| Library / Tipiṭaka / तिपिटक • Tipiṭaka / नेत्तिविभाविनी • Nettivibhāvinī |
९. परिवत्तनहारसम्पातविभावना
9. Parivattanahārasampātavibhāvanā
७१. येन येन विभत्तिहारसम्पातेन सुत्तप्पदेसत्था विभत्ता, सो विभत्तिहारसम्पातो परिपुण्णो, ‘‘कतमो परिवत्तनहारसम्पातो’’ति पुच्छितब्बत्ता ‘‘तत्थ कतमो परिवत्तनो हारसम्पातो’’तिआदि वुत्तं।
71. Yena yena vibhattihārasampātena suttappadesatthā vibhattā, so vibhattihārasampāto paripuṇṇo, ‘‘katamo parivattanahārasampāto’’ti pucchitabbattā ‘‘tattha katamo parivattano hārasampāto’’tiādi vuttaṃ.
‘‘कतमे सुत्तप्पदेसत्था कथं परिवत्तेतब्बा’’ति पुच्छितब्बत्ता ‘‘तस्मा’’तिआदि वुत्तं। या ‘‘तस्मा…पे॰… गोचरो’’ति गाथा वुत्ता, ताय गाथाय या समथविपस्सना निद्धारिता, ताय समथविपस्सनाय भाविताय अकुसलानं निरोधो फलं पयोजनं होति, परिञ्ञातं दुक्खं होति, समुदयो पहीनो होति, मग्गो भावितो होतीति परिवत्तेतब्बो। पटिपक्खेन पन समथविपस्सनाय अभाविताय अकुसलानं अनिरोधो, अपरिञ्ञातं दुक्खं, समुदयो अप्पहीनो, मग्गो अभावितो होतीति परिवत्तेतब्बो।
‘‘Katame suttappadesatthā kathaṃ parivattetabbā’’ti pucchitabbattā ‘‘tasmā’’tiādi vuttaṃ. Yā ‘‘tasmā…pe… gocaro’’ti gāthā vuttā, tāya gāthāya yā samathavipassanā niddhāritā, tāya samathavipassanāya bhāvitāya akusalānaṃ nirodho phalaṃ payojanaṃ hoti, pariññātaṃ dukkhaṃ hoti, samudayo pahīno hoti, maggo bhāvito hotīti parivattetabbo. Paṭipakkhena pana samathavipassanāya abhāvitāya akusalānaṃ anirodho, apariññātaṃ dukkhaṃ, samudayo appahīno, maggo abhāvito hotīti parivattetabbo.
‘‘एत्तकोव परिवत्तनहारसम्पातो परिपुण्णो’’ति वत्तब्बत्ता ‘‘नियुत्तो परिवत्तनो हारसम्पातो’’ति वुत्तं। येन येन संवण्णनाविसेसभूतेन परिवत्तनहारसम्पातेन सुत्तप्पदेसत्था परिवत्तेतब्बा, सो सो संवण्णनाविसेसभूतो परिवत्तनहारसम्पातो नियुत्तो यथारहं नीहरित्वा युज्जितब्बोति अत्थो गहेतब्बोति।
‘‘Ettakova parivattanahārasampāto paripuṇṇo’’ti vattabbattā ‘‘niyutto parivattano hārasampāto’’ti vuttaṃ. Yena yena saṃvaṇṇanāvisesabhūtena parivattanahārasampātena suttappadesatthā parivattetabbā, so so saṃvaṇṇanāvisesabhūto parivattanahārasampāto niyutto yathārahaṃ nīharitvā yujjitabboti attho gahetabboti.
इति परिवत्तनहारसम्पाते सत्तिबलानुरूपा रचिता
Iti parivattanahārasampāte sattibalānurūpā racitā
विभावना निट्ठिता।
Vibhāvanā niṭṭhitā.
पण्डितेहि पन…पे॰… गहेतब्बोति।
Paṇḍitehi pana…pe… gahetabboti.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / खुद्दकनिकाय • Khuddakanikāya / नेत्तिप्पकरणपाळि • Nettippakaraṇapāḷi / ९. परिवत्तनहारसम्पातो • 9. Parivattanahārasampāto
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / नेत्तिप्पकरण-अट्ठकथा • Nettippakaraṇa-aṭṭhakathā / ९. परिवत्तनहारसम्पातवण्णना • 9. Parivattanahārasampātavaṇṇanā
