| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
2. баариваасигагканд̇хагам̣
2. Pārivāsikakkhandhakaṃ
1. баариваасигавад̇д̇ам̣
1. Pārivāsikavattaṃ
75. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна баариваасигаа бхигкуу саад̣̇ияанд̇и багад̇ад̇д̇аанам̣ бхигкуунам̣ абхиваад̣̇анам̣, бажжудтаанам̣, ан̃ж̇алигаммам̣, саамийжигаммам̣, аасанаабхихаарам̣, сзяяаабхихаарам̣, баад̣̇од̣̇агам̣ баад̣̇абийтам̣, баад̣̇агат̇алигам̣, бад̇д̇ажийварабадиг̇г̇ахан̣ам̣, нахаанз бидтибаригаммам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама баариваасигаа бхигкуу саад̣̇ияиссанд̇и багад̇ад̇д̇аанам̣ бхигкуунам̣ абхиваад̣̇анам̣, бажжудтаанам̣, ан̃ж̇алигаммам̣, саамийжигаммам̣, аасанаабхихаарам̣, сзяяаабхихаарам̣, баад̣̇од̣̇агам̣ баад̣̇абийтам̣, баад̣̇агат̇алигам̣, бад̇д̇ажийварабадиг̇г̇ахан̣ам̣, нахаанз бидтибаригамма’’нд̇и! ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣.
75. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena pārivāsikā bhikkhū sādiyanti pakatattānaṃ bhikkhūnaṃ abhivādanaṃ, paccuṭṭhānaṃ, añjalikammaṃ, sāmīcikammaṃ, āsanābhihāraṃ, seyyābhihāraṃ, pādodakaṃ pādapīṭhaṃ, pādakathalikaṃ, pattacīvarapaṭiggahaṇaṃ, nahāne piṭṭhiparikammaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma pārivāsikā bhikkhū sādiyissanti pakatattānaṃ bhikkhūnaṃ abhivādanaṃ, paccuṭṭhānaṃ, añjalikammaṃ, sāmīcikammaṃ, āsanābhihāraṃ, seyyābhihāraṃ, pādodakaṃ pādapīṭhaṃ, pādakathalikaṃ, pattacīvarapaṭiggahaṇaṃ, nahāne piṭṭhiparikamma’’nti! Atha kho te bhikkhū bhagavato etamatthaṃ ārocesuṃ.
ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа бхигкуу бадибужчи – ‘‘сажжам̣ гира, бхигкавз, баариваасигаа бхигкуу саад̣̇ияанд̇и багад̇ад̇д̇аанам̣ бхигкуунам̣ абхиваад̣̇анам̣, бажжудтаанам̣, ан̃ж̇алигаммам̣, саамийжигаммам̣, аасанаабхихаарам̣, сзяяаабхихаарам̣, баад̣̇од̣̇агам̣ баад̣̇абийтам̣, баад̣̇агат̇алигам̣, бад̇д̇ажийварабадиг̇г̇ахан̣ам̣, нахаанз бидтибаригамма’’нд̇и? ‘‘сажжам̣ бхаг̇аваа’’д̇и. виг̇арахи б̣уд̣̇д̇хо бхаг̇аваа – ‘‘ананужчавигам̣…бз… гат̇ан̃хи наама, бхигкавз, баариваасигаа бхигкуу саад̣̇ияиссанд̇и багад̇ад̇д̇аанам̣ бхигкуунам̣ абхиваад̣̇анам̣, бажжудтаанам̣, ан̃ж̇алигаммам̣, саамийжигаммам̣, аасанаабхихаарам̣, сзяяаабхихаарам̣, баад̣̇од̣̇агам̣ баад̣̇абийтам̣, баад̣̇агат̇алигам̣, бад̇д̇ажийварабадиг̇г̇ахан̣ам̣, нахаанз бидтибаригаммам̣. нзд̇ам̣, бхигкавз, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, баариваасигзна бхигкунаа саад̣̇ид̇аб̣б̣ам̣ багад̇ад̇д̇аанам̣ бхигкуунам̣ абхиваад̣̇анам̣, бажжудтаанам̣, ан̃ж̇алигаммам̣ , саамийжигаммам̣, аасанаабхихааро, сзяяаабхихааро, баад̣̇од̣̇агам̣ баад̣̇абийтам̣, баад̣̇агат̇алигам̣, бад̇д̇ажийварабадиг̇г̇ахан̣ам̣, нахаанз бидтибаригаммам̣. яо саад̣̇иязяяа, аабад̇д̇и д̣̇уггадасса.
Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi – ‘‘saccaṃ kira, bhikkhave, pārivāsikā bhikkhū sādiyanti pakatattānaṃ bhikkhūnaṃ abhivādanaṃ, paccuṭṭhānaṃ, añjalikammaṃ, sāmīcikammaṃ, āsanābhihāraṃ, seyyābhihāraṃ, pādodakaṃ pādapīṭhaṃ, pādakathalikaṃ, pattacīvarapaṭiggahaṇaṃ, nahāne piṭṭhiparikamma’’nti? ‘‘Saccaṃ bhagavā’’ti. Vigarahi buddho bhagavā – ‘‘ananucchavikaṃ…pe… kathañhi nāma, bhikkhave, pārivāsikā bhikkhū sādiyissanti pakatattānaṃ bhikkhūnaṃ abhivādanaṃ, paccuṭṭhānaṃ, añjalikammaṃ, sāmīcikammaṃ, āsanābhihāraṃ, seyyābhihāraṃ, pādodakaṃ pādapīṭhaṃ, pādakathalikaṃ, pattacīvarapaṭiggahaṇaṃ, nahāne piṭṭhiparikammaṃ. Netaṃ, bhikkhave, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, pārivāsikena bhikkhunā sāditabbaṃ pakatattānaṃ bhikkhūnaṃ abhivādanaṃ, paccuṭṭhānaṃ, añjalikammaṃ , sāmīcikammaṃ, āsanābhihāro, seyyābhihāro, pādodakaṃ pādapīṭhaṃ, pādakathalikaṃ, pattacīvarapaṭiggahaṇaṃ, nahāne piṭṭhiparikammaṃ. Yo sādiyeyya, āpatti dukkaṭassa.
‘‘ануж̇аанаами, бхигкавз, баариваасигаанам̣ бхигкуунам̣ мит̇у яат̇аавуд̣дхам̣ абхиваад̣̇анам̣, бажжудтаанам̣, ан̃ж̇алигаммам̣, саамийжигаммам̣, аасанаабхихаарам̣, сзяяаабхихаарам̣, баад̣̇од̣̇агам̣ баад̣̇абийтам̣, баад̣̇агат̇алигам̣, бад̇д̇ажийварабадиг̇г̇ахан̣ам̣, нахаанз бидтибаригаммам̣.
‘‘Anujānāmi, bhikkhave, pārivāsikānaṃ bhikkhūnaṃ mithu yathāvuḍḍhaṃ abhivādanaṃ, paccuṭṭhānaṃ, añjalikammaṃ, sāmīcikammaṃ, āsanābhihāraṃ, seyyābhihāraṃ, pādodakaṃ pādapīṭhaṃ, pādakathalikaṃ, pattacīvarapaṭiggahaṇaṃ, nahāne piṭṭhiparikammaṃ.
‘‘ануж̇аанаами , бхигкавз, баариваасигаанам̣ бхигкуунам̣ бан̃жа яат̇аавуд̣дхам̣ – убосат̇ам̣, бавааран̣ам̣, вассигасаадигам̣, он̣ож̇анам̣, бхад̇д̇ам̣. д̇зна хи, бхигкавз, баариваасигаанам̣ бхигкуунам̣ вад̇д̇ам̣ бан̃н̃абзссаами яат̇аа баариваасигзхи бхигкуухи вад̇д̇ид̇аб̣б̣ам̣ .
‘‘Anujānāmi , bhikkhave, pārivāsikānaṃ bhikkhūnaṃ pañca yathāvuḍḍhaṃ – uposathaṃ, pavāraṇaṃ, vassikasāṭikaṃ, oṇojanaṃ, bhattaṃ. Tena hi, bhikkhave, pārivāsikānaṃ bhikkhūnaṃ vattaṃ paññapessāmi yathā pārivāsikehi bhikkhūhi vattitabbaṃ .
76. ‘‘баариваасигзна, бхигкавз, бхигкунаа саммаа вад̇д̇ид̇аб̣б̣ам̣. д̇ад̇рааяам̣ саммаавад̇д̇анаа –
76. ‘‘Pārivāsikena, bhikkhave, bhikkhunā sammā vattitabbaṃ. Tatrāyaṃ sammāvattanā –
на убасамбаад̣̇зд̇аб̣б̣ам̣, на ниссаяо д̣̇аад̇аб̣б̣о, на сааман̣зро убадтаабзд̇аб̣б̣о, на бхигкуноваад̣̇агасаммуд̇и саад̣̇ид̇аб̣б̣аа, саммад̇знаби бхигкунияо на овад̣̇ид̇аб̣б̣аа. яааяа аабад̇д̇ияаа сан̇гхзна бариваасо д̣̇инно ход̇и саа аабад̇д̇и на аабаж̇ж̇ид̇аб̣б̣аа, ан̃н̃аа ваа д̇аад̣̇исигаа, д̇ад̇о ваа баабидтад̇араа; гаммам̣ на г̇арахид̇аб̣б̣ам̣, гаммигаа на г̇арахид̇аб̣б̣аа. на багад̇ад̇д̇асса бхигкуно убосат̇о табзд̇аб̣б̣о, на бавааран̣аа табзд̇аб̣б̣аа, на саважанийяам̣ гаад̇аб̣б̣ам̣, на ануваад̣̇о бадтабзд̇аб̣б̣о, на огаасо гаарзд̇аб̣б̣о, на жод̣̇зд̇аб̣б̣о, на саарзд̇аб̣б̣о, на бхигкуухи самбаяож̇зд̇аб̣б̣ам̣.
Na upasampādetabbaṃ, na nissayo dātabbo, na sāmaṇero upaṭṭhāpetabbo, na bhikkhunovādakasammuti sāditabbā, sammatenapi bhikkhuniyo na ovaditabbā. Yāya āpattiyā saṅghena parivāso dinno hoti sā āpatti na āpajjitabbā, aññā vā tādisikā, tato vā pāpiṭṭhatarā; kammaṃ na garahitabbaṃ, kammikā na garahitabbā. Na pakatattassa bhikkhuno uposatho ṭhapetabbo, na pavāraṇā ṭhapetabbā, na savacanīyaṃ kātabbaṃ, na anuvādo paṭṭhapetabbo, na okāso kāretabbo, na codetabbo, na sāretabbo, na bhikkhūhi sampayojetabbaṃ.
‘‘на, бхигкавз, баариваасигзна бхигкунаа багад̇ад̇д̇асса бхигкуно бурад̇о г̇анд̇аб̣б̣ам̣, на бурад̇о нисийд̣̇ид̇аб̣б̣ам̣. яо ход̇и сан̇гхасса аасанабарияанд̇о сзяяаабарияанд̇о вихаарабарияанд̇о со д̇асса бад̣̇аад̇аб̣б̣о. д̇зна жа со саад̣̇ид̇аб̣б̣о.
‘‘Na, bhikkhave, pārivāsikena bhikkhunā pakatattassa bhikkhuno purato gantabbaṃ, na purato nisīditabbaṃ. Yo hoti saṅghassa āsanapariyanto seyyāpariyanto vihārapariyanto so tassa padātabbo. Tena ca so sāditabbo.
‘‘на, бхигкавз, баариваасигзна бхигкунаа багад̇ад̇д̇зна бхигкунаа бурзсаман̣зна ваа бажчаасаман̣зна ваа гулаани убасан̇гамид̇аб̣б̣аани, на ааран̃н̃иган̇г̇ам̣ самаад̣̇аад̇аб̣б̣ам̣ 1, на бин̣д̣абаад̇иган̇г̇ам̣ самаад̣̇аад̇аб̣б̣ам̣, на жа д̇аббажжаяаа бин̣д̣абаад̇о нийхараабзд̇аб̣б̣о – маа мам̣ ж̇ааним̣сууд̇и.
‘‘Na, bhikkhave, pārivāsikena bhikkhunā pakatattena bhikkhunā puresamaṇena vā pacchāsamaṇena vā kulāni upasaṅkamitabbāni, na āraññikaṅgaṃ samādātabbaṃ 2, na piṇḍapātikaṅgaṃ samādātabbaṃ, na ca tappaccayā piṇḍapāto nīharāpetabbo – mā maṃ jāniṃsūti.
‘‘баариваасигзна , бхигкавз, бхигкунаа ааг̇анд̇угзна аарожзд̇аб̣б̣ам̣, ааг̇анд̇угасса аарожзд̇аб̣б̣ам̣, убосат̇з аарожзд̇аб̣б̣ам̣, бавааран̣ааяа аарожзд̇аб̣б̣ам̣. сажз г̇илаано ход̇и, д̣̇ууд̇знаби аарожзд̇аб̣б̣ам̣.
‘‘Pārivāsikena , bhikkhave, bhikkhunā āgantukena ārocetabbaṃ, āgantukassa ārocetabbaṃ, uposathe ārocetabbaṃ, pavāraṇāya ārocetabbaṃ. Sace gilāno hoti, dūtenapi ārocetabbaṃ.
‘‘на, бхигкавз, баариваасигзна бхигкунаа сабхигкугаа ааваасаа абхигкуго ааваасо г̇анд̇аб̣б̣о, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа.
‘‘Na, bhikkhave, pārivāsikena bhikkhunā sabhikkhukā āvāsā abhikkhuko āvāso gantabbo, aññatra pakatattena, aññatra antarāyā.
‘‘на , бхигкавз, баариваасигзна бхигкунаа сабхигкугаа ааваасаа абхигкуго анааваасо г̇анд̇аб̣б̣о, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа . на, бхигкавз, баариваасигзна бхигкунаа сабхигкугаа ааваасаа абхигкуго ааваасо ваа анааваасо ваа г̇анд̇аб̣б̣о, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа.
‘‘Na , bhikkhave, pārivāsikena bhikkhunā sabhikkhukā āvāsā abhikkhuko anāvāso gantabbo, aññatra pakatattena, aññatra antarāyā . Na, bhikkhave, pārivāsikena bhikkhunā sabhikkhukā āvāsā abhikkhuko āvāso vā anāvāso vā gantabbo, aññatra pakatattena, aññatra antarāyā.
‘‘на, бхигкавз, баариваасигзна бхигкунаа сабхигкугаа анааваасаа абхигкуго ааваасо г̇анд̇аб̣б̣о, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа. на, бхигкавз, баариваасигзна бхигкунаа сабхигкугаа анааваасаа абхигкуго анааваасо г̇анд̇аб̣б̣о, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа. на, бхигкавз, баариваасигзна бхигкунаа сабхигкугаа анааваасаа абхигкуго ааваасо ваа анааваасо ваа г̇анд̇аб̣б̣о, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа.
‘‘Na, bhikkhave, pārivāsikena bhikkhunā sabhikkhukā anāvāsā abhikkhuko āvāso gantabbo, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā anāvāsā abhikkhuko anāvāso gantabbo, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā anāvāsā abhikkhuko āvāso vā anāvāso vā gantabbo, aññatra pakatattena, aññatra antarāyā.
‘‘на, бхигкавз, баариваасигзна бхигкунаа сабхигкугаа ааваасаа ваа анааваасаа ваа абхигкуго ааваасо г̇анд̇аб̣б̣о, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа. на, бхигкавз, баариваасигзна бхигкунаа сабхигкугаа ааваасаа ваа анааваасаа ваа абхигкуго анааваасо г̇анд̇аб̣б̣о, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа. на, бхигкавз, баариваасигзна бхигкунаа сабхигкугаа ааваасаа ваа анааваасаа ваа абхигкуго ааваасо ваа анааваасо ваа г̇анд̇аб̣б̣о, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа.
‘‘Na, bhikkhave, pārivāsikena bhikkhunā sabhikkhukā āvāsā vā anāvāsā vā abhikkhuko āvāso gantabbo, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā āvāsā vā anāvāsā vā abhikkhuko anāvāso gantabbo, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā āvāsā vā anāvāsā vā abhikkhuko āvāso vā anāvāso vā gantabbo, aññatra pakatattena, aññatra antarāyā.
‘‘на, бхигкавз, баариваасигзна бхигкунаа сабхигкугаа ааваасаа сабхигкуго ааваасо г̇анд̇аб̣б̣о, яад̇т̇ассу бхигкуу наанаасам̣ваасагаа, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа. на, бхигкавз, баариваасигзна бхигкунаа сабхигкугаа ааваасаа сабхигкуго анааваасо г̇анд̇аб̣б̣о, яад̇т̇ассу бхигкуу наанаасам̣ваасагаа, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа. на, бхигкавз, баариваасигзна бхигкунаа сабхигкугаа ааваасаа сабхигкуго ааваасо ваа анааваасо ваа г̇анд̇аб̣б̣о, яад̇т̇ассу бхигкуу наанаасам̣ваасагаа, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа.
‘‘Na, bhikkhave, pārivāsikena bhikkhunā sabhikkhukā āvāsā sabhikkhuko āvāso gantabbo, yatthassu bhikkhū nānāsaṃvāsakā, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā āvāsā sabhikkhuko anāvāso gantabbo, yatthassu bhikkhū nānāsaṃvāsakā, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā āvāsā sabhikkhuko āvāso vā anāvāso vā gantabbo, yatthassu bhikkhū nānāsaṃvāsakā, aññatra pakatattena, aññatra antarāyā.
‘‘на, бхигкавз, баариваасигзна бхигкунаа сабхигкугаа анааваасаа сабхигкуго ааваасо г̇анд̇аб̣б̣о, яад̇т̇ассу бхигкуу наанаасам̣ваасагаа, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа. на, бхигкавз, баариваасигзна бхигкунаа сабхигкугаа анааваасаа сабхигкуго анааваасо г̇анд̇аб̣б̣о, яад̇т̇ассу бхигкуу наанаасам̣ваасагаа, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа. на, бхигкавз, баариваасигзна бхигкунаа сабхигкугаа анааваасаа сабхигкуго ааваасо ваа анааваасо ваа г̇анд̇аб̣б̣о, яад̇т̇ассу бхигкуу наанаасам̣ваасагаа, ан̃н̃ад̇ра багад̇ад̇д̇зна , ан̃н̃ад̇ра анд̇арааяаа.
‘‘Na, bhikkhave, pārivāsikena bhikkhunā sabhikkhukā anāvāsā sabhikkhuko āvāso gantabbo, yatthassu bhikkhū nānāsaṃvāsakā, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā anāvāsā sabhikkhuko anāvāso gantabbo, yatthassu bhikkhū nānāsaṃvāsakā, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā anāvāsā sabhikkhuko āvāso vā anāvāso vā gantabbo, yatthassu bhikkhū nānāsaṃvāsakā, aññatra pakatattena , aññatra antarāyā.
‘‘на, бхигкавз, баариваасигзна бхигкунаа сабхигкугаа ааваасаа ваа анааваасаа ваа сабхигкуго ааваасо г̇анд̇аб̣б̣о, яад̇т̇ассу бхигкуу наанаасам̣ваасагаа, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа. на, бхигкавз, баариваасигзна бхигкунаа сабхигкугаа ааваасаа ваа анааваасаа ваа сабхигкуго анааваасо г̇анд̇аб̣б̣о, яад̇т̇ассу бхигкуу наанаасам̣ваасагаа, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа. на, бхигкавз, баариваасигзна бхигкунаа сабхигкугаа ааваасаа ваа анааваасаа ваа сабхигкуго ааваасо ваа анааваасо ваа г̇анд̇аб̣б̣о, яад̇т̇ассу бхигкуу наанаасам̣ваасагаа, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа.
‘‘Na, bhikkhave, pārivāsikena bhikkhunā sabhikkhukā āvāsā vā anāvāsā vā sabhikkhuko āvāso gantabbo, yatthassu bhikkhū nānāsaṃvāsakā, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā āvāsā vā anāvāsā vā sabhikkhuko anāvāso gantabbo, yatthassu bhikkhū nānāsaṃvāsakā, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā āvāsā vā anāvāsā vā sabhikkhuko āvāso vā anāvāso vā gantabbo, yatthassu bhikkhū nānāsaṃvāsakā, aññatra pakatattena, aññatra antarāyā.
80. ‘‘г̇анд̇аб̣б̣о, бхигкавз, баариваасигзна бхигкунаа сабхигкугаа ааваасаа сабхигкуго ааваасо, яад̇т̇ассу бхигкуу самаанасам̣ваасагаа, яам̣ ж̇ан̃н̃аа саггоми аж̇ж̇зва г̇анд̇унд̇и.
80. ‘‘Gantabbo, bhikkhave, pārivāsikena bhikkhunā sabhikkhukā āvāsā sabhikkhuko āvāso, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘г̇анд̇аб̣б̣о, бхигкавз, баариваасигзна бхигкунаа сабхигкугаа ааваасаа сабхигкуго анааваасо, яад̇т̇ассу бхигкуу самаанасам̣ваасагаа, яам̣ ж̇ан̃н̃аа саггоми аж̇ж̇зва г̇анд̇унд̇и.
‘‘Gantabbo, bhikkhave, pārivāsikena bhikkhunā sabhikkhukā āvāsā sabhikkhuko anāvāso, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘г̇анд̇аб̣б̣о, бхигкавз, баариваасигзна бхигкунаа сабхигкугаа ааваасаа сабхигкуго ааваасо ваа анааваасо ваа, яад̇т̇ассу бхигкуу самаанасам̣ваасагаа, яам̣ ж̇ан̃н̃аа саггоми аж̇ж̇зва г̇анд̇унд̇и.
‘‘Gantabbo, bhikkhave, pārivāsikena bhikkhunā sabhikkhukā āvāsā sabhikkhuko āvāso vā anāvāso vā, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘г̇анд̇аб̣б̣о , бхигкавз, баариваасигзна бхигкунаа сабхигкугаа анааваасаа сабхигкуго ааваасо, яад̇т̇ассу бхигкуу самаанасам̣ваасагаа, яам̣ ж̇ан̃н̃аа саггоми аж̇ж̇зва г̇анд̇унд̇и.
‘‘Gantabbo , bhikkhave, pārivāsikena bhikkhunā sabhikkhukā anāvāsā sabhikkhuko āvāso, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘г̇анд̇аб̣б̣о , бхигкавз, баариваасигзна бхигкунаа сабхигкугаа анааваасаа сабхигкуго анааваасо, яад̇т̇ассу бхигкуу самаанасам̣ваасагаа, яам̣ ж̇ан̃н̃аа саггоми аж̇ж̇зва г̇анд̇унд̇и.
‘‘Gantabbo , bhikkhave, pārivāsikena bhikkhunā sabhikkhukā anāvāsā sabhikkhuko anāvāso, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘г̇анд̇аб̣б̣о, бхигкавз, баариваасигзна бхигкунаа сабхигкугаа анааваасаа сабхигкуго ааваасо ваа анааваасо ваа, яад̇т̇ассу бхигкуу самаанасам̣ваасагаа, яам̣ ж̇ан̃н̃аа саггоми аж̇ж̇зва г̇анд̇унд̇и.
‘‘Gantabbo, bhikkhave, pārivāsikena bhikkhunā sabhikkhukā anāvāsā sabhikkhuko āvāso vā anāvāso vā, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘г̇анд̇аб̣б̣о, бхигкавз, баариваасигзна бхигкунаа сабхигкугаа ааваасаа ваа анааваасаа ваа сабхигкуго ааваасо, яад̇т̇ассу бхигкуу самаанасам̣ваасагаа, яам̣ ж̇ан̃н̃аа саггоми аж̇ж̇зва г̇анд̇унд̇и.
‘‘Gantabbo, bhikkhave, pārivāsikena bhikkhunā sabhikkhukā āvāsā vā anāvāsā vā sabhikkhuko āvāso, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘г̇анд̇аб̣б̣о, бхигкавз, баариваасигзна бхигкунаа сабхигкугаа ааваасаа ваа анааваасаа ваа сабхигкуго анааваасо, яад̇т̇ассу бхигкуу самаанасам̣ваасагаа, яам̣ ж̇ан̃н̃аа саггоми аж̇ж̇зва г̇анд̇унд̇и.
‘‘Gantabbo, bhikkhave, pārivāsikena bhikkhunā sabhikkhukā āvāsā vā anāvāsā vā sabhikkhuko anāvāso, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘г̇анд̇аб̣б̣о, бхигкавз, баариваасигзна бхигкунаа сабхигкугаа ааваасаа ваа анааваасаа ваа сабхигкуго ааваасо ваа анааваасо ваа, яад̇т̇ассу бхигкуу самаанасам̣ваасагаа, яам̣ ж̇ан̃н̃аа саггоми аж̇ж̇зва г̇анд̇унд̇и.
‘‘Gantabbo, bhikkhave, pārivāsikena bhikkhunā sabhikkhukā āvāsā vā anāvāsā vā sabhikkhuko āvāso vā anāvāso vā, yatthassu bhikkhū samānasaṃvāsakā, yaṃ jaññā sakkomi ajjeva gantunti.
81. ‘‘на, бхигкавз, баариваасигзна бхигкунаа багад̇ад̇д̇зна бхигкунаа сад̣̇д̇хим̣ згажчаннз ааваасз вад̇т̇аб̣б̣ам̣, на згажчаннз анааваасз вад̇т̇аб̣б̣ам̣, на згажчаннз ааваасз ваа анааваасз ваа вад̇т̇аб̣б̣ам̣. багад̇ад̇д̇ам̣ бхигкум̣ д̣̇исваа аасанаа вудтаад̇аб̣б̣ам̣. багад̇ад̇д̇о бхигку аасанзна ниманд̇зд̇аб̣б̣о. на багад̇ад̇д̇зна бхигкунаа сад̣̇д̇хим̣ згаасанз нисийд̣̇ид̇аб̣б̣ам̣, на нийжз аасанз нисиннз ужжз аасанз нисийд̣̇ид̇аб̣б̣ам̣, на чамааяам̣ нисиннз аасанз нисийд̣̇ид̇аб̣б̣ам̣; на згажан̇гамз жан̇гамид̇аб̣б̣ам̣, на нийжз жан̇гамз жан̇гаманд̇з ужжз жан̇гамз жан̇гамид̇аб̣б̣ам̣, на чамааяам̣ жан̇гаманд̇з 3 жан̇гамз жан̇гамид̇аб̣б̣ам̣.
81. ‘‘Na, bhikkhave, pārivāsikena bhikkhunā pakatattena bhikkhunā saddhiṃ ekacchanne āvāse vatthabbaṃ, na ekacchanne anāvāse vatthabbaṃ, na ekacchanne āvāse vā anāvāse vā vatthabbaṃ. Pakatattaṃ bhikkhuṃ disvā āsanā vuṭṭhātabbaṃ. Pakatatto bhikkhu āsanena nimantetabbo. Na pakatattena bhikkhunā saddhiṃ ekāsane nisīditabbaṃ, na nīce āsane nisinne ucce āsane nisīditabbaṃ, na chamāyaṃ nisinne āsane nisīditabbaṃ; na ekacaṅkame caṅkamitabbaṃ, na nīce caṅkame caṅkamante ucce caṅkame caṅkamitabbaṃ, na chamāyaṃ caṅkamante 4 caṅkame caṅkamitabbaṃ.
82. ‘‘на , бхигкавз, баариваасигзна бхигкунаа баариваасигзна вуд̣дхад̇арзна бхигкунаа сад̣̇д̇хим̣…бз… муулааяабадигассанаарахзна бхигкунаа сад̣̇д̇хим̣…бз… маанад̇д̇аарахзна бхигкунаа сад̣̇д̇хим̣…бз… маанад̇д̇ажааригзна бхигкунаа сад̣̇д̇хим̣…бз… аб̣бхаанаарахзна бхигкунаа сад̣̇д̇хим̣ згажчаннз ааваасз вад̇т̇аб̣б̣ам̣, на згажчаннз анааваасз вад̇т̇аб̣б̣ам̣, на згажчаннз ааваасз ваа анааваасз ваа вад̇т̇аб̣б̣ам̣; на згаасанз нисийд̣̇ид̇аб̣б̣ам̣ , на нийжз аасанз нисиннз ужжз аасанз нисийд̣̇ид̇аб̣б̣ам̣, на чамааяам̣ нисиннз аасанз нисийд̣̇ид̇аб̣б̣ам̣; на згажан̇гамз жан̇гамид̇аб̣б̣ам̣, на нийжз жан̇гамз жан̇гаманд̇з ужжз жан̇гамз жан̇гамид̇аб̣б̣ам̣, на чамааяам̣ жан̇гаманд̇з жан̇гамз жан̇гамид̇аб̣б̣ам̣.
82. ‘‘Na , bhikkhave, pārivāsikena bhikkhunā pārivāsikena vuḍḍhatarena bhikkhunā saddhiṃ…pe… mūlāyapaṭikassanārahena bhikkhunā saddhiṃ…pe… mānattārahena bhikkhunā saddhiṃ…pe… mānattacārikena bhikkhunā saddhiṃ…pe… abbhānārahena bhikkhunā saddhiṃ ekacchanne āvāse vatthabbaṃ, na ekacchanne anāvāse vatthabbaṃ, na ekacchanne āvāse vā anāvāse vā vatthabbaṃ; na ekāsane nisīditabbaṃ , na nīce āsane nisinne ucce āsane nisīditabbaṃ, na chamāyaṃ nisinne āsane nisīditabbaṃ; na ekacaṅkame caṅkamitabbaṃ, na nīce caṅkame caṅkamante ucce caṅkame caṅkamitabbaṃ, na chamāyaṃ caṅkamante caṅkame caṅkamitabbaṃ.
жад̇уннавуд̇ибаариваасигавад̇д̇ам̣ нидтид̇ам̣.
Catunnavutipārivāsikavattaṃ niṭṭhitaṃ.
83. ат̇а ко ааяасмаа убаали язна бхаг̇аваа д̇знубасан̇гами. убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа убаали бхаг̇аванд̇ам̣ зд̇ад̣̇авожа – ‘‘гад̇и ну ко, бханд̇з, баариваасигасса бхигкуно рад̇д̇ижчзд̣̇аа’’д̇и? ‘‘д̇аяо ко, убаали, баариваасигасса бхигкуно рад̇д̇ижчзд̣̇аа . сахаваасо, виббаваасо, анаарожанаа – имз ко, убаали, д̇аяо баариваасигасса бхигкуно рад̇д̇ижчзд̣̇аа’’д̇и.
83. Atha kho āyasmā upāli yena bhagavā tenupasaṅkami. Upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā upāli bhagavantaṃ etadavoca – ‘‘kati nu kho, bhante, pārivāsikassa bhikkhuno ratticchedā’’ti? ‘‘Tayo kho, upāli, pārivāsikassa bhikkhuno ratticchedā . Sahavāso, vippavāso, anārocanā – ime kho, upāli, tayo pārivāsikassa bhikkhuno ratticchedā’’ti.
84. д̇зна ко бана самаязна саавад̇т̇ияам̣ махаабхигкусан̇гхо саннибад̇ид̇о ход̇и. на саггонд̇и баариваасигаа бхигкуу бариваасам̣ сод̇хзд̇ум̣ . бхаг̇авад̇о 9 зд̇амад̇т̇ам̣ аарожзсум̣. ‘‘ануж̇аанаами, бхигкавз, бариваасам̣ нигкибид̇ум̣. зван̃жа бана, бхигкавз, нигкибид̇аб̣б̣о. д̇зна баариваасигзна бхигкунаа згам̣ бхигкум̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘бариваасам̣ нигкибаамий’д̇и. нигкид̇д̇о ход̇и бариваасо. ‘вад̇д̇ам̣ нигкибаамий’д̇и. нигкид̇д̇о ход̇и бариваасо.
84. Tena kho pana samayena sāvatthiyaṃ mahābhikkhusaṅgho sannipatito hoti. Na sakkonti pārivāsikā bhikkhū parivāsaṃ sodhetuṃ . Bhagavato 10 etamatthaṃ ārocesuṃ. ‘‘Anujānāmi, bhikkhave, parivāsaṃ nikkhipituṃ. Evañca pana, bhikkhave, nikkhipitabbo. Tena pārivāsikena bhikkhunā ekaṃ bhikkhuṃ upasaṅkamitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo – ‘parivāsaṃ nikkhipāmī’ti. Nikkhitto hoti parivāso. ‘Vattaṃ nikkhipāmī’ti. Nikkhitto hoti parivāso.
85. д̇зна ко бана самаязна саавад̇т̇ияаа бхигкуу д̇ахам̣ д̇ахам̣ баггамим̣су. саггонд̇и баариваасигаа бхигкуу бариваасам̣ сод̇хзд̇ум̣. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бариваасам̣ самаад̣̇ияид̇ум̣ 11. зван̃жа бана, бхигкавз, самаад̣̇ияид̇аб̣б̣о 12. д̇зна баариваасигзна бхигкунаа згам̣ бхигкум̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘бариваасам̣ самаад̣̇ияаамий’д̇и. самаад̣̇инно ход̇и бариваасо. ‘вад̇д̇ам̣ самаад̣̇ияаамий’д̇и. самаад̣̇инно ход̇и бариваасо’’.
85. Tena kho pana samayena sāvatthiyā bhikkhū tahaṃ tahaṃ pakkamiṃsu. Sakkonti pārivāsikā bhikkhū parivāsaṃ sodhetuṃ. Bhagavato etamatthaṃ ārocesuṃ. ‘‘Anujānāmi, bhikkhave, parivāsaṃ samādiyituṃ 13. Evañca pana, bhikkhave, samādiyitabbo 14. Tena pārivāsikena bhikkhunā ekaṃ bhikkhuṃ upasaṅkamitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo – ‘parivāsaṃ samādiyāmī’ti. Samādinno hoti parivāso. ‘Vattaṃ samādiyāmī’ti. Samādinno hoti parivāso’’.
баариваасигавад̇д̇ам̣ нидтид̇ам̣.
Pārivāsikavattaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / баариваасигавад̇д̇агат̇аа • Pārivāsikavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баариваасигавад̇д̇агат̇ааван̣н̣анаа • Pārivāsikavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баариваасигавад̇д̇агат̇ааван̣н̣анаа • Pārivāsikavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баариваасигавад̇д̇агат̇ааван̣н̣анаа • Pārivāsikavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. баариваасигавад̇д̇агат̇аа • 1. Pārivāsikavattakathā
