| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. барияааяасуд̇д̇аван̣н̣анаа
2. Pariyāyasuttavaṇṇanā
233. самб̣ахулаад̇и вужжанд̇и сан̇гхасаман̃н̃ааяа абхаавад̇о. д̇ад̇о баранд̇и д̇ин̣н̣ам̣ ж̇анаанам̣ убари сан̇гхо жад̇уваг̇г̇агаран̣ийяаад̣̇исан̇гхагаммавасзна гаммаббад̇д̇ад̇д̇аа. бависим̣сууд̇и бхаавини бависанз бхууд̇з вияа гад̇ваа убажаарзна вуд̇д̇анд̇и ааха – ‘‘бавидтаа’’д̇и. бхаавини хи бхууд̇з вияа убажааро. д̇знааха – ‘‘д̇з банаа’’д̇иаад̣̇и, д̇з бана бхигкууд̇и ад̇т̇о. буна д̇з банаад̇и д̇ид̇т̇ияаа д̇ид̇т̇ияасаавагаа жа.
233.Sambahulātivuccanti saṅghasamaññāya abhāvato. Tato paranti tiṇṇaṃ janānaṃ upari saṅgho catuvaggakaraṇīyādisaṅghakammavasena kammappattattā. Pavisiṃsūti bhāvini pavisane bhūte viya katvā upacārena vuttanti āha – ‘‘paviṭṭhā’’ti. Bhāvini hi bhūte viya upacāro. Tenāha – ‘‘te panā’’tiādi, te pana bhikkhūti attho. Puna te panāti titthiyā titthiyasāvakā ca.
имасмим̣ бан̃н̃аабанзд̇и ‘‘бан̃жа нийваран̣з бахааяаа’’д̇иаад̣̇инаяаббавад̇д̇з имасмим̣ багаарз ад̇т̇абан̃н̃аабанз. висиссад̇и ан̃н̃аман̃н̃ад̇о бабхиж̇ж̇ад̇ийд̇и висзсо, бхзд̣̇о. свааяам̣ ид̇ха анд̇ог̇ад̇хаад̇хигабхааво ад̇хиббзд̇од̇и ааха – ‘‘го висзсод̇и гим̣ ад̇хига’’нд̇и. ад̇хигам̣ баяасанам̣ баяун̃ж̇ананд̇и ад̇хиббаяаасо, ад̇хигаббаяог̇о. наанаа гарийяад̇и зд̇знаад̇и наанаагаран̣ам̣, бхзд̣̇од̇и ааха – ‘‘гим̣ наанад̇д̇а’’нд̇и. д̣̇уд̇ияабад̣̇зд̇и ‘‘анусаасанияаа ваа анусаасани’’нд̇и зд̇асмим̣ бад̣̇з. зсзва наяод̇и яат̇аа батамасмим̣ бад̣̇з ад̇т̇аяож̇анаа, звам̣ д̣̇уд̇ияабад̣̇зби яож̇зд̇аб̣б̣аа.
Imasmiṃpaññāpaneti ‘‘pañca nīvaraṇe pahāyā’’tiādinayappavatte imasmiṃ pakāre atthapaññāpane. Visissati aññamaññato pabhijjatīti viseso, bhedo. Svāyaṃ idha antogadhādhikabhāvo adhippetoti āha – ‘‘ko visesoti kiṃ adhika’’nti. Adhikaṃ payasanaṃ payuñjananti adhippayāso, adhikappayogo. Nānā karīyati etenāti nānākaraṇaṃ, bhedoti āha – ‘‘kiṃ nānatta’’nti. Dutiyapadeti ‘‘anusāsaniyā vā anusāsani’’nti etasmiṃ pade. Eseva nayoti yathā paṭhamasmiṃ pade atthayojanā, evaṃ dutiyapadepi yojetabbā.
д̇ийн̣и таанаанийд̇и д̣̇звамаараб̣рахмадтаанаани д̇ийн̣и ‘‘сад̣̇звагз логз’’д̇иаад̣̇инаа логз багкибид̇ваа. ‘‘сассаман̣аб̣раахман̣ияаа баж̇ааяа сад̣̇звамануссааяаа’’д̇и д̣̇вз таанаани. ‘‘баж̇ааяаа’’д̇и зд̇т̇а багкибид̇ваа ид̇и бан̃жахи бад̣̇зхи. уд̣̇д̣̇зсанд̇и уд̣̇д̣̇исид̇аб̣б̣ад̇ам̣. г̇ан̣ананд̇и зго гаамажчанд̣̇од̇и г̇ахзд̇аб̣б̣ад̇ам̣ г̇ажчад̇и. ад̇д̇ано хад̇т̇абаад̣̇аад̣̇ийсууд̇и нид̣̇ассанамад̇д̇ам̣ д̣̇адтаб̣б̣ам̣ самуд̣̇ааяам̣ аараб̣бха бадигхасса уббаж̇ж̇анад̇о. ад̇д̇ано канд̇хзсу вимад̇и ‘‘ахам̣ ну космий’’д̇иаад̣̇инаа.
Tīṇi ṭhānānīti devamārabrahmaṭṭhānāni tīṇi ‘‘sadevake loke’’tiādinā loke pakkhipitvā. ‘‘Sassamaṇabrāhmaṇiyā pajāya sadevamanussāyā’’ti dve ṭhānāni. ‘‘Pajāyā’’ti ettha pakkhipitvā iti pañcahi padehi. Uddesanti uddisitabbataṃ. Gaṇananti eko kāmacchandoti gahetabbataṃ gacchati. Attano hatthapādādīsūti nidassanamattaṃ daṭṭhabbaṃ samudāyaṃ ārabbha paṭighassa uppajjanato. Attano khandhesu vimati ‘‘ahaṃ nu khosmī’’tiādinā.
гин̃жааби саб̣б̣ам̣ вийрияам̣ жзд̇асигамзва, яам̣ бана гааяагаммаад̇хидтаанаад̣̇ивасзна манаси гааяигабаяог̇асамудтаабанам̣ вийрияам̣ гааяиганд̇и лад̣̇д̇хабарияааяанд̇и д̇ад̇о висзсзд̇ваа жзд̇асиганд̇и яат̇аад̇хиббзд̇ад̣̇уд̇ияад̇аад̣̇ассанад̇т̇ам̣. яад̣̇иби яат̇аагаббид̇аирияаабат̇асанд̇хааран̣авасзна бавад̇д̇амаанам̣ вийрияам̣ гааяасса д̇ат̇аабавад̇д̇асса бажжаяабхууд̇анд̇и на саггаа вад̇д̇ум̣, д̇ат̇ааби на д̇аад̣̇исо гааяабаяог̇о, д̇ад̣̇аа бавад̇д̇о над̇т̇ийд̇и вуд̇д̇ам̣ ‘‘гааяабаяог̇ам̣ винаа уббаннавийрияа’’нд̇и. сад̇исамб̣ож̇жхан̇г̇асад̣̇исо ваад̇и иминаа аж̇жхад̇д̇игз сан̇каарз аж̇жхубзгканавасзна бавад̇д̇аа аж̇жхад̇д̇ад̇хаммзсу убзгкаад̇иаад̣̇инаяам̣ ад̇ид̣̇исад̇и.
Kiñcāpi sabbaṃ vīriyaṃ cetasikameva, yaṃ pana kāyakammādhiṭṭhānādivasena manasi kāyikapayogasamuṭṭhāpanaṃ vīriyaṃ kāyikanti laddhapariyāyanti tato visesetvā cetasikanti yathādhippetadutiyatādassanatthaṃ. Yadipi yathākappitairiyāpathasandhāraṇavasena pavattamānaṃ vīriyaṃ kāyassa tathāpavattassa paccayabhūtanti na sakkā vattuṃ, tathāpi na tādiso kāyapayogo, tadā pavatto natthīti vuttaṃ ‘‘kāyapayogaṃ vinā uppannavīriya’’nti. Satisambojjhaṅgasadiso vāti iminā ajjhattike saṅkhāre ajjhupekkhanavasena pavattā ajjhattadhammesu upekkhātiādinayaṃ atidisati.
‘‘миссагаб̣ож̇жхан̇г̇аа гат̇ид̇аа’’д̇и вад̇ваа д̇амад̇т̇ам̣ вибхаавзд̇ум̣ ‘‘зд̇зсуу’’д̇иаад̣̇и вуд̇д̇ам̣. жан̇гаманд̇знаби арияамаг̇г̇ам̣ ад̇хиг̇анд̇ум̣ саггаад̇и гад̇ваа вуд̇д̇ам̣ ‘‘маг̇г̇ам̣ абад̇д̇ам̣ гааяигавийрияа’’нд̇и. б̣ож̇жхан̇г̇аа на лаб̣бханд̇ийд̇и ниббарияааяаб̣ож̇жхан̇г̇аа на лаб̣бханд̇ий. б̣ож̇жхан̇г̇з уд̣̇д̇харанд̇и барияааяад̇од̇и ад̇хиббааяо. сзсаад̇и б̣ахид̣̇д̇хаад̇хаммзсу сад̇и-д̇хаммавижаяа-убзгкаа-жзд̇асига-вийрияа-савид̇агга-савижаара-бийд̇и-самаад̇хий д̣̇вз бассад̣̇д̇хияо жа. аяам̣ бана наяо бажураббавад̇д̇ивасзна адтагат̇аанаязнзва вуд̇д̇о. т̇зраваад̣̇авасзна бана авид̇аггаавижаарамад̇д̇аа бийд̇исамаад̇хисамб̣ож̇жхан̇г̇аа руубааважарааби ад̇т̇ийд̇и д̇зби г̇ахзд̇ваа д̣̇аса миссагаава хонд̇ийд̇и вад̇д̇аб̣б̣ам̣ сияаад̇и.
‘‘Missakabojjhaṅgā kathitā’’ti vatvā tamatthaṃ vibhāvetuṃ ‘‘etesū’’tiādi vuttaṃ. Caṅkamantenapi ariyamaggaṃ adhigantuṃ sakkāti katvā vuttaṃ ‘‘maggaṃ apattaṃ kāyikavīriya’’nti. Bojjhaṅgā na labbhantīti nippariyāyabojjhaṅgā na labbhantī. Bojjhaṅge uddharanti pariyāyatoti adhippāyo. Sesāti bahiddhādhammesu sati-dhammavicaya-upekkhā-cetasika-vīriya-savitakka-savicāra-pīti-samādhī dve passaddhiyo ca. Ayaṃ pana nayo pacurappavattivasena aṭṭhakathānayeneva vutto. Theravādavasena pana avitakkaavicāramattā pītisamādhisambojjhaṅgā rūpāvacarāpi atthīti tepi gahetvā dasa missakāva hontīti vattabbaṃ siyāti.
барияааяасуд̇д̇аван̣н̣анаа нидтид̇аа.
Pariyāyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. барияааяасуд̇д̇ам̣ • 2. Pariyāyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. барияааяасуд̇д̇аван̣н̣анаа • 2. Pariyāyasuttavaṇṇanā
