| Library / Tipiṭaka / д̇ибидага • Tipiṭaka / нзд̇д̇иббагаран̣а-адтагат̇аа • Nettippakaraṇa-aṭṭhakathā |
9. баривад̇д̇анахааравибхан̇г̇аван̣н̣анаа
9. Parivattanahāravibhaṅgavaṇṇanā
35. д̇ад̇т̇а гад̇амо баривад̇д̇ано хаарод̇и баривад̇д̇анахааравибхан̇г̇о. д̇ад̇т̇а яасмаа сам̣ван̣н̣ияамаанз суд̇д̇з яат̇аанид̣̇д̣̇идтаанам̣ гусалаагусалад̇хаммаанам̣ бадибагкабхууд̇з агусалагусалад̇хаммз бахаад̇аб̣б̣абхааваад̣̇ивасзна нид̣̇д̇хааран̣ам̣ бадибагкад̇о баривад̇д̇анам̣, д̇асмаа ‘‘саммаад̣̇идтисса бурисабуг̇г̇аласса мижчаад̣̇идти ниж̇ж̇ин̣н̣аа бхавад̇ий’’д̇иаад̣̇и аарад̣̇д̇хам̣. д̇ад̇т̇а саммаа басад̇т̇аа, сунд̣̇араа д̣̇идти зд̇ассаад̇и саммаад̣̇идти, д̇асса. саа банасса саммаад̣̇идтид̇аа буб̣б̣абхааг̇асаммаад̣̇идтияаа ваа логуд̇д̇арасаммаад̣̇идтияаа ваа взд̣̇ид̇аб̣б̣аа. мижчаад̣̇идти ниж̇ж̇ин̣н̣аа бхавад̇ийд̇и буриманаяз вибассанаасаммаад̣̇идтияаа бахийнаа ход̇и, вигкамбхид̇аад̇и ад̇т̇о. бажчиманаяз батамамаг̇г̇асаммаад̣̇идтияаа бахийнаа самужчиннаад̇и ад̇т̇о.
35.Tatthakatamo parivattano hāroti parivattanahāravibhaṅgo. Tattha yasmā saṃvaṇṇiyamāne sutte yathāniddiṭṭhānaṃ kusalākusaladhammānaṃ paṭipakkhabhūte akusalakusaladhamme pahātabbabhāvādivasena niddhāraṇaṃ paṭipakkhato parivattanaṃ, tasmā ‘‘sammādiṭṭhissa purisapuggalassa micchādiṭṭhi nijjiṇṇā bhavatī’’tiādi āraddhaṃ. Tattha sammā pasatthā, sundarā diṭṭhi etassāti sammādiṭṭhi, tassa. Sā panassa sammādiṭṭhitā pubbabhāgasammādiṭṭhiyā vā lokuttarasammādiṭṭhiyā vā veditabbā. Micchādiṭṭhi nijjiṇṇā bhavatīti purimanaye vipassanāsammādiṭṭhiyā pahīnā hoti, vikkhambhitāti attho. Pacchimanaye paṭhamamaggasammādiṭṭhiyā pahīnā samucchinnāti attho.
яз жасса мижчаад̣̇идтибажжаяаад̇и мижчаабхинивзсахзд̇у яз арияаанам̣ ад̣̇ассанагаамад̇аад̣̇аяо лобхаад̣̇аяо баан̣аад̇ибаад̇аад̣̇аяо жа анзгз лаамагадтзна баабагаа агосалласамбхууд̇адтзна агусалаа д̇хаммаа уббаж̇ж̇зяяум̣. имасса аарад̣̇д̇хавибассагасса арияасса жа. д̇хаммаад̇и самат̇авибассанаад̇хаммаа, сад̇д̇ад̇д̇им̣саб̣од̇хибагкияад̇хаммаа ваа ануббаннаа ваа самбхаванд̇и уббаннаа, бхааванаабаарибуурим̣ г̇ажчанд̇и. саммаасан̇габбассаад̇иаад̣̇ийнамби иминаава наязна ад̇т̇о взд̣̇ид̇аб̣б̣о. аяам̣ бана висзсо – саммаавимуд̇д̇иаад̣̇ийнам̣ мижчаавимуд̇д̇и авимуд̇д̇аава самаанаа ‘‘вимуд̇д̇аа маяа’’нд̇и звам̣сан̃н̃ино авимуд̇д̇ияам̣ ваа вимуд̇д̇исан̃н̃ино. д̇ад̇рааяам̣ важанад̇т̇о – мижчаа баабигаа вимуд̇д̇и вимогко зд̇ассаад̇и мижчаавимуд̇д̇и. адтан̇г̇аа жа мижчаавимуд̇д̇и яат̇аавуд̇д̇знаагаарзна мижчаабхинивзсавасзна жа бавад̇д̇аа анд̇ад̣̇ваяалагкан̣аа. саммаавимуд̇д̇и бана палад̇хаммаа, мижчаад̣̇идтигз самаасзвад̇о мижчаавимогко ваа мижчаавимуд̇д̇и. мижчаавимуд̇д̇ин̃аан̣ад̣̇ассанам̣ бана мижчаавимогкз мижчаад̣̇идтияаа жа сааранд̇и г̇ахан̣авасзна бавад̇д̇о агусалажид̇д̇уббаад̣̇о анд̇амасо баабам̣ гад̇ваа ‘‘сугад̇ам̣ маяаа’’д̇и бажжавзгкад̇о уббаннамохо жа. саммаавимуд̇д̇ин̃аан̣ад̣̇ассанассаад̇и зд̇т̇а сзгкаанам̣ бажжавзгкан̣ан̃аан̣ам̣ саммаавимуд̇д̇ин̃аан̣ад̣̇ассананд̇и ад̇хиббзд̇ам̣. д̇ан̃хи уд̇д̇арибхааванаабаарибуурияаа сам̣вад̇д̇ад̇и.
Ye cassa micchādiṭṭhipaccayāti micchābhinivesahetu ye ariyānaṃ adassanakāmatādayo lobhādayo pāṇātipātādayo ca aneke lāmakaṭṭhena pāpakā akosallasambhūtaṭṭhena akusalā dhammā uppajjeyyuṃ. Imassa āraddhavipassakassa ariyassa ca. Dhammāti samathavipassanādhammā, sattattiṃsabodhipakkhiyadhammā vā anuppannā vā sambhavanti uppannā, bhāvanāpāripūriṃ gacchanti. Sammāsaṅkappassātiādīnampi imināva nayena attho veditabbo. Ayaṃ pana viseso – sammāvimuttiādīnaṃ micchāvimutti avimuttāva samānā ‘‘vimuttā maya’’nti evaṃsaññino avimuttiyaṃ vā vimuttisaññino. Tatrāyaṃ vacanattho – micchā pāpikā vimutti vimokkho etassāti micchāvimutti. Aṭṭhaṅgā ca micchāvimutti yathāvuttenākārena micchābhinivesavasena ca pavattā antadvayalakkhaṇā. Sammāvimutti pana phaladhammā, micchādiṭṭhike samāsevato micchāvimokkho vā micchāvimutti. Micchāvimuttiñāṇadassanaṃ pana micchāvimokkhe micchādiṭṭhiyā ca sāranti gahaṇavasena pavatto akusalacittuppādo antamaso pāpaṃ katvā ‘‘sukataṃ mayā’’ti paccavekkhato uppannamoho ca. Sammāvimuttiñāṇadassanassāti ettha sekkhānaṃ paccavekkhaṇañāṇaṃ sammāvimuttiñāṇadassananti adhippetaṃ. Tañhi uttaribhāvanāpāripūriyā saṃvattati.
36. звам̣ саммаад̣̇идтиаад̣̇имукзна мижчаад̣̇идтиаад̣̇им̣ д̣̇ассзд̇ваа буна баан̣аад̇ибаад̇аад̣̇иннаад̣̇аанагаамзсумижчаажаараад̣̇ид̇о взраман̣ияаад̣̇ийхи баан̣аад̇ибаад̇аад̣̇ийнам̣ баривад̇д̇анам̣ д̣̇ассзд̇ум̣ ‘‘яассаа’’д̇иаад̣̇и аарад̣̇д̇хам̣. д̇ад̇т̇а гаалаваад̣̇иссаад̇и лагкан̣аважанам̣. гаалзна саабад̣̇зсам̣ барияанд̇авад̇им̣ ад̇т̇асан̃хид̇анд̇и со сампаббалаабасса бахаанааяа бадибанно ход̇ийд̇и вуд̇д̇ам̣.
36. Evaṃ sammādiṭṭhiādimukhena micchādiṭṭhiādiṃ dassetvā puna pāṇātipātaadinnādānakāmesumicchācārādito veramaṇiyādīhi pāṇātipātādīnaṃ parivattanaṃ dassetuṃ ‘‘yassā’’tiādi āraddhaṃ. Tattha kālavādissāti lakkhaṇavacanaṃ. Kālena sāpadesaṃ pariyantavatiṃ atthasañhitanti so samphappalāpassa pahānāya paṭipanno hotīti vuttaṃ.
буна ‘‘яз жа ко гзжий’’д̇иаад̣̇инаа саммаад̣̇идтиаад̣̇имукзнзва мижчаад̣̇идтиаад̣̇ийхи зва баривад̇д̇анам̣ багааранд̇арзна д̣̇ассзд̇и. д̇ад̇т̇а санд̣̇идтигаад̇и бажжагкаа. сахад̇хаммигаад̇и сагааран̣аа. г̇аараяхаад̇и г̇арахид̇аб̣б̣аяуд̇д̇аа. ваад̣̇аануваад̣̇аад̇и ваад̣̇аа жзва ануваад̣̇аа жа. ‘‘ваад̣̇аанубаад̇аа’’д̇иби баато, ваад̣̇аанубавад̇д̇ияод̇и ад̇т̇о. буж̇ж̇аад̇и бууж̇анийяаа. баасам̣саад̇и басам̣сид̇аб̣б̣аа.
Puna ‘‘ye ca kho kecī’’tiādinā sammādiṭṭhiādimukheneva micchādiṭṭhiādīhi eva parivattanaṃ pakārantarena dasseti. Tattha sandiṭṭhikāti paccakkhā. Sahadhammikāti sakāraṇā. Gārayhāti garahitabbayuttā. Vādānuvādāti vādā ceva anuvādā ca. ‘‘Vādānupātā’’tipi pāṭho, vādānupavattiyoti attho. Pujjāti pūjanīyā. Pāsaṃsāti pasaṃsitabbā.
буна ‘‘яз жа ко гзжий’’д̇иаад̣̇инаа маж̇жхимааяа бадибад̇д̇ияаа анд̇ад̣̇ваяабаривад̇д̇анам̣ д̣̇ассзд̇и. д̇ад̇т̇а бхун̃ж̇ид̇аб̣б̣аад̇иаад̣̇ийни жад̇д̇аари бад̣̇аани вад̇т̇угаамавасзна яож̇зд̇аб̣б̣аани. бхааваяид̇аб̣б̣аа б̣ахулийгаад̇аб̣б̣аад̇и бад̣̇ад̣̇ваяам̣ гилзсагаамавасзна. д̇зсам̣ ад̇хаммод̇и бхаавзд̇аб̣б̣о наама д̇хаммо сияаа, гаамаа жа д̇зсам̣ бхаавзд̇аб̣б̣аа ижчид̇аа, гаамзхи жа взраман̣ий гаамаанам̣ бадибагко, ид̇и саа д̇зсам̣ ад̇хаммо аабаж̇ж̇ад̇ийд̇и ад̇хиббааяо.
Puna ‘‘ye ca kho kecī’’tiādinā majjhimāya paṭipattiyā antadvayaparivattanaṃ dasseti. Tattha bhuñjitabbātiādīni cattāri padāni vatthukāmavasena yojetabbāni. Bhāvayitabbā bahulīkātabbāti padadvayaṃ kilesakāmavasena. Tesaṃ adhammoti bhāvetabbo nāma dhammo siyā, kāmā ca tesaṃ bhāvetabbā icchitā, kāmehi ca veramaṇī kāmānaṃ paṭipakkho, iti sā tesaṃ adhammo āpajjatīti adhippāyo.
нияяааниго д̇хаммод̇и саха вибассанааяа арияамаг̇г̇о. д̣̇угкод̇и баабам̣ ниж̇ж̇араабзссаамаад̇и бавад̇д̇ид̇ам̣ сарийрад̇аабанам̣ вад̣̇ад̇и. сукод̇и анаваж̇ж̇абажжаяабарибхог̇асукам̣. зд̇зсуби ваарзсу вуд̇д̇анаязнзва ад̇хаммабхааваабад̇д̇и вад̇д̇аб̣б̣аа. ид̣̇аани асубхасан̃н̃аад̣̇имукзна субхасан̃н̃аад̣̇ибаривад̇д̇анам̣ д̣̇ассзд̇ум̣ ‘‘яат̇аа ваа банаа’’д̇иаад̣̇и вуд̇д̇ам̣. аарад̣̇д̇хавибассагасса гилзсаасужибаг̇гхаран̣авасзна д̇збхуумагасан̇каараа асубхад̇о убадтаханд̇ийд̇и гад̇ваа вуд̇д̇ам̣ ‘‘саб̣б̣асан̇каарзсу асубхаанубассино вихарад̇о’’д̇и. ‘‘яам̣ яам̣ ваа банаа’’д̇иаад̣̇инаа бадибагкасса лагкан̣ам̣ вибхаавзд̇и. д̇ад̇т̇а аж̇жхаабаннод̇и ад̇хиаабанно, абхиубаг̇ад̇о барин̃н̃аад̇од̇и ад̇т̇о.
Niyyāniko dhammoti saha vipassanāya ariyamaggo. Dukkhoti pāpaṃ nijjarāpessāmāti pavattitaṃ sarīratāpanaṃ vadati. Sukhoti anavajjapaccayaparibhogasukhaṃ. Etesupi vāresu vuttanayeneva adhammabhāvāpatti vattabbā. Idāni asubhasaññādimukhena subhasaññādiparivattanaṃ dassetuṃ ‘‘yathā vā panā’’tiādi vuttaṃ. Āraddhavipassakassa kilesāsucipaggharaṇavasena tebhūmakasaṅkhārā asubhato upaṭṭhahantīti katvā vuttaṃ ‘‘sabbasaṅkhāresu asubhānupassino viharato’’ti. ‘‘Yaṃ yaṃ vā panā’’tiādinā paṭipakkhassa lakkhaṇaṃ vibhāveti. Tattha ajjhāpannoti adhiāpanno, abhiupagato pariññātoti attho.
баривад̇д̇анахааравибхан̇г̇аван̣н̣анаа нидтид̇аа.
Parivattanahāravibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 9. баривад̇д̇анахааравибхан̇г̇о • 9. Parivattanahāravibhaṅgo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 9. баривад̇д̇анахааравибхан̇г̇аван̣н̣анаа • 9. Parivattanahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 9. баривад̇д̇анахааравибхан̇г̇авибхааванаа • 9. Parivattanahāravibhaṅgavibhāvanā
