| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੨. ਦੁਤਿਯવਗ੍ਗੋ
2. Dutiyavaggo
(੧੦) ੧. ਪਰੂਪਹਾਰਕਥਾ
(10) 1. Parūpahārakathā
੩੦੭. ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਅਤ੍ਥਿ ਅਰਹਤੋ ਰਾਗੋ ਕਾਮਰਾਗੋ ਕਾਮਰਾਗਪਰਿਯੁਟ੍ਠਾਨਂ ਕਾਮਰਾਗਸਂਯੋਜਨਂ ਕਾਮੋਘੋ ਕਾਮਯੋਗੋ ਕਾਮਚ੍ਛਨ੍ਦਨੀવਰਣਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
307. Atthi arahato asuci sukkavissaṭṭhīti? Āmantā. Atthi arahato rāgo kāmarāgo kāmarāgapariyuṭṭhānaṃ kāmarāgasaṃyojanaṃ kāmogho kāmayogo kāmacchandanīvaraṇanti? Na hevaṃ vattabbe…pe….
ਨਤ੍ਥਿ ਅਰਹਤੋ ਰਾਗੋ ਕਾਮਰਾਗੋ ਕਾਮਰਾਗਪਰਿਯੁਟ੍ਠਾਨਂ ਕਾਮਰਾਗਸਂਯੋਜਨਂ ਕਾਮੋਘੋ ਕਾਮਯੋਗੋ ਕਾਮਚ੍ਛਨ੍ਦਨੀવਰਣਨ੍ਤਿ? ਆਮਨ੍ਤਾ। ਹਞ੍ਚਿ ਨਤ੍ਥਿ ਅਰਹਤੋ ਰਾਗੋ ਕਾਮਰਾਗੋ ਕਾਮਰਾਗਪਰਿਯੁਟ੍ਠਾਨਂ ਕਾਮਰਾਗਸਂਯੋਜਨਂ ਕਾਮੋਘੋ ਕਾਮਯੋਗੋ ਕਾਮਚ੍ਛਨ੍ਦਨੀવਰਣਂ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀ’’ਤਿ।
Natthi arahato rāgo kāmarāgo kāmarāgapariyuṭṭhānaṃ kāmarāgasaṃyojanaṃ kāmogho kāmayogo kāmacchandanīvaraṇanti? Āmantā. Hañci natthi arahato rāgo kāmarāgo kāmarāgapariyuṭṭhānaṃ kāmarāgasaṃyojanaṃ kāmogho kāmayogo kāmacchandanīvaraṇaṃ, no ca vata re vattabbe – ‘‘atthi arahato asuci sukkavissaṭṭhī’’ti.
ਅਤ੍ਥਿ ਪੁਥੁਜ੍ਜਨਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠਿ, ਅਤ੍ਥਿ ਤਸ੍ਸ ਰਾਗੋ ਕਾਮਰਾਗੋ ਕਾਮਰਾਗਪਰਿਯੁਟ੍ਠਾਨਂ ਕਾਮਰਾਗਸਂਯੋਜਨਂ ਕਾਮੋਘੋ ਕਾਮਯੋਗੋ ਕਾਮਚ੍ਛਨ੍ਦਨੀવਰਣਨ੍ਤਿ? ਆਮਨ੍ਤਾ। ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠਿ, ਅਤ੍ਥਿ ਤਸ੍ਸ ਰਾਗੋ ਕਾਮਰਾਗੋ ਕਾਮਰਾਗਪਰਿਯੁਟ੍ਠਾਨਂ…ਪੇ॰… ਕਾਮਚ੍ਛਨ੍ਦਨੀવਰਣਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Atthi puthujjanassa asuci sukkavissaṭṭhi, atthi tassa rāgo kāmarāgo kāmarāgapariyuṭṭhānaṃ kāmarāgasaṃyojanaṃ kāmogho kāmayogo kāmacchandanīvaraṇanti? Āmantā. Atthi arahato asuci sukkavissaṭṭhi, atthi tassa rāgo kāmarāgo kāmarāgapariyuṭṭhānaṃ…pe… kāmacchandanīvaraṇanti? Na hevaṃ vattabbe…pe….
ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠਿ, ਨਤ੍ਥਿ ਤਸ੍ਸ ਰਾਗੋ ਕਾਮਰਾਗੋ ਕਾਮਰਾਗਪਰਿਯੁਟ੍ਠਾਨਂ…ਪੇ॰… ਕਾਮਚ੍ਛਨ੍ਦਨੀવਰਣਨ੍ਤਿ? ਆਮਨ੍ਤਾ। ਅਤ੍ਥਿ ਪੁਥੁਜ੍ਜਨਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠਿ, ਨਤ੍ਥਿ ਤਸ੍ਸ ਰਾਗੋ ਕਾਮਰਾਗੋ ਕਾਮਰਾਗਪਰਿਯੁਟ੍ਠਾਨਂ…ਪੇ॰… ਕਾਮਚ੍ਛਨ੍ਦਨੀવਰਣਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Atthi arahato asuci sukkavissaṭṭhi, natthi tassa rāgo kāmarāgo kāmarāgapariyuṭṭhānaṃ…pe… kāmacchandanīvaraṇanti? Āmantā. Atthi puthujjanassa asuci sukkavissaṭṭhi, natthi tassa rāgo kāmarāgo kāmarāgapariyuṭṭhānaṃ…pe… kāmacchandanīvaraṇanti? Na hevaṃ vattabbe…pe….
ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਕੇਨਟ੍ਠੇਨਾਤਿ? ਹਨ੍ਦ ਹਿ ਮਾਰਕਾਯਿਕਾ ਦੇવਤਾ ਅਰਹਤੋ ਅਸੁਚਿਂ ਸੁਕ੍ਕવਿਸ੍ਸਟ੍ਠਿਂ ਉਪਸਂਹਰਨ੍ਤੀਤਿ।
Atthi arahato asuci sukkavissaṭṭhīti? Āmantā. Kenaṭṭhenāti? Handa hi mārakāyikā devatā arahato asuciṃ sukkavissaṭṭhiṃ upasaṃharantīti.
ਮਾਰਕਾਯਿਕਾ ਦੇવਤਾ ਅਰਹਤੋ ਅਸੁਚਿਂ ਸੁਕ੍ਕવਿਸ੍ਸਟ੍ਠਿਂ ਉਪਸਂਹਰਨ੍ਤੀਤਿ? ਆਮਨ੍ਤਾ। ਅਤ੍ਥਿ ਮਾਰਕਾਯਿਕਾਨਂ ਦੇવਤਾਨਂ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Mārakāyikā devatā arahato asuciṃ sukkavissaṭṭhiṃ upasaṃharantīti? Āmantā. Atthi mārakāyikānaṃ devatānaṃ asuci sukkavissaṭṭhīti? Na hevaṃ vattabbe…pe….
ਨਤ੍ਥਿ ਮਾਰਕਾਯਿਕਾਨਂ ਦੇવਤਾਨਂ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਹਞ੍ਚਿ ਨਤ੍ਥਿ ਮਾਰਕਾਯਿਕਾਨਂ ਦੇવਤਾਨਂ ਅਸੁਚਿ ਸੁਕ੍ਕવਿਸ੍ਸਟ੍ਠਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਮਾਰਕਾਯਿਕਾ ਦੇવਤਾ ਅਰਹਤੋ ਅਸੁਚਿਂ ਸੁਕ੍ਕવਿਸ੍ਸਟ੍ਠਿਂ ਉਪਸਂਹਰਨ੍ਤੀ’’ਤਿ।
Natthi mārakāyikānaṃ devatānaṃ asuci sukkavissaṭṭhīti? Āmantā. Hañci natthi mārakāyikānaṃ devatānaṃ asuci sukkavissaṭṭhi, no ca vata re vattabbe – ‘‘mārakāyikā devatā arahato asuciṃ sukkavissaṭṭhiṃ upasaṃharantī’’ti.
ਮਾਰਕਾਯਿਕਾ ਦੇવਤਾ ਅਰਹਤੋ ਅਸੁਚਿਂ ਸੁਕ੍ਕવਿਸ੍ਸਟ੍ਠਿਂ ਉਪਸਂਹਰਨ੍ਤੀਤਿ? ਆਮਨ੍ਤਾ। ਮਾਰਕਾਯਿਕਾ ਦੇવਤਾ ਅਤ੍ਤਨੋ ਅਸੁਚਿਂ ਸੁਕ੍ਕવਿਸ੍ਸਟ੍ਠਿਂ ਉਪਸਂਹਰਨ੍ਤਿ, ਅਞ੍ਞੇਸਂ ਅਸੁਚਿਂ ਸੁਕ੍ਕવਿਸ੍ਸਟ੍ਠਿਂ ਉਪਸਂਹਰਨ੍ਤਿ, ਤਸ੍ਸ ਅਸੁਚਿਂ ਸੁਕ੍ਕવਿਸ੍ਸਟ੍ਠਿਂ ਉਪਸਂਹਰਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Mārakāyikā devatā arahato asuciṃ sukkavissaṭṭhiṃ upasaṃharantīti? Āmantā. Mārakāyikā devatā attano asuciṃ sukkavissaṭṭhiṃ upasaṃharanti, aññesaṃ asuciṃ sukkavissaṭṭhiṃ upasaṃharanti, tassa asuciṃ sukkavissaṭṭhiṃ upasaṃharantīti? Na hevaṃ vattabbe…pe….
ਮਾਰਕਾਯਿਕਾ ਦੇવਤਾ ਨੇવ ਅਤ੍ਤਨੋ ਨ ਅਞ੍ਞੇਸਂ ਨ ਤਸ੍ਸ ਅਸੁਚਿਂ ਸੁਕ੍ਕવਿਸ੍ਸਟ੍ਠਿਂ ਉਪਸਂਹਰਨ੍ਤੀਤਿ? ਆਮਨ੍ਤਾ। ਹਞ੍ਚਿ ਮਾਰਕਾਯਿਕਾ ਦੇવਤਾ ਨੇવ ਅਤ੍ਤਨੋ ਨ ਅਞ੍ਞੇਸਂ ਨ ਤਸ੍ਸ ਅਸੁਚਿਂ ਸੁਕ੍ਕવਿਸ੍ਸਟ੍ਠਿਂ ਉਪਸਂਹਰਨ੍ਤਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਮਾਰਕਾਯਿਕਾ ਦੇવਤਾ ਅਰਹਤੋ ਅਸੁਚਿਂ ਸੁਕ੍ਕવਿਸ੍ਸਟ੍ਠਿਂ ਉਪਸਂਹਰਨ੍ਤੀ’’ਤਿ।
Mārakāyikā devatā neva attano na aññesaṃ na tassa asuciṃ sukkavissaṭṭhiṃ upasaṃharantīti? Āmantā. Hañci mārakāyikā devatā neva attano na aññesaṃ na tassa asuciṃ sukkavissaṭṭhiṃ upasaṃharanti, no ca vata re vattabbe – ‘‘mārakāyikā devatā arahato asuciṃ sukkavissaṭṭhiṃ upasaṃharantī’’ti.
ਮਾਰਕਾਯਿਕਾ ਦੇવਤਾ ਅਰਹਤੋ ਅਸੁਚਿਂ ਸੁਕ੍ਕવਿਸ੍ਸਟ੍ਠਿਂ ਉਪਸਂਹਰਨ੍ਤੀਤਿ ? ਆਮਨ੍ਤਾ। ਲੋਮਕੂਪੇਹਿ ਉਪਸਂਹਰਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Mārakāyikā devatā arahato asuciṃ sukkavissaṭṭhiṃ upasaṃharantīti ? Āmantā. Lomakūpehi upasaṃharantīti? Na hevaṃ vattabbe…pe….
੩੦੮. ਮਾਰਕਾਯਿਕਾ ਦੇવਤਾ ਅਰਹਤੋ ਅਸੁਚਿਂ ਸੁਕ੍ਕવਿਸ੍ਸਟ੍ਠਿਂ ਉਪਸਂਹਰਨ੍ਤੀਤਿ? ਆਮਨ੍ਤਾ। ਕਿਂ ਕਾਰਣਾਤਿ? ਹਨ੍ਦ ਹਿ વਿਮਤਿਂ ਗਾਹਯਿਸ੍ਸਾਮਾਤਿ। ਅਤ੍ਥਿ ਅਰਹਤੋ વਿਮਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
308. Mārakāyikā devatā arahato asuciṃ sukkavissaṭṭhiṃ upasaṃharantīti? Āmantā. Kiṃ kāraṇāti? Handa hi vimatiṃ gāhayissāmāti. Atthi arahato vimatīti? Na hevaṃ vattabbe…pe….
ਅਤ੍ਥਿ ਅਰਹਤੋ વਿਮਤੀਤਿ? ਆਮਨ੍ਤਾ। ਅਤ੍ਥਿ ਅਰਹਤੋ ਸਤ੍ਥਰਿ વਿਮਤਿ, ਧਮ੍ਮੇ વਿਮਤਿ, ਸਙ੍ਘੇ વਿਮਤਿ, ਸਿਕ੍ਖਾਯ વਿਮਤਿ, ਪੁਬ੍ਬਨ੍ਤੇ વਿਮਤਿ, ਅਪਰਨ੍ਤੇ વਿਮਤਿ, ਪੁਬ੍ਬਨ੍ਤਾਪਰਨ੍ਤੇ વਿਮਤਿ, ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ વਿਮਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Atthi arahato vimatīti? Āmantā. Atthi arahato satthari vimati, dhamme vimati, saṅghe vimati, sikkhāya vimati, pubbante vimati, aparante vimati, pubbantāparante vimati, idappaccayatāpaṭiccasamuppannesu dhammesu vimatīti? Na hevaṃ vattabbe…pe….
ਨਤ੍ਥਿ ਅਰਹਤੋ ਸਤ੍ਥਰਿ વਿਮਤਿ, ਧਮ੍ਮੇ વਿਮਤਿ, ਸਙ੍ਘੇ વਿਮਤਿ, ਸਿਕ੍ਖਾਯ વਿਮਤਿ, ਪੁਬ੍ਬਨ੍ਤੇ વਿਮਤਿ, ਅਪਰਨ੍ਤੇ વਿਮਤਿ , ਪੁਬ੍ਬਨ੍ਤਾਪਰਨ੍ਤੇ વਿਮਤਿ, ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ વਿਮਤੀਤਿ? ਆਮਨ੍ਤਾ। ਹਞ੍ਚਿ ਨਤ੍ਥਿ ਅਰਹਤੋ ਸਤ੍ਥਰਿ વਿਮਤਿ…ਪੇ॰… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ વਿਮਤਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ વਿਮਤੀ’’ਤਿ।
Natthi arahato satthari vimati, dhamme vimati, saṅghe vimati, sikkhāya vimati, pubbante vimati, aparante vimati , pubbantāparante vimati, idappaccayatāpaṭiccasamuppannesu dhammesu vimatīti? Āmantā. Hañci natthi arahato satthari vimati…pe… idappaccayatāpaṭiccasamuppannesu dhammesu vimati, no ca vata re vattabbe – ‘‘atthi arahato vimatī’’ti.
ਅਤ੍ਥਿ ਪੁਥੁਜ੍ਜਨਸ੍ਸ વਿਮਤਿ, ਅਤ੍ਥਿ ਤਸ੍ਸ ਸਤ੍ਥਰਿ વਿਮਤਿ…ਪੇ॰… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ વਿਮਤੀਤਿ? ਆਮਨ੍ਤਾ। ਅਤ੍ਥਿ ਅਰਹਤੋ વਿਮਤਿ, ਅਤ੍ਥਿ ਤਸ੍ਸ ਸਤ੍ਥਰਿ વਿਮਤਿ…ਪੇ॰… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ વਿਮਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Atthi puthujjanassa vimati, atthi tassa satthari vimati…pe… idappaccayatāpaṭiccasamuppannesu dhammesu vimatīti? Āmantā. Atthi arahato vimati, atthi tassa satthari vimati…pe… idappaccayatāpaṭiccasamuppannesu dhammesu vimatīti? Na hevaṃ vattabbe…pe….
ਅਤ੍ਥਿ ਅਰਹਤੋ વਿਮਤਿ, ਨਤ੍ਥਿ ਤਸ੍ਸ ਸਤ੍ਥਰਿ વਿਮਤਿ…ਪੇ॰… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ વਿਮਤੀਤਿ? ਆਮਨ੍ਤਾ। ਅਤ੍ਥਿ ਪੁਥੁਜ੍ਜਨਸ੍ਸ વਿਮਤਿ, ਨਤ੍ਥਿ ਤਸ੍ਸ ਸਤ੍ਥਰਿ વਿਮਤਿ…ਪੇ॰… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ વਿਮਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Atthi arahato vimati, natthi tassa satthari vimati…pe… idappaccayatāpaṭiccasamuppannesu dhammesu vimatīti? Āmantā. Atthi puthujjanassa vimati, natthi tassa satthari vimati…pe… idappaccayatāpaṭiccasamuppannesu dhammesu vimatīti? Na hevaṃ vattabbe…pe….
ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠਿ ਕਿਸ੍ਸ ਨਿਸ੍ਸਨ੍ਦੋਤਿ? ਅਸਿਤਪੀਤਖਾਯਿਤਸਾਯਿਤਸ੍ਸ ਨਿਸ੍ਸਨ੍ਦੋਤਿ। ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠਿ ਅਸਿਤਪੀਤਖਾਯਿਤਸਾਯਿਤਸ੍ਸ ਨਿਸ੍ਸਨ੍ਦੋਤਿ? ਆਮਨ੍ਤਾ। ਯੇ ਕੇਚਿ ਅਸਨ੍ਤਿ ਪਿવਨ੍ਤਿ ਖਾਦਨ੍ਤਿ ਸਾਯਨ੍ਤਿ, ਸਬ੍ਬੇਸਂਯੇવ ਅਤ੍ਥਿ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Atthi arahato asuci sukkavissaṭṭhīti? Āmantā. Arahato asuci sukkavissaṭṭhi kissa nissandoti? Asitapītakhāyitasāyitassa nissandoti. Arahato asuci sukkavissaṭṭhi asitapītakhāyitasāyitassa nissandoti? Āmantā. Ye keci asanti pivanti khādanti sāyanti, sabbesaṃyeva atthi asuci sukkavissaṭṭhīti? Na hevaṃ vattabbe…pe….
ਯੇ ਕੇਚਿ ਅਸਨ੍ਤਿ ਪਿવਨ੍ਤਿ ਖਾਦਨ੍ਤਿ ਸਾਯਨ੍ਤਿ, ਸਬ੍ਬੇਸਂਯੇવ ਅਤ੍ਥਿ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਦਾਰਕਾ ਅਸਨ੍ਤਿ ਪਿવਨ੍ਤਿ ਖਾਦਨ੍ਤਿ ਸਾਯਨ੍ਤਿ, ਅਤ੍ਥਿ ਦਾਰਕਾਨਂ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਨ ਹੇવਂ વਤ੍ਤਬ੍ਬੇ।
Ye keci asanti pivanti khādanti sāyanti, sabbesaṃyeva atthi asuci sukkavissaṭṭhīti? Āmantā. Dārakā asanti pivanti khādanti sāyanti, atthi dārakānaṃ asuci sukkavissaṭṭhīti? Na hevaṃ vattabbe.
ਪਣ੍ਡਕਾ ਅਸਨ੍ਤਿ ਪਿવਨ੍ਤਿ ਖਾਦਨ੍ਤਿ ਸਾਯਨ੍ਤਿ, ਅਤ੍ਥਿ ਪਣ੍ਡਕਾਨਂ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Paṇḍakā asanti pivanti khādanti sāyanti, atthi paṇḍakānaṃ asuci sukkavissaṭṭhīti? Na hevaṃ vattabbe…pe….
ਦੇવਾ ਅਸਨ੍ਤਿ ਪਿવਨ੍ਤਿ ਖਾਦਨ੍ਤਿ ਸਾਯਨ੍ਤਿ, ਅਤ੍ਥਿ ਦੇવਤਾਨਂ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Devā asanti pivanti khādanti sāyanti, atthi devatānaṃ asuci sukkavissaṭṭhīti? Na hevaṃ vattabbe…pe….
੩੦੯. ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠਿ ਅਸਿਤਪੀਤਖਾਯਿਤਸਾਯਿਤਸ੍ਸ ਨਿਸ੍ਸਨ੍ਦੋਤਿ? ਆਮਨ੍ਤਾ। ਅਤ੍ਥਿ ਤਸ੍ਸ ਆਸਯੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
309. Arahato asuci sukkavissaṭṭhi asitapītakhāyitasāyitassa nissandoti? Āmantā. Atthi tassa āsayoti? Na hevaṃ vattabbe…pe….
ਅਰਹਤੋ ਉਚ੍ਚਾਰਪਸ੍ਸਾવੋ ਅਸਿਤਪੀਤਖਾਯਿਤਸਾਯਿਤਸ੍ਸ ਨਿਸ੍ਸਨ੍ਦੋ, ਅਤ੍ਥਿ ਤਸ੍ਸ ਆਸਯੋਤਿ ? ਆਮਨ੍ਤਾ। ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠਿ ਅਸਿਤਪੀਤਖਾਯਿਤਸਾਯਿਤਸ੍ਸ ਨਿਸ੍ਸਨ੍ਦੋ, ਅਤ੍ਥਿ ਤਸ੍ਸ ਆਸਯੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Arahato uccārapassāvo asitapītakhāyitasāyitassa nissando, atthi tassa āsayoti ? Āmantā. Arahato asuci sukkavissaṭṭhi asitapītakhāyitasāyitassa nissando, atthi tassa āsayoti? Na hevaṃ vattabbe…pe….
ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠਿ ਅਸਿਤਪੀਤਖਾਯਿਤਸਾਯਿਤਸ੍ਸ ਨਿਸ੍ਸਨ੍ਦੋ, ਨਤ੍ਥਿ ਤਸ੍ਸ ਆਸਯੋਤਿ? ਆਮਨ੍ਤਾ। ਅਰਹਤੋ ਉਚ੍ਚਾਰਪਸ੍ਸਾવੋ ਅਸਿਤਪੀਤਖਾਯਿਤਸਾਯਿਤਸ੍ਸ ਨਿਸ੍ਸਨ੍ਦੋ, ਨਤ੍ਥਿ ਤਸ੍ਸ ਆਸਯੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Arahato asuci sukkavissaṭṭhi asitapītakhāyitasāyitassa nissando, natthi tassa āsayoti? Āmantā. Arahato uccārapassāvo asitapītakhāyitasāyitassa nissando, natthi tassa āsayoti? Na hevaṃ vattabbe…pe….
੩੧੦. ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਅਰਹਾ ਮੇਥੁਨਂ ਧਮ੍ਮਂ ਪਟਿਸੇવੇਯ੍ਯ, ਮੇਥੁਨਂ ਉਪ੍ਪਾਦੇਯ੍ਯ 1, ਪੁਤ੍ਤਸਮ੍ਬਾਧਸਯਨਂ ਅਜ੍ਝਾવਸੇਯ੍ਯ, ਕਾਸਿਕਚਨ੍ਦਨਂ ਪਚ੍ਚਨੁਭવੇਯ੍ਯ, ਮਾਲਾਗਨ੍ਧવਿਲੇਪਨਂ ਧਾਰੇਯ੍ਯ, ਜਾਤਰੂਪਰਜਤਂ ਸਾਦਿਯੇਯ੍ਯਾਤਿ? ਨ ਹੇવਂ વਤ੍ਤਬ੍ਬੇ।
310. Atthi arahato asuci sukkavissaṭṭhīti? Āmantā. Arahā methunaṃ dhammaṃ paṭiseveyya, methunaṃ uppādeyya 2, puttasambādhasayanaṃ ajjhāvaseyya, kāsikacandanaṃ paccanubhaveyya, mālāgandhavilepanaṃ dhāreyya, jātarūparajataṃ sādiyeyyāti? Na hevaṃ vattabbe.
ਅਤ੍ਥਿ ਪੁਥੁਜ੍ਜਨਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠਿ, ਪੁਥੁਜ੍ਜਨੋ ਮੇਥੁਨਂ ਧਮ੍ਮਂ ਪਟਿਸੇવੇਯ੍ਯ, ਮੇਥੁਨਂ ਉਪ੍ਪਾਦੇਯ੍ਯ, ਪੁਤ੍ਤਸਮ੍ਬਾਧਸਯਨਂ ਅਜ੍ਝਾવਸੇਯ੍ਯ, ਕਾਸਿਕਚਨ੍ਦਨਂ ਪਚ੍ਚਨੁਭવੇਯ੍ਯ, ਮਾਲਾਗਨ੍ਧવਿਲੇਪਨਂ ਧਾਰੇਯ੍ਯ, ਜਾਤਰੂਪਰਜਤਂ ਸਾਦਿਯੇਯ੍ਯਾਤਿ? ਆਮਨ੍ਤਾ। ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠਿ, ਅਰਹਾ ਮੇਥੁਨਂ ਧਮ੍ਮਂ ਪਟਿਸੇવੇਯ੍ਯ, ਮੇਥੁਨਂ ਉਪ੍ਪਾਦੇਯ੍ਯ, ਪੁਤ੍ਤਸਮ੍ਬਾਧਸਯਨਂ ਅਜ੍ਝਾવਸੇਯ੍ਯ, ਕਾਸਿਕਚਨ੍ਦਨਂ ਪਚ੍ਚਨੁਭવੇਯ੍ਯ, ਮਾਲਾਗਨ੍ਧવਿਲੇਪਨਂ ਧਾਰੇਯ੍ਯ, ਜਾਤਰੂਪਰਜਤਂ ਸਾਦਿਯੇਯ੍ਯਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Atthi puthujjanassa asuci sukkavissaṭṭhi, puthujjano methunaṃ dhammaṃ paṭiseveyya, methunaṃ uppādeyya, puttasambādhasayanaṃ ajjhāvaseyya, kāsikacandanaṃ paccanubhaveyya, mālāgandhavilepanaṃ dhāreyya, jātarūparajataṃ sādiyeyyāti? Āmantā. Atthi arahato asuci sukkavissaṭṭhi, arahā methunaṃ dhammaṃ paṭiseveyya, methunaṃ uppādeyya, puttasambādhasayanaṃ ajjhāvaseyya, kāsikacandanaṃ paccanubhaveyya, mālāgandhavilepanaṃ dhāreyya, jātarūparajataṃ sādiyeyyāti? Na hevaṃ vattabbe…pe….
ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠਿ, ਨ ਚ ਅਰਹਾ ਮੇਥੁਨਂ ਧਮ੍ਮਂ ਪਟਿਸੇવੇਯ੍ਯ, ਮੇਥੁਨਂ ਉਪ੍ਪਾਦੇਯ੍ਯ, ਪੁਤ੍ਤਸਮ੍ਬਾਧਸਯਨਂ ਅਜ੍ਝਾવਸੇਯ੍ਯ, ਕਾਸਿਕਚਨ੍ਦਨਂ ਪਚ੍ਚਨੁਭવੇਯ੍ਯ, ਮਾਲਾਗਨ੍ਧવਿਲੇਪਨਂ ਧਾਰੇਯ੍ਯ, ਜਾਤਰੂਪਰਜਤਂ ਸਾਦਿਯੇਯ੍ਯਾਤਿ? ਆਮਨ੍ਤਾ। ਅਤ੍ਥਿ ਪੁਥੁਜ੍ਜਨਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠਿ, ਨ ਚ ਪੁਥੁਜ੍ਜਨੋ ਮੇਥੁਨਂ ਧਮ੍ਮਂ ਪਟਿਸੇવੇਯ੍ਯ, ਮੇਥੁਨਂ ਉਪ੍ਪਾਦੇਯ੍ਯ , ਪੁਤ੍ਤਸਮ੍ਬਾਧਸਯਨਂ ਅਜ੍ਝਾવਸੇਯ੍ਯ, ਕਾਸਿਕਚਨ੍ਦਨਂ ਪਚ੍ਚਨੁਭવੇਯ੍ਯ, ਮਾਲਾਗਨ੍ਧવਿਲੇਪਨਂ ਧਾਰੇਯ੍ਯ, ਜਾਤਰੂਪਰਜਤਂ ਸਾਦਿਯੇਯ੍ਯਾਤਿ? ਨ ਹੇવਂ વਤ੍ਤਬ੍ਬੇ।
Atthi arahato asuci sukkavissaṭṭhi, na ca arahā methunaṃ dhammaṃ paṭiseveyya, methunaṃ uppādeyya, puttasambādhasayanaṃ ajjhāvaseyya, kāsikacandanaṃ paccanubhaveyya, mālāgandhavilepanaṃ dhāreyya, jātarūparajataṃ sādiyeyyāti? Āmantā. Atthi puthujjanassa asuci sukkavissaṭṭhi, na ca puthujjano methunaṃ dhammaṃ paṭiseveyya, methunaṃ uppādeyya , puttasambādhasayanaṃ ajjhāvaseyya, kāsikacandanaṃ paccanubhaveyya, mālāgandhavilepanaṃ dhāreyya, jātarūparajataṃ sādiyeyyāti? Na hevaṃ vattabbe.
ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਨਨੁ ਅਰਹਤੋ ਰਾਗੋ ਪਹੀਨੋ ਉਚ੍ਛਿਨ੍ਨਮੂਲੋ ਤਾਲਾવਤ੍ਥੁਕਤੋ ਅਨਭਾવਙ੍ਕਤੋ ਆਯਤਿਂ ਅਨੁਪ੍ਪਾਦਧਮ੍ਮੋਤਿ? ਆਮਨ੍ਤਾ। ਹਞ੍ਚਿ ਅਰਹਤੋ ਰਾਗੋ ਪਹੀਨੋ ਉਚ੍ਛਿਨ੍ਨਮੂਲੋ ਤਾਲਾવਤ੍ਥੁਕਤੋ ਅਨਭਾવਙ੍ਕਤੋ ਆਯਤਿਂ ਅਨੁਪ੍ਪਾਦਧਮ੍ਮੋ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀ’’ਤਿ।
Atthi arahato asuci sukkavissaṭṭhīti? Āmantā. Nanu arahato rāgo pahīno ucchinnamūlo tālāvatthukato anabhāvaṅkato āyatiṃ anuppādadhammoti? Āmantā. Hañci arahato rāgo pahīno ucchinnamūlo tālāvatthukato anabhāvaṅkato āyatiṃ anuppādadhammo, no ca vata re vattabbe – ‘‘atthi arahato asuci sukkavissaṭṭhī’’ti.
ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਨਨੁ ਅਰਹਤੋ ਦੋਸੋ ਪਹੀਨੋ…ਪੇ॰… ਮੋਹੋ ਪਹੀਨੋ… ਮਾਨੋ ਪਹੀਨੋ… ਦਿਟ੍ਠਿ ਪਹੀਨਾ… વਿਚਿਕਿਚ੍ਛਾ ਪਹੀਨਾ… ਥਿਨਂ ਪਹੀਨਂ… ਉਦ੍ਧਚ੍ਚਂ ਪਹੀਨਂ… ਅਹਿਰਿਕਂ ਪਹੀਨਂ…ਪੇ॰… ਅਨੋਤ੍ਤਪ੍ਪਂ ਪਹੀਨਂ ਉਚ੍ਛਿਨ੍ਨਮੂਲਂ ਤਾਲਾવਤ੍ਥੁਕਤਂ ਅਨਭਾવਙ੍ਕਤਂ ਆਯਤਿਂ ਅਨੁਪ੍ਪਾਦਧਮ੍ਮਨ੍ਤਿ? ਆਮਨ੍ਤਾ। ਹਞ੍ਚਿ ਅਰਹਤੋ ਅਨੋਤ੍ਤਪ੍ਪਂ ਪਹੀਨਂ ਉਚ੍ਛਿਨ੍ਨਮੂਲਂ ਤਾਲਾવਤ੍ਥੁਕਤਂ ਅਨਭਾવਙ੍ਕਤਂ ਆਯਤਿਂ ਅਨੁਪ੍ਪਾਦਧਮ੍ਮਂ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀ’’ਤਿ।
Atthi arahato asuci sukkavissaṭṭhīti? Āmantā. Nanu arahato doso pahīno…pe… moho pahīno… māno pahīno… diṭṭhi pahīnā… vicikicchā pahīnā… thinaṃ pahīnaṃ… uddhaccaṃ pahīnaṃ… ahirikaṃ pahīnaṃ…pe… anottappaṃ pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammanti? Āmantā. Hañci arahato anottappaṃ pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammaṃ, no ca vata re vattabbe – ‘‘atthi arahato asuci sukkavissaṭṭhī’’ti.
੩੧੧. ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਨਨੁ ਅਰਹਤੋ ਰਾਗਪ੍ਪਹਾਨਾਯ ਮਗ੍ਗੋ ਭਾવਿਤੋਤਿ? ਆਮਨ੍ਤਾ। ਹਞ੍ਚਿ ਅਰਹਤੋ ਰਾਗਪ੍ਪਹਾਨਾਯ ਮਗ੍ਗੋ ਭਾવਿਤੋ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀ’’ਤਿ।
311. Atthi arahato asuci sukkavissaṭṭhīti? Āmantā. Nanu arahato rāgappahānāya maggo bhāvitoti? Āmantā. Hañci arahato rāgappahānāya maggo bhāvito, no ca vata re vattabbe – ‘‘atthi arahato asuci sukkavissaṭṭhī’’ti.
ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਨਨੁ ਅਰਹਤੋ ਰਾਗਪ੍ਪਹਾਨਾਯ ਸਤਿਪਟ੍ਠਾਨਾ ਭਾવਿਤਾ…ਪੇ॰… ਸਮ੍ਮਪ੍ਪਧਾਨਾ ਭਾવਿਤਾ… ਇਦ੍ਧਿਪਾਦਾ ਭਾવਿਤਾ… ਇਨ੍ਦ੍ਰਿਯਾ ਭਾવਿਤਾ… ਬਲਾ ਭਾવਿਤਾ…ਪੇ॰… ਬੋਜ੍ਝਙ੍ਗਾ ਭਾવਿਤਾਤਿ? ਆਮਨ੍ਤਾ। ਹਞ੍ਚਿ ਅਰਹਤੋ ਰਾਗਪ੍ਪਹਾਨਾਯ ਬੋਜ੍ਝਙ੍ਗਾ ਭਾવਿਤਾ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀ’’ਤਿ।
Atthi arahato asuci sukkavissaṭṭhīti? Āmantā. Nanu arahato rāgappahānāya satipaṭṭhānā bhāvitā…pe… sammappadhānā bhāvitā… iddhipādā bhāvitā… indriyā bhāvitā… balā bhāvitā…pe… bojjhaṅgā bhāvitāti? Āmantā. Hañci arahato rāgappahānāya bojjhaṅgā bhāvitā, no ca vata re vattabbe – ‘‘atthi arahato asuci sukkavissaṭṭhī’’ti.
ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਨਨੁ ਅਰਹਤੋ ਦੋਸਪ੍ਪਹਾਨਾਯ…ਪੇ॰… ਮੋਹਪ੍ਪਹਾਨਾਯ…ਪੇ॰… ਅਨੋਤ੍ਤਪ੍ਪਪਹਾਨਾਯ ਮਗ੍ਗੋ ਭਾવਿਤੋ…ਪੇ॰… ਬੋਜ੍ਝਙ੍ਗਾ ਭਾવਿਤਾਤਿ? ਆਮਨ੍ਤਾ। ਹਞ੍ਚਿ ਅਰਹਤੋ ਅਨੋਤ੍ਤਪ੍ਪਪਹਾਨਾਯ ਬੋਜ੍ਝਙ੍ਗਾ ਭਾવਿਤਾ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀ’’ਤਿ।
Atthi arahato asuci sukkavissaṭṭhīti? Āmantā. Nanu arahato dosappahānāya…pe… mohappahānāya…pe… anottappapahānāya maggo bhāvito…pe… bojjhaṅgā bhāvitāti? Āmantā. Hañci arahato anottappapahānāya bojjhaṅgā bhāvitā, no ca vata re vattabbe – ‘‘atthi arahato asuci sukkavissaṭṭhī’’ti.
ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਨਨੁ ਅਰਹਾ વੀਤਰਾਗੋ વੀਤਦੋਸੋ વੀਤਮੋਹੋ ਕਤਕਰਣੀਯੋ ਓਹਿਤਭਾਰੋ ਅਨੁਪ੍ਪਤ੍ਤਸਦਤ੍ਥੋ ਪਰਿਕ੍ਖੀਣਭવਸਂਯੋਜਨੋ ਸਮ੍ਮਦਞ੍ਞਾવਿਮੁਤ੍ਤੋ ਉਕ੍ਖਿਤ੍ਤਪਲਿਘੋ ਸਙ੍ਕਿਣ੍ਣਪਰਿਖੋ ਅਬ੍ਬੂਲ਼੍ਹੇਸਿਕੋ ਨਿਰਗ੍ਗਲ਼ੋ ਅਰਿਯੋ ਪਨ੍ਨਦ੍ਧਜੋ ਪਨ੍ਨਭਾਰੋ વਿਸਞ੍ਞੁਤ੍ਤੋ ਸੁવਿਜਿਤવਿਜਯੋ, ਦੁਕ੍ਖਂ ਤਸ੍ਸ ਪਰਿਞ੍ਞਾਤਂ, ਸਮੁਦਯੋ ਪਹੀਨੋ, ਨਿਰੋਧੋ ਸਚ੍ਛਿਕਤੋ, ਮਗ੍ਗੋ ਭਾવਿਤੋ, ਅਭਿਞ੍ਞੇਯ੍ਯਂ ਅਭਿਞ੍ਞਾਤਂ, ਪਰਿਞ੍ਞੇਯ੍ਯਂ ਪਰਿਞ੍ਞਾਤਂ, ਪਹਾਤਬ੍ਬਂ ਪਹੀਨਂ, ਭਾવੇਤਬ੍ਬਂ ਭਾવਿਤਂ, ਸਚ੍ਛਿਕਾਤਬ੍ਬਂ ਸਚ੍ਛਿਕਤਨ੍ਤਿ? ਆਮਨ੍ਤਾ। ਹਞ੍ਚਿ ਅਰਹਾ વੀਤਰਾਗੋ વੀਤਦੋਸੋ વੀਤਮੋਹੋ ਕਤਕਰਣੀਯੋ…ਪੇ॰… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ , ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀ’’ਤਿ।
Atthi arahato asuci sukkavissaṭṭhīti? Āmantā. Nanu arahā vītarāgo vītadoso vītamoho katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṃ tassa pariññātaṃ, samudayo pahīno, nirodho sacchikato, maggo bhāvito, abhiññeyyaṃ abhiññātaṃ, pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ, sacchikātabbaṃ sacchikatanti? Āmantā. Hañci arahā vītarāgo vītadoso vītamoho katakaraṇīyo…pe… sacchikātabbaṃ sacchikataṃ , no ca vata re vattabbe – ‘‘atthi arahato asuci sukkavissaṭṭhī’’ti.
੩੧੨. ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਸਧਮ੍ਮਕੁਸਲਸ੍ਸ ਅਰਹਤੋ ਅਤ੍ਥਿ ਅਸੁਚਿ ਸੁਕ੍ਕવਿਸ੍ਸਟ੍ਠਿ, ਪਰਧਮ੍ਮਕੁਸਲਸ੍ਸ ਅਰਹਤੋ ਨਤ੍ਥਿ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ। ਸਧਮ੍ਮਕੁਸਲਸ੍ਸ ਅਰਹਤੋ ਅਤ੍ਥਿ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਪਰਧਮ੍ਮਕੁਸਲਸ੍ਸ ਅਰਹਤੋ ਅਤ੍ਥਿ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
312. Atthi arahato asuci sukkavissaṭṭhīti? Sadhammakusalassa arahato atthi asuci sukkavissaṭṭhi, paradhammakusalassa arahato natthi asuci sukkavissaṭṭhīti. Sadhammakusalassa arahato atthi asuci sukkavissaṭṭhīti? Āmantā. Paradhammakusalassa arahato atthi asuci sukkavissaṭṭhīti? Na hevaṃ vattabbe…pe….
ਪਰਧਮ੍ਮਕੁਸਲਸ੍ਸ ਅਰਹਤੋ ਨਤ੍ਥਿ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਸਧਮ੍ਮਕੁਸਲਸ੍ਸ ਅਰਹਤੋ ਨਤ੍ਥਿ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Paradhammakusalassa arahato natthi asuci sukkavissaṭṭhīti? Āmantā. Sadhammakusalassa arahato natthi asuci sukkavissaṭṭhīti? Na hevaṃ vattabbe…pe….
ਸਧਮ੍ਮਕੁਸਲਸ੍ਸ ਅਰਹਤੋ ਰਾਗੋ ਪਹੀਨੋ, ਅਤ੍ਥਿ ਤਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਪਰਧਮ੍ਮਕੁਸਲਸ੍ਸ ਅਰਹਤੋ ਰਾਗੋ ਪਹੀਨੋ, ਅਤ੍ਥਿ ਤਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Sadhammakusalassa arahato rāgo pahīno, atthi tassa asuci sukkavissaṭṭhīti? Āmantā. Paradhammakusalassa arahato rāgo pahīno, atthi tassa asuci sukkavissaṭṭhīti? Na hevaṃ vattabbe…pe….
ਸਧਮ੍ਮਕੁਸਲਸ੍ਸ ਅਰਹਤੋ ਦੋਸੋ ਪਹੀਨੋ…ਪੇ॰… ਮੋਹੋ ਪਹੀਨੋ…ਪੇ॰… ਅਨੋਤ੍ਤਪ੍ਪਂ ਪਹੀਨਂ, ਅਤ੍ਥਿ ਤਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਪਰਧਮ੍ਮਕੁਸਲਸ੍ਸ ਅਰਹਤੋ ਅਨੋਤ੍ਤਪ੍ਪਂ ਪਹੀਨਂ, ਅਤ੍ਥਿ ਤਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Sadhammakusalassa arahato doso pahīno…pe… moho pahīno…pe… anottappaṃ pahīnaṃ, atthi tassa asuci sukkavissaṭṭhīti? Āmantā. Paradhammakusalassa arahato anottappaṃ pahīnaṃ, atthi tassa asuci sukkavissaṭṭhīti? Na hevaṃ vattabbe…pe….
ਸਧਮ੍ਮਕੁਸਲਸ੍ਸ ਅਰਹਤੋ ਰਾਗਪ੍ਪਹਾਨਾਯ ਮਗ੍ਗੋ ਭਾવਿਤੋ…ਪੇ॰… ਬੋਜ੍ਝਙ੍ਗਾ ਭਾવਿਤਾ…ਪੇ॰… ਦੋਸਪ੍ਪਹਾਨਾਯ…ਪੇ॰… ਮੋਹਪ੍ਪਹਾਨਾਯ…ਪੇ॰… ਅਨੋਤ੍ਤਪ੍ਪਪਹਾਨਾਯ ਮਗ੍ਗੋ ਭਾવਿਤੋ…ਪੇ॰… ਬੋਜ੍ਝਙ੍ਗਾ ਭਾવਿਤਾ, ਅਤ੍ਥਿ ਤਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ । ਪਰਧਮ੍ਮਕੁਸਲਸ੍ਸ ਅਰਹਤੋ ਅਨੋਤ੍ਤਪ੍ਪਪਹਾਨਾਯ ਬੋਜ੍ਝਙ੍ਗਾ ਭਾવਿਤਾ, ਅਤ੍ਥਿ ਤਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Sadhammakusalassa arahato rāgappahānāya maggo bhāvito…pe… bojjhaṅgā bhāvitā…pe… dosappahānāya…pe… mohappahānāya…pe… anottappapahānāya maggo bhāvito…pe… bojjhaṅgā bhāvitā, atthi tassa asuci sukkavissaṭṭhīti? Āmantā . Paradhammakusalassa arahato anottappapahānāya bojjhaṅgā bhāvitā, atthi tassa asuci sukkavissaṭṭhīti? Na hevaṃ vattabbe…pe….
ਸਧਮ੍ਮਕੁਸਲੋ ਅਰਹਾ વੀਤਰਾਗੋ વੀਤਦੋਸੋ વੀਤਮੋਹੋ…ਪੇ॰… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਅਤ੍ਥਿ ਤਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਪਰਧਮ੍ਮਕੁਸਲੋ ਅਰਹਾ વੀਤਰਾਗੋ વੀਤਦੋਸੋ વੀਤਮੋਹੋ…ਪੇ॰… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਅਤ੍ਥਿ ਤਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Sadhammakusalo arahā vītarāgo vītadoso vītamoho…pe… sacchikātabbaṃ sacchikataṃ, atthi tassa asuci sukkavissaṭṭhīti? Āmantā. Paradhammakusalo arahā vītarāgo vītadoso vītamoho…pe… sacchikātabbaṃ sacchikataṃ, atthi tassa asuci sukkavissaṭṭhīti? Na hevaṃ vattabbe…pe….
ਪਰਧਮ੍ਮਕੁਸਲਸ੍ਸ ਅਰਹਤੋ ਰਾਗੋ ਪਹੀਨੋ, ਨਤ੍ਥਿ ਤਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਸਧਮ੍ਮਕੁਸਲਸ੍ਸ ਅਰਹਤੋ ਰਾਗੋ ਪਹੀਨੋ, ਨਤ੍ਥਿ ਤਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Paradhammakusalassa arahato rāgo pahīno, natthi tassa asuci sukkavissaṭṭhīti? Āmantā. Sadhammakusalassa arahato rāgo pahīno, natthi tassa asuci sukkavissaṭṭhīti? Na hevaṃ vattabbe…pe….
ਪਰਧਮ੍ਮਕੁਸਲਸ੍ਸ ਅਰਹਤੋ ਦੋਸੋ ਪਹੀਨੋ…ਪੇ॰… ਮੋਹੋ ਪਹੀਨੋ…ਪੇ॰… ਅਨੋਤ੍ਤਪ੍ਪਂ ਪਹੀਨਂ, ਨਤ੍ਥਿ ਤਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਸਧਮ੍ਮਕੁਸਲਸ੍ਸ ਅਰਹਤੋ ਅਨੋਤ੍ਤਪ੍ਪਂ ਪਹੀਨਂ, ਨਤ੍ਥਿ ਤਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Paradhammakusalassa arahato doso pahīno…pe… moho pahīno…pe… anottappaṃ pahīnaṃ, natthi tassa asuci sukkavissaṭṭhīti? Āmantā. Sadhammakusalassa arahato anottappaṃ pahīnaṃ, natthi tassa asuci sukkavissaṭṭhīti? Na hevaṃ vattabbe…pe….
ਪਰਧਮ੍ਮਕੁਸਲਸ੍ਸ ਅਰਹਤੋ ਰਾਗਪ੍ਪਹਾਨਾਯ ਮਗ੍ਗੋ ਭਾવਿਤੋ…ਪੇ॰… ਬੋਜ੍ਝਙ੍ਗਾ ਭਾવਿਤਾ…ਪੇ॰… ਦੋਸਪ੍ਪਹਾਨਾਯ…ਪੇ॰… ਮੋਹਪ੍ਪਹਾਨਾਯ…ਪੇ॰… ਅਨੋਤ੍ਤਪ੍ਪਪਹਾਨਾਯ ਮਗ੍ਗੋ ਭਾવਿਤੋ…ਪੇ॰… ਬੋਜ੍ਝਙ੍ਗਾ ਭਾવਿਤਾ, ਨਤ੍ਥਿ ਤਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਸਧਮ੍ਮਕੁਸਲਸ੍ਸ ਅਰਹਤੋ ਅਨੋਤ੍ਤਪ੍ਪਪਹਾਨਾਯ ਬੋਜ੍ਝਙ੍ਗਾ ਭਾવਿਤਾ, ਨਤ੍ਥਿ ਤਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Paradhammakusalassa arahato rāgappahānāya maggo bhāvito…pe… bojjhaṅgā bhāvitā…pe… dosappahānāya…pe… mohappahānāya…pe… anottappapahānāya maggo bhāvito…pe… bojjhaṅgā bhāvitā, natthi tassa asuci sukkavissaṭṭhīti? Āmantā. Sadhammakusalassa arahato anottappapahānāya bojjhaṅgā bhāvitā, natthi tassa asuci sukkavissaṭṭhīti? Na hevaṃ vattabbe…pe….
ਪਰਧਮ੍ਮਕੁਸਲੋ ਅਰਹਾ વੀਤਰਾਗੋ વੀਤਦੋਸੋ વੀਤਮੋਹੋ…ਪੇ॰… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਨਤ੍ਥਿ ਤਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਸਧਮ੍ਮਕੁਸਲੋ ਅਰਹਾ વੀਤਰਾਗੋ વੀਤਦੋਸੋ વੀਤਮੋਹੋ…ਪੇ॰… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਨਤ੍ਥਿ ਤਸ੍ਸ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Paradhammakusalo arahā vītarāgo vītadoso vītamoho…pe… sacchikātabbaṃ sacchikataṃ, natthi tassa asuci sukkavissaṭṭhīti? Āmantā. Sadhammakusalo arahā vītarāgo vītadoso vītamoho…pe… sacchikātabbaṃ sacchikataṃ, natthi tassa asuci sukkavissaṭṭhīti? Na hevaṃ vattabbe…pe….
੩੧੩. ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਯੇ ਤੇ 3, ਭਿਕ੍ਖવੇ, ਭਿਕ੍ਖੂ ਪੁਥੁਜ੍ਜਨਾ ਸੀਲਸਮ੍ਪਨ੍ਨਾ ਸਤਾ ਸਮ੍ਪਜਾਨਾ ਨਿਦ੍ਦਂ ਓਕ੍ਕਮਨ੍ਤਿ, ਤੇਸਂ ਅਸੁਚਿ ਨ ਮੁਚ੍ਚਤਿ। ਯੇਪਿ ਤੇ, ਭਿਕ੍ਖવੇ, ਬਾਹਿਰਕਾ ਇਸਯੋ ਕਾਮੇਸੁ વੀਤਰਾਗਾ, ਤੇਸਮ੍ਪਿ ਅਸੁਚਿ ਨ ਮੁਚ੍ਚਤਿ। ਅਟ੍ਠਾਨਮੇਤਂ, ਭਿਕ੍ਖવੇ, ਅਨવਕਾਸੋ ਯਂ ਅਰਹਤੋ ਅਸੁਚਿ ਮੁਚ੍ਚੇਯ੍ਯਾ’’ਤਿ 4। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕવਿਸ੍ਸਟ੍ਠੀ’’ਤਿ।
313. Atthi arahato asuci sukkavissaṭṭhīti? Āmantā. Nanu vuttaṃ bhagavatā – ‘‘ye te 5, bhikkhave, bhikkhū puthujjanā sīlasampannā satā sampajānā niddaṃ okkamanti, tesaṃ asuci na muccati. Yepi te, bhikkhave, bāhirakā isayo kāmesu vītarāgā, tesampi asuci na muccati. Aṭṭhānametaṃ, bhikkhave, anavakāso yaṃ arahato asuci mucceyyā’’ti 6. Attheva suttantoti? Āmantā. Tena hi na vattabbaṃ – ‘‘atthi arahato asuci sukkavissaṭṭhī’’ti.
ਨ વਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਪਰੂਪਹਾਰੋ’’ਤਿ? ਆਮਨ੍ਤਾ। ਨਨੁ ਅਰਹਤੋ ਚੀવਰਪਿਣ੍ਡਪਾਤਸੇਨਾਸਨਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ ਪਰੇ ਉਪਸਂਹਰੇਯ੍ਯੁਨ੍ਤਿ? ਆਮਨ੍ਤਾ। ਹਞ੍ਚਿ ਅਰਹਤੋ ਚੀવਰਪਿਣ੍ਡਪਾਤਸੇਨਾਸਨਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ ਪਰੇ ਉਪਸਂਹਰੇਯ੍ਯੁਂ, ਤੇਨ વਤ ਰੇ વਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਪਰੂਪਹਾਰੋ’’ਤਿ।
Na vattabbaṃ – ‘‘atthi arahato parūpahāro’’ti? Āmantā. Nanu arahato cīvarapiṇḍapātasenāsanagilānapaccayabhesajjaparikkhāraṃ pare upasaṃhareyyunti? Āmantā. Hañci arahato cīvarapiṇḍapātasenāsanagilānapaccayabhesajjaparikkhāraṃ pare upasaṃhareyyuṃ, tena vata re vattabbe – ‘‘atthi arahato parūpahāro’’ti.
ਅਰਹਤੋ ਚੀવਰਪਿਣ੍ਡਪਾਤਸੇਨਾਸਨਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ ਪਰੇ ਉਪਸਂਹਰੇਯ੍ਯੁਨ੍ਤਿ, ਅਤ੍ਥਿ ਅਰਹਤੋ ਪਰੂਪਹਾਰੋਤਿ? ਆਮਨ੍ਤਾ। ਅਰਹਤੋ ਸੋਤਾਪਤ੍ਤਿਫਲਂ વਾ ਸਕਦਾਗਾਮਿਫਲਂ વਾ ਅਨਾਗਾਮਿਫਲਂ વਾ ਅਰਹਤ੍ਤਂ વਾ ਪਰੇ ਉਪਸਂਹਰੇਯ੍ਯੁਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Arahato cīvarapiṇḍapātasenāsanagilānapaccayabhesajjaparikkhāraṃ pare upasaṃhareyyunti, atthi arahato parūpahāroti? Āmantā. Arahato sotāpattiphalaṃ vā sakadāgāmiphalaṃ vā anāgāmiphalaṃ vā arahattaṃ vā pare upasaṃhareyyunti? Na hevaṃ vattabbe…pe….
ਪਰੂਪਹਾਰਕਥਾ ਨਿਟ੍ਠਿਤਾ।
Parūpahārakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੧. ਪਰੂਪਹਾਰવਣ੍ਣਨਾ • 1. Parūpahāravaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧. ਪਰੂਪਹਾਰવਣ੍ਣਨਾ • 1. Parūpahāravaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧. ਪਰੂਪਹਾਰવਣ੍ਣਨਾ • 1. Parūpahāravaṇṇanā
