| Library / Tipiṭaka / তিপিটক • Tipiṭaka / নেত্তিৰিভাৰিনী • Nettivibhāvinī |
৯. পরিৰত্তনহারসম্পাতৰিভাৰনা
9. Parivattanahārasampātavibhāvanā
৭১. যেন যেন ৰিভত্তিহারসম্পাতেন সুত্তপ্পদেসত্থা ৰিভত্তা, সো ৰিভত্তিহারসম্পাতো পরিপুণ্ণো, ‘‘কতমো পরিৰত্তনহারসম্পাতো’’তি পুচ্ছিতব্বত্তা ‘‘তত্থ কতমো পরিৰত্তনো হারসম্পাতো’’তিআদি ৰুত্তং।
71. Yena yena vibhattihārasampātena suttappadesatthā vibhattā, so vibhattihārasampāto paripuṇṇo, ‘‘katamo parivattanahārasampāto’’ti pucchitabbattā ‘‘tattha katamo parivattano hārasampāto’’tiādi vuttaṃ.
‘‘কতমে সুত্তপ্পদেসত্থা কথং পরিৰত্তেতব্বা’’তি পুচ্ছিতব্বত্তা ‘‘তস্মা’’তিআদি ৰুত্তং। যা ‘‘তস্মা…পে॰… গোচরো’’তি গাথা ৰুত্তা, তায গাথায যা সমথৰিপস্সনা নিদ্ধারিতা, তায সমথৰিপস্সনায ভাৰিতায অকুসলানং নিরোধো ফলং পযোজনং হোতি, পরিঞ্ঞাতং দুক্খং হোতি, সমুদযো পহীনো হোতি, মগ্গো ভাৰিতো হোতীতি পরিৰত্তেতব্বো। পটিপক্খেন পন সমথৰিপস্সনায অভাৰিতায অকুসলানং অনিরোধো, অপরিঞ্ঞাতং দুক্খং, সমুদযো অপ্পহীনো, মগ্গো অভাৰিতো হোতীতি পরিৰত্তেতব্বো।
‘‘Katame suttappadesatthā kathaṃ parivattetabbā’’ti pucchitabbattā ‘‘tasmā’’tiādi vuttaṃ. Yā ‘‘tasmā…pe… gocaro’’ti gāthā vuttā, tāya gāthāya yā samathavipassanā niddhāritā, tāya samathavipassanāya bhāvitāya akusalānaṃ nirodho phalaṃ payojanaṃ hoti, pariññātaṃ dukkhaṃ hoti, samudayo pahīno hoti, maggo bhāvito hotīti parivattetabbo. Paṭipakkhena pana samathavipassanāya abhāvitāya akusalānaṃ anirodho, apariññātaṃ dukkhaṃ, samudayo appahīno, maggo abhāvito hotīti parivattetabbo.
‘‘এত্তকোৰ পরিৰত্তনহারসম্পাতো পরিপুণ্ণো’’তি ৰত্তব্বত্তা ‘‘নিযুত্তো পরিৰত্তনো হারসম্পাতো’’তি ৰুত্তং। যেন যেন সংৰণ্ণনাৰিসেসভূতেন পরিৰত্তনহারসম্পাতেন সুত্তপ্পদেসত্থা পরিৰত্তেতব্বা, সো সো সংৰণ্ণনাৰিসেসভূতো পরিৰত্তনহারসম্পাতো নিযুত্তো যথারহং নীহরিত্ৰা যুজ্জিতব্বোতি অত্থো গহেতব্বোতি।
‘‘Ettakova parivattanahārasampāto paripuṇṇo’’ti vattabbattā ‘‘niyutto parivattano hārasampāto’’ti vuttaṃ. Yena yena saṃvaṇṇanāvisesabhūtena parivattanahārasampātena suttappadesatthā parivattetabbā, so so saṃvaṇṇanāvisesabhūto parivattanahārasampāto niyutto yathārahaṃ nīharitvā yujjitabboti attho gahetabboti.
ইতি পরিৰত্তনহারসম্পাতে সত্তিবলানুরূপা রচিতা
Iti parivattanahārasampāte sattibalānurūpā racitā
ৰিভাৰনা নিট্ঠিতা।
Vibhāvanā niṭṭhitā.
পণ্ডিতেহি পন…পে॰… গহেতব্বোতি।
Paṇḍitehi pana…pe… gahetabboti.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / নেত্তিপ্পকরণপাল়ি • Nettippakaraṇapāḷi / ৯. পরিৰত্তনহারসম্পাতো • 9. Parivattanahārasampāto
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / নেত্তিপ্পকরণ-অট্ঠকথা • Nettippakaraṇa-aṭṭhakathā / ৯. পরিৰত্তনহারসম্পাতৰণ্ণনা • 9. Parivattanahārasampātavaṇṇanā
