| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. баросахассасуд̇д̇ам̣
8. Parosahassasuttaṃ
216. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз махад̇аа бхигкусан̇гхзна сад̣̇д̇хим̣ ад̣дхад̇зласзхи бхигкусад̇зхи. д̇зна ко бана самаязна бхаг̇аваа бхигкуу ниб̣б̣аанабадисам̣яуд̇д̇ааяа д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и. д̇з жа бхигкуу адтим̣ гад̇ваа манаси гад̇ваа саб̣б̣ажзд̇асаа саманнаахарид̇ваа охид̇асод̇аа д̇хаммам̣ сун̣анд̇и. ат̇а ко ааяасмад̇о ван̇г̇ийсасса зд̇ад̣̇ахоси – ‘‘аяам̣ ко бхаг̇аваа бхигкуу ниб̣б̣аанабадисам̣яуд̇д̇ааяа д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и. д̇з жа бхигкуу адтим̣ гад̇ваа манаси гад̇ваа саб̣б̣ажзд̇асаа саманнаахарид̇ваа охид̇асод̇аа д̇хаммам̣ сун̣анд̇и. яам̣нуунаахам̣ бхаг̇аванд̇ам̣ саммукаа сааруббаахи г̇аат̇аахи абхид̇т̇авзяяа’’нд̇и.
216. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme mahatā bhikkhusaṅghena saddhiṃ aḍḍhatelasehi bhikkhusatehi. Tena kho pana samayena bhagavā bhikkhū nibbānapaṭisaṃyuttāya dhammiyā kathāya sandasseti samādapeti samuttejeti sampahaṃseti. Te ca bhikkhū aṭṭhiṃ katvā manasi katvā sabbacetasā samannāharitvā ohitasotā dhammaṃ suṇanti. Atha kho āyasmato vaṅgīsassa etadahosi – ‘‘ayaṃ kho bhagavā bhikkhū nibbānapaṭisaṃyuttāya dhammiyā kathāya sandasseti samādapeti samuttejeti sampahaṃseti. Te ca bhikkhū aṭṭhiṃ katvā manasi katvā sabbacetasā samannāharitvā ohitasotā dhammaṃ suṇanti. Yaṃnūnāhaṃ bhagavantaṃ sammukhā sāruppāhi gāthāhi abhitthaveyya’’nti.
ат̇а ко ааяасмаа ван̇г̇ийсо удтааяаасанаа згам̣сам̣ уд̇д̇араасан̇г̇ам̣ гарид̇ваа язна бхаг̇аваа д̇знан̃ж̇алим̣ бан̣аамзд̇ваа бхаг̇аванд̇ам̣ зд̇ад̣̇авожа – ‘‘бадибхаад̇и мам̣ бхаг̇аваа, бадибхаад̇и мам̣ суг̇ад̇аа’’д̇и. ‘‘бадибхаад̇у д̇ам̣, ван̇г̇ийсаа’’д̇и бхаг̇аваа авожа. ат̇а ко ааяасмаа ван̇г̇ийсо бхаг̇аванд̇ам̣ саммукаа сааруббаахи г̇аат̇аахи абхид̇т̇ави –
Atha kho āyasmā vaṅgīso uṭṭhāyāsanā ekaṃsaṃ uttarāsaṅgaṃ karitvā yena bhagavā tenañjaliṃ paṇāmetvā bhagavantaṃ etadavoca – ‘‘paṭibhāti maṃ bhagavā, paṭibhāti maṃ sugatā’’ti. ‘‘Paṭibhātu taṃ, vaṅgīsā’’ti bhagavā avoca. Atha kho āyasmā vaṅgīso bhagavantaṃ sammukhā sāruppāhi gāthāhi abhitthavi –
‘‘баросахассам̣ бхигкуунам̣, суг̇ад̇ам̣ баяирубаасад̇и;
‘‘Parosahassaṃ bhikkhūnaṃ, sugataṃ payirupāsati;
д̣̇зсзнд̇ам̣ вираж̇ам̣ д̇хаммам̣, ниб̣б̣аанам̣ агуд̇обхаяам̣.
Desentaṃ virajaṃ dhammaṃ, nibbānaṃ akutobhayaṃ.
‘‘сун̣анд̇и д̇хаммам̣ вималам̣, саммаасамб̣уд̣̇д̇хад̣̇зсид̇ам̣;
‘‘Suṇanti dhammaṃ vimalaṃ, sammāsambuddhadesitaṃ;
собхад̇и вад̇а самб̣уд̣̇д̇хо, бхигкусан̇гхабурагкад̇о.
Sobhati vata sambuddho, bhikkhusaṅghapurakkhato.
‘‘нааг̇анаамоси бхаг̇аваа, исийнам̣ исисад̇д̇амо;
‘‘Nāganāmosi bhagavā, isīnaṃ isisattamo;
махаамзгхова худ̇ваана, саавагз абхивассад̇и.
Mahāmeghova hutvāna, sāvake abhivassati.
‘‘д̣̇иваавихаараа нигкамма, сад̇т̇уд̣̇ассанагамяад̇аа 1;
‘‘Divāvihārā nikkhamma, satthudassanakamyatā 2;
сааваго д̇з махаавийра, баад̣̇з ванд̣̇ад̇и ван̇г̇ийсо’’д̇и.
Sāvako te mahāvīra, pāde vandati vaṅgīso’’ti.
‘‘гим̣ ну д̇з, ван̇г̇ийса, имаа г̇аат̇ааяо буб̣б̣з баривид̇аггид̇аа, уд̣̇ааху таанасова д̇ам̣ бадибханд̇ий’’д̇и? ‘на ко мз, бханд̇з, имаа г̇аат̇ааяо буб̣б̣з баривид̇аггид̇аа, ат̇а ко таанасова мам̣ бадибханд̇ий’д̇и. ‘д̇зна хи д̇ам̣, ван̇г̇ийса, бхияяосомад̇д̇ааяа буб̣б̣з абаривид̇аггид̇аа г̇аат̇ааяо бадибханд̇уу’д̇и. ‘звам̣, бханд̇з’д̇и ко ааяасмаа ван̇г̇ийсо бхаг̇авад̇о бадиссуд̇ваа бхияяосомад̇д̇ааяа бхаг̇аванд̇ам̣ буб̣б̣з абаривид̇аггид̇аахи г̇аат̇аахи абхид̇т̇ави –
‘‘Kiṃ nu te, vaṅgīsa, imā gāthāyo pubbe parivitakkitā, udāhu ṭhānasova taṃ paṭibhantī’’ti? ‘Na kho me, bhante, imā gāthāyo pubbe parivitakkitā, atha kho ṭhānasova maṃ paṭibhantī’ti. ‘Tena hi taṃ, vaṅgīsa, bhiyyosomattāya pubbe aparivitakkitā gāthāyo paṭibhantū’ti. ‘Evaṃ, bhante’ti kho āyasmā vaṅgīso bhagavato paṭissutvā bhiyyosomattāya bhagavantaṃ pubbe aparivitakkitāhi gāthāhi abhitthavi –
‘‘уммаг̇г̇абат̇ам̣ 3 маарасса абхибхуяяа, жарад̇и бабхиж̇ж̇а килаани;
‘‘Ummaggapathaṃ 4 mārassa abhibhuyya, carati pabhijja khilāni;
д̇ам̣ бассат̇а б̣анд̇хабамун̃жагарам̣, асид̇ам̣ бхааг̇асо бавибхаж̇ам̣.
Taṃ passatha bandhapamuñcakaraṃ, asitaṃ bhāgaso pavibhajaṃ.
‘‘огхасса нид̇т̇аран̣ад̇т̇ам̣, анзгавихид̇ам̣ маг̇г̇ам̣ агкааси;
‘‘Oghassa nittharaṇatthaṃ, anekavihitaṃ maggaṃ akkhāsi;
д̇асмин̃жз амад̇з агкаад̇з, д̇хаммад̣̇д̣̇асаа тид̇аа асам̣хийраа.
Tasmiñce amate akkhāte, dhammaddasā ṭhitā asaṃhīrā.
‘‘баж̇ж̇од̇агаро ад̇ивиж̇жха 5, саб̣б̣адтид̇ийнам̣ ад̇иггамамад̣̇д̣̇аса;
‘‘Pajjotakaro ativijjha 6, sabbaṭṭhitīnaṃ atikkamamaddasa;
н̃ад̇ваа жа сажчигад̇ваа жа, аг̇г̇ам̣ со д̣̇зсаяи д̣̇асад̣̇д̇хаанам̣.
Ñatvā ca sacchikatvā ca, aggaṃ so desayi dasaddhānaṃ.
‘‘звам̣ суд̣̇зсид̇з д̇хаммз,
‘‘Evaṃ sudesite dhamme,
д̇асмаа хи д̇асса бхаг̇авад̇о саасанз;
Tasmā hi tassa bhagavato sāsane;
аббамад̇д̇о сад̣̇аа намассаманусигкз’’д̇и.
Appamatto sadā namassamanusikkhe’’ti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. баросахассасуд̇д̇аван̣н̣анаа • 8. Parosahassasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. баросахассасуд̇д̇аван̣н̣анаа • 8. Parosahassasuttavaṇṇanā
