| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༢. པརིཡེསནཱསུཏྟཾ
2. Pariyesanāsuttaṃ
༢༥༥. ‘‘ཙཏསྶོ ཨིམཱ, བྷིཀྑཝེ, ཨནརིཡཔརིཡེསནཱ། ཀཏམཱ ཙཏསྶོ? ཨིདྷ, བྷིཀྑཝེ, ཨེཀཙྩོ ཨཏྟནཱ ཛརཱདྷམྨོ སམཱནོ ཛརཱདྷམྨཾཡེཝ པརིཡེསཏི; ཨཏྟནཱ བྱཱདྷིདྷམྨོ སམཱནོ བྱཱདྷིདྷམྨཾཡེཝ པརིཡེསཏི; ཨཏྟནཱ མརཎདྷམྨོ སམཱནོ མརཎདྷམྨཾཡེཝ པརིཡེསཏི; ཨཏྟནཱ སཾཀིལེསདྷམྨོ སམཱནོ སཾཀིལེསདྷམྨཾཡེཝ པརིཡེསཏི། ཨིམཱ ཁོ, བྷིཀྑཝེ, ཙཏསྶོ ཨནརིཡཔརིཡེསནཱ།
255. ‘‘Catasso imā, bhikkhave, anariyapariyesanā. Katamā catasso? Idha, bhikkhave, ekacco attanā jarādhammo samāno jarādhammaṃyeva pariyesati; attanā byādhidhammo samāno byādhidhammaṃyeva pariyesati; attanā maraṇadhammo samāno maraṇadhammaṃyeva pariyesati; attanā saṃkilesadhammo samāno saṃkilesadhammaṃyeva pariyesati. Imā kho, bhikkhave, catasso anariyapariyesanā.
‘‘ཙཏསྶོ ཨིམཱ, བྷིཀྑཝེ, ཨརིཡཔརིཡེསནཱ། ཀཏམཱ ཙཏསྶོ? ཨིདྷ, བྷིཀྑཝེ, ཨེཀཙྩོ ཨཏྟནཱ ཛརཱདྷམྨོ སམཱནོ ཛརཱདྷམྨེ ཨཱདཱིནཝཾ ཝིདིཏྭཱ ཨཛརཾ ཨནུཏྟརཾ ཡོགཀྑེམཾ ནིབྦཱནཾ པརིཡེསཏི; ཨཏྟནཱ བྱཱདྷིདྷམྨོ སམཱནོ བྱཱདྷིདྷམྨེ ཨཱདཱིནཝཾ ཝིདིཏྭཱ ཨབྱཱདྷིཾ ཨནུཏྟརཾ ཡོགཀྑེམཾ ནིབྦཱནཾ པརིཡེསཏི; ཨཏྟནཱ མརཎདྷམྨོ སམཱནོ མརཎདྷམྨེ ཨཱདཱིནཝཾ ཝིདིཏྭཱ ཨམཏཾ ཨནུཏྟརཾ ཡོགཀྑེམཾ ནིབྦཱནཾ པརིཡེསཏི; ཨཏྟནཱ སཾཀིལེསདྷམྨོ སམཱནོ སཾཀིལེསདྷམྨེ ཨཱདཱིནཝཾ ཝིདིཏྭཱ ཨསཾཀིལིཊྛཾ ཨནུཏྟརཾ ཡོགཀྑེམཾ ནིབྦཱནཾ པརིཡེསཏི། ཨིམཱ ཁོ, བྷིཀྑཝེ , ཙཏསྶོ ཨརིཡཔརིཡེསནཱ’’ཏི། དུཏིཡཾ།
‘‘Catasso imā, bhikkhave, ariyapariyesanā. Katamā catasso? Idha, bhikkhave, ekacco attanā jarādhammo samāno jarādhamme ādīnavaṃ viditvā ajaraṃ anuttaraṃ yogakkhemaṃ nibbānaṃ pariyesati; attanā byādhidhammo samāno byādhidhamme ādīnavaṃ viditvā abyādhiṃ anuttaraṃ yogakkhemaṃ nibbānaṃ pariyesati; attanā maraṇadhammo samāno maraṇadhamme ādīnavaṃ viditvā amataṃ anuttaraṃ yogakkhemaṃ nibbānaṃ pariyesati; attanā saṃkilesadhammo samāno saṃkilesadhamme ādīnavaṃ viditvā asaṃkiliṭṭhaṃ anuttaraṃ yogakkhemaṃ nibbānaṃ pariyesati. Imā kho, bhikkhave , catasso ariyapariyesanā’’ti. Dutiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡-༣. ཨབྷིཉྙཱསུཏྟཱདིཝཎྞནཱ • 1-3. Abhiññāsuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༣. ཨབྷིཉྙཱསུཏྟཱདིཝཎྞནཱ • 1-3. Abhiññāsuttādivaṇṇanā
