| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
2. д̣̇уд̇ияаваг̇г̇о
2. Dutiyavaggo
(10) 1. баруубахаарагат̇аа
(10) 1. Parūpahārakathā
307. ад̇т̇и арахад̇о асужи суггависсадтийд̇и? ааманд̇аа. ад̇т̇и арахад̇о рааг̇о гаамарааг̇о гаамарааг̇абарияудтаанам̣ гаамарааг̇асам̣яож̇анам̣ гаамогхо гаамаяог̇о гаамажчанд̣̇анийваран̣анд̇и? на хзвам̣ вад̇д̇аб̣б̣з…бз….
307. Atthi arahato asuci sukkavissaṭṭhīti? Āmantā. Atthi arahato rāgo kāmarāgo kāmarāgapariyuṭṭhānaṃ kāmarāgasaṃyojanaṃ kāmogho kāmayogo kāmacchandanīvaraṇanti? Na hevaṃ vattabbe…pe….
над̇т̇и арахад̇о рааг̇о гаамарааг̇о гаамарааг̇абарияудтаанам̣ гаамарааг̇асам̣яож̇анам̣ гаамогхо гаамаяог̇о гаамажчанд̣̇анийваран̣анд̇и? ааманд̇аа. хан̃жи над̇т̇и арахад̇о рааг̇о гаамарааг̇о гаамарааг̇абарияудтаанам̣ гаамарааг̇асам̣яож̇анам̣ гаамогхо гаамаяог̇о гаамажчанд̣̇анийваран̣ам̣, но жа вад̇а рз вад̇д̇аб̣б̣з – ‘‘ад̇т̇и арахад̇о асужи суггависсадтий’’д̇и.
Natthi arahato rāgo kāmarāgo kāmarāgapariyuṭṭhānaṃ kāmarāgasaṃyojanaṃ kāmogho kāmayogo kāmacchandanīvaraṇanti? Āmantā. Hañci natthi arahato rāgo kāmarāgo kāmarāgapariyuṭṭhānaṃ kāmarāgasaṃyojanaṃ kāmogho kāmayogo kāmacchandanīvaraṇaṃ, no ca vata re vattabbe – ‘‘atthi arahato asuci sukkavissaṭṭhī’’ti.
ад̇т̇и бут̇уж̇ж̇анасса асужи суггависсадти, ад̇т̇и д̇асса рааг̇о гаамарааг̇о гаамарааг̇абарияудтаанам̣ гаамарааг̇асам̣яож̇анам̣ гаамогхо гаамаяог̇о гаамажчанд̣̇анийваран̣анд̇и? ааманд̇аа. ад̇т̇и арахад̇о асужи суггависсадти, ад̇т̇и д̇асса рааг̇о гаамарааг̇о гаамарааг̇абарияудтаанам̣…бз… гаамажчанд̣̇анийваран̣анд̇и? на хзвам̣ вад̇д̇аб̣б̣з…бз….
Atthi puthujjanassa asuci sukkavissaṭṭhi, atthi tassa rāgo kāmarāgo kāmarāgapariyuṭṭhānaṃ kāmarāgasaṃyojanaṃ kāmogho kāmayogo kāmacchandanīvaraṇanti? Āmantā. Atthi arahato asuci sukkavissaṭṭhi, atthi tassa rāgo kāmarāgo kāmarāgapariyuṭṭhānaṃ…pe… kāmacchandanīvaraṇanti? Na hevaṃ vattabbe…pe….
ад̇т̇и арахад̇о асужи суггависсадти, над̇т̇и д̇асса рааг̇о гаамарааг̇о гаамарааг̇абарияудтаанам̣…бз… гаамажчанд̣̇анийваран̣анд̇и? ааманд̇аа. ад̇т̇и бут̇уж̇ж̇анасса асужи суггависсадти, над̇т̇и д̇асса рааг̇о гаамарааг̇о гаамарааг̇абарияудтаанам̣…бз… гаамажчанд̣̇анийваран̣анд̇и? на хзвам̣ вад̇д̇аб̣б̣з…бз….
Atthi arahato asuci sukkavissaṭṭhi, natthi tassa rāgo kāmarāgo kāmarāgapariyuṭṭhānaṃ…pe… kāmacchandanīvaraṇanti? Āmantā. Atthi puthujjanassa asuci sukkavissaṭṭhi, natthi tassa rāgo kāmarāgo kāmarāgapariyuṭṭhānaṃ…pe… kāmacchandanīvaraṇanti? Na hevaṃ vattabbe…pe….
ад̇т̇и арахад̇о асужи суггависсадтийд̇и? ааманд̇аа. гзнадтзнаад̇и? ханд̣̇а хи маарагааяигаа д̣̇звад̇аа арахад̇о асужим̣ суггависсадтим̣ убасам̣харанд̇ийд̇и.
Atthi arahato asuci sukkavissaṭṭhīti? Āmantā. Kenaṭṭhenāti? Handa hi mārakāyikā devatā arahato asuciṃ sukkavissaṭṭhiṃ upasaṃharantīti.
маарагааяигаа д̣̇звад̇аа арахад̇о асужим̣ суггависсадтим̣ убасам̣харанд̇ийд̇и? ааманд̇аа. ад̇т̇и маарагааяигаанам̣ д̣̇звад̇аанам̣ асужи суггависсадтийд̇и? на хзвам̣ вад̇д̇аб̣б̣з…бз….
Mārakāyikā devatā arahato asuciṃ sukkavissaṭṭhiṃ upasaṃharantīti? Āmantā. Atthi mārakāyikānaṃ devatānaṃ asuci sukkavissaṭṭhīti? Na hevaṃ vattabbe…pe….
над̇т̇и маарагааяигаанам̣ д̣̇звад̇аанам̣ асужи суггависсадтийд̇и? ааманд̇аа. хан̃жи над̇т̇и маарагааяигаанам̣ д̣̇звад̇аанам̣ асужи суггависсадти, но жа вад̇а рз вад̇д̇аб̣б̣з – ‘‘маарагааяигаа д̣̇звад̇аа арахад̇о асужим̣ суггависсадтим̣ убасам̣харанд̇ий’’д̇и.
Natthi mārakāyikānaṃ devatānaṃ asuci sukkavissaṭṭhīti? Āmantā. Hañci natthi mārakāyikānaṃ devatānaṃ asuci sukkavissaṭṭhi, no ca vata re vattabbe – ‘‘mārakāyikā devatā arahato asuciṃ sukkavissaṭṭhiṃ upasaṃharantī’’ti.
маарагааяигаа д̣̇звад̇аа арахад̇о асужим̣ суггависсадтим̣ убасам̣харанд̇ийд̇и? ааманд̇аа. маарагааяигаа д̣̇звад̇аа ад̇д̇ано асужим̣ суггависсадтим̣ убасам̣харанд̇и, ан̃н̃зсам̣ асужим̣ суггависсадтим̣ убасам̣харанд̇и, д̇асса асужим̣ суггависсадтим̣ убасам̣харанд̇ийд̇и? на хзвам̣ вад̇д̇аб̣б̣з…бз….
Mārakāyikā devatā arahato asuciṃ sukkavissaṭṭhiṃ upasaṃharantīti? Āmantā. Mārakāyikā devatā attano asuciṃ sukkavissaṭṭhiṃ upasaṃharanti, aññesaṃ asuciṃ sukkavissaṭṭhiṃ upasaṃharanti, tassa asuciṃ sukkavissaṭṭhiṃ upasaṃharantīti? Na hevaṃ vattabbe…pe….
маарагааяигаа д̣̇звад̇аа нзва ад̇д̇ано на ан̃н̃зсам̣ на д̇асса асужим̣ суггависсадтим̣ убасам̣харанд̇ийд̇и? ааманд̇аа. хан̃жи маарагааяигаа д̣̇звад̇аа нзва ад̇д̇ано на ан̃н̃зсам̣ на д̇асса асужим̣ суггависсадтим̣ убасам̣харанд̇и, но жа вад̇а рз вад̇д̇аб̣б̣з – ‘‘маарагааяигаа д̣̇звад̇аа арахад̇о асужим̣ суггависсадтим̣ убасам̣харанд̇ий’’д̇и.
Mārakāyikā devatā neva attano na aññesaṃ na tassa asuciṃ sukkavissaṭṭhiṃ upasaṃharantīti? Āmantā. Hañci mārakāyikā devatā neva attano na aññesaṃ na tassa asuciṃ sukkavissaṭṭhiṃ upasaṃharanti, no ca vata re vattabbe – ‘‘mārakāyikā devatā arahato asuciṃ sukkavissaṭṭhiṃ upasaṃharantī’’ti.
маарагааяигаа д̣̇звад̇аа арахад̇о асужим̣ суггависсадтим̣ убасам̣харанд̇ийд̇и ? ааманд̇аа. ломагуубзхи убасам̣харанд̇ийд̇и? на хзвам̣ вад̇д̇аб̣б̣з…бз….
Mārakāyikā devatā arahato asuciṃ sukkavissaṭṭhiṃ upasaṃharantīti ? Āmantā. Lomakūpehi upasaṃharantīti? Na hevaṃ vattabbe…pe….
308. маарагааяигаа д̣̇звад̇аа арахад̇о асужим̣ суггависсадтим̣ убасам̣харанд̇ийд̇и? ааманд̇аа. гим̣ гааран̣аад̇и? ханд̣̇а хи вимад̇им̣ г̇аахаяиссаамаад̇и. ад̇т̇и арахад̇о вимад̇ийд̇и? на хзвам̣ вад̇д̇аб̣б̣з…бз….
308. Mārakāyikā devatā arahato asuciṃ sukkavissaṭṭhiṃ upasaṃharantīti? Āmantā. Kiṃ kāraṇāti? Handa hi vimatiṃ gāhayissāmāti. Atthi arahato vimatīti? Na hevaṃ vattabbe…pe….
ад̇т̇и арахад̇о вимад̇ийд̇и? ааманд̇аа. ад̇т̇и арахад̇о сад̇т̇ари вимад̇и, д̇хаммз вимад̇и, сан̇гхз вимад̇и, сигкааяа вимад̇и, буб̣б̣анд̇з вимад̇и, абаранд̇з вимад̇и, буб̣б̣анд̇аабаранд̇з вимад̇и, ид̣̇аббажжаяад̇аабадижжасамуббаннзсу д̇хаммзсу вимад̇ийд̇и? на хзвам̣ вад̇д̇аб̣б̣з…бз….
Atthi arahato vimatīti? Āmantā. Atthi arahato satthari vimati, dhamme vimati, saṅghe vimati, sikkhāya vimati, pubbante vimati, aparante vimati, pubbantāparante vimati, idappaccayatāpaṭiccasamuppannesu dhammesu vimatīti? Na hevaṃ vattabbe…pe….
над̇т̇и арахад̇о сад̇т̇ари вимад̇и, д̇хаммз вимад̇и, сан̇гхз вимад̇и, сигкааяа вимад̇и, буб̣б̣анд̇з вимад̇и, абаранд̇з вимад̇и , буб̣б̣анд̇аабаранд̇з вимад̇и, ид̣̇аббажжаяад̇аабадижжасамуббаннзсу д̇хаммзсу вимад̇ийд̇и? ааманд̇аа. хан̃жи над̇т̇и арахад̇о сад̇т̇ари вимад̇и…бз… ид̣̇аббажжаяад̇аабадижжасамуббаннзсу д̇хаммзсу вимад̇и, но жа вад̇а рз вад̇д̇аб̣б̣з – ‘‘ад̇т̇и арахад̇о вимад̇ий’’д̇и.
Natthi arahato satthari vimati, dhamme vimati, saṅghe vimati, sikkhāya vimati, pubbante vimati, aparante vimati , pubbantāparante vimati, idappaccayatāpaṭiccasamuppannesu dhammesu vimatīti? Āmantā. Hañci natthi arahato satthari vimati…pe… idappaccayatāpaṭiccasamuppannesu dhammesu vimati, no ca vata re vattabbe – ‘‘atthi arahato vimatī’’ti.
ад̇т̇и бут̇уж̇ж̇анасса вимад̇и, ад̇т̇и д̇асса сад̇т̇ари вимад̇и…бз… ид̣̇аббажжаяад̇аабадижжасамуббаннзсу д̇хаммзсу вимад̇ийд̇и? ааманд̇аа. ад̇т̇и арахад̇о вимад̇и, ад̇т̇и д̇асса сад̇т̇ари вимад̇и…бз… ид̣̇аббажжаяад̇аабадижжасамуббаннзсу д̇хаммзсу вимад̇ийд̇и? на хзвам̣ вад̇д̇аб̣б̣з…бз….
Atthi puthujjanassa vimati, atthi tassa satthari vimati…pe… idappaccayatāpaṭiccasamuppannesu dhammesu vimatīti? Āmantā. Atthi arahato vimati, atthi tassa satthari vimati…pe… idappaccayatāpaṭiccasamuppannesu dhammesu vimatīti? Na hevaṃ vattabbe…pe….
ад̇т̇и арахад̇о вимад̇и, над̇т̇и д̇асса сад̇т̇ари вимад̇и…бз… ид̣̇аббажжаяад̇аабадижжасамуббаннзсу д̇хаммзсу вимад̇ийд̇и? ааманд̇аа. ад̇т̇и бут̇уж̇ж̇анасса вимад̇и, над̇т̇и д̇асса сад̇т̇ари вимад̇и…бз… ид̣̇аббажжаяад̇аабадижжасамуббаннзсу д̇хаммзсу вимад̇ийд̇и? на хзвам̣ вад̇д̇аб̣б̣з…бз….
Atthi arahato vimati, natthi tassa satthari vimati…pe… idappaccayatāpaṭiccasamuppannesu dhammesu vimatīti? Āmantā. Atthi puthujjanassa vimati, natthi tassa satthari vimati…pe… idappaccayatāpaṭiccasamuppannesu dhammesu vimatīti? Na hevaṃ vattabbe…pe….
ад̇т̇и арахад̇о асужи суггависсадтийд̇и? ааманд̇аа. арахад̇о асужи суггависсадти гисса ниссанд̣̇од̇и? асид̇абийд̇акааяид̇асааяид̇асса ниссанд̣̇од̇и. арахад̇о асужи суггависсадти асид̇абийд̇акааяид̇асааяид̇асса ниссанд̣̇од̇и? ааманд̇аа. яз гзжи асанд̇и биванд̇и каад̣̇анд̇и сааяанд̇и, саб̣б̣зсам̣язва ад̇т̇и асужи суггависсадтийд̇и? на хзвам̣ вад̇д̇аб̣б̣з…бз….
Atthi arahato asuci sukkavissaṭṭhīti? Āmantā. Arahato asuci sukkavissaṭṭhi kissa nissandoti? Asitapītakhāyitasāyitassa nissandoti. Arahato asuci sukkavissaṭṭhi asitapītakhāyitasāyitassa nissandoti? Āmantā. Ye keci asanti pivanti khādanti sāyanti, sabbesaṃyeva atthi asuci sukkavissaṭṭhīti? Na hevaṃ vattabbe…pe….
яз гзжи асанд̇и биванд̇и каад̣̇анд̇и сааяанд̇и, саб̣б̣зсам̣язва ад̇т̇и асужи суггависсадтийд̇и? ааманд̇аа. д̣̇аарагаа асанд̇и биванд̇и каад̣̇анд̇и сааяанд̇и, ад̇т̇и д̣̇аарагаанам̣ асужи суггависсадтийд̇и? на хзвам̣ вад̇д̇аб̣б̣з.
Ye keci asanti pivanti khādanti sāyanti, sabbesaṃyeva atthi asuci sukkavissaṭṭhīti? Āmantā. Dārakā asanti pivanti khādanti sāyanti, atthi dārakānaṃ asuci sukkavissaṭṭhīti? Na hevaṃ vattabbe.
бан̣д̣агаа асанд̇и биванд̇и каад̣̇анд̇и сааяанд̇и, ад̇т̇и бан̣д̣агаанам̣ асужи суггависсадтийд̇и? на хзвам̣ вад̇д̇аб̣б̣з…бз….
Paṇḍakā asanti pivanti khādanti sāyanti, atthi paṇḍakānaṃ asuci sukkavissaṭṭhīti? Na hevaṃ vattabbe…pe….
д̣̇зваа асанд̇и биванд̇и каад̣̇анд̇и сааяанд̇и, ад̇т̇и д̣̇звад̇аанам̣ асужи суггависсадтийд̇и? на хзвам̣ вад̇д̇аб̣б̣з…бз….
Devā asanti pivanti khādanti sāyanti, atthi devatānaṃ asuci sukkavissaṭṭhīti? Na hevaṃ vattabbe…pe….
309. арахад̇о асужи суггависсадти асид̇абийд̇акааяид̇асааяид̇асса ниссанд̣̇од̇и? ааманд̇аа. ад̇т̇и д̇асса аасаяод̇и? на хзвам̣ вад̇д̇аб̣б̣з…бз….
309. Arahato asuci sukkavissaṭṭhi asitapītakhāyitasāyitassa nissandoti? Āmantā. Atthi tassa āsayoti? Na hevaṃ vattabbe…pe….
арахад̇о ужжаарабассааво асид̇абийд̇акааяид̇асааяид̇асса ниссанд̣̇о, ад̇т̇и д̇асса аасаяод̇и ? ааманд̇аа. арахад̇о асужи суггависсадти асид̇абийд̇акааяид̇асааяид̇асса ниссанд̣̇о, ад̇т̇и д̇асса аасаяод̇и? на хзвам̣ вад̇д̇аб̣б̣з…бз….
Arahato uccārapassāvo asitapītakhāyitasāyitassa nissando, atthi tassa āsayoti ? Āmantā. Arahato asuci sukkavissaṭṭhi asitapītakhāyitasāyitassa nissando, atthi tassa āsayoti? Na hevaṃ vattabbe…pe….
арахад̇о асужи суггависсадти асид̇абийд̇акааяид̇асааяид̇асса ниссанд̣̇о, над̇т̇и д̇асса аасаяод̇и? ааманд̇аа. арахад̇о ужжаарабассааво асид̇абийд̇акааяид̇асааяид̇асса ниссанд̣̇о, над̇т̇и д̇асса аасаяод̇и? на хзвам̣ вад̇д̇аб̣б̣з…бз….
Arahato asuci sukkavissaṭṭhi asitapītakhāyitasāyitassa nissando, natthi tassa āsayoti? Āmantā. Arahato uccārapassāvo asitapītakhāyitasāyitassa nissando, natthi tassa āsayoti? Na hevaṃ vattabbe…pe….
310. ад̇т̇и арахад̇о асужи суггависсадтийд̇и? ааманд̇аа. арахаа мзт̇унам̣ д̇хаммам̣ бадисзвзяяа, мзт̇унам̣ уббаад̣̇зяяа 1, буд̇д̇асамб̣аад̇хасаяанам̣ аж̇жхаавасзяяа, гаасигажанд̣̇анам̣ бажжанубхавзяяа, маалааг̇анд̇хавилзбанам̣ д̇хаарзяяа, ж̇аад̇аруубараж̇ад̇ам̣ саад̣̇иязяяаад̇и? на хзвам̣ вад̇д̇аб̣б̣з.
310. Atthi arahato asuci sukkavissaṭṭhīti? Āmantā. Arahā methunaṃ dhammaṃ paṭiseveyya, methunaṃ uppādeyya 2, puttasambādhasayanaṃ ajjhāvaseyya, kāsikacandanaṃ paccanubhaveyya, mālāgandhavilepanaṃ dhāreyya, jātarūparajataṃ sādiyeyyāti? Na hevaṃ vattabbe.
ад̇т̇и бут̇уж̇ж̇анасса асужи суггависсадти, бут̇уж̇ж̇ано мзт̇унам̣ д̇хаммам̣ бадисзвзяяа, мзт̇унам̣ уббаад̣̇зяяа, буд̇д̇асамб̣аад̇хасаяанам̣ аж̇жхаавасзяяа, гаасигажанд̣̇анам̣ бажжанубхавзяяа, маалааг̇анд̇хавилзбанам̣ д̇хаарзяяа, ж̇аад̇аруубараж̇ад̇ам̣ саад̣̇иязяяаад̇и? ааманд̇аа. ад̇т̇и арахад̇о асужи суггависсадти, арахаа мзт̇унам̣ д̇хаммам̣ бадисзвзяяа, мзт̇унам̣ уббаад̣̇зяяа, буд̇д̇асамб̣аад̇хасаяанам̣ аж̇жхаавасзяяа, гаасигажанд̣̇анам̣ бажжанубхавзяяа, маалааг̇анд̇хавилзбанам̣ д̇хаарзяяа, ж̇аад̇аруубараж̇ад̇ам̣ саад̣̇иязяяаад̇и? на хзвам̣ вад̇д̇аб̣б̣з…бз….
Atthi puthujjanassa asuci sukkavissaṭṭhi, puthujjano methunaṃ dhammaṃ paṭiseveyya, methunaṃ uppādeyya, puttasambādhasayanaṃ ajjhāvaseyya, kāsikacandanaṃ paccanubhaveyya, mālāgandhavilepanaṃ dhāreyya, jātarūparajataṃ sādiyeyyāti? Āmantā. Atthi arahato asuci sukkavissaṭṭhi, arahā methunaṃ dhammaṃ paṭiseveyya, methunaṃ uppādeyya, puttasambādhasayanaṃ ajjhāvaseyya, kāsikacandanaṃ paccanubhaveyya, mālāgandhavilepanaṃ dhāreyya, jātarūparajataṃ sādiyeyyāti? Na hevaṃ vattabbe…pe….
ад̇т̇и арахад̇о асужи суггависсадти, на жа арахаа мзт̇унам̣ д̇хаммам̣ бадисзвзяяа, мзт̇унам̣ уббаад̣̇зяяа, буд̇д̇асамб̣аад̇хасаяанам̣ аж̇жхаавасзяяа, гаасигажанд̣̇анам̣ бажжанубхавзяяа, маалааг̇анд̇хавилзбанам̣ д̇хаарзяяа, ж̇аад̇аруубараж̇ад̇ам̣ саад̣̇иязяяаад̇и? ааманд̇аа. ад̇т̇и бут̇уж̇ж̇анасса асужи суггависсадти, на жа бут̇уж̇ж̇ано мзт̇унам̣ д̇хаммам̣ бадисзвзяяа, мзт̇унам̣ уббаад̣̇зяяа , буд̇д̇асамб̣аад̇хасаяанам̣ аж̇жхаавасзяяа, гаасигажанд̣̇анам̣ бажжанубхавзяяа, маалааг̇анд̇хавилзбанам̣ д̇хаарзяяа, ж̇аад̇аруубараж̇ад̇ам̣ саад̣̇иязяяаад̇и? на хзвам̣ вад̇д̇аб̣б̣з.
Atthi arahato asuci sukkavissaṭṭhi, na ca arahā methunaṃ dhammaṃ paṭiseveyya, methunaṃ uppādeyya, puttasambādhasayanaṃ ajjhāvaseyya, kāsikacandanaṃ paccanubhaveyya, mālāgandhavilepanaṃ dhāreyya, jātarūparajataṃ sādiyeyyāti? Āmantā. Atthi puthujjanassa asuci sukkavissaṭṭhi, na ca puthujjano methunaṃ dhammaṃ paṭiseveyya, methunaṃ uppādeyya , puttasambādhasayanaṃ ajjhāvaseyya, kāsikacandanaṃ paccanubhaveyya, mālāgandhavilepanaṃ dhāreyya, jātarūparajataṃ sādiyeyyāti? Na hevaṃ vattabbe.
ад̇т̇и арахад̇о асужи суггависсадтийд̇и? ааманд̇аа. нану арахад̇о рааг̇о бахийно ужчиннамууло д̇аалаавад̇т̇угад̇о анабхааван̇гад̇о ааяад̇им̣ ануббаад̣̇ад̇хаммод̇и? ааманд̇аа. хан̃жи арахад̇о рааг̇о бахийно ужчиннамууло д̇аалаавад̇т̇угад̇о анабхааван̇гад̇о ааяад̇им̣ ануббаад̣̇ад̇хаммо, но жа вад̇а рз вад̇д̇аб̣б̣з – ‘‘ад̇т̇и арахад̇о асужи суггависсадтий’’д̇и.
Atthi arahato asuci sukkavissaṭṭhīti? Āmantā. Nanu arahato rāgo pahīno ucchinnamūlo tālāvatthukato anabhāvaṅkato āyatiṃ anuppādadhammoti? Āmantā. Hañci arahato rāgo pahīno ucchinnamūlo tālāvatthukato anabhāvaṅkato āyatiṃ anuppādadhammo, no ca vata re vattabbe – ‘‘atthi arahato asuci sukkavissaṭṭhī’’ti.
ад̇т̇и арахад̇о асужи суггависсадтийд̇и? ааманд̇аа. нану арахад̇о д̣̇осо бахийно…бз… мохо бахийно… маано бахийно… д̣̇идти бахийнаа… вижигижчаа бахийнаа… т̇инам̣ бахийнам̣… уд̣̇д̇хажжам̣ бахийнам̣… ахиригам̣ бахийнам̣…бз… анод̇д̇аббам̣ бахийнам̣ ужчиннамуулам̣ д̇аалаавад̇т̇угад̇ам̣ анабхааван̇гад̇ам̣ ааяад̇им̣ ануббаад̣̇ад̇хамманд̇и? ааманд̇аа. хан̃жи арахад̇о анод̇д̇аббам̣ бахийнам̣ ужчиннамуулам̣ д̇аалаавад̇т̇угад̇ам̣ анабхааван̇гад̇ам̣ ааяад̇им̣ ануббаад̣̇ад̇хаммам̣, но жа вад̇а рз вад̇д̇аб̣б̣з – ‘‘ад̇т̇и арахад̇о асужи суггависсадтий’’д̇и.
Atthi arahato asuci sukkavissaṭṭhīti? Āmantā. Nanu arahato doso pahīno…pe… moho pahīno… māno pahīno… diṭṭhi pahīnā… vicikicchā pahīnā… thinaṃ pahīnaṃ… uddhaccaṃ pahīnaṃ… ahirikaṃ pahīnaṃ…pe… anottappaṃ pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammanti? Āmantā. Hañci arahato anottappaṃ pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammaṃ, no ca vata re vattabbe – ‘‘atthi arahato asuci sukkavissaṭṭhī’’ti.
311. ад̇т̇и арахад̇о асужи суггависсадтийд̇и? ааманд̇аа. нану арахад̇о рааг̇аббахаанааяа маг̇г̇о бхаавид̇од̇и? ааманд̇аа. хан̃жи арахад̇о рааг̇аббахаанааяа маг̇г̇о бхаавид̇о, но жа вад̇а рз вад̇д̇аб̣б̣з – ‘‘ад̇т̇и арахад̇о асужи суггависсадтий’’д̇и.
311. Atthi arahato asuci sukkavissaṭṭhīti? Āmantā. Nanu arahato rāgappahānāya maggo bhāvitoti? Āmantā. Hañci arahato rāgappahānāya maggo bhāvito, no ca vata re vattabbe – ‘‘atthi arahato asuci sukkavissaṭṭhī’’ti.
ад̇т̇и арахад̇о асужи суггависсадтийд̇и? ааманд̇аа. нану арахад̇о рааг̇аббахаанааяа сад̇ибадтаанаа бхаавид̇аа…бз… саммаббад̇хаанаа бхаавид̇аа… ид̣̇д̇хибаад̣̇аа бхаавид̇аа… инд̣̇рияаа бхаавид̇аа… б̣алаа бхаавид̇аа…бз… б̣ож̇жхан̇г̇аа бхаавид̇аад̇и? ааманд̇аа. хан̃жи арахад̇о рааг̇аббахаанааяа б̣ож̇жхан̇г̇аа бхаавид̇аа, но жа вад̇а рз вад̇д̇аб̣б̣з – ‘‘ад̇т̇и арахад̇о асужи суггависсадтий’’д̇и.
Atthi arahato asuci sukkavissaṭṭhīti? Āmantā. Nanu arahato rāgappahānāya satipaṭṭhānā bhāvitā…pe… sammappadhānā bhāvitā… iddhipādā bhāvitā… indriyā bhāvitā… balā bhāvitā…pe… bojjhaṅgā bhāvitāti? Āmantā. Hañci arahato rāgappahānāya bojjhaṅgā bhāvitā, no ca vata re vattabbe – ‘‘atthi arahato asuci sukkavissaṭṭhī’’ti.
ад̇т̇и арахад̇о асужи суггависсадтийд̇и? ааманд̇аа. нану арахад̇о д̣̇осаббахаанааяа…бз… мохаббахаанааяа…бз… анод̇д̇аббабахаанааяа маг̇г̇о бхаавид̇о…бз… б̣ож̇жхан̇г̇аа бхаавид̇аад̇и? ааманд̇аа. хан̃жи арахад̇о анод̇д̇аббабахаанааяа б̣ож̇жхан̇г̇аа бхаавид̇аа, но жа вад̇а рз вад̇д̇аб̣б̣з – ‘‘ад̇т̇и арахад̇о асужи суггависсадтий’’д̇и.
Atthi arahato asuci sukkavissaṭṭhīti? Āmantā. Nanu arahato dosappahānāya…pe… mohappahānāya…pe… anottappapahānāya maggo bhāvito…pe… bojjhaṅgā bhāvitāti? Āmantā. Hañci arahato anottappapahānāya bojjhaṅgā bhāvitā, no ca vata re vattabbe – ‘‘atthi arahato asuci sukkavissaṭṭhī’’ti.
ад̇т̇и арахад̇о асужи суггависсадтийд̇и? ааманд̇аа. нану арахаа вийд̇арааг̇о вийд̇ад̣̇осо вийд̇амохо гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аавимуд̇д̇о угкид̇д̇абалигхо сан̇гин̣н̣абарико аб̣б̣уул̣хзсиго нираг̇г̇ал̣о арияо баннад̣̇д̇хаж̇о баннабхааро висан̃н̃уд̇д̇о сувиж̇ид̇авиж̇аяо, д̣̇угкам̣ д̇асса барин̃н̃аад̇ам̣, самуд̣̇аяо бахийно, нирод̇хо сажчигад̇о, маг̇г̇о бхаавид̇о, абхин̃н̃зяяам̣ абхин̃н̃аад̇ам̣, барин̃н̃зяяам̣ барин̃н̃аад̇ам̣, бахаад̇аб̣б̣ам̣ бахийнам̣, бхаавзд̇аб̣б̣ам̣ бхаавид̇ам̣, сажчигаад̇аб̣б̣ам̣ сажчигад̇анд̇и? ааманд̇аа. хан̃жи арахаа вийд̇арааг̇о вийд̇ад̣̇осо вийд̇амохо гад̇агаран̣ийяо…бз… сажчигаад̇аб̣б̣ам̣ сажчигад̇ам̣ , но жа вад̇а рз вад̇д̇аб̣б̣з – ‘‘ад̇т̇и арахад̇о асужи суггависсадтий’’д̇и.
Atthi arahato asuci sukkavissaṭṭhīti? Āmantā. Nanu arahā vītarāgo vītadoso vītamoho katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṃ tassa pariññātaṃ, samudayo pahīno, nirodho sacchikato, maggo bhāvito, abhiññeyyaṃ abhiññātaṃ, pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ, sacchikātabbaṃ sacchikatanti? Āmantā. Hañci arahā vītarāgo vītadoso vītamoho katakaraṇīyo…pe… sacchikātabbaṃ sacchikataṃ , no ca vata re vattabbe – ‘‘atthi arahato asuci sukkavissaṭṭhī’’ti.
312. ад̇т̇и арахад̇о асужи суггависсадтийд̇и? сад̇хаммагусаласса арахад̇о ад̇т̇и асужи суггависсадти, барад̇хаммагусаласса арахад̇о над̇т̇и асужи суггависсадтийд̇и. сад̇хаммагусаласса арахад̇о ад̇т̇и асужи суггависсадтийд̇и? ааманд̇аа. барад̇хаммагусаласса арахад̇о ад̇т̇и асужи суггависсадтийд̇и? на хзвам̣ вад̇д̇аб̣б̣з…бз….
312. Atthi arahato asuci sukkavissaṭṭhīti? Sadhammakusalassa arahato atthi asuci sukkavissaṭṭhi, paradhammakusalassa arahato natthi asuci sukkavissaṭṭhīti. Sadhammakusalassa arahato atthi asuci sukkavissaṭṭhīti? Āmantā. Paradhammakusalassa arahato atthi asuci sukkavissaṭṭhīti? Na hevaṃ vattabbe…pe….
барад̇хаммагусаласса арахад̇о над̇т̇и асужи суггависсадтийд̇и? ааманд̇аа. сад̇хаммагусаласса арахад̇о над̇т̇и асужи суггависсадтийд̇и? на хзвам̣ вад̇д̇аб̣б̣з…бз….
Paradhammakusalassa arahato natthi asuci sukkavissaṭṭhīti? Āmantā. Sadhammakusalassa arahato natthi asuci sukkavissaṭṭhīti? Na hevaṃ vattabbe…pe….
сад̇хаммагусаласса арахад̇о рааг̇о бахийно, ад̇т̇и д̇асса асужи суггависсадтийд̇и? ааманд̇аа. барад̇хаммагусаласса арахад̇о рааг̇о бахийно, ад̇т̇и д̇асса асужи суггависсадтийд̇и? на хзвам̣ вад̇д̇аб̣б̣з…бз….
Sadhammakusalassa arahato rāgo pahīno, atthi tassa asuci sukkavissaṭṭhīti? Āmantā. Paradhammakusalassa arahato rāgo pahīno, atthi tassa asuci sukkavissaṭṭhīti? Na hevaṃ vattabbe…pe….
сад̇хаммагусаласса арахад̇о д̣̇осо бахийно…бз… мохо бахийно…бз… анод̇д̇аббам̣ бахийнам̣, ад̇т̇и д̇асса асужи суггависсадтийд̇и? ааманд̇аа. барад̇хаммагусаласса арахад̇о анод̇д̇аббам̣ бахийнам̣, ад̇т̇и д̇асса асужи суггависсадтийд̇и? на хзвам̣ вад̇д̇аб̣б̣з…бз….
Sadhammakusalassa arahato doso pahīno…pe… moho pahīno…pe… anottappaṃ pahīnaṃ, atthi tassa asuci sukkavissaṭṭhīti? Āmantā. Paradhammakusalassa arahato anottappaṃ pahīnaṃ, atthi tassa asuci sukkavissaṭṭhīti? Na hevaṃ vattabbe…pe….
сад̇хаммагусаласса арахад̇о рааг̇аббахаанааяа маг̇г̇о бхаавид̇о…бз… б̣ож̇жхан̇г̇аа бхаавид̇аа…бз… д̣̇осаббахаанааяа…бз… мохаббахаанааяа…бз… анод̇д̇аббабахаанааяа маг̇г̇о бхаавид̇о…бз… б̣ож̇жхан̇г̇аа бхаавид̇аа, ад̇т̇и д̇асса асужи суггависсадтийд̇и? ааманд̇аа . барад̇хаммагусаласса арахад̇о анод̇д̇аббабахаанааяа б̣ож̇жхан̇г̇аа бхаавид̇аа, ад̇т̇и д̇асса асужи суггависсадтийд̇и? на хзвам̣ вад̇д̇аб̣б̣з…бз….
Sadhammakusalassa arahato rāgappahānāya maggo bhāvito…pe… bojjhaṅgā bhāvitā…pe… dosappahānāya…pe… mohappahānāya…pe… anottappapahānāya maggo bhāvito…pe… bojjhaṅgā bhāvitā, atthi tassa asuci sukkavissaṭṭhīti? Āmantā . Paradhammakusalassa arahato anottappapahānāya bojjhaṅgā bhāvitā, atthi tassa asuci sukkavissaṭṭhīti? Na hevaṃ vattabbe…pe….
сад̇хаммагусало арахаа вийд̇арааг̇о вийд̇ад̣̇осо вийд̇амохо…бз… сажчигаад̇аб̣б̣ам̣ сажчигад̇ам̣, ад̇т̇и д̇асса асужи суггависсадтийд̇и? ааманд̇аа. барад̇хаммагусало арахаа вийд̇арааг̇о вийд̇ад̣̇осо вийд̇амохо…бз… сажчигаад̇аб̣б̣ам̣ сажчигад̇ам̣, ад̇т̇и д̇асса асужи суггависсадтийд̇и? на хзвам̣ вад̇д̇аб̣б̣з…бз….
Sadhammakusalo arahā vītarāgo vītadoso vītamoho…pe… sacchikātabbaṃ sacchikataṃ, atthi tassa asuci sukkavissaṭṭhīti? Āmantā. Paradhammakusalo arahā vītarāgo vītadoso vītamoho…pe… sacchikātabbaṃ sacchikataṃ, atthi tassa asuci sukkavissaṭṭhīti? Na hevaṃ vattabbe…pe….
барад̇хаммагусаласса арахад̇о рааг̇о бахийно, над̇т̇и д̇асса асужи суггависсадтийд̇и? ааманд̇аа. сад̇хаммагусаласса арахад̇о рааг̇о бахийно, над̇т̇и д̇асса асужи суггависсадтийд̇и? на хзвам̣ вад̇д̇аб̣б̣з…бз….
Paradhammakusalassa arahato rāgo pahīno, natthi tassa asuci sukkavissaṭṭhīti? Āmantā. Sadhammakusalassa arahato rāgo pahīno, natthi tassa asuci sukkavissaṭṭhīti? Na hevaṃ vattabbe…pe….
барад̇хаммагусаласса арахад̇о д̣̇осо бахийно…бз… мохо бахийно…бз… анод̇д̇аббам̣ бахийнам̣, над̇т̇и д̇асса асужи суггависсадтийд̇и? ааманд̇аа. сад̇хаммагусаласса арахад̇о анод̇д̇аббам̣ бахийнам̣, над̇т̇и д̇асса асужи суггависсадтийд̇и? на хзвам̣ вад̇д̇аб̣б̣з…бз….
Paradhammakusalassa arahato doso pahīno…pe… moho pahīno…pe… anottappaṃ pahīnaṃ, natthi tassa asuci sukkavissaṭṭhīti? Āmantā. Sadhammakusalassa arahato anottappaṃ pahīnaṃ, natthi tassa asuci sukkavissaṭṭhīti? Na hevaṃ vattabbe…pe….
барад̇хаммагусаласса арахад̇о рааг̇аббахаанааяа маг̇г̇о бхаавид̇о…бз… б̣ож̇жхан̇г̇аа бхаавид̇аа…бз… д̣̇осаббахаанааяа…бз… мохаббахаанааяа…бз… анод̇д̇аббабахаанааяа маг̇г̇о бхаавид̇о…бз… б̣ож̇жхан̇г̇аа бхаавид̇аа, над̇т̇и д̇асса асужи суггависсадтийд̇и? ааманд̇аа. сад̇хаммагусаласса арахад̇о анод̇д̇аббабахаанааяа б̣ож̇жхан̇г̇аа бхаавид̇аа, над̇т̇и д̇асса асужи суггависсадтийд̇и? на хзвам̣ вад̇д̇аб̣б̣з…бз….
Paradhammakusalassa arahato rāgappahānāya maggo bhāvito…pe… bojjhaṅgā bhāvitā…pe… dosappahānāya…pe… mohappahānāya…pe… anottappapahānāya maggo bhāvito…pe… bojjhaṅgā bhāvitā, natthi tassa asuci sukkavissaṭṭhīti? Āmantā. Sadhammakusalassa arahato anottappapahānāya bojjhaṅgā bhāvitā, natthi tassa asuci sukkavissaṭṭhīti? Na hevaṃ vattabbe…pe….
барад̇хаммагусало арахаа вийд̇арааг̇о вийд̇ад̣̇осо вийд̇амохо…бз… сажчигаад̇аб̣б̣ам̣ сажчигад̇ам̣, над̇т̇и д̇асса асужи суггависсадтийд̇и? ааманд̇аа. сад̇хаммагусало арахаа вийд̇арааг̇о вийд̇ад̣̇осо вийд̇амохо…бз… сажчигаад̇аб̣б̣ам̣ сажчигад̇ам̣, над̇т̇и д̇асса асужи суггависсадтийд̇и? на хзвам̣ вад̇д̇аб̣б̣з…бз….
Paradhammakusalo arahā vītarāgo vītadoso vītamoho…pe… sacchikātabbaṃ sacchikataṃ, natthi tassa asuci sukkavissaṭṭhīti? Āmantā. Sadhammakusalo arahā vītarāgo vītadoso vītamoho…pe… sacchikātabbaṃ sacchikataṃ, natthi tassa asuci sukkavissaṭṭhīti? Na hevaṃ vattabbe…pe….
313. ад̇т̇и арахад̇о асужи суггависсадтийд̇и? ааманд̇аа. нану вуд̇д̇ам̣ бхаг̇авад̇аа – ‘‘яз д̇з 3, бхигкавз, бхигкуу бут̇уж̇ж̇анаа сийласамбаннаа сад̇аа самбаж̇аанаа нид̣̇д̣̇ам̣ оггаманд̇и, д̇зсам̣ асужи на мужжад̇и. язби д̇з, бхигкавз, б̣аахирагаа исаяо гаамзсу вийд̇арааг̇аа, д̇зсамби асужи на мужжад̇и. адтаанамзд̇ам̣, бхигкавз, анавагаасо яам̣ арахад̇о асужи мужжзяяаа’’д̇и 4. ад̇т̇зва суд̇д̇анд̇од̇и? ааманд̇аа. д̇зна хи на вад̇д̇аб̣б̣ам̣ – ‘‘ад̇т̇и арахад̇о асужи суггависсадтий’’д̇и.
313. Atthi arahato asuci sukkavissaṭṭhīti? Āmantā. Nanu vuttaṃ bhagavatā – ‘‘ye te 5, bhikkhave, bhikkhū puthujjanā sīlasampannā satā sampajānā niddaṃ okkamanti, tesaṃ asuci na muccati. Yepi te, bhikkhave, bāhirakā isayo kāmesu vītarāgā, tesampi asuci na muccati. Aṭṭhānametaṃ, bhikkhave, anavakāso yaṃ arahato asuci mucceyyā’’ti 6. Attheva suttantoti? Āmantā. Tena hi na vattabbaṃ – ‘‘atthi arahato asuci sukkavissaṭṭhī’’ti.
на вад̇д̇аб̣б̣ам̣ – ‘‘ад̇т̇и арахад̇о баруубахааро’’д̇и? ааманд̇аа. нану арахад̇о жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарам̣ барз убасам̣харзяяунд̇и? ааманд̇аа. хан̃жи арахад̇о жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарам̣ барз убасам̣харзяяум̣, д̇зна вад̇а рз вад̇д̇аб̣б̣з – ‘‘ад̇т̇и арахад̇о баруубахааро’’д̇и.
Na vattabbaṃ – ‘‘atthi arahato parūpahāro’’ti? Āmantā. Nanu arahato cīvarapiṇḍapātasenāsanagilānapaccayabhesajjaparikkhāraṃ pare upasaṃhareyyunti? Āmantā. Hañci arahato cīvarapiṇḍapātasenāsanagilānapaccayabhesajjaparikkhāraṃ pare upasaṃhareyyuṃ, tena vata re vattabbe – ‘‘atthi arahato parūpahāro’’ti.
арахад̇о жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарам̣ барз убасам̣харзяяунд̇и, ад̇т̇и арахад̇о баруубахаарод̇и? ааманд̇аа. арахад̇о сод̇аабад̇д̇ипалам̣ ваа сагад̣̇ааг̇аамипалам̣ ваа анааг̇аамипалам̣ ваа арахад̇д̇ам̣ ваа барз убасам̣харзяяунд̇и? на хзвам̣ вад̇д̇аб̣б̣з…бз….
Arahato cīvarapiṇḍapātasenāsanagilānapaccayabhesajjaparikkhāraṃ pare upasaṃhareyyunti, atthi arahato parūpahāroti? Āmantā. Arahato sotāpattiphalaṃ vā sakadāgāmiphalaṃ vā anāgāmiphalaṃ vā arahattaṃ vā pare upasaṃhareyyunti? Na hevaṃ vattabbe…pe….
баруубахаарагат̇аа нидтид̇аа.
Parūpahārakathā niṭṭhitā.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 1. баруубахаараван̣н̣анаа • 1. Parūpahāravaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. баруубахаараван̣н̣анаа • 1. Parūpahāravaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. баруубахаараван̣н̣анаа • 1. Parūpahāravaṇṇanā
