| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
2. д̣̇уд̇ияаваг̇г̇о
2. Dutiyavaggo
1. баруубахаараван̣н̣анаа
1. Parūpahāravaṇṇanā
307. ид̣̇аани баруубахаарагат̇аа наама ход̇и. д̇ад̇т̇а яз арахад̇д̇ам̣ бадиж̇аананд̇аанам̣ аббад̇д̇з бад̇д̇асан̃н̃ийнам̣ ад̇химаанигаанам̣ гухагаанам̣ ваа арахад̇д̇ам̣ бадиж̇аананд̇аанам̣ суггависсадтим̣ д̣̇исваа ‘‘маарагааяигаа д̣̇звад̇аа арахад̇о асужим̣ убасам̣харанд̇ий’’д̇и ман̃н̃анд̇и; сзяяат̇ааби зд̇арахи буб̣б̣асзлияаа жа абарасзлияаа жа; д̇з санд̇хааяа ад̇т̇и арахад̇од̇и бужчаа сагаваад̣̇исса, бадин̃н̃аа ид̇арасса. ид̣̇аани яасмаа суггависсадти наама рааг̇асамудтаанаа ход̇и, д̇асмаа ад̇т̇и арахад̇о рааг̇од̇и ануяог̇о аарад̣̇д̇хо. со саб̣б̣оби уд̇д̇аанад̇т̇оязва.
307. Idāni parūpahārakathā nāma hoti. Tattha ye arahattaṃ paṭijānantānaṃ appatte pattasaññīnaṃ adhimānikānaṃ kuhakānaṃ vā arahattaṃ paṭijānantānaṃ sukkavissaṭṭhiṃ disvā ‘‘mārakāyikā devatā arahato asuciṃ upasaṃharantī’’ti maññanti; seyyathāpi etarahi pubbaseliyā ca aparaseliyā ca; te sandhāya atthi arahatoti pucchā sakavādissa, paṭiññā itarassa. Idāni yasmā sukkavissaṭṭhi nāma rāgasamuṭṭhānā hoti, tasmā atthi arahato rāgoti anuyogo āraddho. So sabbopi uttānatthoyeva.
маарагааяигаа д̣̇звад̇аа ад̇д̇анод̇иаад̣̇ибан̃хз яасмаа д̇аасам̣ д̣̇звад̇аанам̣ суггависсадти наама над̇т̇и, ан̃н̃зсамби суггам̣ г̇ахзд̇ваа на убасам̣харанд̇и, арахад̇о бана суггамзва над̇т̇и, д̇асмаа на хзванд̇и бадигкибад̇и.
Mārakāyikā devatā attanotiādipañhe yasmā tāsaṃ devatānaṃ sukkavissaṭṭhi nāma natthi, aññesampi sukkaṃ gahetvā na upasaṃharanti, arahato pana sukkameva natthi, tasmā na hevanti paṭikkhipati.
нзва ад̇д̇анод̇ибан̃хз бана нимминид̇ваа убасам̣харанд̇ийд̇и лад̣̇д̇хияаа бадиж̇аанаад̇и. ломагуубзхийд̇ибан̃хз саббид̇злаанам̣ вияа ломагуубзхи убасам̣харан̣аабхаавам̣ д̣̇исваа бадигкибад̇и.
Neva attanotipañhe pana nimminitvā upasaṃharantīti laddhiyā paṭijānāti. Lomakūpehītipañhe sappitelānaṃ viya lomakūpehi upasaṃharaṇābhāvaṃ disvā paṭikkhipati.
308. ханд̣̇а хийд̇и важасааяад̇т̇з нибаад̇о. ‘‘арахаа ну ко ахам̣, но’’д̇и звам̣ вимад̇им̣ г̇аахаяиссаамаад̇и звам̣ важасааяам̣ гад̇ваа убасам̣харанд̇ийд̇и ад̇т̇о. ад̇т̇и арахад̇о вимад̇ийд̇и будто адтавад̇т̇угам̣ вижигижчам̣ санд̇хааяа бадигкибад̇и, д̣̇уд̇ияам̣ будто ид̇т̇ибурисаанам̣ наамаг̇од̇д̇аад̣̇ийсу саннидтаанаабхаавам̣ санд̇хааяа бадиж̇аанаад̇и.
308. Handahīti vacasāyatthe nipāto. ‘‘Arahā nu kho ahaṃ, no’’ti evaṃ vimatiṃ gāhayissāmāti evaṃ vacasāyaṃ katvā upasaṃharantīti attho. Atthi arahato vimatīti puṭṭho aṭṭhavatthukaṃ vicikicchaṃ sandhāya paṭikkhipati, dutiyaṃ puṭṭho itthipurisānaṃ nāmagottādīsu sanniṭṭhānābhāvaṃ sandhāya paṭijānāti.
309. ад̇т̇и д̇асса аасаяод̇и д̇асса суггасса ужжаарабассааваанам̣ вияа бад̇идтааногаасо ад̇т̇ийд̇и бужчад̇и.
309. Atthi tassa āsayoti tassa sukkassa uccārapassāvānaṃ viya patiṭṭhānokāso atthīti pucchati.
312. сад̇хаммагусалассаад̇и ад̇д̇ано арахад̇д̇ад̇хаммамад̇д̇зязва гусаласса. бан̃н̃аавимуд̇д̇ам̣ санд̇хааязвам̣ вад̣̇ад̇и. барад̇хаммагусалассаад̇и сад̇хаммад̇о барасмим̣ адтасамаабад̇д̇ид̇хаммзби гусаласса. убхад̇обхааг̇авимуд̇д̇ам̣ санд̇хааязвам̣ вад̣̇ад̇и. сзсамзд̇т̇а баал̣ианусаарзнзва взд̣̇ид̇аб̣б̣анд̇и.
312. Sadhammakusalassāti attano arahattadhammamatteyeva kusalassa. Paññāvimuttaṃ sandhāyevaṃ vadati. Paradhammakusalassāti sadhammato parasmiṃ aṭṭhasamāpattidhammepi kusalassa. Ubhatobhāgavimuttaṃ sandhāyevaṃ vadati. Sesamettha pāḷianusāreneva veditabbanti.
баруубахаарагат̇ааван̣н̣анаа.
Parūpahārakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (10) 1. баруубахаарагат̇аа • (10) 1. Parūpahārakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. баруубахаараван̣н̣анаа • 1. Parūpahāravaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. баруубахаараван̣н̣анаа • 1. Parūpahāravaṇṇanā
