| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. барияааяасуд̇д̇ам̣
2. Pariyāyasuttaṃ
233. ат̇а ко самб̣ахулаа бхигкуу буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа бависим̣су. ат̇а ко д̇зсам̣ бхигкуунам̣ зд̇ад̣̇ахоси – ‘‘ад̇иббаг̇о ко д̇аава саавад̇т̇ияам̣ бин̣д̣ааяа жарид̇ум̣. яам̣нууна маяам̣ язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гамзяяаамаа’’д̇и.
233. Atha kho sambahulā bhikkhū pubbaṇhasamayaṃ nivāsetvā pattacīvaramādāya sāvatthiṃ piṇḍāya pavisiṃsu. Atha kho tesaṃ bhikkhūnaṃ etadahosi – ‘‘atippago kho tāva sāvatthiyaṃ piṇḍāya carituṃ. Yaṃnūna mayaṃ yena aññatitthiyānaṃ paribbājakānaṃ ārāmo tenupasaṅkameyyāmā’’ti.
ат̇а ко д̇з бхигкуу язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гамим̣су; убасан̇гамид̇ваа д̇зхи ан̃н̃ад̇ид̇т̇иязхи бариб̣б̣ааж̇агзхи сад̣̇д̇хим̣ саммод̣̇им̣су. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. згаманд̇ам̣ нисиннз ко д̇з бхигкуу ан̃н̃ад̇ид̇т̇ияаа бариб̣б̣ааж̇агаа зд̇ад̣̇авожум̣ –
Atha kho te bhikkhū yena aññatitthiyānaṃ paribbājakānaṃ ārāmo tenupasaṅkamiṃsu; upasaṅkamitvā tehi aññatitthiyehi paribbājakehi saddhiṃ sammodiṃsu. Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Ekamantaṃ nisinne kho te bhikkhū aññatitthiyā paribbājakā etadavocuṃ –
‘‘саман̣о, аавусо, г̇од̇амо саавагаанам̣ звам̣ д̇хаммам̣ д̣̇зсзд̇и – ‘зт̇а д̇умхз, бхигкавз, бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з сад̇д̇а б̣ож̇жхан̇г̇з яат̇аабхууд̇ам̣ бхаавзт̇аа’д̇и. маяамби ко, аавусо, саавагаанам̣ звам̣ д̇хаммам̣ д̣̇зсзма – ‘зт̇а д̇умхз, аавусо, бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з сад̇д̇а б̣ож̇жхан̇г̇з яат̇аабхууд̇ам̣ бхаавзт̇аа’д̇и. ид̇ха но, аавусо, го висзсо, го ад̇хиббаяаасо, гим̣ наанаагаран̣ам̣ саман̣асса ваа г̇од̇амасса амхаагам̣ ваа, яад̣̇ид̣̇ам̣ – д̇хаммад̣̇зсанааяа ваа д̇хаммад̣̇зсанам̣, анусаасанияаа ваа анусаасани’’нд̇и?
‘‘Samaṇo, āvuso, gotamo sāvakānaṃ evaṃ dhammaṃ deseti – ‘etha tumhe, bhikkhave, pañca nīvaraṇe pahāya cetaso upakkilese paññāya dubbalīkaraṇe satta bojjhaṅge yathābhūtaṃ bhāvethā’ti. Mayampi kho, āvuso, sāvakānaṃ evaṃ dhammaṃ desema – ‘etha tumhe, āvuso, pañca nīvaraṇe pahāya cetaso upakkilese paññāya dubbalīkaraṇe satta bojjhaṅge yathābhūtaṃ bhāvethā’ti. Idha no, āvuso, ko viseso, ko adhippayāso, kiṃ nānākaraṇaṃ samaṇassa vā gotamassa amhākaṃ vā, yadidaṃ – dhammadesanāya vā dhammadesanaṃ, anusāsaniyā vā anusāsani’’nti?
ат̇а ко д̇з бхигкуу д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ бхаасид̇ам̣ нзва абхинанд̣̇им̣су наббадиггосим̣су; анабхинанд̣̇ид̇ваа аббадиггосид̇ваа удтааяаасанаа баггамим̣су – ‘‘бхаг̇авад̇о санд̇игз зд̇асса бхаасид̇асса ад̇т̇ам̣ ааж̇ааниссаамаа’’д̇и. ат̇а ко д̇з бхигкуу саавад̇т̇им̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇аа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ –
Atha kho te bhikkhū tesaṃ aññatitthiyānaṃ paribbājakānaṃ bhāsitaṃ neva abhinandiṃsu nappaṭikkosiṃsu; anabhinanditvā appaṭikkositvā uṭṭhāyāsanā pakkamiṃsu – ‘‘bhagavato santike etassa bhāsitassa atthaṃ ājānissāmā’’ti. Atha kho te bhikkhū sāvatthiṃ piṇḍāya caritvā pacchābhattaṃ piṇḍapātapaṭikkantā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ –
‘‘ид̇ха маяам̣, бханд̇з, буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа бависимха. д̇зсам̣ но, бханд̇з, амхаагам̣ зд̇ад̣̇ахоси – ‘ад̇иббаг̇о ко д̇аава саавад̇т̇ияам̣ бин̣д̣ааяа жарид̇ум̣, яам̣нууна маяам̣ язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гамзяяаамаа’д̇и. ат̇а ко маяам̣, бханд̇з, язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гамимха; убасан̇гамид̇ваа д̇зхи ан̃н̃ад̇ид̇т̇иязхи бариб̣б̣ааж̇агзхи сад̣̇д̇хим̣ саммод̣̇имха. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇имха. згаманд̇ам̣ нисиннз ко амхз, бханд̇з, ан̃н̃ад̇ид̇т̇ияаа бариб̣б̣ааж̇агаа зд̇ад̣̇авожум̣ –
‘‘Idha mayaṃ, bhante, pubbaṇhasamayaṃ nivāsetvā pattacīvaramādāya sāvatthiṃ piṇḍāya pavisimha. Tesaṃ no, bhante, amhākaṃ etadahosi – ‘atippago kho tāva sāvatthiyaṃ piṇḍāya carituṃ, yaṃnūna mayaṃ yena aññatitthiyānaṃ paribbājakānaṃ ārāmo tenupasaṅkameyyāmā’ti. Atha kho mayaṃ, bhante, yena aññatitthiyānaṃ paribbājakānaṃ ārāmo tenupasaṅkamimha; upasaṅkamitvā tehi aññatitthiyehi paribbājakehi saddhiṃ sammodimha. Sammodanīyaṃ kathaṃ sāraṇīyaṃ vītisāretvā ekamantaṃ nisīdimha. Ekamantaṃ nisinne kho amhe, bhante, aññatitthiyā paribbājakā etadavocuṃ –
‘‘саман̣о, аавусо, г̇од̇амо саавагаанам̣ звам̣ д̇хаммам̣ д̣̇зсзд̇и ‘зт̇а д̇умхз, бхигкавз, бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з сад̇д̇а б̣ож̇жхан̇г̇з яат̇аабхууд̇ам̣ бхаавзт̇аа’д̇и. маяамби ко, аавусо, саавагаанам̣ звам̣ д̇хаммам̣ д̣̇зсзма – ‘зт̇а д̇умхз, аавусо, бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з сад̇д̇а б̣ож̇жхан̇г̇з яат̇аабхууд̇ам̣ бхаавзт̇аа’д̇и. ид̇ха но, аавусо, го висзсо, го ад̇хиббаяаасо, гим̣ наанаагаран̣ам̣ саман̣асса ваа г̇од̇амасса амхаагам̣ ваа, яад̣̇ид̣̇ам̣ – д̇хаммад̣̇зсанааяа ваа д̇хаммад̣̇зсанам̣, анусаасанияаа ваа анусаасани’’нд̇и?
‘‘Samaṇo, āvuso, gotamo sāvakānaṃ evaṃ dhammaṃ deseti ‘etha tumhe, bhikkhave, pañca nīvaraṇe pahāya cetaso upakkilese paññāya dubbalīkaraṇe satta bojjhaṅge yathābhūtaṃ bhāvethā’ti. Mayampi kho, āvuso, sāvakānaṃ evaṃ dhammaṃ desema – ‘etha tumhe, āvuso, pañca nīvaraṇe pahāya cetaso upakkilese paññāya dubbalīkaraṇe satta bojjhaṅge yathābhūtaṃ bhāvethā’ti. Idha no, āvuso, ko viseso, ko adhippayāso, kiṃ nānākaraṇaṃ samaṇassa vā gotamassa amhākaṃ vā, yadidaṃ – dhammadesanāya vā dhammadesanaṃ, anusāsaniyā vā anusāsani’’nti?
‘‘ат̇а ко маяам̣, бханд̇з, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ бхаасид̇ам̣ нзва абхинанд̣̇имха наббадиггосимха, анабхинанд̣̇ид̇ваа аббадиггосид̇ваа удтааяаасанаа баггамимха – ‘бхаг̇авад̇о санд̇игз зд̇асса бхаасид̇асса ад̇т̇ам̣ ааж̇ааниссаамаа’’’д̇и.
‘‘Atha kho mayaṃ, bhante, tesaṃ aññatitthiyānaṃ paribbājakānaṃ bhāsitaṃ neva abhinandimha nappaṭikkosimha, anabhinanditvā appaṭikkositvā uṭṭhāyāsanā pakkamimha – ‘bhagavato santike etassa bhāsitassa atthaṃ ājānissāmā’’’ti.
‘‘звам̣ваад̣̇ино , бхигкавз, ан̃н̃ад̇ид̇т̇ияаа бариб̣б̣ааж̇агаа звамассу важанийяаа – ‘ад̇т̇и банаавусо, барияааяо, яам̣ барияааяам̣ ааг̇амма бан̃жа нийваран̣аа д̣̇аса хонд̇и, сад̇д̇а б̣ож̇жхан̇г̇аа жад̇уд̣̇д̣̇асаа’д̇и. звам̣ будтаа, бхигкавз, ан̃н̃ад̇ид̇т̇ияаа бариб̣б̣ааж̇агаа на жзва самбааяиссанд̇и, уд̇д̇арин̃жа вигхаад̇ам̣ аабаж̇ж̇иссанд̇и. д̇ам̣ гисса хзд̇у? яат̇аа д̇ам̣, бхигкавз, ависаяасмим̣. ‘‘наахам̣ д̇ам̣, бхигкавз, бассаами сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа, яо имзсам̣ бан̃хаанам̣ взяяаагаран̣зна жид̇д̇ам̣ аараад̇хзяяа, ан̃н̃ад̇ра д̇ат̇ааг̇ад̇зна ваа д̇ат̇ааг̇ад̇асаавагзна ваа ид̇о ваа бана суд̇ваа’’.
‘‘Evaṃvādino , bhikkhave, aññatitthiyā paribbājakā evamassu vacanīyā – ‘atthi panāvuso, pariyāyo, yaṃ pariyāyaṃ āgamma pañca nīvaraṇā dasa honti, satta bojjhaṅgā catuddasā’ti. Evaṃ puṭṭhā, bhikkhave, aññatitthiyā paribbājakā na ceva sampāyissanti, uttariñca vighātaṃ āpajjissanti. Taṃ kissa hetu? Yathā taṃ, bhikkhave, avisayasmiṃ. ‘‘Nāhaṃ taṃ, bhikkhave, passāmi sadevake loke samārake sabrahmake sassamaṇabrāhmaṇiyā pajāya sadevamanussāya, yo imesaṃ pañhānaṃ veyyākaraṇena cittaṃ ārādheyya, aññatra tathāgatena vā tathāgatasāvakena vā ito vā pana sutvā’’.
‘‘гад̇амо жа, бхигкавз, барияааяо, яам̣ барияааяам̣ ааг̇амма бан̃жа нийваран̣аа д̣̇аса хонд̇и? яад̣̇аби, бхигкавз, аж̇жхад̇д̇ам̣ гаамажчанд̣̇о д̇ад̣̇аби нийваран̣ам̣, яад̣̇аби б̣ахид̣̇д̇хаа гаамажчанд̣̇о д̇ад̣̇аби нийваран̣ам̣. ‘гаамажчанд̣̇анийваран̣а’нд̇и ид̇и хид̣̇ам̣ уд̣̇д̣̇зсам̣ г̇ажчад̇и. д̇ад̣̇аминаабзд̇ам̣ барияааязна д̣̇ваяам̣ ход̇и. яад̣̇аби, бхигкавз, аж̇жхад̇д̇ам̣ б̣яаабаад̣̇о д̇ад̣̇аби нийваран̣ам̣, яад̣̇аби б̣ахид̣̇д̇хаа б̣яаабаад̣̇о д̇ад̣̇аби нийваран̣ам̣. ‘б̣яаабаад̣̇анийваран̣а’нд̇и ид̇и хид̣̇ам̣ уд̣̇д̣̇зсам̣ г̇ажчад̇и. д̇ад̣̇аминаабзд̇ам̣ барияааязна д̣̇ваяам̣ ход̇и. яад̣̇аби, бхигкавз, т̇инам̣ д̇ад̣̇аби нийваран̣ам̣, яад̣̇аби мид̣̇д̇хам̣ д̇ад̣̇аби нийваран̣ам̣. ‘т̇инамид̣̇д̇ханийваран̣а’нд̇и ид̇и хид̣̇ам̣ уд̣̇д̣̇зсам̣ г̇ажчад̇и. д̇ад̣̇аминаабзд̇ам̣ барияааязна д̣̇ваяам̣ ход̇и. яад̣̇аби, бхигкавз, уд̣̇д̇хажжам̣ д̇ад̣̇аби нийваран̣ам̣, яад̣̇аби гуггужжам̣ д̇ад̣̇аби нийваран̣ам̣. ‘уд̣̇д̇хажжагуггужжанийваран̣а’нд̇и ид̇и хид̣̇ам̣ уд̣̇д̣̇зсам̣ г̇ажчад̇и. д̇ад̣̇аминаабзд̇ам̣ барияааязна д̣̇ваяам̣ ход̇и. яад̣̇аби, бхигкавз, аж̇жхад̇д̇ам̣ д̇хаммзсу вижигижчаа д̇ад̣̇аби нийваран̣ам̣, яад̣̇аби б̣ахид̣̇д̇хаа д̇хаммзсу вижигижчаа д̇ад̣̇аби нийваран̣ам̣. ‘вижигижчаанийваран̣а’нд̇и ид̇и хид̣̇ам̣ уд̣̇д̣̇зсам̣ г̇ажчад̇и. д̇ад̣̇аминаабзд̇ам̣ барияааязна д̣̇ваяам̣ ход̇и. аяам̣ ко, бхигкавз, барияааяо, яам̣ барияааяам̣ ааг̇амма бан̃жа нийваран̣аа д̣̇аса хонд̇и.
‘‘Katamo ca, bhikkhave, pariyāyo, yaṃ pariyāyaṃ āgamma pañca nīvaraṇā dasa honti? Yadapi, bhikkhave, ajjhattaṃ kāmacchando tadapi nīvaraṇaṃ, yadapi bahiddhā kāmacchando tadapi nīvaraṇaṃ. ‘Kāmacchandanīvaraṇa’nti iti hidaṃ uddesaṃ gacchati. Tadamināpetaṃ pariyāyena dvayaṃ hoti. Yadapi, bhikkhave, ajjhattaṃ byāpādo tadapi nīvaraṇaṃ, yadapi bahiddhā byāpādo tadapi nīvaraṇaṃ. ‘Byāpādanīvaraṇa’nti iti hidaṃ uddesaṃ gacchati. Tadamināpetaṃ pariyāyena dvayaṃ hoti. Yadapi, bhikkhave, thinaṃ tadapi nīvaraṇaṃ, yadapi middhaṃ tadapi nīvaraṇaṃ. ‘Thinamiddhanīvaraṇa’nti iti hidaṃ uddesaṃ gacchati. Tadamināpetaṃ pariyāyena dvayaṃ hoti. Yadapi, bhikkhave, uddhaccaṃ tadapi nīvaraṇaṃ, yadapi kukkuccaṃ tadapi nīvaraṇaṃ. ‘Uddhaccakukkuccanīvaraṇa’nti iti hidaṃ uddesaṃ gacchati. Tadamināpetaṃ pariyāyena dvayaṃ hoti. Yadapi, bhikkhave, ajjhattaṃ dhammesu vicikicchā tadapi nīvaraṇaṃ, yadapi bahiddhā dhammesu vicikicchā tadapi nīvaraṇaṃ. ‘Vicikicchānīvaraṇa’nti iti hidaṃ uddesaṃ gacchati. Tadamināpetaṃ pariyāyena dvayaṃ hoti. Ayaṃ kho, bhikkhave, pariyāyo, yaṃ pariyāyaṃ āgamma pañca nīvaraṇā dasa honti.
‘‘гад̇амо жа, бхигкавз, барияааяо, яам̣ барияааяам̣ ааг̇амма сад̇д̇а б̣ож̇жхан̇г̇аа жад̇уд̣̇д̣̇аса хонд̇и? яад̣̇аби, бхигкавз, аж̇жхад̇д̇ам̣ д̇хаммзсу сад̇и д̇ад̣̇аби сад̇исамб̣ож̇жхан̇г̇о, яад̣̇аби б̣ахид̣̇д̇хаа д̇хаммзсу сад̇и д̇ад̣̇аби сад̇исамб̣ож̇жхан̇г̇о. ‘сад̇исамб̣ож̇жхан̇г̇о’д̇и ид̇и хид̣̇ам̣ уд̣̇д̣̇зсам̣ г̇ажчад̇и. д̇ад̣̇аминаабзд̇ам̣ барияааязна д̣̇ваяам̣ ход̇и.
‘‘Katamo ca, bhikkhave, pariyāyo, yaṃ pariyāyaṃ āgamma satta bojjhaṅgā catuddasa honti? Yadapi, bhikkhave, ajjhattaṃ dhammesu sati tadapi satisambojjhaṅgo, yadapi bahiddhā dhammesu sati tadapi satisambojjhaṅgo. ‘Satisambojjhaṅgo’ti iti hidaṃ uddesaṃ gacchati. Tadamināpetaṃ pariyāyena dvayaṃ hoti.
‘‘яад̣̇аби , бхигкавз, аж̇жхад̇д̇ам̣ д̇хаммзсу бан̃н̃ааяа бавижинад̇и 1 бавижарад̇и баривиймам̣самаабаж̇ж̇ад̇и д̇ад̣̇аби д̇хаммавижаяасамб̣ож̇жхан̇г̇о, яад̣̇аби б̣ахид̣̇д̇хаа д̇хаммзсу бан̃н̃ааяа бавижинад̇и бавижарад̇и баривиймам̣самаабаж̇ж̇ад̇и д̇ад̣̇аби д̇хаммавижаяасамб̣ож̇жхан̇г̇о. ‘д̇хаммавижаяасамб̣ож̇жхан̇г̇о’д̇и ид̇и хид̣̇ам̣ уд̣̇д̣̇зсам̣ г̇ажчад̇и. д̇ад̣̇аминаабзд̇ам̣ барияааязна д̣̇ваяам̣ ход̇и.
‘‘Yadapi , bhikkhave, ajjhattaṃ dhammesu paññāya pavicinati 2 pavicarati parivīmaṃsamāpajjati tadapi dhammavicayasambojjhaṅgo, yadapi bahiddhā dhammesu paññāya pavicinati pavicarati parivīmaṃsamāpajjati tadapi dhammavicayasambojjhaṅgo. ‘Dhammavicayasambojjhaṅgo’ti iti hidaṃ uddesaṃ gacchati. Tadamināpetaṃ pariyāyena dvayaṃ hoti.
‘‘яад̣̇аби, бхигкавз, гааяигам̣ вийрияам̣ д̇ад̣̇аби вийрияасамб̣ож̇жхан̇г̇о, яад̣̇аби жзд̇асигам̣ вийрияам̣ д̇ад̣̇аби вийрияасамб̣ож̇жхан̇г̇о. ‘вийрияасамб̣ож̇жхан̇г̇о’д̇и ид̇и хид̣̇ам̣ уд̣̇д̣̇зсам̣ г̇ажчад̇и. д̇ад̣̇аминаабзд̇ам̣ барияааязна д̣̇ваяам̣ ход̇и.
‘‘Yadapi, bhikkhave, kāyikaṃ vīriyaṃ tadapi vīriyasambojjhaṅgo, yadapi cetasikaṃ vīriyaṃ tadapi vīriyasambojjhaṅgo. ‘Vīriyasambojjhaṅgo’ti iti hidaṃ uddesaṃ gacchati. Tadamināpetaṃ pariyāyena dvayaṃ hoti.
‘‘яад̣̇аби , бхигкавз, савид̇аггасавижаараа бийд̇и д̇ад̣̇аби бийд̇исамб̣ож̇жхан̇г̇о, яад̣̇аби авид̇аггаавижаараа бийд̇и д̇ад̣̇аби бийд̇исамб̣ож̇жхан̇г̇о. ‘бийд̇исамб̣ож̇жхан̇г̇о’д̇и ид̇и хид̣̇ам̣ уд̣̇д̣̇зсам̣ г̇ажчад̇и. д̇ад̣̇аминаабзд̇ам̣ барияааязна д̣̇ваяам̣ ход̇и.
‘‘Yadapi , bhikkhave, savitakkasavicārā pīti tadapi pītisambojjhaṅgo, yadapi avitakkaavicārā pīti tadapi pītisambojjhaṅgo. ‘Pītisambojjhaṅgo’ti iti hidaṃ uddesaṃ gacchati. Tadamināpetaṃ pariyāyena dvayaṃ hoti.
‘‘яад̣̇аби, бхигкавз, гааяаббассад̣̇д̇хи д̇ад̣̇аби бассад̣̇д̇хисамб̣ож̇жхан̇г̇о, яад̣̇аби жид̇д̇аббассад̣̇д̇хи д̇ад̣̇аби бассад̣̇д̇хисамб̣ож̇жхан̇г̇о. ‘бассад̣̇д̇хисамб̣ож̇жхан̇г̇о’д̇и ид̇и хид̣̇ам̣ уд̣̇д̣̇зсам̣ г̇ажчад̇и. д̇ад̣̇аминаабзд̇ам̣ барияааязна д̣̇ваяам̣ ход̇и.
‘‘Yadapi, bhikkhave, kāyappassaddhi tadapi passaddhisambojjhaṅgo, yadapi cittappassaddhi tadapi passaddhisambojjhaṅgo. ‘Passaddhisambojjhaṅgo’ti iti hidaṃ uddesaṃ gacchati. Tadamināpetaṃ pariyāyena dvayaṃ hoti.
‘‘яад̣̇аби, бхигкавз, савид̇агго савижааро самаад̇хи д̇ад̣̇аби самаад̇хисамб̣ож̇жхан̇г̇о, яад̣̇аби авид̇аггаавижааро самаад̇хи д̇ад̣̇аби самаад̇хисамб̣ож̇жхан̇г̇о. ‘самаад̇хисамб̣ож̇жхан̇г̇о’д̇и ид̇и хид̣̇ам̣ уд̣̇д̣̇зсам̣ г̇ажчад̇и. д̇ад̣̇аминаабзд̇ам̣ барияааязна д̣̇ваяам̣ ход̇и.
‘‘Yadapi, bhikkhave, savitakko savicāro samādhi tadapi samādhisambojjhaṅgo, yadapi avitakkaavicāro samādhi tadapi samādhisambojjhaṅgo. ‘Samādhisambojjhaṅgo’ti iti hidaṃ uddesaṃ gacchati. Tadamināpetaṃ pariyāyena dvayaṃ hoti.
‘‘яад̣̇аби, бхигкавз, аж̇жхад̇д̇ам̣ д̇хаммзсу убзгкаа д̇ад̣̇аби убзгкаасамб̣ож̇жхан̇г̇о, яад̣̇аби б̣ахид̣̇д̇хаа д̇хаммзсу убзгкаа д̇ад̣̇аби убзгкаасамб̣ож̇жхан̇г̇о. ‘убзгкаасамб̣ож̇жхан̇г̇о’д̇и ид̇и хид̣̇ам̣ уд̣̇д̣̇зсам̣ г̇ажчад̇и. д̇ад̣̇аминаабзд̇ам̣ барияааязна д̣̇ваяам̣ ход̇и. аяам̣ ко, бхигкавз, барияааяо, яам̣ барияааяам̣ ааг̇амма сад̇д̇а б̣ож̇жхан̇г̇аа жад̇уд̣̇д̣̇асаа’’д̇и. д̣̇уд̇ияам̣.
‘‘Yadapi, bhikkhave, ajjhattaṃ dhammesu upekkhā tadapi upekkhāsambojjhaṅgo, yadapi bahiddhā dhammesu upekkhā tadapi upekkhāsambojjhaṅgo. ‘Upekkhāsambojjhaṅgo’ti iti hidaṃ uddesaṃ gacchati. Tadamināpetaṃ pariyāyena dvayaṃ hoti. Ayaṃ kho, bhikkhave, pariyāyo, yaṃ pariyāyaṃ āgamma satta bojjhaṅgā catuddasā’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. барияааяасуд̇д̇аван̣н̣анаа • 2. Pariyāyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. барияааяасуд̇д̇аван̣н̣анаа • 2. Pariyāyasuttavaṇṇanā
