| Library / Tipiṭaka / तिपिटक • Tipiṭaka / जातक-अट्ठकथा • Jātaka-aṭṭhakathā |
११. परोसतवग्गो
11. Parosatavaggo
[१०१] १. परोसतजातकवण्णना
[101] 1. Parosatajātakavaṇṇanā
१०१.
101.
‘‘परोसतञ्चेपि समागतानं, झायेय्युं ते वस्ससतं अपञ्ञा।
‘‘Parosatañcepi samāgatānaṃ, jhāyeyyuṃ te vassasataṃ apaññā;
एकोव सेय्यो पुरिसो सपञ्ञो, यो भासितस्स विजानाति अत्थ’’न्ति॥ –
Ekova seyyo puriso sapañño, yo bhāsitassa vijānāti attha’’nti. –
इदं जातकं वत्थुतो च वेय्याकरणतो च समोधानतो च परोसहस्सजातकसदिसमेव। केवलञ्हेत्थ ‘‘झायेय्यु’’न्ति पदमत्तमेव विसेसो। तस्सत्थो – वस्ससतम्पि अपञ्ञा झायेय्युं ओलोकेय्युं उपधारेय्युं, एवं ओलोकेन्तापि पन अत्थं वा कारणं वा न पस्सन्ति, तस्मा यो भासितस्स अत्थं जानाति, सो एकोव सपञ्ञो सेय्योति।
Idaṃ jātakaṃ vatthuto ca veyyākaraṇato ca samodhānato ca parosahassajātakasadisameva. Kevalañhettha ‘‘jhāyeyyu’’nti padamattameva viseso. Tassattho – vassasatampi apaññā jhāyeyyuṃ olokeyyuṃ upadhāreyyuṃ, evaṃ olokentāpi pana atthaṃ vā kāraṇaṃ vā na passanti, tasmā yo bhāsitassa atthaṃ jānāti, so ekova sapañño seyyoti.
परोसतजातकवण्णना पठमा।
Parosatajātakavaṇṇanā paṭhamā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / खुद्दकनिकाय • Khuddakanikāya / जातकपाळि • Jātakapāḷi / १०१. परोसतजातकं • 101. Parosatajātakaṃ
