| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਪਰਿਯਾਯਸੁਤ੍ਤવਣ੍ਣਨਾ
2. Pariyāyasuttavaṇṇanā
੨੩੩. ਦੁਤਿਯੇ ਸਮ੍ਬਹੁਲਾਤਿ વਿਨਯਪਰਿਯਾਯੇਨ ਤਯੋ ਜਨਾ ਸਮ੍ਬਹੁਲਾਤਿ વੁਚ੍ਚਨ੍ਤਿ, ਤਤੋ ਪਰਂ ਸਙ੍ਘੋ। ਸੁਤ੍ਤਨ੍ਤਪਰਿਯਾਯੇਨ ਤਯੋ ਤਯੋ ਏવ, ਤਤੋ ਉਦ੍ਧਂ ਸਮ੍ਬਹੁਲਾ। ਇਧ ਸੁਤ੍ਤਨ੍ਤਪਰਿਯਾਯੇਨ ਸਮ੍ਬਹੁਲਾਤਿ વੇਦਿਤਬ੍ਬਾ। ਪਿਣ੍ਡਾਯ ਪવਿਸਿਂਸੂਤਿ ਪਿਣ੍ਡਾਯ ਪવਿਟ੍ਠਾ। ਤੇ ਪਨ ਨ ਤਾવ ਪવਿਟ੍ਠਾ, ‘‘ਪવਿਸਿਸ੍ਸਾਮਾ’’ਤਿ ਨਿਕ੍ਖਨ੍ਤਤ੍ਤਾ ਪਨ ਪવਿਸਿਂਸੂਤਿ વੁਤ੍ਤਾ। ਯਥਾ ਕਿਂ? ਯਥਾ ‘‘ਗਾਮਂ ਗਮਿਸ੍ਸਾਮੀ’’ਤਿ ਨਿਕ੍ਖਨ੍ਤਪੁਰਿਸੋ ਤਂ ਗਾਮਂ ਅਪਤ੍ਤੋਪਿ ‘‘ਕਹਂ ਇਤ੍ਥਨ੍ਨਾਮੋ’’ਤਿ વੁਤ੍ਤੇ ‘‘ਗਾਮਂ ਗਤੋ’’ਤਿ વੁਚ੍ਚਤਿ, ਏવਂ। ਪਰਿਬ੍ਬਾਜਕਾਨਂ ਆਰਾਮੋਤਿ ਜੇਤવਨਸ੍ਸ ਅવਿਦੂਰੇ ਅਞ੍ਞਤਿਤ੍ਥਿਯਾਨਂ ਪਰਿਬ੍ਬਾਜਕਾਨਂ ਆਰਾਮੋ ਅਤ੍ਥਿ, ਤਂ ਸਨ੍ਧਾਯੇਤਂ વੁਤ੍ਤਂ। ਸਮਣੋ ਆવੁਸੋਤਿ ਆવੁਸੋ ਤੁਮ੍ਹਾਕਂ ਸਤ੍ਥਾ ਸਮਣੋ ਗੋਤਮੋ।
233. Dutiye sambahulāti vinayapariyāyena tayo janā sambahulāti vuccanti, tato paraṃ saṅgho. Suttantapariyāyena tayo tayo eva, tato uddhaṃ sambahulā. Idha suttantapariyāyena sambahulāti veditabbā. Piṇḍāya pavisiṃsūti piṇḍāya paviṭṭhā. Te pana na tāva paviṭṭhā, ‘‘pavisissāmā’’ti nikkhantattā pana pavisiṃsūti vuttā. Yathā kiṃ? Yathā ‘‘gāmaṃ gamissāmī’’ti nikkhantapuriso taṃ gāmaṃ apattopi ‘‘kahaṃ itthannāmo’’ti vutte ‘‘gāmaṃ gato’’ti vuccati, evaṃ. Paribbājakānaṃ ārāmoti jetavanassa avidūre aññatitthiyānaṃ paribbājakānaṃ ārāmo atthi, taṃ sandhāyetaṃ vuttaṃ. Samaṇo āvusoti āvuso tumhākaṃ satthā samaṇo gotamo.
ਮਯਮ੍ਪਿ ਖੋ ਆવੁਸੋ ਸਾવਕਾਨਂ ਏવਂ ਧਮ੍ਮਂ ਦੇਸੇਮਾਤਿ ਤਿਤ੍ਥਿਯਾਨਂ ਸਮਯੇ ‘‘ਪਞ੍ਚ ਨੀવਰਣਾ ਪਹਾਤਬ੍ਬਾ, ਸਤ੍ਤ ਬੋਜ੍ਝਙ੍ਗਾ ਭਾવੇਤਬ੍ਬਾ’’ਤਿ ਏਤਂ ਨਤ੍ਥਿ । ਤੇ ਪਨ ਆਰਾਮਂ ਗਨ੍ਤ੍વਾ ਪਰਿਸਪਰਿਯਨ੍ਤੇ ਠਤ੍વਾ ਅਞ੍ਞਂ ਓਲੋਕੇਨ੍ਤੋ વਿਯ ਅਞ੍ਞવਿਹਿਤਕਾ વਿਯ ਹੁਤ੍વਾ ਭਗવਤੋ ਧਮ੍ਮਦੇਸਨਂ ਸੁਣਨ੍ਤਿ। ਤਤੋ ‘‘ਸਮਣੋ ਗੋਤਮੋ ‘ਇਦਂ ਪਜਹਥ ਇਦਂ ਭਾવੇਥਾ’ਤਿ વਦਤੀ’’ਤਿ ਸਲ੍ਲਕ੍ਖੇਤ੍વਾ ਅਤ੍ਤਨੋ ਆਰਾਮਂ ਗਨ੍ਤ੍વਾ ਆਰਾਮਮਜ੍ਝੇ ਆਸਨਂ ਪਞ੍ਞਾਪੇਤ੍વਾ ਉਪਟ੍ਠਾਯਕਉਪਟ੍ਠਾਯਿਕਾਹਿ ਪਰਿવੁਤਾ ਸੀਸਂ ਉਕ੍ਖਿਪਿਤ੍વਾ ਕਾਯਂ ਉਨ੍ਨਾਮੇਤ੍વਾ ਅਤ੍ਤਨੋ ਸਯਮ੍ਭੂਞਾਣੇਨ ਪਟਿવਿਦ੍ਧਾਕਾਰਂ ਦਸ੍ਸੇਨ੍ਤਾ – ‘‘ਪਞ੍ਚ ਨੀવਰਣਾ ਨਾਮ ਪਹਾਤਬ੍ਬਾ, ਸਤ੍ਤ ਬੋਜ੍ਝਙ੍ਗਾ ਨਾਮ ਭਾવੇਤਬ੍ਬਾ’’ਤਿ ਕਥੇਨ੍ਤਿ।
Mayampi kho āvuso sāvakānaṃ evaṃ dhammaṃ desemāti titthiyānaṃ samaye ‘‘pañca nīvaraṇā pahātabbā, satta bojjhaṅgā bhāvetabbā’’ti etaṃ natthi . Te pana ārāmaṃ gantvā parisapariyante ṭhatvā aññaṃ olokento viya aññavihitakā viya hutvā bhagavato dhammadesanaṃ suṇanti. Tato ‘‘samaṇo gotamo ‘idaṃ pajahatha idaṃ bhāvethā’ti vadatī’’ti sallakkhetvā attano ārāmaṃ gantvā ārāmamajjhe āsanaṃ paññāpetvā upaṭṭhāyakaupaṭṭhāyikāhi parivutā sīsaṃ ukkhipitvā kāyaṃ unnāmetvā attano sayambhūñāṇena paṭividdhākāraṃ dassentā – ‘‘pañca nīvaraṇā nāma pahātabbā, satta bojjhaṅgā nāma bhāvetabbā’’ti kathenti.
ਇਧ ਨੋ ਆવੁਸੋਤਿ ਏਤ੍ਥ ਇਧਾਤਿ ਇਮਸ੍ਮਿਂ ਪਞ੍ਞਾਪਨੇ। ਕੋ વਿਸੇਸੋਤਿ ਕਿਂ ਅਧਿਕਂ? ਕੋ ਅਧਿਪ੍ਪਯਾਸੋਤਿ ਕੋ ਅਧਿਕਪ੍ਪਯੋਗੋ? ਕਿਂ ਨਾਨਾਕਰਣਨ੍ਤਿ ਕਿਂ ਨਾਨਤ੍ਤਂ? ਧਮ੍ਮਦੇਸਨਾਯ વਾ ਧਮ੍ਮਦੇਸਨਨ੍ਤਿ ਯਦਿਦਂ ਸਮਣਸ੍ਸ વਾ ਗੋਤਮਸ੍ਸ ਧਮ੍ਮਦੇਸਨਾਯ ਸਦ੍ਧਿਂ ਅਮ੍ਹਾਕਂ ਧਮ੍ਮਦੇਸਨਂ, ਅਮ੍ਹਾਕਂ વਾ ਧਮ੍ਮਦੇਸਨਾਯ ਸਦ੍ਧਿਂ ਸਮਣਸ੍ਸ ਗੋਤਮਸ੍ਸ ਧਮ੍ਮਦੇਸਨਂ ਆਰਬ੍ਭ ਨਾਨਾਕਰਣਂ વੁਚ੍ਚੇਯ੍ਯ, ਤਂ ਕਿਨ੍ਨਾਮਾਤਿ વਦਨ੍ਤਿ। ਦੁਤਿਯਪਦੇਪਿ ਏਸੇવ ਨਯੋ।
Idha no āvusoti ettha idhāti imasmiṃ paññāpane. Ko visesoti kiṃ adhikaṃ? Ko adhippayāsoti ko adhikappayogo? Kiṃ nānākaraṇanti kiṃ nānattaṃ? Dhammadesanāya vā dhammadesananti yadidaṃ samaṇassa vā gotamassa dhammadesanāya saddhiṃ amhākaṃ dhammadesanaṃ, amhākaṃ vā dhammadesanāya saddhiṃ samaṇassa gotamassa dhammadesanaṃ ārabbha nānākaraṇaṃ vucceyya, taṃ kinnāmāti vadanti. Dutiyapadepi eseva nayo.
ਨੇવ ਅਭਿਨਨ੍ਦਿਂਸੂਤਿ ‘‘ਏવਮੇવ’’ਨ੍ਤਿ ਨ ਸਮ੍ਪਟਿਚ੍ਛਿਂਸੁ। ਨਪ੍ਪਟਿਕ੍ਕੋਸਿਂਸੂਤਿ ‘‘ਨਯਿਦਂ ਏવ’’ਨ੍ਤਿ ਨ ਪਟਿਸੇਧਿਂਸੁ। ਕਿਂ ਪਨ ਤੇ ਪਹੋਨ੍ਤਾ ਏવਂ ਅਕਂਸੁ, ਉਦਾਹੁ ਅਪ੍ਪਹੋਨ੍ਤਾਤਿ? ਪਹੋਨ੍ਤਾ। ਨ ਹਿ ਤੇ ਏਤ੍ਤਕਂ ਕਥਂ ਕਥੇਤੁਂ ਨ ਸਕ੍ਕੋਨ੍ਤਿ ‘‘ਆવੁਸੋ ਤੁਮ੍ਹਾਕਂ ਸਮਯੇ ਪਞ੍ਚ ਨੀવਰਣਾ ਪਹਾਤਬ੍ਬਾ ਨਾਮ ਨਤ੍ਥਿ, ਸਤ੍ਤ ਬੋਜ੍ਝਙ੍ਗਾ ਭਾવੇਤਬ੍ਬਾ ਨਾਮ ਨਤ੍ਥੀ’’ਤਿ। ਏવਂ ਪਨ ਤੇਸਂ ਅਹੋਸਿ – ‘‘ਅਤ੍ਥਿ ਨੋ ਏਤਂ ਕਥਾਪਾਭਤਂ, ਮਯਂ ਏਤਂ ਸਤ੍ਥੁ ਆਰੋਚੇਸ੍ਸਾਮ, ਅਥ ਨੋ ਸਤ੍ਥਾ ਮਧੁਰਧਮ੍ਮਦੇਸਨਂ ਦੇਸੇਸ੍ਸਤੀ’’ਤਿ।
Neva abhinandiṃsūti ‘‘evameva’’nti na sampaṭicchiṃsu. Nappaṭikkosiṃsūti ‘‘nayidaṃ eva’’nti na paṭisedhiṃsu. Kiṃ pana te pahontā evaṃ akaṃsu, udāhu appahontāti? Pahontā. Na hi te ettakaṃ kathaṃ kathetuṃ na sakkonti ‘‘āvuso tumhākaṃ samaye pañca nīvaraṇā pahātabbā nāma natthi, satta bojjhaṅgā bhāvetabbā nāma natthī’’ti. Evaṃ pana tesaṃ ahosi – ‘‘atthi no etaṃ kathāpābhataṃ, mayaṃ etaṃ satthu ārocessāma, atha no satthā madhuradhammadesanaṃ desessatī’’ti.
ਪਰਿਯਾਯੋਤਿ ਕਾਰਣਂ। ਨ ਚੇવ ਸਮ੍ਪਾਯਿਸ੍ਸਨ੍ਤੀਤਿ ਸਮ੍ਪਾਦੇਤ੍વਾ ਕਥੇਤੁਂ ਨ ਸਕ੍ਖਿਸ੍ਸਨ੍ਤਿ। ਉਤ੍ਤਰਿਞ੍ਚ વਿਘਾਤਨ੍ਤਿ ਅਸਮ੍ਪਾਯਨਤੋ ਉਤ੍ਤਰਿਮ੍ਪਿ ਦੁਕ੍ਖਂ ਆਪਜ੍ਜਿਸ੍ਸਨ੍ਤਿ। ਸਮ੍ਪਾਦੇਤ੍વਾ ਕਥੇਤੁਂ ਅਸਕ੍ਕੋਨ੍ਤਾਨਞ੍ਹਿ ਦੁਕ੍ਖਂ ਉਪ੍ਪਜ੍ਜਤਿ। ਯਥਾ ਤਂ, ਭਿਕ੍ਖવੇ, ਅવਿਸਯਸ੍ਮਿਨ੍ਤਿ ਏਤ੍ਥ ਤਨ੍ਤਿ ਨਿਪਾਤਮਤ੍ਤਂ, ਯਥਾਤਿ ਕਾਰਣવਚਨਂ, ਯਸ੍ਮਾ ਅવਿਸਯੇ ਪਞ੍ਹੋ ਪੁਚ੍ਛਿਤੋਤਿ ਅਤ੍ਥੋ। ਸਦੇવਕੇਤਿ ਸਹ ਦੇવੇਹਿ ਸਦੇવਕੇ। ਸਮਾਰਕਾਦੀਸੁਪਿ ਏਸੇવ ਨਯੋ। ਏવਂ ਤੀਣਿ ਠਾਨਾਨਿ ਲੋਕੇ ਪਕ੍ਖਿਪਿਤ੍વਾ ਦ੍વੇ ਪਜਾਯਾਤਿ, ਪਞ੍ਚਹਿਪਿ ਸਤ੍ਤਲੋਕਮੇવ ਪਰਿਯਾਦਿਯਿਤ੍વਾ ਏਤਸ੍ਮਿਂ ਸਦੇવਕਾਦਿਭੇਦੇ ਲੋਕੇ ਦੇવਂ વਾ ਮਨੁਸ੍ਸਂ વਾ ਨ ਸਮਨੁਪਸ੍ਸਾਮੀਤਿ ਦੀਪੇਤਿ। ਇਤੋ વਾ ਪਨ ਸੁਤ੍વਾਤਿ ਇਤੋ વਾ ਪਨ ਮਮ ਸਾਸਨਤੋ ਸੁਤ੍વਾ। ਇਤੋ ਸੁਤ੍વਾ ਹਿ ਤਥਾਗਤੋ ਤਥਾਗਤਸਾવਕੋਪਿ ਆਰਾਧੇਯ੍ਯ, ਪਰਿਤੋਸੇਯ੍ਯ, ਅਞ੍ਞਥਾ ਆਰਾਧਨਾ ਨਾਮ ਨਤ੍ਥੀਤਿ ਦਸ੍ਸੇਤਿ।
Pariyāyoti kāraṇaṃ. Na ceva sampāyissantīti sampādetvā kathetuṃ na sakkhissanti. Uttariñca vighātanti asampāyanato uttarimpi dukkhaṃ āpajjissanti. Sampādetvā kathetuṃ asakkontānañhi dukkhaṃ uppajjati. Yathā taṃ, bhikkhave, avisayasminti ettha tanti nipātamattaṃ, yathāti kāraṇavacanaṃ, yasmā avisaye pañho pucchitoti attho. Sadevaketi saha devehi sadevake. Samārakādīsupi eseva nayo. Evaṃ tīṇi ṭhānāni loke pakkhipitvā dve pajāyāti, pañcahipi sattalokameva pariyādiyitvā etasmiṃ sadevakādibhede loke devaṃ vā manussaṃ vā na samanupassāmīti dīpeti. Ito vā pana sutvāti ito vā pana mama sāsanato sutvā. Ito sutvā hi tathāgato tathāgatasāvakopi ārādheyya, paritoseyya, aññathā ārādhanā nāma natthīti dasseti.
ਇਦਾਨਿ ਅਤ੍ਤਨੋ ਤੇਸਂ ਪਞ੍ਹਾਨਂ વੇਯ੍ਯਾਕਰਣੇਨ ਚਿਤ੍ਤਾਰਾਧਨਂ ਦਸ੍ਸੇਨ੍ਤੋ ਕਤਮੋ ਚ ਭਿਕ੍ਖવੇ ਪਰਿਯਾਯੋਤਿਆਦਿਮਾਹ। ਤਤ੍ਥ ਅਜ੍ਝਤ੍ਤਂ ਕਾਮਚ੍ਛਨ੍ਦੋਤਿ ਅਤ੍ਤਨੋ ਪਞ੍ਚਕ੍ਖਨ੍ਧੇ ਆਰਬ੍ਭ ਉਪ੍ਪਨ੍ਨਛਨ੍ਦਰਾਗੋ । ਬਹਿਦ੍ਧਾ ਕਾਮਚ੍ਛਨ੍ਦੋਤਿ ਪਰੇਸਂ ਪਞ੍ਚਕ੍ਖਨ੍ਧੇ ਆਰਬ੍ਭ ਉਪ੍ਪਨ੍ਨਛਨ੍ਦਰਾਗੋ। ਉਦ੍ਦੇਸਂ ਗਚ੍ਛਤੀਤਿ ਗਣਨਂ ਗਚ੍ਛਤਿ। ਅਜ੍ਝਤ੍ਤਂ ਬ੍ਯਾਪਾਦੋਤਿ ਅਤ੍ਤਨੋ ਹਤ੍ਥਪਾਦਾਦੀਸੁ ਉਪ੍ਪਨ੍ਨਪਟਿਘੋ। ਬਹਿਦ੍ਧਾ ਬ੍ਯਾਪਾਦੋਤਿ ਪਰੇਸਂ ਤੇਸੁ ਉਪ੍ਪਨ੍ਨਪਟਿਘੋ। ਅਜ੍ਝਤ੍ਤਂ ਧਮ੍ਮੇਸੁ વਿਚਿਕਿਚ੍ਛਾਤਿ ਅਤ੍ਤਨੋ ਖਨ੍ਧੇਸੁ વਿਮਤਿ। ਬਹਿਦ੍ਧਾ ਧਮ੍ਮੇਸੁ વਿਚਿਕਿਚ੍ਛਾਤਿ ਬਹਿਦ੍ਧਾ ਅਟ੍ਠਸੁ ਠਾਨੇਸੁ ਮਹਾવਿਚਿਕਿਚ੍ਛਾ। ਅਜ੍ਝਤ੍ਤਂ ਧਮ੍ਮੇਸੁ ਸਤੀਤਿ ਅਜ੍ਝਤ੍ਤਿਕੇ ਸਙ੍ਖਾਰੇ ਪਟਿਗ੍ਗਣ੍ਹਨ੍ਤਸ੍ਸ ਉਪ੍ਪਨ੍ਨਾ ਸਤਿ। ਬਹਿਦ੍ਧਾ ਧਮ੍ਮੇਸੁ ਸਤੀਤਿ ਬਹਿਦ੍ਧਾ ਸਙ੍ਖਾਰੇ ਪਰਿਗ੍ਗਣ੍ਹਨ੍ਤਸ੍ਸ ਉਪ੍ਪਨ੍ਨਾ ਸਤਿ। ਧਮ੍ਮવਿਚਯਸਮ੍ਬੋਜ੍ਝਙ੍ਗੇਪਿ ਏਸੇવ ਨਯੋ।
Idāni attano tesaṃ pañhānaṃ veyyākaraṇena cittārādhanaṃ dassento katamo ca bhikkhave pariyāyotiādimāha. Tattha ajjhattaṃ kāmacchandoti attano pañcakkhandhe ārabbha uppannachandarāgo . Bahiddhā kāmacchandoti paresaṃ pañcakkhandhe ārabbha uppannachandarāgo. Uddesaṃ gacchatīti gaṇanaṃ gacchati. Ajjhattaṃ byāpādoti attano hatthapādādīsu uppannapaṭigho. Bahiddhā byāpādoti paresaṃ tesu uppannapaṭigho. Ajjhattaṃ dhammesu vicikicchāti attano khandhesu vimati. Bahiddhā dhammesu vicikicchāti bahiddhā aṭṭhasu ṭhānesu mahāvicikicchā. Ajjhattaṃ dhammesu satīti ajjhattike saṅkhāre paṭiggaṇhantassa uppannā sati. Bahiddhā dhammesu satīti bahiddhā saṅkhāre pariggaṇhantassa uppannā sati. Dhammavicayasambojjhaṅgepi eseva nayo.
ਕਾਯਿਕਨ੍ਤਿ ਚਙ੍ਕਮਂ ਅਧਿਟ੍ਠਹਨ੍ਤਸ੍ਸ ਉਪ੍ਪਨ੍ਨવੀਰਿਯਂ। ਚੇਤਸਿਕਨ੍ਤਿ – ‘‘ਨ ਤਾવਾਹਂ ਇਮਂ ਪਲ੍ਲਙ੍ਕਂ ਭਿਨ੍ਦਿਸ੍ਸਾਮਿ, ਯਾવ ਮੇ ਅਨੁਪਾਦਾਯ ਆਸવੇਹਿ ਚਿਤ੍ਤਂ વਿਮੁਚ੍ਚਿਸ੍ਸਤੀ’’ਤਿ ਏવਂ ਕਾਯਪਯੋਗਂ વਿਨਾ ਉਪ੍ਪਨ੍ਨવੀਰਿਯਂ। ਕਾਯਪ੍ਪਸ੍ਸਦ੍ਧੀਤਿ ਤਿਣ੍ਣਂ ਖਨ੍ਧਾਨਂ ਦਰਥਪਸ੍ਸਦ੍ਧਿ। ਚਿਤ੍ਤਪ੍ਪਸ੍ਸਦ੍ਧੀਤਿ વਿਞ੍ਞਾਣਕ੍ਖਨ੍ਧਸ੍ਸ ਦਰਥਪਸ੍ਸਦ੍ਧਿ। ਉਪੇਕ੍ਖਾਸਮ੍ਬੋਜ੍ਝਙ੍ਗੇ ਸਤਿਸਮ੍ਬੋਜ੍ਝਙ੍ਗਸਦਿਸੋવ વਿਨਿਚ੍ਛਯੋ।
Kāyikanti caṅkamaṃ adhiṭṭhahantassa uppannavīriyaṃ. Cetasikanti – ‘‘na tāvāhaṃ imaṃ pallaṅkaṃ bhindissāmi, yāva me anupādāya āsavehi cittaṃ vimuccissatī’’ti evaṃ kāyapayogaṃ vinā uppannavīriyaṃ. Kāyappassaddhīti tiṇṇaṃ khandhānaṃ darathapassaddhi. Cittappassaddhīti viññāṇakkhandhassa darathapassaddhi. Upekkhāsambojjhaṅge satisambojjhaṅgasadisova vinicchayo.
ਇਮਸ੍ਮਿਂ ਸੁਤ੍ਤੇ ਮਿਸ੍ਸਕਸਮ੍ਬੋਜ੍ਝਙ੍ਗਾ ਕਥਿਤਾ। ਏਤੇਸੁ ਹਿ ਅਜ੍ਝਤ੍ਤਧਮ੍ਮੇਸੁ ਸਤਿ, ਪવਿਚਯੋ, ਉਪੇਕ੍ਖਾਤਿ ਇਮੇ ਅਤ੍ਤਨੋ ਖਨ੍ਧਾਰਮ੍ਮਣਤ੍ਤਾ ਲੋਕਿਯਾવ ਹੋਨ੍ਤਿ, ਤਥਾ ਮਗ੍ਗਂ ਅਪਤ੍ਤਂ ਕਾਯਿਕવੀਰਿਯਂ। ਅવਿਤਕ੍ਕਅવਿਚਾਰਾ ਪਨ ਪੀਤਿਸਮਾਧੀ ਕਿਞ੍ਚਾਪਿ ਰੂਪਾવਚਰਾ ਹੋਨ੍ਤਿ, ਰੂਪਾવਚਰੇ ਪਨ ਬੋਜ੍ਝਙ੍ਗਾ ਨ ਲਬ੍ਭਨ੍ਤੀਤਿ ਲੋਕੁਤ੍ਤਰਾવ ਹੋਨ੍ਤਿ। ਯੇ ਚ ਥੇਰਾ ਬ੍ਰਹ੍ਮવਿਹਾਰવਿਪਸ੍ਸਨਾਪਾਦਕਜ੍ਝਾਨਾਦੀਸੁ ਬੋਜ੍ਝਙ੍ਗੇ ਉਦ੍ਧਰਨ੍ਤਿ, ਤੇਸਂ ਮਤੇਨ ਰੂਪਾવਚਰਾਪਿ ਅਰੂਪਾવਚਰਾਪਿ ਹੋਨ੍ਤਿ। ਬੋਜ੍ਝਙ੍ਗੇਸੁ ਹਿ ਅਰੂਪਾવਚਰੇ ਪੀਤਿਯੇવ ਏਕਨ੍ਤੇਨ ਨ ਲਬ੍ਭਤਿ, ਸੇਸਾ ਛ ਮਿਸ੍ਸਕਾવ ਹੋਨ੍ਤੀਤਿ। ਦੇਸਨਾਪਰਿਯੋਸਾਨੇ ਕੇਚਿ ਭਿਕ੍ਖੂ ਸੋਤਾਪਨ੍ਨਾ ਜਾਤਾ, ਕੇਚਿ ਸਕਦਾਗਾਮੀ, ਕੇਚਿ ਅਨਾਗਾਮੀ, ਕੇਚਿ ਅਰਹਨ੍ਤੋਤਿ।
Imasmiṃ sutte missakasambojjhaṅgā kathitā. Etesu hi ajjhattadhammesu sati, pavicayo, upekkhāti ime attano khandhārammaṇattā lokiyāva honti, tathā maggaṃ apattaṃ kāyikavīriyaṃ. Avitakkaavicārā pana pītisamādhī kiñcāpi rūpāvacarā honti, rūpāvacare pana bojjhaṅgā na labbhantīti lokuttarāva honti. Ye ca therā brahmavihāravipassanāpādakajjhānādīsu bojjhaṅge uddharanti, tesaṃ matena rūpāvacarāpi arūpāvacarāpi honti. Bojjhaṅgesu hi arūpāvacare pītiyeva ekantena na labbhati, sesā cha missakāva hontīti. Desanāpariyosāne keci bhikkhū sotāpannā jātā, keci sakadāgāmī, keci anāgāmī, keci arahantoti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਪਰਿਯਾਯਸੁਤ੍ਤਂ • 2. Pariyāyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਪਰਿਯਾਯਸੁਤ੍ਤવਣ੍ਣਨਾ • 2. Pariyāyasuttavaṇṇanā
