| Library / Tipiṭaka / తిపిటక • Tipiṭaka / పఞ్చపకరణ-అట్ఠకథా • Pañcapakaraṇa-aṭṭhakathā |
౭. పరియాపన్నకథావణ్ణనా
7. Pariyāpannakathāvaṇṇanā
౭౦౩-౭౦౫. ఇదాని పరియాపన్నకథా నామ హోతి. తత్థ యస్మా కామరాగో కామధాతుం అనుసేతి, కామధాతుపరియాపన్నోతి చ వుచ్చతి, తస్మా రూపరాగారూపరాగాపి రూపధాతుఅరూపధాతుయో అనుసేన్తి. రూపధాతుఅరూపధాతుపరియాపన్నాయేవ చ నామ హోన్తీతి యేసం లద్ధి, సేయ్యథాపి అన్ధకానఞ్చేవ సమ్మితియానఞ్చ; తే సన్ధాయ రూపరాగోతి పుచ్ఛా సకవాదిస్స, పటిఞ్ఞా ఇతరస్స . తత్థ అనుసేతీతి యథా కామరాగో కామవితక్కసఙ్ఖాతం కామధాతుం సహజాతవసేన అనుసేతి, కిం తే ఏవం రూపరాగో రూపధాతున్తి పుచ్ఛతి. పరియాపన్నోతి యథా చ సో తివిధాయ కామధాతుయా కిలేసకామవసేన పరియాపన్నత్తా కామధాతుపరియాపన్నో, కిం తే ఏవం రూపరాగోపి రూపధాతుపరియాపన్నోతి పుచ్ఛతి. ఇతరో పనస్స అధిప్పాయం అసల్లక్ఖేన్తో కేవలం లద్ధివసేన ఆమన్తాతి పటిజానాతి. అథ నం తమత్థం సల్లక్ఖాపేతుం కుసలవిపాకకిరియసఙ్ఖాతేహి సమాపత్తేసియాదీహి సంసన్దిత్వా పుచ్ఛితుం సమాపత్తేసియోతిఆదిమాహ. సేసమేత్థ యథాపాళిమేవ నియ్యాతి. నను కామరాగోతిఆదివచనమ్పి కామరాగస్సేవ కామధాతుయం అనుసయభావం పరియాపన్నతఞ్చ దీపేతి, న ఇతరేసం ఇతరధాతూసూతి.
703-705. Idāni pariyāpannakathā nāma hoti. Tattha yasmā kāmarāgo kāmadhātuṃ anuseti, kāmadhātupariyāpannoti ca vuccati, tasmā rūparāgārūparāgāpi rūpadhātuarūpadhātuyo anusenti. Rūpadhātuarūpadhātupariyāpannāyeva ca nāma hontīti yesaṃ laddhi, seyyathāpi andhakānañceva sammitiyānañca; te sandhāya rūparāgoti pucchā sakavādissa, paṭiññā itarassa . Tattha anusetīti yathā kāmarāgo kāmavitakkasaṅkhātaṃ kāmadhātuṃ sahajātavasena anuseti, kiṃ te evaṃ rūparāgo rūpadhātunti pucchati. Pariyāpannoti yathā ca so tividhāya kāmadhātuyā kilesakāmavasena pariyāpannattā kāmadhātupariyāpanno, kiṃ te evaṃ rūparāgopi rūpadhātupariyāpannoti pucchati. Itaro panassa adhippāyaṃ asallakkhento kevalaṃ laddhivasena āmantāti paṭijānāti. Atha naṃ tamatthaṃ sallakkhāpetuṃ kusalavipākakiriyasaṅkhātehi samāpattesiyādīhi saṃsanditvā pucchituṃ samāpattesiyotiādimāha. Sesamettha yathāpāḷimeva niyyāti. Nanu kāmarāgotiādivacanampi kāmarāgasseva kāmadhātuyaṃ anusayabhāvaṃ pariyāpannatañca dīpeti, na itaresaṃ itaradhātūsūti.
పరియాపన్నకథావణ్ణనా.
Pariyāpannakathāvaṇṇanā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / కథావత్థుపాళి • Kathāvatthupāḷi / (౧౪౨) ౭. పరియాపన్నకథా • (142) 7. Pariyāpannakathā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-మూలటీకా • Pañcapakaraṇa-mūlaṭīkā / ౭. పరియాపన్నకథావణ్ణనా • 7. Pariyāpannakathāvaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-అనుటీకా • Pañcapakaraṇa-anuṭīkā / ౭. పరియాపన్నకథావణ్ణనా • 7. Pariyāpannakathāvaṇṇanā
