| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. баросахассасуд̇д̇аван̣н̣анаа
8. Parosahassasuttavaṇṇanā
216. сахассад̇о барам̣ ад̣дхад̇зяяабхигкусад̇ам̣ д̇ад̣̇аа бхаг̇аванд̇ам̣ баяирубаасад̇ийд̇и ааха ‘‘баросахассанд̇и ад̇ирзгасахасса’’нд̇и. ниб̣б̣аанз гуд̇ожи бхаяам̣ над̇т̇ийд̇и гуд̇ожиби гааран̣ад̇о ниб̣б̣аанз бхаяам̣ над̇т̇и асан̇кад̇абхаавзна саб̣б̣асо кзмад̇д̇аа. д̇знааха бхаг̇аваа – ‘‘кзман̃жа во, бхигкавз, д̇хаммам̣ д̣̇зсзссаами кзмаг̇ааминин̃жа бадибад̣̇а’’нд̇иаад̣̇и (сам̣. ни. 4.379-408). на гуд̇ожи бхаяам̣ зд̇асмим̣ ад̇хиг̇ад̇зд̇и агуд̇обхаяам̣, ниб̣б̣аанам̣. д̇знааха ‘‘ниб̣б̣аанаббад̇д̇ассаа’’д̇иаад̣̇и. вибассид̇о бадтааяаад̇и амхаагам̣ бхаг̇авад̇о наамавасзна исийнам̣ сад̇д̇амабхаавад̣̇ассанад̇т̇ам̣ вуд̇д̇ам̣. д̇з хи д̇ад̇т̇а д̇ад̇т̇а суд̇д̇з б̣ахусо гид̇д̇ид̇аа. исийнанд̇и ваа бажжзгаб̣уд̣̇д̇хасаавагаб̣аахирагаисийнам̣ сад̇д̇амо уд̇д̇аро сздтод̇и ад̇т̇о.
216. Sahassato paraṃ aḍḍhateyyabhikkhusataṃ tadā bhagavantaṃ payirupāsatīti āha ‘‘parosahassanti atirekasahassa’’nti. Nibbāne kutoci bhayaṃ natthīti kutocipi kāraṇato nibbāne bhayaṃ natthi asaṅkhatabhāvena sabbaso khemattā. Tenāha bhagavā – ‘‘khemañca vo, bhikkhave, dhammaṃ desessāmi khemagāminiñca paṭipada’’ntiādi (saṃ. ni. 4.379-408). Na kutoci bhayaṃ etasmiṃ adhigateti akutobhayaṃ, nibbānaṃ. Tenāha ‘‘nibbānappattassā’’tiādi. Vipassito paṭṭhāyāti amhākaṃ bhagavato nāmavasena isīnaṃ sattamabhāvadassanatthaṃ vuttaṃ. Te hi tattha tattha sutte bahuso kittitā. Isīnanti vā paccekabuddhasāvakabāhirakaisīnaṃ sattamo uttaro seṭṭhoti attho.
адтуббад̇д̇ивасзнаад̇и гааран̣асамудтаанавасзна. д̇ад̣̇асса адтуббад̇д̇им̣ вибхаавзд̇ум̣ ‘‘сан̇гхамаж̇жхз’’д̇иаад̣̇и вуд̇д̇ам̣. бадибхаанасамбаннаваажааяа ан̃н̃з ийсад̇и абхибхавад̇ийд̇и ван̇г̇ийсо. д̇знааха ‘‘бадибхаанасамбад̇д̇и’’нд̇иаад̣̇и.
Aṭṭhuppattivasenāti kāraṇasamuṭṭhānavasena. Tadassa aṭṭhuppattiṃ vibhāvetuṃ ‘‘saṅghamajjhe’’tiādi vuttaṃ. Paṭibhānasampannavācāya aññe īsati abhibhavatīti vaṅgīso. Tenāha ‘‘paṭibhānasampatti’’ntiādi.
гилзсуммуж̇ж̇анасад̇аанийд̇и рааг̇аад̣̇игилзсаанам̣ раж̇ж̇анад̣̇уссанаад̣̇инаязхи сависаяз аяонисо удтаанаани. яад̣̇и анзгаани сад̇аани, ат̇а гасмаа ‘‘уммаг̇г̇абат̇а’’нд̇и? вуд̇д̇анд̇и ааха ‘‘ваддабат̇ад̇д̇аа бана бат̇а’’нд̇и. рааг̇ад̣̇осамохамаанад̣̇идтивасзна рааг̇акилаад̣̇ийни бан̃жакилаани. вибхаж̇анд̇анд̇и вибхаж̇анавасзна гат̇знд̇ам̣. вибхаж̇ид̇ваад̇и н̃аан̣зна вивзжзд̇ваа.
Kilesummujjanasatānīti rāgādikilesānaṃ rajjanadussanādinayehi savisaye ayoniso uṭṭhānāni. Yadi anekāni satāni, atha kasmā ‘‘ummaggapatha’’nti? Vuttanti āha ‘‘vaṭṭapathattā pana patha’’nti. Rāgadosamohamānadiṭṭhivasena rāgakhilādīni pañcakhilāni. Vibhajantanti vibhajanavasena kathentaṃ. Vibhajitvāti ñāṇena vivecetvā.
амад̇з агкаад̇зд̇и амад̇аавахз д̇хаммз д̣̇зсид̇з. д̇хаммасса бассид̇ааро сажжасамбадивзд̇хзна. асам̣хийраа д̣̇идтиваад̇зхи.
Amateakkhāteti amatāvahe dhamme desite. Dhammassa passitāro saccasampaṭivedhena. Asaṃhīrā diṭṭhivātehi.
ад̇ивиж̇жхид̇ваад̇и бадивиж̇жхид̇ваа. ад̇иггамабхууд̇анд̇и ад̇иггаманадтзна бхууд̇ам̣. д̣̇асад̣̇д̇хаананд̇и д̣̇асаннам̣ убад̣дхаанам̣. д̇знааха ‘‘бан̃жанна’’нд̇и. ж̇аананд̇знаад̇и д̇хаммасса суд̣̇уллабхад̇ам̣ ж̇аананд̇зна.
Ativijjhitvāti paṭivijjhitvā. Atikkamabhūtanti atikkamanaṭṭhena bhūtaṃ. Dasaddhānanti dasannaṃ upaḍḍhānaṃ. Tenāha ‘‘pañcanna’’nti. Jānantenāti dhammassa sudullabhataṃ jānantena.
баросахассасуд̇д̇аван̣н̣анаа нидтид̇аа.
Parosahassasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. баросахассасуд̇д̇ам̣ • 8. Parosahassasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. баросахассасуд̇д̇аван̣н̣анаа • 8. Parosahassasuttavaṇṇanā
