| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. баросахассасуд̇д̇аван̣н̣анаа
8. Parosahassasuttavaṇṇanā
216. адтамз баросахассанд̇и ад̇ирзгасахассам̣. агуд̇обхаяанд̇и ниб̣б̣аанз гуд̇ожи бхаяам̣ над̇т̇и, ниб̣б̣аанаббад̇д̇асса ваа гуд̇ожи бхаяам̣ над̇т̇ийд̇и ниб̣б̣аанам̣ агуд̇обхаяам̣ наама. исийнам̣ исисад̇д̇амод̇и вибассид̇о бадтааяа исийнам̣ сад̇д̇амаго иси.
216. Aṭṭhame parosahassanti atirekasahassaṃ. Akutobhayanti nibbāne kutoci bhayaṃ natthi, nibbānappattassa vā kutoci bhayaṃ natthīti nibbānaṃ akutobhayaṃ nāma. Isīnaṃ isisattamoti vipassito paṭṭhāya isīnaṃ sattamako isi.
гим̣ ну д̇з ван̇г̇ийсаад̇и ид̣̇ам̣ бхаг̇аваа ад̇т̇уббад̇д̇ивасзна ааха. сан̇гхамаж̇жхз гира гат̇аа уд̣̇абаад̣̇и ‘‘ван̇г̇ийсад̇т̇зро виссадтавад̇д̇о , нзва уд̣̇д̣̇зсз, на барибужчааяа, на яонисоманасигаарз гаммам̣ гарод̇и, г̇аат̇аа б̣анд̇ханд̇о жун̣н̣ияабад̣̇аани гаронд̇о вижарад̇ий’’д̇и. ат̇а бхаг̇аваа жинд̇зси – ‘‘имз бхигкуу ван̇г̇ийсасса бадибхаанасамбад̇д̇им̣ на ж̇аананд̇и, жинд̇зд̇ваа жинд̇зд̇ваа вад̣̇ад̇ийд̇и ман̃н̃анд̇и, бадибхаанасамбад̇д̇имасса ж̇аанаабзссаамий’’д̇и жинд̇зд̇ваа, ‘‘гим̣ ну д̇з ван̇г̇ийсаа’’д̇иаад̣̇имааха.
Kiṃ nu te vaṅgīsāti idaṃ bhagavā atthuppattivasena āha. Saṅghamajjhe kira kathā udapādi ‘‘vaṅgīsatthero vissaṭṭhavatto , neva uddese, na paripucchāya, na yonisomanasikāre kammaṃ karoti, gāthā bandhanto cuṇṇiyapadāni karonto vicaratī’’ti. Atha bhagavā cintesi – ‘‘ime bhikkhū vaṅgīsassa paṭibhānasampattiṃ na jānanti, cintetvā cintetvā vadatīti maññanti, paṭibhānasampattimassa jānāpessāmī’’ti cintetvā, ‘‘kiṃ nu te vaṅgīsā’’tiādimāha.
уммаг̇г̇абат̇анд̇и анзгаани гилзсуммуж̇ж̇анасад̇аани, ваддабат̇ад̇д̇аа бана бат̇анд̇и вуд̇д̇ам̣. бабхиж̇ж̇а килаанийд̇и рааг̇акилаад̣̇ийни бан̃жа бхинд̣̇ид̇ваа жараси. д̇ам̣ бассат̇аад̇и д̇ам̣ звам̣ абхибхуяяа бхинд̣̇ид̇ваа жаранд̇ам̣ б̣уд̣̇д̇хам̣ бассат̇а. б̣анд̇хабамун̃жагаранд̇и б̣анд̇ханаможанагарам̣. асид̇анд̇и аниссид̇ам̣. бхааг̇асо бавибхаж̇анд̇и сад̇ибадтаанаад̣̇игодтаасавасзна д̇хаммам̣ вибхаж̇анд̇ам̣. бавибхаж̇ж̇аад̇и ваа баато, ан̇г̇абажжан̇г̇агодтаасавасзна вибхаж̇ид̇ваа вибхаж̇ид̇ваа бассат̇аад̇и ад̇т̇о.
Ummaggapathanti anekāni kilesummujjanasatāni, vaṭṭapathattā pana pathanti vuttaṃ. Pabhijja khilānīti rāgakhilādīni pañca bhinditvā carasi. Taṃ passathāti taṃ evaṃ abhibhuyya bhinditvā carantaṃ buddhaṃ passatha. Bandhapamuñcakaranti bandhanamocanakaraṃ. Asitanti anissitaṃ. Bhāgaso pavibhajanti satipaṭṭhānādikoṭṭhāsavasena dhammaṃ vibhajantaṃ. Pavibhajjāti vā pāṭho, aṅgapaccaṅgakoṭṭhāsavasena vibhajitvā vibhajitvā passathāti attho.
огхассаад̇и жад̇урогхасса. анзгавихид̇анд̇и сад̇ибадтаанаад̣̇ивасзна анзгавид̇хам̣. д̇асмим̣ жа амад̇з агкаад̇зд̇и д̇асмим̣ д̇зна агкаад̇з амад̇з. д̇хаммад̣̇д̣̇асаад̇и д̇хаммасса бассид̇ааро. тид̇аа асам̣хийраад̇и асам̣хаарияаа худ̇ваа бад̇идтид̇аа.
Oghassāti caturoghassa. Anekavihitanti satipaṭṭhānādivasena anekavidhaṃ. Tasmiṃ ca amate akkhāteti tasmiṃ tena akkhāte amate. Dhammaddasāti dhammassa passitāro. Ṭhitā asaṃhīrāti asaṃhāriyā hutvā patiṭṭhitā.
ад̇ивиж̇жхаад̇и ад̇ивиж̇жхид̇ваа. саб̣б̣адтид̇ийнанд̇и саб̣б̣зсам̣ д̣̇идтидтаанаанам̣ вин̃н̃аан̣адтид̇ийнам̣ ваа . ад̇иггамамад̣̇д̣̇асаад̇и ад̇иггамабхууд̇ам̣ ниб̣б̣аанамад̣̇д̣̇аса. аг̇г̇анд̇и уд̇д̇амад̇хаммам̣. аг̇г̇зд̇и ваа баато, батамад̇аранд̇и ад̇т̇о. д̣̇асад̣̇д̇хаананд̇и бан̃жаннам̣, аг̇г̇ад̇хаммам̣ бан̃жаваг̇г̇ияаанам̣, аг̇г̇з ваа бан̃жаваг̇г̇ияаанам̣ д̇хаммам̣ д̣̇зсзсийд̇и ад̇т̇о. д̇асмаад̇и яасмаа зса д̇хаммо суд̣̇зсид̇од̇и ж̇аананд̇зна жа бамаад̣̇о на гаад̇аб̣б̣о, д̇асмаа. анусигкзд̇и д̇иссо сигкаа сигкзяяа. адтамам̣.
Ativijjhāti ativijjhitvā. Sabbaṭṭhitīnanti sabbesaṃ diṭṭhiṭṭhānānaṃ viññāṇaṭṭhitīnaṃ vā . Atikkamamaddasāti atikkamabhūtaṃ nibbānamaddasa. Agganti uttamadhammaṃ. Aggeti vā pāṭho, paṭhamataranti attho. Dasaddhānanti pañcannaṃ, aggadhammaṃ pañcavaggiyānaṃ, agge vā pañcavaggiyānaṃ dhammaṃ desesīti attho. Tasmāti yasmā esa dhammo sudesitoti jānantena ca pamādo na kātabbo, tasmā. Anusikkheti tisso sikkhā sikkheyya. Aṭṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. баросахассасуд̇д̇ам̣ • 8. Parosahassasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. баросахассасуд̇д̇аван̣н̣анаа • 8. Parosahassasuttavaṇṇanā
