| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༧. པརིཡཱཔནྣཀཐཱཝཎྞནཱ
7. Pariyāpannakathāvaṇṇanā
༧༠༣-༧༠༥. ཨིདཱནི པརིཡཱཔནྣཀཐཱ ནཱམ ཧོཏི། ཏཏྠ ཡསྨཱ ཀཱམརཱགོ ཀཱམདྷཱཏུཾ ཨནུསེཏི, ཀཱམདྷཱཏུཔརིཡཱཔནྣོཏི ཙ ཝུཙྩཏི, ཏསྨཱ རཱུཔརཱགཱརཱུཔརཱགཱཔི རཱུཔདྷཱཏུཨརཱུཔདྷཱཏུཡོ ཨནུསེནྟི། རཱུཔདྷཱཏུཨརཱུཔདྷཱཏུཔརིཡཱཔནྣཱཡེཝ ཙ ནཱམ ཧོནྟཱིཏི ཡེསཾ ལདྡྷི, སེཡྻཐཱཔི ཨནྡྷཀཱནཉྩེཝ སམྨིཏིཡཱནཉྩ; ཏེ སནྡྷཱཡ རཱུཔརཱགོཏི པུཙྪཱ སཀཝཱདིསྶ, པཊིཉྙཱ ཨིཏརསྶ ། ཏཏྠ ཨནུསེཏཱིཏི ཡཐཱ ཀཱམརཱགོ ཀཱམཝིཏཀྐསངྑཱཏཾ ཀཱམདྷཱཏུཾ སཧཛཱཏཝསེན ཨནུསེཏི, ཀིཾ ཏེ ཨེཝཾ རཱུཔརཱགོ རཱུཔདྷཱཏུནྟི པུཙྪཏི། པརིཡཱཔནྣོཏི ཡཐཱ ཙ སོ ཏིཝིདྷཱཡ ཀཱམདྷཱཏུཡཱ ཀིལེསཀཱམཝསེན པརིཡཱཔནྣཏྟཱ ཀཱམདྷཱཏུཔརིཡཱཔནྣོ, ཀིཾ ཏེ ཨེཝཾ རཱུཔརཱགོཔི རཱུཔདྷཱཏུཔརིཡཱཔནྣོཏི པུཙྪཏི། ཨིཏརོ པནསྶ ཨདྷིཔྤཱཡཾ ཨསལླཀྑེནྟོ ཀེཝལཾ ལདྡྷིཝསེན ཨཱམནྟཱཏི པཊིཛཱནཱཏི། ཨཐ ནཾ ཏམཏྠཾ སལླཀྑཱཔེཏུཾ ཀུསལཝིཔཱཀཀིརིཡསངྑཱཏེཧི སམཱཔཏྟེསིཡཱདཱིཧི སཾསནྡིཏྭཱ པུཙྪིཏུཾ སམཱཔཏྟེསིཡོཏིཨཱདིམཱཧ། སེསམེཏྠ ཡཐཱཔཱལི༹མེཝ ནིཡྻཱཏི། ནནུ ཀཱམརཱགོཏིཨཱདིཝཙནམྤི ཀཱམརཱགསྶེཝ ཀཱམདྷཱཏུཡཾ ཨནུསཡབྷཱཝཾ པརིཡཱཔནྣཏཉྩ དཱིཔེཏི, ན ཨིཏརེསཾ ཨིཏརདྷཱཏཱུསཱུཏི།
703-705. Idāni pariyāpannakathā nāma hoti. Tattha yasmā kāmarāgo kāmadhātuṃ anuseti, kāmadhātupariyāpannoti ca vuccati, tasmā rūparāgārūparāgāpi rūpadhātuarūpadhātuyo anusenti. Rūpadhātuarūpadhātupariyāpannāyeva ca nāma hontīti yesaṃ laddhi, seyyathāpi andhakānañceva sammitiyānañca; te sandhāya rūparāgoti pucchā sakavādissa, paṭiññā itarassa . Tattha anusetīti yathā kāmarāgo kāmavitakkasaṅkhātaṃ kāmadhātuṃ sahajātavasena anuseti, kiṃ te evaṃ rūparāgo rūpadhātunti pucchati. Pariyāpannoti yathā ca so tividhāya kāmadhātuyā kilesakāmavasena pariyāpannattā kāmadhātupariyāpanno, kiṃ te evaṃ rūparāgopi rūpadhātupariyāpannoti pucchati. Itaro panassa adhippāyaṃ asallakkhento kevalaṃ laddhivasena āmantāti paṭijānāti. Atha naṃ tamatthaṃ sallakkhāpetuṃ kusalavipākakiriyasaṅkhātehi samāpattesiyādīhi saṃsanditvā pucchituṃ samāpattesiyotiādimāha. Sesamettha yathāpāḷimeva niyyāti. Nanu kāmarāgotiādivacanampi kāmarāgasseva kāmadhātuyaṃ anusayabhāvaṃ pariyāpannatañca dīpeti, na itaresaṃ itaradhātūsūti.
པརིཡཱཔནྣཀཐཱཝཎྞནཱ།
Pariyāpannakathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༤༢) ༧. པརིཡཱཔནྣཀཐཱ • (142) 7. Pariyāpannakathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༧. པརིཡཱཔནྣཀཐཱཝཎྞནཱ • 7. Pariyāpannakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༧. པརིཡཱཔནྣཀཐཱཝཎྞནཱ • 7. Pariyāpannakathāvaṇṇanā
