| Library / Tipiṭaka / ཏིཔིཊཀ • Tipiṭaka / ཙཱུལ༹ཝགྒཔཱལི༹ • Cūḷavaggapāḷi |
༢. པཱརིཝཱསིཀཀྑནྡྷཀཾ
2. Pārivāsikakkhandhakaṃ
༡. པཱརིཝཱསིཀཝཏྟཾ
1. Pārivāsikavattaṃ
༧༥. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ། ཏེན ཁོ པན སམཡེན པཱརིཝཱསིཀཱ བྷིཀྑཱུ སཱདིཡནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརཾ, སེཡྻཱབྷིཧཱརཾ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔཊིགྒཧཎཾ, ནཧཱནེ པིཊྛིཔརིཀམྨཾ། ཡེ ཏེ བྷིཀྑཱུ ཨཔྤིཙྪཱ…པེ॰… ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ པཱརིཝཱསིཀཱ བྷིཀྑཱུ སཱདིཡིསྶནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརཾ, སེཡྻཱབྷིཧཱརཾ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔཊིགྒཧཎཾ, ནཧཱནེ པིཊྛིཔརིཀམྨ’’ནྟི! ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ།
75. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena pārivāsikā bhikkhū sādiyanti pakatattānaṃ bhikkhūnaṃ abhivādanaṃ, paccuṭṭhānaṃ, añjalikammaṃ, sāmīcikammaṃ, āsanābhihāraṃ, seyyābhihāraṃ, pādodakaṃ pādapīṭhaṃ, pādakathalikaṃ, pattacīvarapaṭiggahaṇaṃ, nahāne piṭṭhiparikammaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma pārivāsikā bhikkhū sādiyissanti pakatattānaṃ bhikkhūnaṃ abhivādanaṃ, paccuṭṭhānaṃ, añjalikammaṃ, sāmīcikammaṃ, āsanābhihāraṃ, seyyābhihāraṃ, pādodakaṃ pādapīṭhaṃ, pādakathalikaṃ, pattacīvarapaṭiggahaṇaṃ, nahāne piṭṭhiparikamma’’nti! Atha kho te bhikkhū bhagavato etamatthaṃ ārocesuṃ.
ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ བྷིཀྑཱུ པཊིཔུཙྪི – ‘‘སཙྩཾ ཀིར, བྷིཀྑཝེ, པཱརིཝཱསིཀཱ བྷིཀྑཱུ སཱདིཡནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརཾ, སེཡྻཱབྷིཧཱརཾ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔཊིགྒཧཎཾ, ནཧཱནེ པིཊྛིཔརིཀམྨ’’ནྟི? ‘‘སཙྩཾ བྷགཝཱ’’ཏི། ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ…པེ॰… ཀཐཉྷི ནཱམ, བྷིཀྑཝེ, པཱརིཝཱསིཀཱ བྷིཀྑཱུ སཱདིཡིསྶནྟི པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརཾ, སེཡྻཱབྷིཧཱརཾ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔཊིགྒཧཎཾ, ནཧཱནེ པིཊྛིཔརིཀམྨཾ། ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ॰… ཝིགརཧིཏྭཱ…པེ॰… དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི – ‘‘ན, བྷིཀྑཝེ, པཱརིཝཱསིཀེན བྷིཀྑུནཱ སཱདིཏབྦཾ པཀཏཏྟཱནཾ བྷིཀྑཱུནཾ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ , སཱམཱིཙིཀམྨཾ, ཨཱསནཱབྷིཧཱརོ, སེཡྻཱབྷིཧཱརོ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔཊིགྒཧཎཾ, ནཧཱནེ པིཊྛིཔརིཀམྨཾ། ཡོ སཱདིཡེཡྻ, ཨཱཔཏྟི དུཀྐཊསྶ།
Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi – ‘‘saccaṃ kira, bhikkhave, pārivāsikā bhikkhū sādiyanti pakatattānaṃ bhikkhūnaṃ abhivādanaṃ, paccuṭṭhānaṃ, añjalikammaṃ, sāmīcikammaṃ, āsanābhihāraṃ, seyyābhihāraṃ, pādodakaṃ pādapīṭhaṃ, pādakathalikaṃ, pattacīvarapaṭiggahaṇaṃ, nahāne piṭṭhiparikamma’’nti? ‘‘Saccaṃ bhagavā’’ti. Vigarahi buddho bhagavā – ‘‘ananucchavikaṃ…pe… kathañhi nāma, bhikkhave, pārivāsikā bhikkhū sādiyissanti pakatattānaṃ bhikkhūnaṃ abhivādanaṃ, paccuṭṭhānaṃ, añjalikammaṃ, sāmīcikammaṃ, āsanābhihāraṃ, seyyābhihāraṃ, pādodakaṃ pādapīṭhaṃ, pādakathalikaṃ, pattacīvarapaṭiggahaṇaṃ, nahāne piṭṭhiparikammaṃ. Netaṃ, bhikkhave, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, pārivāsikena bhikkhunā sāditabbaṃ pakatattānaṃ bhikkhūnaṃ abhivādanaṃ, paccuṭṭhānaṃ, añjalikammaṃ , sāmīcikammaṃ, āsanābhihāro, seyyābhihāro, pādodakaṃ pādapīṭhaṃ, pādakathalikaṃ, pattacīvarapaṭiggahaṇaṃ, nahāne piṭṭhiparikammaṃ. Yo sādiyeyya, āpatti dukkaṭassa.
‘‘ཨནུཛཱནཱམི, བྷིཀྑཝེ, པཱརིཝཱསིཀཱནཾ བྷིཀྑཱུནཾ མིཐུ ཡཐཱཝུཌྜྷཾ ཨབྷིཝཱདནཾ, པཙྩུཊྛཱནཾ, ཨཉྫལིཀམྨཾ, སཱམཱིཙིཀམྨཾ, ཨཱསནཱབྷིཧཱརཾ, སེཡྻཱབྷིཧཱརཾ, པཱདོདཀཾ པཱདཔཱིཋཾ, པཱདཀཐལིཀཾ, པཏྟཙཱིཝརཔཊིགྒཧཎཾ, ནཧཱནེ པིཊྛིཔརིཀམྨཾ།
‘‘Anujānāmi, bhikkhave, pārivāsikānaṃ bhikkhūnaṃ mithu yathāvuḍḍhaṃ abhivādanaṃ, paccuṭṭhānaṃ, añjalikammaṃ, sāmīcikammaṃ, āsanābhihāraṃ, seyyābhihāraṃ, pādodakaṃ pādapīṭhaṃ, pādakathalikaṃ, pattacīvarapaṭiggahaṇaṃ, nahāne piṭṭhiparikammaṃ.
‘‘ཨནུཛཱནཱམི , བྷིཀྑཝེ, པཱརིཝཱསིཀཱནཾ བྷིཀྑཱུནཾ པཉྩ ཡཐཱཝུཌྜྷཾ – ཨུཔོསཐཾ, པཝཱརཎཾ, ཝསྶིཀསཱཊིཀཾ, ཨོཎོཛནཾ, བྷཏྟཾ། ཏེན ཧི, བྷིཀྑཝེ, པཱརིཝཱསིཀཱནཾ བྷིཀྑཱུནཾ ཝཏྟཾ པཉྙཔེསྶཱམི ཡཐཱ པཱརིཝཱསིཀེཧི བྷིཀྑཱུཧི ཝཏྟིཏབྦཾ །
‘‘Anujānāmi , bhikkhave, pārivāsikānaṃ bhikkhūnaṃ pañca yathāvuḍḍhaṃ – uposathaṃ, pavāraṇaṃ, vassikasāṭikaṃ, oṇojanaṃ, bhattaṃ. Tena hi, bhikkhave, pārivāsikānaṃ bhikkhūnaṃ vattaṃ paññapessāmi yathā pārivāsikehi bhikkhūhi vattitabbaṃ .
༧༦. ‘‘པཱརིཝཱསིཀེན, བྷིཀྑཝེ, བྷིཀྑུནཱ སམྨཱ ཝཏྟིཏབྦཾ། ཏཏྲཱཡཾ སམྨཱཝཏྟནཱ –
76. ‘‘Pārivāsikena, bhikkhave, bhikkhunā sammā vattitabbaṃ. Tatrāyaṃ sammāvattanā –
ན ཨུཔསམྤཱདེཏབྦཾ, ན ནིསྶཡོ དཱཏབྦོ, ན སཱམཎེརོ ཨུཔཊྛཱཔེཏབྦོ, ན བྷིཀྑུནོཝཱདཀསམྨུཏི སཱདིཏབྦཱ, སམྨཏེནཔི བྷིཀྑུནིཡོ ན ཨོཝདིཏབྦཱ། ཡཱཡ ཨཱཔཏྟིཡཱ སངྒྷེན པརིཝཱསོ དིནྣོ ཧོཏི སཱ ཨཱཔཏྟི ན ཨཱཔཛྫིཏབྦཱ, ཨཉྙཱ ཝཱ ཏཱདིསིཀཱ, ཏཏོ ཝཱ པཱཔིཊྛཏརཱ; ཀམྨཾ ན གརཧིཏབྦཾ, ཀམྨིཀཱ ན གརཧིཏབྦཱ། ན པཀཏཏྟསྶ བྷིཀྑུནོ ཨུཔོསཐོ ཋཔེཏབྦོ, ན པཝཱརཎཱ ཋཔེཏབྦཱ, ན སཝཙནཱིཡཾ ཀཱཏབྦཾ, ན ཨནུཝཱདོ པཊྛཔེཏབྦོ, ན ཨོཀཱསོ ཀཱརེཏབྦོ, ན ཙོདེཏབྦོ, ན སཱརེཏབྦོ, ན བྷིཀྑཱུཧི སམྤཡོཛེཏབྦཾ།
Na upasampādetabbaṃ, na nissayo dātabbo, na sāmaṇero upaṭṭhāpetabbo, na bhikkhunovādakasammuti sāditabbā, sammatenapi bhikkhuniyo na ovaditabbā. Yāya āpattiyā saṅghena parivāso dinno hoti sā āpatti na āpajjitabbā, aññā vā tādisikā, tato vā pāpiṭṭhatarā; kammaṃ na garahitabbaṃ, kammikā na garahitabbā. Na pakatattassa bhikkhuno uposatho ṭhapetabbo, na pavāraṇā ṭhapetabbā, na savacanīyaṃ kātabbaṃ, na anuvādo paṭṭhapetabbo, na okāso kāretabbo, na codetabbo, na sāretabbo, na bhikkhūhi sampayojetabbaṃ.
‘‘ན, བྷིཀྑཝེ, པཱརིཝཱསིཀེན བྷིཀྑུནཱ པཀཏཏྟསྶ བྷིཀྑུནོ པུརཏོ གནྟབྦཾ, ན པུརཏོ ནིསཱིདིཏབྦཾ། ཡོ ཧོཏི སངྒྷསྶ ཨཱསནཔརིཡནྟོ སེཡྻཱཔརིཡནྟོ ཝིཧཱརཔརིཡནྟོ སོ ཏསྶ པདཱཏབྦོ། ཏེན ཙ སོ སཱདིཏབྦོ།
‘‘Na, bhikkhave, pārivāsikena bhikkhunā pakatattassa bhikkhuno purato gantabbaṃ, na purato nisīditabbaṃ. Yo hoti saṅghassa āsanapariyanto seyyāpariyanto vihārapariyanto so tassa padātabbo. Tena ca so sāditabbo.
‘‘ན, བྷིཀྑཝེ, པཱརིཝཱསིཀེན བྷིཀྑུནཱ པཀཏཏྟེན བྷིཀྑུནཱ པུརེསམཎེན ཝཱ པཙྪཱསམཎེན ཝཱ ཀུལཱནི ཨུཔསངྐམིཏབྦཱནི, ན ཨཱརཉྙིཀངྒཾ སམཱདཱཏབྦཾ 1, ན པིཎྜཔཱཏིཀངྒཾ སམཱདཱཏབྦཾ, ན ཙ ཏཔྤཙྩཡཱ པིཎྜཔཱཏོ ནཱིཧརཱཔེཏབྦོ – མཱ མཾ ཛཱནིཾསཱུཏི།
‘‘Na, bhikkhave, pārivāsikena bhikkhunā pakatattena bhikkhunā puresamaṇena vā pacchāsamaṇena vā kulāni upasaṅkamitabbāni, na āraññikaṅgaṃ samādātabbaṃ 2, na piṇḍapātikaṅgaṃ samādātabbaṃ, na ca tappaccayā piṇḍapāto nīharāpetabbo – mā maṃ jāniṃsūti.
‘‘པཱརིཝཱསིཀེན , བྷིཀྑཝེ, བྷིཀྑུནཱ ཨཱགནྟུཀེན ཨཱརོཙེཏབྦཾ, ཨཱགནྟུཀསྶ ཨཱརོཙེཏབྦཾ, ཨུཔོསཐེ ཨཱརོཙེཏབྦཾ, པཝཱརཎཱཡ ཨཱརོཙེཏབྦཾ། སཙེ གིལཱནོ ཧོཏི, དཱུཏེནཔི ཨཱརོཙེཏབྦཾ།
‘‘Pārivāsikena , bhikkhave, bhikkhunā āgantukena ārocetabbaṃ, āgantukassa ārocetabbaṃ, uposathe ārocetabbaṃ, pavāraṇāya ārocetabbaṃ. Sace gilāno hoti, dūtenapi ārocetabbaṃ.
‘‘ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཨབྷིཀྑུཀོ ཨཱཝཱསོ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ།
‘‘Na, bhikkhave, pārivāsikena bhikkhunā sabhikkhukā āvāsā abhikkhuko āvāso gantabbo, aññatra pakatattena, aññatra antarāyā.
‘‘ན , བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཨབྷིཀྑུཀོ ཨནཱཝཱསོ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ ། ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ།
‘‘Na , bhikkhave, pārivāsikena bhikkhunā sabhikkhukā āvāsā abhikkhuko anāvāso gantabbo, aññatra pakatattena, aññatra antarāyā . Na, bhikkhave, pārivāsikena bhikkhunā sabhikkhukā āvāsā abhikkhuko āvāso vā anāvāso vā gantabbo, aññatra pakatattena, aññatra antarāyā.
‘‘ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨནཱཝཱསཱ ཨབྷིཀྑུཀོ ཨཱཝཱསོ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ། ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨནཱཝཱསཱ ཨབྷིཀྑུཀོ ཨནཱཝཱསོ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ། ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨནཱཝཱསཱ ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ།
‘‘Na, bhikkhave, pārivāsikena bhikkhunā sabhikkhukā anāvāsā abhikkhuko āvāso gantabbo, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā anāvāsā abhikkhuko anāvāso gantabbo, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā anāvāsā abhikkhuko āvāso vā anāvāso vā gantabbo, aññatra pakatattena, aññatra antarāyā.
‘‘ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ ཨབྷིཀྑུཀོ ཨཱཝཱསོ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ། ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ ཨབྷིཀྑུཀོ ཨནཱཝཱསོ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ། ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ ཨབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ།
‘‘Na, bhikkhave, pārivāsikena bhikkhunā sabhikkhukā āvāsā vā anāvāsā vā abhikkhuko āvāso gantabbo, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā āvāsā vā anāvāsā vā abhikkhuko anāvāso gantabbo, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā āvāsā vā anāvāsā vā abhikkhuko āvāso vā anāvāso vā gantabbo, aññatra pakatattena, aññatra antarāyā.
‘‘ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ། ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ སབྷིཀྑུཀོ ཨནཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ། ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ།
‘‘Na, bhikkhave, pārivāsikena bhikkhunā sabhikkhukā āvāsā sabhikkhuko āvāso gantabbo, yatthassu bhikkhū nānāsaṃvāsakā, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā āvāsā sabhikkhuko anāvāso gantabbo, yatthassu bhikkhū nānāsaṃvāsakā, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā āvāsā sabhikkhuko āvāso vā anāvāso vā gantabbo, yatthassu bhikkhū nānāsaṃvāsakā, aññatra pakatattena, aññatra antarāyā.
‘‘ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ། ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨནཱཝཱསཱ སབྷིཀྑུཀོ ཨནཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ། ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན , ཨཉྙཏྲ ཨནྟརཱཡཱ།
‘‘Na, bhikkhave, pārivāsikena bhikkhunā sabhikkhukā anāvāsā sabhikkhuko āvāso gantabbo, yatthassu bhikkhū nānāsaṃvāsakā, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā anāvāsā sabhikkhuko anāvāso gantabbo, yatthassu bhikkhū nānāsaṃvāsakā, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā anāvāsā sabhikkhuko āvāso vā anāvāso vā gantabbo, yatthassu bhikkhū nānāsaṃvāsakā, aññatra pakatattena , aññatra antarāyā.
‘‘ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ། ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨནཱཝཱསོ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ། ན, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ གནྟབྦོ, ཡཏྠསྶུ བྷིཀྑཱུ ནཱནཱསཾཝཱསཀཱ, ཨཉྙཏྲ པཀཏཏྟེན, ཨཉྙཏྲ ཨནྟརཱཡཱ།
‘‘Na, bhikkhave, pārivāsikena bhikkhunā sabhikkhukā āvāsā vā anāvāsā vā sabhikkhuko āvāso gantabbo, yatthassu bhikkhū nānāsaṃvāsakā, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā āvāsā vā anāvāsā vā sabhikkhuko anāvāso gantabbo, yatthassu bhikkhū nānāsaṃvāsakā, aññatra pakatattena, aññatra antarāyā. Na, bhikkhave, pārivāsikena bhikkhunā sabhikkhukā āvāsā vā anāvāsā vā sabhikkhuko āvāso vā anāvāso vā gantabbo, yatthassu bhikkhū nānāsaṃvāsakā, aññatra pakatattena, aññatra antarāyā.
༨༠. ‘‘གནྟབྦོ, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི།
80. ‘‘Gantabbo, bhikkhave, pārivāsikena bhikkhunā sabhikkhukā āvāsā sabhikkhuko āvāso, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘གནྟབྦོ, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ སབྷིཀྑུཀོ ཨནཱཝཱསོ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི།
‘‘Gantabbo, bhikkhave, pārivāsikena bhikkhunā sabhikkhukā āvāsā sabhikkhuko anāvāso, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘གནྟབྦོ, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི།
‘‘Gantabbo, bhikkhave, pārivāsikena bhikkhunā sabhikkhukā āvāsā sabhikkhuko āvāso vā anāvāso vā, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘གནྟབྦོ , བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི།
‘‘Gantabbo , bhikkhave, pārivāsikena bhikkhunā sabhikkhukā anāvāsā sabhikkhuko āvāso, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘གནྟབྦོ , བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨནཱཝཱསཱ སབྷིཀྑུཀོ ཨནཱཝཱསོ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི།
‘‘Gantabbo , bhikkhave, pārivāsikena bhikkhunā sabhikkhukā anāvāsā sabhikkhuko anāvāso, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘གནྟབྦོ, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨནཱཝཱསཱ སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི།
‘‘Gantabbo, bhikkhave, pārivāsikena bhikkhunā sabhikkhukā anāvāsā sabhikkhuko āvāso vā anāvāso vā, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘གནྟབྦོ, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨཱཝཱསོ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི།
‘‘Gantabbo, bhikkhave, pārivāsikena bhikkhunā sabhikkhukā āvāsā vā anāvāsā vā sabhikkhuko āvāso, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘གནྟབྦོ, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨནཱཝཱསོ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི།
‘‘Gantabbo, bhikkhave, pārivāsikena bhikkhunā sabhikkhukā āvāsā vā anāvāsā vā sabhikkhuko anāvāso, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘གནྟབྦོ, བྷིཀྑཝེ, པཱརིཝཱསིཀེན བྷིཀྑུནཱ སབྷིཀྑུཀཱ ཨཱཝཱསཱ ཝཱ ཨནཱཝཱསཱ ཝཱ སབྷིཀྑུཀོ ཨཱཝཱསོ ཝཱ ཨནཱཝཱསོ ཝཱ, ཡཏྠསྶུ བྷིཀྑཱུ སམཱནསཾཝཱསཀཱ, ཡཾ ཛཉྙཱ སཀྐོམི ཨཛྫེཝ གནྟུནྟི།
‘‘Gantabbo, bhikkhave, pārivāsikena bhikkhunā sabhikkhukā āvāsā vā anāvāsā vā sabhikkhuko āvāso vā anāvāso vā, yatthassu bhikkhū samānasaṃvāsakā, yaṃ jaññā sakkomi ajjeva gantunti.
༨༡. ‘‘ན, བྷིཀྑཝེ, པཱརིཝཱསིཀེན བྷིཀྑུནཱ པཀཏཏྟེན བྷིཀྑུནཱ སདྡྷིཾ ཨེཀཙྪནྣེ ཨཱཝཱསེ ཝཏྠབྦཾ, ན ཨེཀཙྪནྣེ ཨནཱཝཱསེ ཝཏྠབྦཾ, ན ཨེཀཙྪནྣེ ཨཱཝཱསེ ཝཱ ཨནཱཝཱསེ ཝཱ ཝཏྠབྦཾ། པཀཏཏྟཾ བྷིཀྑུཾ དིསྭཱ ཨཱསནཱ ཝུཊྛཱཏབྦཾ། པཀཏཏྟོ བྷིཀྑུ ཨཱསནེན ནིམནྟེཏབྦོ། ན པཀཏཏྟེན བྷིཀྑུནཱ སདྡྷིཾ ཨེཀཱསནེ ནིསཱིདིཏབྦཾ, ན ནཱིཙེ ཨཱསནེ ནིསིནྣེ ཨུཙྩེ ཨཱསནེ ནིསཱིདིཏབྦཾ, ན ཚམཱཡཾ ནིསིནྣེ ཨཱསནེ ནིསཱིདིཏབྦཾ; ན ཨེཀཙངྐམེ ཙངྐམིཏབྦཾ, ན ནཱིཙེ ཙངྐམེ ཙངྐམནྟེ ཨུཙྩེ ཙངྐམེ ཙངྐམིཏབྦཾ, ན ཚམཱཡཾ ཙངྐམནྟེ 3 ཙངྐམེ ཙངྐམིཏབྦཾ།
81. ‘‘Na, bhikkhave, pārivāsikena bhikkhunā pakatattena bhikkhunā saddhiṃ ekacchanne āvāse vatthabbaṃ, na ekacchanne anāvāse vatthabbaṃ, na ekacchanne āvāse vā anāvāse vā vatthabbaṃ. Pakatattaṃ bhikkhuṃ disvā āsanā vuṭṭhātabbaṃ. Pakatatto bhikkhu āsanena nimantetabbo. Na pakatattena bhikkhunā saddhiṃ ekāsane nisīditabbaṃ, na nīce āsane nisinne ucce āsane nisīditabbaṃ, na chamāyaṃ nisinne āsane nisīditabbaṃ; na ekacaṅkame caṅkamitabbaṃ, na nīce caṅkame caṅkamante ucce caṅkame caṅkamitabbaṃ, na chamāyaṃ caṅkamante 4 caṅkame caṅkamitabbaṃ.
༨༢. ‘‘ན , བྷིཀྑཝེ, པཱརིཝཱསིཀེན བྷིཀྑུནཱ པཱརིཝཱསིཀེན ཝུཌྜྷཏརེན བྷིཀྑུནཱ སདྡྷིཾ…པེ॰… མཱུལཱཡཔཊིཀསྶནཱརཧེན བྷིཀྑུནཱ སདྡྷིཾ…པེ॰… མཱནཏྟཱརཧེན བྷིཀྑུནཱ སདྡྷིཾ…པེ॰… མཱནཏྟཙཱརིཀེན བྷིཀྑུནཱ སདྡྷིཾ…པེ॰… ཨབྦྷཱནཱརཧེན བྷིཀྑུནཱ སདྡྷིཾ ཨེཀཙྪནྣེ ཨཱཝཱསེ ཝཏྠབྦཾ, ན ཨེཀཙྪནྣེ ཨནཱཝཱསེ ཝཏྠབྦཾ, ན ཨེཀཙྪནྣེ ཨཱཝཱསེ ཝཱ ཨནཱཝཱསེ ཝཱ ཝཏྠབྦཾ; ན ཨེཀཱསནེ ནིསཱིདིཏབྦཾ , ན ནཱིཙེ ཨཱསནེ ནིསིནྣེ ཨུཙྩེ ཨཱསནེ ནིསཱིདིཏབྦཾ, ན ཚམཱཡཾ ནིསིནྣེ ཨཱསནེ ནིསཱིདིཏབྦཾ; ན ཨེཀཙངྐམེ ཙངྐམིཏབྦཾ, ན ནཱིཙེ ཙངྐམེ ཙངྐམནྟེ ཨུཙྩེ ཙངྐམེ ཙངྐམིཏབྦཾ, ན ཚམཱཡཾ ཙངྐམནྟེ ཙངྐམེ ཙངྐམིཏབྦཾ།
82. ‘‘Na , bhikkhave, pārivāsikena bhikkhunā pārivāsikena vuḍḍhatarena bhikkhunā saddhiṃ…pe… mūlāyapaṭikassanārahena bhikkhunā saddhiṃ…pe… mānattārahena bhikkhunā saddhiṃ…pe… mānattacārikena bhikkhunā saddhiṃ…pe… abbhānārahena bhikkhunā saddhiṃ ekacchanne āvāse vatthabbaṃ, na ekacchanne anāvāse vatthabbaṃ, na ekacchanne āvāse vā anāvāse vā vatthabbaṃ; na ekāsane nisīditabbaṃ , na nīce āsane nisinne ucce āsane nisīditabbaṃ, na chamāyaṃ nisinne āsane nisīditabbaṃ; na ekacaṅkame caṅkamitabbaṃ, na nīce caṅkame caṅkamante ucce caṅkame caṅkamitabbaṃ, na chamāyaṃ caṅkamante caṅkame caṅkamitabbaṃ.
ཙཏུནྣཝུཏིཔཱརིཝཱསིཀཝཏྟཾ ནིཊྛིཏཾ།
Catunnavutipārivāsikavattaṃ niṭṭhitaṃ.
༨༣. ཨཐ ཁོ ཨཱཡསྨཱ ཨུཔཱལི ཡེན བྷགཝཱ ཏེནུཔསངྐམི། ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི། ཨེཀམནྟཾ ནིསིནྣོ ཁོ ཨཱཡསྨཱ ཨུཔཱལི བྷགཝནྟཾ ཨེཏདཝོཙ – ‘‘ཀཏི ནུ ཁོ, བྷནྟེ, པཱརིཝཱསིཀསྶ བྷིཀྑུནོ རཏྟིཙྪེདཱ’’ཏི? ‘‘ཏཡོ ཁོ, ཨུཔཱལི, པཱརིཝཱསིཀསྶ བྷིཀྑུནོ རཏྟིཙྪེདཱ ། སཧཝཱསོ, ཝིཔྤཝཱསོ, ཨནཱརོཙནཱ – ཨིམེ ཁོ, ཨུཔཱལི, ཏཡོ པཱརིཝཱསིཀསྶ བྷིཀྑུནོ རཏྟིཙྪེདཱ’’ཏི།
83. Atha kho āyasmā upāli yena bhagavā tenupasaṅkami. Upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā upāli bhagavantaṃ etadavoca – ‘‘kati nu kho, bhante, pārivāsikassa bhikkhuno ratticchedā’’ti? ‘‘Tayo kho, upāli, pārivāsikassa bhikkhuno ratticchedā . Sahavāso, vippavāso, anārocanā – ime kho, upāli, tayo pārivāsikassa bhikkhuno ratticchedā’’ti.
༨༤. ཏེན ཁོ པན སམཡེན སཱཝཏྠིཡཾ མཧཱབྷིཀྑུསངྒྷོ སནྣིཔཏིཏོ ཧོཏི། ན སཀྐོནྟི པཱརིཝཱསིཀཱ བྷིཀྑཱུ པརིཝཱསཾ སོདྷེཏུཾ ། བྷགཝཏོ 9 ཨེཏམཏྠཾ ཨཱརོཙེསུཾ། ‘‘ཨནུཛཱནཱམི, བྷིཀྑཝེ, པརིཝཱསཾ ནིཀྑིཔིཏུཾ། ཨེཝཉྩ པན, བྷིཀྑཝེ, ནིཀྑིཔིཏབྦོ། ཏེན པཱརིཝཱསིཀེན བྷིཀྑུནཱ ཨེཀཾ བྷིཀྑུཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘པརིཝཱསཾ ནིཀྑིཔཱམཱི’ཏི། ནིཀྑིཏྟོ ཧོཏི པརིཝཱསོ། ‘ཝཏྟཾ ནིཀྑིཔཱམཱི’ཏི། ནིཀྑིཏྟོ ཧོཏི པརིཝཱསོ།
84. Tena kho pana samayena sāvatthiyaṃ mahābhikkhusaṅgho sannipatito hoti. Na sakkonti pārivāsikā bhikkhū parivāsaṃ sodhetuṃ . Bhagavato 10 etamatthaṃ ārocesuṃ. ‘‘Anujānāmi, bhikkhave, parivāsaṃ nikkhipituṃ. Evañca pana, bhikkhave, nikkhipitabbo. Tena pārivāsikena bhikkhunā ekaṃ bhikkhuṃ upasaṅkamitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo – ‘parivāsaṃ nikkhipāmī’ti. Nikkhitto hoti parivāso. ‘Vattaṃ nikkhipāmī’ti. Nikkhitto hoti parivāso.
༨༥. ཏེན ཁོ པན སམཡེན སཱཝཏྠིཡཱ བྷིཀྑཱུ ཏཧཾ ཏཧཾ པཀྐམིཾསུ། སཀྐོནྟི པཱརིཝཱསིཀཱ བྷིཀྑཱུ པརིཝཱསཾ སོདྷེཏུཾ། བྷགཝཏོ ཨེཏམཏྠཾ ཨཱརོཙེསུཾ། ‘‘ཨནུཛཱནཱམི, བྷིཀྑཝེ, པརིཝཱསཾ སམཱདིཡིཏུཾ 11། ཨེཝཉྩ པན, བྷིཀྑཝེ, སམཱདིཡིཏབྦོ 12། ཏེན པཱརིཝཱསིཀེན བྷིཀྑུནཱ ཨེཀཾ བྷིཀྑུཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘པརིཝཱསཾ སམཱདིཡཱམཱི’ཏི། སམཱདིནྣོ ཧོཏི པརིཝཱསོ། ‘ཝཏྟཾ སམཱདིཡཱམཱི’ཏི། སམཱདིནྣོ ཧོཏི པརིཝཱསོ’’།
85. Tena kho pana samayena sāvatthiyā bhikkhū tahaṃ tahaṃ pakkamiṃsu. Sakkonti pārivāsikā bhikkhū parivāsaṃ sodhetuṃ. Bhagavato etamatthaṃ ārocesuṃ. ‘‘Anujānāmi, bhikkhave, parivāsaṃ samādiyituṃ 13. Evañca pana, bhikkhave, samādiyitabbo 14. Tena pārivāsikena bhikkhunā ekaṃ bhikkhuṃ upasaṅkamitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo – ‘parivāsaṃ samādiyāmī’ti. Samādinno hoti parivāso. ‘Vattaṃ samādiyāmī’ti. Samādinno hoti parivāso’’.
པཱརིཝཱསིཀཝཏྟཾ ནིཊྛིཏཾ།
Pārivāsikavattaṃ niṭṭhitaṃ.
Footnotes:
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā / པཱརིཝཱསིཀཝཏྟཀཐཱ • Pārivāsikavattakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / པཱརིཝཱསིཀཝཏྟཀཐཱཝཎྞནཱ • Pārivāsikavattakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / པཱརིཝཱསིཀཝཏྟཀཐཱཝཎྞནཱ • Pārivāsikavattakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / པཱརིཝཱསིཀཝཏྟཀཐཱཝཎྞནཱ • Pārivāsikavattakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡. པཱརིཝཱསིཀཝཏྟཀཐཱ • 1. Pārivāsikavattakathā
