| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
7. барияаабаннагат̇ааван̣н̣анаа
7. Pariyāpannakathāvaṇṇanā
703-705. ид̣̇аани барияаабаннагат̇аа наама ход̇и. д̇ад̇т̇а яасмаа гаамарааг̇о гаамад̇хаад̇ум̣ анусзд̇и, гаамад̇хаад̇убарияаабаннод̇и жа вужжад̇и, д̇асмаа руубарааг̇ааруубарааг̇ааби руубад̇хаад̇уаруубад̇хаад̇уяо анусзнд̇и. руубад̇хаад̇уаруубад̇хаад̇убарияаабаннааязва жа наама хонд̇ийд̇и язсам̣ лад̣̇д̇хи, сзяяат̇ааби анд̇хагаанан̃жзва саммид̇ияаанан̃жа; д̇з санд̇хааяа руубарааг̇од̇и бужчаа сагаваад̣̇исса, бадин̃н̃аа ид̇арасса . д̇ад̇т̇а анусзд̇ийд̇и яат̇аа гаамарааг̇о гаамавид̇аггасан̇каад̇ам̣ гаамад̇хаад̇ум̣ сахаж̇аад̇авасзна анусзд̇и, гим̣ д̇з звам̣ руубарааг̇о руубад̇хаад̇унд̇и бужчад̇и. барияаабаннод̇и яат̇аа жа со д̇ивид̇хааяа гаамад̇хаад̇уяаа гилзсагаамавасзна барияаабаннад̇д̇аа гаамад̇хаад̇убарияаабанно, гим̣ д̇з звам̣ руубарааг̇оби руубад̇хаад̇убарияаабаннод̇и бужчад̇и. ид̇аро банасса ад̇хиббааяам̣ асаллагкзнд̇о гзвалам̣ лад̣̇д̇хивасзна ааманд̇аад̇и бадиж̇аанаад̇и. ат̇а нам̣ д̇амад̇т̇ам̣ саллагкаабзд̇ум̣ гусалавибаагагирияасан̇каад̇зхи самаабад̇д̇зсияаад̣̇ийхи сам̣санд̣̇ид̇ваа бужчид̇ум̣ самаабад̇д̇зсияод̇иаад̣̇имааха. сзсамзд̇т̇а яат̇аабаал̣имзва нияяаад̇и. нану гаамарааг̇од̇иаад̣̇иважанамби гаамарааг̇ассзва гаамад̇хаад̇уяам̣ анусаяабхаавам̣ барияаабаннад̇ан̃жа д̣̇ийбзд̇и, на ид̇арзсам̣ ид̇арад̇хаад̇уусууд̇и.
703-705. Idāni pariyāpannakathā nāma hoti. Tattha yasmā kāmarāgo kāmadhātuṃ anuseti, kāmadhātupariyāpannoti ca vuccati, tasmā rūparāgārūparāgāpi rūpadhātuarūpadhātuyo anusenti. Rūpadhātuarūpadhātupariyāpannāyeva ca nāma hontīti yesaṃ laddhi, seyyathāpi andhakānañceva sammitiyānañca; te sandhāya rūparāgoti pucchā sakavādissa, paṭiññā itarassa . Tattha anusetīti yathā kāmarāgo kāmavitakkasaṅkhātaṃ kāmadhātuṃ sahajātavasena anuseti, kiṃ te evaṃ rūparāgo rūpadhātunti pucchati. Pariyāpannoti yathā ca so tividhāya kāmadhātuyā kilesakāmavasena pariyāpannattā kāmadhātupariyāpanno, kiṃ te evaṃ rūparāgopi rūpadhātupariyāpannoti pucchati. Itaro panassa adhippāyaṃ asallakkhento kevalaṃ laddhivasena āmantāti paṭijānāti. Atha naṃ tamatthaṃ sallakkhāpetuṃ kusalavipākakiriyasaṅkhātehi samāpattesiyādīhi saṃsanditvā pucchituṃ samāpattesiyotiādimāha. Sesamettha yathāpāḷimeva niyyāti. Nanu kāmarāgotiādivacanampi kāmarāgasseva kāmadhātuyaṃ anusayabhāvaṃ pariyāpannatañca dīpeti, na itaresaṃ itaradhātūsūti.
барияаабаннагат̇ааван̣н̣анаа.
Pariyāpannakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (142) 7. барияаабаннагат̇аа • (142) 7. Pariyāpannakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. барияаабаннагат̇ааван̣н̣анаа • 7. Pariyāpannakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. барияаабаннагат̇ааван̣н̣анаа • 7. Pariyāpannakathāvaṇṇanā
