| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൧൪. ചുദ്ദസമവഗ്ഗോ
14. Cuddasamavaggo
(൧൪൧) ൬. പരിയുട്ഠാനം ചിത്തവിപ്പയുത്തന്തികഥാ
(141) 6. Pariyuṭṭhānaṃ cittavippayuttantikathā
൭൦൨. പരിയുട്ഠാനം ചിത്തവിപ്പയുത്തന്തി? ആമന്താ. രൂപം നിബ്ബാനം ചക്ഖായതനം…പേ॰… ഫോട്ഠബ്ബായതനന്തി? ന ഹേവം വത്തബ്ബേ…പേ॰… പരിയുട്ഠാനം ചിത്തവിപ്പയുത്തന്തി? ആമന്താ. നത്ഥി സരാഗം ചിത്തം സദോസം ചിത്തം സമോഹം ചിത്തം…പേ॰… അകുസലം ചിത്തം സംകിലിട്ഠം ചിത്തന്തി? ന ഹേവം വത്തബ്ബേ…പേ॰… നനു അത്ഥി സരാഗം ചിത്തം സദോസം ചിത്തം സമോഹം ചിത്തം…പേ॰… അകുസലം ചിത്തം സംകിലിട്ഠം ചിത്തന്തി? ആമന്താ. ഹഞ്ചി അത്ഥി സരാഗം ചിത്തം സദോസം ചിത്തം സമോഹം ചിത്തം…പേ॰… അകുസലം ചിത്തം സംകിലിട്ഠം ചിത്തം, നോ ച വത രേ വത്തബ്ബേ – ‘‘പരിയുട്ഠാനം ചിത്തവിപ്പയുത്ത’’ന്തി.
702. Pariyuṭṭhānaṃ cittavippayuttanti? Āmantā. Rūpaṃ nibbānaṃ cakkhāyatanaṃ…pe… phoṭṭhabbāyatananti? Na hevaṃ vattabbe…pe… pariyuṭṭhānaṃ cittavippayuttanti? Āmantā. Natthi sarāgaṃ cittaṃ sadosaṃ cittaṃ samohaṃ cittaṃ…pe… akusalaṃ cittaṃ saṃkiliṭṭhaṃ cittanti? Na hevaṃ vattabbe…pe… nanu atthi sarāgaṃ cittaṃ sadosaṃ cittaṃ samohaṃ cittaṃ…pe… akusalaṃ cittaṃ saṃkiliṭṭhaṃ cittanti? Āmantā. Hañci atthi sarāgaṃ cittaṃ sadosaṃ cittaṃ samohaṃ cittaṃ…pe… akusalaṃ cittaṃ saṃkiliṭṭhaṃ cittaṃ, no ca vata re vattabbe – ‘‘pariyuṭṭhānaṃ cittavippayutta’’nti.
പരിയുട്ഠാനം ചിത്തവിപ്പയുത്തന്തികഥാ നിട്ഠിതാ.
Pariyuṭṭhānaṃ cittavippayuttantikathā niṭṭhitā.
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൬. പരിയുട്ഠാനം ചിത്തവിപ്പയുത്തന്തികഥാവണ്ണനാ • 6. Pariyuṭṭhānaṃ cittavippayuttantikathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൬. പരിയുട്ഠാനംചിത്തവിപ്പയുത്തന്തികഥാവണ്ണനാ • 6. Pariyuṭṭhānaṃcittavippayuttantikathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൬. പരിയുട്ഠാനംചിത്തവിപ്പയുത്തന്തികഥാവണ്ണനാ • 6. Pariyuṭṭhānaṃcittavippayuttantikathāvaṇṇanā
