| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
8. பரோஸஹஸ்ஸஸுத்தவண்ணனா
8. Parosahassasuttavaṇṇanā
216. அட்ட²மே பரோஸஹஸ்ஸந்தி அதிரேகஸஹஸ்ஸங். அகுதோப⁴யந்தி நிப்³பா³னே குதோசி ப⁴யங் நத்தி², நிப்³பா³னப்பத்தஸ்ஸ வா குதோசி ப⁴யங் நத்தீ²தி நிப்³பா³னங் அகுதோப⁴யங் நாம. இஸீனங் இஸிஸத்தமோதி விபஸ்ஸிதோ பட்டா²ய இஸீனங் ஸத்தமகோ இஸி.
216. Aṭṭhame parosahassanti atirekasahassaṃ. Akutobhayanti nibbāne kutoci bhayaṃ natthi, nibbānappattassa vā kutoci bhayaṃ natthīti nibbānaṃ akutobhayaṃ nāma. Isīnaṃ isisattamoti vipassito paṭṭhāya isīnaṃ sattamako isi.
கிங் நு தே வங்கீ³ஸாதி இத³ங் ப⁴க³வா அத்து²ப்பத்திவஸேன ஆஹ. ஸங்க⁴மஜ்ஜே² கிர கதா² உத³பாதி³ ‘‘வங்கீ³ஸத்தே²ரோ விஸ்ஸட்ட²வத்தோ , நேவ உத்³தே³ஸே, ந பரிபுச்சா²ய, ந யோனிஸோமனஸிகாரே கம்மங் கரோதி, கா³தா² ப³ந்த⁴ந்தோ சுண்ணியபதா³னி கரொந்தோ விசரதீ’’தி. அத² ப⁴க³வா சிந்தேஸி – ‘‘இமே பி⁴க்கூ² வங்கீ³ஸஸ்ஸ படிபா⁴னஸம்பத்திங் ந ஜானந்தி, சிந்தெத்வா சிந்தெத்வா வத³தீதி மஞ்ஞந்தி, படிபா⁴னஸம்பத்திமஸ்ஸ ஜானாபெஸ்ஸாமீ’’தி சிந்தெத்வா, ‘‘கிங் நு தே வங்கீ³ஸா’’திஆதி³மாஹ.
Kiṃ nu te vaṅgīsāti idaṃ bhagavā atthuppattivasena āha. Saṅghamajjhe kira kathā udapādi ‘‘vaṅgīsatthero vissaṭṭhavatto , neva uddese, na paripucchāya, na yonisomanasikāre kammaṃ karoti, gāthā bandhanto cuṇṇiyapadāni karonto vicaratī’’ti. Atha bhagavā cintesi – ‘‘ime bhikkhū vaṅgīsassa paṭibhānasampattiṃ na jānanti, cintetvā cintetvā vadatīti maññanti, paṭibhānasampattimassa jānāpessāmī’’ti cintetvā, ‘‘kiṃ nu te vaṅgīsā’’tiādimāha.
உம்மக்³க³பத²ந்தி அனேகானி கிலேஸும்முஜ்ஜனஸதானி, வட்டபத²த்தா பன பத²ந்தி வுத்தங். பபி⁴ஜ்ஜ கி²லானீதி ராக³கி²லாதீ³னி பஞ்ச பி⁴ந்தி³த்வா சரஸி. தங் பஸ்ஸதா²தி தங் ஏவங் அபி⁴பு⁴ய்ய பி⁴ந்தி³த்வா சரந்தங் பு³த்³த⁴ங் பஸ்ஸத². ப³ந்த⁴பமுஞ்சகரந்தி ப³ந்த⁴னமோசனகரங். அஸிதந்தி அனிஸ்ஸிதங். பா⁴க³ஸோ பவிப⁴ஜந்தி ஸதிபட்டா²னாதி³கொட்டா²ஸவஸேன த⁴ம்மங் விப⁴ஜந்தங். பவிப⁴ஜ்ஜாதி வா பாடோ², அங்க³பச்சங்க³கொட்டா²ஸவஸேன விப⁴ஜித்வா விப⁴ஜித்வா பஸ்ஸதா²தி அத்தோ².
Ummaggapathanti anekāni kilesummujjanasatāni, vaṭṭapathattā pana pathanti vuttaṃ. Pabhijja khilānīti rāgakhilādīni pañca bhinditvā carasi. Taṃ passathāti taṃ evaṃ abhibhuyya bhinditvā carantaṃ buddhaṃ passatha. Bandhapamuñcakaranti bandhanamocanakaraṃ. Asitanti anissitaṃ. Bhāgaso pavibhajanti satipaṭṭhānādikoṭṭhāsavasena dhammaṃ vibhajantaṃ. Pavibhajjāti vā pāṭho, aṅgapaccaṅgakoṭṭhāsavasena vibhajitvā vibhajitvā passathāti attho.
ஓக⁴ஸ்ஸாதி சதுரோக⁴ஸ்ஸ. அனேகவிஹிதந்தி ஸதிபட்டா²னாதி³வஸேன அனேகவித⁴ங். தஸ்மிங் ச அமதே அக்கா²தேதி தஸ்மிங் தேன அக்கா²தே அமதே. த⁴ம்மத்³த³ஸாதி த⁴ம்மஸ்ஸ பஸ்ஸிதாரோ. டி²தா அஸங்ஹீராதி அஸங்ஹாரியா ஹுத்வா பதிட்டி²தா.
Oghassāti caturoghassa. Anekavihitanti satipaṭṭhānādivasena anekavidhaṃ. Tasmiṃ ca amate akkhāteti tasmiṃ tena akkhāte amate. Dhammaddasāti dhammassa passitāro. Ṭhitā asaṃhīrāti asaṃhāriyā hutvā patiṭṭhitā.
அதிவிஜ்ஜா²தி அதிவிஜ்ஜி²த்வா. ஸப்³ப³ட்டி²தீனந்தி ஸப்³பே³ஸங் தி³ட்டி²ட்டா²னானங் விஞ்ஞாணட்டி²தீனங் வா . அதிக்கமமத்³த³ஸாதி அதிக்கமபூ⁴தங் நிப்³பா³னமத்³த³ஸ. அக்³க³ந்தி உத்தமத⁴ம்மங். அக்³கே³தி வா பாடோ², பட²மதரந்தி அத்தோ². த³ஸத்³தா⁴னந்தி பஞ்சன்னங், அக்³க³த⁴ம்மங் பஞ்சவக்³கி³யானங், அக்³கே³ வா பஞ்சவக்³கி³யானங் த⁴ம்மங் தே³ஸேஸீதி அத்தோ². தஸ்மாதி யஸ்மா ஏஸ த⁴ம்மோ ஸுதே³ஸிதோதி ஜானந்தேன ச பமாதோ³ ந காதப்³போ³, தஸ்மா. அனுஸிக்கே²தி திஸ்ஸோ ஸிக்கா² ஸிக்கெ²ய்ய. அட்ட²மங்.
Ativijjhāti ativijjhitvā. Sabbaṭṭhitīnanti sabbesaṃ diṭṭhiṭṭhānānaṃ viññāṇaṭṭhitīnaṃ vā . Atikkamamaddasāti atikkamabhūtaṃ nibbānamaddasa. Agganti uttamadhammaṃ. Aggeti vā pāṭho, paṭhamataranti attho. Dasaddhānanti pañcannaṃ, aggadhammaṃ pañcavaggiyānaṃ, agge vā pañcavaggiyānaṃ dhammaṃ desesīti attho. Tasmāti yasmā esa dhammo sudesitoti jānantena ca pamādo na kātabbo, tasmā. Anusikkheti tisso sikkhā sikkheyya. Aṭṭhamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. பரோஸஹஸ்ஸஸுத்தங் • 8. Parosahassasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8. பரோஸஹஸ்ஸஸுத்தவண்ணனா • 8. Parosahassasuttavaṇṇanā
