| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೭. ಪರಿಯಾಪನ್ನಕಥಾವಣ್ಣನಾ
7. Pariyāpannakathāvaṇṇanā
೭೦೩-೭೦೫. ಇದಾನಿ ಪರಿಯಾಪನ್ನಕಥಾ ನಾಮ ಹೋತಿ। ತತ್ಥ ಯಸ್ಮಾ ಕಾಮರಾಗೋ ಕಾಮಧಾತುಂ ಅನುಸೇತಿ, ಕಾಮಧಾತುಪರಿಯಾಪನ್ನೋತಿ ಚ ವುಚ್ಚತಿ, ತಸ್ಮಾ ರೂಪರಾಗಾರೂಪರಾಗಾಪಿ ರೂಪಧಾತುಅರೂಪಧಾತುಯೋ ಅನುಸೇನ್ತಿ। ರೂಪಧಾತುಅರೂಪಧಾತುಪರಿಯಾಪನ್ನಾಯೇವ ಚ ನಾಮ ಹೋನ್ತೀತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಅನ್ಧಕಾನಞ್ಚೇವ ಸಮ್ಮಿತಿಯಾನಞ್ಚ; ತೇ ಸನ್ಧಾಯ ರೂಪರಾಗೋತಿ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ । ತತ್ಥ ಅನುಸೇತೀತಿ ಯಥಾ ಕಾಮರಾಗೋ ಕಾಮವಿತಕ್ಕಸಙ್ಖಾತಂ ಕಾಮಧಾತುಂ ಸಹಜಾತವಸೇನ ಅನುಸೇತಿ, ಕಿಂ ತೇ ಏವಂ ರೂಪರಾಗೋ ರೂಪಧಾತುನ್ತಿ ಪುಚ್ಛತಿ। ಪರಿಯಾಪನ್ನೋತಿ ಯಥಾ ಚ ಸೋ ತಿವಿಧಾಯ ಕಾಮಧಾತುಯಾ ಕಿಲೇಸಕಾಮವಸೇನ ಪರಿಯಾಪನ್ನತ್ತಾ ಕಾಮಧಾತುಪರಿಯಾಪನ್ನೋ, ಕಿಂ ತೇ ಏವಂ ರೂಪರಾಗೋಪಿ ರೂಪಧಾತುಪರಿಯಾಪನ್ನೋತಿ ಪುಚ್ಛತಿ। ಇತರೋ ಪನಸ್ಸ ಅಧಿಪ್ಪಾಯಂ ಅಸಲ್ಲಕ್ಖೇನ್ತೋ ಕೇವಲಂ ಲದ್ಧಿವಸೇನ ಆಮನ್ತಾತಿ ಪಟಿಜಾನಾತಿ। ಅಥ ನಂ ತಮತ್ಥಂ ಸಲ್ಲಕ್ಖಾಪೇತುಂ ಕುಸಲವಿಪಾಕಕಿರಿಯಸಙ್ಖಾತೇಹಿ ಸಮಾಪತ್ತೇಸಿಯಾದೀಹಿ ಸಂಸನ್ದಿತ್ವಾ ಪುಚ್ಛಿತುಂ ಸಮಾಪತ್ತೇಸಿಯೋತಿಆದಿಮಾಹ। ಸೇಸಮೇತ್ಥ ಯಥಾಪಾಳಿಮೇವ ನಿಯ್ಯಾತಿ। ನನು ಕಾಮರಾಗೋತಿಆದಿವಚನಮ್ಪಿ ಕಾಮರಾಗಸ್ಸೇವ ಕಾಮಧಾತುಯಂ ಅನುಸಯಭಾವಂ ಪರಿಯಾಪನ್ನತಞ್ಚ ದೀಪೇತಿ, ನ ಇತರೇಸಂ ಇತರಧಾತೂಸೂತಿ।
703-705. Idāni pariyāpannakathā nāma hoti. Tattha yasmā kāmarāgo kāmadhātuṃ anuseti, kāmadhātupariyāpannoti ca vuccati, tasmā rūparāgārūparāgāpi rūpadhātuarūpadhātuyo anusenti. Rūpadhātuarūpadhātupariyāpannāyeva ca nāma hontīti yesaṃ laddhi, seyyathāpi andhakānañceva sammitiyānañca; te sandhāya rūparāgoti pucchā sakavādissa, paṭiññā itarassa . Tattha anusetīti yathā kāmarāgo kāmavitakkasaṅkhātaṃ kāmadhātuṃ sahajātavasena anuseti, kiṃ te evaṃ rūparāgo rūpadhātunti pucchati. Pariyāpannoti yathā ca so tividhāya kāmadhātuyā kilesakāmavasena pariyāpannattā kāmadhātupariyāpanno, kiṃ te evaṃ rūparāgopi rūpadhātupariyāpannoti pucchati. Itaro panassa adhippāyaṃ asallakkhento kevalaṃ laddhivasena āmantāti paṭijānāti. Atha naṃ tamatthaṃ sallakkhāpetuṃ kusalavipākakiriyasaṅkhātehi samāpattesiyādīhi saṃsanditvā pucchituṃ samāpattesiyotiādimāha. Sesamettha yathāpāḷimeva niyyāti. Nanu kāmarāgotiādivacanampi kāmarāgasseva kāmadhātuyaṃ anusayabhāvaṃ pariyāpannatañca dīpeti, na itaresaṃ itaradhātūsūti.
ಪರಿಯಾಪನ್ನಕಥಾವಣ್ಣನಾ।
Pariyāpannakathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೪೨) ೭. ಪರಿಯಾಪನ್ನಕಥಾ • (142) 7. Pariyāpannakathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೭. ಪರಿಯಾಪನ್ನಕಥಾವಣ್ಣನಾ • 7. Pariyāpannakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೭. ಪರಿಯಾಪನ್ನಕಥಾವಣ್ಣನಾ • 7. Pariyāpannakathāvaṇṇanā
