਨਾਤਿ ਪਾਰਿવਾਸਿਕਸ੍ਸ ਉਕ੍ਖਿਤ੍ਤਕਸ੍ਸ ਚ ਅવਿਸੇਸੇਨ। ਓਬਦ੍ਧਨ੍ਤਿ ਪਲਿਬੁਦ੍ਧਂ।
81.Avisesenāti pārivāsikassa ukkhittakassa ca avisesena. Obaddhanti palibuddhaṃ.
੮੩. ਸਹવਾਸੋਤਿ વੁਤ੍ਤਪ੍ਪਕਾਰੇ ਛਨ੍ਨੇ ਪਕਤਤ੍ਤੇਨ ਭਿਕ੍ਖੁਨਾ ਸਦ੍ਧਿਂ ਸਯਨਮੇવ ਅਧਿਪ੍ਪੇਤਂ, ਨ ਸੇਸਇਰਿਯਾਪਥਕਪ੍ਪਨਂ। ਸੇਸਮੇਤ੍ਥ ਸੁવਿਞ੍ਞੇਯ੍ਯਮੇવ।
83.Sahavāsoti vuttappakāre channe pakatattena bhikkhunā saddhiṃ sayanameva adhippetaṃ, na sesairiyāpathakappanaṃ. Sesamettha suviññeyyameva.
ਪਾਰਿવਾਸਿਕਕ੍ਖਨ੍ਧਕવਣ੍ਣਨਾ ਨਿਟ੍ਠਿਤਾ।
Pārivāsikakkhandhakavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੧. ਪਾਰਿવਾਸਿਕવਤ੍ਤਂ • 1. Pārivāsikavattaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਪਾਰਿવਾਸਿਕવਤ੍ਤਕਥਾ • Pārivāsikavattakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਾਰਿવਾਸਿਕવਤ੍ਤਕਥਾવਣ੍ਣਨਾ • Pārivāsikavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਾਰਿવਾਸਿਕવਤ੍ਤਕਥਾવਣ੍ਣਨਾ • Pārivāsikavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧. ਪਾਰਿવਾਸਿਕવਤ੍ਤਕਥਾ • 1. Pārivāsikavattakathā
