| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
7. பரியாபன்னகதா²வண்ணனா
7. Pariyāpannakathāvaṇṇanā
703-705. இதா³னி பரியாபன்னகதா² நாம ஹோதி. தத்த² யஸ்மா காமராகோ³ காமதா⁴துங் அனுஸேதி, காமதா⁴துபரியாபன்னோதி ச வுச்சதி, தஸ்மா ரூபராகா³ரூபராகா³பி ரூபதா⁴துஅரூபதா⁴துயோ அனுஸெந்தி. ரூபதா⁴துஅரூபதா⁴துபரியாபன்னாயேவ ச நாம ஹொந்தீதி யேஸங் லத்³தி⁴, ஸெய்யதா²பி அந்த⁴கானஞ்சேவ ஸம்மிதியானஞ்ச; தே ஸந்தா⁴ய ரூபராகோ³தி புச்சா² ஸகவாதி³ஸ்ஸ, படிஞ்ஞா இதரஸ்ஸ . தத்த² அனுஸேதீதி யதா² காமராகோ³ காமவிதக்கஸங்கா²தங் காமதா⁴துங் ஸஹஜாதவஸேன அனுஸேதி, கிங் தே ஏவங் ரூபராகோ³ ரூபதா⁴துந்தி புச்ச²தி. பரியாபன்னோதி யதா² ச ஸோ திவிதா⁴ய காமதா⁴துயா கிலேஸகாமவஸேன பரியாபன்னத்தா காமதா⁴துபரியாபன்னோ, கிங் தே ஏவங் ரூபராகோ³பி ரூபதா⁴துபரியாபன்னோதி புச்ச²தி. இதரோ பனஸ்ஸ அதி⁴ப்பாயங் அஸல்லக்கெ²ந்தோ கேவலங் லத்³தி⁴வஸேன ஆமந்தாதி படிஜானாதி. அத² நங் தமத்த²ங் ஸல்லக்கா²பேதுங் குஸலவிபாககிரியஸங்கா²தேஹி ஸமாபத்தேஸியாதீ³ஹி ஸங்ஸந்தி³த்வா புச்சி²துங் ஸமாபத்தேஸியோதிஆதி³மாஹ. ஸேஸமெத்த² யதா²பாளிமேவ நிய்யாதி. நனு காமராகோ³திஆதி³வசனம்பி காமராக³ஸ்ஸேவ காமதா⁴துயங் அனுஸயபா⁴வங் பரியாபன்னதஞ்ச தீ³பேதி, ந இதரேஸங் இதரதா⁴தூஸூதி.
703-705. Idāni pariyāpannakathā nāma hoti. Tattha yasmā kāmarāgo kāmadhātuṃ anuseti, kāmadhātupariyāpannoti ca vuccati, tasmā rūparāgārūparāgāpi rūpadhātuarūpadhātuyo anusenti. Rūpadhātuarūpadhātupariyāpannāyeva ca nāma hontīti yesaṃ laddhi, seyyathāpi andhakānañceva sammitiyānañca; te sandhāya rūparāgoti pucchā sakavādissa, paṭiññā itarassa . Tattha anusetīti yathā kāmarāgo kāmavitakkasaṅkhātaṃ kāmadhātuṃ sahajātavasena anuseti, kiṃ te evaṃ rūparāgo rūpadhātunti pucchati. Pariyāpannoti yathā ca so tividhāya kāmadhātuyā kilesakāmavasena pariyāpannattā kāmadhātupariyāpanno, kiṃ te evaṃ rūparāgopi rūpadhātupariyāpannoti pucchati. Itaro panassa adhippāyaṃ asallakkhento kevalaṃ laddhivasena āmantāti paṭijānāti. Atha naṃ tamatthaṃ sallakkhāpetuṃ kusalavipākakiriyasaṅkhātehi samāpattesiyādīhi saṃsanditvā pucchituṃ samāpattesiyotiādimāha. Sesamettha yathāpāḷimeva niyyāti. Nanu kāmarāgotiādivacanampi kāmarāgasseva kāmadhātuyaṃ anusayabhāvaṃ pariyāpannatañca dīpeti, na itaresaṃ itaradhātūsūti.
பரியாபன்னகதா²வண்ணனா.
Pariyāpannakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (142) 7. பரியாபன்னகதா² • (142) 7. Pariyāpannakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 7. பரியாபன்னகதா²வண்ணனா • 7. Pariyāpannakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 7. பரியாபன்னகதா²வண்ணனா • 7. Pariyāpannakathāvaṇṇanā
