| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੭. ਪਰਿਯਾਪਨ੍ਨਕਥਾવਣ੍ਣਨਾ
7. Pariyāpannakathāvaṇṇanā
੭੦੩-੭੦੫. ਇਦਾਨਿ ਪਰਿਯਾਪਨ੍ਨਕਥਾ ਨਾਮ ਹੋਤਿ। ਤਤ੍ਥ ਯਸ੍ਮਾ ਕਾਮਰਾਗੋ ਕਾਮਧਾਤੁਂ ਅਨੁਸੇਤਿ, ਕਾਮਧਾਤੁਪਰਿਯਾਪਨ੍ਨੋਤਿ ਚ વੁਚ੍ਚਤਿ, ਤਸ੍ਮਾ ਰੂਪਰਾਗਾਰੂਪਰਾਗਾਪਿ ਰੂਪਧਾਤੁਅਰੂਪਧਾਤੁਯੋ ਅਨੁਸੇਨ੍ਤਿ। ਰੂਪਧਾਤੁਅਰੂਪਧਾਤੁਪਰਿਯਾਪਨ੍ਨਾਯੇવ ਚ ਨਾਮ ਹੋਨ੍ਤੀਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਅਨ੍ਧਕਾਨਞ੍ਚੇવ ਸਮ੍ਮਿਤਿਯਾਨਞ੍ਚ; ਤੇ ਸਨ੍ਧਾਯ ਰੂਪਰਾਗੋਤਿ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ । ਤਤ੍ਥ ਅਨੁਸੇਤੀਤਿ ਯਥਾ ਕਾਮਰਾਗੋ ਕਾਮવਿਤਕ੍ਕਸਙ੍ਖਾਤਂ ਕਾਮਧਾਤੁਂ ਸਹਜਾਤવਸੇਨ ਅਨੁਸੇਤਿ, ਕਿਂ ਤੇ ਏવਂ ਰੂਪਰਾਗੋ ਰੂਪਧਾਤੁਨ੍ਤਿ ਪੁਚ੍ਛਤਿ। ਪਰਿਯਾਪਨ੍ਨੋਤਿ ਯਥਾ ਚ ਸੋ ਤਿવਿਧਾਯ ਕਾਮਧਾਤੁਯਾ ਕਿਲੇਸਕਾਮવਸੇਨ ਪਰਿਯਾਪਨ੍ਨਤ੍ਤਾ ਕਾਮਧਾਤੁਪਰਿਯਾਪਨ੍ਨੋ, ਕਿਂ ਤੇ ਏવਂ ਰੂਪਰਾਗੋਪਿ ਰੂਪਧਾਤੁਪਰਿਯਾਪਨ੍ਨੋਤਿ ਪੁਚ੍ਛਤਿ। ਇਤਰੋ ਪਨਸ੍ਸ ਅਧਿਪ੍ਪਾਯਂ ਅਸਲ੍ਲਕ੍ਖੇਨ੍ਤੋ ਕੇવਲਂ ਲਦ੍ਧਿવਸੇਨ ਆਮਨ੍ਤਾਤਿ ਪਟਿਜਾਨਾਤਿ। ਅਥ ਨਂ ਤਮਤ੍ਥਂ ਸਲ੍ਲਕ੍ਖਾਪੇਤੁਂ ਕੁਸਲવਿਪਾਕਕਿਰਿਯਸਙ੍ਖਾਤੇਹਿ ਸਮਾਪਤ੍ਤੇਸਿਯਾਦੀਹਿ ਸਂਸਨ੍ਦਿਤ੍વਾ ਪੁਚ੍ਛਿਤੁਂ ਸਮਾਪਤ੍ਤੇਸਿਯੋਤਿਆਦਿਮਾਹ। ਸੇਸਮੇਤ੍ਥ ਯਥਾਪਾਲ਼ਿਮੇવ ਨਿਯ੍ਯਾਤਿ। ਨਨੁ ਕਾਮਰਾਗੋਤਿਆਦਿવਚਨਮ੍ਪਿ ਕਾਮਰਾਗਸ੍ਸੇવ ਕਾਮਧਾਤੁਯਂ ਅਨੁਸਯਭਾવਂ ਪਰਿਯਾਪਨ੍ਨਤਞ੍ਚ ਦੀਪੇਤਿ, ਨ ਇਤਰੇਸਂ ਇਤਰਧਾਤੂਸੂਤਿ।
703-705. Idāni pariyāpannakathā nāma hoti. Tattha yasmā kāmarāgo kāmadhātuṃ anuseti, kāmadhātupariyāpannoti ca vuccati, tasmā rūparāgārūparāgāpi rūpadhātuarūpadhātuyo anusenti. Rūpadhātuarūpadhātupariyāpannāyeva ca nāma hontīti yesaṃ laddhi, seyyathāpi andhakānañceva sammitiyānañca; te sandhāya rūparāgoti pucchā sakavādissa, paṭiññā itarassa . Tattha anusetīti yathā kāmarāgo kāmavitakkasaṅkhātaṃ kāmadhātuṃ sahajātavasena anuseti, kiṃ te evaṃ rūparāgo rūpadhātunti pucchati. Pariyāpannoti yathā ca so tividhāya kāmadhātuyā kilesakāmavasena pariyāpannattā kāmadhātupariyāpanno, kiṃ te evaṃ rūparāgopi rūpadhātupariyāpannoti pucchati. Itaro panassa adhippāyaṃ asallakkhento kevalaṃ laddhivasena āmantāti paṭijānāti. Atha naṃ tamatthaṃ sallakkhāpetuṃ kusalavipākakiriyasaṅkhātehi samāpattesiyādīhi saṃsanditvā pucchituṃ samāpattesiyotiādimāha. Sesamettha yathāpāḷimeva niyyāti. Nanu kāmarāgotiādivacanampi kāmarāgasseva kāmadhātuyaṃ anusayabhāvaṃ pariyāpannatañca dīpeti, na itaresaṃ itaradhātūsūti.
ਪਰਿਯਾਪਨ੍ਨਕਥਾવਣ੍ਣਨਾ।
Pariyāpannakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੪੨) ੭. ਪਰਿਯਾਪਨ੍ਨਕਥਾ • (142) 7. Pariyāpannakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੭. ਪਰਿਯਾਪਨ੍ਨਕਥਾવਣ੍ਣਨਾ • 7. Pariyāpannakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੭. ਪਰਿਯਾਪਨ੍ਨਕਥਾવਣ੍ਣਨਾ • 7. Pariyāpannakathāvaṇṇanā
