| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. барияааяасуд̇д̇аван̣н̣анаа
2. Pariyāyasuttavaṇṇanā
233. д̣̇уд̇ияз самб̣ахулаад̇и винаяабарияааязна д̇аяо ж̇анаа самб̣ахулаад̇и вужжанд̇и, д̇ад̇о барам̣ сан̇гхо. суд̇д̇анд̇абарияааязна д̇аяо д̇аяо зва, д̇ад̇о уд̣̇д̇хам̣ самб̣ахулаа. ид̇ха суд̇д̇анд̇абарияааязна самб̣ахулаад̇и взд̣̇ид̇аб̣б̣аа. бин̣д̣ааяа бависим̣сууд̇и бин̣д̣ааяа бавидтаа. д̇з бана на д̇аава бавидтаа, ‘‘бависиссаамаа’’д̇и нигканд̇ад̇д̇аа бана бависим̣сууд̇и вуд̇д̇аа. яат̇аа гим̣? яат̇аа ‘‘г̇аамам̣ г̇амиссаамий’’д̇и нигканд̇абурисо д̇ам̣ г̇аамам̣ абад̇д̇оби ‘‘гахам̣ ид̇т̇аннаамо’’д̇и вуд̇д̇з ‘‘г̇аамам̣ г̇ад̇о’’д̇и вужжад̇и, звам̣. бариб̣б̣ааж̇агаанам̣ аараамод̇и ж̇зд̇аванасса авид̣̇уурз ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо ад̇т̇и, д̇ам̣ санд̇хааязд̇ам̣ вуд̇д̇ам̣. саман̣о аавусод̇и аавусо д̇умхаагам̣ сад̇т̇аа саман̣о г̇од̇амо.
233. Dutiye sambahulāti vinayapariyāyena tayo janā sambahulāti vuccanti, tato paraṃ saṅgho. Suttantapariyāyena tayo tayo eva, tato uddhaṃ sambahulā. Idha suttantapariyāyena sambahulāti veditabbā. Piṇḍāya pavisiṃsūti piṇḍāya paviṭṭhā. Te pana na tāva paviṭṭhā, ‘‘pavisissāmā’’ti nikkhantattā pana pavisiṃsūti vuttā. Yathā kiṃ? Yathā ‘‘gāmaṃ gamissāmī’’ti nikkhantapuriso taṃ gāmaṃ apattopi ‘‘kahaṃ itthannāmo’’ti vutte ‘‘gāmaṃ gato’’ti vuccati, evaṃ. Paribbājakānaṃ ārāmoti jetavanassa avidūre aññatitthiyānaṃ paribbājakānaṃ ārāmo atthi, taṃ sandhāyetaṃ vuttaṃ. Samaṇo āvusoti āvuso tumhākaṃ satthā samaṇo gotamo.
маяамби ко аавусо саавагаанам̣ звам̣ д̇хаммам̣ д̣̇зсзмаад̇и д̇ид̇т̇ияаанам̣ самаяз ‘‘бан̃жа нийваран̣аа бахаад̇аб̣б̣аа, сад̇д̇а б̣ож̇жхан̇г̇аа бхаавзд̇аб̣б̣аа’’д̇и зд̇ам̣ над̇т̇и . д̇з бана аараамам̣ г̇анд̇ваа барисабарияанд̇з тад̇ваа ан̃н̃ам̣ ологзнд̇о вияа ан̃н̃авихид̇агаа вияа худ̇ваа бхаг̇авад̇о д̇хаммад̣̇зсанам̣ сун̣анд̇и. д̇ад̇о ‘‘саман̣о г̇од̇амо ‘ид̣̇ам̣ баж̇ахат̇а ид̣̇ам̣ бхаавзт̇аа’д̇и вад̣̇ад̇ий’’д̇и саллагкзд̇ваа ад̇д̇ано аараамам̣ г̇анд̇ваа аараамамаж̇жхз аасанам̣ бан̃н̃аабзд̇ваа убадтааяагаубадтааяигаахи баривуд̇аа сийсам̣ угкибид̇ваа гааяам̣ уннаамзд̇ваа ад̇д̇ано саяамбхуун̃аан̣зна бадивид̣̇д̇хаагаарам̣ д̣̇ассзнд̇аа – ‘‘бан̃жа нийваран̣аа наама бахаад̇аб̣б̣аа, сад̇д̇а б̣ож̇жхан̇г̇аа наама бхаавзд̇аб̣б̣аа’’д̇и гат̇знд̇и.
Mayampi kho āvuso sāvakānaṃ evaṃ dhammaṃ desemāti titthiyānaṃ samaye ‘‘pañca nīvaraṇā pahātabbā, satta bojjhaṅgā bhāvetabbā’’ti etaṃ natthi . Te pana ārāmaṃ gantvā parisapariyante ṭhatvā aññaṃ olokento viya aññavihitakā viya hutvā bhagavato dhammadesanaṃ suṇanti. Tato ‘‘samaṇo gotamo ‘idaṃ pajahatha idaṃ bhāvethā’ti vadatī’’ti sallakkhetvā attano ārāmaṃ gantvā ārāmamajjhe āsanaṃ paññāpetvā upaṭṭhāyakaupaṭṭhāyikāhi parivutā sīsaṃ ukkhipitvā kāyaṃ unnāmetvā attano sayambhūñāṇena paṭividdhākāraṃ dassentā – ‘‘pañca nīvaraṇā nāma pahātabbā, satta bojjhaṅgā nāma bhāvetabbā’’ti kathenti.
ид̇ха но аавусод̇и зд̇т̇а ид̇хаад̇и имасмим̣ бан̃н̃аабанз. го висзсод̇и гим̣ ад̇хигам̣? го ад̇хиббаяаасод̇и го ад̇хигаббаяог̇о? гим̣ наанаагаран̣анд̇и гим̣ наанад̇д̇ам̣? д̇хаммад̣̇зсанааяа ваа д̇хаммад̣̇зсананд̇и яад̣̇ид̣̇ам̣ саман̣асса ваа г̇од̇амасса д̇хаммад̣̇зсанааяа сад̣̇д̇хим̣ амхаагам̣ д̇хаммад̣̇зсанам̣, амхаагам̣ ваа д̇хаммад̣̇зсанааяа сад̣̇д̇хим̣ саман̣асса г̇од̇амасса д̇хаммад̣̇зсанам̣ аараб̣бха наанаагаран̣ам̣ вужжзяяа, д̇ам̣ гиннаамаад̇и вад̣̇анд̇и. д̣̇уд̇ияабад̣̇зби зсзва наяо.
Idha no āvusoti ettha idhāti imasmiṃ paññāpane. Ko visesoti kiṃ adhikaṃ? Ko adhippayāsoti ko adhikappayogo? Kiṃ nānākaraṇanti kiṃ nānattaṃ? Dhammadesanāya vā dhammadesananti yadidaṃ samaṇassa vā gotamassa dhammadesanāya saddhiṃ amhākaṃ dhammadesanaṃ, amhākaṃ vā dhammadesanāya saddhiṃ samaṇassa gotamassa dhammadesanaṃ ārabbha nānākaraṇaṃ vucceyya, taṃ kinnāmāti vadanti. Dutiyapadepi eseva nayo.
нзва абхинанд̣̇им̣сууд̇и ‘‘звамзва’’нд̇и на самбадижчим̣су. наббадиггосим̣сууд̇и ‘‘наяид̣̇ам̣ зва’’нд̇и на бадисзд̇хим̣су. гим̣ бана д̇з бахонд̇аа звам̣ агам̣су, уд̣̇ааху аббахонд̇аад̇и? бахонд̇аа. на хи д̇з зд̇д̇агам̣ гат̇ам̣ гат̇зд̇ум̣ на саггонд̇и ‘‘аавусо д̇умхаагам̣ самаяз бан̃жа нийваран̣аа бахаад̇аб̣б̣аа наама над̇т̇и, сад̇д̇а б̣ож̇жхан̇г̇аа бхаавзд̇аб̣б̣аа наама над̇т̇ий’’д̇и. звам̣ бана д̇зсам̣ ахоси – ‘‘ад̇т̇и но зд̇ам̣ гат̇аабаабхад̇ам̣, маяам̣ зд̇ам̣ сад̇т̇у аарожзссаама, ат̇а но сад̇т̇аа мад̇хурад̇хаммад̣̇зсанам̣ д̣̇зсзссад̇ий’’д̇и.
Neva abhinandiṃsūti ‘‘evameva’’nti na sampaṭicchiṃsu. Nappaṭikkosiṃsūti ‘‘nayidaṃ eva’’nti na paṭisedhiṃsu. Kiṃ pana te pahontā evaṃ akaṃsu, udāhu appahontāti? Pahontā. Na hi te ettakaṃ kathaṃ kathetuṃ na sakkonti ‘‘āvuso tumhākaṃ samaye pañca nīvaraṇā pahātabbā nāma natthi, satta bojjhaṅgā bhāvetabbā nāma natthī’’ti. Evaṃ pana tesaṃ ahosi – ‘‘atthi no etaṃ kathāpābhataṃ, mayaṃ etaṃ satthu ārocessāma, atha no satthā madhuradhammadesanaṃ desessatī’’ti.
барияааяод̇и гааран̣ам̣. на жзва самбааяиссанд̇ийд̇и самбаад̣̇зд̇ваа гат̇зд̇ум̣ на сагкиссанд̇и. уд̇д̇арин̃жа вигхаад̇анд̇и асамбааяанад̇о уд̇д̇аримби д̣̇угкам̣ аабаж̇ж̇иссанд̇и. самбаад̣̇зд̇ваа гат̇зд̇ум̣ асаггонд̇аанан̃хи д̣̇угкам̣ уббаж̇ж̇ад̇и. яат̇аа д̇ам̣, бхигкавз, ависаяасминд̇и зд̇т̇а д̇анд̇и нибаад̇амад̇д̇ам̣, яат̇аад̇и гааран̣аважанам̣, яасмаа ависаяз бан̃хо бужчид̇од̇и ад̇т̇о. сад̣̇звагзд̇и саха д̣̇звзхи сад̣̇звагз. самаарагаад̣̇ийсуби зсзва наяо. звам̣ д̇ийн̣и таанаани логз багкибид̇ваа д̣̇вз баж̇ааяаад̇и, бан̃жахиби сад̇д̇алогамзва барияаад̣̇ияид̇ваа зд̇асмим̣ сад̣̇звагаад̣̇ибхзд̣̇з логз д̣̇звам̣ ваа мануссам̣ ваа на саманубассаамийд̇и д̣̇ийбзд̇и. ид̇о ваа бана суд̇ваад̇и ид̇о ваа бана мама саасанад̇о суд̇ваа. ид̇о суд̇ваа хи д̇ат̇ааг̇ад̇о д̇ат̇ааг̇ад̇асаавагоби аараад̇хзяяа, барид̇осзяяа, ан̃н̃ат̇аа аараад̇ханаа наама над̇т̇ийд̇и д̣̇ассзд̇и.
Pariyāyoti kāraṇaṃ. Na ceva sampāyissantīti sampādetvā kathetuṃ na sakkhissanti. Uttariñca vighātanti asampāyanato uttarimpi dukkhaṃ āpajjissanti. Sampādetvā kathetuṃ asakkontānañhi dukkhaṃ uppajjati. Yathā taṃ, bhikkhave, avisayasminti ettha tanti nipātamattaṃ, yathāti kāraṇavacanaṃ, yasmā avisaye pañho pucchitoti attho. Sadevaketi saha devehi sadevake. Samārakādīsupi eseva nayo. Evaṃ tīṇi ṭhānāni loke pakkhipitvā dve pajāyāti, pañcahipi sattalokameva pariyādiyitvā etasmiṃ sadevakādibhede loke devaṃ vā manussaṃ vā na samanupassāmīti dīpeti. Ito vā pana sutvāti ito vā pana mama sāsanato sutvā. Ito sutvā hi tathāgato tathāgatasāvakopi ārādheyya, paritoseyya, aññathā ārādhanā nāma natthīti dasseti.
ид̣̇аани ад̇д̇ано д̇зсам̣ бан̃хаанам̣ взяяаагаран̣зна жид̇д̇аараад̇ханам̣ д̣̇ассзнд̇о гад̇амо жа бхигкавз барияааяод̇иаад̣̇имааха. д̇ад̇т̇а аж̇жхад̇д̇ам̣ гаамажчанд̣̇од̇и ад̇д̇ано бан̃жагканд̇хз аараб̣бха уббанначанд̣̇арааг̇о . б̣ахид̣̇д̇хаа гаамажчанд̣̇од̇и барзсам̣ бан̃жагканд̇хз аараб̣бха уббанначанд̣̇арааг̇о. уд̣̇д̣̇зсам̣ г̇ажчад̇ийд̇и г̇ан̣анам̣ г̇ажчад̇и. аж̇жхад̇д̇ам̣ б̣яаабаад̣̇од̇и ад̇д̇ано хад̇т̇абаад̣̇аад̣̇ийсу уббаннабадигхо. б̣ахид̣̇д̇хаа б̣яаабаад̣̇од̇и барзсам̣ д̇зсу уббаннабадигхо. аж̇жхад̇д̇ам̣ д̇хаммзсу вижигижчаад̇и ад̇д̇ано канд̇хзсу вимад̇и. б̣ахид̣̇д̇хаа д̇хаммзсу вижигижчаад̇и б̣ахид̣̇д̇хаа адтасу таанзсу махаавижигижчаа. аж̇жхад̇д̇ам̣ д̇хаммзсу сад̇ийд̇и аж̇жхад̇д̇игз сан̇каарз бадиг̇г̇ан̣ханд̇асса уббаннаа сад̇и. б̣ахид̣̇д̇хаа д̇хаммзсу сад̇ийд̇и б̣ахид̣̇д̇хаа сан̇каарз бариг̇г̇ан̣ханд̇асса уббаннаа сад̇и. д̇хаммавижаяасамб̣ож̇жхан̇г̇зби зсзва наяо.
Idāni attano tesaṃ pañhānaṃ veyyākaraṇena cittārādhanaṃ dassento katamo ca bhikkhave pariyāyotiādimāha. Tattha ajjhattaṃ kāmacchandoti attano pañcakkhandhe ārabbha uppannachandarāgo . Bahiddhā kāmacchandoti paresaṃ pañcakkhandhe ārabbha uppannachandarāgo. Uddesaṃ gacchatīti gaṇanaṃ gacchati. Ajjhattaṃ byāpādoti attano hatthapādādīsu uppannapaṭigho. Bahiddhā byāpādoti paresaṃ tesu uppannapaṭigho. Ajjhattaṃ dhammesu vicikicchāti attano khandhesu vimati. Bahiddhā dhammesu vicikicchāti bahiddhā aṭṭhasu ṭhānesu mahāvicikicchā. Ajjhattaṃ dhammesu satīti ajjhattike saṅkhāre paṭiggaṇhantassa uppannā sati. Bahiddhā dhammesu satīti bahiddhā saṅkhāre pariggaṇhantassa uppannā sati. Dhammavicayasambojjhaṅgepi eseva nayo.
гааяиганд̇и жан̇гамам̣ ад̇хидтаханд̇асса уббаннавийрияам̣. жзд̇асиганд̇и – ‘‘на д̇ааваахам̣ имам̣ баллан̇гам̣ бхинд̣̇иссаами, яаава мз анубаад̣̇ааяа аасавзхи жид̇д̇ам̣ вимужжиссад̇ий’’д̇и звам̣ гааяабаяог̇ам̣ винаа уббаннавийрияам̣. гааяаббассад̣̇д̇хийд̇и д̇ин̣н̣ам̣ канд̇хаанам̣ д̣̇арат̇абассад̣̇д̇хи. жид̇д̇аббассад̣̇д̇хийд̇и вин̃н̃аан̣агканд̇хасса д̣̇арат̇абассад̣̇д̇хи. убзгкаасамб̣ож̇жхан̇г̇з сад̇исамб̣ож̇жхан̇г̇асад̣̇исова винижчаяо.
Kāyikanti caṅkamaṃ adhiṭṭhahantassa uppannavīriyaṃ. Cetasikanti – ‘‘na tāvāhaṃ imaṃ pallaṅkaṃ bhindissāmi, yāva me anupādāya āsavehi cittaṃ vimuccissatī’’ti evaṃ kāyapayogaṃ vinā uppannavīriyaṃ. Kāyappassaddhīti tiṇṇaṃ khandhānaṃ darathapassaddhi. Cittappassaddhīti viññāṇakkhandhassa darathapassaddhi. Upekkhāsambojjhaṅge satisambojjhaṅgasadisova vinicchayo.
имасмим̣ суд̇д̇з миссагасамб̣ож̇жхан̇г̇аа гат̇ид̇аа. зд̇зсу хи аж̇жхад̇д̇ад̇хаммзсу сад̇и, бавижаяо, убзгкаад̇и имз ад̇д̇ано канд̇хаарамман̣ад̇д̇аа логияаава хонд̇и, д̇ат̇аа маг̇г̇ам̣ абад̇д̇ам̣ гааяигавийрияам̣. авид̇аггаавижаараа бана бийд̇исамаад̇хий гин̃жааби руубааважараа хонд̇и, руубааважарз бана б̣ож̇жхан̇г̇аа на лаб̣бханд̇ийд̇и логуд̇д̇араава хонд̇и. яз жа т̇зраа б̣рахмавихааравибассанаабаад̣̇агаж̇жхаанаад̣̇ийсу б̣ож̇жхан̇г̇з уд̣̇д̇харанд̇и, д̇зсам̣ мад̇зна руубааважарааби аруубааважарааби хонд̇и. б̣ож̇жхан̇г̇зсу хи аруубааважарз бийд̇иязва зганд̇зна на лаб̣бхад̇и, сзсаа ча миссагаава хонд̇ийд̇и. д̣̇зсанаабарияосаанз гзжи бхигкуу сод̇аабаннаа ж̇аад̇аа, гзжи сагад̣̇ааг̇аамий, гзжи анааг̇аамий, гзжи араханд̇од̇и.
Imasmiṃ sutte missakasambojjhaṅgā kathitā. Etesu hi ajjhattadhammesu sati, pavicayo, upekkhāti ime attano khandhārammaṇattā lokiyāva honti, tathā maggaṃ apattaṃ kāyikavīriyaṃ. Avitakkaavicārā pana pītisamādhī kiñcāpi rūpāvacarā honti, rūpāvacare pana bojjhaṅgā na labbhantīti lokuttarāva honti. Ye ca therā brahmavihāravipassanāpādakajjhānādīsu bojjhaṅge uddharanti, tesaṃ matena rūpāvacarāpi arūpāvacarāpi honti. Bojjhaṅgesu hi arūpāvacare pītiyeva ekantena na labbhati, sesā cha missakāva hontīti. Desanāpariyosāne keci bhikkhū sotāpannā jātā, keci sakadāgāmī, keci anāgāmī, keci arahantoti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. барияааяасуд̇д̇ам̣ • 2. Pariyāyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. барияааяасуд̇д̇аван̣н̣анаа • 2. Pariyāyasuttavaṇṇanā
