| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
17. பஸாத³கரத⁴ம்மவக்³க³வண்ணனா
17. Pasādakaradhammavaggavaṇṇanā
366. அத்³த⁴மித³ந்திஆதீ³ஸு அத்³த⁴ந்தி ஏகங்ஸாதி⁴வசனமேதங், அத்³தா⁴ இத³ங் லாபா⁴னங், ஏகங்ஸோ ஏஸ லாபா⁴னந்தி வுத்தங் ஹோதி. யதி³த³ங் ஆரஞ்ஞிகத்தந்தி யோ ஏஸ ஆரஞ்ஞிகபா⁴வோ. இத³ங் வுத்தங் ஹோதி – ஆரஞ்ஞிகபா⁴வோ நாம லாபா⁴னங் ஏகங்ஸோ அவஸ்ஸபா⁴விதா ந ஸக்கா ஆரஞ்ஞிகேன லாப⁴ங் ந லபி⁴துந்தி. ஆரஞ்ஞிகோ ஹி பி⁴க்கு² ‘‘அத்தனோ அரஞ்ஞவாஸஸ்ஸ அனுச்ச²விகங் கரிஸ்ஸாமீ’’தி பாபகங் நாம ந கரோதி, அத²ஸ்ஸ ‘‘ஆரஞ்ஞிகோ அயங் பி⁴க்கூ²’’தி ஸஞ்ஜாதகா³ரவோ மஹாஜனோ சதுபச்சயேன பூஜங் கரோதி. தேன வுத்தங் – ‘‘அத்³த⁴மித³ங், பி⁴க்க²வே, லாபா⁴னங் யதி³த³ங் ஆரஞ்ஞிகத்த’’ந்தி. ஸேஸபதே³ஸுபி ஏஸேவ நயோ. எத்த² பன பா³ஹுஸச்சந்தி ப³ஹுஸ்ஸுதபா⁴வோ. தா²வரெய்யந்தி சிரபப்³ப³ஜிதத்தா தா²வரப்பத்தபா⁴வோ. ஆகப்பஸம்பதா³தி சீவரக்³க³ஹணாதி³னோ ஆகப்பஸ்ஸ ஸம்பத்தி. பரிவாரஸம்பதா³தி ஸுசிபரிவாரதா. கோலபுத்தீதி குலபுத்தபா⁴வோ. வண்ணபொக்க²ரதாதி ஸம்பன்னரூபதா. கல்யாணவாக்கரணதாதி வசனகிரியாய மது⁴ரபா⁴வோ. அப்பாபா³த⁴தாதி ஆரொக்³யஸம்பத்தி. அரோகோ³ ஹி பி⁴க்கு² அத்தனோ ஸரீரகல்யாணதாய விபஸ்ஸனாது⁴ரே ச க³ந்த²து⁴ரே ச பரிபூரகாரீ ஹோதி, தேனஸ்ஸ லாபோ⁴ உப்பஜ்ஜதீதி.
366.Addhamidantiādīsu addhanti ekaṃsādhivacanametaṃ, addhā idaṃ lābhānaṃ, ekaṃso esa lābhānanti vuttaṃ hoti. Yadidaṃ āraññikattanti yo esa āraññikabhāvo. Idaṃ vuttaṃ hoti – āraññikabhāvo nāma lābhānaṃ ekaṃso avassabhāvitā na sakkā āraññikena lābhaṃ na labhitunti. Āraññiko hi bhikkhu ‘‘attano araññavāsassa anucchavikaṃ karissāmī’’ti pāpakaṃ nāma na karoti, athassa ‘‘āraññiko ayaṃ bhikkhū’’ti sañjātagāravo mahājano catupaccayena pūjaṃ karoti. Tena vuttaṃ – ‘‘addhamidaṃ, bhikkhave, lābhānaṃ yadidaṃ āraññikatta’’nti. Sesapadesupi eseva nayo. Ettha pana bāhusaccanti bahussutabhāvo. Thāvareyyanti cirapabbajitattā thāvarappattabhāvo. Ākappasampadāti cīvaraggahaṇādino ākappassa sampatti. Parivārasampadāti suciparivāratā. Kolaputtīti kulaputtabhāvo. Vaṇṇapokkharatāti sampannarūpatā. Kalyāṇavākkaraṇatāti vacanakiriyāya madhurabhāvo. Appābādhatāti ārogyasampatti. Arogo hi bhikkhu attano sarīrakalyāṇatāya vipassanādhure ca ganthadhure ca paripūrakārī hoti, tenassa lābho uppajjatīti.
ஸோளஸ பஸாத³கரத⁴ம்மா நிட்டி²தா.
Soḷasa pasādakaradhammā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 17. பஸாத³கரத⁴ம்மவக்³கோ³ • 17. Pasādakaradhammavaggo
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 17. பஸாத³கரத⁴ம்மவக்³க³வண்ணனா • 17. Pasādakaradhammavaggavaṇṇanā
