| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
9. баривад̇д̇анахааравибхан̇г̇авибхааванаа
9. Parivattanahāravibhaṅgavibhāvanā
35. язна язна сам̣ван̣н̣аависзсабхууд̇зна вибхад̇д̇ихааравибхан̇г̇зна суд̇д̇з вуд̇д̇аа д̇хаммаад̣̇аяо вибхад̇д̇аа, со сам̣ван̣н̣аависзсабхууд̇о вибхан̇г̇о барибун̣н̣о, ‘‘гад̇амо баривад̇д̇анахааравибхан̇г̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо баривад̇д̇ано хааро’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇зсу нид̣̇д̣̇идтзсу сол̣асасу д̣̇зсанаахаараад̣̇ийсу гад̇амо сам̣ван̣н̣анаависзсо баривад̇д̇ано хааро баривад̇д̇анахааравибхан̇г̇о наамаад̇и бужчад̇и. ‘‘гусалаагусалз д̇хаммз’’д̇иаад̣̇инид̣̇д̣̇зсасса ид̣̇аани маяаа вужжамаано ‘‘саммаад̣̇идтисса бурисабуг̇г̇алассаа’’д̇иаад̣̇иго вид̇т̇аарасам̣ван̣н̣анаависзсо баривад̇д̇ано хааро баривад̇д̇анахааравибхан̇г̇о наамаад̇и ад̇т̇о г̇ахзд̇аб̣б̣о.
35. Yena yena saṃvaṇṇāvisesabhūtena vibhattihāravibhaṅgena sutte vuttā dhammādayo vibhattā, so saṃvaṇṇāvisesabhūto vibhaṅgo paripuṇṇo, ‘‘katamo parivattanahāravibhaṅgo’’ti pucchitabbattā ‘‘tattha katamo parivattano hāro’’tiādi vuttaṃ. Tattha tatthāti tesu niddiṭṭhesu soḷasasu desanāhārādīsu katamo saṃvaṇṇanāviseso parivattano hāro parivattanahāravibhaṅgo nāmāti pucchati. ‘‘Kusalākusale dhamme’’tiādiniddesassa idāni mayā vuccamāno ‘‘sammādiṭṭhissa purisapuggalassā’’tiādiko vitthārasaṃvaṇṇanāviseso parivattano hāro parivattanahāravibhaṅgo nāmāti attho gahetabbo.
‘‘сам̣ван̣н̣ияамаанз суд̇д̇з нид̣̇д̣̇идтасса гад̇амасса бхаавид̇аб̣б̣асса гусаласса гад̇амо бадибагко, гат̇ам̣ баривад̇д̇зд̇аб̣б̣о’’д̇и бужчид̇аб̣б̣ад̇д̇аа имасса бхаавид̇аб̣б̣асса гусаласса аяам̣ бадибагко, звам̣ бахаад̇аб̣б̣абхаававасзна баривад̇д̇зд̇аб̣б̣од̇и д̣̇ассзнд̇о ‘‘саммаад̣̇идтисса бурисабуг̇г̇алассаа’’д̇иаад̣̇имааха. адтагат̇ааяам̣ бана –
‘‘Saṃvaṇṇiyamāne sutte niddiṭṭhassa katamassa bhāvitabbassa kusalassa katamo paṭipakkho, kathaṃ parivattetabbo’’ti pucchitabbattā imassa bhāvitabbassa kusalassa ayaṃ paṭipakkho, evaṃ pahātabbabhāvavasena parivattetabboti dassento ‘‘sammādiṭṭhissa purisapuggalassā’’tiādimāha. Aṭṭhakathāyaṃ pana –
‘‘д̇ад̇т̇а яасмаа сам̣ван̣н̣ияамаанз суд̇д̇з яат̇аанид̣̇д̣̇идтаанам̣ гусалаагусалад̇хаммаанам̣ бадибагкабхууд̇з агусалагусалад̇хаммз бахаад̇аб̣б̣абхааваад̣̇ивасзна нид̣̇д̇хааран̣ам̣ бадибагкад̇о баривад̇д̇анам̣, д̇асмаа ‘саммаад̣̇идтисса бурисабуг̇г̇аласса мижчаад̣̇идти ниж̇ж̇ин̣н̣аа бхавад̇ий’д̇иаад̣̇и аарад̣̇д̇ха’’нд̇и (нзд̇д̇и. адта. 35) –
‘‘Tattha yasmā saṃvaṇṇiyamāne sutte yathāniddiṭṭhānaṃ kusalākusaladhammānaṃ paṭipakkhabhūte akusalakusaladhamme pahātabbabhāvādivasena niddhāraṇaṃ paṭipakkhato parivattanaṃ, tasmā ‘sammādiṭṭhissa purisapuggalassa micchādiṭṭhi nijjiṇṇā bhavatī’tiādi āraddha’’nti (netti. aṭṭha. 35) –
вуд̇д̇ам̣. бахааяагасса хи д̇хаммасса бахаад̇аб̣б̣абхаававасзна нид̣̇д̇хааран̣ам̣, бахаад̇аб̣б̣асса жа д̇хаммасса бахааяагабхаававасзна нид̣̇д̇хааран̣ам̣ бадибагкад̇о баривад̇д̇анам̣ наама ход̇и. д̇ад̇т̇а саммаад̣̇идтиссаад̇и саммаа сунд̣̇араа басад̇т̇аа д̣̇идти яасса буг̇г̇алассаад̇и саммаад̣̇идти. буг̇г̇алабад̣̇адтаанаа хи аяам̣ д̣̇зсанаа. д̇зна вуд̇д̇ам̣ ‘‘бурисабуг̇г̇алассаа’’д̇и. саа бана саммаад̣̇идти гаммагаммапалаад̣̇исад̣̇д̣̇аханавасзна ваа анижжаад̣̇ивибассанаавасзна ваа маг̇г̇асаммаад̣̇ассанавасзна ваа бавад̇д̇аа ниравасзсаава г̇ахид̇аа. ‘‘яааяа бхаавид̇ааяа саммаад̣̇идтияаа бахаад̇аб̣б̣аа мижчаад̣̇идти ниж̇ж̇ин̣н̣аа бхавад̇и, яад̣̇и гзвалаа мижчаад̣̇идтиязва ниж̇ж̇ин̣н̣аа бхавад̇и, звам̣ сад̇и д̇ад̣̇авасзсаа агусалаа д̇хаммаа аж̇ин̣н̣аа
Vuttaṃ. Pahāyakassa hi dhammassa pahātabbabhāvavasena niddhāraṇaṃ, pahātabbassa ca dhammassa pahāyakabhāvavasena niddhāraṇaṃ paṭipakkhato parivattanaṃ nāma hoti. Tattha sammādiṭṭhissāti sammā sundarā pasatthā diṭṭhi yassa puggalassāti sammādiṭṭhi. Puggalapadaṭṭhānā hi ayaṃ desanā. Tena vuttaṃ ‘‘purisapuggalassā’’ti. Sā pana sammādiṭṭhi kammakammaphalādisaddahanavasena vā aniccādivipassanāvasena vā maggasammādassanavasena vā pavattā niravasesāva gahitā. ‘‘Yāya bhāvitāya sammādiṭṭhiyā pahātabbā micchādiṭṭhi nijjiṇṇā bhavati, yadi kevalā micchādiṭṭhiyeva nijjiṇṇā bhavati, evaṃ sati tadavasesā akusalā dhammā ajiṇṇā
бхавзяяу’’нд̇и вад̇д̇аб̣б̣ад̇д̇аа ‘‘яз жасса мижчаад̣̇идтибажжаяаа’’д̇иаад̣̇и вуд̇д̇ам̣. мижчаад̣̇идтибажжаяаа анзгз баабагаа агусалааязва д̇хаммаа жа уббаж̇ж̇зяяум̣ уббаж̇ж̇анаарахаа бхавзяяум̣, д̇з жа агусалаа д̇хаммаа асса саммаад̣̇идтисамбаннасса бурисабуг̇г̇аласса ниж̇ж̇ин̣н̣аа бахаад̇аб̣б̣аарахаа ануббаж̇ж̇анасабхааваа хонд̇и. д̇знааха бхаг̇аваа – ‘‘убаад̣̇аананирод̇хаа бхаванирод̇хо’’д̇и (уд̣̇аа. 2; махаава. 1).
Bhaveyyu’’nti vattabbattā ‘‘ye cassa micchādiṭṭhipaccayā’’tiādi vuttaṃ. Micchādiṭṭhipaccayā aneke pāpakā akusalāyeva dhammā ca uppajjeyyuṃ uppajjanārahā bhaveyyuṃ, te ca akusalā dhammā assa sammādiṭṭhisampannassa purisapuggalassa nijjiṇṇā pahātabbārahā anuppajjanasabhāvā honti. Tenāha bhagavā – ‘‘upādānanirodhā bhavanirodho’’ti (udā. 2; mahāva. 1).
‘‘яад̣̇и саммаад̣̇идтисса бурисабуг̇г̇аласса мижчаад̣̇идти, д̇аббажжаяаа агусалад̇хаммааязва ниж̇ж̇ин̣н̣аа бхаванд̇и, звам̣ сад̇и саммаад̣̇идтибажжаяаа гусалаа д̇хаммаа на самбхавзяяу’’нд̇и вад̇д̇аб̣б̣ад̇д̇аа ‘‘саммаад̣̇идтибажжаяаа жаа’’д̇иаад̣̇и вуд̇д̇ам̣. асса саммаад̣̇идтисамбаннасса бурисабуг̇г̇аласса уббаж̇ж̇анаарахаа саммаад̣̇идтибажжаяаа анзгз гусалаа самат̇авибассанаа ваа б̣од̇хибагкияаа ваа д̇хаммаа самбхаванд̇и, уббаннаа жа д̇з д̇хаммаа асса саммаад̣̇идтисамбаннасса бурисабуг̇г̇аласса санд̇аанз бунаббунам̣ бавад̇д̇анавасзна бхааванаабаарибуурим̣ г̇ажчанд̇и.
‘‘Yadi sammādiṭṭhissa purisapuggalassa micchādiṭṭhi, tappaccayā akusaladhammāyeva nijjiṇṇā bhavanti, evaṃ sati sammādiṭṭhipaccayā kusalā dhammā na sambhaveyyu’’nti vattabbattā ‘‘sammādiṭṭhipaccayā cā’’tiādi vuttaṃ. Assa sammādiṭṭhisampannassa purisapuggalassa uppajjanārahā sammādiṭṭhipaccayā aneke kusalā samathavipassanā vā bodhipakkhiyā vā dhammā sambhavanti, uppannā ca te dhammā assa sammādiṭṭhisampannassa purisapuggalassa santāne punappunaṃ pavattanavasena bhāvanāpāripūriṃ gacchanti.
саммаад̣̇идтияаа бадибагкаанам̣ мижчаад̣̇идтияаа, д̇аббажжаяаанам̣ агусалаанам̣ д̇хаммаанам̣ баривад̇д̇анабхааво аажариязна вибхад̇д̇о, амхзхи жа н̃аад̇о, ‘‘саммаасан̇габбасса д̇хаммасса бадибагко д̇хаммо гат̇ам̣ баривад̇д̇зд̇аб̣б̣о’’д̇и вад̇д̇аб̣б̣ад̇д̇аа ‘‘саммаасан̇габбасса бурисабуг̇г̇алассаа’’д̇иаад̣̇и вуд̇д̇ам̣. яож̇анад̇т̇а аад̣̇аяо вуд̇д̇анаяаанусаарзна взд̣̇ид̇аб̣б̣аа. саммаа сунд̣̇араа басад̇т̇аа ваажаа яасса буг̇г̇алассаад̇и саммааваажо, д̇асса саммааваажасса. ‘‘бурисабуг̇г̇алассаа’’д̇иаад̣̇ийнам̣ ад̇т̇оби вуд̇д̇анаязна взд̣̇ид̇аб̣б̣о. аяам̣ бана висзсад̇т̇осаммаа авибарийд̇ад̇о вимуд̇д̇ин̃аан̣ад̣̇ассанам̣ яасса буг̇г̇алассаад̇и саммаавимуд̇д̇ин̃аан̣ад̣̇ассано, д̇асса саммаавимуд̇д̇ин̃аан̣ад̣̇ассанасса бажжавзгкан̣ан̃аан̣ад̣̇ассанасамбаннасса бурисабуг̇г̇аласса ‘‘авимуд̇д̇аава самаанаа вимуд̇д̇аа маяа’’нд̇и мижчаабхинивзсавасзна бавад̇д̇ам̣ мижчаавимуд̇д̇ин̃аан̣ад̣̇ассанам̣ ниж̇ж̇ин̣н̣ам̣ виг̇ад̇ам̣ бхавад̇и. ‘‘яз жассаа’’д̇иаад̣̇ийнам̣ анусанд̇хяаад̣̇иго вуд̇д̇анаяаанусаарзна взд̣̇ид̇аб̣б̣о.
Sammādiṭṭhiyā paṭipakkhānaṃ micchādiṭṭhiyā, tappaccayānaṃ akusalānaṃ dhammānaṃ parivattanabhāvo ācariyena vibhatto, amhehi ca ñāto, ‘‘sammāsaṅkappassa dhammassa paṭipakkho dhammo kathaṃ parivattetabbo’’ti vattabbattā ‘‘sammāsaṅkappassa purisapuggalassā’’tiādi vuttaṃ. Yojanattha ādayo vuttanayānusārena veditabbā. Sammā sundarā pasatthā vācā yassa puggalassāti sammāvāco, tassa sammāvācassa. ‘‘Purisapuggalassā’’tiādīnaṃ atthopi vuttanayena veditabbo. Ayaṃ pana visesatthosammā aviparītato vimuttiñāṇadassanaṃ yassa puggalassāti sammāvimuttiñāṇadassano, tassa sammāvimuttiñāṇadassanassa paccavekkhaṇañāṇadassanasampannassa purisapuggalassa ‘‘avimuttāva samānā vimuttā maya’’nti micchābhinivesavasena pavattaṃ micchāvimuttiñāṇadassanaṃ nijjiṇṇaṃ vigataṃ bhavati. ‘‘Ye cassā’’tiādīnaṃ anusandhyādiko vuttanayānusārena veditabbo.
36. ‘‘саммаад̣̇идтиссаад̇иаад̣̇инаа саммаад̣̇идтиаад̣̇ийнам̣ гусалаанам̣ бадибагкаа мижчаад̣̇идтаад̣̇игааязва агусалаа бахаад̇аб̣б̣абхаавзна баривад̇д̇зд̇аб̣б̣аа’’д̇и бужчид̇аб̣б̣ад̇д̇аа баан̣аад̇ибаад̇аавзраман̣иаад̣̇ийнам̣ гусалаанам̣ бадибагкаа баан̣аад̇ибаад̇аад̣̇игааби агусалаа бахаад̇аб̣б̣абхаавзна баривад̇д̇зд̇аб̣б̣аад̇и д̣̇ассзд̇ум̣ ‘‘яасса ваа баан̣аад̇ибаад̇аа бадивирад̇ассаа’’д̇иаад̣̇и вуд̇д̇ам̣. адтагат̇ааяам̣ бана ‘‘звам̣ саммаад̣̇идтиаад̣̇имукзна мижчаад̣̇идтиаад̣̇им̣ д̣̇ассзд̇ваа буна баан̣аад̇ибаад̇аад̣̇иннаад̣̇аанагаамзсумижчаажаараад̣̇ид̇о взраман̣ияаад̣̇ийхи баан̣аад̇ибаад̇аад̣̇ийнам̣ баривад̇д̇анам̣ д̣̇ассзд̇ум̣ ‘яассаа’д̇иаад̣̇и аарад̣̇д̇ха’’нд̇и (нзд̇д̇и. адта. 36) вуд̇д̇ам̣. д̇ад̣̇ан̇г̇аад̣̇ивасзнабахийно ход̇и. гаалаваад̣̇иссаад̇и вад̣̇ид̇аб̣б̣агаалз вад̣̇ид̇аб̣б̣ам̣ вад̣̇ад̇и сийлзнаад̇и гаалаваад̣̇ий, д̇асса.
36. ‘‘Sammādiṭṭhissātiādinā sammādiṭṭhiādīnaṃ kusalānaṃ paṭipakkhā micchādiṭṭhādikāyeva akusalā pahātabbabhāvena parivattetabbā’’ti pucchitabbattā pāṇātipātāveramaṇiādīnaṃ kusalānaṃ paṭipakkhā pāṇātipātādikāpi akusalā pahātabbabhāvena parivattetabbāti dassetuṃ ‘‘yassa vā pāṇātipātā paṭiviratassā’’tiādi vuttaṃ. Aṭṭhakathāyaṃ pana ‘‘evaṃ sammādiṭṭhiādimukhena micchādiṭṭhiādiṃ dassetvā puna pāṇātipātaadinnādānakāmesumicchācārādito veramaṇiyādīhi pāṇātipātādīnaṃ parivattanaṃ dassetuṃ ‘yassā’tiādi āraddha’’nti (netti. aṭṭha. 36) vuttaṃ. Tadaṅgādivasenapahīno hoti. Kālavādissāti vaditabbakāle vaditabbaṃ vadati sīlenāti kālavādī, tassa.
‘‘яат̇аавуд̇д̇аббагаарзнзва баривад̇д̇зд̇аб̣б̣аа’’д̇и бужчид̇аб̣б̣ад̇д̇аа ан̃н̃зна багаарзнаби баривад̇д̇зд̇аб̣б̣аад̇и д̣̇ассзд̇ум̣ ‘‘яз жа ко гзжий’’д̇иаад̣̇и вуд̇д̇ам̣. адтагат̇ааяам̣ бана ‘‘яз жа ко гзжийд̇иаад̣̇инаа саммаад̣̇идтиаад̣̇имукзнзва мижчаад̣̇идтиаад̣̇ийхи зва баривад̇д̇анам̣ багааранд̇арзна д̣̇ассзд̇ий’’д̇и (нзд̇д̇и. адта. 36) вуд̇д̇ам̣. д̇ад̇т̇а гзжи мижчаад̣̇идтигамижчаасан̇габбаад̣̇игааязва буг̇г̇алаа барзсам̣ арияаанам̣ арияам̣ адтан̇г̇игам̣ маг̇г̇ам̣ г̇араханд̇и. санд̣̇идтигаа санд̣̇идтз нияуд̇д̇аа, сахад̇хаммигаа саха д̇хаммзна гааран̣зна яз вад̇д̇анд̇и сахад̇хаммигаа. г̇аараяхаа г̇арахид̇аб̣б̣аагаарз яуд̇д̇аа . ваад̣̇аа жа ануваад̣̇аа жа ваад̣̇аануваад̣̇аа, д̇з бхаванд̇о саммаад̣̇идтин̃жа д̇хаммам̣ г̇араханд̇и. д̇зна г̇арахан̣зна. буж̇ж̇аа бууж̇ид̇аб̣б̣аа жа на бхаванд̇и, баасам̣саа басам̣сид̇аб̣б̣аа жа на бхаванд̇и. званд̇иаад̣̇ийсу саммаасан̇габбам̣ ваа саммааваажаад̣̇игам̣ ваа висум̣ висум̣ саммаасан̇габбан̃жа д̇з бхаванд̇о д̇хаммам̣ г̇араханд̇и. д̇зна хи яз мижчаасан̇габбигаа, д̇з бхаванд̇о на буж̇ж̇аа жа баасам̣саа жа…бз… саммаавимуд̇д̇ин̃жа д̇з бхаванд̇о д̇хаммам̣ г̇араханд̇и. д̇зна хи яз мижчаад̣̇идтиваажигаа, д̇з бхаванд̇о на буж̇ж̇аа жа баасам̣саа жа. саммаавимуд̇д̇ин̃аан̣ад̣̇ассанан̃жа д̇з бхаванд̇о д̇хаммам̣ г̇араханд̇и. д̇зна хи яз мижчаавимуд̇д̇игаа, д̇з бхаванд̇о на буж̇ж̇аа жа баасам̣саа жа. саммаавимуд̇д̇ин̃аан̣ад̣̇ассанан̃жа д̇з бхаванд̇о д̇хаммам̣ г̇араханд̇и. д̇зна хи яз мижчаавимуд̇д̇ин̃аан̣ад̣̇ассанигаа, д̇з бхаванд̇о на буж̇ж̇аа жа баасам̣саа жаад̇и яож̇анаа гаад̇аб̣б̣аа. ‘‘мижчаавимуд̇д̇ин̃аан̣ад̣̇ассанаа’’д̇иби баато ад̇т̇и.
‘‘Yathāvuttappakāreneva parivattetabbā’’ti pucchitabbattā aññena pakārenapi parivattetabbāti dassetuṃ ‘‘ye ca kho kecī’’tiādi vuttaṃ. Aṭṭhakathāyaṃ pana ‘‘ye ca kho kecītiādinā sammādiṭṭhiādimukheneva micchādiṭṭhiādīhi eva parivattanaṃ pakārantarena dassetī’’ti (netti. aṭṭha. 36) vuttaṃ. Tattha keci micchādiṭṭhikamicchāsaṅkappādikāyeva puggalā paresaṃ ariyānaṃ ariyaṃ aṭṭhaṅgikaṃ maggaṃ garahanti. Sandiṭṭhikā sandiṭṭhe niyuttā, sahadhammikā saha dhammena kāraṇena ye vattanti sahadhammikā. Gārayhā garahitabbākāre yuttā . Vādā ca anuvādā ca vādānuvādā, te bhavanto sammādiṭṭhiñca dhammaṃ garahanti. Tena garahaṇena. Pujjā pūjitabbā ca na bhavanti, pāsaṃsā pasaṃsitabbā ca na bhavanti. Evantiādīsu sammāsaṅkappaṃ vā sammāvācādikaṃ vā visuṃ visuṃ sammāsaṅkappañca te bhavanto dhammaṃ garahanti. Tena hi ye micchāsaṅkappikā, te bhavanto na pujjā ca pāsaṃsā ca…pe… sammāvimuttiñca te bhavanto dhammaṃ garahanti. Tena hi ye micchādiṭṭhivācikā, te bhavanto na pujjā ca pāsaṃsā ca. Sammāvimuttiñāṇadassanañca te bhavanto dhammaṃ garahanti. Tena hi ye micchāvimuttikā, te bhavanto na pujjā ca pāsaṃsā ca. Sammāvimuttiñāṇadassanañca te bhavanto dhammaṃ garahanti. Tena hi ye micchāvimuttiñāṇadassanikā, te bhavanto na pujjā ca pāsaṃsā cāti yojanā kātabbā. ‘‘Micchāvimuttiñāṇadassanā’’tipi pāṭho atthi.
‘‘арияамаг̇г̇асаммаад̣̇идтаад̣̇ийнам̣ г̇арахавасзнзва мижчаад̣̇идтаад̣̇аяо жа баривад̇д̇зд̇аб̣б̣аа, наавасзсаанам̣ басам̣саавасзнаа’’д̇и вад̇д̇аб̣б̣ад̇д̇аа гаамаад̣̇ийнам̣ басам̣саавасзнаби гаамаанам̣ бадибагкаа взраман̣ияаад̣̇аяоби баривад̇д̇зд̇аб̣б̣аад̇и д̣̇ассзд̇ум̣ ‘‘яз жа ко гзжи звамаахам̣суу’’д̇иаад̣̇и вуд̇д̇ам̣. д̇ад̇т̇а бхун̃ж̇ид̇аб̣б̣аа гаамаа, барибхун̃ж̇ид̇аб̣б̣аа гаамаа, аасзвид̇аб̣б̣аа гаамаа, нисзвид̇аб̣б̣аа гаамаад̇и зд̇т̇а гаамийяанд̇зд̇и гаамаад̇и гаммасаад̇ханавасзна вад̇т̇угаамаа г̇ахид̇аа, наад̇ибан̣ийд̇аа гаамаа бхун̃ж̇ид̇аб̣б̣аа, ад̇ибан̣ийд̇аа гаамаа бари саманд̇ад̇о бхун̃ж̇ид̇аб̣б̣аа. ад̇ибан̣ийд̇ад̇араа гаамаа аа бхусо сзвид̇аб̣б̣аа, нияад̇аа сзвид̇аб̣б̣аа. бхааваяид̇аб̣б̣аа гаамаа, б̣ахулийгаад̇аб̣б̣аа гаамаад̇и зд̇т̇а бана гаамзнд̇ийд̇и гаамаад̇и гад̇д̇усаад̇ханавасзна гилзсагаамаа г̇ахид̇аа, бунаббунам̣ уббаад̣̇анавасзна бхааваяид̇аб̣б̣аа вад̣дхаабзд̇аб̣б̣аа бавад̇д̇зд̇аб̣б̣аа гилзсагаамаа, б̣ахуунам̣ бунаббунам̣ уббаад̣̇анавасзна гаад̇аб̣б̣аа вад̣дхаабзд̇аб̣б̣аа гилзсагаамаад̇и яз жа гаамавасигаа бут̇уж̇ж̇анаа гзжи звамаахам̣су д̇зсам̣ гаамавасигаанам̣ бут̇уж̇ж̇анаанам̣ гзсан̃жи д̇аад̣̇исзхи гаамзхи взраман̣ий гусалажзд̇анаа бадибагкавасзна ад̇хаммо асзвид̇аб̣б̣о наама аабаж̇ж̇зяяаад̇и ад̇хиббааяо г̇ахзд̇аб̣б̣о.
‘‘Ariyamaggasammādiṭṭhādīnaṃ garahavaseneva micchādiṭṭhādayo ca parivattetabbā, nāvasesānaṃ pasaṃsāvasenā’’ti vattabbattā kāmādīnaṃ pasaṃsāvasenapi kāmānaṃ paṭipakkhā veramaṇiyādayopi parivattetabbāti dassetuṃ ‘‘ye ca kho keci evamāhaṃsū’’tiādi vuttaṃ. Tattha bhuñjitabbā kāmā, paribhuñjitabbā kāmā, āsevitabbā kāmā, nisevitabbā kāmāti ettha kāmīyanteti kāmāti kammasādhanavasena vatthukāmā gahitā, nātipaṇītā kāmā bhuñjitabbā, atipaṇītā kāmā pari samantato bhuñjitabbā. Atipaṇītatarā kāmā ā bhuso sevitabbā, niyatā sevitabbā. Bhāvayitabbā kāmā, bahulīkātabbā kāmāti ettha pana kāmentīti kāmāti kattusādhanavasena kilesakāmā gahitā, punappunaṃ uppādanavasena bhāvayitabbā vaḍḍhāpetabbā pavattetabbā kilesakāmā, bahūnaṃ punappunaṃ uppādanavasena kātabbā vaḍḍhāpetabbā kilesakāmāti ye ca kāmavasikā puthujjanā keci evamāhaṃsu tesaṃ kāmavasikānaṃ puthujjanānaṃ kesañci tādisehi kāmehi veramaṇī kusalacetanā paṭipakkhavasena adhammo asevitabbo nāma āpajjeyyāti adhippāyo gahetabbo.
анд̇ад̣̇ваяавасзна баривад̇д̇анам̣ д̣̇ассзд̇ум̣ ‘‘яз ваа бана гзжий’’д̇иаад̣̇и вуд̇д̇ам̣. ад̇д̇агиламат̇аануяог̇о д̇хаммод̇и нияяаанигод̇и яз ваа бана бан̃жаад̇абаад̣̇ибадибаннагаа д̇ад̇т̇ияаа звамаахам̣су, д̇зсам̣ бан̃жаад̇абаад̣̇ибадибаннагаанам̣ нияяааниго д̇хаммо маж̇жхимаабадибад̣̇аасан̇каад̇о вибассанаасахид̇о арияамаг̇г̇о ад̇хаммо анияяааниго абхаавзд̇аб̣б̣о наама аабаж̇ж̇зяяаад̇и. сукад̣̇угкавасзнаби баривад̇д̇анам̣ д̣̇ассзд̇ум̣ ‘‘яз жа ко’’д̇иаад̣̇и вуд̇д̇ам̣. ‘‘баабам̣ ниж̇ж̇араабзссаамаа’’д̇и ад̇д̇ахим̣санаад̣̇ивасзна бадибаннагаанам̣ бавад̇д̇о сарийрад̇аабано д̣̇угко д̇хаммо нияяаанигод̇и.
Antadvayavasena parivattanaṃ dassetuṃ ‘‘ye vā pana kecī’’tiādi vuttaṃ. Attakilamathānuyogo dhammoti niyyānikoti ye vā pana pañcātapādipaṭipannakā tatthiyā evamāhaṃsu, tesaṃ pañcātapādipaṭipannakānaṃ niyyāniko dhammo majjhimāpaṭipadāsaṅkhāto vipassanāsahito ariyamaggo adhammo aniyyāniko abhāvetabbo nāma āpajjeyyāti. Sukhadukkhavasenapi parivattanaṃ dassetuṃ ‘‘ye ca kho’’tiādi vuttaṃ. ‘‘Pāpaṃ nijjarāpessāmā’’ti attahiṃsanādivasena paṭipannakānaṃ pavatto sarīratāpano dukkho dhammo niyyānikoti.
яз жа д̇ат̇аабадибаннагаа гзжи звамаахам̣су, д̇зсам̣ д̇ат̇аабадибаннагаанам̣ анаваж̇ж̇абажжаяабарибхог̇авасзна бавад̇д̇о сарийрад̣̇угкуубасамо суко д̇хаммо ад̇хаммо аббавад̇д̇зд̇аб̣б̣о аабаж̇ж̇зяяаад̇и.
Ye ca tathāpaṭipannakā keci evamāhaṃsu, tesaṃ tathāpaṭipannakānaṃ anavajjapaccayaparibhogavasena pavatto sarīradukkhūpasamo sukho dhammo adhammo appavattetabbo āpajjeyyāti.
анд̇ад̣̇ваяаад̣̇ивасзна баривад̇д̇анам̣ аажариязна вибхад̇д̇ам̣, амхзхи жа н̃аад̇ам̣, ‘‘гат̇ам̣ асубхасан̃н̃аад̣̇ивасзна баривад̇д̇зд̇аб̣б̣о’’д̇и бужчид̇аб̣б̣ад̇д̇аа звам̣ асубхасан̃н̃аад̣̇ивасзна субхасан̃н̃аад̣̇игаа баривад̇д̇зд̇аб̣б̣аад̇и д̣̇ассзд̇ум̣ ‘‘яат̇аа ваа банаа’’д̇иаад̣̇и вуд̇д̇ам̣. адтагат̇ааяам̣ бана ‘‘ид̣̇аани асубхасан̃н̃аад̣̇имукзна субхасан̃н̃аад̣̇ибаривад̇д̇анам̣ д̣̇ассзд̇ум̣ ‘яат̇аа ваа банаа’д̇иаад̣̇и вуд̇д̇а’’нд̇и (нзд̇д̇и. адта. 36) вуд̇д̇ам̣. саб̣б̣асан̇каарзсууд̇и д̇збхуумагасан̇каарзсу. аарад̣̇д̇хавибассагасса хи д̇збхуумагаа д̇хаммаа гилзсаасужибаг̇гхаран̣агад̇д̇аа асубхад̇о убадтаханд̇и.
Antadvayādivasena parivattanaṃ ācariyena vibhattaṃ, amhehi ca ñātaṃ, ‘‘kathaṃ asubhasaññādivasena parivattetabbo’’ti pucchitabbattā evaṃ asubhasaññādivasena subhasaññādikā parivattetabbāti dassetuṃ ‘‘yathā vā panā’’tiādi vuttaṃ. Aṭṭhakathāyaṃ pana ‘‘idāni asubhasaññādimukhena subhasaññādiparivattanaṃ dassetuṃ ‘yathā vā panā’tiādi vutta’’nti (netti. aṭṭha. 36) vuttaṃ. Sabbasaṅkhāresūti tebhūmakasaṅkhāresu. Āraddhavipassakassa hi tebhūmakā dhammā kilesāsucipaggharaṇakattā asubhato upaṭṭhahanti.
‘‘яад̣̇и саруубад̇оязва имзсам̣ имз бадибагкаад̇и абаривад̇д̇зд̇аб̣б̣аа сияум̣, звам̣ сад̇и ниравасзсаа жа бадибагкаа на саггаа баривад̇д̇зд̇ум̣, гат̇ам̣ саггаа баривад̇д̇зд̇у’’нд̇и вад̇д̇аб̣б̣ад̇д̇аа баривад̇д̇аналагкан̣ам̣ д̣̇ассзнд̇о ‘‘яам̣ яам̣ ваа банаа’’д̇иаад̣̇имааха. д̇ад̇т̇а гусалам̣ ваа агусалам̣ ваа яам̣ яам̣ д̇хаммам̣ баривад̇д̇зд̇угаамо аажарияо жид̇д̇зна рожаяад̇и д̣̇идтияаа убаг̇ажчад̇и, гусаласса ваа агусаласса ваа д̇асса д̇асса ружигасса убаг̇ад̇асса д̇хаммасса яо бадибагко, со бадибагкад̇хаммо асад̣̇д̇хаммо асса д̇хаммасса анидтад̇о бажжанийгад̇о аж̇жхаабанно барин̃н̃аад̇о. идтам̣ ваа анидтам̣ ваа яам̣ яам̣ д̇хаммам̣ баривад̇д̇зд̇угаамо аажарияо жид̇д̇зна рожаяад̇и д̣̇идтияаа убаг̇ажчад̇и, идтасса ваа анидтасса ваа д̇асса д̇асса ружигасса д̇хаммасса яо бадибагко, со бадибагкад̇хаммо асса д̇хаммасса анидтад̇о бажжанийгад̇хаммад̇о аж̇жхаабанно барин̃н̃аад̇о бхавад̇ийд̇и баривад̇д̇зд̇угаамзна ижчид̇аб̣б̣ад̇хаммаануруубабадибагкавасзна баривад̇д̇анам̣ гаад̇аб̣б̣анд̇и баривад̇д̇анз бадибагкалагкан̣ам̣ вуд̇д̇ам̣. д̇зна адтагат̇ааяам̣ вуд̇д̇ам̣ – ‘‘бадибагкасса лагкан̣ам̣ вибхаавзд̇ий’’д̇и.
‘‘Yadi sarūpatoyeva imesaṃ ime paṭipakkhāti aparivattetabbā siyuṃ, evaṃ sati niravasesā ca paṭipakkhā na sakkā parivattetuṃ, kathaṃ sakkā parivattetu’’nti vattabbattā parivattanalakkhaṇaṃ dassento ‘‘yaṃ yaṃ vā panā’’tiādimāha. Tattha kusalaṃ vā akusalaṃ vā yaṃ yaṃ dhammaṃ parivattetukāmo ācariyo cittena rocayati diṭṭhiyā upagacchati, kusalassa vā akusalassa vā tassa tassa rucikassa upagatassa dhammassa yo paṭipakkho, so paṭipakkhadhammo asaddhammo assa dhammassa aniṭṭhato paccanīkato ajjhāpanno pariññāto. Iṭṭhaṃ vā aniṭṭhaṃ vā yaṃ yaṃ dhammaṃ parivattetukāmo ācariyo cittena rocayati diṭṭhiyā upagacchati, iṭṭhassa vā aniṭṭhassa vā tassa tassa rucikassa dhammassa yo paṭipakkho, so paṭipakkhadhammo assa dhammassa aniṭṭhato paccanīkadhammato ajjhāpanno pariññāto bhavatīti parivattetukāmena icchitabbadhammānurūpapaṭipakkhavasena parivattanaṃ kātabbanti parivattane paṭipakkhalakkhaṇaṃ vuttaṃ. Tena aṭṭhakathāyaṃ vuttaṃ – ‘‘paṭipakkhassa lakkhaṇaṃ vibhāvetī’’ti.
‘‘звам̣ вуд̇д̇аббагаарам̣ баривад̇д̇анам̣ амхзхи гат̇ам̣ сад̣̇д̣̇ахид̇аб̣б̣а’’нд̇и вад̇д̇аб̣б̣ад̇аа ‘‘д̇знаахаа’’д̇иаад̣̇и вуд̇д̇ам̣.
‘‘Evaṃ vuttappakāraṃ parivattanaṃ amhehi kathaṃ saddahitabba’’nti vattabbatā ‘‘tenāhā’’tiādi vuttaṃ.
‘‘зд̇д̇аавад̇аа баривад̇д̇о хааро барибун̣н̣о, ан̃н̃о нияуд̇д̇о над̇т̇ий’’д̇и вад̇д̇аб̣б̣ад̇д̇аа ‘‘нияуд̇д̇о баривад̇д̇ано хааро’’д̇и вуд̇д̇ам̣. яасмим̣ суд̇д̇з гусалаагусалз нид̣̇д̣̇идтз бадибагкавасзна нийхарид̇ваа яат̇аасамбхавам̣ яо яо баривад̇д̇ано хааро нияуд̇д̇о, д̇асмим̣ суд̇д̇з нид̣̇д̣̇идтз бадибагкавасзна нийхарид̇ваа со со баривад̇д̇ано хааро нияуд̇д̇о нид̣̇д̇хаарзд̇ваа яуд̇д̇о яож̇ид̇од̇и ад̇т̇о г̇ахзд̇аб̣б̣од̇и.
‘‘Ettāvatā parivatto hāro paripuṇṇo, añño niyutto natthī’’ti vattabbattā ‘‘niyutto parivattano hāro’’ti vuttaṃ. Yasmiṃ sutte kusalākusale niddiṭṭhe paṭipakkhavasena nīharitvā yathāsambhavaṃ yo yo parivattano hāro niyutto, tasmiṃ sutte niddiṭṭhe paṭipakkhavasena nīharitvā so so parivattano hāro niyutto niddhāretvā yutto yojitoti attho gahetabboti.
ид̇и баривад̇д̇анахааравибхан̇г̇з сад̇д̇иб̣алаануруубаа ражид̇аа
Iti parivattanahāravibhaṅge sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана адтагат̇аадийгаанусаарзна г̇амбхийрад̇т̇о вид̇т̇аарад̇о вибхаж̇ид̇ваа г̇ахзд̇аб̣б̣од̇и.
Paṇḍitehi pana aṭṭhakathāṭīkānusārena gambhīrattho vitthārato vibhajitvā gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 9. баривад̇д̇анахааравибхан̇г̇о • 9. Parivattanahāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 9. баривад̇д̇анахааравибхан̇г̇аван̣н̣анаа • 9. Parivattanahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 9. баривад̇д̇анахааравибхан̇г̇аван̣н̣анаа • 9. Parivattanahāravibhaṅgavaṇṇanā
